Library·Padma Purāṇa·5·5.63
शेष उवाच। लवं विमूर्च्छितं दृष्ट्वा बलिवैरिविदारणम् । शत्रुघ्नो जयमापेदे रणमूर्ध्नि महाबलः
śeṣa uvāca| lavaṃ vimūrcchitaṃ dṛṣṭvā balivairividāraṇam | śatrughno jayamāpede raṇamūrdhni mahābalaḥ
Sanskrit only: no published translation is held for this verse.
लवं बालं रथे स्थाप्य शिरस्त्राणाद्यलंकृतम् । रामप्रतिनिधिं मूर्त्या ततो गंतुमियेष सः
lavaṃ bālaṃ rathe sthāpya śirastrāṇādyalaṃkṛtam | rāmapratinidhiṃ mūrtyā tato gaṃtumiyeṣa saḥ
Sanskrit only: no published translation is held for this verse.
स्वमित्रं शत्रुणा ग्रस्तमिति दुःखसमन्विताः । बालामात्रेऽस्य सीतायै त्वरिताः संन्यवेदयन्
svamitraṃ śatruṇā grastamiti duḥkhasamanvitāḥ | bālāmātre'sya sītāyai tvaritāḥ saṃnyavedayan
Sanskrit only: no published translation is held for this verse.
बाला ऊचुः। मातर्जानकि ते पुत्रो बलाद्वाहमपाहरत् । कस्यचिद्भूपवर्यस्य बलयुक्तस्य मानिनः
bālā ūcuḥ| mātarjānaki te putro balādvāhamapāharat | kasyacidbhūpavaryasya balayuktasya māninaḥ
Sanskrit only: no published translation is held for this verse.
ततो युद्धमभूद्घोरं तस्य सैन्येन जानकि । तदा वीरेण पुत्रेण तव सर्वं निपातितम्
tato yuddhamabhūdghoraṃ tasya sainyena jānaki | tadā vīreṇa putreṇa tava sarvaṃ nipātitam
Sanskrit only: no published translation is held for this verse.
पश्चादपि जयं प्राप्तः सुतस्तव मनोहरः । तं भूपं मूर्छितं कृत्वा जयमाप रणांगणे
paścādapi jayaṃ prāptaḥ sutastava manoharaḥ | taṃ bhūpaṃ mūrchitaṃ kṛtvā jayamāpa raṇāṃgaṇe
Sanskrit only: no published translation is held for this verse.
ततो मूर्च्छां विहायैष राजा परमदारुणः । संकुप्य पातयामास तव पुत्रं रणांगणे
tato mūrcchāṃ vihāyaiṣa rājā paramadāruṇaḥ | saṃkupya pātayāmāsa tava putraṃ raṇāṃgaṇe
Sanskrit only: no published translation is held for this verse.
अस्माभिर्वारितः पूर्वं मा गृहाण हयोत्तमम् । अस्मान्सर्वांश्च धिक्कृत्य ब्राह्मणान्वेदपारगान्
asmābhirvāritaḥ pūrvaṃ mā gṛhāṇa hayottamam | asmānsarvāṃśca dhikkṛtya brāhmaṇānvedapāragān
Sanskrit only: no published translation is held for this verse.
इति वाक्यं शिशूनां सा समाकर्ण्य सुदारुणम् । पपात भूतलोपस्थे दुःखयुक्ता रुरोद ह
iti vākyaṃ śiśūnāṃ sā samākarṇya sudāruṇam | papāta bhūtalopasthe duḥkhayuktā ruroda ha
Sanskrit only: no published translation is held for this verse.
सीतोवाच। कथं नृपो दयाहीनो बालेन सह युध्यति । अधर्मकृतदुर्बुद्धिर्यो मद्बालं न्यपातयत्
sītovāca| kathaṃ nṛpo dayāhīno bālena saha yudhyati | adharmakṛtadurbuddhiryo madbālaṃ nyapātayat
Sanskrit only: no published translation is held for this verse.
लव वीरभवान्कुत्र वर्ततेऽति बलान्वितः । कथं त्वं निष्कृपस्याहो राज्ञोऽहार्षीद्धयोत्तमम्
lava vīrabhavānkutra vartate'ti balānvitaḥ | kathaṃ tvaṃ niṣkṛpasyāho rājño'hārṣīddhayottamam
Sanskrit only: no published translation is held for this verse.
त्वं बालस्ते दुराक्रांताः सर्वशस्त्रविशारदाः । रथस्था विरथस्त्वं वै कथं युद्धं समं भवेत्
tvaṃ bālaste durākrāṃtāḥ sarvaśastraviśāradāḥ | rathasthā virathastvaṃ vai kathaṃ yuddhaṃ samaṃ bhavet
Sanskrit only: no published translation is held for this verse.
ताताहं तु त्वया सार्द्धं रामत्यागासुखं जहौ । इदानीं रहिता युष्मत्कथं जीवामि कानने
tātāhaṃ tu tvayā sārddhaṃ rāmatyāgāsukhaṃ jahau | idānīṃ rahitā yuṣmatkathaṃ jīvāmi kānane
Sanskrit only: no published translation is held for this verse.
एहि मां मुंच यज्ञाश्वं गच्छत्वेष महीपतिः । मद्दुःखं नाभिजानासि मम दुःखप्रमार्जकः
ehi māṃ muṃca yajñāśvaṃ gacchatveṣa mahīpatiḥ | madduḥkhaṃ nābhijānāsi mama duḥkhapramārjakaḥ
Sanskrit only: no published translation is held for this verse.
कुशो यद्यभविष्यत्स रणे वीरशिरोमणिः । अमोचयिष्यदधुना भवंतं भूपपार्श्वतः
kuśo yadyabhaviṣyatsa raṇe vīraśiromaṇiḥ | amocayiṣyadadhunā bhavaṃtaṃ bhūpapārśvataḥ
Sanskrit only: no published translation is held for this verse.
सोऽपि मद्दैवतो नास्ति समीपे किं करोम्यतः । दैवमेव ममाप्यत्र कारणं दुःखसंभवे
so'pi maddaivato nāsti samīpe kiṃ karomyataḥ | daivameva mamāpyatra kāraṇaṃ duḥkhasaṃbhave
Sanskrit only: no published translation is held for this verse.
एवमादि बहुश्रीमत्येषा वै विललाप ह । पादांगुष्ठेन लिखती भूमिं नेत्रद्वयाश्रुभिः
evamādi bahuśrīmatyeṣā vai vilalāpa ha | pādāṃguṣṭhena likhatī bhūmiṃ netradvayāśrubhiḥ
Sanskrit only: no published translation is held for this verse.
बालान्प्रति जगादासौ पृथुकः स च भूपतिः । कथं मत्सुतमापात्य रणे कुत्र गमिष्यति
bālānprati jagādāsau pṛthukaḥ sa ca bhūpatiḥ | kathaṃ matsutamāpātya raṇe kutra gamiṣyati
Sanskrit only: no published translation is held for this verse.
इति वाक्यं वदत्येषा जानकी पतिदेवता । तावत्कुशस्तु संप्राप्त उज्जयिन्या महर्षिभिः
iti vākyaṃ vadatyeṣā jānakī patidevatā | tāvatkuśastu saṃprāpta ujjayinyā maharṣibhiḥ
Sanskrit only: no published translation is held for this verse.
माघासितचतुर्दश्यां महाकालं समर्च्य च । प्राप्य भूरिवरांस्तस्मादागमन्मातृसन्निधौ
māghāsitacaturdaśyāṃ mahākālaṃ samarcya ca | prāpya bhūrivarāṃstasmādāgamanmātṛsannidhau
Sanskrit only: no published translation is held for this verse.
जानकीं विह्वलां दृष्ट्वा नेत्रोद्भूताश्रु विक्लवाम् । शोकविह्वलदीनांगीं बभाषे यावदुत्सुकः
jānakīṃ vihvalāṃ dṛṣṭvā netrodbhūtāśru viklavām | śokavihvaladīnāṃgīṃ babhāṣe yāvadutsukaḥ
Sanskrit only: no published translation is held for this verse.
तदा स्वबाहुरवदत्स्फुरद्युद्धाभिशंसनः । हृदये चरणोत्साहो बभूवातिरथस्य हि
tadā svabāhuravadatsphuradyuddhābhiśaṃsanaḥ | hṛdaye caraṇotsāho babhūvātirathasya hi
Sanskrit only: no published translation is held for this verse.
स प्रत्युवाच जननीं दीनगद्गदभाषिणीम् । मातस्तव गतं दुःखं मयि पुत्र उपस्थिते
sa pratyuvāca jananīṃ dīnagadgadabhāṣiṇīm | mātastava gataṃ duḥkhaṃ mayi putra upasthite
Sanskrit only: no published translation is held for this verse.
मयि जीवति ते नेत्रादश्रूणि भुवि नो पतन् । प्रसूमुवाचाश्रुखिन्नां दीनगद्गदभाषिणीम्
mayi jīvati te netrādaśrūṇi bhuvi no patan | prasūmuvācāśrukhinnāṃ dīnagadgadabhāṣiṇīm
Sanskrit only: no published translation is held for this verse.
कुशो दुःखमितः सद्यो दुःखितां धीरमानसः । मम भ्राता लवः कुत्र वर्तते वैरिमर्दनः
kuśo duḥkhamitaḥ sadyo duḥkhitāṃ dhīramānasaḥ | mama bhrātā lavaḥ kutra vartate vairimardanaḥ
Sanskrit only: no published translation is held for this verse.
सदा मामागतं ज्ञात्वा प्रहर्षन्सन्निधावियात् । न दृश्यते कथं वीरः कुत्र रंतुं गतो बली
sadā māmāgataṃ jñātvā praharṣansannidhāviyāt | na dṛśyate kathaṃ vīraḥ kutra raṃtuṃ gato balī
Sanskrit only: no published translation is held for this verse.
केन वा सह बालत्वाद्गतो मां वै निरीक्षितुम् । किं त्वं रोदिषि मे मातर्लवः कुत्र स वर्तते
kena vā saha bālatvādgato māṃ vai nirīkṣitum | kiṃ tvaṃ rodiṣi me mātarlavaḥ kutra sa vartate
Sanskrit only: no published translation is held for this verse.
तन्मे कथय सर्वं यत्तव दुःखस्य कारणम् । तच्छ्रुत्वा पुत्रवाक्यं सा दुःखिता कुशमब्रवीत्
tanme kathaya sarvaṃ yattava duḥkhasya kāraṇam | tacchrutvā putravākyaṃ sā duḥkhitā kuśamabravīt
Sanskrit only: no published translation is held for this verse.
लवो धृतो नृपेणात्र केनचिद्धयरक्षिणा । बबंध बालको मेत्र हयं यागक्रियोचितम्
lavo dhṛto nṛpeṇātra kenaciddhayarakṣiṇā | babaṃdha bālako metra hayaṃ yāgakriyocitam
Sanskrit only: no published translation is held for this verse.
तद्रक्षकान्बहूञ्जिग्ये एकोऽनेकान्रिपून्बली । राजा तं मूर्च्छितं कृत्वा बबंध रणमूर्धनि
tadrakṣakānbahūñjigye eko'nekānripūnbalī | rājā taṃ mūrcchitaṃ kṛtvā babaṃdha raṇamūrdhani
Sanskrit only: no published translation is held for this verse.
बालका इति मामूचुः सहगंतार एव हि । ततोऽहं दुःखिता जाता निशम्य लवमाधृतम्
bālakā iti māmūcuḥ sahagaṃtāra eva hi | tato'haṃ duḥkhitā jātā niśamya lavamādhṛtam
Sanskrit only: no published translation is held for this verse.
त्वं मोचय बलात्तस्मात्काले प्राप्तो नृपोत्तमात् । निशम्य मातुर्वचनं कुशः कोपसमन्वितः । जगाद तां दशन्नोष्ठं दंतैर्दंतान्विनिष्पिषन्
tvaṃ mocaya balāttasmātkāle prāpto nṛpottamāt | niśamya māturvacanaṃ kuśaḥ kopasamanvitaḥ | jagāda tāṃ daśannoṣṭhaṃ daṃtairdaṃtānviniṣpiṣan
Sanskrit only: no published translation is held for this verse.
कुश उवाच। मातर्जानीहि तं मुक्तं लवं पाशस्य बंधनात् । इदानीं हन्मि तं बाणैः समग्रबलवाहनम्
kuśa uvāca| mātarjānīhi taṃ muktaṃ lavaṃ pāśasya baṃdhanāt | idānīṃ hanmi taṃ bāṇaiḥ samagrabalavāhanam
Sanskrit only: no published translation is held for this verse.
यदि देवोऽमरो वापि यदि शर्वः समागतः । तथापि मोचये तस्माद्बाणैर्निशितपर्वभिः
yadi devo'maro vāpi yadi śarvaḥ samāgataḥ | tathāpi mocaye tasmādbāṇairniśitaparvabhiḥ
Sanskrit only: no published translation is held for this verse.
मा रोदिषि मातरिह वीराणां रणमूर्छितम् । कीर्तयेऽत्र भवत्येव पलायनमकीर्तये
mā rodiṣi mātariha vīrāṇāṃ raṇamūrchitam | kīrtaye'tra bhavatyeva palāyanamakīrtaye
Sanskrit only: no published translation is held for this verse.
देहि मे कवचं दिव्यं धनुर्गुणसमन्वितम् । शिरस्त्राणं च मे मातः करवालं तथाशितम्
dehi me kavacaṃ divyaṃ dhanurguṇasamanvitam | śirastrāṇaṃ ca me mātaḥ karavālaṃ tathāśitam
Sanskrit only: no published translation is held for this verse.
इदानीं यामि समरे पातयामि बलं महत् । मोचयामि भ्रातरं स्वं रणमध्याद्विमूर्छितम्
idānīṃ yāmi samare pātayāmi balaṃ mahat | mocayāmi bhrātaraṃ svaṃ raṇamadhyādvimūrchitam
Sanskrit only: no published translation is held for this verse.
न मोचयाम्यद्य पुत्रं तव मातर्महारणात् । तदा तौ मे भवत्पादौ संरुष्टौ भवतां क्षितौ
na mocayāmyadya putraṃ tava mātarmahāraṇāt | tadā tau me bhavatpādau saṃruṣṭau bhavatāṃ kṣitau
Sanskrit only: no published translation is held for this verse.
शेष उवाच। इति वाक्येन संतुष्टा जानकी शुभलक्षणा । सर्वं प्रादादस्त्रवृंदं जयाशीर्भिर्नियुज्यतम्
śeṣa uvāca| iti vākyena saṃtuṣṭā jānakī śubhalakṣaṇā | sarvaṃ prādādastravṛṃdaṃ jayāśīrbhirniyujyatam
Sanskrit only: no published translation is held for this verse.
प्रयाहि पुत्र संग्रामं लवं मोचय मूर्च्छितम् । इत्याज्ञप्तः कुशः संख्ये कवची कुंडली बली
prayāhi putra saṃgrāmaṃ lavaṃ mocaya mūrcchitam | ityājñaptaḥ kuśaḥ saṃkhye kavacī kuṃḍalī balī
Sanskrit only: no published translation is held for this verse.
मुकुटी करवाली च चर्मधारी धनुर्धरः । अक्षयाविषुधी कृत्वा स्कंधयोः सिंहवीर्ययोः
mukuṭī karavālī ca carmadhārī dhanurdharaḥ | akṣayāviṣudhī kṛtvā skaṃdhayoḥ siṃhavīryayoḥ
Sanskrit only: no published translation is held for this verse.
जगाम तरसा नत्वा मातृपादौ रथाग्रणीः । वेगेन यावद्युद्धाय गच्छति क्षिप्रमाहवे
jagāma tarasā natvā mātṛpādau rathāgraṇīḥ | vegena yāvadyuddhāya gacchati kṣipramāhave
Sanskrit only: no published translation is held for this verse.
तावद्ददर्श स्वलवं वैरिवृंदनिपातकम् । आयांतं तं कुशं वीरा ददृशुः सुमहाभटाः
tāvaddadarśa svalavaṃ vairivṛṃdanipātakam | āyāṃtaṃ taṃ kuśaṃ vīrā dadṛśuḥ sumahābhaṭāḥ
Sanskrit only: no published translation is held for this verse.
कृतांतमिव संहर्तुं सर्वं विश्वमुपस्थितम् । लवो महाबलं दृष्ट्वा कुशं भ्रातरमागतम्
kṛtāṃtamiva saṃhartuṃ sarvaṃ viśvamupasthitam | lavo mahābalaṃ dṛṣṭvā kuśaṃ bhrātaramāgatam
Sanskrit only: no published translation is held for this verse.
अत्यंतं वह्निवद्युद्धे दिदीपे वायुना समम् । रथादुन्मुच्य चात्मानं युद्धाय स विनिर्गतः
atyaṃtaṃ vahnivadyuddhe didīpe vāyunā samam | rathādunmucya cātmānaṃ yuddhāya sa vinirgataḥ
Sanskrit only: no published translation is held for this verse.
कुशः सर्वान्रणस्थान्वै वीरान्पूर्वदिशि क्षिपत् । पश्चिमायां दिशि लवः कोपात्सर्वान्समैरयत्
kuśaḥ sarvānraṇasthānvai vīrānpūrvadiśi kṣipat | paścimāyāṃ diśi lavaḥ kopātsarvānsamairayat
Sanskrit only: no published translation is held for this verse.
कुशबाणव्यथाव्याप्ता लवसायकपीडिताः । सैन्ये जना मुने सर्वे उत्कल्लोलांबुधिभ्रमाः ४७ उत्कल। कुशेन च लवेनाथ शरव्रातैः प्रपीडितम् । न शर्म लेभे सकलं सैन्यं वीरप्रपूरितम्
kuśabāṇavyathāvyāptā lavasāyakapīḍitāḥ | sainye janā mune sarve utkallolāṃbudhibhramāḥ 47 utkala| kuśena ca lavenātha śaravrātaiḥ prapīḍitam | na śarma lebhe sakalaṃ sainyaṃ vīraprapūritam
Sanskrit only: no published translation is held for this verse.
इतस्ततः प्रभग्नं तद्बलं त्रस्तं पुनः पुनः । न कुत्रचिद्रणे स्थित्वा युद्धमैच्छद्बलान्वितः
itastataḥ prabhagnaṃ tadbalaṃ trastaṃ punaḥ punaḥ | na kutracidraṇe sthitvā yuddhamaicchadbalānvitaḥ
Sanskrit only: no published translation is held for this verse.
एतस्मिन्समये राजा शत्रुघ्नः परतापनः । कुशं वीरं ययौ योद्धुं तादृशं लवसन्निभम्
etasminsamaye rājā śatrughnaḥ paratāpanaḥ | kuśaṃ vīraṃ yayau yoddhuṃ tādṛśaṃ lavasannibham
Sanskrit only: no published translation is held for this verse.
कुशं दृष्ट्वा बलाक्रांतं राममूर्तिसमप्रभम् । रथे तिष्ठन्हेममये जगाद परवीरहा
kuśaṃ dṛṣṭvā balākrāṃtaṃ rāmamūrtisamaprabham | rathe tiṣṭhanhemamaye jagāda paravīrahā
Sanskrit only: no published translation is held for this verse.
शत्रुघ्न उवाच। कोऽसि त्वं सन्निभो भ्रात्रा लवेन सुमहाबलः । किं नामासि महावीर कस्ते तातः क्व ते प्रसूः
śatrughna uvāca| ko'si tvaṃ sannibho bhrātrā lavena sumahābalaḥ | kiṃ nāmāsi mahāvīra kaste tātaḥ kva te prasūḥ
Sanskrit only: no published translation is held for this verse.
कथं वने द्विजैर्जुष्टे तिष्ठसि त्वं नरर्षभ । सर्वं शंस यथायुध्ये त्वया सह महाबल
kathaṃ vane dvijairjuṣṭe tiṣṭhasi tvaṃ nararṣabha | sarvaṃ śaṃsa yathāyudhye tvayā saha mahābala
Sanskrit only: no published translation is held for this verse.
इति वाक्यं समाकर्ण्य कुशः प्रोवाच भूमिपम् । मेघगंभीरया वाचा नादयन्रणमंडलम्
iti vākyaṃ samākarṇya kuśaḥ provāca bhūmipam | meghagaṃbhīrayā vācā nādayanraṇamaṃḍalam
Sanskrit only: no published translation is held for this verse.
केवलं सुषुवे सीता पतिव्रतपरायणा । वने वसावो वाल्मीकेश्चरणार्चनतत्परौ
kevalaṃ suṣuve sītā pativrataparāyaṇā | vane vasāvo vālmīkeścaraṇārcanatatparau
Sanskrit only: no published translation is held for this verse.
मातृसेवासमुद्युक्तौ सर्वविद्याविशारदौ । कुशो लव इति प्रख्यामागतौ भूपतेऽनघ
mātṛsevāsamudyuktau sarvavidyāviśāradau | kuśo lava iti prakhyāmāgatau bhūpate'nagha
Sanskrit only: no published translation is held for this verse.
कस्त्वं वीरो रणश्लाघी किमर्थं हयसत्तमः । मुक्तोऽस्ति समरे त्वद्य जेतासि बलसंयुतः
kastvaṃ vīro raṇaślāghī kimarthaṃ hayasattamaḥ | mukto'sti samare tvadya jetāsi balasaṃyutaḥ
Sanskrit only: no published translation is held for this verse.
युध्यस्व त्वं मया सार्द्धं यदि वीरोऽसि भूमिप । इदानीं पातयिष्यामि भवंतं रणमूर्धनि
yudhyasva tvaṃ mayā sārddhaṃ yadi vīro'si bhūmipa | idānīṃ pātayiṣyāmi bhavaṃtaṃ raṇamūrdhani
Sanskrit only: no published translation is held for this verse.
शत्रुघ्नस्तं सुतं ज्ञात्वा सीताया रामसंभवम् । विसिष्माय स्वयं चित्ते कोपाद्धनुरुपाददत्
śatrughnastaṃ sutaṃ jñātvā sītāyā rāmasaṃbhavam | visiṣmāya svayaṃ citte kopāddhanurupādadat
Sanskrit only: no published translation is held for this verse.
तमात्तधनुषं दृष्ट्वा कुशः कोपसमन्वितः । विस्फारयामास धनुः स्वीयं सुदृढमुत्तमम्
tamāttadhanuṣaṃ dṛṣṭvā kuśaḥ kopasamanvitaḥ | visphārayāmāsa dhanuḥ svīyaṃ sudṛḍhamuttamam
Sanskrit only: no published translation is held for this verse.
मुमोच बाणान्निशिताञ्छत्रुघ्नः सर्वशस्त्रवित् । तांश्चिच्छेद कुशः सर्वांल्लीलया प्रहसन्रणे
mumoca bāṇānniśitāñchatrughnaḥ sarvaśastravit | tāṃściccheda kuśaḥ sarvāṃllīlayā prahasanraṇe
Sanskrit only: no published translation is held for this verse.
बाणाश्च शतसाहस्राः कुशस्य च नृपस्य च । भुवनं व्याप्नुवन्सर्वं तच्चित्रमभवन्मुने
bāṇāśca śatasāhasrāḥ kuśasya ca nṛpasya ca | bhuvanaṃ vyāpnuvansarvaṃ taccitramabhavanmune
Sanskrit only: no published translation is held for this verse.
अग्न्यस्त्रेण कुशः सर्वान्ददाह तरसा बली । शमयामास तं भूपः पर्जन्यास्त्रेण वीर्यवान्
agnyastreṇa kuśaḥ sarvāndadāha tarasā balī | śamayāmāsa taṃ bhūpaḥ parjanyāstreṇa vīryavān
Sanskrit only: no published translation is held for this verse.
शमयामास तं भूपो वायव्येनातिविक्रमः । तदा वायुरभूत्तीव्रः सर्वतो रणमंडले । पर्वतास्त्रेण तं वायुं क्षोभयंतं समावृणोत्
śamayāmāsa taṃ bhūpo vāyavyenātivikramaḥ | tadā vāyurabhūttīvraḥ sarvato raṇamaṃḍale | parvatāstreṇa taṃ vāyuṃ kṣobhayaṃtaṃ samāvṛṇot
Sanskrit only: no published translation is held for this verse.
वज्रास्त्रेण नृपः संख्ये चिच्छेद सनगोपलान् । तदा नारायणास्त्रं स मुमोच कुश उद्भटः । नारायणं तदा भूपं नाशकत्परिबाधितुम्
vajrāstreṇa nṛpaḥ saṃkhye ciccheda sanagopalān | tadā nārāyaṇāstraṃ sa mumoca kuśa udbhaṭaḥ | nārāyaṇaṃ tadā bhūpaṃ nāśakatparibādhitum
Sanskrit only: no published translation is held for this verse.
तदा प्रकुपितोऽत्यतं कुशः कोपपरायणः । उवाच भूपं शत्रुघ्नं महाबलपराक्रमम्
tadā prakupito'tyataṃ kuśaḥ kopaparāyaṇaḥ | uvāca bhūpaṃ śatrughnaṃ mahābalaparākramam
Sanskrit only: no published translation is held for this verse.
जानामि त्वां महावीरं संग्रामे जयकारिणम् । यत्त्वां नारायणास्त्रं मे न बबाधे भयानकम्
jānāmi tvāṃ mahāvīraṃ saṃgrāme jayakāriṇam | yattvāṃ nārāyaṇāstraṃ me na babādhe bhayānakam
Sanskrit only: no published translation is held for this verse.
इदानीं पातयाम्यद्य भूमौ त्वां नृपते शरैः । त्रिभिश्चेन्नकरोम्येतत्प्रतिज्ञां तर्हि मे शृणु
idānīṃ pātayāmyadya bhūmau tvāṃ nṛpate śaraiḥ | tribhiścennakaromyetatpratijñāṃ tarhi me śṛṇu
Sanskrit only: no published translation is held for this verse.
यो मनुष्यवपुः प्राप्य दुर्लभं पुण्यकोटिभिः । तन्नाद्रियेत संमोहात्तस्य मेस्त्वत्र पातकम्
yo manuṣyavapuḥ prāpya durlabhaṃ puṇyakoṭibhiḥ | tannādriyeta saṃmohāttasya mestvatra pātakam
Sanskrit only: no published translation is held for this verse.
सावधानो भवानत्र भवतु प्रधनांगणे । पातयामि क्षितौ सद्य इत्युक्त्वा स्वशरासने
sāvadhāno bhavānatra bhavatu pradhanāṃgaṇe | pātayāmi kṣitau sadya ityuktvā svaśarāsane
Sanskrit only: no published translation is held for this verse.
शरं संरोपयामास घोरं कालानलप्रभम् । लक्षीकृत्य रिपोर्वक्षो विपुलं कठिनं महत्
śaraṃ saṃropayāmāsa ghoraṃ kālānalaprabham | lakṣīkṛtya riporvakṣo vipulaṃ kaṭhinaṃ mahat
Sanskrit only: no published translation is held for this verse.
तं संधितं शरं दृष्ट्वा शत्रुघ्नः कोपमूर्च्छितः । मुमोच बाणान्निशितान्कुशत्वग्भेदकारकान्
taṃ saṃdhitaṃ śaraṃ dṛṣṭvā śatrughnaḥ kopamūrcchitaḥ | mumoca bāṇānniśitānkuśatvagbhedakārakān
Sanskrit only: no published translation is held for this verse.
स बाणो हृदयं तस्य भेत्तुं तत्प्रचचाल वै । घोररूपो वह्निसमआशीविषवदुच्छ्वसन्
sa bāṇo hṛdayaṃ tasya bhettuṃ tatpracacāla vai | ghorarūpo vahnisamaāśīviṣavaducchvasan
Sanskrit only: no published translation is held for this verse.
स बाणो नृपवर्येण रामं स्मृत्वाशुलक्षितः । चिच्छेद कुशमुक्तं स सायकं शितपर्वकम्
sa bāṇo nṛpavaryeṇa rāmaṃ smṛtvāśulakṣitaḥ | ciccheda kuśamuktaṃ sa sāyakaṃ śitaparvakam
Sanskrit only: no published translation is held for this verse.
तदात्यंतं प्रकुपितः कुशो बाणस्य कृंतनात् । अपरं सायकं चापे दधार शितपर्वकम्
tadātyaṃtaṃ prakupitaḥ kuśo bāṇasya kṛṃtanāt | aparaṃ sāyakaṃ cāpe dadhāra śitaparvakam
Sanskrit only: no published translation is held for this verse.
स यावत्तदुरो भेत्तुं करोति च बलोद्धुरः । तं तावदच्छिनत्तस्य शरं कालानलप्रभम्
sa yāvattaduro bhettuṃ karoti ca baloddhuraḥ | taṃ tāvadacchinattasya śaraṃ kālānalaprabham
Sanskrit only: no published translation is held for this verse.
तदा कुशो मातृपादौ स्मृत्वा रोषसमन्वितः । तृतीयं चापके स्वीये दधार शरमद्भुतम्
tadā kuśo mātṛpādau smṛtvā roṣasamanvitaḥ | tṛtīyaṃ cāpake svīye dadhāra śaramadbhutam
Sanskrit only: no published translation is held for this verse.
शत्रुघ्नस्तमपि क्षिप्रं च्छेत्तुं बाणं समाददे । तावद्विद्धः शरेणासौ पपात धरणीतले
śatrughnastamapi kṣipraṃ cchettuṃ bāṇaṃ samādade | tāvadviddhaḥ śareṇāsau papāta dharaṇītale
Sanskrit only: no published translation is held for this verse.
हाहाकारो महानासीच्छत्रुघ्ने विनिपातिते । जयमापकुशस्तत्र स्वबाहुबलदर्पितः
hāhākāro mahānāsīcchatrughne vinipātite | jayamāpakuśastatra svabāhubaladarpitaḥ
Sanskrit only: no published translation is held for this verse.