Library·Padma Purāṇa·5·5.69
ऋषय ऊचुः - सम्यक्छ्रुतो महाभाग त्वत्तो रामाश्वमेधकः । इदानीं वद माहात्म्यं श्रीकृष्णस्य महात्मनः
ṛṣaya ūcuḥ - samyakchruto mahābhāga tvatto rāmāśvamedhakaḥ | idānīṃ vada māhātmyaṃ śrīkṛṣṇasya mahātmanaḥ
Sanskrit only: no published translation is held for this verse.
सूत उवाच-। शृण्वंतु मुनिशार्दूलाः श्रीकृष्णचरितामृतम् । शिवा पप्रच्छ भूतेशं यत्तद्वः कीर्तयाम्यहम्
sūta uvāca-| śṛṇvaṃtu muniśārdūlāḥ śrīkṛṣṇacaritāmṛtam | śivā papraccha bhūteśaṃ yattadvaḥ kīrtayāmyaham
Sanskrit only: no published translation is held for this verse.
एकदा पार्वती देवी शिवं संस्निग्धमानसा । प्रणयेन नमस्कृत्य प्रोवाच वचनं त्विदम्
ekadā pārvatī devī śivaṃ saṃsnigdhamānasā | praṇayena namaskṛtya provāca vacanaṃ tvidam
Sanskrit only: no published translation is held for this verse.
पार्वत्युवाच-। अनंतकोटिब्रह्मांड तद्बाह्याभ्यंतरस्थितेः । विष्णोः स्थानं परं तेषां प्रधानं वरमुत्तमम्
pārvatyuvāca-| anaṃtakoṭibrahmāṃḍa tadbāhyābhyaṃtarasthiteḥ | viṣṇoḥ sthānaṃ paraṃ teṣāṃ pradhānaṃ varamuttamam
Sanskrit only: no published translation is held for this verse.
यत्परं नास्ति कृष्णस्य प्रियं स्थानं मनोरमम् । तत्सर्वं श्रोतुमिच्छामि कथयस्व महाप्रभो
yatparaṃ nāsti kṛṣṇasya priyaṃ sthānaṃ manoramam | tatsarvaṃ śrotumicchāmi kathayasva mahāprabho
Sanskrit only: no published translation is held for this verse.
ईश्वर उवाच-। गुह्याद्गुह्यतरं गुह्यं परमानंदकारकम् । अत्यद्भुतं रहःस्थानमानंदं परमं परम्
īśvara uvāca-| guhyādguhyataraṃ guhyaṃ paramānaṃdakārakam | atyadbhutaṃ rahaḥsthānamānaṃdaṃ paramaṃ param
Sanskrit only: no published translation is held for this verse.
दुर्लभानां च परमं दुर्लभं मोहनं परम् । सर्वशक्तिमयं देवि सर्वस्थानेषु गोपितम्
durlabhānāṃ ca paramaṃ durlabhaṃ mohanaṃ param | sarvaśaktimayaṃ devi sarvasthāneṣu gopitam
Sanskrit only: no published translation is held for this verse.
सात्वतां स्थानमूर्द्धन्यं विष्णोरत्यंतदुर्लभम् । नित्यं वृंदावनं नाम ब्रह्मांडोपरि संस्थितम्
sātvatāṃ sthānamūrddhanyaṃ viṣṇoratyaṃtadurlabham | nityaṃ vṛṃdāvanaṃ nāma brahmāṃḍopari saṃsthitam
Sanskrit only: no published translation is held for this verse.
पूर्णब्रह्मसुखैश्वर्यं नित्यमानंदमव्ययम् । वैकुंठादि तदंशांशं स्वयं वृंदावनं भुवि
pūrṇabrahmasukhaiśvaryaṃ nityamānaṃdamavyayam | vaikuṃṭhādi tadaṃśāṃśaṃ svayaṃ vṛṃdāvanaṃ bhuvi
Sanskrit only: no published translation is held for this verse.
गोलोकैश्वर्यं यत्किंचिद्गोकुले तत्प्रतिष्ठितम् । वैकुंठवैभवं यद्वै द्वारिकायां प्रतिष्ठितम्
golokaiśvaryaṃ yatkiṃcidgokule tatpratiṣṭhitam | vaikuṃṭhavaibhavaṃ yadvai dvārikāyāṃ pratiṣṭhitam
Sanskrit only: no published translation is held for this verse.
यद्ब्रह्मपरमैश्वर्यं नित्यं वृंदावनाश्रयम् । कृष्णधामपरं तेषां वनमध्ये विशेषतः
yadbrahmaparamaiśvaryaṃ nityaṃ vṛṃdāvanāśrayam | kṛṣṇadhāmaparaṃ teṣāṃ vanamadhye viśeṣataḥ
Sanskrit only: no published translation is held for this verse.
तस्मात्त्रैलोक्यमध्ये तु पृथ्वी धन्येति विश्रुता । यस्मान्माथुरकं नाम विष्णोरेकांतवल्लभम्
tasmāttrailokyamadhye tu pṛthvī dhanyeti viśrutā | yasmānmāthurakaṃ nāma viṣṇorekāṃtavallabham
Sanskrit only: no published translation is held for this verse.
स्वस्थानमधिकं नामधेयं माथुरमंडलम् । निगूढं विविधं स्थानं पुर्यभ्यंतरसंस्थितम्
svasthānamadhikaṃ nāmadheyaṃ māthuramaṃḍalam | nigūḍhaṃ vividhaṃ sthānaṃ puryabhyaṃtarasaṃsthitam
Sanskrit only: no published translation is held for this verse.
सहस्रपत्रकमलाकारं माथुरमंडलम् । विष्णुचक्रपरिभ्रामाद्धाम वैष्णवमद्भुतम्
sahasrapatrakamalākāraṃ māthuramaṃḍalam | viṣṇucakraparibhrāmāddhāma vaiṣṇavamadbhutam
Sanskrit only: no published translation is held for this verse.
कर्णिकापर्णविस्तारं रहस्यद्रुममीरितम् । प्रधानं द्वादशारण्यं माहात्म्यं कथितं क्रमात्
karṇikāparṇavistāraṃ rahasyadrumamīritam | pradhānaṃ dvādaśāraṇyaṃ māhātmyaṃ kathitaṃ kramāt
Sanskrit only: no published translation is held for this verse.
भद्र श्री लोह भांडीर महाताल खदीरकाः । बकुलं कुमुदं काम्यं मधु वृंदावनं तथा
bhadra śrī loha bhāṃḍīra mahātāla khadīrakāḥ | bakulaṃ kumudaṃ kāmyaṃ madhu vṛṃdāvanaṃ tathā
Sanskrit only: no published translation is held for this verse.
द्वादशैतावती संख्या कालिंद्याः सप्त पश्चिमे । पूर्वे पंचवनं प्रोक्तं तत्रास्ति गुह्यमुत्तमम्
dvādaśaitāvatī saṃkhyā kāliṃdyāḥ sapta paścime | pūrve paṃcavanaṃ proktaṃ tatrāsti guhyamuttamam
Sanskrit only: no published translation is held for this verse.
महारण्यं गोकुलाख्यं मधु वृंदावनं तथा । अन्यच्चोपवनं प्रोक्तं कृष्णक्रीडारसस्थलम्
mahāraṇyaṃ gokulākhyaṃ madhu vṛṃdāvanaṃ tathā | anyaccopavanaṃ proktaṃ kṛṣṇakrīḍārasasthalam
Sanskrit only: no published translation is held for this verse.
कदंबखंडनं नंदवनं नंदीश्वरं तथा । नंदनंदनखंडं च पलाशाशोककेतकी
kadaṃbakhaṃḍanaṃ naṃdavanaṃ naṃdīśvaraṃ tathā | naṃdanaṃdanakhaṃḍaṃ ca palāśāśokaketakī
Sanskrit only: no published translation is held for this verse.
सुगंधमानसं कैलममृतं भोजनस्थलम् । सुखप्रसाधनं वत्सहरणं शेषशायिकम्
sugaṃdhamānasaṃ kailamamṛtaṃ bhojanasthalam | sukhaprasādhanaṃ vatsaharaṇaṃ śeṣaśāyikam
Sanskrit only: no published translation is held for this verse.
श्यामपूर्वो दधिग्रामश्चक्रभानुपुरं तथा । संकेतं द्विपदं चैव बालक्रीडनधूसरम्
śyāmapūrvo dadhigrāmaścakrabhānupuraṃ tathā | saṃketaṃ dvipadaṃ caiva bālakrīḍanadhūsaram
Sanskrit only: no published translation is held for this verse.
कामद्रुमं सुललितमुत्सुकं चापि काननम् । नानाविधरसक्रीडा नानालीलारसस्थलम्
kāmadrumaṃ sulalitamutsukaṃ cāpi kānanam | nānāvidharasakrīḍā nānālīlārasasthalam
Sanskrit only: no published translation is held for this verse.
नागविस्तारविष्टंभं रहस्यद्रुममीरितम् । सहस्रपत्रकमलं गोकुलाख्यं महत्पदम्
nāgavistāraviṣṭaṃbhaṃ rahasyadrumamīritam | sahasrapatrakamalaṃ gokulākhyaṃ mahatpadam
Sanskrit only: no published translation is held for this verse.
कर्णिकातन्महद्धाम गोविंदस्थानमुत्तमम् । तत्रोपरि स्वर्णपीठे मणिमंडपमंडितम्
karṇikātanmahaddhāma goviṃdasthānamuttamam | tatropari svarṇapīṭhe maṇimaṃḍapamaṃḍitam
Sanskrit only: no published translation is held for this verse.
कर्णिकायां क्रमाद्दिक्षु विदिक्षु दलमीरितम् । यद्दलं दक्षिणे प्रोक्तं परं गुह्योत्तमोत्तमम्
karṇikāyāṃ kramāddikṣu vidikṣu dalamīritam | yaddalaṃ dakṣiṇe proktaṃ paraṃ guhyottamottamam
Sanskrit only: no published translation is held for this verse.
तस्मिन्दले महापीठं निगमागमदुर्गमम् । योगींद्रैरपि दुष्प्रापं सर्वात्मा यच्च गोकुलम्
tasmindale mahāpīṭhaṃ nigamāgamadurgamam | yogīṃdrairapi duṣprāpaṃ sarvātmā yacca gokulam
Sanskrit only: no published translation is held for this verse.
द्वितीयं दलमाग्नेय्यां तद्रहस्यदलं तथा । संकेतं द्विपदं चैव कुटीद्वौ तत्कुले स्थितौ
dvitīyaṃ dalamāgneyyāṃ tadrahasyadalaṃ tathā | saṃketaṃ dvipadaṃ caiva kuṭīdvau tatkule sthitau
Sanskrit only: no published translation is held for this verse.
पूर्वं दलं तृतीयं च प्रधानस्थानमुत्तमम् । गंगादिसर्वतीर्थानां स्पर्शाच्छतगुणं स्मृतम्
pūrvaṃ dalaṃ tṛtīyaṃ ca pradhānasthānamuttamam | gaṃgādisarvatīrthānāṃ sparśācchataguṇaṃ smṛtam
Sanskrit only: no published translation is held for this verse.
चतुर्थं दलमैशान्यां सिद्धपीठेऽपि तत्पदम् । व्यायामनूतनागोपी तत्र कृष्णं पतिं लभेत्
caturthaṃ dalamaiśānyāṃ siddhapīṭhe'pi tatpadam | vyāyāmanūtanāgopī tatra kṛṣṇaṃ patiṃ labhet
Sanskrit only: no published translation is held for this verse.
वस्त्रालंकारहरणं तद्दले समुदाहृतम् । उत्तरे पंचमं प्रोक्तं दलं सर्वदलोत्तमम्
vastrālaṃkāraharaṇaṃ taddale samudāhṛtam | uttare paṃcamaṃ proktaṃ dalaṃ sarvadalottamam
Sanskrit only: no published translation is held for this verse.
द्वादशादित्यमत्रैव दलं च कर्णिकासमम् । वायव्यां तु दलं षष्ठं तत्र कालीह्रदः स्मृतः
dvādaśādityamatraiva dalaṃ ca karṇikāsamam | vāyavyāṃ tu dalaṃ ṣaṣṭhaṃ tatra kālīhradaḥ smṛtaḥ
Sanskrit only: no published translation is held for this verse.
दलोत्तमोत्तमं चैव प्रधानं स्थानमुच्यते । सर्वोत्तमदलं चैव पश्चिमे सप्तमं स्मृतम्
dalottamottamaṃ caiva pradhānaṃ sthānamucyate | sarvottamadalaṃ caiva paścime saptamaṃ smṛtam
Sanskrit only: no published translation is held for this verse.
यज्ञपत्नीगणानां च तदीप्सितवरप्रदम् । अत्रासुरोऽपि निर्वाणं प्राप त्रिदशदुर्लभम्
yajñapatnīgaṇānāṃ ca tadīpsitavarapradam | atrāsuro'pi nirvāṇaṃ prāpa tridaśadurlabham
Sanskrit only: no published translation is held for this verse.
ब्रह्ममोहनमत्रैव दलं ब्रह्मह्रदावहम् । नैर्ऋत्यां तु दलं प्रोक्तमष्टमं व्योमघातनम्
brahmamohanamatraiva dalaṃ brahmahradāvaham | nairṛtyāṃ tu dalaṃ proktamaṣṭamaṃ vyomaghātanam
Sanskrit only: no published translation is held for this verse.
शंखचूडवधस्तत्र नानाकेलिरसस्थलम् । श्रुतमष्टदलं प्रोक्तं वृंदारण्यांतरस्थितम्
śaṃkhacūḍavadhastatra nānākelirasasthalam | śrutamaṣṭadalaṃ proktaṃ vṛṃdāraṇyāṃtarasthitam
Sanskrit only: no published translation is held for this verse.
श्रीमद्वृंदावनं रम्यं यमुनायाः प्रदक्षिणम् । शिवलिंगमधिष्ठानं दृष्टं गोपीश्वराभिधम्
śrīmadvṛṃdāvanaṃ ramyaṃ yamunāyāḥ pradakṣiṇam | śivaliṃgamadhiṣṭhānaṃ dṛṣṭaṃ gopīśvarābhidham
Sanskrit only: no published translation is held for this verse.
तद्बाह्ये षोडशदलं श्रियापूर्णं तमीश्वरम् । सर्वासु दिक्षु यत्प्रोक्तं प्रादक्षिण्याद्यथाक्रमम्
tadbāhye ṣoḍaśadalaṃ śriyāpūrṇaṃ tamīśvaram | sarvāsu dikṣu yatproktaṃ prādakṣiṇyādyathākramam
Sanskrit only: no published translation is held for this verse.
महत्पदं महद्धाम स्वधामाधावसंज्ञकम् । प्रथमैकदलं श्रेष्ठं माहात्म्यं कर्णिकासमम्
mahatpadaṃ mahaddhāma svadhāmādhāvasaṃjñakam | prathamaikadalaṃ śreṣṭhaṃ māhātmyaṃ karṇikāsamam
Sanskrit only: no published translation is held for this verse.
तत्र गोवर्द्धनगिरौ रम्ये नित्यरसाश्रये । कर्णिकायां महालीला तल्लीला रसगह्वरौ
tatra govarddhanagirau ramye nityarasāśraye | karṇikāyāṃ mahālīlā tallīlā rasagahvarau
Sanskrit only: no published translation is held for this verse.
यत्र कृष्णो नित्यवृंदाकाननस्य पतिर्भवेत् । कृष्णो गोविंदतां प्राप्तः किमन्यैर्बहुभाषितैः
yatra kṛṣṇo nityavṛṃdākānanasya patirbhavet | kṛṣṇo goviṃdatāṃ prāptaḥ kimanyairbahubhāṣitaiḥ
Sanskrit only: no published translation is held for this verse.
दलं तृतीयमाख्यातं सर्वश्रेष्ठोत्तमोत्तमम् । चतुर्थं दलमाख्यातं महाद्भुतरसस्थलम्
dalaṃ tṛtīyamākhyātaṃ sarvaśreṣṭhottamottamam | caturthaṃ dalamākhyātaṃ mahādbhutarasasthalam
Sanskrit only: no published translation is held for this verse.
नंदीश्वरवनं रम्यं तत्र नंदालयः स्मृतः । कर्णिकादलमाहात्म्यं पंचमं दलमुच्यते
naṃdīśvaravanaṃ ramyaṃ tatra naṃdālayaḥ smṛtaḥ | karṇikādalamāhātmyaṃ paṃcamaṃ dalamucyate
Sanskrit only: no published translation is held for this verse.
अधिष्ठाताऽत्र गोपालो धेनुपालनतत्परः । षष्ठं दलं यदाख्यातं तत्र नंदवनं स्मृतम्
adhiṣṭhātā'tra gopālo dhenupālanatatparaḥ | ṣaṣṭhaṃ dalaṃ yadākhyātaṃ tatra naṃdavanaṃ smṛtam
Sanskrit only: no published translation is held for this verse.
सप्तमं बकुलारण्यं दलं रम्यं प्रकीर्तितम् । तत्राष्टमं तालवनं तत्र धेनुवधः स्मृतः
saptamaṃ bakulāraṇyaṃ dalaṃ ramyaṃ prakīrtitam | tatrāṣṭamaṃ tālavanaṃ tatra dhenuvadhaḥ smṛtaḥ
Sanskrit only: no published translation is held for this verse.
नवमं कुमुदारण्यं दलं रम्यं प्रकीर्तितम् । कामारण्यं च दशमं प्रधानं सर्वकारणम्
navamaṃ kumudāraṇyaṃ dalaṃ ramyaṃ prakīrtitam | kāmāraṇyaṃ ca daśamaṃ pradhānaṃ sarvakāraṇam
Sanskrit only: no published translation is held for this verse.
ब्रह्मप्रसाधनं तत्र विष्णुच्छद्मप्रदर्शनम् । कृष्णक्रीडारसस्थानं प्रधानं दलमुच्यते
brahmaprasādhanaṃ tatra viṣṇucchadmapradarśanam | kṛṣṇakrīḍārasasthānaṃ pradhānaṃ dalamucyate
Sanskrit only: no published translation is held for this verse.
दलमेकादशं प्रोक्तं भक्तानुग्रहकारणम् । निर्माणं सेतुबंधस्य नानावनमयस्थलम्
dalamekādaśaṃ proktaṃ bhaktānugrahakāraṇam | nirmāṇaṃ setubaṃdhasya nānāvanamayasthalam
Sanskrit only: no published translation is held for this verse.
भांडीरं द्वादशदलं वनं रम्यं मनोहरम् । कृष्णः क्रीडारतस्तत्र श्रीदामादिभिरावृतः
bhāṃḍīraṃ dvādaśadalaṃ vanaṃ ramyaṃ manoharam | kṛṣṇaḥ krīḍāratastatra śrīdāmādibhirāvṛtaḥ
Sanskrit only: no published translation is held for this verse.
त्रयोदशं दलं श्रेष्ठं तत्र भद्रवनं(रं) स्मृतम् । चतुर्दशदलं प्रोक्तं सर्वसिद्धिप्रदस्थलम्
trayodaśaṃ dalaṃ śreṣṭhaṃ tatra bhadravanaṃ(raṃ) smṛtam | caturdaśadalaṃ proktaṃ sarvasiddhipradasthalam
Sanskrit only: no published translation is held for this verse.
श्रीवनं तत्र रुचिरं सर्वैश्वर्यस्य कारणम् । कृष्णक्रीडादलमयं श्रीकांतिकीर्तिवर्द्धनम्
śrīvanaṃ tatra ruciraṃ sarvaiśvaryasya kāraṇam | kṛṣṇakrīḍādalamayaṃ śrīkāṃtikīrtivarddhanam
Sanskrit only: no published translation is held for this verse.
दलं पंचदशं श्रेष्ठं तत्र लोहवनं स्मृतम् । कथितं षोडशदलं माहात्म्यं कर्णिकासमम्
dalaṃ paṃcadaśaṃ śreṣṭhaṃ tatra lohavanaṃ smṛtam | kathitaṃ ṣoḍaśadalaṃ māhātmyaṃ karṇikāsamam
Sanskrit only: no published translation is held for this verse.
महावनं तत्र गीतं तत्रास्ति गुह्यमुत्तमम् । बालक्रीडारतस्तत्र वत्सपालैः समावृतः
mahāvanaṃ tatra gītaṃ tatrāsti guhyamuttamam | bālakrīḍāratastatra vatsapālaiḥ samāvṛtaḥ
Sanskrit only: no published translation is held for this verse.
पूतनादिवधस्तत्र यमलार्जुनभंजनम् । अधिष्ठाता तत्र बालगोपालः पंचमाब्दिकः
pūtanādivadhastatra yamalārjunabhaṃjanam | adhiṣṭhātā tatra bālagopālaḥ paṃcamābdikaḥ
Sanskrit only: no published translation is held for this verse.
नाम्ना दामोदरः प्रोक्तः प्रेमानंदरसार्णवः । दलं प्रसिद्धमाख्यातं सर्वश्रेष्ठदलोत्तमम्
nāmnā dāmodaraḥ proktaḥ premānaṃdarasārṇavaḥ | dalaṃ prasiddhamākhyātaṃ sarvaśreṣṭhadalottamam
Sanskrit only: no published translation is held for this verse.
कृष्णक्रीडा च किंजल्की विहारदलमुच्यते । सिद्धप्रधानकिंजल्क दलं च समुदाहृतम्
kṛṣṇakrīḍā ca kiṃjalkī vihāradalamucyate | siddhapradhānakiṃjalka dalaṃ ca samudāhṛtam
Sanskrit only: no published translation is held for this verse.
पार्वत्युवाच-। वृंदारण्यस्य माहात्म्यं रहस्यं वा किमद्भुतम् । तदहं श्रोतुमिच्छामि कथयस्व महाप्रभो
pārvatyuvāca-| vṛṃdāraṇyasya māhātmyaṃ rahasyaṃ vā kimadbhutam | tadahaṃ śrotumicchāmi kathayasva mahāprabho
Sanskrit only: no published translation is held for this verse.
ईश्वर उवाच-। कथितं ते प्रियतमे गुह्याद्गुह्योत्तमोत्तमम् । रहस्यानां रहस्यं यद्दुर्लभानां च दुर्लभम्
īśvara uvāca-| kathitaṃ te priyatame guhyādguhyottamottamam | rahasyānāṃ rahasyaṃ yaddurlabhānāṃ ca durlabham
Sanskrit only: no published translation is held for this verse.
त्रैलोक्यगोपितं देवि देवेश्वरसुपूजितम् । ब्रह्मादिवांछितं स्थानं सुरसिद्धादिसेवितम्
trailokyagopitaṃ devi deveśvarasupūjitam | brahmādivāṃchitaṃ sthānaṃ surasiddhādisevitam
Sanskrit only: no published translation is held for this verse.
योगींद्रा हि सदा भक्त्या तस्य ध्यानैकतत्पराः । अप्सरोभिश्च गंधर्वैर्नृत्यगीतनिरंतरम्
yogīṃdrā hi sadā bhaktyā tasya dhyānaikatatparāḥ | apsarobhiśca gaṃdharvairnṛtyagītaniraṃtaram
Sanskrit only: no published translation is held for this verse.
श्रीमद्वृंदावनं रम्यं पूर्णानंदरसाश्रयम् । भूरिचिंतामणिस्तोयममृतं रसपूरितम्
śrīmadvṛṃdāvanaṃ ramyaṃ pūrṇānaṃdarasāśrayam | bhūriciṃtāmaṇistoyamamṛtaṃ rasapūritam
Sanskrit only: no published translation is held for this verse.
वृक्षं गुरुद्रुमं तत्र सुरभीवृंदसेवितम् । स्त्रीं लक्ष्मीं पुरुषं विष्णुं तद्दशांशसमुद्भवम्
vṛkṣaṃ gurudrumaṃ tatra surabhīvṛṃdasevitam | strīṃ lakṣmīṃ puruṣaṃ viṣṇuṃ taddaśāṃśasamudbhavam
Sanskrit only: no published translation is held for this verse.
तत्र कैशोरवयसं नित्यमानंदविग्रहम् । गतिनाट्यं कलालापस्मितवक्त्रं निरंतरम्
tatra kaiśoravayasaṃ nityamānaṃdavigraham | gatināṭyaṃ kalālāpasmitavaktraṃ niraṃtaram
Sanskrit only: no published translation is held for this verse.
शुद्धसत्वैः प्रेमपूर्णैर्वैष्णवैस्तद्वनाश्रितम् । पूर्णब्रह्मसुखेमग्नं स्फुरत्तन्मूर्तितन्मयम्
śuddhasatvaiḥ premapūrṇairvaiṣṇavaistadvanāśritam | pūrṇabrahmasukhemagnaṃ sphurattanmūrtitanmayam
Sanskrit only: no published translation is held for this verse.
मत्तकोकिलभृंगाद्यैः कूजत्कलमनोहरम् । कपोलशुकसंगीतमुन्मत्तालि सहस्रकम्
mattakokilabhṛṃgādyaiḥ kūjatkalamanoharam | kapolaśukasaṃgītamunmattāli sahasrakam
Sanskrit only: no published translation is held for this verse.
भुजंगशत्रुनृत्याढ्यं सकलामोदविभ्रमम् । नानावर्णैश्च कुसुमैस्तद्रेणुपरिपूरितम्
bhujaṃgaśatrunṛtyāḍhyaṃ sakalāmodavibhramam | nānāvarṇaiśca kusumaistadreṇuparipūritam
Sanskrit only: no published translation is held for this verse.
पूर्णेंदुनित्याभ्युदयं सूर्यमंदांशुसेवितम् । अदुःखं दुःखविच्छेदं जरामरणवर्जितम्
pūrṇeṃdunityābhyudayaṃ sūryamaṃdāṃśusevitam | aduḥkhaṃ duḥkhavicchedaṃ jarāmaraṇavarjitam
Sanskrit only: no published translation is held for this verse.
अक्रोधं गतमात्सर्यमभिन्नमनहंकृतम् । पूर्णानंदामृतरसं पूर्णप्रेमसुखार्णवम्
akrodhaṃ gatamātsaryamabhinnamanahaṃkṛtam | pūrṇānaṃdāmṛtarasaṃ pūrṇapremasukhārṇavam
Sanskrit only: no published translation is held for this verse.
गुणातीतं महद्धाम पूर्णप्रेमस्वरूपकम् । वृक्षादिपुलकैर्यत्र प्रेमानंदाश्रुवर्षितम्
guṇātītaṃ mahaddhāma pūrṇapremasvarūpakam | vṛkṣādipulakairyatra premānaṃdāśruvarṣitam
Sanskrit only: no published translation is held for this verse.
किं पुनश्चेतनायुक्तैर्विष्णुभक्तैः किमुच्यते । गोविंदांघ्रिरजः स्पर्शान्नित्यं वृंदावनं भुवि
kiṃ punaścetanāyuktairviṣṇubhaktaiḥ kimucyate | goviṃdāṃghrirajaḥ sparśānnityaṃ vṛṃdāvanaṃ bhuvi
Sanskrit only: no published translation is held for this verse.
सहस्रदलपद्मस्य वृंदारण्यं वराटकम् । यस्य स्पर्शनमात्रेण पृथ्वी धन्या जगत्त्रये
sahasradalapadmasya vṛṃdāraṇyaṃ varāṭakam | yasya sparśanamātreṇa pṛthvī dhanyā jagattraye
Sanskrit only: no published translation is held for this verse.
गुह्याद्गुह्यतरं रम्यं मध्ये वृंदावनं भुवि । अक्षरं परमानंदं गोविंदस्थानमव्ययम्
guhyādguhyataraṃ ramyaṃ madhye vṛṃdāvanaṃ bhuvi | akṣaraṃ paramānaṃdaṃ goviṃdasthānamavyayam
Sanskrit only: no published translation is held for this verse.
गोविंददेहतोऽभिन्नं पूर्णब्रह्मसुखाश्रयम् । मुक्तिस्तत्र रजःस्पर्शात्तन्माहात्म्यं किमुच्यते
goviṃdadehato'bhinnaṃ pūrṇabrahmasukhāśrayam | muktistatra rajaḥsparśāttanmāhātmyaṃ kimucyate
Sanskrit only: no published translation is held for this verse.
तस्मात्सर्वात्मना देवि हृदिस्थं तद्वनं कुरु । वृंदावनविहारेषु कृष्णं कैशोरविग्रहम्
tasmātsarvātmanā devi hṛdisthaṃ tadvanaṃ kuru | vṛṃdāvanavihāreṣu kṛṣṇaṃ kaiśoravigraham
Sanskrit only: no published translation is held for this verse.
कालिंदी चाकरोद्यस्य कर्णिकायां प्रदक्षिणाम् । लीलानिर्वाणगंभीरं जलं सौरभमोहनम्
kāliṃdī cākarodyasya karṇikāyāṃ pradakṣiṇām | līlānirvāṇagaṃbhīraṃ jalaṃ saurabhamohanam
Sanskrit only: no published translation is held for this verse.
आनंदामृत तन्मिश्रमकरंदघनालयम् । पद्मोत्पलाद्यैः कुसुमैर्नानावर्णसमुज्जवलम्
ānaṃdāmṛta tanmiśramakaraṃdaghanālayam | padmotpalādyaiḥ kusumairnānāvarṇasamujjavalam
Sanskrit only: no published translation is held for this verse.
चक्रवाकादिविहगैर्मंजुनानाकलस्वनैः । शोभमानं जलं रम्यं तरंगातिमनोरमम्
cakravākādivihagairmaṃjunānākalasvanaiḥ | śobhamānaṃ jalaṃ ramyaṃ taraṃgātimanoramam
Sanskrit only: no published translation is held for this verse.
तस्योभयतटी रम्या शुद्धकांचननिर्मिता । गंगाकोटिगुणा प्रोक्ता यत्र स्पर्शवराटकः
tasyobhayataṭī ramyā śuddhakāṃcananirmitā | gaṃgākoṭiguṇā proktā yatra sparśavarāṭakaḥ
Sanskrit only: no published translation is held for this verse.
कर्णिकायां कोटिगुणो यत्र क्रीडारतो हरिः । कालिंदीकर्णिका कृष्णमभिन्नमेकविग्रहम्
karṇikāyāṃ koṭiguṇo yatra krīḍārato hariḥ | kāliṃdīkarṇikā kṛṣṇamabhinnamekavigraham
Sanskrit only: no published translation is held for this verse.
पार्वत्युवाच। गोविंदस्य किमाश्चर्यं सौंदर्याकृतविग्रह । तदहं श्रोतुमिच्छामि कथयस्व दयानिधे
pārvatyuvāca| goviṃdasya kimāścaryaṃ sauṃdaryākṛtavigraha | tadahaṃ śrotumicchāmi kathayasva dayānidhe
Sanskrit only: no published translation is held for this verse.
ईश्वर उवाच। मध्ये वृंदावने रम्ये मंजुमंजीरशोभिते । योजनाश्रितसद्वृक्ष शाखापल्लवमंडिते
īśvara uvāca| madhye vṛṃdāvane ramye maṃjumaṃjīraśobhite | yojanāśritasadvṛkṣa śākhāpallavamaṃḍite
Sanskrit only: no published translation is held for this verse.
तन्मध्ये मंजुभवने योगपीठं समुज्जवलम् । तदष्टकोणनिर्माणं नानादीप्तिमनोहरम्
tanmadhye maṃjubhavane yogapīṭhaṃ samujjavalam | tadaṣṭakoṇanirmāṇaṃ nānādīptimanoharam
Sanskrit only: no published translation is held for this verse.
तस्योपरि च माणिक्यरत्नसिंहासनं शुभम् । तस्मिन्नष्टदलं पद्मं कर्णिकायां सुखाश्रयम्
tasyopari ca māṇikyaratnasiṃhāsanaṃ śubham | tasminnaṣṭadalaṃ padmaṃ karṇikāyāṃ sukhāśrayam
Sanskrit only: no published translation is held for this verse.
गोविंदस्य परं स्थानं किमस्य महिमोच्यते । श्रीमद्गोविंदमंत्रस्थ बल्लवीवृंदसेवितम्
goviṃdasya paraṃ sthānaṃ kimasya mahimocyate | śrīmadgoviṃdamaṃtrastha ballavīvṛṃdasevitam
Sanskrit only: no published translation is held for this verse.
दिव्यव्रजवयोरूपं कृष्णं वृंदावनेश्वरम् । व्रजेंद्रं संततैश्वर्यं व्रजबालैकवल्लभम्
divyavrajavayorūpaṃ kṛṣṇaṃ vṛṃdāvaneśvaram | vrajeṃdraṃ saṃtataiśvaryaṃ vrajabālaikavallabham
Sanskrit only: no published translation is held for this verse.
यौवनोद्भिन्नकैशोरं वयसाद्भुतविग्रहम् । अनादिमादिं सर्वेषां नंदगोपप्रियात्मजम्
yauvanodbhinnakaiśoraṃ vayasādbhutavigraham | anādimādiṃ sarveṣāṃ naṃdagopapriyātmajam
Sanskrit only: no published translation is held for this verse.
श्रुतिमृग्यमजं नित्यं गोपीजनमनोहरम् । परंधाम परं रूपं द्विभुजं गोकुलेश्वरम्
śrutimṛgyamajaṃ nityaṃ gopījanamanoharam | paraṃdhāma paraṃ rūpaṃ dvibhujaṃ gokuleśvaram
Sanskrit only: no published translation is held for this verse.
बल्लवीनंदनं ध्यायेन्निर्गुणस्यैककारणम् । सुश्रीमंतं नवं स्वच्छं श्यामधाममनोहरम्
ballavīnaṃdanaṃ dhyāyennirguṇasyaikakāraṇam | suśrīmaṃtaṃ navaṃ svacchaṃ śyāmadhāmamanoharam
Sanskrit only: no published translation is held for this verse.
नवीननीरदश्रेणी सुस्निग्धं मंजुकुंडलम् । फुल्लेंदीवरसत्कांति सुखस्पर्शं सुखावहम्
navīnanīradaśreṇī susnigdhaṃ maṃjukuṃḍalam | phulleṃdīvarasatkāṃti sukhasparśaṃ sukhāvaham
Sanskrit only: no published translation is held for this verse.
दलितांजनपुंजाभ चिक्कणं श्याममोहनम् । सुस्निग्धनीलकुटिलाशेषसौरभकुंतलम्
dalitāṃjanapuṃjābha cikkaṇaṃ śyāmamohanam | susnigdhanīlakuṭilāśeṣasaurabhakuṃtalam
Sanskrit only: no published translation is held for this verse.
तदूर्ध्वं दक्षिणे काले श्यामचूडामनोहरम् । नानावर्णोज्ज्वलं राजच्छिखंडिदलमंडितम्
tadūrdhvaṃ dakṣiṇe kāle śyāmacūḍāmanoharam | nānāvarṇojjvalaṃ rājacchikhaṃḍidalamaṃḍitam
Sanskrit only: no published translation is held for this verse.
मंदारमंजुगोपुच्छाचूडं चारुविभूषणम् । क्वचिद्बृहद्दलश्रेणी मुकुटेनाभिमंडितम्
maṃdāramaṃjugopucchācūḍaṃ cāruvibhūṣaṇam | kvacidbṛhaddalaśreṇī mukuṭenābhimaṃḍitam
Sanskrit only: no published translation is held for this verse.
अनेकमणिमाणिक्यकिरीटभूषणं क्वचित् । लोलालकवृतं राजत्कोटिचंद्रसमाननम्
anekamaṇimāṇikyakirīṭabhūṣaṇaṃ kvacit | lolālakavṛtaṃ rājatkoṭicaṃdrasamānanam
Sanskrit only: no published translation is held for this verse.
कस्तूरीतिलकं भ्राजन्मंजुगोरोचनान्वितम् । नीलेंदीवरसुस्निग्ध सुदीर्घदललोचनम्
kastūrītilakaṃ bhrājanmaṃjugorocanānvitam | nīleṃdīvarasusnigdha sudīrghadalalocanam
Sanskrit only: no published translation is held for this verse.
आनृत्यद्भ्रूलताश्लेषस्मितं साचि निरीक्षणम् । सुचारून्नतसौंदर्य नासाग्राति मनोहरम्
ānṛtyadbhrūlatāśleṣasmitaṃ sāci nirīkṣaṇam | sucārūnnatasauṃdarya nāsāgrāti manoharam
Sanskrit only: no published translation is held for this verse.
नासाग्रगजमुक्तांशु मुग्धीकृत जगत्त्रयम् । सिंदूरारुणसुस्निग्धाधरौष्ठसुमनोहरम्
nāsāgragajamuktāṃśu mugdhīkṛta jagattrayam | siṃdūrāruṇasusnigdhādharauṣṭhasumanoharam
Sanskrit only: no published translation is held for this verse.
नानावर्णोल्लसत्स्वर्णमकराकृतिकुंडलम् । तद्रश्मिपुंजसद्गंड मुकुराभलसद्द्युतिम्
nānāvarṇollasatsvarṇamakarākṛtikuṃḍalam | tadraśmipuṃjasadgaṃḍa mukurābhalasaddyutim
Sanskrit only: no published translation is held for this verse.
कर्णोत्पलसुमंदारमकरोत्तंस भूषितम् । श्रीवत्सकौस्तुभोरस्कं मुक्ताहारस्फुरद्गलम्
karṇotpalasumaṃdāramakarottaṃsa bhūṣitam | śrīvatsakaustubhoraskaṃ muktāhārasphuradgalam
Sanskrit only: no published translation is held for this verse.
विलसद्दिव्यमाणिक्यं मंजुकांचन मिश्रितम् । करे कंकणकेयूरं किंकिणीकटिशोभितम्
vilasaddivyamāṇikyaṃ maṃjukāṃcana miśritam | kare kaṃkaṇakeyūraṃ kiṃkiṇīkaṭiśobhitam
Sanskrit only: no published translation is held for this verse.
मंजुमंजीरसौंदर्य्यश्रीमदंघ्रि विराजितम् । कर्पूरागुरुकस्तूरीविलसच्चंदनादिकम्
maṃjumaṃjīrasauṃdaryyaśrīmadaṃghri virājitam | karpūrāgurukastūrīvilasaccaṃdanādikam
Sanskrit only: no published translation is held for this verse.
गोरोचनादिसंमिश्र दिव्यांगरागचित्रितम् । स्निग्धपीतपटी राजत्प्रपदांदोलितांजनम्
gorocanādisaṃmiśra divyāṃgarāgacitritam | snigdhapītapaṭī rājatprapadāṃdolitāṃjanam
Sanskrit only: no published translation is held for this verse.
गंभीरनाभिकमलं रोमराजीनतस्रजम् । सुवृत्तजानुयुगलं पादपद्ममनोहरम्
gaṃbhīranābhikamalaṃ romarājīnatasrajam | suvṛttajānuyugalaṃ pādapadmamanoharam
Sanskrit only: no published translation is held for this verse.
ध्वजवज्रांकुशांभोज करांघ्रि तलशोभितम् । नखेंदु किरणश्रेणी पूर्णब्रह्मैककारणम्
dhvajavajrāṃkuśāṃbhoja karāṃghri talaśobhitam | nakheṃdu kiraṇaśreṇī pūrṇabrahmaikakāraṇam
Sanskrit only: no published translation is held for this verse.
केचिद्वदंति तस्यांशं ब्रह्मचिद्रूपमद्वयम् । तद्दशांशं महाविष्णुं प्रवदंति मनीषिणः
kecidvadaṃti tasyāṃśaṃ brahmacidrūpamadvayam | taddaśāṃśaṃ mahāviṣṇuṃ pravadaṃti manīṣiṇaḥ
Sanskrit only: no published translation is held for this verse.
योगींद्रैः सनकाद्यैश्च तदेव हृदि चिंत्यते । त्रिभंगं ललिताशेष निर्माणसारनिर्मितम्
yogīṃdraiḥ sanakādyaiśca tadeva hṛdi ciṃtyate | tribhaṃgaṃ lalitāśeṣa nirmāṇasāranirmitam
Sanskrit only: no published translation is held for this verse.
तिर्यग्ग्रीवजितानंतकोटिकंदर्पसुंदरम् । वामांसार्पित सद्गण्डस्फुरत्कांचनकुंडलम्
tiryaggrīvajitānaṃtakoṭikaṃdarpasuṃdaram | vāmāṃsārpita sadgaṇḍasphuratkāṃcanakuṃḍalam
Sanskrit only: no published translation is held for this verse.
सहापांगेक्षणस्मेरं कोटिमन्मथसुंदरम् । कुंचिताधरविन्यस्त वंशीमंजुकलस्वनैः
sahāpāṃgekṣaṇasmeraṃ koṭimanmathasuṃdaram | kuṃcitādharavinyasta vaṃśīmaṃjukalasvanaiḥ
Sanskrit only: no published translation is held for this verse.
जगत्त्रयं मोहयंतं मग्नं प्रेमसुधार्णवे । श्रीपार्वत्युवाच-। परमं कारणं कृष्णं गोविंदाख्यं महत्पदम्
jagattrayaṃ mohayaṃtaṃ magnaṃ premasudhārṇave | śrīpārvatyuvāca-| paramaṃ kāraṇaṃ kṛṣṇaṃ goviṃdākhyaṃ mahatpadam
Sanskrit only: no published translation is held for this verse.
वृंदावनेश्वरं नित्यं निर्गुणस्यैककारणम् । तत्तद्रहस्यमाहात्म्यं किमाश्चर्यं च सुंदरम्
vṛṃdāvaneśvaraṃ nityaṃ nirguṇasyaikakāraṇam | tattadrahasyamāhātmyaṃ kimāścaryaṃ ca suṃdaram
Sanskrit only: no published translation is held for this verse.
तद्ब्रूहि देवदेवेश श्रोतुमिच्छाम्यहं प्रभो । ईश्वर उवाच-। यदंघ्रिनखचंद्रांशु महिमांतो न गम्यते
tadbrūhi devadeveśa śrotumicchāmyahaṃ prabho | īśvara uvāca-| yadaṃghrinakhacaṃdrāṃśu mahimāṃto na gamyate
Sanskrit only: no published translation is held for this verse.
तन्माहात्म्यं कियद्देवि प्रोच्यते त्वं मुदा शृणु । अनंतकोटिब्रह्मांडे अनंतत्रिगुणोच्छ्रये
tanmāhātmyaṃ kiyaddevi procyate tvaṃ mudā śṛṇu | anaṃtakoṭibrahmāṃḍe anaṃtatriguṇocchraye
Sanskrit only: no published translation is held for this verse.
तत्कलाकोटिकोट्यंशा ब्रह्मविष्णुमहेश्वराः । सृष्टिस्थित्यादिना युक्तास्तिष्ठंति तस्य वैभवाः
tatkalākoṭikoṭyaṃśā brahmaviṣṇumaheśvarāḥ | sṛṣṭisthityādinā yuktāstiṣṭhaṃti tasya vaibhavāḥ
Sanskrit only: no published translation is held for this verse.
तद्रूपकोटिकोट्यंशाः कलाः कंदर्पविग्रहाः । जगन्मोहं प्रकुर्वंति तदंडांतरसंस्थिताः
tadrūpakoṭikoṭyaṃśāḥ kalāḥ kaṃdarpavigrahāḥ | jaganmohaṃ prakurvaṃti tadaṃḍāṃtarasaṃsthitāḥ
Sanskrit only: no published translation is held for this verse.
तद्देहविलसत्कांतिकोटिकोट्यंशको विभुः । तत्प्रकाशस्य कोट्यंश रश्मयो रविविग्रहाः
taddehavilasatkāṃtikoṭikoṭyaṃśako vibhuḥ | tatprakāśasya koṭyaṃśa raśmayo ravivigrahāḥ
Sanskrit only: no published translation is held for this verse.
तस्य स्वदेहकिरणैः परानंद रसामृतैः । परमामोदचिद्रूपैर्निर्गुणस्यैककारणैः
tasya svadehakiraṇaiḥ parānaṃda rasāmṛtaiḥ | paramāmodacidrūpairnirguṇasyaikakāraṇaiḥ
Sanskrit only: no published translation is held for this verse.
तदंशकोटिकोट्यंशा जीवंति किरणात्मकाः । तदंघ्रिपंकजद्वंद्व नखचंद्र मणिप्रभाः
tadaṃśakoṭikoṭyaṃśā jīvaṃti kiraṇātmakāḥ | tadaṃghripaṃkajadvaṃdva nakhacaṃdra maṇiprabhāḥ
Sanskrit only: no published translation is held for this verse.
आहुः पूर्णब्रह्मणोऽपि कारणं वेददुर्गमम् । तदंशसौरभानंतकोट्यंशो विश्वमोहनः
āhuḥ pūrṇabrahmaṇo'pi kāraṇaṃ vedadurgamam | tadaṃśasaurabhānaṃtakoṭyaṃśo viśvamohanaḥ
Sanskrit only: no published translation is held for this verse.
तत्स्पर्शपुष्पगंधादि नानासौरभसंभवः । तत्प्रिया प्रकृतिस्त्वाद्या राधिका कृष्णवल्लभा
tatsparśapuṣpagaṃdhādi nānāsaurabhasaṃbhavaḥ | tatpriyā prakṛtistvādyā rādhikā kṛṣṇavallabhā
Sanskrit only: no published translation is held for this verse.
तत्कलाकोटिकोट्यंशा दुर्गाद्यास्त्रिगुणात्मिकाः । तस्या अंघ्रिरजः स्पर्शात्कोटिविष्णुः प्रजायते
tatkalākoṭikoṭyaṃśā durgādyāstriguṇātmikāḥ | tasyā aṃghrirajaḥ sparśātkoṭiviṣṇuḥ prajāyate
Sanskrit only: no published translation is held for this verse.