Padma Purāṇa 5.71

श्रीदेव्युवाच- भगवन्सर्वभूतेश सर्वात्मन्सर्वसंभव । देवेश्वर महादेव सर्वज्ञ करुणाकर

śrīdevyuvāca- bhagavansarvabhūteśa sarvātmansarvasaṃbhava | deveśvara mahādeva sarvajña karuṇākara

Sanskrit only: no published translation is held for this verse.

त्वयानुकंपितैवाहं भूयोऽप्याहानुकंपया । त्रैलोक्यमोहना मंत्रास्त्वया मे कथिताः प्रभो

tvayānukaṃpitaivāhaṃ bhūyo'pyāhānukaṃpayā | trailokyamohanā maṃtrāstvayā me kathitāḥ prabho

Sanskrit only: no published translation is held for this verse.

तेन देवेन गोपीभिर्महामोहनरूपिणा । केन केन विशेषण चिक्रीडे तद्वदस्व मे

tena devena gopībhirmahāmohanarūpiṇā | kena kena viśeṣaṇa cikrīḍe tadvadasva me

Sanskrit only: no published translation is held for this verse.

महादेव उवाच। एकदा वादयन्वीणां नारदो मुनिपुंगवः । कृष्णावतारमाज्ञाय प्रययौ नंदगोकुलम्

mahādeva uvāca| ekadā vādayanvīṇāṃ nārado munipuṃgavaḥ | kṛṣṇāvatāramājñāya prayayau naṃdagokulam

Sanskrit only: no published translation is held for this verse.

गत्वा तत्र महायोगमयेशं विभुमच्युतम् । बालनाट्यधरं देवदर्शनं नंदवेश्मनि

gatvā tatra mahāyogamayeśaṃ vibhumacyutam | bālanāṭyadharaṃ devadarśanaṃ naṃdaveśmani

Sanskrit only: no published translation is held for this verse.

सुकोमलपटास्तीर्णहेमपर्यंकिकोपरि । शयानं गोपकन्याभिः प्रेक्षमाणं सदा मुदम्

sukomalapaṭāstīrṇahemaparyaṃkikopari | śayānaṃ gopakanyābhiḥ prekṣamāṇaṃ sadā mudam

Sanskrit only: no published translation is held for this verse.

अतीव सुकुमारांगं मुग्धं मुग्धविलोकनम् । विस्रस्तनीलकुटिलकुंतलावनिमंडलम्

atīva sukumārāṃgaṃ mugdhaṃ mugdhavilokanam | visrastanīlakuṭilakuṃtalāvanimaṃḍalam

Sanskrit only: no published translation is held for this verse.

किंचित्स्मितांकुरव्यंजदेकद्विरदकुड्मलम् । स्वप्रभाभिर्भासयंतं समंताद्भवनोदरम्

kiṃcitsmitāṃkuravyaṃjadekadviradakuḍmalam | svaprabhābhirbhāsayaṃtaṃ samaṃtādbhavanodaram

Sanskrit only: no published translation is held for this verse.

दिग्वाससं समालोक्य सोऽतिहर्षमवाप ह । संभाष्य गोपतिं नंदमाह सर्वप्रभुप्रियः

digvāsasaṃ samālokya so'tiharṣamavāpa ha | saṃbhāṣya gopatiṃ naṃdamāha sarvaprabhupriyaḥ

Sanskrit only: no published translation is held for this verse.

नारायणपराणां तु जीवनं ह्यतिदुर्लभम् । अस्य प्रभावमतुलं न जानंतीह केचन

nārāyaṇaparāṇāṃ tu jīvanaṃ hyatidurlabham | asya prabhāvamatulaṃ na jānaṃtīha kecana

Sanskrit only: no published translation is held for this verse.

भव ब्रह्मादयोऽप्यस्मिन्रतिं वांच्छन्ति शाश्वतीम् । चरितं चास्य बालस्य सर्वेषामेव हर्षणम्

bhava brahmādayo'pyasminratiṃ vāṃcchanti śāśvatīm | caritaṃ cāsya bālasya sarveṣāmeva harṣaṇam

Sanskrit only: no published translation is held for this verse.

मुदा गायंति शृण्वंति चाभिनंदंति तादृशाः । अस्मिंस्तव सुतेऽचिंत्यप्रभावे स्निग्धमानसाः

mudā gāyaṃti śṛṇvaṃti cābhinaṃdaṃti tādṛśāḥ | asmiṃstava sute'ciṃtyaprabhāve snigdhamānasāḥ

Sanskrit only: no published translation is held for this verse.

नराः संति न तेषां वै भवबाधा भविष्यति । मुंचेह परलोकेच्छाः सर्वा बल्लवसत्तम

narāḥ saṃti na teṣāṃ vai bhavabādhā bhaviṣyati | muṃceha paralokecchāḥ sarvā ballavasattama

Sanskrit only: no published translation is held for this verse.

एकांतेनैकभावेन बालेऽस्मिन्प्रीतिमाचर । इत्युक्त्वा नंदभवनान्निष्क्रांतो मुनिपुंगवः

ekāṃtenaikabhāvena bāle'sminprītimācara | ityuktvā naṃdabhavanānniṣkrāṃto munipuṃgavaḥ

Sanskrit only: no published translation is held for this verse.

तेनार्चितो विष्णुबुद्ध्या प्रणम्य च विसर्जितः । अथासौ चिंतयामास महाभागवतो मुनिः

tenārcito viṣṇubuddhyā praṇamya ca visarjitaḥ | athāsau ciṃtayāmāsa mahābhāgavato muniḥ

Sanskrit only: no published translation is held for this verse.

अस्य कांता भगवती लक्ष्मीर्नारायणे हरौ । विधाय गोपिकारूपं क्रीडार्थं शार्ङ्गधन्वनः

asya kāṃtā bhagavatī lakṣmīrnārāyaṇe harau | vidhāya gopikārūpaṃ krīḍārthaṃ śārṅgadhanvanaḥ

Sanskrit only: no published translation is held for this verse.

अवश्यमवतीर्णा सा भविष्यति न संशयः । तामहं विचिनोम्यद्य गेहेगेहे व्रजौकसाम्

avaśyamavatīrṇā sā bhaviṣyati na saṃśayaḥ | tāmahaṃ vicinomyadya gehegehe vrajaukasām

Sanskrit only: no published translation is held for this verse.

विमृश्यैवं मुनिवरो गेहानि व्रजवासिनाम् । प्रविवेशातिथिर्भूत्वा विष्णुबुद्ध्या सुपूजितः

vimṛśyaivaṃ munivaro gehāni vrajavāsinām | praviveśātithirbhūtvā viṣṇubuddhyā supūjitaḥ

Sanskrit only: no published translation is held for this verse.

सर्वेषां बल्लवादीनां रतिं नंदसुते पराम् । दृष्ट्वा मुनिवरः सर्वान्मनसा प्रणनाम ह

sarveṣāṃ ballavādīnāṃ ratiṃ naṃdasute parām | dṛṣṭvā munivaraḥ sarvānmanasā praṇanāma ha

Sanskrit only: no published translation is held for this verse.

गोपालानां गृहे बालां ददर्श श्वेतरूपिणीम् । स दृष्ट्वा तर्कयामास रमा ह्येषा न संशयः

gopālānāṃ gṛhe bālāṃ dadarśa śvetarūpiṇīm | sa dṛṣṭvā tarkayāmāsa ramā hyeṣā na saṃśayaḥ

Sanskrit only: no published translation is held for this verse.

प्रविवेश ततो धीमान्नंदसख्युर्महात्मनः । कस्यचिद्गोपवर्य्यस्य भानुनाम्नो गृहं महत्

praviveśa tato dhīmānnaṃdasakhyurmahātmanaḥ | kasyacidgopavaryyasya bhānunāmno gṛhaṃ mahat

Sanskrit only: no published translation is held for this verse.

अर्चितो विधिवत्तेन सोऽप्यपृच्छन्महामनाः । साधो त्वमसि विख्यातो धर्मनिष्ठतया भुवि

arcito vidhivattena so'pyapṛcchanmahāmanāḥ | sādho tvamasi vikhyāto dharmaniṣṭhatayā bhuvi

Sanskrit only: no published translation is held for this verse.

तवाहं धनधान्यादि समृद्धिं संविभावये । कच्चित्ते योग्यः पुत्रोऽस्ति कन्या वा शुभलक्षणा

tavāhaṃ dhanadhānyādi samṛddhiṃ saṃvibhāvaye | kaccitte yogyaḥ putro'sti kanyā vā śubhalakṣaṇā

Sanskrit only: no published translation is held for this verse.

यतस्ते कीर्तिरखिलं लोकं व्याप्य भविष्यति । इत्युक्तो मुनिवर्य्येण भानुरानीय पुत्रकम्

yataste kīrtirakhilaṃ lokaṃ vyāpya bhaviṣyati | ityukto munivaryyeṇa bhānurānīya putrakam

Sanskrit only: no published translation is held for this verse.

महातेजस्विनं दृप्तं नारदायाभ्यवादयत् । दृष्ट्वा मुनिवरस्तं तु रूपेणाप्रतिमं भुवि

mahātejasvinaṃ dṛptaṃ nāradāyābhyavādayat | dṛṣṭvā munivarastaṃ tu rūpeṇāpratimaṃ bhuvi

Sanskrit only: no published translation is held for this verse.

पद्मपत्रविशालाक्षं सुग्रीवं सुंदरभ्रुवम् । चारुदंतं चारुकर्णं सर्वावयवसुंदरम्

padmapatraviśālākṣaṃ sugrīvaṃ suṃdarabhruvam | cārudaṃtaṃ cārukarṇaṃ sarvāvayavasuṃdaram

Sanskrit only: no published translation is held for this verse.

तं समाश्लिष्य बाहुभ्यां स्नेहाश्रूणि विमुच्य च । ततः स गद्गद प्राह प्रणयेन महामुनिः

taṃ samāśliṣya bāhubhyāṃ snehāśrūṇi vimucya ca | tataḥ sa gadgada prāha praṇayena mahāmuniḥ

Sanskrit only: no published translation is held for this verse.

नारद उवाच-। अयं शिशुस्ते भविता सुसखा रामकृष्णयोः । विहरिष्यति ताभ्यां च रात्रिंदिवमतंद्रितः

nārada uvāca-| ayaṃ śiśuste bhavitā susakhā rāmakṛṣṇayoḥ | vihariṣyati tābhyāṃ ca rātriṃdivamataṃdritaḥ

Sanskrit only: no published translation is held for this verse.

तत आभाष्य तं गोपप्रवरं मुनिपुंगवः । यदा गंतुं मनश्चक्रे तत्रैवं भानुरब्रवीत्

tata ābhāṣya taṃ gopapravaraṃ munipuṃgavaḥ | yadā gaṃtuṃ manaścakre tatraivaṃ bhānurabravīt

Sanskrit only: no published translation is held for this verse.

एकास्ति पुत्रिका देव देवपत्न्युपमा मम । कनीयसी शिशोरस्य जडांधबधिराकृतिः

ekāsti putrikā deva devapatnyupamā mama | kanīyasī śiśorasya jaḍāṃdhabadhirākṛtiḥ

Sanskrit only: no published translation is held for this verse.

उत्साहाद्वृद्धये याचे त्वां वरं भगवत्तम । प्रसन्नदृष्टिमात्रेण सुस्थिरां कुरु बालिकाम्

utsāhādvṛddhaye yāce tvāṃ varaṃ bhagavattama | prasannadṛṣṭimātreṇa susthirāṃ kuru bālikām

Sanskrit only: no published translation is held for this verse.

श्रुत्वैवं नारदो वाक्यं कौतुकाकृष्टमानसः । अथ प्रविश्य भवनं लुठंतीं भूतले सुताम्

śrutvaivaṃ nārado vākyaṃ kautukākṛṣṭamānasaḥ | atha praviśya bhavanaṃ luṭhaṃtīṃ bhūtale sutām

Sanskrit only: no published translation is held for this verse.

उत्थाप्यांके निधायातिस्नेहविह्वलमानसः । भानुरप्याययौ भक्तिनम्रो मुनिवरांतिकम्

utthāpyāṃke nidhāyātisnehavihvalamānasaḥ | bhānurapyāyayau bhaktinamro munivarāṃtikam

Sanskrit only: no published translation is held for this verse.

अथ भागवतश्रेष्ठः कृष्णस्यातिप्रियो मुनिः । दृष्ट्वा तस्याः परं रूपमदृष्टाश्रुतमद्भुतम्

atha bhāgavataśreṣṭhaḥ kṛṣṇasyātipriyo muniḥ | dṛṣṭvā tasyāḥ paraṃ rūpamadṛṣṭāśrutamadbhutam

Sanskrit only: no published translation is held for this verse.

अभूत्पूर्वसमं मुग्धो हरिप्रेमा महामुनिः । विगाह्य परमानंदसिंधुमेकरसायनम्

abhūtpūrvasamaṃ mugdho haripremā mahāmuniḥ | vigāhya paramānaṃdasiṃdhumekarasāyanam

Sanskrit only: no published translation is held for this verse.

मुहूर्त्तद्वितयं तत्र मुनिरासीच्छिलोपमः । मुनींद्रः प्रतिबुद्धस्तु शनैरुन्मील्य लोचने

muhūrttadvitayaṃ tatra munirāsīcchilopamaḥ | munīṃdraḥ pratibuddhastu śanairunmīlya locane

Sanskrit only: no published translation is held for this verse.

महाविस्मयमापन्नस्तूष्णीमेव स्थितोऽभवत् । अंतर्हृदि महाबुद्धिरेवमेवं व्यचिंतयत्

mahāvismayamāpannastūṣṇīmeva sthito'bhavat | aṃtarhṛdi mahābuddhirevamevaṃ vyaciṃtayat

Sanskrit only: no published translation is held for this verse.

भ्रांतं सर्वेषु लोकेषु मया स्वच्छंदचारिणा । अस्या रूपेण सदृशी दृष्ट्वा नैव च कुत्रचित्

bhrāṃtaṃ sarveṣu lokeṣu mayā svacchaṃdacāriṇā | asyā rūpeṇa sadṛśī dṛṣṭvā naiva ca kutracit

Sanskrit only: no published translation is held for this verse.

ब्रह्मलोके रुद्रलोक इंद्रलोके च मे गतिः । न कोपि शोभाकोट्यंशः कुत्राप्यस्या विलोकितः

brahmaloke rudraloka iṃdraloke ca me gatiḥ | na kopi śobhākoṭyaṃśaḥ kutrāpyasyā vilokitaḥ

Sanskrit only: no published translation is held for this verse.

महामाया भगवती दृष्टा शैलेंद्रनंदिनी । यस्या रूपेण सकलं मुह्यते सचराचरम्

mahāmāyā bhagavatī dṛṣṭā śaileṃdranaṃdinī | yasyā rūpeṇa sakalaṃ muhyate sacarācaram

Sanskrit only: no published translation is held for this verse.

साप्यस्याः सुकुमारांगी लक्ष्मीं नाप्नोति कर्हिचित् । लक्ष्मीः सरस्वती कांति विद्याद्याश्च वरस्त्रियः

sāpyasyāḥ sukumārāṃgī lakṣmīṃ nāpnoti karhicit | lakṣmīḥ sarasvatī kāṃti vidyādyāśca varastriyaḥ

Sanskrit only: no published translation is held for this verse.

छायामपि स्पृशंत्यस्याः कदाचिन्नैव दृश्यते । विष्णोर्यन्मोहिनीरूपं हरो येन विमोहितः

chāyāmapi spṛśaṃtyasyāḥ kadācinnaiva dṛśyate | viṣṇoryanmohinīrūpaṃ haro yena vimohitaḥ

Sanskrit only: no published translation is held for this verse.

मया दृष्टं च तदपि कुतोऽस्यासदृशं भवेत् । ततोऽस्यास्तत्त्वमाज्ञातुं न मे शक्तिः कथंचन

mayā dṛṣṭaṃ ca tadapi kuto'syāsadṛśaṃ bhavet | tato'syāstattvamājñātuṃ na me śaktiḥ kathaṃcana

Sanskrit only: no published translation is held for this verse.

अन्ये चापि न जानंति प्रायेणैनां हरेः प्रियाम् । अस्याः संदर्शनादेव गोविंदचरणांबुजे

anye cāpi na jānaṃti prāyeṇaināṃ hareḥ priyām | asyāḥ saṃdarśanādeva goviṃdacaraṇāṃbuje

Sanskrit only: no published translation is held for this verse.

या प्रेमर्द्धिरभूत्सा मे भूतपूर्वा न कर्हिचित् । एकांते नौमि भवतीं दर्शयित्वातिवैभवम्

yā premarddhirabhūtsā me bhūtapūrvā na karhicit | ekāṃte naumi bhavatīṃ darśayitvātivaibhavam

Sanskrit only: no published translation is held for this verse.

कृष्णस्य संभवत्यस्या रूपं परमतुष्टये । विमृश्यैवं मुनिर्गोपप्रवरं प्रेष्य कुत्रचित्

kṛṣṇasya saṃbhavatyasyā rūpaṃ paramatuṣṭaye | vimṛśyaivaṃ munirgopapravaraṃ preṣya kutracit

Sanskrit only: no published translation is held for this verse.

निभृते परितुष्टाव बालिकां दिव्यरूपिणीम् । अपि देवि महायोगमायेश्वरि महाप्रभे

nibhṛte parituṣṭāva bālikāṃ divyarūpiṇīm | api devi mahāyogamāyeśvari mahāprabhe

Sanskrit only: no published translation is held for this verse.

महामोहनदिव्यांगि महामाधुर्यवर्षिणि । महाद्भुतरसानंदशिथिलीकृतमानसे

mahāmohanadivyāṃgi mahāmādhuryavarṣiṇi | mahādbhutarasānaṃdaśithilīkṛtamānase

Sanskrit only: no published translation is held for this verse.

महाभाग्येन केनापि गतासि मम दृक्पथम् । नित्यमंतर्मुखादृष्टिस्तव देवि विभाव्यते

mahābhāgyena kenāpi gatāsi mama dṛkpatham | nityamaṃtarmukhādṛṣṭistava devi vibhāvyate

Sanskrit only: no published translation is held for this verse.

अंतरेव महानंदपरितृप्तैव लक्ष्यसे । प्रसन्नं मधुरं सौम्यमिदं सुमुखमंडनम्

aṃtareva mahānaṃdaparitṛptaiva lakṣyase | prasannaṃ madhuraṃ saumyamidaṃ sumukhamaṃḍanam

Sanskrit only: no published translation is held for this verse.

व्यनक्तिपरमाश्चर्यं कमप्यंतः सुखोदयम् । रजः संबंधिकलिका शक्तिस्तत्वातिशोभने

vyanaktiparamāścaryaṃ kamapyaṃtaḥ sukhodayam | rajaḥ saṃbaṃdhikalikā śaktistatvātiśobhane

Sanskrit only: no published translation is held for this verse.

सृष्टिस्थितिसमाहाररूपिणी त्वमधिष्ठिता । तत्त्वं विशुद्धसत्वाशु शक्तिर्विद्यात्मिका परा

sṛṣṭisthitisamāhārarūpiṇī tvamadhiṣṭhitā | tattvaṃ viśuddhasatvāśu śaktirvidyātmikā parā

Sanskrit only: no published translation is held for this verse.

परमानंदसंदोहं दधती वैष्णवं परम् । का त्वयाश्चर्यविभवे ब्रह्मरुद्रादिदुर्गमे

paramānaṃdasaṃdohaṃ dadhatī vaiṣṇavaṃ param | kā tvayāścaryavibhave brahmarudrādidurgame

Sanskrit only: no published translation is held for this verse.

योगींद्राणां ध्यानपथं न त्वं स्पृशसि कर्हिचित् । इच्छाशक्तिर्ज्ञानशक्तिः क्रियाशक्तिस्तवेशितुः

yogīṃdrāṇāṃ dhyānapathaṃ na tvaṃ spṛśasi karhicit | icchāśaktirjñānaśaktiḥ kriyāśaktistaveśituḥ

Sanskrit only: no published translation is held for this verse.

तवांशमात्रमित्येवं मनीषा मे प्रवर्त्तते । मायाविभूतयोऽचिंत्यास्तन्मायार्भकमायिनः

tavāṃśamātramityevaṃ manīṣā me pravarttate | māyāvibhūtayo'ciṃtyāstanmāyārbhakamāyinaḥ

Sanskrit only: no published translation is held for this verse.

परेशस्य महाविष्णोस्ताः सर्वास्ते कलाकलाः । आनंदरूपिणी शक्तिस्त्वमीश्वरि न संशयः

pareśasya mahāviṣṇostāḥ sarvāste kalākalāḥ | ānaṃdarūpiṇī śaktistvamīśvari na saṃśayaḥ

Sanskrit only: no published translation is held for this verse.

त्वया च क्रीडते कृष्णो नूनं वृंदावने वने । कौमारेणैव रूपेण त्वं विश्वस्य च मोहिनी

tvayā ca krīḍate kṛṣṇo nūnaṃ vṛṃdāvane vane | kaumāreṇaiva rūpeṇa tvaṃ viśvasya ca mohinī

Sanskrit only: no published translation is held for this verse.

तारुण्यवयसा स्पृष्टं कीदृक्ते रूपमद्भुतम् । कीदृशं तव लावण्यं लीलाहासेक्षणान्वितम्

tāruṇyavayasā spṛṣṭaṃ kīdṛkte rūpamadbhutam | kīdṛśaṃ tava lāvaṇyaṃ līlāhāsekṣaṇānvitam

Sanskrit only: no published translation is held for this verse.

हरि मानुषलोभेन वपुराश्चर्यमंडितम् । द्रष्टुं तदहमिच्छामि रूपं ते हरिवल्लभे

hari mānuṣalobhena vapurāścaryamaṃḍitam | draṣṭuṃ tadahamicchāmi rūpaṃ te harivallabhe

Sanskrit only: no published translation is held for this verse.

येन नंदसुतः कृष्णो मोहं समुपयास्यति । इदानीं मम कारुण्यान्निजं रूपं महेश्वरि

yena naṃdasutaḥ kṛṣṇo mohaṃ samupayāsyati | idānīṃ mama kāruṇyānnijaṃ rūpaṃ maheśvari

Sanskrit only: no published translation is held for this verse.

प्रणताय प्रपन्नाय प्रकाशयितुमर्हसि । इत्युक्ता मुनिवर्य्येण तदनुव्रतचेतसा

praṇatāya prapannāya prakāśayitumarhasi | ityuktā munivaryyeṇa tadanuvratacetasā

Sanskrit only: no published translation is held for this verse.

महामाहेश्वरीं नत्वा महानंदमयीं पराम् । महाप्रेमतरोत्कंठा व्याकुलांगीं शुभेक्षणाम्

mahāmāheśvarīṃ natvā mahānaṃdamayīṃ parām | mahāprematarotkaṃṭhā vyākulāṃgīṃ śubhekṣaṇām

Sanskrit only: no published translation is held for this verse.

ईक्षमाणेन गोविंदमेवं वर्णयतास्थितम् । जयकृष्ण मनोहारिञ्जय वृंदावनप्रिय

īkṣamāṇena goviṃdamevaṃ varṇayatāsthitam | jayakṛṣṇa manohāriñjaya vṛṃdāvanapriya

Sanskrit only: no published translation is held for this verse.

जयभ्रूभंगललित जयवेणुरवाकुल । जय बर्हकृतोत्तंस जयगोपीविमोहन

jayabhrūbhaṃgalalita jayaveṇuravākula | jaya barhakṛtottaṃsa jayagopīvimohana

Sanskrit only: no published translation is held for this verse.

जय कुंकुमलिप्तांग जय रत्नविभूषण । कदाहं त्वत्प्रसादेन अनया दिव्यरूपया

jaya kuṃkumaliptāṃga jaya ratnavibhūṣaṇa | kadāhaṃ tvatprasādena anayā divyarūpayā

Sanskrit only: no published translation is held for this verse.

सहितं नवतारुण्य मनोहारि वपुःश्रिया । विलोकयिष्ये कैशोरे मोहनं त्वां जगत्पते

sahitaṃ navatāruṇya manohāri vapuḥśriyā | vilokayiṣye kaiśore mohanaṃ tvāṃ jagatpate

Sanskrit only: no published translation is held for this verse.

एवं कीर्त्तयतस्तस्य तत्क्षणादेव सा पुनः । बभूव दधती दिव्यं रूपमत्यंतमोहनम्

evaṃ kīrttayatastasya tatkṣaṇādeva sā punaḥ | babhūva dadhatī divyaṃ rūpamatyaṃtamohanam

Sanskrit only: no published translation is held for this verse.

चतुर्दशाब्दवयसा संमितं ललितं परम् । समानवयसश्चान्यास्तदैव व्रजबालिकाः

caturdaśābdavayasā saṃmitaṃ lalitaṃ param | samānavayasaścānyāstadaiva vrajabālikāḥ

Sanskrit only: no published translation is held for this verse.

आगत्य वेष्टयामासुर्दिव्यभूषांबरस्रजः । मुनींद्रः स तु निश्चेष्टो बभूवाश्चर्यमोहितः

āgatya veṣṭayāmāsurdivyabhūṣāṃbarasrajaḥ | munīṃdraḥ sa tu niśceṣṭo babhūvāścaryamohitaḥ

Sanskrit only: no published translation is held for this verse.

बालायास्तास्तदा सख्यश्चरणांबुकणैर्मुनिम् । निषिच्य बोधयामासुरूचुश्च कृपयान्विताः

bālāyāstāstadā sakhyaścaraṇāṃbukaṇairmunim | niṣicya bodhayāmāsurūcuśca kṛpayānvitāḥ

Sanskrit only: no published translation is held for this verse.

मुनिवर्य महाभाग महायोगेश्वरेश्वर । त्वयैव परया भक्त्या भगवान्हरिरीश्वरः

munivarya mahābhāga mahāyogeśvareśvara | tvayaiva parayā bhaktyā bhagavānharirīśvaraḥ

Sanskrit only: no published translation is held for this verse.

नूनमाराधितो देवो भक्तानां कामपूरकः । यदियंब्रह्मरुद्राद्यैर्देवैः सिद्धमुनीश्वरैः

nūnamārādhito devo bhaktānāṃ kāmapūrakaḥ | yadiyaṃbrahmarudrādyairdevaiḥ siddhamunīśvaraiḥ

Sanskrit only: no published translation is held for this verse.

महाभागवतैश्चान्यैर्दुर्दर्शा दुर्गमापि च । अत्यद्भुतवयोरूपमोहिनी हरिवल्लभा

mahābhāgavataiścānyairdurdarśā durgamāpi ca | atyadbhutavayorūpamohinī harivallabhā

Sanskrit only: no published translation is held for this verse.

केनाप्यचिंत्य भाग्येन तवदृष्टिपथं गता । उत्तिष्ठोत्तिष्ठ विप्रर्षे धैर्यमालंब्य सत्वरम्

kenāpyaciṃtya bhāgyena tavadṛṣṭipathaṃ gatā | uttiṣṭhottiṣṭha viprarṣe dhairyamālaṃbya satvaram

Sanskrit only: no published translation is held for this verse.

एनां प्रदक्षिणीकृत्य नमस्कुरु पुनःपुनः । किं न पश्यसि चार्वंगीमत्यंतव्याकुलामिव

enāṃ pradakṣiṇīkṛtya namaskuru punaḥpunaḥ | kiṃ na paśyasi cārvaṃgīmatyaṃtavyākulāmiva

Sanskrit only: no published translation is held for this verse.

अस्मिन्नेव क्षणे नूनमंतर्धानं गमिष्यति । नानया सह संलापः कथंचित्ते भविष्यति

asminneva kṣaṇe nūnamaṃtardhānaṃ gamiṣyati | nānayā saha saṃlāpaḥ kathaṃcitte bhaviṣyati

Sanskrit only: no published translation is held for this verse.

दर्शनं च पुनर्नास्याः प्राप्स्यसि ब्रह्मवित्तम । किंतु वृंदावने कापि भात्यशोकलता शुभा

darśanaṃ ca punarnāsyāḥ prāpsyasi brahmavittama | kiṃtu vṛṃdāvane kāpi bhātyaśokalatā śubhā

Sanskrit only: no published translation is held for this verse.

सर्वकालेऽपि पुष्पाढ्या सर्वदिग्व्यापि सौरभा । गोवर्द्धनाददूरेण कुसुमाख्यसरस्तटे

sarvakāle'pi puṣpāḍhyā sarvadigvyāpi saurabhā | govarddhanādadūreṇa kusumākhyasarastaṭe

Sanskrit only: no published translation is held for this verse.

तन्मूले ह्यर्द्धरात्रे च द्रक्ष्यस्यस्मानशेषतः । श्रुत्वैवं वचनं तासां स्नेहविह्वलचेतसाम्

tanmūle hyarddharātre ca drakṣyasyasmānaśeṣataḥ | śrutvaivaṃ vacanaṃ tāsāṃ snehavihvalacetasām

Sanskrit only: no published translation is held for this verse.

यावत्प्रदक्षिणीकृत्य प्रणमेद्दंडवन्मुनिः । मुहूर्त्तद्वितयं बालां नानानिर्माणशोभनाम्

yāvatpradakṣiṇīkṛtya praṇameddaṃḍavanmuniḥ | muhūrttadvitayaṃ bālāṃ nānānirmāṇaśobhanām

Sanskrit only: no published translation is held for this verse.

आहूय भानुं प्रोवाच नारदः सर्वशोभनाम् । एवं प्रभावा बालेयं न साध्या दैवतैरपि

āhūya bhānuṃ provāca nāradaḥ sarvaśobhanām | evaṃ prabhāvā bāleyaṃ na sādhyā daivatairapi

Sanskrit only: no published translation is held for this verse.

किंतु यद्गृहमेतस्याः पदचिह्नविभूषितम् । तत्र नारायणो देवः स्वयं वसति माधवः

kiṃtu yadgṛhametasyāḥ padacihnavibhūṣitam | tatra nārāyaṇo devaḥ svayaṃ vasati mādhavaḥ

Sanskrit only: no published translation is held for this verse.

लक्ष्मीश्च वसते नित्यं सर्वाभिः सर्वसिद्धिभिः । अद्य एनां वरारोहां सर्वाभरणभूषणाम्

lakṣmīśca vasate nityaṃ sarvābhiḥ sarvasiddhibhiḥ | adya enāṃ varārohāṃ sarvābharaṇabhūṣaṇām

Sanskrit only: no published translation is held for this verse.

देवीमिव परां गेहे रक्ष यत्नेन सत्तम । इत्युक्त्वा मनसैवैनां महाभागवतोत्तमः

devīmiva parāṃ gehe rakṣa yatnena sattama | ityuktvā manasaivaināṃ mahābhāgavatottamaḥ

Sanskrit only: no published translation is held for this verse.

तद्रूपमेव संस्मृत्य प्रविष्टो गहनं वनम् । अशोकलतिकामूलमासाद्य मुनिसत्तमः

tadrūpameva saṃsmṛtya praviṣṭo gahanaṃ vanam | aśokalatikāmūlamāsādya munisattamaḥ

Sanskrit only: no published translation is held for this verse.

प्रतीक्षमाणो देवीं तां तत्रैवागमनं निशि । स्थितोऽत्र प्रेमविकलश्चिंतयन्कृष्णवल्लभाम्

pratīkṣamāṇo devīṃ tāṃ tatraivāgamanaṃ niśi | sthito'tra premavikalaściṃtayankṛṣṇavallabhām

Sanskrit only: no published translation is held for this verse.

अथ मध्यनिशाभागे युवत्यः परमाद्भुताः । पूर्वं दृष्ट्वास्तथान्याश्च विचित्राभरणस्रजः

atha madhyaniśābhāge yuvatyaḥ paramādbhutāḥ | pūrvaṃ dṛṣṭvāstathānyāśca vicitrābharaṇasrajaḥ

Sanskrit only: no published translation is held for this verse.

दृष्ट्वा मनसि संभ्रांतो दंडवत्पतितो भुवि । परिवार्य मुनिं सर्वास्ताः प्रविविशुः शुभाः

dṛṣṭvā manasi saṃbhrāṃto daṃḍavatpatito bhuvi | parivārya muniṃ sarvāstāḥ praviviśuḥ śubhāḥ

Sanskrit only: no published translation is held for this verse.

प्रष्टुकामोऽपि स मुनिः किंचित्स्वाभिमतं प्रियम् । नाशकत्प्रेमलावण्यप्रियभाषाप्रधर्षितः

praṣṭukāmo'pi sa muniḥ kiṃcitsvābhimataṃ priyam | nāśakatpremalāvaṇyapriyabhāṣāpradharṣitaḥ

Sanskrit only: no published translation is held for this verse.

अथागता मुनिश्रेष्ठं कृतांजलिमवस्थितम् । भक्तिभारानतग्रीवं सविस्मयं ससंभ्रमम्

athāgatā muniśreṣṭhaṃ kṛtāṃjalimavasthitam | bhaktibhārānatagrīvaṃ savismayaṃ sasaṃbhramam

Sanskrit only: no published translation is held for this verse.

सुविनीततमं प्राह तत्रैव करुणान्विता । अशोकमालिनी नाम्ना अशोकवनदेवता

suvinītatamaṃ prāha tatraiva karuṇānvitā | aśokamālinī nāmnā aśokavanadevatā

Sanskrit only: no published translation is held for this verse.

अशोकमालिन्युवाच। अशोककलिकायां तु वसाम्यस्यां महामुने । रक्तांबरधरा नित्यं रक्तमालानुलेपना

aśokamālinyuvāca| aśokakalikāyāṃ tu vasāmyasyāṃ mahāmune | raktāṃbaradharā nityaṃ raktamālānulepanā

Sanskrit only: no published translation is held for this verse.

रक्तसिंदूरकलिका रक्तोत्पलवतंसिनी । रक्तमाणिक्यकेयूर मुकुटादिविभूषिता

raktasiṃdūrakalikā raktotpalavataṃsinī | raktamāṇikyakeyūra mukuṭādivibhūṣitā

Sanskrit only: no published translation is held for this verse.

एकदा प्रियया सार्द्धं विहरंत्यो मधूत्सवे । तत्रैव मिलिता गोपबालिकाश्चित्रवाससः

ekadā priyayā sārddhaṃ viharaṃtyo madhūtsave | tatraiva militā gopabālikāścitravāsasaḥ

Sanskrit only: no published translation is held for this verse.

अहं चाशोकमालाभिर्गोपवेषधरं हरिम् । रमारूपाश्च ताः सर्वा भक्त्या सम्यगपूजयम्

ahaṃ cāśokamālābhirgopaveṣadharaṃ harim | ramārūpāśca tāḥ sarvā bhaktyā samyagapūjayam

Sanskrit only: no published translation is held for this verse.

ततः प्रभृति चैतासां मध्ये तिष्ठामि सर्वदा । भूषाभिर्विविधाभिश्च तोषयित्वा रमापतिम्

tataḥ prabhṛti caitāsāṃ madhye tiṣṭhāmi sarvadā | bhūṣābhirvividhābhiśca toṣayitvā ramāpatim

Sanskrit only: no published translation is held for this verse.

परात्परमहं सर्वं विजानामीह सर्वतः । गोगोपगोपिकादीनां रहस्यं चापि वेद्म्यहम्

parātparamahaṃ sarvaṃ vijānāmīha sarvataḥ | gogopagopikādīnāṃ rahasyaṃ cāpi vedmyaham

Sanskrit only: no published translation is held for this verse.

तव जिज्ञासितं सर्वं हृदि प्रत्यभिभाषितम् । तां देवीमद्भुताकारामद्भुतानंददायिनीम्

tava jijñāsitaṃ sarvaṃ hṛdi pratyabhibhāṣitam | tāṃ devīmadbhutākārāmadbhutānaṃdadāyinīm

Sanskrit only: no published translation is held for this verse.

हरेः प्रियां हिरण्याभां हीरकोज्ज्वलमुद्रिकाम् । कथं पश्यामि लोलाक्षीं कथं वा तत्पदांबुजम्

hareḥ priyāṃ hiraṇyābhāṃ hīrakojjvalamudrikām | kathaṃ paśyāmi lolākṣīṃ kathaṃ vā tatpadāṃbujam

Sanskrit only: no published translation is held for this verse.

आराध्यतेऽतिभक्त्येति त्वया ब्रह्मन्विमर्शितम् । तत्र ते कथयिष्यामि वृत्तांतं सुमहात्मनाम्

ārādhyate'tibhaktyeti tvayā brahmanvimarśitam | tatra te kathayiṣyāmi vṛttāṃtaṃ sumahātmanām

Sanskrit only: no published translation is held for this verse.

मानसे सरसि स्थित्वा तपस्तीव्रमुपेयुषाम् । जपतां सिद्धमंत्रांश्च ध्यायतां हरिमीश्वरम्

mānase sarasi sthitvā tapastīvramupeyuṣām | japatāṃ siddhamaṃtrāṃśca dhyāyatāṃ harimīśvaram

Sanskrit only: no published translation is held for this verse.

मुनीनां कांक्षतां नित्यं तस्या एव पदांबुजम् । एकसप्ततिसाहस्रं संख्यातानां महौजसाम्

munīnāṃ kāṃkṣatāṃ nityaṃ tasyā eva padāṃbujam | ekasaptatisāhasraṃ saṃkhyātānāṃ mahaujasām

Sanskrit only: no published translation is held for this verse.

तत्तेऽहं कथयाम्यद्य तद्रहस्यं परं वने

tatte'haṃ kathayāmyadya tadrahasyaṃ paraṃ vane

Sanskrit only: no published translation is held for this verse.