Library·Padma Purāṇa·5·5.67
सप्तषष्टितमोऽध्यायः 5.67 शेष उवाच। अथ सौमित्रिरागत्य जानकीं नतवान्मुहुः । प्रेमगद्गदया शंसन्वाचं रामप्रणोदिताम्
saptaṣaṣṭitamo'dhyāyaḥ 5.67 śeṣa uvāca| atha saumitrirāgatya jānakīṃ natavānmuhuḥ | premagadgadayā śaṃsanvācaṃ rāmapraṇoditām
Sanskrit only: no published translation is held for this verse.
सीता समागतं दृष्ट्वा लक्ष्मणं विनयान्वितम् । तन्मुखाद्रामसंदेशं श्रुत्वोवाच विलज्जिता
sītā samāgataṃ dṛṣṭvā lakṣmaṇaṃ vinayānvitam | tanmukhādrāmasaṃdeśaṃ śrutvovāca vilajjitā
Sanskrit only: no published translation is held for this verse.
सौमित्रे कथमागच्छे रामत्यक्ता महावने । तिष्ठामि रामं स्मरन्ती वाल्मीकेराश्रमे त्वहम्
saumitre kathamāgacche rāmatyaktā mahāvane | tiṣṭhāmi rāmaṃ smarantī vālmīkerāśrame tvaham
Sanskrit only: no published translation is held for this verse.
तस्या मुखोदितं वाक्यं श्रुत्वा सौमित्रिरब्रवीत् । मातः पतिव्रते रामस्त्वामाकारयते मुहुः
tasyā mukhoditaṃ vākyaṃ śrutvā saumitrirabravīt | mātaḥ pativrate rāmastvāmākārayate muhuḥ
Sanskrit only: no published translation is held for this verse.
पतिव्रता पतिकृतं दोषं नानयते हृदि । तस्मादागच्छ हि मया स्थित्वा स्यंदन उत्तमे
pativratā patikṛtaṃ doṣaṃ nānayate hṛdi | tasmādāgaccha hi mayā sthitvā syaṃdana uttame
Sanskrit only: no published translation is held for this verse.
इत्यादि वचनं श्रुत्वा जानकी पतिदेवता । मनोरोषं परित्यज्य तस्थौ सौमित्रिणा रथे
ityādi vacanaṃ śrutvā jānakī patidevatā | manoroṣaṃ parityajya tasthau saumitriṇā rathe
Sanskrit only: no published translation is held for this verse.
तापसीः सकला नत्वा मुनींश्च निगमोज्ज्वलान् । रामं स्मरंती मनसा रथे स्थित्वागमत्पुरीम्
tāpasīḥ sakalā natvā munīṃśca nigamojjvalān | rāmaṃ smaraṃtī manasā rathe sthitvāgamatpurīm
Sanskrit only: no published translation is held for this verse.
क्रमेण नगरीं प्राप्ता महार्हाभरणान्विता । सरयूं सरितं प्राप यत्र रामः स्वयं स्थितः
krameṇa nagarīṃ prāptā mahārhābharaṇānvitā | sarayūṃ saritaṃ prāpa yatra rāmaḥ svayaṃ sthitaḥ
Sanskrit only: no published translation is held for this verse.
रथादुत्तीर्य ललिता लक्ष्मणेन समन्विता । रामस्य पादयोर्लग्ना पतिव्रतपरायणा
rathāduttīrya lalitā lakṣmaṇena samanvitā | rāmasya pādayorlagnā pativrataparāyaṇā
Sanskrit only: no published translation is held for this verse.
रामस्तामागतां दृष्ट्वा जानकीं प्रेमविह्वलाम् । साध्वि त्वया सहेदानीं कुर्वे यज्ञसमापनम्
rāmastāmāgatāṃ dṛṣṭvā jānakīṃ premavihvalām | sādhvi tvayā sahedānīṃ kurve yajñasamāpanam
Sanskrit only: no published translation is held for this verse.
वाल्मीकिं सा नमस्कृत्य तथान्यान्विप्रसत्तमान् । जगाम मातृपदयोः सन्नतिं कर्तुमुत्सुका
vālmīkiṃ sā namaskṛtya tathānyānviprasattamān | jagāma mātṛpadayoḥ sannatiṃ kartumutsukā
Sanskrit only: no published translation is held for this verse.
कौशल्या तामथायांतीं वीरसूं जानकीं प्रियाम् । आशीर्भिरभिसंयुज्य ययौ हर्षमनेकधा
kauśalyā tāmathāyāṃtīṃ vīrasūṃ jānakīṃ priyām | āśīrbhirabhisaṃyujya yayau harṣamanekadhā
Sanskrit only: no published translation is held for this verse.
कैकेयीपदयोर्नम्रां वीक्ष्य वैदेहपुत्रिकाम् । भर्त्रा सह चिरं जीव सपुत्रेत्याशिषं व्यधात्
kaikeyīpadayornamrāṃ vīkṣya vaidehaputrikām | bhartrā saha ciraṃ jīva saputretyāśiṣaṃ vyadhāt
Sanskrit only: no published translation is held for this verse.
सुमित्रा स्वपदेनम्रां वीक्ष्य वैदेहपुत्रिकाम् । आशिषं व्यदधात्तस्याः पुत्रपौत्रप्रदायिनीम्
sumitrā svapadenamrāṃ vīkṣya vaidehaputrikām | āśiṣaṃ vyadadhāttasyāḥ putrapautrapradāyinīm
Sanskrit only: no published translation is held for this verse.
सीता ताः सर्वतो नत्वा रामचंद्र प्रिया सती । परमं हर्षमापन्ना बभूव किल वाडव
sītā tāḥ sarvato natvā rāmacaṃdra priyā satī | paramaṃ harṣamāpannā babhūva kila vāḍava
Sanskrit only: no published translation is held for this verse.
समागतां वीक्ष्य पत्नीं रामचंद्रस्य कुंभजः । सुवर्णपत्नीं धिक्कृत्य तामधाद्धर्मचारिणीम्
samāgatāṃ vīkṣya patnīṃ rāmacaṃdrasya kuṃbhajaḥ | suvarṇapatnīṃ dhikkṛtya tāmadhāddharmacāriṇīm
Sanskrit only: no published translation is held for this verse.
रामस्तदा यज्ञमध्ये शुशुभे सीतया सह । तारयानुगतो यद्वच्छशीव शरदुत्प्रभः
rāmastadā yajñamadhye śuśubhe sītayā saha | tārayānugato yadvacchaśīva śaradutprabhaḥ
Sanskrit only: no published translation is held for this verse.
प्रयोगमकरोत्तत्र काले प्राप्ते मनोरमे । वैदेह्या धर्मचारिण्या सर्वपापापनोदनम्
prayogamakarottatra kāle prāpte manorame | vaidehyā dharmacāriṇyā sarvapāpāpanodanam
Sanskrit only: no published translation is held for this verse.
सीतया सहितं रामं प्रसक्तं यज्ञकर्मणि । निरीक्ष्य जहृषुस्तत्र कौतुकेन समन्विताः
sītayā sahitaṃ rāmaṃ prasaktaṃ yajñakarmaṇi | nirīkṣya jahṛṣustatra kautukena samanvitāḥ
Sanskrit only: no published translation is held for this verse.
वसिष्ठं प्राह सुमतिं रामस्तत्र क्रतौ वरे । किं कर्तव्यं मया स्वामिन्नतः परमवश्यकम्
vasiṣṭhaṃ prāha sumatiṃ rāmastatra kratau vare | kiṃ kartavyaṃ mayā svāminnataḥ paramavaśyakam
Sanskrit only: no published translation is held for this verse.
रामस्य वचनं श्रुत्वा गुरुः प्राह महामतिः । ब्राह्मणानां प्रकर्तव्या पूजा संतोषकारिका
rāmasya vacanaṃ śrutvā guruḥ prāha mahāmatiḥ | brāhmaṇānāṃ prakartavyā pūjā saṃtoṣakārikā
Sanskrit only: no published translation is held for this verse.
मरुत्तेन क्रतुः सृष्टः पूर्वं संभारसंभृतः । ब्राह्मणास्तत्र वित्ताद्यैस्तोषिता अभवंस्तदा
maruttena kratuḥ sṛṣṭaḥ pūrvaṃ saṃbhārasaṃbhṛtaḥ | brāhmaṇāstatra vittādyaistoṣitā abhavaṃstadā
Sanskrit only: no published translation is held for this verse.
अत्यंतं वित्तसंभारं नेतुं विप्राशकन्नहि । प्राक्षिपन्हिमवद्देशे वित्तभारासहा द्विजाः
atyaṃtaṃ vittasaṃbhāraṃ netuṃ viprāśakannahi | prākṣipanhimavaddeśe vittabhārāsahā dvijāḥ
Sanskrit only: no published translation is held for this verse.
तस्मात्त्वमपि राजाग्र्य लक्ष्मीवान्नृपसत्तम । देहि दानादि विप्रेभ्यो यथा स्यात्प्रीतिरुत्तमा
tasmāttvamapi rājāgrya lakṣmīvānnṛpasattama | dehi dānādi viprebhyo yathā syātprītiruttamā
Sanskrit only: no published translation is held for this verse.
एतच्छ्रुत्वा स राजाग्र्यः पूज्यं मत्वा घटोद्भवम् । प्रथमं पूजयामास ब्रह्मपुत्रं तपोधनम्
etacchrutvā sa rājāgryaḥ pūjyaṃ matvā ghaṭodbhavam | prathamaṃ pūjayāmāsa brahmaputraṃ tapodhanam
Sanskrit only: no published translation is held for this verse.
अनेकरत्नसंभारैः स्वर्णभारैरनेकधा । देशैर्जनैः परिवृतैरत्यंतप्रीतिदायकैः
anekaratnasaṃbhāraiḥ svarṇabhārairanekadhā | deśairjanaiḥ parivṛtairatyaṃtaprītidāyakaiḥ
Sanskrit only: no published translation is held for this verse.
अगस्त्यं पूजयामास सपत्नीकं मनोरमम् । तथैव रत्नैः स्वर्णैश्च देशैश्च विविधैरपि
agastyaṃ pūjayāmāsa sapatnīkaṃ manoramam | tathaiva ratnaiḥ svarṇaiśca deśaiśca vividhairapi
Sanskrit only: no published translation is held for this verse.
व्यासं सत्यवतीपुत्रं तथैव समपूजयत् । च्यवनं भार्यया साकं सुरत्नैः समपूजयत्
vyāsaṃ satyavatīputraṃ tathaiva samapūjayat | cyavanaṃ bhāryayā sākaṃ suratnaiḥ samapūjayat
Sanskrit only: no published translation is held for this verse.
अन्यानपि मुनीन्सर्वानृत्विजस्तपसां निधीन् । पूजयामास रत्नौघैः स्वर्णभारैरनेकधा
anyānapi munīnsarvānṛtvijastapasāṃ nidhīn | pūjayāmāsa ratnaughaiḥ svarṇabhārairanekadhā
Sanskrit only: no published translation is held for this verse.
अदात्तदा क्रतौ रामो विप्रेभ्यो भूरिदक्षिणाम् । लक्षंलक्षं सुवर्णस्य प्रत्येकं त्वग्रजन्मने
adāttadā kratau rāmo viprebhyo bhūridakṣiṇām | lakṣaṃlakṣaṃ suvarṇasya pratyekaṃ tvagrajanmane
Sanskrit only: no published translation is held for this verse.
दीनांधकृपणेभ्यश्च ददौ दानमनेकधा । यथासंतोषविहितैर्वित्तै रत्नैर्मनोहरैः
dīnāṃdhakṛpaṇebhyaśca dadau dānamanekadhā | yathāsaṃtoṣavihitairvittai ratnairmanoharaiḥ
Sanskrit only: no published translation is held for this verse.
वासांसि च विचित्राणि भोजनानि मृदूनि च । तत्र प्रादाद्यथाशास्त्रं सर्वेषां प्रीतिदायकम्
vāsāṃsi ca vicitrāṇi bhojanāni mṛdūni ca | tatra prādādyathāśāstraṃ sarveṣāṃ prītidāyakam
Sanskrit only: no published translation is held for this verse.
हृष्टपुष्टजनाकीर्णं सर्वसत्त्वोपबृंहितम् । अत्यंतमभवद्धृष्टं पुरं पुंस्त्रीसमावृतम्
hṛṣṭapuṣṭajanākīrṇaṃ sarvasattvopabṛṃhitam | atyaṃtamabhavaddhṛṣṭaṃ puraṃ puṃstrīsamāvṛtam
Sanskrit only: no published translation is held for this verse.
दानं ददंतं सर्वेषां वीक्ष्य कुंभोद्भवो मुनिः । अत्यंतपरमप्रीतिं ययौ क्रतुवरे द्विजः
dānaṃ dadaṃtaṃ sarveṣāṃ vīkṣya kuṃbhodbhavo muniḥ | atyaṃtaparamaprītiṃ yayau kratuvare dvijaḥ
Sanskrit only: no published translation is held for this verse.
तदाभिषेकस्नानार्थं पानीयममृतोपमम् । आनेतुं च चतुःषष्टि नृपान्सस्त्रीन्समाह्वयत्
tadābhiṣekasnānārthaṃ pānīyamamṛtopamam | ānetuṃ ca catuḥṣaṣṭi nṛpānsastrīnsamāhvayat
Sanskrit only: no published translation is held for this verse.
रामस्तु सीतया सार्द्धमानेतुमुदकं ययौ । घटेन स्वर्णवर्णेन सर्वालंकारशोभया
rāmastu sītayā sārddhamānetumudakaṃ yayau | ghaṭena svarṇavarṇena sarvālaṃkāraśobhayā
Sanskrit only: no published translation is held for this verse.
सौमित्रिरप्यूर्मिलया मांडव्या भरतो नृपः । शत्रुघ्नः श्रुतकीर्त्या च कांतिमत्या च पुष्कलः
saumitrirapyūrmilayā māṃḍavyā bharato nṛpaḥ | śatrughnaḥ śrutakīrtyā ca kāṃtimatyā ca puṣkalaḥ
Sanskrit only: no published translation is held for this verse.
सुबाहुः सत्यवत्या च सत्यवान्वीरभूषया । सुमदस्तत्र सत्कीर्त्या राज्ञ्या च विमलो नृपः
subāhuḥ satyavatyā ca satyavānvīrabhūṣayā | sumadastatra satkīrtyā rājñyā ca vimalo nṛpaḥ
Sanskrit only: no published translation is held for this verse.
राजावीरमणिस्तत्र श्रुतवत्या मनोज्ञया । लक्ष्मीनिधिः कोमलया रिपुतापोंगसेनया
rājāvīramaṇistatra śrutavatyā manojñayā | lakṣmīnidhiḥ komalayā riputāpoṃgasenayā
Sanskrit only: no published translation is held for this verse.
विभीषणो महामूर्त्या प्रतापाग्र्यः प्रतीतया । उग्राश्वः कामगमया नीलरत्नोधिरम्यया
vibhīṣaṇo mahāmūrtyā pratāpāgryaḥ pratītayā | ugrāśvaḥ kāmagamayā nīlaratnodhiramyayā
Sanskrit only: no published translation is held for this verse.
सुरथः सुमनोहार्या तथा मोहनया कपिः । इत्यादीन्नृपतीन्विप्रो वसिष्ठः प्राहिणोन्मुनिः
surathaḥ sumanohāryā tathā mohanayā kapiḥ | ityādīnnṛpatīnvipro vasiṣṭhaḥ prāhiṇonmuniḥ
Sanskrit only: no published translation is held for this verse.
वसिष्ठः सरयूं गत्वा शिवपुण्यजलाप्लुताम् । उदकं मंत्रयामास वेदमंत्रेण मंत्रवित्
vasiṣṭhaḥ sarayūṃ gatvā śivapuṇyajalāplutām | udakaṃ maṃtrayāmāsa vedamaṃtreṇa maṃtravit
Sanskrit only: no published translation is held for this verse.
पयः पुनीह्यमुं वाहमुदकेन मनोहृता । यज्ञार्थं रामचंद्रस्य सर्वलोकैकरक्षितुः
payaḥ punīhyamuṃ vāhamudakena manohṛtā | yajñārthaṃ rāmacaṃdrasya sarvalokaikarakṣituḥ
Sanskrit only: no published translation is held for this verse.
उदकं तन्मुनिस्पृष्टं सर्वे रामादयो नृपाः । आजह्रुर्मंडपतले विप्रवर्यैरुपस्तुते
udakaṃ tanmunispṛṣṭaṃ sarve rāmādayo nṛpāḥ | ājahrurmaṃḍapatale vipravaryairupastute
Sanskrit only: no published translation is held for this verse.
पयोभिर्निर्मलैः स्नाप्य वाजिनं क्षीरसन्निभम् । मंत्रेण मंत्रयामास राम हस्तेन कुंभजः
payobhirnirmalaiḥ snāpya vājinaṃ kṣīrasannibham | maṃtreṇa maṃtrayāmāsa rāma hastena kuṃbhajaḥ
Sanskrit only: no published translation is held for this verse.
पुनीहि मां महावाह अस्मिन्ब्रह्मसमाकुले । त्वन्मेधेनाखिला देवाः प्रीणंतु परितोषिताः
punīhi māṃ mahāvāha asminbrahmasamākule | tvanmedhenākhilā devāḥ prīṇaṃtu paritoṣitāḥ
Sanskrit only: no published translation is held for this verse.
इत्युक्त्वा स नृपो रामः सीतया सममस्पृशत् । तदा सर्वे द्विजाश्चित्रममन्यंत कुतूहलात्
ityuktvā sa nṛpo rāmaḥ sītayā samamaspṛśat | tadā sarve dvijāścitramamanyaṃta kutūhalāt
Sanskrit only: no published translation is held for this verse.
परस्परमवोचंस्ते यन्नामस्मरणान्नराः । महापापात्प्रमुच्यंते स रामः किं वदत्यहो
parasparamavocaṃste yannāmasmaraṇānnarāḥ | mahāpāpātpramucyaṃte sa rāmaḥ kiṃ vadatyaho
Sanskrit only: no published translation is held for this verse.
इत्युक्तवति भूमीशे रामे कुंभोद्भवो मुनिः । करवालं चाभिमंत्र्य ददौ रामकरे मुनिः
ityuktavati bhūmīśe rāme kuṃbhodbhavo muniḥ | karavālaṃ cābhimaṃtrya dadau rāmakare muniḥ
Sanskrit only: no published translation is held for this verse.
करवाले धृते स्पृष्टे रामेण स हयः क्रतौ । पशुत्वं तु विहायाशु दिव्यरूपमपद्यत
karavāle dhṛte spṛṣṭe rāmeṇa sa hayaḥ kratau | paśutvaṃ tu vihāyāśu divyarūpamapadyata
Sanskrit only: no published translation is held for this verse.
विमानवरमारूढश्चाप्सरोभिः समंततः । चामरैर्वीज्यमानश्च वैजयंत्या विभूषितः
vimānavaramārūḍhaścāpsarobhiḥ samaṃtataḥ | cāmarairvījyamānaśca vaijayaṃtyā vibhūṣitaḥ
Sanskrit only: no published translation is held for this verse.
तदा तं वाजितां त्यक्त्वा दिव्यरूपधरं वरम् । वीक्ष्य लोकाः क्रतौ सर्वे विस्मयं प्राप्नुवंस्तदा
tadā taṃ vājitāṃ tyaktvā divyarūpadharaṃ varam | vīkṣya lokāḥ kratau sarve vismayaṃ prāpnuvaṃstadā
Sanskrit only: no published translation is held for this verse.
तदा रामः स्वयं जानञ्ज्ञापयन्सर्वतो नरान् । पप्रच्छ दिव्यरूपं तं सुरं परमधार्मिकः
tadā rāmaḥ svayaṃ jānañjñāpayansarvato narān | papraccha divyarūpaṃ taṃ suraṃ paramadhārmikaḥ
Sanskrit only: no published translation is held for this verse.
कस्त्वं दिव्यवपुः प्राप्तः कस्मात्त्वं वाजितां गतः । कथं सुरस्त्रीसहितः किं चिकीर्षसि तद्वद
kastvaṃ divyavapuḥ prāptaḥ kasmāttvaṃ vājitāṃ gataḥ | kathaṃ surastrīsahitaḥ kiṃ cikīrṣasi tadvada
Sanskrit only: no published translation is held for this verse.
रामस्य वचनं श्रुत्वा देवः प्रोवाच भूमिपम् । हसन्मेघरवां वाणीमवदत्सुमनोहराम्
rāmasya vacanaṃ śrutvā devaḥ provāca bhūmipam | hasanmegharavāṃ vāṇīmavadatsumanoharām
Sanskrit only: no published translation is held for this verse.
तवाज्ञातं न सर्वत्र बाह्याभ्यंतरचारिणः । तथापि पृच्छते तुभ्यं कथयामि यथातथम्
tavājñātaṃ na sarvatra bāhyābhyaṃtaracāriṇaḥ | tathāpi pṛcchate tubhyaṃ kathayāmi yathātatham
Sanskrit only: no published translation is held for this verse.
अहं पुराभवे राम द्विजः परमधार्मिकः । अचरं प्रतिकूलं वै वेदस्य रिपुतापन
ahaṃ purābhave rāma dvijaḥ paramadhārmikaḥ | acaraṃ pratikūlaṃ vai vedasya riputāpana
Sanskrit only: no published translation is held for this verse.
कदाचिद्धुतपापायास्तीरेऽहं गतवान्पुरा । अनेकवृक्षललिते सर्वत्रसुमनोरमे
kadāciddhutapāpāyāstīre'haṃ gatavānpurā | anekavṛkṣalalite sarvatrasumanorame
Sanskrit only: no published translation is held for this verse.
तत्र स्नात्वा पितॄंस्तृप्त्वा दानं दत्त्वा यथाविधि । ध्यानं तव महाबाहो कृतवान्वेदसंमितम्
tatra snātvā pitṝṃstṛptvā dānaṃ dattvā yathāvidhi | dhyānaṃ tava mahābāho kṛtavānvedasaṃmitam
Sanskrit only: no published translation is held for this verse.
तदा जनाः समायाता बहवस्तत्र भूपते । तेषां प्रवंचनार्थाय दंभमेनमकारिषम्
tadā janāḥ samāyātā bahavastatra bhūpate | teṣāṃ pravaṃcanārthāya daṃbhamenamakāriṣam
Sanskrit only: no published translation is held for this verse.
अनेकक्रतुसंभारैः पूर्णमजिरमुत्तमम् । वासोभिश्छादितं रम्यं चषालादियुतं महत्
anekakratusaṃbhāraiḥ pūrṇamajiramuttamam | vāsobhiśchāditaṃ ramyaṃ caṣālādiyutaṃ mahat
Sanskrit only: no published translation is held for this verse.
अग्निहोत्रोद्भवोधूमः सर्वतो नभसोंगणम् । चकार रम्यमतुलं चित्रकारिवपुर्धरः
agnihotrodbhavodhūmaḥ sarvato nabhasoṃgaṇam | cakāra ramyamatulaṃ citrakārivapurdharaḥ
Sanskrit only: no published translation is held for this verse.
अनेकतिलकश्रीभिः शोभितांगो महत्तपाः । दर्भशोभः समित्पाणिर्दंभो मूर्तिधरः किमु
anekatilakaśrībhiḥ śobhitāṃgo mahattapāḥ | darbhaśobhaḥ samitpāṇirdaṃbho mūrtidharaḥ kimu
Sanskrit only: no published translation is held for this verse.
दुर्वासास्तत्र स्वच्छंदं पर्यटञ्जगतीतलम् । प्राप तत्र महातेजा धूतपापसरित्तटे
durvāsāstatra svacchaṃdaṃ paryaṭañjagatītalam | prāpa tatra mahātejā dhūtapāpasarittaṭe
Sanskrit only: no published translation is held for this verse.
ददर्श मां दंभकरं मौनधारिणमग्रतः । अनर्घ्यकरमुन्मत्तमस्वागतवचः करम्
dadarśa māṃ daṃbhakaraṃ maunadhāriṇamagrataḥ | anarghyakaramunmattamasvāgatavacaḥ karam
Sanskrit only: no published translation is held for this verse.
दृष्ट्वातीव क्रुधाक्रांतः समुद्र इव पर्वणि । शशापासौ मुनिस्तीव्रो दंभिनं मां महामतिः
dṛṣṭvātīva krudhākrāṃtaḥ samudra iva parvaṇi | śaśāpāsau munistīvro daṃbhinaṃ māṃ mahāmatiḥ
Sanskrit only: no published translation is held for this verse.
दंभं करोषि चेत्तीरे सरितस्त्वं सुदुर्मते । तस्मात्प्राप्नुहि निर्वाच्यं पशुत्वं तापसाधम
daṃbhaṃ karoṣi cettīre saritastvaṃ sudurmate | tasmātprāpnuhi nirvācyaṃ paśutvaṃ tāpasādhama
Sanskrit only: no published translation is held for this verse.
शापं प्रदत्तं संश्रुत्य दुःखितोऽहं तदाभवम् । अग्राहिषं पदे तस्य मुनेर्दुर्वाससः किल
śāpaṃ pradattaṃ saṃśrutya duḥkhito'haṃ tadābhavam | agrāhiṣaṃ pade tasya munerdurvāsasaḥ kila
Sanskrit only: no published translation is held for this verse.
तदा मे कृतवान्राम द्विजोऽनुग्रहमुत्तमम् । वाजितां प्राप्नुहि मखे राजराजस्य तापस
tadā me kṛtavānrāma dvijo'nugrahamuttamam | vājitāṃ prāpnuhi makhe rājarājasya tāpasa
Sanskrit only: no published translation is held for this verse.
पश्चात्तद्धस्तसंपर्काद्याहि तत्परमं पदम् । दिव्यं वपुर्मनोहारि धृत्वा दंभविवर्जितम्
paścāttaddhastasaṃparkādyāhi tatparamaṃ padam | divyaṃ vapurmanohāri dhṛtvā daṃbhavivarjitam
Sanskrit only: no published translation is held for this verse.
तेन शापोपिसंदिष्टो ममानुग्रहतां गतः । यदहं तव हस्तस्य स्पर्शं प्राप्तो मनोरमम्
tena śāpopisaṃdiṣṭo mamānugrahatāṃ gataḥ | yadahaṃ tava hastasya sparśaṃ prāpto manoramam
Sanskrit only: no published translation is held for this verse.
यदेव राम देवादिदुर्लभं बहुजन्मभिः । तत्तेऽहं करजस्पर्शं प्राप्तवानिह दुर्लभम्
yadeva rāma devādidurlabhaṃ bahujanmabhiḥ | tatte'haṃ karajasparśaṃ prāptavāniha durlabham
Sanskrit only: no published translation is held for this verse.
आज्ञापय महाराज त्वत्प्रसादादहं महत् । गच्छामि शाश्वतं स्थानं तव दुःखादिवर्जितम्
ājñāpaya mahārāja tvatprasādādahaṃ mahat | gacchāmi śāśvataṃ sthānaṃ tava duḥkhādivarjitam
Sanskrit only: no published translation is held for this verse.
न यत्र शोको न जरा न मृत्युः कालविभ्रमः । तत्स्थानं देव गच्छामि त्वत्प्रसादान्नराधिप
na yatra śoko na jarā na mṛtyuḥ kālavibhramaḥ | tatsthānaṃ deva gacchāmi tvatprasādānnarādhipa
Sanskrit only: no published translation is held for this verse.
इत्युक्त्वा तं परिक्रम्य विमानवरमारुहत् । अनेकरत्नखचितं सर्वदेवाधिवंदितम्
ityuktvā taṃ parikramya vimānavaramāruhat | anekaratnakhacitaṃ sarvadevādhivaṃditam
Sanskrit only: no published translation is held for this verse.
गतोऽसौ शाश्वतस्थानं रामपादप्रसादतः । पुनरावृत्तिरहितं शोकमोहविवर्जितम्
gato'sau śāśvatasthānaṃ rāmapādaprasādataḥ | punarāvṛttirahitaṃ śokamohavivarjitam
Sanskrit only: no published translation is held for this verse.
तेन तत्कथितं श्रुत्वा रामं ज्ञात्वेतरे जनाः । विस्मयं प्रापिरे सर्वे परस्परमुदुन्मदाः
tena tatkathitaṃ śrutvā rāmaṃ jñātvetare janāḥ | vismayaṃ prāpire sarve parasparamudunmadāḥ
Sanskrit only: no published translation is held for this verse.
शृणु द्विजमहाबुद्धे दंभेनापि स्मृतो हरिः । ददाति मोक्षं सुतरां किं पुनर्दंभवर्जनात्
śṛṇu dvijamahābuddhe daṃbhenāpi smṛto hariḥ | dadāti mokṣaṃ sutarāṃ kiṃ punardaṃbhavarjanāt
Sanskrit only: no published translation is held for this verse.
यथाकथंचिद्रामस्य कर्तव्यं स्मरणं परम् । येन प्राप्नोति परमं पदं देवादिदुर्लभम्
yathākathaṃcidrāmasya kartavyaṃ smaraṇaṃ param | yena prāpnoti paramaṃ padaṃ devādidurlabham
Sanskrit only: no published translation is held for this verse.
तच्चित्रं वीक्ष्य मुनयः कृतार्थं मेनिरे निजम् । यद्रामचरणप्रेक्षा करस्पर्शपवित्रितम्
taccitraṃ vīkṣya munayaḥ kṛtārthaṃ menire nijam | yadrāmacaraṇaprekṣā karasparśapavitritam
Sanskrit only: no published translation is held for this verse.
गते तस्मिन्सुरे स्वर्गं हयरूपधरे पुरा । उवाच रामस्तपसां निधीन्वेदविदुत्तमान्
gate tasminsure svargaṃ hayarūpadhare purā | uvāca rāmastapasāṃ nidhīnvedaviduttamān
Sanskrit only: no published translation is held for this verse.
किं कर्तव्यं मयाब्रह्मन्हयो नष्टो गतः सुखम् । होमः कथं पुरोभावी सर्वदैवततर्पकः
kiṃ kartavyaṃ mayābrahmanhayo naṣṭo gataḥ sukham | homaḥ kathaṃ purobhāvī sarvadaivatatarpakaḥ
Sanskrit only: no published translation is held for this verse.
यथा स्यात्सुरसंतृप्तिर्यथा मे मख उत्तमः । तथा कुर्वंतु मुनयो यथा मे स्याद्विधिश्रुतम्
yathā syātsurasaṃtṛptiryathā me makha uttamaḥ | tathā kurvaṃtu munayo yathā me syādvidhiśrutam
Sanskrit only: no published translation is held for this verse.
इति वाक्यं समाश्रुत्य जगाद मुनिसत्तमः । वसिष्ठः सर्वदेवानां चित्ताभिज्ञानकोविदः
iti vākyaṃ samāśrutya jagāda munisattamaḥ | vasiṣṭhaḥ sarvadevānāṃ cittābhijñānakovidaḥ
Sanskrit only: no published translation is held for this verse.
कर्पूरमाहर क्षिप्रं येन देवाः स्वयं पुरा । प्राप्य हव्यं ग्रहीष्यंति मद्वाक्यप्रेरिताधुना
karpūramāhara kṣipraṃ yena devāḥ svayaṃ purā | prāpya havyaṃ grahīṣyaṃti madvākyapreritādhunā
Sanskrit only: no published translation is held for this verse.
इति वाक्यं समाकर्ण्य रामः क्षिप्रमुपाहरत् । कर्पूरं बहुदेवानां प्रीत्यर्थं बहुशोभनम्
iti vākyaṃ samākarṇya rāmaḥ kṣipramupāharat | karpūraṃ bahudevānāṃ prītyarthaṃ bahuśobhanam
Sanskrit only: no published translation is held for this verse.
तदा मुनिः प्रहृष्टात्मा देवानाह्वयदद्भुतान् । ते सर्वे तत्क्षणात्प्राप्ताः स्वपरीवारसंवृताः
tadā muniḥ prahṛṣṭātmā devānāhvayadadbhutān | te sarve tatkṣaṇātprāptāḥ svaparīvārasaṃvṛtāḥ
Sanskrit only: no published translation is held for this verse.