Padma Purāṇa 5.57

वात्स्यायन उवाच। जगत्पवित्रसत्कीर्ति जानक्या वाच्यवाचनम् । कथं समकरोत्स्वामी तन्मे कथय सुव्रत

vātsyāyana uvāca| jagatpavitrasatkīrti jānakyā vācyavācanam | kathaṃ samakarotsvāmī tanme kathaya suvrata

Sanskrit only: no published translation is held for this verse.

यथा मे मनसः सौख्यं भविष्यति सुशोभनम् । तथा कुरुष्व शेषाद्य त्वन्मुखान्निःसृतामृतम् । पिबतस्तृप्तिरेव स्याद्यया संसृतिकृं तनम्

yathā me manasaḥ saukhyaṃ bhaviṣyati suśobhanam | tathā kuruṣva śeṣādya tvanmukhānniḥsṛtāmṛtam | pibatastṛptireva syādyayā saṃsṛtikṛṃ tanam

Sanskrit only: no published translation is held for this verse.

शेष उवाच। मिथिलायां महापुर्यां जनको नाम भूपतिः । तस्यां करोति सद्राज्यं धर्मेणाराधयन्प्रजाः

śeṣa uvāca| mithilāyāṃ mahāpuryāṃ janako nāma bhūpatiḥ | tasyāṃ karoti sadrājyaṃ dharmeṇārādhayanprajāḥ

Sanskrit only: no published translation is held for this verse.

तस्य संकर्षतो भूमिं सीतया दीर्घमुख्यया । सीरध्वजस्य निरगात्कुमारी ह्यतिसुंदरी

tasya saṃkarṣato bhūmiṃ sītayā dīrghamukhyayā | sīradhvajasya niragātkumārī hyatisuṃdarī

Sanskrit only: no published translation is held for this verse.

तदात्यंतं मुदं प्राप्तः सीरकेतुर्महीपतिः । सीता नामाकरोत्तस्या मोहिन्या जगतः श्रियः

tadātyaṃtaṃ mudaṃ prāptaḥ sīraketurmahīpatiḥ | sītā nāmākarottasyā mohinyā jagataḥ śriyaḥ

Sanskrit only: no published translation is held for this verse.

सैकदोद्यानविपिने खेलंती सुमनोहरा । अपश्यत्स्वमनःकांतं शुकशुक्योर्युगं वदत्

saikadodyānavipine khelaṃtī sumanoharā | apaśyatsvamanaḥkāṃtaṃ śukaśukyoryugaṃ vadat

Sanskrit only: no published translation is held for this verse.

अत्यंतं हर्षमापन्नमत्यंतं कामलोलुपम् । परस्परं भाषमाणं स्नेहेन शुभया गिरा

atyaṃtaṃ harṣamāpannamatyaṃtaṃ kāmalolupam | parasparaṃ bhāṣamāṇaṃ snehena śubhayā girā

Sanskrit only: no published translation is held for this verse.

रममाणं तदा युग्मं नभसि क्षिप्रवेगतः । समुत्पतन्नगोपस्थे स्थितं शब्दं चकार तत्

ramamāṇaṃ tadā yugmaṃ nabhasi kṣipravegataḥ | samutpatannagopasthe sthitaṃ śabdaṃ cakāra tat

Sanskrit only: no published translation is held for this verse.

रामो महीपतिर्भूमौ भविष्यति मनोहरः । तस्य सीतेति नाम्ना तु भविष्यति महेलिका

rāmo mahīpatirbhūmau bhaviṣyati manoharaḥ | tasya sīteti nāmnā tu bhaviṣyati mahelikā

Sanskrit only: no published translation is held for this verse.

स तया सह वर्षाणां सहस्राण्येकयुग्दश । राज्यं करिष्यते धीमान्कर्षन्भूमिपतीन्बली

sa tayā saha varṣāṇāṃ sahasrāṇyekayugdaśa | rājyaṃ kariṣyate dhīmānkarṣanbhūmipatīnbalī

Sanskrit only: no published translation is held for this verse.

धन्या सा जानकी देवी धन्योऽसौ रामसंज्ञितः । यौ परस्परमापन्नौ पृथिव्यां रंस्यतो मुदा

dhanyā sā jānakī devī dhanyo'sau rāmasaṃjñitaḥ | yau parasparamāpannau pṛthivyāṃ raṃsyato mudā

Sanskrit only: no published translation is held for this verse.

इति संभाष्यमाणं तु शुकयुग्मं तु मैथिली । ज्ञात्वेदं देवतायुग्मं वाणीं तस्य विलोक्य च

iti saṃbhāṣyamāṇaṃ tu śukayugmaṃ tu maithilī | jñātvedaṃ devatāyugmaṃ vāṇīṃ tasya vilokya ca

Sanskrit only: no published translation is held for this verse.

मदीयास्तु कथा रम्याः कुरुते शुकयोर्युगम् । एतद्गृहीत्वा पृच्छामि सर्वं वाक्यं गतार्थकम्

madīyāstu kathā ramyāḥ kurute śukayoryugam | etadgṛhītvā pṛcchāmi sarvaṃ vākyaṃ gatārthakam

Sanskrit only: no published translation is held for this verse.

एवं विचार्य सा स्वीयाः सखीः प्रतिजगाद ह । गृह्णंतु शनकैरेतत्पक्षियुग्मं मनोहरम्

evaṃ vicārya sā svīyāḥ sakhīḥ pratijagāda ha | gṛhṇaṃtu śanakairetatpakṣiyugmaṃ manoharam

Sanskrit only: no published translation is held for this verse.

सख्यस्तास्तद्गिरिं गत्वा गृह्णन्पक्षियुगं वरम् । निवेदयामासुरिदं स्वसख्याः प्रियकाम्यया

sakhyastāstadgiriṃ gatvā gṛhṇanpakṣiyugaṃ varam | nivedayāmāsuridaṃ svasakhyāḥ priyakāmyayā

Sanskrit only: no published translation is held for this verse.

बहुधा विविधाञ्छब्दान्कुर्वद्वीक्ष्य मनोहरम् । आश्वासयामास तदा पप्रच्छ तदिदं वचः

bahudhā vividhāñchabdānkurvadvīkṣya manoharam | āśvāsayāmāsa tadā papraccha tadidaṃ vacaḥ

Sanskrit only: no published translation is held for this verse.

सीतोवाच। मा भैषातां युवां रम्यौ कौ वां कुत्र समागतौ । को रामः का च सा सीता तज्ज्ञानं तु कुतः स्मृतम्

sītovāca| mā bhaiṣātāṃ yuvāṃ ramyau kau vāṃ kutra samāgatau | ko rāmaḥ kā ca sā sītā tajjñānaṃ tu kutaḥ smṛtam

Sanskrit only: no published translation is held for this verse.

तत्सर्वं शंसतं क्षिप्रं मत्तो वां व्येतु यद्भयम् । इति पृष्टं तया पक्षियुगं सर्वमशंसत

tatsarvaṃ śaṃsataṃ kṣipraṃ matto vāṃ vyetu yadbhayam | iti pṛṣṭaṃ tayā pakṣiyugaṃ sarvamaśaṃsata

Sanskrit only: no published translation is held for this verse.

पक्षियुग्ममुवाच। वाल्मीकिरास्ते सुमहानृषिर्धर्मविदुत्तमः । आवां तदाश्रमस्थाने सर्वदा सुमनोहरे

pakṣiyugmamuvāca| vālmīkirāste sumahānṛṣirdharmaviduttamaḥ | āvāṃ tadāśramasthāne sarvadā sumanohare

Sanskrit only: no published translation is held for this verse.

सशिष्यान्गापयामास भावि रामायणं मुनिः । प्रत्यहं तत्पदस्मारी सर्वभूतहिते रतः

saśiṣyāngāpayāmāsa bhāvi rāmāyaṇaṃ muniḥ | pratyahaṃ tatpadasmārī sarvabhūtahite rataḥ

Sanskrit only: no published translation is held for this verse.

तदावाभ्यां श्रुतं सर्वं भावि रामायणं महत् । मुहुर्मुहुर्गीयमानमायातं परिपाठतः

tadāvābhyāṃ śrutaṃ sarvaṃ bhāvi rāmāyaṇaṃ mahat | muhurmuhurgīyamānamāyātaṃ paripāṭhataḥ

Sanskrit only: no published translation is held for this verse.

शृण्वावां तेऽभिधास्यावो यो रामो या च जानकी । यद्यद्भविष्यते तस्या रामेण क्रीडितात्मना

śṛṇvāvāṃ te'bhidhāsyāvo yo rāmo yā ca jānakī | yadyadbhaviṣyate tasyā rāmeṇa krīḍitātmanā

Sanskrit only: no published translation is held for this verse.

ऋष्यशृंगकृतेष्ट्यां च चतुर्धा त्वंगतो हरिः । प्रादुर्भविष्यति श्रीमान्सुरस्त्रीगीतसत्कथः

ṛṣyaśṛṃgakṛteṣṭyāṃ ca caturdhā tvaṃgato hariḥ | prādurbhaviṣyati śrīmānsurastrīgītasatkathaḥ

Sanskrit only: no published translation is held for this verse.

स कौशिकेन मिथिलां प्राप्स्यते भ्रातृसंयुतः । धनुष्पाणिस्तदा दृष्ट्वा दुर्ग्राह्यमन्यभूभुजाम्

sa kauśikena mithilāṃ prāpsyate bhrātṛsaṃyutaḥ | dhanuṣpāṇistadā dṛṣṭvā durgrāhyamanyabhūbhujām

Sanskrit only: no published translation is held for this verse.

धनुर्भंक्त्वा जनकजां प्राप्स्यते सुमनोहराम् । तया सह महद्राज्यं करिष्यति श्रुतं वरे

dhanurbhaṃktvā janakajāṃ prāpsyate sumanoharām | tayā saha mahadrājyaṃ kariṣyati śrutaṃ vare

Sanskrit only: no published translation is held for this verse.

एतदन्यच्च तत्रस्थैः श्रुतमस्माभिरुद्गतैः । कथितं तव चार्वंगि मुंचावां गंतुकामुकौ

etadanyacca tatrasthaiḥ śrutamasmābhirudgataiḥ | kathitaṃ tava cārvaṃgi muṃcāvāṃ gaṃtukāmukau

Sanskrit only: no published translation is held for this verse.

इति वाक्यं तयोर्धृत्वा श्रोत्रयोः सुमनोहरम् । पुनरेवजगादेदं वाक्यं पक्षियुगं प्रति

iti vākyaṃ tayordhṛtvā śrotrayoḥ sumanoharam | punarevajagādedaṃ vākyaṃ pakṣiyugaṃ prati

Sanskrit only: no published translation is held for this verse.

स रामः कुत्र वर्तेत कस्य पुत्रः कथं तु ताम् । परिग्रहीष्यति वरः कीदृग्रूपधरो नरः

sa rāmaḥ kutra varteta kasya putraḥ kathaṃ tu tām | parigrahīṣyati varaḥ kīdṛgrūpadharo naraḥ

Sanskrit only: no published translation is held for this verse.

मया पृष्टमिदं सर्वं कथयंतु यथातथम् । पश्चात्सर्वं करिष्यामि प्रियं युष्मन्मनोहरम्

mayā pṛṣṭamidaṃ sarvaṃ kathayaṃtu yathātatham | paścātsarvaṃ kariṣyāmi priyaṃ yuṣmanmanoharam

Sanskrit only: no published translation is held for this verse.

तच्छ्रुत्वा तां तु कामेन पीडितां वीक्ष्य सा शुकी । जानकीं हृदये ज्ञात्वा पपाठ पुरतस्ततः

tacchrutvā tāṃ tu kāmena pīḍitāṃ vīkṣya sā śukī | jānakīṃ hṛdaye jñātvā papāṭha puratastataḥ

Sanskrit only: no published translation is held for this verse.

सूर्यवंशध्वजो धीमान्राजा पंक्तिरथो बली । यं देवाः श्रित्य सर्वारीन्विजेष्यंति च सर्वशः

sūryavaṃśadhvajo dhīmānrājā paṃktiratho balī | yaṃ devāḥ śritya sarvārīnvijeṣyaṃti ca sarvaśaḥ

Sanskrit only: no published translation is held for this verse.

तस्य भार्यात्रयं भावि शक्रमोहनरूपधृक् । तस्मिन्नपत्य चातुष्कं भविष्यति बलोन्नतम्

tasya bhāryātrayaṃ bhāvi śakramohanarūpadhṛk | tasminnapatya cātuṣkaṃ bhaviṣyati balonnatam

Sanskrit only: no published translation is held for this verse.

सर्वेषामग्रजो रामो भरतस्तदनुस्मृतः । लक्ष्मणस्तदनु श्रीमाञ्छत्रुघ्नः सर्वतो बली

sarveṣāmagrajo rāmo bharatastadanusmṛtaḥ | lakṣmaṇastadanu śrīmāñchatrughnaḥ sarvato balī

Sanskrit only: no published translation is held for this verse.

रघुनाथ इति ख्यातिं गमिष्यति महामनाः । तेषामनंतनामानि रामस्य बलिनः सखि

raghunātha iti khyātiṃ gamiṣyati mahāmanāḥ | teṣāmanaṃtanāmāni rāmasya balinaḥ sakhi

Sanskrit only: no published translation is held for this verse.

पद्मकोश इव शोभनं मुखं । पंकजाभनयने सुदीर्घके । उन्नता पृथुमनोहरा नसा । वल्गुसंगत मनोहरे भ्रुवौ

padmakośa iva śobhanaṃ mukhaṃ | paṃkajābhanayane sudīrghake | unnatā pṛthumanoharā nasā | valgusaṃgata manohare bhruvau

Sanskrit only: no published translation is held for this verse.

जानुलंबित मनोहरौ भुजौ । कंबुशोभिगलकोऽतिह्रस्वकः । सत्कपाटतलविस्तृतश्रिकं । वक्ष एतदमलं सलक्ष्मकम्

jānulaṃbita manoharau bhujau | kaṃbuśobhigalako'tihrasvakaḥ | satkapāṭatalavistṛtaśrikaṃ | vakṣa etadamalaṃ salakṣmakam

Sanskrit only: no published translation is held for this verse.

शोभनोरुकटिशोभया युतं । जानुयुग्मममलं स्वसेवितम् । पादपद्ममखिलैर्निजैः सदा । सेवितं रघुपतिं सुशोभनम्

śobhanorukaṭiśobhayā yutaṃ | jānuyugmamamalaṃ svasevitam | pādapadmamakhilairnijaiḥ sadā | sevitaṃ raghupatiṃ suśobhanam

Sanskrit only: no published translation is held for this verse.

एतद्रूपधरो रामो मया किं तु स वर्ण्यते । शताननोपि नो याति पक्षिणः किमु मादृशाः

etadrūpadharo rāmo mayā kiṃ tu sa varṇyate | śatānanopi no yāti pakṣiṇaḥ kimu mādṛśāḥ

Sanskrit only: no published translation is held for this verse.

यद्रूपं वीक्ष्य ललिता मनोहरवपुर्धरा । लक्ष्मीर्मुमोह भुविका वर्तते या न मोहति

yadrūpaṃ vīkṣya lalitā manoharavapurdharā | lakṣmīrmumoha bhuvikā vartate yā na mohati

Sanskrit only: no published translation is held for this verse.

महाबलो महावीर्यो महामोहनरूपधृक् । किं वर्णयामि श्रीरामं सर्वैश्वर्यगुणान्वितम्

mahābalo mahāvīryo mahāmohanarūpadhṛk | kiṃ varṇayāmi śrīrāmaṃ sarvaiśvaryaguṇānvitam

Sanskrit only: no published translation is held for this verse.

धन्या सा जानकीदेवी महामोहनरूपधृक् । रंस्यते येन सहिता वर्षाणामयुतं मुदा

dhanyā sā jānakīdevī mahāmohanarūpadhṛk | raṃsyate yena sahitā varṣāṇāmayutaṃ mudā

Sanskrit only: no published translation is held for this verse.

त्वं कासि किं तु नामासि बत सुंदरि यत्तु माम् । परिपृच्छसि वैदग्ध्याद्रामकीर्तनमादरात्

tvaṃ kāsi kiṃ tu nāmāsi bata suṃdari yattu mām | paripṛcchasi vaidagdhyādrāmakīrtanamādarāt

Sanskrit only: no published translation is held for this verse.

एतद्वाक्यं समाकर्ण्य जानकी पक्षिणोर्युगम् । उवाच जन्मललितं शंसंती स्वस्य मोहनम्

etadvākyaṃ samākarṇya jānakī pakṣiṇoryugam | uvāca janmalalitaṃ śaṃsaṃtī svasya mohanam

Sanskrit only: no published translation is held for this verse.

या त्वया जानकी प्रोक्ता साहं जनकपुत्रिका । स रामो मां यदाभ्येत्य प्राप्स्यते सुमनोहरः

yā tvayā jānakī proktā sāhaṃ janakaputrikā | sa rāmo māṃ yadābhyetya prāpsyate sumanoharaḥ

Sanskrit only: no published translation is held for this verse.

तदा वां मोचयाम्यद्धानान्यथा वाक्यलोभिता । लालयामि सुखेनास्तां मद्गेहे मधुराक्षरौ

tadā vāṃ mocayāmyaddhānānyathā vākyalobhitā | lālayāmi sukhenāstāṃ madgehe madhurākṣarau

Sanskrit only: no published translation is held for this verse.

इत्युक्तं तत्समाकर्ण्य वेपतुर्भयतां गतौ । परस्परं प्रक्षुभितौ जानकीमित्यवोचताम्

ityuktaṃ tatsamākarṇya vepaturbhayatāṃ gatau | parasparaṃ prakṣubhitau jānakīmityavocatām

Sanskrit only: no published translation is held for this verse.

वयं वै पक्षिणः साध्वि वनस्था वृक्षगोचराः । परिभ्रमाम सर्वत्र नो सुखं नो भवेद्गृहे

vayaṃ vai pakṣiṇaḥ sādhvi vanasthā vṛkṣagocarāḥ | paribhramāma sarvatra no sukhaṃ no bhavedgṛhe

Sanskrit only: no published translation is held for this verse.

अंतर्वत्नी स्वके स्थाने गत्वा संसूय पुत्रकान् । त्वत्स्थानमागमिष्यामि सत्यं मे ह्युदितं वचः

aṃtarvatnī svake sthāne gatvā saṃsūya putrakān | tvatsthānamāgamiṣyāmi satyaṃ me hyuditaṃ vacaḥ

Sanskrit only: no published translation is held for this verse.

एवं प्रोक्ता तया सा तु न मुमोच शुकीं स्वयम् । तदापतिस्तां प्रोवाच विनीतवदनुत्सुकः

evaṃ proktā tayā sā tu na mumoca śukīṃ svayam | tadāpatistāṃ provāca vinītavadanutsukaḥ

Sanskrit only: no published translation is held for this verse.

सीते मुंच कथं भार्यां रक्षसे मे मनोहरीम् । आवां गच्छाव विपिने विचरावः सुखं वने

sīte muṃca kathaṃ bhāryāṃ rakṣase me manoharīm | āvāṃ gacchāva vipine vicarāvaḥ sukhaṃ vane

Sanskrit only: no published translation is held for this verse.

अंतर्वत्नी तु वर्तेत भार्या मम मनोरमा । तस्याः प्रसूतिं कृत्वा त्वामागमिष्यामि शोभने

aṃtarvatnī tu varteta bhāryā mama manoramā | tasyāḥ prasūtiṃ kṛtvā tvāmāgamiṣyāmi śobhane

Sanskrit only: no published translation is held for this verse.

इत्युक्ता निजगादेमं सुखं गच्छ महामते । एतां रक्षामि सुखिनीं मत्पार्श्वे प्रियकारिणीम्

ityuktā nijagādemaṃ sukhaṃ gaccha mahāmate | etāṃ rakṣāmi sukhinīṃ matpārśve priyakāriṇīm

Sanskrit only: no published translation is held for this verse.

इत्युक्तो दुःखितः पक्षी तामूचे करुणान्वितः । योगिभिः प्रोच्यते यद्वै तद्वचस्तथ्यमेव हि

ityukto duḥkhitaḥ pakṣī tāmūce karuṇānvitaḥ | yogibhiḥ procyate yadvai tadvacastathyameva hi

Sanskrit only: no published translation is held for this verse.

न वक्तव्यं न वक्तव्यं मौनमाश्रित्य तिष्ठताम् । नोचेत्स वाक्यदोषेण प्राप्नोत्यालानमुन्मदः

na vaktavyaṃ na vaktavyaṃ maunamāśritya tiṣṭhatām | nocetsa vākyadoṣeṇa prāpnotyālānamunmadaḥ

Sanskrit only: no published translation is held for this verse.

वयं चेदत्र वाक्यं नाकरिष्याम नगोपरि । बंधनं कथमावां स्यात्तस्मान्मौनं समाचरेत्

vayaṃ cedatra vākyaṃ nākariṣyāma nagopari | baṃdhanaṃ kathamāvāṃ syāttasmānmaunaṃ samācaret

Sanskrit only: no published translation is held for this verse.

इत्युक्त्वा तां प्रत्युवाच नाहं जीवामि सुंदरि । एतया भार्यया सीते तस्मान्मुंच मनोहरे

ityuktvā tāṃ pratyuvāca nāhaṃ jīvāmi suṃdari | etayā bhāryayā sīte tasmānmuṃca manohare

Sanskrit only: no published translation is held for this verse.

अनेकविधवाक्यैः सा बोधिता नामुचत्तदा । कुपिता दुःखिता भार्या शशाप जनकात्मजाम्

anekavidhavākyaiḥ sā bodhitā nāmucattadā | kupitā duḥkhitā bhāryā śaśāpa janakātmajām

Sanskrit only: no published translation is held for this verse.

यथा त्वं पतिना सार्धं वियोजयसि मामितः । तथा त्वमपि रामेण वियुक्ता भव गर्भिणी

yathā tvaṃ patinā sārdhaṃ viyojayasi māmitaḥ | tathā tvamapi rāmeṇa viyuktā bhava garbhiṇī

Sanskrit only: no published translation is held for this verse.

इत्युक्तवत्यां तस्यां तु दुःखितायां पुनः पुनः । प्राणा निरगमन्दुःखात्पतिदुःखेन पूरितात्

ityuktavatyāṃ tasyāṃ tu duḥkhitāyāṃ punaḥ punaḥ | prāṇā niragamanduḥkhātpatiduḥkhena pūritāt

Sanskrit only: no published translation is held for this verse.

रामं रामं स्मरंत्याश्च वदंत्यांश्च पुनः पुनः । विमानमागतं सुष्ठु पक्षिणी स्वर्गता बभौ

rāmaṃ rāmaṃ smaraṃtyāśca vadaṃtyāṃśca punaḥ punaḥ | vimānamāgataṃ suṣṭhu pakṣiṇī svargatā babhau

Sanskrit only: no published translation is held for this verse.

तस्यां मृतायां दुःखार्तो भर्ता तस्याः स पक्षिराट् । परमं क्रोधमापन्नो जाह्नव्यां दुःखितोऽपतत्

tasyāṃ mṛtāyāṃ duḥkhārto bhartā tasyāḥ sa pakṣirāṭ | paramaṃ krodhamāpanno jāhnavyāṃ duḥkhito'patat

Sanskrit only: no published translation is held for this verse.

तथा भवामि रामस्य नगरे जनपूरिते । मद्वाक्यादियमुद्विग्ना वियोगेन सुदुःखिता

tathā bhavāmi rāmasya nagare janapūrite | madvākyādiyamudvignā viyogena suduḥkhitā

Sanskrit only: no published translation is held for this verse.

इत्युक्त्वा स पपातोदे जाह्नव्या भ्रमशोभिते । दुःखितः कुपितो भीतस्तद्वियोगेन कंपितः

ityuktvā sa papātode jāhnavyā bhramaśobhite | duḥkhitaḥ kupito bhītastadviyogena kaṃpitaḥ

Sanskrit only: no published translation is held for this verse.

क्रुद्धत्वाद्दुःखितत्वाच्च सीताया अपमाननात् । अंत्यजत्वं परं प्राप्तो रजकः क्रोधनाभिधः

kruddhatvādduḥkhitatvācca sītāyā apamānanāt | aṃtyajatvaṃ paraṃ prāpto rajakaḥ krodhanābhidhaḥ

Sanskrit only: no published translation is held for this verse.

यः क्रोधाच्च स्वकान्प्राणान्महतां दुष्टमाचरन् । संत्यजेत्स मृतो याति अंत्यजत्वं द्विजोत्तमः

yaḥ krodhācca svakānprāṇānmahatāṃ duṣṭamācaran | saṃtyajetsa mṛto yāti aṃtyajatvaṃ dvijottamaḥ

Sanskrit only: no published translation is held for this verse.

तज्जातं रजकोक्त्यासौ निंदिता च वियोगिता । रजकस्य च शापेन वियुक्ता सा वनं गता

tajjātaṃ rajakoktyāsau niṃditā ca viyogitā | rajakasya ca śāpena viyuktā sā vanaṃ gatā

Sanskrit only: no published translation is held for this verse.

एतत्ते कथितं विप्र यत्ते पृष्टं विदेहजाम् । पुनरत्र परं वृत्तं शृणुष्व निगदामि तत्

etatte kathitaṃ vipra yatte pṛṣṭaṃ videhajām | punaratra paraṃ vṛttaṃ śṛṇuṣva nigadāmi tat

Sanskrit only: no published translation is held for this verse.