Padma Purāṇa 5.6

शेष उवाच। इत्थं स्वागतसंतुष्टं ब्रह्मचर्यतपोनिधिम् । उवाच मतिमान्वीरः सर्वलोकगुरुर्मुनिम्

śeṣa uvāca| itthaṃ svāgatasaṃtuṣṭaṃ brahmacaryataponidhim | uvāca matimānvīraḥ sarvalokagururmunim

Sanskrit only: no published translation is held for this verse.

स्वागतं ते महाभाग कुंभयोने तपोनिधे । त्वद्दर्शनेन सर्वे वै पाविताः सकुटुंबकाः

svāgataṃ te mahābhāga kuṃbhayone taponidhe | tvaddarśanena sarve vai pāvitāḥ sakuṭuṃbakāḥ

Sanskrit only: no published translation is held for this verse.

कच्चिन्मतिस्ते वेदेषु शास्त्रेषु परिवर्तते । त्वत्तपोविघ्नकर्ता वै नास्ति भूमंडले क्वचित्

kaccinmatiste vedeṣu śāstreṣu parivartate | tvattapovighnakartā vai nāsti bhūmaṃḍale kvacit

Sanskrit only: no published translation is held for this verse.

लोपामुद्रा महाभाग या च ते धर्मचारिणी । यस्याः पतिव्रता धर्मात्सर्वं भवति शोभनम्

lopāmudrā mahābhāga yā ca te dharmacāriṇī | yasyāḥ pativratā dharmātsarvaṃ bhavati śobhanam

Sanskrit only: no published translation is held for this verse.

अपि शंस महाभाग धर्ममूर्ते कृपानिधे । अलोलुपस्य किं कार्यं करवाणि मुनीश्वर

api śaṃsa mahābhāga dharmamūrte kṛpānidhe | alolupasya kiṃ kāryaṃ karavāṇi munīśvara

Sanskrit only: no published translation is held for this verse.

त्वत्तपोयोगतः सर्वं भवति स्वेच्छया बहु । तथापि मयि कृत्वैव कृपां शंश मुनीश्वरः

tvattapoyogataḥ sarvaṃ bhavati svecchayā bahu | tathāpi mayi kṛtvaiva kṛpāṃ śaṃśa munīśvaraḥ

Sanskrit only: no published translation is held for this verse.

शेष उवाच। इत्युक्तो लोकगुरुणा राजराजेन धीमता । उवाच रामं लोकेशं विनीततरभाषया

śeṣa uvāca| ityukto lokaguruṇā rājarājena dhīmatā | uvāca rāmaṃ lokeśaṃ vinītatarabhāṣayā

Sanskrit only: no published translation is held for this verse.

अगस्त्य उवाच। स्वामिंस्तव सुदुर्दर्शं दर्शनं दैवतैरपि । मत्वा समागतं विद्धि राजराज कृपानिधे

agastya uvāca| svāmiṃstava sudurdarśaṃ darśanaṃ daivatairapi | matvā samāgataṃ viddhi rājarāja kṛpānidhe

Sanskrit only: no published translation is held for this verse.

हतस्त्वया रावणाख्यस्त्वसुरो लोककंटकः । दिष्ट्याद्य देवाः सुखिनो दिष्ट्या राजा बिभीषणः

hatastvayā rāvaṇākhyastvasuro lokakaṃṭakaḥ | diṣṭyādya devāḥ sukhino diṣṭyā rājā bibhīṣaṇaḥ

Sanskrit only: no published translation is held for this verse.

राम त्वद्दर्शनान्मेऽद्य गतं वै दुष्कृतं किल । संपूर्णो मे मनःकोश आनंदेन सुरोत्तम

rāma tvaddarśanānme'dya gataṃ vai duṣkṛtaṃ kila | saṃpūrṇo me manaḥkośa ānaṃdena surottama

Sanskrit only: no published translation is held for this verse.

इत्युक्त्वा स बभूवाशु तूष्णीं कुंभसमुद्भवः । रामसंदर्शनाह्लादविह्वलीकृतमानसः

ityuktvā sa babhūvāśu tūṣṇīṃ kuṃbhasamudbhavaḥ | rāmasaṃdarśanāhlādavihvalīkṛtamānasaḥ

Sanskrit only: no published translation is held for this verse.

रामः पप्रच्छ तं भूयो मुनिं ज्ञानविशारदम् । लोकातीतं भवद्भावि सर्वं जानासि सर्वतः

rāmaḥ papraccha taṃ bhūyo muniṃ jñānaviśāradam | lokātītaṃ bhavadbhāvi sarvaṃ jānāsi sarvataḥ

Sanskrit only: no published translation is held for this verse.

मुने कथय मे सर्वं पृच्छतो हि सुविस्तरम् । कोऽसौ मया हतो यो हि रावणो विबुधार्दनः

mune kathaya me sarvaṃ pṛcchato hi suvistaram | ko'sau mayā hato yo hi rāvaṇo vibudhārdanaḥ

Sanskrit only: no published translation is held for this verse.

कुंभकर्णोऽपि कस्त्वेष का जातिर्वै दुरात्मनः । देवो दैत्यः पिशाचो वा राक्षसो वा महामुने

kuṃbhakarṇo'pi kastveṣa kā jātirvai durātmanaḥ | devo daityaḥ piśāco vā rākṣaso vā mahāmune

Sanskrit only: no published translation is held for this verse.

सर्वमाख्याहि सर्वज्ञ सर्वं जानासि विस्तरात् । अतः कथय मे सर्वं कृपां कृत्वा ममोपरि

sarvamākhyāhi sarvajña sarvaṃ jānāsi vistarāt | ataḥ kathaya me sarvaṃ kṛpāṃ kṛtvā mamopari

Sanskrit only: no published translation is held for this verse.

इति श्रुत्वा ततो वाक्यं कुंभजन्मा तपोनिधिः । यत्पृष्टं रघुराजेन प्रवक्तुं तत्प्रचक्रमे

iti śrutvā tato vākyaṃ kuṃbhajanmā taponidhiḥ | yatpṛṣṭaṃ raghurājena pravaktuṃ tatpracakrame

Sanskrit only: no published translation is held for this verse.

राजन्सृष्टिकरो ब्रह्मा पुलस्त्यस्तत्सुतोऽभवत् । ततस्तु विश्रवा जज्ञे वेदविद्याविशारदः

rājansṛṣṭikaro brahmā pulastyastatsuto'bhavat | tatastu viśravā jajñe vedavidyāviśāradaḥ

Sanskrit only: no published translation is held for this verse.

तस्य पत्नीद्वयं जातं पातिव्रत्यचरित्रभृत् । एका मंदाकिनी नाम्नी द्वितीया कैकसी स्मृता

tasya patnīdvayaṃ jātaṃ pātivratyacaritrabhṛt | ekā maṃdākinī nāmnī dvitīyā kaikasī smṛtā

Sanskrit only: no published translation is held for this verse.

पूर्वस्यां धनदो जज्ञे लोकपालविलासभृत् । योऽसौ शिवप्रसादेन लंकावासमचीकरत्

pūrvasyāṃ dhanado jajñe lokapālavilāsabhṛt | yo'sau śivaprasādena laṃkāvāsamacīkarat

Sanskrit only: no published translation is held for this verse.

विद्युन्मालिसुतायां तु पुत्रत्रयमभून्महत् । रावणः कुंभकर्णश्च तथा पुण्यो बिभीषणः

vidyunmālisutāyāṃ tu putratrayamabhūnmahat | rāvaṇaḥ kuṃbhakarṇaśca tathā puṇyo bibhīṣaṇaḥ

Sanskrit only: no published translation is held for this verse.

राक्षस्युदरजन्मत्वात्संध्यासमयसंभवात् । द्वयोरधर्मनिपुणा मतिरासीन्महामते

rākṣasyudarajanmatvātsaṃdhyāsamayasaṃbhavāt | dvayoradharmanipuṇā matirāsīnmahāmate

Sanskrit only: no published translation is held for this verse.

एकदा तु विमानेन पुष्पकेण सुशोभिना । कांचनीयोपकल्पेन किंकिणीजालमालिना

ekadā tu vimānena puṣpakeṇa suśobhinā | kāṃcanīyopakalpena kiṃkiṇījālamālinā

Sanskrit only: no published translation is held for this verse.

आरुह्य पितरौ द्रष्टुं प्रायाच्छोभासमन्वितः । स्वगणैः संस्तुतो भूत्वा नानारत्नविभूषणैः

āruhya pitarau draṣṭuṃ prāyācchobhāsamanvitaḥ | svagaṇaiḥ saṃstuto bhūtvā nānāratnavibhūṣaṇaiḥ

Sanskrit only: no published translation is held for this verse.

आगत्य पित्रोश्चरणे पतित्वा चिरमात्मजः । हर्षविह्वलितात्मा च रोमांचिततनूरुहः

āgatya pitroścaraṇe patitvā ciramātmajaḥ | harṣavihvalitātmā ca romāṃcitatanūruhaḥ

Sanskrit only: no published translation is held for this verse.

उवाच मेऽद्य सुदिनं महाभाग्यफलोदयः । यन्मे युष्मत्पदौ दृष्टौ महापुण्यददर्शनौ

uvāca me'dya sudinaṃ mahābhāgyaphalodayaḥ | yanme yuṣmatpadau dṛṣṭau mahāpuṇyadadarśanau

Sanskrit only: no published translation is held for this verse.

इत्यादिभिः स्तुतिपदैः स्तुत्वागान्मंदिरं स्वकम् । पितरावपि संहृष्टौ पुत्रस्नेहाद्बभूवतुः

ityādibhiḥ stutipadaiḥ stutvāgānmaṃdiraṃ svakam | pitarāvapi saṃhṛṣṭau putrasnehādbabhūvatuḥ

Sanskrit only: no published translation is held for this verse.

तं दृष्ट्वा रावणो धीमाञ्जगाद निजमातरम् । कोऽयं पुमान्सुरो वाथ यक्षो वाथ नरोत्तमः

taṃ dṛṣṭvā rāvaṇo dhīmāñjagāda nijamātaram | ko'yaṃ pumānsuro vātha yakṣo vātha narottamaḥ

Sanskrit only: no published translation is held for this verse.

योऽसौ मम पितुःपादौ सन्निषेव्य गतः पुनः । महाभाग्यनिधिः स्वीयैर्गणैः सुपरिवारितः

yo'sau mama pituḥpādau sanniṣevya gataḥ punaḥ | mahābhāgyanidhiḥ svīyairgaṇaiḥ suparivāritaḥ

Sanskrit only: no published translation is held for this verse.

केनेदं तपसा लब्धं विमानं वायुवेगधृक् । उद्यानारामलीलादि विलासस्थानमुत्तमम्

kenedaṃ tapasā labdhaṃ vimānaṃ vāyuvegadhṛk | udyānārāmalīlādi vilāsasthānamuttamam

Sanskrit only: no published translation is held for this verse.

शेष उवाच। इति वाक्यं समाकर्ण्य जननी रोषविक्लवा । उवाच पुत्रं विमनाः किंचिन्नेत्रविकारिणी

śeṣa uvāca| iti vākyaṃ samākarṇya jananī roṣaviklavā | uvāca putraṃ vimanāḥ kiṃcinnetravikāriṇī

Sanskrit only: no published translation is held for this verse.

रे पुत्र शृणु मद्वाक्यं बहुशिक्षासमन्वितम् । एतस्य जन्मकर्मादि विचारचतुराधिकम्

re putra śṛṇu madvākyaṃ bahuśikṣāsamanvitam | etasya janmakarmādi vicāracaturādhikam

Sanskrit only: no published translation is held for this verse.

सपत्न्या मम कुक्षिस्थं विधानं समुपस्थितम् । येन स्वमातुर्विमलं कुलमुज्ज्वलितं महत्

sapatnyā mama kukṣisthaṃ vidhānaṃ samupasthitam | yena svamāturvimalaṃ kulamujjvalitaṃ mahat

Sanskrit only: no published translation is held for this verse.

त्वं तु मत्कुक्षिजः कीटः पापः स्वोदरपूरकः । यथा खरः स्वकं भारं जानाति न च तद्गुणम्

tvaṃ tu matkukṣijaḥ kīṭaḥ pāpaḥ svodarapūrakaḥ | yathā kharaḥ svakaṃ bhāraṃ jānāti na ca tadguṇam

Sanskrit only: no published translation is held for this verse.

तथा त्वं लक्ष्यसेऽज्ञानी शयनासनभोगवान् । सुप्तो गतः क्वचिद्भ्रष्ट इत्येव तव संभवः

tathā tvaṃ lakṣyase'jñānī śayanāsanabhogavān | supto gataḥ kvacidbhraṣṭa ityeva tava saṃbhavaḥ

Sanskrit only: no published translation is held for this verse.

अनेन तपसा लब्धं शिवसंतोषकारिणा । लंकावासो मनोवेगं विमानं राज्यसंपदः

anena tapasā labdhaṃ śivasaṃtoṣakāriṇā | laṃkāvāso manovegaṃ vimānaṃ rājyasaṃpadaḥ

Sanskrit only: no published translation is held for this verse.

सुधन्या जननी त्वस्य सुभाग्या सुमहोदया । यस्याः पुत्रो निजगुणैर्लब्धवान्महतां पदम्

sudhanyā jananī tvasya subhāgyā sumahodayā | yasyāḥ putro nijaguṇairlabdhavānmahatāṃ padam

Sanskrit only: no published translation is held for this verse.

इति क्रुधा भाषितमार्तया तया मात्रा स्वयाऽकर्ण्य दुरात्मसत्तमः । रोषं विधायात्मगतं पुनर्वचो जगाद तां निश्चयभृत्तपः प्रति

iti krudhā bhāṣitamārtayā tayā mātrā svayā'karṇya durātmasattamaḥ | roṣaṃ vidhāyātmagataṃ punarvaco jagāda tāṃ niścayabhṛttapaḥ prati

Sanskrit only: no published translation is held for this verse.

रावण उवाच। जनन्याकर्णय वचो मम गर्वसमन्वितम् । रत्नगर्भा त्वमेवासि यस्याः पुत्रास्त्रयो वयम्

rāvaṇa uvāca| jananyākarṇaya vaco mama garvasamanvitam | ratnagarbhā tvamevāsi yasyāḥ putrāstrayo vayam

Sanskrit only: no published translation is held for this verse.

कोऽसौ कीटः स धनदः क्व तपः स्वल्पकं पुनः । कालं का किंतु तद्राज्यं स्वल्पसेवकसंयुतम्

ko'sau kīṭaḥ sa dhanadaḥ kva tapaḥ svalpakaṃ punaḥ | kālaṃ kā kiṃtu tadrājyaṃ svalpasevakasaṃyutam

Sanskrit only: no published translation is held for this verse.

मातः शृणु ममोत्साहात्प्रतिज्ञां करुणान्विते । न केनापि कृतां कर्त्रा महाभाग्ये हि कैकसि

mātaḥ śṛṇu mamotsāhātpratijñāṃ karuṇānvite | na kenāpi kṛtāṃ kartrā mahābhāgye hi kaikasi

Sanskrit only: no published translation is held for this verse.

यद्यहं भुवनं सर्वं वशेन स्थापयामि वै । तपोभिर्दुष्कृतैः कृत्वा ब्रह्मसंतोषकारकैः

yadyahaṃ bhuvanaṃ sarvaṃ vaśena sthāpayāmi vai | tapobhirduṣkṛtaiḥ kṛtvā brahmasaṃtoṣakārakaiḥ

Sanskrit only: no published translation is held for this verse.

अन्नोदके सदा त्यक्त्वा निद्रां क्रीडां तथा पुनः । चेत्तदा पितृलोकस्य घातात्पापं भवेन्मम

annodake sadā tyaktvā nidrāṃ krīḍāṃ tathā punaḥ | cettadā pitṛlokasya ghātātpāpaṃ bhavenmama

Sanskrit only: no published translation is held for this verse.

कुंभकर्णोऽपि कृतवान्विभीषणसमन्वितः । रावणेन सहभ्रात्रेत्युक्त्वागाद्गिरिकाननम्

kuṃbhakarṇo'pi kṛtavānvibhīṣaṇasamanvitaḥ | rāvaṇena sahabhrātretyuktvāgādgirikānanam

Sanskrit only: no published translation is held for this verse.