Library·Padma Purāṇa·5·5.73
ईश्वर उवाच-। यत्त्वया पृष्टमाश्चर्यं तन्मया भाषितं क्रमात् । यत्र मुह्यंति ब्रह्माद्यास्तत्र को वा न मुह्यति
īśvara uvāca-| yattvayā pṛṣṭamāścaryaṃ tanmayā bhāṣitaṃ kramāt | yatra muhyaṃti brahmādyāstatra ko vā na muhyati
Sanskrit only: no published translation is held for this verse.
तथापि ते प्रवक्ष्यामि यदुक्तं परमर्षिणा । महाराजमंबरीषं विष्णुभक्तं शिवान्वितम्
tathāpi te pravakṣyāmi yaduktaṃ paramarṣiṇā | mahārājamaṃbarīṣaṃ viṣṇubhaktaṃ śivānvitam
Sanskrit only: no published translation is held for this verse.
बदर्याश्रममासाद्य समासीनं जितेंद्रियम् । राजा प्रणम्य तुष्टाव विष्णुधर्मविवित्सया
badaryāśramamāsādya samāsīnaṃ jiteṃdriyam | rājā praṇamya tuṣṭāva viṣṇudharmavivitsayā
Sanskrit only: no published translation is held for this verse.
वेदव्यासं महाभागं सर्वज्ञं पुरुषोत्तमम् । मां त्वं संसारदुष्पारे परित्रातुमिहार्हसि
vedavyāsaṃ mahābhāgaṃ sarvajñaṃ puruṣottamam | māṃ tvaṃ saṃsāraduṣpāre paritrātumihārhasi
Sanskrit only: no published translation is held for this verse.
विषयेषु विरक्तोऽस्मि नमस्तेभ्यो नमोखिलम् । यत्तत्पदमनुद्विग्नं सच्चिदानंदविग्रहम्
viṣayeṣu virakto'smi namastebhyo namokhilam | yattatpadamanudvignaṃ saccidānaṃdavigraham
Sanskrit only: no published translation is held for this verse.
परं ब्रह्म पराकाशमनाकाशमनामयम् । यत्साक्षात्कृत्य मुनयो भवांभोधिं तरंति हि
paraṃ brahma parākāśamanākāśamanāmayam | yatsākṣātkṛtya munayo bhavāṃbhodhiṃ taraṃti hi
Sanskrit only: no published translation is held for this verse.
तत्राहं मनसो नित्यं कथं गतिमवाप्नुयाम् । व्यास उवाच-। अतिगोप्यं त्वया पृष्टं यन्मया न शुकं प्रति
tatrāhaṃ manaso nityaṃ kathaṃ gatimavāpnuyām | vyāsa uvāca-| atigopyaṃ tvayā pṛṣṭaṃ yanmayā na śukaṃ prati
Sanskrit only: no published translation is held for this verse.
गदितं स्वसुतं किंतु त्वां वक्ष्यामि हरिप्रियम् । आसीदिदं परं विश्वं यद्रूपं यत्प्रतिष्ठितम्
gaditaṃ svasutaṃ kiṃtu tvāṃ vakṣyāmi haripriyam | āsīdidaṃ paraṃ viśvaṃ yadrūpaṃ yatpratiṣṭhitam
Sanskrit only: no published translation is held for this verse.
अव्याकृतमव्यथितं तदीश्वरमयं शृणु । मया कृतं तपः पूर्वं बहुवर्षसहस्रकम्
avyākṛtamavyathitaṃ tadīśvaramayaṃ śṛṇu | mayā kṛtaṃ tapaḥ pūrvaṃ bahuvarṣasahasrakam
Sanskrit only: no published translation is held for this verse.
फलमूलपलाशांबु वाय्वाहारनिषेविणा । ततो मामाहभगवान्स्वध्याननिरतं हरिः
phalamūlapalāśāṃbu vāyvāhāraniṣeviṇā | tato māmāhabhagavānsvadhyānanirataṃ hariḥ
Sanskrit only: no published translation is held for this verse.
कस्मिन्नर्थे चिकीर्षाते विवित्सा वा महामते । प्रसन्नोऽस्मि वृणुष्व त्वं वरं च वरदर्षभात्
kasminnarthe cikīrṣāte vivitsā vā mahāmate | prasanno'smi vṛṇuṣva tvaṃ varaṃ ca varadarṣabhāt
Sanskrit only: no published translation is held for this verse.
मद्दर्शनांतः संसार इति सत्यं ब्रवीमि ते । ततोऽहमब्रुवं कृष्णं पुलकोत्फुल्लविग्रहः
maddarśanāṃtaḥ saṃsāra iti satyaṃ bravīmi te | tato'hamabruvaṃ kṛṣṇaṃ pulakotphullavigrahaḥ
Sanskrit only: no published translation is held for this verse.
त्वामहं द्रष्टुमिच्छामि चक्षुर्भ्यां मधुसूदन । यत्तत्सत्यं परं ब्रह्म जगज्ज्योतिं जगत्पतिम्
tvāmahaṃ draṣṭumicchāmi cakṣurbhyāṃ madhusūdana | yattatsatyaṃ paraṃ brahma jagajjyotiṃ jagatpatim
Sanskrit only: no published translation is held for this verse.
वदंति वेदशिरसश्चाक्षुषं नाथमद्भुतम् । श्रीभगवानुवाच-। ब्रह्मणैवं पुरा पृष्टः प्रार्थितश्च यथा पुरा
vadaṃti vedaśirasaścākṣuṣaṃ nāthamadbhutam | śrībhagavānuvāca-| brahmaṇaivaṃ purā pṛṣṭaḥ prārthitaśca yathā purā
Sanskrit only: no published translation is held for this verse.
यदवोचमहं तस्मै तत्तुभ्यमपि कथ्यते । मामेके प्रकृतिं प्राहुः पुरुषं च तथेश्वरम्
yadavocamahaṃ tasmai tattubhyamapi kathyate | māmeke prakṛtiṃ prāhuḥ puruṣaṃ ca tatheśvaram
Sanskrit only: no published translation is held for this verse.
धर्ममेके धनं चैके मोक्षमेकेऽकुतोभयम् । शून्यमेके भावमेके शिवमेके सदाशिवम्
dharmameke dhanaṃ caike mokṣameke'kutobhayam | śūnyameke bhāvameke śivameke sadāśivam
Sanskrit only: no published translation is held for this verse.
अपरे वेदशिरसि स्थितमेकं सनातनम् । सद्भावं विक्रियाहीनं सच्चिदानंदविग्रहम्
apare vedaśirasi sthitamekaṃ sanātanam | sadbhāvaṃ vikriyāhīnaṃ saccidānaṃdavigraham
Sanskrit only: no published translation is held for this verse.
पश्याद्य दर्शयिष्यामि स्वरूपं वेदगोपितम् । ततोऽपश्यं भूपबालमहं कालांबुदप्रभम्
paśyādya darśayiṣyāmi svarūpaṃ vedagopitam | tato'paśyaṃ bhūpabālamahaṃ kālāṃbudaprabham
Sanskrit only: no published translation is held for this verse.
गोपकन्यावृतं गोपं हसंतं गोपबालकैः । कदंबमूलआसीनं पीतवाससमद्भुतम्
gopakanyāvṛtaṃ gopaṃ hasaṃtaṃ gopabālakaiḥ | kadaṃbamūlaāsīnaṃ pītavāsasamadbhutam
Sanskrit only: no published translation is held for this verse.
वनं वृंदावनं नाम नवपल्लवमंडितम् । कोकिलभ्रमरारावं मनोभव मनोहरम्
vanaṃ vṛṃdāvanaṃ nāma navapallavamaṃḍitam | kokilabhramarārāvaṃ manobhava manoharam
Sanskrit only: no published translation is held for this verse.
नदीमपश्यं कालिंदीमिंदीवरदलप्रभाम् । गोवर्द्धनमथापश्यं कृष्णरामकरोद्धृतम्
nadīmapaśyaṃ kāliṃdīmiṃdīvaradalaprabhām | govarddhanamathāpaśyaṃ kṛṣṇarāmakaroddhṛtam
Sanskrit only: no published translation is held for this verse.
महेंद्रदर्पनाशाय गोगोपालसुखावहम् । गोपालमबलासंगमुदितं वेणुवादिनम्
maheṃdradarpanāśāya gogopālasukhāvaham | gopālamabalāsaṃgamuditaṃ veṇuvādinam
Sanskrit only: no published translation is held for this verse.
दृष्ट्वातिहृष्टो ह्यभवं सर्वभूषणभूषणम् । ततो मामाह भगवान्वृंदावनचरः स्वयम्
dṛṣṭvātihṛṣṭo hyabhavaṃ sarvabhūṣaṇabhūṣaṇam | tato māmāha bhagavānvṛṃdāvanacaraḥ svayam
Sanskrit only: no published translation is held for this verse.
यदिदं मे त्वया दृष्टं रूपं दिव्यं सनातनम् । निष्कलं निष्क्रियं शांतं सच्चिदानंदविग्रहम्
yadidaṃ me tvayā dṛṣṭaṃ rūpaṃ divyaṃ sanātanam | niṣkalaṃ niṣkriyaṃ śāṃtaṃ saccidānaṃdavigraham
Sanskrit only: no published translation is held for this verse.
पूर्णं पद्मपलाशाक्षं नातः परतरं मम । इदमेववदंत्येतेवेदाःकारणकारणम्
pūrṇaṃ padmapalāśākṣaṃ nātaḥ parataraṃ mama | idamevavadaṃtyetevedāḥkāraṇakāraṇam
Sanskrit only: no published translation is held for this verse.
सत्यंनित्यंपरानंदंचिद्घनंशाश्वतंशिवम् । नित्यां मे मथुरां विद्धि वनं वृंदावनं तथा
satyaṃnityaṃparānaṃdaṃcidghanaṃśāśvataṃśivam | nityāṃ me mathurāṃ viddhi vanaṃ vṛṃdāvanaṃ tathā
Sanskrit only: no published translation is held for this verse.
यमुनां गोपकन्याश्च तथा गोपालबालकाः । ममावतारो नित्योऽयमत्र मा संशयं कृथाः
yamunāṃ gopakanyāśca tathā gopālabālakāḥ | mamāvatāro nityo'yamatra mā saṃśayaṃ kṛthāḥ
Sanskrit only: no published translation is held for this verse.
ममेष्टा हि सदा राधा सर्वज्ञोऽहं परात्परः । सर्वकामश्च सर्वेशः सर्वानंदः परात्परः
mameṣṭā hi sadā rādhā sarvajño'haṃ parātparaḥ | sarvakāmaśca sarveśaḥ sarvānaṃdaḥ parātparaḥ
Sanskrit only: no published translation is held for this verse.
मयि सर्वमिदं विश्वं भाति मायाविजृंभितम् । ततोऽहमब्रुवं देवं जगत्कारणकारणम्
mayi sarvamidaṃ viśvaṃ bhāti māyāvijṛṃbhitam | tato'hamabruvaṃ devaṃ jagatkāraṇakāraṇam
Sanskrit only: no published translation is held for this verse.
काश्च गोप्यस्तु के गोपा वृक्षोऽयं कीदृशो मतः । वनं किं कोकिलाद्याश्च नदी केयं गिरिश्च कः
kāśca gopyastu ke gopā vṛkṣo'yaṃ kīdṛśo mataḥ | vanaṃ kiṃ kokilādyāśca nadī keyaṃ giriśca kaḥ
Sanskrit only: no published translation is held for this verse.
कोऽसौ वेणुर्महाभागो लोकानंदैकभाजनम् । भगवानाह मां प्रीतः प्रसन्नवदनांबुजः
ko'sau veṇurmahābhāgo lokānaṃdaikabhājanam | bhagavānāha māṃ prītaḥ prasannavadanāṃbujaḥ
Sanskrit only: no published translation is held for this verse.
गोप्यस्तु श्रुतयो ज्ञेया ऋचो वै गोपकन्यकाः । देवकन्याश्च राजेंद्र तपोयुक्ता मुमुक्षवः
gopyastu śrutayo jñeyā ṛco vai gopakanyakāḥ | devakanyāśca rājeṃdra tapoyuktā mumukṣavaḥ
Sanskrit only: no published translation is held for this verse.
गोपाला मुनयः सर्वे वैकुंठानंदमूर्त्तयः । कल्पवृक्षः कदंबोऽयं परानंदैकभाजनम्
gopālā munayaḥ sarve vaikuṃṭhānaṃdamūrttayaḥ | kalpavṛkṣaḥ kadaṃbo'yaṃ parānaṃdaikabhājanam
Sanskrit only: no published translation is held for this verse.
वनमानंदकाख्यं हि महापातकनाशनम् । सिद्धाश्च साध्या गंधर्वाः कोकिलाद्या न संशयः
vanamānaṃdakākhyaṃ hi mahāpātakanāśanam | siddhāśca sādhyā gaṃdharvāḥ kokilādyā na saṃśayaḥ
Sanskrit only: no published translation is held for this verse.
केचिदानंदहृदयं साक्षाद्यमुनया तनुम् । अनादिर्हरिदासोऽयं भूधरो नात्र संशयः
kecidānaṃdahṛdayaṃ sākṣādyamunayā tanum | anādirharidāso'yaṃ bhūdharo nātra saṃśayaḥ
Sanskrit only: no published translation is held for this verse.
वेणुर्यः शृणुतं विप्रं तवापि विदितं तथा । द्विज आसीच्छांतमनास्तपः शांतिपरायणः
veṇuryaḥ śṛṇutaṃ vipraṃ tavāpi viditaṃ tathā | dvija āsīcchāṃtamanāstapaḥ śāṃtiparāyaṇaḥ
Sanskrit only: no published translation is held for this verse.
नाम्ना देवव्रतोदांतः कर्मकांडविशारदः । स वैष्णवजनव्रातमध्यवर्त्ती क्रियापरः
nāmnā devavratodāṃtaḥ karmakāṃḍaviśāradaḥ | sa vaiṣṇavajanavrātamadhyavarttī kriyāparaḥ
Sanskrit only: no published translation is held for this verse.
स कदाचन शुश्राव यज्ञेशोऽस्तीति भूपते । तस्य गेहमथाभ्यागाद्द्विजो मद्गतनिश्चयः
sa kadācana śuśrāva yajñeśo'stīti bhūpate | tasya gehamathābhyāgāddvijo madgataniścayaḥ
Sanskrit only: no published translation is held for this verse.
स मद्भक्तः क्वचित्पूजां तुलसीदलवारिणा । कृतवांस्तद्गृहे किंचित्फलं मूलं न्यवेदयत्
sa madbhaktaḥ kvacitpūjāṃ tulasīdalavāriṇā | kṛtavāṃstadgṛhe kiṃcitphalaṃ mūlaṃ nyavedayat
Sanskrit only: no published translation is held for this verse.
स्नानवारिफलं किंचित्तस्मै मत्या ददौ सुधीः । अश्रद्धया स्मितं कृत्वा सोऽप्यगृह्णाद्द्विजन्मनः
snānavāriphalaṃ kiṃcittasmai matyā dadau sudhīḥ | aśraddhayā smitaṃ kṛtvā so'pyagṛhṇāddvijanmanaḥ
Sanskrit only: no published translation is held for this verse.
तेन पापेन संजातं वेणुत्वमतिदारुणम् । तेन पुण्येन तस्याथ मदीय प्रियतां गतः
tena pāpena saṃjātaṃ veṇutvamatidāruṇam | tena puṇyena tasyātha madīya priyatāṃ gataḥ
Sanskrit only: no published translation is held for this verse.
अमुना सोपि राजेंद्र केतुमानिव राजते । युगांते तद्विष्णुपरो भूत्वा ब्रह्म समाप्स्यति
amunā sopi rājeṃdra ketumāniva rājate | yugāṃte tadviṣṇuparo bhūtvā brahma samāpsyati
Sanskrit only: no published translation is held for this verse.
अहो न जानंति नरा दुराशयाः पुरीं मदीयां परमां सनातनीम् । सुरेंद्र नागेंद्र मुनींद्र संस्तुतां मनोरमां तां मथुरां पुरातनीम्
aho na jānaṃti narā durāśayāḥ purīṃ madīyāṃ paramāṃ sanātanīm | sureṃdra nāgeṃdra munīṃdra saṃstutāṃ manoramāṃ tāṃ mathurāṃ purātanīm
Sanskrit only: no published translation is held for this verse.
काश्यादयो यद्यपि संति पुर्यस्तासां तु मध्ये मथुरैव धन्या । यज्जन्ममौंजीव्रतमृत्युदाहैर्नृणां चतुर्द्धा विदधाति मुक्तिम्
kāśyādayo yadyapi saṃti puryastāsāṃ tu madhye mathuraiva dhanyā | yajjanmamauṃjīvratamṛtyudāhairnṛṇāṃ caturddhā vidadhāti muktim
Sanskrit only: no published translation is held for this verse.
यदा विशुद्धास्तपआदिना जनाः शुभाशया ध्यानधना निरंतरम् । तदैव पश्यंति ममोत्तमां पुरीं न चान्यथा कल्पशतैर्द्विजोत्तमाः
yadā viśuddhāstapaādinā janāḥ śubhāśayā dhyānadhanā niraṃtaram | tadaiva paśyaṃti mamottamāṃ purīṃ na cānyathā kalpaśatairdvijottamāḥ
Sanskrit only: no published translation is held for this verse.
मथुरावासिनो धन्या मान्या अपि दिवौकसाम् । अगण्यमहिमानस्ते सर्व एव चतुर्भुजाः
mathurāvāsino dhanyā mānyā api divaukasām | agaṇyamahimānaste sarva eva caturbhujāḥ
Sanskrit only: no published translation is held for this verse.
मथुरावासिनो ये तु दोषान्पश्यंति मानवाः । तेषु दोषं न पश्यंति जन्ममृत्युसहस्रजम्
mathurāvāsino ye tu doṣānpaśyaṃti mānavāḥ | teṣu doṣaṃ na paśyaṃti janmamṛtyusahasrajam
Sanskrit only: no published translation is held for this verse.
अधना अपि ते धन्या मथुरां ये स्मरंति ते । यत्र भूतेश्वरो देवो मोक्षदः पापिनामपि
adhanā api te dhanyā mathurāṃ ye smaraṃti te | yatra bhūteśvaro devo mokṣadaḥ pāpināmapi
Sanskrit only: no published translation is held for this verse.
मम प्रियतमो नित्यं देवो भूतेश्वरः परः । यः कदापि मम प्रीत्यै न संत्यजति तां पुरीम्
mama priyatamo nityaṃ devo bhūteśvaraḥ paraḥ | yaḥ kadāpi mama prītyai na saṃtyajati tāṃ purīm
Sanskrit only: no published translation is held for this verse.
भूतेश्वरं यो न नमेन्न पूजयेन्न वास्मरेद्दुश्चरितो मनुष्यः । नैनां स पश्येन्मथुरां मदीयां स्वयंप्रकाशां परदेवताख्याम्
bhūteśvaraṃ yo na namenna pūjayenna vāsmaredduścarito manuṣyaḥ | naināṃ sa paśyenmathurāṃ madīyāṃ svayaṃprakāśāṃ paradevatākhyām
Sanskrit only: no published translation is held for this verse.
न कथं मयि भक्तिं स लभते पापपूरुषः । यो मदीयं परं भक्तं शिवं संपूजयेन्नहि
na kathaṃ mayi bhaktiṃ sa labhate pāpapūruṣaḥ | yo madīyaṃ paraṃ bhaktaṃ śivaṃ saṃpūjayennahi
Sanskrit only: no published translation is held for this verse.
मन्मायामोहितधियः प्रायस्ते मानवाधमाः । भूतेश्वरं न नमंति न स्मरंति स्तुवंति ये
manmāyāmohitadhiyaḥ prāyaste mānavādhamāḥ | bhūteśvaraṃ na namaṃti na smaraṃti stuvaṃti ye
Sanskrit only: no published translation is held for this verse.
बालकोऽपि ध्रुवो यत्र ममाराधनतत्परः । प्राप स्थानं परं शुद्धं यत्नयुक्तं पितामहैः
bālako'pi dhruvo yatra mamārādhanatatparaḥ | prāpa sthānaṃ paraṃ śuddhaṃ yatnayuktaṃ pitāmahaiḥ
Sanskrit only: no published translation is held for this verse.
तां पुरीं प्राप्य मथुरां मदीयां सुरदुर्लभाम् । खंजो भूत्वांधको वापि प्राणानेव परित्यजेत्
tāṃ purīṃ prāpya mathurāṃ madīyāṃ suradurlabhām | khaṃjo bhūtvāṃdhako vāpi prāṇāneva parityajet
Sanskrit only: no published translation is held for this verse.
वेदव्यासमहाभाग मा कृथाः संशयं क्वचित् । रहस्यं वेदशिरसां यन्मया ते प्रकाशितम्
vedavyāsamahābhāga mā kṛthāḥ saṃśayaṃ kvacit | rahasyaṃ vedaśirasāṃ yanmayā te prakāśitam
Sanskrit only: no published translation is held for this verse.
इमं भगवता प्रोक्तमध्यायं यः पठेच्छुचिः । शृणुयाद्वापि यो भक्त्या मुक्तिस्तस्यापि शाश्वती
imaṃ bhagavatā proktamadhyāyaṃ yaḥ paṭhecchuciḥ | śṛṇuyādvāpi yo bhaktyā muktistasyāpi śāśvatī
Sanskrit only: no published translation is held for this verse.
इति श्रीपद्मपुराणे पातालखंडे वृंदावनादिमथुरामाहात्म्यकथनंनाम त्रिसप्ततितमोऽध्यायः
iti śrīpadmapurāṇe pātālakhaṃḍe vṛṃdāvanādimathurāmāhātmyakathanaṃnāma trisaptatitamo'dhyāyaḥ
Sanskrit only: no published translation is held for this verse.