Library·Padma Purāṇa·5·5.70
पार्वत्युवाच- यदाकर्णनमेतस्य ये वा पारिषदाः प्रभोः । तदहं श्रोतुमिच्छामि कथयस्व दयानिधे
pārvatyuvāca- yadākarṇanametasya ye vā pāriṣadāḥ prabhoḥ | tadahaṃ śrotumicchāmi kathayasva dayānidhe
Sanskrit only: no published translation is held for this verse.
ईश्वर उवाच। राधया सह गोविंदं स्वर्णसिंहासनेस्थितम् । पूर्वोक्तरूपलावण्यं दिव्यभूषांबरस्रजम्
īśvara uvāca| rādhayā saha goviṃdaṃ svarṇasiṃhāsanesthitam | pūrvoktarūpalāvaṇyaṃ divyabhūṣāṃbarasrajam
Sanskrit only: no published translation is held for this verse.
त्रिभंगी मंजु सुस्निग्धं गोपीलोचनतारकम् । तद्बाह्ये योगपीठे च स्वर्णसिंहासनावृते
tribhaṃgī maṃju susnigdhaṃ gopīlocanatārakam | tadbāhye yogapīṭhe ca svarṇasiṃhāsanāvṛte
Sanskrit only: no published translation is held for this verse.
प्रत्यंगरभसावेशाः प्रधानाः कृष्णवल्लभाः । ललिताद्याः प्रकृत्यंशा मूलप्रकृतिराधिका
pratyaṃgarabhasāveśāḥ pradhānāḥ kṛṣṇavallabhāḥ | lalitādyāḥ prakṛtyaṃśā mūlaprakṛtirādhikā
Sanskrit only: no published translation is held for this verse.
संमुखे ललिता देवी श्यामला वायुकोणके । उत्तरे श्रीमती धन्या ऐशान्यां श्रीहरिप्रिया
saṃmukhe lalitā devī śyāmalā vāyukoṇake | uttare śrīmatī dhanyā aiśānyāṃ śrīharipriyā
Sanskrit only: no published translation is held for this verse.
विशाखा च तथा पूर्वे शैब्या चाग्नौ ततः परम् । पद्मा च दक्षिणे पश्चान्नैर्ऋते क्रमशः स्थिताः
viśākhā ca tathā pūrve śaibyā cāgnau tataḥ param | padmā ca dakṣiṇe paścānnairṛte kramaśaḥ sthitāḥ
Sanskrit only: no published translation is held for this verse.
योगपीठे केसराग्रे चारु चंद्रावती प्रिया । अष्टौ प्रकृतयः पुण्याः प्रधानाः कृष्णवल्लभाः
yogapīṭhe kesarāgre cāru caṃdrāvatī priyā | aṣṭau prakṛtayaḥ puṇyāḥ pradhānāḥ kṛṣṇavallabhāḥ
Sanskrit only: no published translation is held for this verse.
प्रधानप्रकृतिस्त्वाद्या राधा चंद्रावती समा । चंद्रावली चित्ररेखा चंद्रा मदनसुंदरी
pradhānaprakṛtistvādyā rādhā caṃdrāvatī samā | caṃdrāvalī citrarekhā caṃdrā madanasuṃdarī
Sanskrit only: no published translation is held for this verse.
प्रिया च श्रीमधुमती चंद्ररेखा हरिप्रिया । षोडशाद्याः प्रकृतयः प्रधानाः कृष्णवल्लभाः
priyā ca śrīmadhumatī caṃdrarekhā haripriyā | ṣoḍaśādyāḥ prakṛtayaḥ pradhānāḥ kṛṣṇavallabhāḥ
Sanskrit only: no published translation is held for this verse.
वृंदावनेश्वरी राधा तथा चंद्रावली प्रिया । अभिन्नगुणलावण्य सौंदर्याश्चारुलोचनाः
vṛṃdāvaneśvarī rādhā tathā caṃdrāvalī priyā | abhinnaguṇalāvaṇya sauṃdaryāścārulocanāḥ
Sanskrit only: no published translation is held for this verse.
मनोहरा मुग्धवेषाः किशोरीवयसोज्ज्वलाः । अग्रेतनास्तथा चान्या गोपकन्याः सहस्रशः
manoharā mugdhaveṣāḥ kiśorīvayasojjvalāḥ | agretanāstathā cānyā gopakanyāḥ sahasraśaḥ
Sanskrit only: no published translation is held for this verse.
शुद्धकांचनपुंजाभाः सुप्रसन्नाः सुलोचनाः । तद्रूपहृदयारूढास्तदाश्लेष समुत्सुकाः
śuddhakāṃcanapuṃjābhāḥ suprasannāḥ sulocanāḥ | tadrūpahṛdayārūḍhāstadāśleṣa samutsukāḥ
Sanskrit only: no published translation is held for this verse.
श्यामामृतरसे मग्नाः स्फुरत्तद्भावमानसाः । नेत्रोत्पलार्चिते कृष्णपादाब्जेऽपितचेतसः
śyāmāmṛtarase magnāḥ sphurattadbhāvamānasāḥ | netrotpalārcite kṛṣṇapādābje'pitacetasaḥ
Sanskrit only: no published translation is held for this verse.
श्रुतिकन्यास्ततो दक्षे सहस्रायुतसंयुताः । जगन्मुग्धीकृताकारा हृद्वर्तिकृष्णलालसाः
śrutikanyāstato dakṣe sahasrāyutasaṃyutāḥ | jaganmugdhīkṛtākārā hṛdvartikṛṣṇalālasāḥ
Sanskrit only: no published translation is held for this verse.
नानासत्वस्वरालापमुग्धीकृतजगत्त्रयाः । तत्र गूढरहस्यानि गायंत्यः प्रेमविह्वलाः
nānāsatvasvarālāpamugdhīkṛtajagattrayāḥ | tatra gūḍharahasyāni gāyaṃtyaḥ premavihvalāḥ
Sanskrit only: no published translation is held for this verse.
देवकन्यास्ततः सव्ये दिव्यवेषारसोज्ज्वलाः । नानावैदिग्ध्यनिपुणा दिव्यभावभरान्विताः
devakanyāstataḥ savye divyaveṣārasojjvalāḥ | nānāvaidigdhyanipuṇā divyabhāvabharānvitāḥ
Sanskrit only: no published translation is held for this verse.
सौंदर्यातिशयेनाढ्याः कटाक्षातिमनोहराः । निर्लज्जास्तत्र गोविंदे तदंगस्पर्शनोद्यताः
sauṃdaryātiśayenāḍhyāḥ kaṭākṣātimanoharāḥ | nirlajjāstatra goviṃde tadaṃgasparśanodyatāḥ
Sanskrit only: no published translation is held for this verse.
तद्भावमग्नमनसः स्मितसाचि निरीक्षणाः । मंदिरस्य ततो बाह्ये प्रियया विशदावृते
tadbhāvamagnamanasaḥ smitasāci nirīkṣaṇāḥ | maṃdirasya tato bāhye priyayā viśadāvṛte
Sanskrit only: no published translation is held for this verse.
समानवेषवयसः समानबलपौरुषाः । समानगुणकर्माणः समानाभरणप्रियाः
samānaveṣavayasaḥ samānabalapauruṣāḥ | samānaguṇakarmāṇaḥ samānābharaṇapriyāḥ
Sanskrit only: no published translation is held for this verse.
समानस्वरसंगीत वेणुवादनतत्पराः । श्रीदामा पश्चिमे द्वारे वसुदामा तथोत्तरे
samānasvarasaṃgīta veṇuvādanatatparāḥ | śrīdāmā paścime dvāre vasudāmā tathottare
Sanskrit only: no published translation is held for this verse.
सुदामा च तथा पूर्वे किंकिणी चापि दक्षिणे । तद्बाह्ये स्वर्णपीठे च सुवर्णमंदिरावृते
sudāmā ca tathā pūrve kiṃkiṇī cāpi dakṣiṇe | tadbāhye svarṇapīṭhe ca suvarṇamaṃdirāvṛte
Sanskrit only: no published translation is held for this verse.
स्वर्णवेद्यंतरस्थे तु स्वर्णाभरणभूषिते । स्तोककृष्णं सुभद्राद्यैर्गोपालैरयुतायुतैः
svarṇavedyaṃtarasthe tu svarṇābharaṇabhūṣite | stokakṛṣṇaṃ subhadrādyairgopālairayutāyutaiḥ
Sanskrit only: no published translation is held for this verse.
शृंगवीणावेणुवेत्रवयोवेषाकृतिस्वरैः । तद्गुणध्यानसंयुक्तैर्गायद्भिरपि विह्वलैः
śṛṃgavīṇāveṇuvetravayoveṣākṛtisvaraiḥ | tadguṇadhyānasaṃyuktairgāyadbhirapi vihvalaiḥ
Sanskrit only: no published translation is held for this verse.
चित्रार्पितैश्चित्ररूपैः सदानंदाश्रुवर्षिभिः । पुलकाकुलसर्वांगैर्योगींद्रैरिव विस्मितैः
citrārpitaiścitrarūpaiḥ sadānaṃdāśruvarṣibhiḥ | pulakākulasarvāṃgairyogīṃdrairiva vismitaiḥ
Sanskrit only: no published translation is held for this verse.
क्षरत्ययोभिर्गोविंदैरसंख्यातैरुपावृतम् । तद्बाह्ये स्वर्णप्राकारे कोटिसूर्यसमुज्जवले
kṣaratyayobhirgoviṃdairasaṃkhyātairupāvṛtam | tadbāhye svarṇaprākāre koṭisūryasamujjavale
Sanskrit only: no published translation is held for this verse.
चतुर्दिक्षुमहोद्यानं मंजुसौरभमोहिते । पश्चिमे संमुखे श्रीमत्पारिजातद्रुमाश्रये
caturdikṣumahodyānaṃ maṃjusaurabhamohite | paścime saṃmukhe śrīmatpārijātadrumāśraye
Sanskrit only: no published translation is held for this verse.
तदधस्तु स्वर्णपीठे स्वर्णमंडनमंडिते । तन्मध्ये मणिमाणिक्य दिव्यसिंहासनोज्ज्वले
tadadhastu svarṇapīṭhe svarṇamaṃḍanamaṃḍite | tanmadhye maṇimāṇikya divyasiṃhāsanojjvale
Sanskrit only: no published translation is held for this verse.
तत्रोपरि परानंदं वासुदेवं जगत्प्रभुम् । त्रिगुणातीतचिद्रूपं सर्वकारणकारणम्
tatropari parānaṃdaṃ vāsudevaṃ jagatprabhum | triguṇātītacidrūpaṃ sarvakāraṇakāraṇam
Sanskrit only: no published translation is held for this verse.
इंद्रनीलघनश्यामं नीलकुंचितकुंतलम् । पद्मपत्रविशालाक्षं मकराकृतिकुंडलम्
iṃdranīlaghanaśyāmaṃ nīlakuṃcitakuṃtalam | padmapatraviśālākṣaṃ makarākṛtikuṃḍalam
Sanskrit only: no published translation is held for this verse.
चतुर्भुजं तु चक्रासिगदाशंखांबुजायुधम् । आद्यंतरहितं नित्यं प्रधानं पुरुषोत्तमम्
caturbhujaṃ tu cakrāsigadāśaṃkhāṃbujāyudham | ādyaṃtarahitaṃ nityaṃ pradhānaṃ puruṣottamam
Sanskrit only: no published translation is held for this verse.
ज्योतीरूपं महद्धाम पुराणं वनमालिनम् । पीतांबरधरं स्निग्धं दिव्यभूषणभूषितम्
jyotīrūpaṃ mahaddhāma purāṇaṃ vanamālinam | pītāṃbaradharaṃ snigdhaṃ divyabhūṣaṇabhūṣitam
Sanskrit only: no published translation is held for this verse.
दिव्यानुलेपनं राजच्चित्रितांग मनोहरम् । रुक्मिणी सत्यभामा च नाग्नजिती सुलक्षणा
divyānulepanaṃ rājaccitritāṃga manoharam | rukmiṇī satyabhāmā ca nāgnajitī sulakṣaṇā
Sanskrit only: no published translation is held for this verse.
मित्रविंदानुविंदा सुनंदा जांबवती प्रिया । सुशीला चाष्टमहिला वासुदेवप्रियास्ततः
mitraviṃdānuviṃdā sunaṃdā jāṃbavatī priyā | suśīlā cāṣṭamahilā vāsudevapriyāstataḥ
Sanskrit only: no published translation is held for this verse.
उद्भ्राजिताः पारिषदा वृतयोर्भक्तितत्पराः । उत्तरे सुमहोद्याने हरिचंदनसंश्रये
udbhrājitāḥ pāriṣadā vṛtayorbhaktitatparāḥ | uttare sumahodyāne haricaṃdanasaṃśraye
Sanskrit only: no published translation is held for this verse.
तत्राधस्तु स्वर्णपीठे मणिमंडपमंडिते । तन्मध्ये हेमनिर्माणदले सिंहासनोज्जवले
tatrādhastu svarṇapīṭhe maṇimaṃḍapamaṃḍite | tanmadhye hemanirmāṇadale siṃhāsanojjavale
Sanskrit only: no published translation is held for this verse.
तत्रैव सह रेवत्या संकर्षण हलायुधम् । ईश्वरस्य प्रियानंतमभिन्नगुणरूपिणम्
tatraiva saha revatyā saṃkarṣaṇa halāyudham | īśvarasya priyānaṃtamabhinnaguṇarūpiṇam
Sanskrit only: no published translation is held for this verse.
शुद्धस्फटिकसंकाशं रक्तांबुज दलेक्षणम् । नीलपट्टधरं स्निग्धं दिव्यभूषास्रगंबरम्
śuddhasphaṭikasaṃkāśaṃ raktāṃbuja dalekṣaṇam | nīlapaṭṭadharaṃ snigdhaṃ divyabhūṣāsragaṃbaram
Sanskrit only: no published translation is held for this verse.
मधुपाने सदासक्तं मधुघूर्णितलोचनम् । प्रवीरदक्षिणेभागे मंजुनाभ्यंतरस्थिते
madhupāne sadāsaktaṃ madhughūrṇitalocanam | pravīradakṣiṇebhāge maṃjunābhyaṃtarasthite
Sanskrit only: no published translation is held for this verse.
संतानवृक्षमूले तु मणिमंदिरमंडितम् । तन्मध्ये मणिमाणिक्य दिव्यसिंहासनोज्ज्वले
saṃtānavṛkṣamūle tu maṇimaṃdiramaṃḍitam | tanmadhye maṇimāṇikya divyasiṃhāsanojjvale
Sanskrit only: no published translation is held for this verse.
प्रद्युम्नं च रती देवं तत्रोपरिसुखस्थितम् । जगन्मोहनसौंदर्य्यसारश्रेणीरसात्मकम्
pradyumnaṃ ca ratī devaṃ tatroparisukhasthitam | jaganmohanasauṃdaryyasāraśreṇīrasātmakam
Sanskrit only: no published translation is held for this verse.
असितांभोजपुंजाभमरविंददलेक्षणम् । दिव्यालंकारभूषाभिर्दिव्यगंधानुलेपनम्
asitāṃbhojapuṃjābhamaraviṃdadalekṣaṇam | divyālaṃkārabhūṣābhirdivyagaṃdhānulepanam
Sanskrit only: no published translation is held for this verse.
जगन्मुग्धीकृताशेष सौंदर्याश्चर्यविग्रहम् । पूर्वोद्याने महारण्ये सुरद्रुम समाश्रये
jaganmugdhīkṛtāśeṣa sauṃdaryāścaryavigraham | pūrvodyāne mahāraṇye suradruma samāśraye
Sanskrit only: no published translation is held for this verse.
तत्राधस्तु स्वर्णपीठे हेममंडपमंडिते । तस्य मध्ये स्थिरे राजद्दिव्यसिंहासनोज्ज्वले
tatrādhastu svarṇapīṭhe hemamaṃḍapamaṃḍite | tasya madhye sthire rājaddivyasiṃhāsanojjvale
Sanskrit only: no published translation is held for this verse.
दिव्योषयासमं श्रीमदनिरुद्धं जगत्पतिम् । सांद्रानंदघनश्यामं सुस्निग्धं नीलकुंतलम्
divyoṣayāsamaṃ śrīmadaniruddhaṃ jagatpatim | sāṃdrānaṃdaghanaśyāmaṃ susnigdhaṃ nīlakuṃtalam
Sanskrit only: no published translation is held for this verse.
सुभ्रून्नतलताभंगीं सुकपोलं सुनासिकम् । सुग्रीवं सुंदरं वक्षो मनोहर मनोहरम्
subhrūnnatalatābhaṃgīṃ sukapolaṃ sunāsikam | sugrīvaṃ suṃdaraṃ vakṣo manohara manoharam
Sanskrit only: no published translation is held for this verse.
किरीटिनं कुंडलिनं कंठभूषाविभूषितम् । मंजुमंजीरमाधुर्यादतिसौंदर्य विग्रहम्
kirīṭinaṃ kuṃḍalinaṃ kaṃṭhabhūṣāvibhūṣitam | maṃjumaṃjīramādhuryādatisauṃdarya vigraham
Sanskrit only: no published translation is held for this verse.
प्रियभृत्यगणाराध्यं यत्र संगीतकप्रियम् । पूर्णब्रह्मसदानंदं शुद्धसत्वस्वरूपकम्
priyabhṛtyagaṇārādhyaṃ yatra saṃgītakapriyam | pūrṇabrahmasadānaṃdaṃ śuddhasatvasvarūpakam
Sanskrit only: no published translation is held for this verse.
तस्योर्द्ध्वे चांतरिक्षे च विष्णुं सर्वेश्वरेश्वरम् । अनादिमादिचिद्रूपं चिदानंदं परं विभुम्
tasyorddhve cāṃtarikṣe ca viṣṇuṃ sarveśvareśvaram | anādimādicidrūpaṃ cidānaṃdaṃ paraṃ vibhum
Sanskrit only: no published translation is held for this verse.
त्रिगुणातीतमव्यक्तं नित्यमक्षयमव्ययम् । समेघपुंजमाधुर्यसौंदर्यश्यामविग्रहम्
triguṇātītamavyaktaṃ nityamakṣayamavyayam | sameghapuṃjamādhuryasauṃdaryaśyāmavigraham
Sanskrit only: no published translation is held for this verse.
नीलकुंचितसुस्निग्ध केशपाशातिसुंदरम् । अरविंददलस्निग्ध सुदीर्घचारुलोचनम्
nīlakuṃcitasusnigdha keśapāśātisuṃdaram | araviṃdadalasnigdha sudīrghacārulocanam
Sanskrit only: no published translation is held for this verse.
किरीटकुंडलोद्गंड शुद्धसत्वात्मभिर्वृतम् । आत्मारामैश्च चिद्रूपैस्तन्मूर्तिध्यानतत्परैः
kirīṭakuṃḍalodgaṃḍa śuddhasatvātmabhirvṛtam | ātmārāmaiśca cidrūpaistanmūrtidhyānatatparaiḥ
Sanskrit only: no published translation is held for this verse.
हृदयारूढ तद्ध्य्नौर्नासाग्रन्यस्तलोचनैः । क्रियतेऽहैतुकीभक्तिः कायहृद्वृत्तिभाषितैः
hṛdayārūḍha taddhynaurnāsāgranyastalocanaiḥ | kriyate'haitukībhaktiḥ kāyahṛdvṛttibhāṣitaiḥ
Sanskrit only: no published translation is held for this verse.
तत्सव्ये यक्षगंधर्वसिद्धविद्याधरादिभिः । सुकांतैरप्सरःसंघैर्नृत्यसंगीततत्परैः
tatsavye yakṣagaṃdharvasiddhavidyādharādibhiḥ | sukāṃtairapsaraḥsaṃghairnṛtyasaṃgītatatparaiḥ
Sanskrit only: no published translation is held for this verse.
तदंगभजनं कामं वांछद्भिः कृष्णलालसैः । तदग्रे वैष्णवैः सर्वैश्चांतरिक्षे सुखासने
tadaṃgabhajanaṃ kāmaṃ vāṃchadbhiḥ kṛṣṇalālasaiḥ | tadagre vaiṣṇavaiḥ sarvaiścāṃtarikṣe sukhāsane
Sanskrit only: no published translation is held for this verse.
प्रह्लादनारदाद्यैश्च कुमारशुकवैष्णवैः । जनकाद्यैर्लसद्भावैर्हृद्बाह्य स्फूर्तितत्परैः
prahlādanāradādyaiśca kumāraśukavaiṣṇavaiḥ | janakādyairlasadbhāvairhṛdbāhya sphūrtitatparaiḥ
Sanskrit only: no published translation is held for this verse.
पुलकाकुलसर्वांगैः स्फुरत्प्रेमसमाकुलैः । रहस्यामृतसंसिक्तैरर्द्धयुग्माक्षरो मनुः
pulakākulasarvāṃgaiḥ sphuratpremasamākulaiḥ | rahasyāmṛtasaṃsiktairarddhayugmākṣaro manuḥ
Sanskrit only: no published translation is held for this verse.
मंत्रचूडामणिः प्रोक्तः सर्वमंत्रैककारणम् । सर्वदेवस्य मंत्राणां कैशोरं मंत्रहेतुकम्
maṃtracūḍāmaṇiḥ proktaḥ sarvamaṃtraikakāraṇam | sarvadevasya maṃtrāṇāṃ kaiśoraṃ maṃtrahetukam
Sanskrit only: no published translation is held for this verse.
सर्वकैशोरमंत्राणां हेतुश्चूडामणिर्मनुः । जपं कुर्वंति मनसा पूर्णप्रेमसुखाश्रयाः
sarvakaiśoramaṃtrāṇāṃ hetuścūḍāmaṇirmanuḥ | japaṃ kurvaṃti manasā pūrṇapremasukhāśrayāḥ
Sanskrit only: no published translation is held for this verse.
वांछंति तत्पदांभोजे निश्चलं प्रेमसाधनम् । तद्बाह्ये स्फटिकाद्युच्च प्रावारे सुमनोहरे
vāṃchaṃti tatpadāṃbhoje niścalaṃ premasādhanam | tadbāhye sphaṭikādyucca prāvāre sumanohare
Sanskrit only: no published translation is held for this verse.
कुंकुमैः सितरक्ताद्यैश्चतुर्दिक्षु समाकुलैः । शुक्लं चतुर्भुजं विष्णुं पश्चिमे द्वारपालकम्
kuṃkumaiḥ sitaraktādyaiścaturdikṣu samākulaiḥ | śuklaṃ caturbhujaṃ viṣṇuṃ paścime dvārapālakam
Sanskrit only: no published translation is held for this verse.
शंखचक्रगदापद्मकिरीटादि विभूषितम् । रक्तं चतुर्भुजं पद्मशंखचक्रगदायुधम्
śaṃkhacakragadāpadmakirīṭādi vibhūṣitam | raktaṃ caturbhujaṃ padmaśaṃkhacakragadāyudham
Sanskrit only: no published translation is held for this verse.
किरीटकुंडलोद्दीप्त द्वारपालकमुत्तरे । गौरं चतुर्भुजं विष्णुं शुखचक्रगदायुधम्
kirīṭakuṃḍaloddīpta dvārapālakamuttare | gauraṃ caturbhujaṃ viṣṇuṃ śukhacakragadāyudham
Sanskrit only: no published translation is held for this verse.
किरीटकुंडलाद्यैश्च शोभितं वनमालिनम् । पूर्वद्वारे द्वारपालं गौरं विष्णुं प्रकीर्तितम्
kirīṭakuṃḍalādyaiśca śobhitaṃ vanamālinam | pūrvadvāre dvārapālaṃ gauraṃ viṣṇuṃ prakīrtitam
Sanskrit only: no published translation is held for this verse.
कृष्णवर्णं चतुर्बाहुं शंखचक्रादिभूषणम् । दक्षिणद्वारपालं तु श्रीविष्णुंकृष्णवर्णकम्
kṛṣṇavarṇaṃ caturbāhuṃ śaṃkhacakrādibhūṣaṇam | dakṣiṇadvārapālaṃ tu śrīviṣṇuṃkṛṣṇavarṇakam
Sanskrit only: no published translation is held for this verse.
श्रीकृष्णचरितं ह्येतद्यः पठेत्प्रयतः शुचिः । शृणुयाद्वापि यो भक्त्या गोविंदे लभते रतिम्
śrīkṛṣṇacaritaṃ hyetadyaḥ paṭhetprayataḥ śuciḥ | śṛṇuyādvāpi yo bhaktyā goviṃde labhate ratim
Sanskrit only: no published translation is held for this verse.
इति श्रीपद्मपुराणे पातालखंडे कृष्णचरिते सप्ततितमोऽध्यायः
iti śrīpadmapurāṇe pātālakhaṃḍe kṛṣṇacarite saptatitamo'dhyāyaḥ
Sanskrit only: no published translation is held for this verse.