Library·Padma Purāṇa·5·5.55
व्यास उवाच। एतां श्रुत्वा कथां रम्यां लवस्य बलिनो मुनिः । संशयानः पर्यपृच्छन्नागं दशशताननम्
vyāsa uvāca| etāṃ śrutvā kathāṃ ramyāṃ lavasya balino muniḥ | saṃśayānaḥ paryapṛcchannāgaṃ daśaśatānanam
Sanskrit only: no published translation is held for this verse.
श्रीवात्स्यायन उवाच। त्वयोक्तं तु पुरा रामः सीतामेकाकिनीं वने । रजकस्य दुरुक्त्यासौ तत्याज महि लोलुपः
śrīvātsyāyana uvāca| tvayoktaṃ tu purā rāmaḥ sītāmekākinīṃ vane | rajakasya duruktyāsau tatyāja mahi lolupaḥ
Sanskrit only: no published translation is held for this verse.
जानक्यां क्व सुतौ जातौ क्व धनुर्धरतां गतौ । कथं च शिक्षिता विद्या यो रामहयमाहरत्
jānakyāṃ kva sutau jātau kva dhanurdharatāṃ gatau | kathaṃ ca śikṣitā vidyā yo rāmahayamāharat
Sanskrit only: no published translation is held for this verse.
व्यास उवाच। इति श्रुत्वा मुनेर्वाक्यं शेषो नागो महामतिः । प्रशस्य विप्रं जगदे रामचारित्रमद्भुतम्
vyāsa uvāca| iti śrutvā munervākyaṃ śeṣo nāgo mahāmatiḥ | praśasya vipraṃ jagade rāmacāritramadbhutam
Sanskrit only: no published translation is held for this verse.
शेष उवाच। रामो राज्यमयोध्यायां भ्रातृभिः सहितोऽकरोत् । धर्मेण पालयन्सर्वं क्षितिखंडं स्वया स्त्रिया
śeṣa uvāca| rāmo rājyamayodhyāyāṃ bhrātṛbhiḥ sahito'karot | dharmeṇa pālayansarvaṃ kṣitikhaṃḍaṃ svayā striyā
Sanskrit only: no published translation is held for this verse.
सीता दधार तद्वीर्यं मासाः पंचाभवंस्तदा । अत्यंतं शुशुभे देवी त्रयीव पुरुषं धरा
sītā dadhāra tadvīryaṃ māsāḥ paṃcābhavaṃstadā | atyaṃtaṃ śuśubhe devī trayīva puruṣaṃ dharā
Sanskrit only: no published translation is held for this verse.
कदाचित्समये रामः पप्रच्छ च विदेहजाम् । कीदृशो दोहदः साध्वि मया ते साध्यते हि सः
kadācitsamaye rāmaḥ papraccha ca videhajām | kīdṛśo dohadaḥ sādhvi mayā te sādhyate hi saḥ
Sanskrit only: no published translation is held for this verse.
रहस्येव तु सा पृष्टा त्रपमाणा पतिं सती । लज्जा गद्गद वाग्रामं निजगाद वचोऽमृतम्
rahasyeva tu sā pṛṣṭā trapamāṇā patiṃ satī | lajjā gadgada vāgrāmaṃ nijagāda vaco'mṛtam
Sanskrit only: no published translation is held for this verse.
सीतोवाच। त्वत्कृपातो मया सर्वं भुक्तं भोक्ष्यामि शोभनम् । न कश्चिन्मानसे कांत विषयो ह्यतिरिच्यते
sītovāca| tvatkṛpāto mayā sarvaṃ bhuktaṃ bhokṣyāmi śobhanam | na kaścinmānase kāṃta viṣayo hyatiricyate
Sanskrit only: no published translation is held for this verse.
यस्याभवादृशः स्वामी देवसंस्तुतसत्पदः । तस्याः सर्वं वरीवर्ति न किंचिदवशिष्यते
yasyābhavādṛśaḥ svāmī devasaṃstutasatpadaḥ | tasyāḥ sarvaṃ varīvarti na kiṃcidavaśiṣyate
Sanskrit only: no published translation is held for this verse.
त्वमाग्रहात्पृच्छसि मां दोहदं मनसि स्थितम् । ब्रवीमि पुरतः सत्यं तव स्वामिन्मनोहर
tvamāgrahātpṛcchasi māṃ dohadaṃ manasi sthitam | bravīmi purataḥ satyaṃ tava svāminmanohara
Sanskrit only: no published translation is held for this verse.
चिरं जातं मया सत्यो लोपामुद्रादिकाः स्त्रियः । दृष्ट्वा स्वामिन्मनो द्रष्टुं ता उत्सुकति सुंदरीः
ciraṃ jātaṃ mayā satyo lopāmudrādikāḥ striyaḥ | dṛṣṭvā svāminmano draṣṭuṃ tā utsukati suṃdarīḥ
Sanskrit only: no published translation is held for this verse.
राज्यं प्राप्ता त्वया सार्द्धमनेकसुखमास्थिता । कृतघ्नाहं कदापीह ता नमस्कर्तुमानसा
rājyaṃ prāptā tvayā sārddhamanekasukhamāsthitā | kṛtaghnāhaṃ kadāpīha tā namaskartumānasā
Sanskrit only: no published translation is held for this verse.
तत्र गत्वा तपःकोशान्वस्त्राद्यैः परिपूजये । रत्नानि चैव भास्वंति भूषा अपि समर्पये
tatra gatvā tapaḥkośānvastrādyaiḥ paripūjaye | ratnāni caiva bhāsvaṃti bhūṣā api samarpaye
Sanskrit only: no published translation is held for this verse.
यथा मे तोषिताः सत्यो ददत्याशीर्मनोहराः । एष मे दोहदः कांत परिपूरय मानसः
yathā me toṣitāḥ satyo dadatyāśīrmanoharāḥ | eṣa me dohadaḥ kāṃta paripūraya mānasaḥ
Sanskrit only: no published translation is held for this verse.
इत्थमाकर्ण्य वचनं सीतायाः सुमनोहरम् । जगाद परमप्रीतो रामचंद्रः प्रियां प्रति
itthamākarṇya vacanaṃ sītāyāḥ sumanoharam | jagāda paramaprīto rāmacaṃdraḥ priyāṃ prati
Sanskrit only: no published translation is held for this verse.
धन्यासि जानकी प्रातर्गमिष्यसि तपोधनाः । प्रेक्ष्यतास्तु कृतार्था त्वमागमिष्यसि मेंऽतिकम्
dhanyāsi jānakī prātargamiṣyasi tapodhanāḥ | prekṣyatāstu kṛtārthā tvamāgamiṣyasi meṃ'tikam
Sanskrit only: no published translation is held for this verse.
इति रामवचः श्रुत्वा परमां प्रीतिमाप सा । प्रातर्मम भवत्यद्धा तापसीनां समीक्षणम्
iti rāmavacaḥ śrutvā paramāṃ prītimāpa sā | prātarmama bhavatyaddhā tāpasīnāṃ samīkṣaṇam
Sanskrit only: no published translation is held for this verse.
अथ तन्निशि रामेण चाराः कीर्तिं निजां श्रुताम् । प्रेक्षितुं प्रेषितास्ते तु निशीथे ह्यगमनञ्छनैः
atha tanniśi rāmeṇa cārāḥ kīrtiṃ nijāṃ śrutām | prekṣituṃ preṣitāste tu niśīthe hyagamanañchanaiḥ
Sanskrit only: no published translation is held for this verse.
ते प्रत्यहं रामकथाः शृण्वंतः सुमनोहराः । तद्दिने गतवंतस्तु धनाढ्यस्य गृहं महत्
te pratyahaṃ rāmakathāḥ śṛṇvaṃtaḥ sumanoharāḥ | taddine gatavaṃtastu dhanāḍhyasya gṛhaṃ mahat
Sanskrit only: no published translation is held for this verse.
दीपं वीक्ष्य प्रज्वलंतं वचनं वीक्ष्य मानुषम् । स्थितास्तत्र क्षणं चाराः समशृण्वन्यशो भृशम्
dīpaṃ vīkṣya prajvalaṃtaṃ vacanaṃ vīkṣya mānuṣam | sthitāstatra kṣaṇaṃ cārāḥ samaśṛṇvanyaśo bhṛśam
Sanskrit only: no published translation is held for this verse.
तत्र काचन वामाक्षी बालकं प्रति हर्षिता । स्तनं धयंतं निजगौ वाक्यं तु सुमनोहरम्
tatra kācana vāmākṣī bālakaṃ prati harṣitā | stanaṃ dhayaṃtaṃ nijagau vākyaṃ tu sumanoharam
Sanskrit only: no published translation is held for this verse.
पिब पुत्र यथेष्टं त्वं स्तन्यं मम मनोहरम् । पश्चात्तव सुदुष्प्रापं भविष्यति ममात्मज
piba putra yatheṣṭaṃ tvaṃ stanyaṃ mama manoharam | paścāttava suduṣprāpaṃ bhaviṣyati mamātmaja
Sanskrit only: no published translation is held for this verse.
एतत्पुर्याः पती रामो नीलोत्पलदलप्रभः । तत्पुरीस्थजनानां तु न भविष्यति वै जनुः
etatpuryāḥ patī rāmo nīlotpaladalaprabhaḥ | tatpurīsthajanānāṃ tu na bhaviṣyati vai januḥ
Sanskrit only: no published translation is held for this verse.
जन्माभावात्कथं पानं स्तन्यस्य भुवि जायते । तस्मात्पिब मुहुः स्तन्यं दुर्ल्लभं हृदि मन्य च
janmābhāvātkathaṃ pānaṃ stanyasya bhuvi jāyate | tasmātpiba muhuḥ stanyaṃ durllabhaṃ hṛdi manya ca
Sanskrit only: no published translation is held for this verse.
ये श्रीरामं स्मरिष्यंति ध्यायंति च वदंति ये । तेषामपि पयःपानं न भविष्यति जातुचित्
ye śrīrāmaṃ smariṣyaṃti dhyāyaṃti ca vadaṃti ye | teṣāmapi payaḥpānaṃ na bhaviṣyati jātucit
Sanskrit only: no published translation is held for this verse.
इत्यादिवाक्यं संश्रुत्य श्रीरामयशसोऽमृतम् । हर्षिताः प्रययुर्गेहमन्यद्भाग्यवतो महत्
ityādivākyaṃ saṃśrutya śrīrāmayaśaso'mṛtam | harṣitāḥ prayayurgehamanyadbhāgyavato mahat
Sanskrit only: no published translation is held for this verse.
तावदन्यश्चरस्तत्र मनोरममिदं गृहम् । मत्वा तिष्ठन्हि रामस्य क्षणं शुश्रूषया यशः
tāvadanyaścarastatra manoramamidaṃ gṛham | matvā tiṣṭhanhi rāmasya kṣaṇaṃ śuśrūṣayā yaśaḥ
Sanskrit only: no published translation is held for this verse.
तत्र काचिन्निजं कांतं पर्यंकोपरि सुस्थितम् । तांबूलं चर्वती दत्तं भर्त्तास्नेहेन सुंदरी
tatra kācinnijaṃ kāṃtaṃ paryaṃkopari susthitam | tāṃbūlaṃ carvatī dattaṃ bharttāsnehena suṃdarī
Sanskrit only: no published translation is held for this verse.
कंकणस्वरशोभाढ्या कर्पूरागरुधूपिता । कांतं वीक्ष्य चलन्नेत्रा कामरूपमवोचत
kaṃkaṇasvaraśobhāḍhyā karpūrāgarudhūpitā | kāṃtaṃ vīkṣya calannetrā kāmarūpamavocata
Sanskrit only: no published translation is held for this verse.
नाथ त्वं तादृशो मह्यं भासि यादृग्रघोः पतिः । अत्यंतं सुंदरतरं वपुर्बिभ्रत्सुकोमलम्
nātha tvaṃ tādṛśo mahyaṃ bhāsi yādṛgraghoḥ patiḥ | atyaṃtaṃ suṃdarataraṃ vapurbibhratsukomalam
Sanskrit only: no published translation is held for this verse.
पद्मप्रांतं नेत्रयुग्मं वक्षो मोहनविस्तृतम् । भुजौ च सांगदौ बिभ्रत्साक्षाद्राम इवासि मे
padmaprāṃtaṃ netrayugmaṃ vakṣo mohanavistṛtam | bhujau ca sāṃgadau bibhratsākṣādrāma ivāsi me
Sanskrit only: no published translation is held for this verse.
इति वाक्यं समाकर्ण्य कांतायाः सुमनोहरम् । उवाच नेत्रयोः प्रांतं नर्तयन्कामसुंदरः
iti vākyaṃ samākarṇya kāṃtāyāḥ sumanoharam | uvāca netrayoḥ prāṃtaṃ nartayankāmasuṃdaraḥ
Sanskrit only: no published translation is held for this verse.
शृणु कांते त्वया प्रोक्तं साध्व्या तु सुमनोहरम् । पतिव्रतानां तद्योग्यं स्वकांतो राम एव हि
śṛṇu kāṃte tvayā proktaṃ sādhvyā tu sumanoharam | pativratānāṃ tadyogyaṃ svakāṃto rāma eva hi
Sanskrit only: no published translation is held for this verse.
परं क्वाहं मंदभाग्यः क्व रामो भाग्यवान्महान् । क्व चाहं कीटवत्तुच्छः क्व ब्रह्मादिसुरार्चितः
paraṃ kvāhaṃ maṃdabhāgyaḥ kva rāmo bhāgyavānmahān | kva cāhaṃ kīṭavattucchaḥ kva brahmādisurārcitaḥ
Sanskrit only: no published translation is held for this verse.
खद्योतः क्व नभोरत्नं शलभः क्व नु पामरः । गजारिः क्व मृगेंद्रोऽसौ शशकः क्व नु मंदधीः
khadyotaḥ kva nabhoratnaṃ śalabhaḥ kva nu pāmaraḥ | gajāriḥ kva mṛgeṃdro'sau śaśakaḥ kva nu maṃdadhīḥ
Sanskrit only: no published translation is held for this verse.
क्व च सा जाह्नवी देवी क्व रथ्या जलमुत्पथम् । क्व मेरुः सुरसंवासः क्व गुंजापुंजकोल्पकः
kva ca sā jāhnavī devī kva rathyā jalamutpatham | kva meruḥ surasaṃvāsaḥ kva guṃjāpuṃjakolpakaḥ
Sanskrit only: no published translation is held for this verse.
तथाहं क्व क्व रामोऽसौ यत्पादरजसांगना । शिलीभूता क्षणाज्जाता ब्रह्ममोहनरूपधृक्
tathāhaṃ kva kva rāmo'sau yatpādarajasāṃganā | śilībhūtā kṣaṇājjātā brahmamohanarūpadhṛk
Sanskrit only: no published translation is held for this verse.
इति वाक्यं प्रब्रुवाणं परिरेभे निजं पतिम् । जातकामा हृतप्रेम्णा नर्तित भ्रू धनुर्धरा
iti vākyaṃ prabruvāṇaṃ parirebhe nijaṃ patim | jātakāmā hṛtapremṇā nartita bhrū dhanurdharā
Sanskrit only: no published translation is held for this verse.
इत्यादि वाक्यं संश्रुत्य गतश्चान्यनिवेशनम् । तावदन्यश्चरो वाक्यं शुश्राव यशसान्वितम्
ityādi vākyaṃ saṃśrutya gataścānyaniveśanam | tāvadanyaścaro vākyaṃ śuśrāva yaśasānvitam
Sanskrit only: no published translation is held for this verse.
काचित्पुष्पमयीं शय्यां चंदनं सह चंद्रकम् । सर्वं विधाय कामार्हं जगाद वचनं पतिम्
kācitpuṣpamayīṃ śayyāṃ caṃdanaṃ saha caṃdrakam | sarvaṃ vidhāya kāmārhaṃ jagāda vacanaṃ patim
Sanskrit only: no published translation is held for this verse.
पते कुरुष्व भोगार्हे शयनं पुष्पमंचके । चंदनादिकलेपं च तथा भोगमनेकधा
pate kuruṣva bhogārhe śayanaṃ puṣpamaṃcake | caṃdanādikalepaṃ ca tathā bhogamanekadhā
Sanskrit only: no published translation is held for this verse.
त्वादृशा एव भोगार्हा न च रामपराङ्मुखाः । सर्वं रामकृपाप्राप्तमुपभुंक्ष्व यथातथम्
tvādṛśā eva bhogārhā na ca rāmaparāṅmukhāḥ | sarvaṃ rāmakṛpāprāptamupabhuṃkṣva yathātatham
Sanskrit only: no published translation is held for this verse.
मत्सदृशी कामिनी ते चंदनं तापहारकम् । पर्यंकः पुष्परचितः सर्वं रामकृपाभवम्
matsadṛśī kāminī te caṃdanaṃ tāpahārakam | paryaṃkaḥ puṣparacitaḥ sarvaṃ rāmakṛpābhavam
Sanskrit only: no published translation is held for this verse.
ये रामं न भजिष्यंति ते नरा जठरं स्वयम् । न भर्तुं शक्नुवंत्येव वस्त्रभोगादि वर्जिताः
ye rāmaṃ na bhajiṣyaṃti te narā jaṭharaṃ svayam | na bhartuṃ śaknuvaṃtyeva vastrabhogādi varjitāḥ
Sanskrit only: no published translation is held for this verse.
इति ब्रुवंतीं महिलां हर्षितः पतिरब्रवीत् । सर्वं तथ्यं ब्रवीषि त्वं मम रामकृपाभवम्
iti bruvaṃtīṃ mahilāṃ harṣitaḥ patirabravīt | sarvaṃ tathyaṃ bravīṣi tvaṃ mama rāmakṛpābhavam
Sanskrit only: no published translation is held for this verse.
इत्येवं रामभद्रस्य यशः श्रुत्वा गतश्चरः । तावदन्यस्य वेश्मस्थश्चरोऽन्य शुश्रुवे वचः
ityevaṃ rāmabhadrasya yaśaḥ śrutvā gataścaraḥ | tāvadanyasya veśmasthaścaro'nya śuśruve vacaḥ
Sanskrit only: no published translation is held for this verse.
काचित्कांतेन पर्यंके वीणावादनतत्परा । कांतेन रामसत्कीर्तिं गायमाना पतिं जगौ
kācitkāṃtena paryaṃke vīṇāvādanatatparā | kāṃtena rāmasatkīrtiṃ gāyamānā patiṃ jagau
Sanskrit only: no published translation is held for this verse.
स्वामिन्वयं धन्यतमा येषां पुर्याः पतिः प्रभुः । श्रीरामः स्वप्रजाः पुत्रानिव पाति च रक्षकः
svāminvayaṃ dhanyatamā yeṣāṃ puryāḥ patiḥ prabhuḥ | śrīrāmaḥ svaprajāḥ putrāniva pāti ca rakṣakaḥ
Sanskrit only: no published translation is held for this verse.
यो महत्कर्मदुःसाध्यं कृतवान्सुलभं न तत् । समुद्रं यो निजग्राह सेतुं तत्र बबंध च
yo mahatkarmaduḥsādhyaṃ kṛtavānsulabhaṃ na tat | samudraṃ yo nijagrāha setuṃ tatra babaṃdha ca
Sanskrit only: no published translation is held for this verse.
रावणं यो रिपुं हत्वा लंकां संभज्य वानरैः । जानकीमाजहारात्र महदाचारमाचरत्
rāvaṇaṃ yo ripuṃ hatvā laṃkāṃ saṃbhajya vānaraiḥ | jānakīmājahārātra mahadācāramācarat
Sanskrit only: no published translation is held for this verse.
इति प्रोक्तं समाकर्ण्य वचः सुमधुराक्षरम् । पतिः स्मितं चकारेमां वाक्यं पुनरथाब्रवीत्
iti proktaṃ samākarṇya vacaḥ sumadhurākṣaram | patiḥ smitaṃ cakāremāṃ vākyaṃ punarathābravīt
Sanskrit only: no published translation is held for this verse.
मुग्धेनेदं महत्कर्म रामचंद्रस्य भामिनी । दशाननवधादीनि समुद्र दमनानि च
mugdhenedaṃ mahatkarma rāmacaṃdrasya bhāminī | daśānanavadhādīni samudra damanāni ca
Sanskrit only: no published translation is held for this verse.
लीलयायोऽवनिं प्राप्तो ब्रह्मादिप्रार्थितो महान् । करोति सच्चरित्राणि महापापहराणि च
līlayāyo'vaniṃ prāpto brahmādiprārthito mahān | karoti saccaritrāṇi mahāpāpaharāṇi ca
Sanskrit only: no published translation is held for this verse.
मा जानीहि नरं रामं कौसल्यानंददायकम् । सृजत्यवति हंत्येतद्विश्वं लीलात्तमानुषः
mā jānīhi naraṃ rāmaṃ kausalyānaṃdadāyakam | sṛjatyavati haṃtyetadviśvaṃ līlāttamānuṣaḥ
Sanskrit only: no published translation is held for this verse.
धन्या वयं ये रामस्य पश्यामो मुखपंकजम् । ब्रह्मादिसुरदुर्दर्शं महत्पुण्यकृतो वयम्
dhanyā vayaṃ ye rāmasya paśyāmo mukhapaṃkajam | brahmādisuradurdarśaṃ mahatpuṇyakṛto vayam
Sanskrit only: no published translation is held for this verse.
अशृणोद्रामचंद्रस्य चरित्रं श्रुतिसौख्यदम् । इत्यादिवाक्यं शुश्राव चारो द्वारिस्थितो मुहुः
aśṛṇodrāmacaṃdrasya caritraṃ śrutisaukhyadam | ityādivākyaṃ śuśrāva cāro dvāristhito muhuḥ
Sanskrit only: no published translation is held for this verse.
अन्यो ह्यन्यं गृहं गत्वा तस्थौ श्रोतुं हरेर्यशः । तत्रापि रामभद्रस्य यशः शुश्राव शोभनम्
anyo hyanyaṃ gṛhaṃ gatvā tasthau śrotuṃ hareryaśaḥ | tatrāpi rāmabhadrasya yaśaḥ śuśrāva śobhanam
Sanskrit only: no published translation is held for this verse.
खेलंती स्वामिना सार्धं द्यूतेन सुमनोहरा । उवाच वाक्यं मधुरं नर्तयंतीव कंकणे
khelaṃtī svāminā sārdhaṃ dyūtena sumanoharā | uvāca vākyaṃ madhuraṃ nartayaṃtīva kaṃkaṇe
Sanskrit only: no published translation is held for this verse.
जितं मया कांत जवेन सर्वं । करिष्यसि त्वं किमु हारिमानसः । इत्यादि वाक्यं परिहासपूर्वकं । कृत्वा स्वकांतं परिषस्वजे मुदा
jitaṃ mayā kāṃta javena sarvaṃ | kariṣyasi tvaṃ kimu hārimānasaḥ | ityādi vākyaṃ parihāsapūrvakaṃ | kṛtvā svakāṃtaṃ pariṣasvaje mudā
Sanskrit only: no published translation is held for this verse.
उवाच कांतश्चार्वंगि जितमेव सुशोभने । रामं मे स्मरतो नित्यं न कुत्रापि पराजयः
uvāca kāṃtaścārvaṃgi jitameva suśobhane | rāmaṃ me smarato nityaṃ na kutrāpi parājayaḥ
Sanskrit only: no published translation is held for this verse.
इदानीं त्वां तु जेष्यामि रामं स्मृत्वा मनोहरम् । देवा यथा पुरा स्मृत्वा दितिजानजयन्क्षणात्
idānīṃ tvāṃ tu jeṣyāmi rāmaṃ smṛtvā manoharam | devā yathā purā smṛtvā ditijānajayankṣaṇāt
Sanskrit only: no published translation is held for this verse.
एवमुक्त्वा पाशकानां परिवर्तनमाकरोत् । तावज्जयं प्रपेदेऽसौ हर्षितो वाक्यमब्रवीत्
evamuktvā pāśakānāṃ parivartanamākarot | tāvajjayaṃ prapede'sau harṣito vākyamabravīt
Sanskrit only: no published translation is held for this verse.
मम प्रोक्तमृतं जातं जिता त्वं नवयौवना । रामस्मारी कदाप्येव न भवेद्रिपुतो भयी
mama proktamṛtaṃ jātaṃ jitā tvaṃ navayauvanā | rāmasmārī kadāpyeva na bhavedriputo bhayī
Sanskrit only: no published translation is held for this verse.
इत्येवं तौ वदंतौ च परस्परमथोत्सुकौ । परिरभ्य दृढं प्रेम्णा ततश्चारो गतो गृहम्
ityevaṃ tau vadaṃtau ca parasparamathotsukau | parirabhya dṛḍhaṃ premṇā tataścāro gato gṛham
Sanskrit only: no published translation is held for this verse.
एवं पंचमहाचारा राज्ञः संश्रुत्य वै यशः । परस्परं प्रशंसंतो गेहं स्वं स्वं ययुर्मुदा
evaṃ paṃcamahācārā rājñaḥ saṃśrutya vai yaśaḥ | parasparaṃ praśaṃsaṃto gehaṃ svaṃ svaṃ yayurmudā
Sanskrit only: no published translation is held for this verse.
एकः षष्ठश्चरः कारुगेहानालोक्य तत्र ह । जगाम श्रोतुकामोऽसौ यशो राज्ञो महीपतेः
ekaḥ ṣaṣṭhaścaraḥ kārugehānālokya tatra ha | jagāma śrotukāmo'sau yaśo rājño mahīpateḥ
Sanskrit only: no published translation is held for this verse.
रजकः क्रोधसंस्पृष्टो भार्यामन्यगृहोषिताम् । पदा संताडयामास धिक्कुर्वञ्छोणनेत्रवान्
rajakaḥ krodhasaṃspṛṣṭo bhāryāmanyagṛhoṣitām | padā saṃtāḍayāmāsa dhikkurvañchoṇanetravān
Sanskrit only: no published translation is held for this verse.
गच्छ त्वं मद्गृहात्तस्य गेहं यत्रोषिता दिनम् । नाहं गृह्णामि भवतीं दुष्टां वचनलंघिनीम्
gaccha tvaṃ madgṛhāttasya gehaṃ yatroṣitā dinam | nāhaṃ gṛhṇāmi bhavatīṃ duṣṭāṃ vacanalaṃghinīm
Sanskrit only: no published translation is held for this verse.
तदास्य माता प्रोवाच मा त्यजैनां गृहागताम् । अपराधेन रहितां दुष्टकर्मविवर्जिताम्
tadāsya mātā provāca mā tyajaināṃ gṛhāgatām | aparādhena rahitāṃ duṣṭakarmavivarjitām
Sanskrit only: no published translation is held for this verse.
मातरं प्रत्युवाचाथ रजकः क्रोधसंयुतः । नाहं रामइव प्रेष्ठां गृह्णाम्यन्यगृहोषिताम्
mātaraṃ pratyuvācātha rajakaḥ krodhasaṃyutaḥ | nāhaṃ rāmaiva preṣṭhāṃ gṛhṇāmyanyagṛhoṣitām
Sanskrit only: no published translation is held for this verse.
स राजा यत्करोत्येव तत्सर्वं नीतिमद्भवेत् । अहं गृह्णामि नो भार्यां परवेश्मनि संस्थिताम्
sa rājā yatkarotyeva tatsarvaṃ nītimadbhavet | ahaṃ gṛhṇāmi no bhāryāṃ paraveśmani saṃsthitām
Sanskrit only: no published translation is held for this verse.
पुनःपुनरुवाचेदं नाहं रामो महीश्वरः । यः परस्य गृहे संस्थां जानकीं वै ररक्ष सः
punaḥpunaruvācedaṃ nāhaṃ rāmo mahīśvaraḥ | yaḥ parasya gṛhe saṃsthāṃ jānakīṃ vai rarakṣa saḥ
Sanskrit only: no published translation is held for this verse.
इति वाक्यं समाश्रुत्य चारः क्रोधपरिप्लुतः । खड्गं गृहीत्वा स्वकरे तं हंतुं विदधे मनः
iti vākyaṃ samāśrutya cāraḥ krodhapariplutaḥ | khaḍgaṃ gṛhītvā svakare taṃ haṃtuṃ vidadhe manaḥ
Sanskrit only: no published translation is held for this verse.
स रामोक्तं च सस्मार न वध्यः कोपि मे जनः । इति ज्ञात्वा सरोषं तु संजहार महामनाः
sa rāmoktaṃ ca sasmāra na vadhyaḥ kopi me janaḥ | iti jñātvā saroṣaṃ tu saṃjahāra mahāmanāḥ
Sanskrit only: no published translation is held for this verse.
तदा श्रुत्वा सुदुःखार्तः पंचचारा यतः स्थिताः । ततो गतः प्रकुपितो निःश्वसन्मुहुरुच्छ्वसन्
tadā śrutvā suduḥkhārtaḥ paṃcacārā yataḥ sthitāḥ | tato gataḥ prakupito niḥśvasanmuhurucchvasan
Sanskrit only: no published translation is held for this verse.
ते वै परस्परं तत्र मिलितास्तु समब्रुवन् । स्वश्रुतं रामचरितं सर्वलोकैकपूजितम्
te vai parasparaṃ tatra militāstu samabruvan | svaśrutaṃ rāmacaritaṃ sarvalokaikapūjitam
Sanskrit only: no published translation is held for this verse.
ते तद्भाषितमाकर्ण्य परस्परममंत्रयन् । न वाच्यं रघुनाथाया वाच्यं दुष्टजनोदितम्
te tadbhāṣitamākarṇya parasparamamaṃtrayan | na vācyaṃ raghunāthāyā vācyaṃ duṣṭajanoditam
Sanskrit only: no published translation is held for this verse.
इति संमंत्र्य ते गेहं गत्वा सुषुपुरुत्सुकाः । प्राता राज्ञे प्रशंसाम इति बुद्ध्या व्यवस्थिताः
iti saṃmaṃtrya te gehaṃ gatvā suṣupurutsukāḥ | prātā rājñe praśaṃsāma iti buddhyā vyavasthitāḥ
Sanskrit only: no published translation is held for this verse.