Padma Purāṇa 5.53

सुग्रीवस्तु तत्कटकं भग्नं वीक्ष्य रणांगणे । स्वामिनं मूर्च्छितं वापि ययौ योद्धुं नृपं प्रति

sugrīvastu tatkaṭakaṃ bhagnaṃ vīkṣya raṇāṃgaṇe | svāminaṃ mūrcchitaṃ vāpi yayau yoddhuṃ nṛpaṃ prati

Sanskrit only: no published translation is held for this verse.

आगच्छ भूप सर्वान्नो मूर्च्छयित्वा कुतो भवान् । गच्छति क्षिप्रं मां देहि युद्धं रणविशारद

āgaccha bhūpa sarvānno mūrcchayitvā kuto bhavān | gacchati kṣipraṃ māṃ dehi yuddhaṃ raṇaviśārada

Sanskrit only: no published translation is held for this verse.

एवमुक्त्वा नगं कंचिद्विशालं शाखया युतम् । उत्पाट्य प्राहरत्तस्य मस्तके बलसंयुतः

evamuktvā nagaṃ kaṃcidviśālaṃ śākhayā yutam | utpāṭya prāharattasya mastake balasaṃyutaḥ

Sanskrit only: no published translation is held for this verse.

तेन प्रहारेण महाबलो नृपः । संवीक्ष्यसु ग्रीवमथो स्वचापे । बाणान्समाधाय शितान्सरोषा । ज्जघान वक्षस्यतिपौरुषो बली

tena prahāreṇa mahābalo nṛpaḥ | saṃvīkṣyasu grīvamatho svacāpe | bāṇānsamādhāya śitānsaroṣā | jjaghāna vakṣasyatipauruṣo balī

Sanskrit only: no published translation is held for this verse.

तान्बाणान्व्यधमत्सर्वान्सुग्रीवः सहसा हसन् । ताडयामास हृदये सुरथं सुमहाबलः

tānbāṇānvyadhamatsarvānsugrīvaḥ sahasā hasan | tāḍayāmāsa hṛdaye surathaṃ sumahābalaḥ

Sanskrit only: no published translation is held for this verse.

पर्वतैः शिखरैश्चैव नगैर्द्विरदवर्ष्मभिः । वेगात्संताडयामास दारयन्सुरथं नखैः

parvataiḥ śikharaiścaiva nagairdviradavarṣmabhiḥ | vegātsaṃtāḍayāmāsa dārayansurathaṃ nakhaiḥ

Sanskrit only: no published translation is held for this verse.

तमप्याशु बबंधास्त्राद्रामसंज्ञात्सुदारुणात् । बद्धः कपिवरो मेने सुरथं रामसेवकम्

tamapyāśu babaṃdhāstrādrāmasaṃjñātsudāruṇāt | baddhaḥ kapivaro mene surathaṃ rāmasevakam

Sanskrit only: no published translation is held for this verse.

गजो यथायसमयीं शृंखलां पादलंबिताम् । प्राप्य किंचिन्न वै कर्तुं शक्नोति स तथा ह्यभूत्

gajo yathāyasamayīṃ śṛṃkhalāṃ pādalaṃbitām | prāpya kiṃcinna vai kartuṃ śaknoti sa tathā hyabhūt

Sanskrit only: no published translation is held for this verse.

जितं तेन महाराज्ञा सुरथेन सुपुत्रिणा । सर्वान्वीरान्रथे स्थाप्य ययौ स्वनगरं प्रति

jitaṃ tena mahārājñā surathena suputriṇā | sarvānvīrānrathe sthāpya yayau svanagaraṃ prati

Sanskrit only: no published translation is held for this verse.

गत्वा सभायां सुमहान्बद्धं मारुतिमब्रवीत् । स्मर श्रीरघुनाथं त्वं दयालुं भक्तपालकम्

gatvā sabhāyāṃ sumahānbaddhaṃ mārutimabravīt | smara śrīraghunāthaṃ tvaṃ dayāluṃ bhaktapālakam

Sanskrit only: no published translation is held for this verse.

यथा त्वां बंधनात्सद्यो मोचयिष्यति सुष्ठुधीः । नान्यथायुतवर्षेण मोचयिष्यामि बंधनात्

yathā tvāṃ baṃdhanātsadyo mocayiṣyati suṣṭhudhīḥ | nānyathāyutavarṣeṇa mocayiṣyāmi baṃdhanāt

Sanskrit only: no published translation is held for this verse.

इत्युक्तमाकर्ण्य समीरजस्तदा । सुबद्धमात्मानमवेक्ष्य वीरान् । संमूर्च्छिताञ्छत्रुशराभिघात -। पीडायुतान्बंधनमुक्तये स्मरत्

ityuktamākarṇya samīrajastadā | subaddhamātmānamavekṣya vīrān | saṃmūrcchitāñchatruśarābhighāta -| pīḍāyutānbaṃdhanamuktaye smarat

Sanskrit only: no published translation is held for this verse.

श्रीरामचंद्रं रघुवंशजातं सीतापतिं पंकजपत्रनेत्रम् । स्वमुक्तये बंधनतः कृपालुं सस्मार सर्वैः करणैर्विशोकैः

śrīrāmacaṃdraṃ raghuvaṃśajātaṃ sītāpatiṃ paṃkajapatranetram | svamuktaye baṃdhanataḥ kṛpāluṃ sasmāra sarvaiḥ karaṇairviśokaiḥ

Sanskrit only: no published translation is held for this verse.

हनूमानुवाच। हा नाथ हा नरवरोत्तम हा दयालो । सीतापते रुचिरकुंतलशोभिवक्त्र । भक्तार्तिदाहक मनोहररूपधारिन् । मां बंधनात्सपदि मोचय मा विलंबम्

hanūmānuvāca| hā nātha hā naravarottama hā dayālo | sītāpate rucirakuṃtalaśobhivaktra | bhaktārtidāhaka manohararūpadhārin | māṃ baṃdhanātsapadi mocaya mā vilaṃbam

Sanskrit only: no published translation is held for this verse.

संमोचितास्तु भवता गजपुंगवाद्याः । देवाश्च दानवकुलाग्नि सुदह्यमानाः । तत्सुंदरीशिरसिसंस्थितकेशबंधः । संमोचितस्तु करुणालय मां स्मरस्व

saṃmocitāstu bhavatā gajapuṃgavādyāḥ | devāśca dānavakulāgni sudahyamānāḥ | tatsuṃdarīśirasisaṃsthitakeśabaṃdhaḥ | saṃmocitastu karuṇālaya māṃ smarasva

Sanskrit only: no published translation is held for this verse.

त्वं यागकर्मनिरतोऽसि मुनीश्वरेंद्रै । र्धर्मं विचारयसि भूमिपतीड्यपाद । अत्राहमद्य सुरथेन विगाढपाश -। बद्धोस्मि मोचय महापुरुषाशु देव

tvaṃ yāgakarmanirato'si munīśvareṃdrai | rdharmaṃ vicārayasi bhūmipatīḍyapāda | atrāhamadya surathena vigāḍhapāśa -| baddhosmi mocaya mahāpuruṣāśu deva

Sanskrit only: no published translation is held for this verse.

नो मोचयस्यथ यदि स्मरणातिरेकात् । त्वं सर्वदेववरपूजितपादपद्म । लोको भवंतमिदमुल्लसितोऽहसिष्य -। त्तस्माद्विलंबमिह माचर मोचयाशु

no mocayasyatha yadi smaraṇātirekāt | tvaṃ sarvadevavarapūjitapādapadma | loko bhavaṃtamidamullasito'hasiṣya -| ttasmādvilaṃbamiha mācara mocayāśu

Sanskrit only: no published translation is held for this verse.

इति श्रुत्वा जगन्नाथो रघुवीरः कृपानिधिः । भक्तं मोचयितुं प्रागात्पुष्पकेणाशुवेगिना

iti śrutvā jagannātho raghuvīraḥ kṛpānidhiḥ | bhaktaṃ mocayituṃ prāgātpuṣpakeṇāśuveginā

Sanskrit only: no published translation is held for this verse.

लक्ष्मणेनानुगेनाथ भरतेन सुशोभितम् । मुनिवृंदैर्व्यासमुख्यैः समेतं ददृशे कपिः

lakṣmaṇenānugenātha bharatena suśobhitam | munivṛṃdairvyāsamukhyaiḥ sametaṃ dadṛśe kapiḥ

Sanskrit only: no published translation is held for this verse.

तमागतं निजं नाथं वीक्ष्य भूपं समब्रवीत् । पश्य राजन्निजं मोक्तुमायातं कृपया हरिम्

tamāgataṃ nijaṃ nāthaṃ vīkṣya bhūpaṃ samabravīt | paśya rājannijaṃ moktumāyātaṃ kṛpayā harim

Sanskrit only: no published translation is held for this verse.

अनेके मोचिताः पूर्वं स्मरणात्सेवका निजाः । तथा मां पाशतो बद्धं संमोचयितुमागतः

aneke mocitāḥ pūrvaṃ smaraṇātsevakā nijāḥ | tathā māṃ pāśato baddhaṃ saṃmocayitumāgataḥ

Sanskrit only: no published translation is held for this verse.

श्रीरामभद्रमायांतं वीक्ष्यासौ सुरथः क्षणात् । नतीश्च शतशश्चक्रे भक्तिपूरपरिप्लुतः

śrīrāmabhadramāyāṃtaṃ vīkṣyāsau surathaḥ kṣaṇāt | natīśca śataśaścakre bhaktipūrapariplutaḥ

Sanskrit only: no published translation is held for this verse.

श्रीरामस्तं निजैर्दोर्भिः परिरेभे चतुर्भुजः । मूर्ध्नि सिंचन्नश्रुजलैर्हर्षाद्भक्तं स्वकं मुहुः

śrīrāmastaṃ nijairdorbhiḥ parirebhe caturbhujaḥ | mūrdhni siṃcannaśrujalairharṣādbhaktaṃ svakaṃ muhuḥ

Sanskrit only: no published translation is held for this verse.

उवाच धन्यदेहोऽसि महत्कर्म कृतं त्वया । कपीश्वरस्त्वया बद्धो हनूमान्सर्वतो बलः

uvāca dhanyadeho'si mahatkarma kṛtaṃ tvayā | kapīśvarastvayā baddho hanūmānsarvato balaḥ

Sanskrit only: no published translation is held for this verse.

श्रीरामः कपिवर्यं तं मोचयामास बंधनात् । मूर्छितांस्तान्भटान्सर्वान्वीक्ष्य दृष्ट्या स्वजीवयत्

śrīrāmaḥ kapivaryaṃ taṃ mocayāmāsa baṃdhanāt | mūrchitāṃstānbhaṭānsarvānvīkṣya dṛṣṭyā svajīvayat

Sanskrit only: no published translation is held for this verse.

ते मूर्च्छां तत्यजुर्दृष्टा रामेण सुरसेविना । उत्थिता ददृशुः श्रीमद्रामचंद्रं मनोरमम्

te mūrcchāṃ tatyajurdṛṣṭā rāmeṇa surasevinā | utthitā dadṛśuḥ śrīmadrāmacaṃdraṃ manoramam

Sanskrit only: no published translation is held for this verse.

प्रणतास्ते रघुपतिं तेन पृष्टा अनामयम् । सुखीभूता नृपं प्रोचुः सर्वं स्वकुशलं नृपाः

praṇatāste raghupatiṃ tena pṛṣṭā anāmayam | sukhībhūtā nṛpaṃ procuḥ sarvaṃ svakuśalaṃ nṛpāḥ

Sanskrit only: no published translation is held for this verse.

सुरथो वीक्ष्य रामं च कृपार्थं सेवकात्मनः । आगतं सकलं राज्यं सहयं सुमुदार्पयत्

suratho vīkṣya rāmaṃ ca kṛpārthaṃ sevakātmanaḥ | āgataṃ sakalaṃ rājyaṃ sahayaṃ sumudārpayat

Sanskrit only: no published translation is held for this verse.

अनेकवरिवस्याभिः श्रीरामं समतोषयत् । कथयामास मेऽन्याय्यं कृतं ते क्षम राघव । श्रीरामस्तमुवाचाथ कृतं ते वाहरक्षणम्

anekavarivasyābhiḥ śrīrāmaṃ samatoṣayat | kathayāmāsa me'nyāyyaṃ kṛtaṃ te kṣama rāghava | śrīrāmastamuvācātha kṛtaṃ te vāharakṣaṇam

Sanskrit only: no published translation is held for this verse.

क्षत्त्रियाणामयं धर्मः स्वामिना सह युद्ध्यते । त्वया साधुकृतं कर्म रणे वीराः प्रतोषिताः

kṣattriyāṇāmayaṃ dharmaḥ svāminā saha yuddhyate | tvayā sādhukṛtaṃ karma raṇe vīrāḥ pratoṣitāḥ

Sanskrit only: no published translation is held for this verse.

इत्युक्तवंतं नृहरिं पूजयन्ससुतोऽभवत् । श्रीरामस्त्रिदिनं स्थित्वा ययौ तमनुमंत्र्य च

ityuktavaṃtaṃ nṛhariṃ pūjayansasuto'bhavat | śrīrāmastridinaṃ sthitvā yayau tamanumaṃtrya ca

Sanskrit only: no published translation is held for this verse.

कामगेन विमानेन मुनिभिः सहितो महान् । तं दृष्ट्वा विस्मितास्तस्य कथाश्चक्रुर्मनोहराः

kāmagena vimānena munibhiḥ sahito mahān | taṃ dṛṣṭvā vismitāstasya kathāścakrurmanoharāḥ

Sanskrit only: no published translation is held for this verse.

चंपकं स्वपुरे स्थाप्य सुरथः क्षत्रियो बली । शत्रुघ्नेन समं यातुं मनश्चक्रे महाबलः

caṃpakaṃ svapure sthāpya surathaḥ kṣatriyo balī | śatrughnena samaṃ yātuṃ manaścakre mahābalaḥ

Sanskrit only: no published translation is held for this verse.

शत्रुघ्नः स्वहयं प्राप्य भेरीनादानकारयत् । शंखनादान्बहुविधान्सर्वत्र समवादयत्

śatrughnaḥ svahayaṃ prāpya bherīnādānakārayat | śaṃkhanādānbahuvidhānsarvatra samavādayat

Sanskrit only: no published translation is held for this verse.

सुरथेन समं वीरो यज्ञवाहममूमुचत् । स बभ्रामापरान्देशान्न कोपि जगृहे बली

surathena samaṃ vīro yajñavāhamamūmucat | sa babhrāmāparāndeśānna kopi jagṛhe balī

Sanskrit only: no published translation is held for this verse.

यत्रयत्र गतो वाहस्तत्रतत्र परिभ्रमन् । सैन्येन महता यातः शत्रुघ्नः सुरथेन च

yatrayatra gato vāhastatratatra paribhraman | sainyena mahatā yātaḥ śatrughnaḥ surathena ca

Sanskrit only: no published translation is held for this verse.

कदाचिज्जाह्नवीतीरे वाल्मीकेराश्रमं वरम् । गतो मुनिवरैर्जुष्टं प्रातर्धूमेन चिह्नितम्

kadācijjāhnavītīre vālmīkerāśramaṃ varam | gato munivarairjuṣṭaṃ prātardhūmena cihnitam

Sanskrit only: no published translation is held for this verse.

इति श्रीपद्मपुराणे पातालखण्डे शेषवात्स्यायनसंवादे रामाश्वमेधे रघुनाथसमागमोनाम त्रिपंचाशत्तमोऽध्यायः

iti śrīpadmapurāṇe pātālakhaṇḍe śeṣavātsyāyanasaṃvāde rāmāśvamedhe raghunāthasamāgamonāma tripaṃcāśattamo'dhyāyaḥ

Sanskrit only: no published translation is held for this verse.