Padma Purāṇa 5.72

यावत्सुखांबुधौ पूर्णा तावदेवाप्यबुध्यत । चित्रध्वजो महाप्रेमविह्वलः स्मरतत्परः

yāvatsukhāṃbudhau pūrṇā tāvadevāpyabudhyata | citradhvajo mahāpremavihvalaḥ smaratatparaḥ

Sanskrit only: no published translation is held for this verse.

तमेव परमानंदं मुक्तकंठो रुरोद ह । तदारभ्य रुदन्नेव मुक्त्वा हरिविचारकम्

tameva paramānaṃdaṃ muktakaṃṭho ruroda ha | tadārabhya rudanneva muktvā harivicārakam

Sanskrit only: no published translation is held for this verse.

आभाषितोऽपि पित्राद्यैर्नैवावोचद्वचः क्वचित् । मासमात्रं गृहे स्थित्वा निशीथे कृष्णसंश्रयः

ābhāṣito'pi pitrādyairnaivāvocadvacaḥ kvacit | māsamātraṃ gṛhe sthitvā niśīthe kṛṣṇasaṃśrayaḥ

Sanskrit only: no published translation is held for this verse.

निर्गत्यारण्यमचरत्तपो वै मुनिदुष्करम् । कल्पांते देहमुत्सृज्य तपसैव महामुनिः

nirgatyāraṇyamacarattapo vai muniduṣkaram | kalpāṃte dehamutsṛjya tapasaiva mahāmuniḥ

Sanskrit only: no published translation is held for this verse.

वीरगुप्ताभिधानस्य गोपस्य दुहिता शुभा । जाता चित्रकलेत्येव यस्याः स्कंधे मनोहरा

vīraguptābhidhānasya gopasya duhitā śubhā | jātā citrakaletyeva yasyāḥ skaṃdhe manoharā

Sanskrit only: no published translation is held for this verse.

विपंची दृश्यते नित्यं सप्तस्वरविभूषिता । उपतिष्ठति वै वामे रत्नभृंगारमद्भुतम्

vipaṃcī dṛśyate nityaṃ saptasvaravibhūṣitā | upatiṣṭhati vai vāme ratnabhṛṃgāramadbhutam

Sanskrit only: no published translation is held for this verse.

दधाना दक्षिणे हस्ते सा वै रत्नपतद्ग्रहम् । अयमासीत्पुरा सर्वं तापसैरभिवंदितः

dadhānā dakṣiṇe haste sā vai ratnapatadgraham | ayamāsītpurā sarvaṃ tāpasairabhivaṃditaḥ

Sanskrit only: no published translation is held for this verse.

मुनिः पुण्यश्रवा नाम काश्यपः सर्वधर्मवित् । पिता तस्याभवच्छैवः शतरुद्रीयमन्वहम्

muniḥ puṇyaśravā nāma kāśyapaḥ sarvadharmavit | pitā tasyābhavacchaivaḥ śatarudrīyamanvaham

Sanskrit only: no published translation is held for this verse.

प्रस्तुवन्देवदेवेशं विश्वेशं भक्तवत्सलम् । प्रसन्नो भगवांस्तस्य पार्वत्या सह शंकरः

prastuvandevadeveśaṃ viśveśaṃ bhaktavatsalam | prasanno bhagavāṃstasya pārvatyā saha śaṃkaraḥ

Sanskrit only: no published translation is held for this verse.

चतुर्दश्यामर्द्धरात्रेः प्रत्यक्षः प्रददौ वरम् । त्वत्पुत्रो भविता कृष्णे भक्तिमान्बाल एव हि

caturdaśyāmarddharātreḥ pratyakṣaḥ pradadau varam | tvatputro bhavitā kṛṣṇe bhaktimānbāla eva hi

Sanskrit only: no published translation is held for this verse.

उपनीयाष्टमे वर्षे तस्मै सिद्धमनुस्त्वयम् । उपदिशैकविंशत्या यो मया ते निगद्यते

upanīyāṣṭame varṣe tasmai siddhamanustvayam | upadiśaikaviṃśatyā yo mayā te nigadyate

Sanskrit only: no published translation is held for this verse.

गोपालविद्यानामायं मंत्रो वाक्सिद्धिदायकः । एतत्साधकजिह्वाग्रे लीलाचरितमद्भुतम्

gopālavidyānāmāyaṃ maṃtro vāksiddhidāyakaḥ | etatsādhakajihvāgre līlācaritamadbhutam

Sanskrit only: no published translation is held for this verse.

अनंतमूर्तिरायाति स्वयमेव वरप्रदः । काममाया रमाकंठ सेंद्रा दामोदरोज्ज्वलाः

anaṃtamūrtirāyāti svayameva varapradaḥ | kāmamāyā ramākaṃṭha seṃdrā dāmodarojjvalāḥ

Sanskrit only: no published translation is held for this verse.

मध्ये दशाक्षरीं प्रोच्य पुनस्ता एव निर्दिशेत् । दशाक्षरोक्तऋष्यादिध्यानं चास्य ब्रवीम्यहम्

madhye daśākṣarīṃ procya punastā eva nirdiśet | daśākṣaroktaṛṣyādidhyānaṃ cāsya bravīmyaham

Sanskrit only: no published translation is held for this verse.

पूर्णामृतनिधेर्मध्ये द्वीपं ज्योतिर्मयं स्मरेत् । कालिंद्या वेष्टितं तत्र ध्यायेद्वृंदावने वने

pūrṇāmṛtanidhermadhye dvīpaṃ jyotirmayaṃ smaret | kāliṃdyā veṣṭitaṃ tatra dhyāyedvṛṃdāvane vane

Sanskrit only: no published translation is held for this verse.

सर्वर्तुकुसुमस्रावि द्रुमवल्लीभिरावृतम् । नटन्मत्तशिखिस्वानं गायत्कोकिलषट्पदम्

sarvartukusumasrāvi drumavallībhirāvṛtam | naṭanmattaśikhisvānaṃ gāyatkokilaṣaṭpadam

Sanskrit only: no published translation is held for this verse.

तस्य मध्ये वसत्येकः पारिजाततरुर्महान् । शाखोपशाखाविस्तारैः शतयोजनमुच्छ्रितः

tasya madhye vasatyekaḥ pārijātatarurmahān | śākhopaśākhāvistāraiḥ śatayojanamucchritaḥ

Sanskrit only: no published translation is held for this verse.

तले तस्याथ विमले परितो धेनुमंडलम् । तदंतर्मंडलं गोपबालानां वेणुशृंगिणाम्

tale tasyātha vimale parito dhenumaṃḍalam | tadaṃtarmaṃḍalaṃ gopabālānāṃ veṇuśṛṃgiṇām

Sanskrit only: no published translation is held for this verse.

तदंतरे तु रुचिरं मंडलं व्रज सुभ्रुवाम् । नानोपायनपाणीनां मदविह्वलचेतसाम्

tadaṃtare tu ruciraṃ maṃḍalaṃ vraja subhruvām | nānopāyanapāṇīnāṃ madavihvalacetasām

Sanskrit only: no published translation is held for this verse.

कृतांजलिपुटानां च मंडलं शुक्लवाससाम् । शुक्लाभरणभूषाणां प्रेमविह्वलितात्मनाम्

kṛtāṃjalipuṭānāṃ ca maṃḍalaṃ śuklavāsasām | śuklābharaṇabhūṣāṇāṃ premavihvalitātmanām

Sanskrit only: no published translation is held for this verse.

चिंतयेच्छ्रुतिकन्यानां गृह्णतीनां वचः प्रियम् । रत्नवेद्यां ततो ध्यायेद्दुकूलावरणं हरिम्

ciṃtayecchrutikanyānāṃ gṛhṇatīnāṃ vacaḥ priyam | ratnavedyāṃ tato dhyāyeddukūlāvaraṇaṃ harim

Sanskrit only: no published translation is held for this verse.

ऊरौ शयानं राधायाः कदलीकांडकोपरि । तद्वक्त्रं चंद्र सुस्मेरं वीक्षमाणं मनोहरम्

ūrau śayānaṃ rādhāyāḥ kadalīkāṃḍakopari | tadvaktraṃ caṃdra susmeraṃ vīkṣamāṇaṃ manoharam

Sanskrit only: no published translation is held for this verse.

किंचित्कुंचितवामांघ्रिं वेणुयुक्तेन पाणिना । वामेनालिंग्य दयितां दक्षेण चिबुकं स्पृशन्

kiṃcitkuṃcitavāmāṃghriṃ veṇuyuktena pāṇinā | vāmenāliṃgya dayitāṃ dakṣeṇa cibukaṃ spṛśan

Sanskrit only: no published translation is held for this verse.

महामारकताभासं मौक्तिकच्छायमेव च । पुंडरीकविशालाक्षं पीतनिर्मलवाससम्

mahāmārakatābhāsaṃ mauktikacchāyameva ca | puṃḍarīkaviśālākṣaṃ pītanirmalavāsasam

Sanskrit only: no published translation is held for this verse.

बर्हभारलसच्छीर्षं मुक्ताहारमनोहरम् । गंडप्रांतलसच्चारु मकराकृतिकुंडलम्

barhabhāralasacchīrṣaṃ muktāhāramanoharam | gaṃḍaprāṃtalasaccāru makarākṛtikuṃḍalam

Sanskrit only: no published translation is held for this verse.

आपादतुलसीमालं कंकणांगदभूषणम् । नूपुरैर्मुद्रिकाभिश्च कांच्या च परिमंडितम्

āpādatulasīmālaṃ kaṃkaṇāṃgadabhūṣaṇam | nūpurairmudrikābhiśca kāṃcyā ca parimaṃḍitam

Sanskrit only: no published translation is held for this verse.

सुकुमारतरं ध्यायेत्किशोरवयसान्वितम् । पूजा दशाक्षरोक्तैव वेदलक्षं पुरस्क्रिया

sukumārataraṃ dhyāyetkiśoravayasānvitam | pūjā daśākṣaroktaiva vedalakṣaṃ puraskriyā

Sanskrit only: no published translation is held for this verse.

इत्युक्त्वांतर्दधे देवो देवी च गिरिजा सती । मुनिरागत्य पुत्राय तथैवोपदिदेश ह

ityuktvāṃtardadhe devo devī ca girijā satī | munirāgatya putrāya tathaivopadideśa ha

Sanskrit only: no published translation is held for this verse.

पुण्यश्रवास्तु तन्मंत्र ग्रहणादेव केशवम् । वर्णयामास विविधैर्जित्वा सर्वान्मुनीन्स्वयम्

puṇyaśravāstu tanmaṃtra grahaṇādeva keśavam | varṇayāmāsa vividhairjitvā sarvānmunīnsvayam

Sanskrit only: no published translation is held for this verse.

रूपलावण्यवैदग्ध्य सौंदर्याश्चर्यलक्षणम् । तदा हृष्टमना बालो निर्गत्य स्वगृहात्ततः

rūpalāvaṇyavaidagdhya sauṃdaryāścaryalakṣaṇam | tadā hṛṣṭamanā bālo nirgatya svagṛhāttataḥ

Sanskrit only: no published translation is held for this verse.

वायुभक्षस्तपस्तेपे कल्पानामयुतत्रयम् । तदंते गोकुले जाता नंदभ्रातुर्गृहे स्वयम्

vāyubhakṣastapastepe kalpānāmayutatrayam | tadaṃte gokule jātā naṃdabhrāturgṛhe svayam

Sanskrit only: no published translation is held for this verse.

लवंगा इति तन्नाम कृष्णेंगित निरीक्षणा । यस्या हस्ते प्रदृश्येत मुखमार्जनयंत्रकम्

lavaṃgā iti tannāma kṛṣṇeṃgita nirīkṣaṇā | yasyā haste pradṛśyeta mukhamārjanayaṃtrakam

Sanskrit only: no published translation is held for this verse.

इति ते कथिताः काश्चित्प्रधानाः कृष्णवल्लभाः

iti te kathitāḥ kāścitpradhānāḥ kṛṣṇavallabhāḥ

Sanskrit only: no published translation is held for this verse.

हरिविविधरसाद्यैर्युक्तमध्यायमेतद्व्रजवरतनयाभिश्चारुहासेक्षणाभिः । पठति य इह भक्त्या पाठयेद्वा मनुष्यो व्रजति भगवतः श्रीवासुदेवस्य धाम

harivividharasādyairyuktamadhyāyametadvrajavaratanayābhiścāruhāsekṣaṇābhiḥ | paṭhati ya iha bhaktyā pāṭhayedvā manuṣyo vrajati bhagavataḥ śrīvāsudevasya dhāma

Sanskrit only: no published translation is held for this verse.