Padma Purāṇa 5.74

तासां च परिचीयंतां काश्चिदंबुरुहानने । असौ चंद्रावली चैषा चंद्रिकेयं शुभा मता

tāsāṃ ca paricīyaṃtāṃ kāścidaṃburuhānane | asau caṃdrāvalī caiṣā caṃdrikeyaṃ śubhā matā

Sanskrit only: no published translation is held for this verse.

एषा चंद्रावली चंद्ररेखेयं चंद्रिकाप्यसौ । एषा ख्याता चंद्रमाला मता चंद्रालिकात्वियम्

eṣā caṃdrāvalī caṃdrarekheyaṃ caṃdrikāpyasau | eṣā khyātā caṃdramālā matā caṃdrālikātviyam

Sanskrit only: no published translation is held for this verse.

एषा चंद्रप्रभा चंद्रकलेयमबला स्मृता । एषा वर्णावली वर्णमालेयं मणिमालिका

eṣā caṃdraprabhā caṃdrakaleyamabalā smṛtā | eṣā varṇāvalī varṇamāleyaṃ maṇimālikā

Sanskrit only: no published translation is held for this verse.

वर्णप्रभा समाख्याता सुप्रभेयं मणिप्रभा । इयं हारावली तारा मालिनीयं शुभा मता

varṇaprabhā samākhyātā suprabheyaṃ maṇiprabhā | iyaṃ hārāvalī tārā mālinīyaṃ śubhā matā

Sanskrit only: no published translation is held for this verse.

मालतीयमियं यूथी वासंती नवमल्लिका । मल्लीयं नवमल्लीयमसौ शेफालिका मता

mālatīyamiyaṃ yūthī vāsaṃtī navamallikā | mallīyaṃ navamallīyamasau śephālikā matā

Sanskrit only: no published translation is held for this verse.

सौगंधिकेयं कस्तूरी पद्मिनीयं कुमुद्वती । एषैव हि रसोल्लासा चित्रवृंदा समा त्वियम्

saugaṃdhikeyaṃ kastūrī padminīyaṃ kumudvatī | eṣaiva hi rasollāsā citravṛṃdā samā tviyam

Sanskrit only: no published translation is held for this verse.

रंभेयमुर्वशी चैषा सुरेखा स्वर्णरेखिका । एषा कांचनमालेयं सत्यसंततिका परा

raṃbheyamurvaśī caiṣā surekhā svarṇarekhikā | eṣā kāṃcanamāleyaṃ satyasaṃtatikā parā

Sanskrit only: no published translation is held for this verse.

एताः परिकृताः सर्वाः परिचेयाः परा अपि । सहितास्माभिरेताभिर्विहरिष्यसि भामिनि

etāḥ parikṛtāḥ sarvāḥ pariceyāḥ parā api | sahitāsmābhiretābhirvihariṣyasi bhāmini

Sanskrit only: no published translation is held for this verse.

एहि पूर्वसरस्तीरे तत्र त्वां विधिवत्सखि । स्नापयित्वाथ दास्यामि मंत्रं सिद्धिप्रदायकम्

ehi pūrvasarastīre tatra tvāṃ vidhivatsakhi | snāpayitvātha dāsyāmi maṃtraṃ siddhipradāyakam

Sanskrit only: no published translation is held for this verse.

इति तां सहसा नीत्वा स्नापयित्वा विधानतः । वृंदावनकलानाथ प्रेयस्या मंत्रमुत्तमम्

iti tāṃ sahasā nītvā snāpayitvā vidhānataḥ | vṛṃdāvanakalānātha preyasyā maṃtramuttamam

Sanskrit only: no published translation is held for this verse.

ग्राहयामास संक्षेपाद्दीक्षाविधिपुरस्सरम् । परं वरुणबीजस्य वह्निबीजपुरस्कृतम्

grāhayāmāsa saṃkṣepāddīkṣāvidhipurassaram | paraṃ varuṇabījasya vahnibījapuraskṛtam

Sanskrit only: no published translation is held for this verse.

चतुर्थस्वरसंयुक्तं नादबिंदुविभूषितम् । पुटितं प्रणवाभ्यां च त्रैलोक्ये चातिदुर्ल्लभम्

caturthasvarasaṃyuktaṃ nādabiṃduvibhūṣitam | puṭitaṃ praṇavābhyāṃ ca trailokye cātidurllabham

Sanskrit only: no published translation is held for this verse.

मंत्रग्रहणमात्रेण सिद्धिः सर्वा प्रजायते । पुरश्चर्याविधिर्ध्यानं होमसंख्याजपस्य च

maṃtragrahaṇamātreṇa siddhiḥ sarvā prajāyate | puraścaryāvidhirdhyānaṃ homasaṃkhyājapasya ca

Sanskrit only: no published translation is held for this verse.

तप्तकांचनगौरांगीं नानालंकारभूषिताम् । आश्चर्यरूपलावण्यां सुप्रसन्नां वरप्रदाम्

taptakāṃcanagaurāṃgīṃ nānālaṃkārabhūṣitām | āścaryarūpalāvaṇyāṃ suprasannāṃ varapradām

Sanskrit only: no published translation is held for this verse.

कल्हारैः करवीराद्यैश्चंपकैः सरसीरुहैः । सुगंधकुसुमैरन्यैः सौगंधिकसमन्वितैः

kalhāraiḥ karavīrādyaiścaṃpakaiḥ sarasīruhaiḥ | sugaṃdhakusumairanyaiḥ saugaṃdhikasamanvitaiḥ

Sanskrit only: no published translation is held for this verse.

पाद्यार्घ्याचमनीयैश्च धूपदीपैर्मनोहरैः । नैवेद्यैर्विविधैर्दिव्यैः सखीवृंदाहृतैर्मुदा

pādyārghyācamanīyaiśca dhūpadīpairmanoharaiḥ | naivedyairvividhairdivyaiḥ sakhīvṛṃdāhṛtairmudā

Sanskrit only: no published translation is held for this verse.

संपूज्य विधिवद्देवीं जप्त्वा लक्षमनुं ततः । हुत्वा च विधिना स्तुत्वा प्रणम्य दंडवद्भुवि

saṃpūjya vidhivaddevīṃ japtvā lakṣamanuṃ tataḥ | hutvā ca vidhinā stutvā praṇamya daṃḍavadbhuvi

Sanskrit only: no published translation is held for this verse.

ततः सा संस्तुता देवी निमेषरहितांतरा । परिकल्प्य निजां छायां माययात्मसमीहया

tataḥ sā saṃstutā devī nimeṣarahitāṃtarā | parikalpya nijāṃ chāyāṃ māyayātmasamīhayā

Sanskrit only: no published translation is held for this verse.

पार्श्वेऽथ प्रेयसीं तत्र स्थापयित्वा बलादिव । सखीभिरावृता हृष्टा शुद्धैः पूजाजपादिभिः

pārśve'tha preyasīṃ tatra sthāpayitvā balādiva | sakhībhirāvṛtā hṛṣṭā śuddhaiḥ pūjājapādibhiḥ

Sanskrit only: no published translation is held for this verse.

स्तवैर्भक्त्या प्रणामैश्च कृपयाविरभूत्तदा । हेमचंपकवर्णाभा विचित्राभरणोज्ज्वला

stavairbhaktyā praṇāmaiśca kṛpayāvirabhūttadā | hemacaṃpakavarṇābhā vicitrābharaṇojjvalā

Sanskrit only: no published translation is held for this verse.

अंगप्रत्यंगलावण्य लालित्य मधुराकृतिः । निष्कलंक शरत्पूर्णकलानाथ शुभानना

aṃgapratyaṃgalāvaṇya lālitya madhurākṛtiḥ | niṣkalaṃka śaratpūrṇakalānātha śubhānanā

Sanskrit only: no published translation is held for this verse.

स्निग्धमुग्धस्मितालोक जगत्त्रयमनोहरा । निजया प्रभयात्यंतं द्योतयंती दिशो दश

snigdhamugdhasmitāloka jagattrayamanoharā | nijayā prabhayātyaṃtaṃ dyotayaṃtī diśo daśa

Sanskrit only: no published translation is held for this verse.

अब्रवीदथ सा देवी वरदा भक्तवत्सला । देव्युवाच-। मत्सखीनां वचः सत्यं तेन त्वं मे प्रिया सखी

abravīdatha sā devī varadā bhaktavatsalā | devyuvāca-| matsakhīnāṃ vacaḥ satyaṃ tena tvaṃ me priyā sakhī

Sanskrit only: no published translation is held for this verse.

समुत्तिष्ठ समागच्छ कामं ते साधयाम्यहम् । अर्जुनी सा वचो देव्याः श्रुत्वा चात्ममनीषितम्

samuttiṣṭha samāgaccha kāmaṃ te sādhayāmyaham | arjunī sā vaco devyāḥ śrutvā cātmamanīṣitam

Sanskrit only: no published translation is held for this verse.

पुलकांकुरमुग्धांगी बाष्पाकुलविलोचना । पपात चरणे देव्याः पुनश्च प्रेमविह्वला

pulakāṃkuramugdhāṃgī bāṣpākulavilocanā | papāta caraṇe devyāḥ punaśca premavihvalā

Sanskrit only: no published translation is held for this verse.

ततः प्रियंवदां देवीं समुवाच सखीमिमाम् । पाणौ गृहीत्वा मत्संगे समाश्वास्य समानय

tataḥ priyaṃvadāṃ devīṃ samuvāca sakhīmimām | pāṇau gṛhītvā matsaṃge samāśvāsya samānaya

Sanskrit only: no published translation is held for this verse.

ततः प्रियंवदा देव्या आज्ञया जातसंभ्रमा । तां तथैव समादाय संगे देव्या जगाम ह

tataḥ priyaṃvadā devyā ājñayā jātasaṃbhramā | tāṃ tathaiva samādāya saṃge devyā jagāma ha

Sanskrit only: no published translation is held for this verse.

गत्वोत्तरसरस्तीरे स्नापयित्वा विधानतः । संकल्पादिकपूर्वं तु पूजयित्वा यथाविधि

gatvottarasarastīre snāpayitvā vidhānataḥ | saṃkalpādikapūrvaṃ tu pūjayitvā yathāvidhi

Sanskrit only: no published translation is held for this verse.

श्रीगोकुलकलानाथमंत्रं तच्च सुसिद्धिदम् । ग्राहयामास तां देवी कृपया हरिवल्लभा

śrīgokulakalānāthamaṃtraṃ tacca susiddhidam | grāhayāmāsa tāṃ devī kṛpayā harivallabhā

Sanskrit only: no published translation is held for this verse.

व्रतं गोकुलनाथाख्यं पूर्वं मोहनभूषितम् । सर्वसिद्धिप्रदं मंत्रं सर्वतंत्रेषु गोपितम्

vrataṃ gokulanāthākhyaṃ pūrvaṃ mohanabhūṣitam | sarvasiddhipradaṃ maṃtraṃ sarvataṃtreṣu gopitam

Sanskrit only: no published translation is held for this verse.

गोविंदेरितविज्ञासौ ददौ भक्तिमचंचलाम् । ध्यानं च कथितं तस्यै मंत्रराजं च मोहनम्

goviṃderitavijñāsau dadau bhaktimacaṃcalām | dhyānaṃ ca kathitaṃ tasyai maṃtrarājaṃ ca mohanam

Sanskrit only: no published translation is held for this verse.

उक्तं च मोहने तंत्रे स्मृतिरप्यस्य सिद्धिदा । नीलोत्पलदलश्यामं नानालंकारभूषितम्

uktaṃ ca mohane taṃtre smṛtirapyasya siddhidā | nīlotpaladalaśyāmaṃ nānālaṃkārabhūṣitam

Sanskrit only: no published translation is held for this verse.

कोटिकंदर्पलावण्यं ध्यायेद्रासरसाकुलम् । प्रियंवदामुवाचेदं रहस्यं पावनेच्छया

koṭikaṃdarpalāvaṇyaṃ dhyāyedrāsarasākulam | priyaṃvadāmuvācedaṃ rahasyaṃ pāvanecchayā

Sanskrit only: no published translation is held for this verse.

श्रीराधिकोवाच-। अस्या यावद्भवेत्पूर्णं पुरश्चरणमुत्तमम् । तावद्धि पालयैनां त्वं सावधाना सहालिभिः

śrīrādhikovāca-| asyā yāvadbhavetpūrṇaṃ puraścaraṇamuttamam | tāvaddhi pālayaināṃ tvaṃ sāvadhānā sahālibhiḥ

Sanskrit only: no published translation is held for this verse.

इत्युक्त्वा सा ययौ कृष्णपादांबुरुहसन्निधिम् । छायामात्मभवामात्मप्रेयसीनां निधाय च

ityuktvā sā yayau kṛṣṇapādāṃburuhasannidhim | chāyāmātmabhavāmātmapreyasīnāṃ nidhāya ca

Sanskrit only: no published translation is held for this verse.

तस्थौ तत्र यथापूर्वं राधिका कृष्णवल्लभा । अत्र प्रियंवदादेशात्पद्ममष्टदलं शुभम्

tasthau tatra yathāpūrvaṃ rādhikā kṛṣṇavallabhā | atra priyaṃvadādeśātpadmamaṣṭadalaṃ śubham

Sanskrit only: no published translation is held for this verse.

गोरोचनाभिर्निर्माय कुंकुमेनापि चंदनैः । एभिर्नानाविधैर्द्रव्यैः संमिश्रैः सिद्धिदायकम्

gorocanābhirnirmāya kuṃkumenāpi caṃdanaiḥ | ebhirnānāvidhairdravyaiḥ saṃmiśraiḥ siddhidāyakam

Sanskrit only: no published translation is held for this verse.

लिखित्वा यंत्रराजं च शुद्धं मंत्रं तमद्भुतम् । कृत्वा न्यासादिकं पाद्यमर्घ्यं चापि यथाविधि

likhitvā yaṃtrarājaṃ ca śuddhaṃ maṃtraṃ tamadbhutam | kṛtvā nyāsādikaṃ pādyamarghyaṃ cāpi yathāvidhi

Sanskrit only: no published translation is held for this verse.

नानर्तुसंभवैः पुष्पैः कुंकुमैरपि चंदनैः । धूपदीपैश्च नैवेद्यैस्तांबूलैर्मुखवासनैः

nānartusaṃbhavaiḥ puṣpaiḥ kuṃkumairapi caṃdanaiḥ | dhūpadīpaiśca naivedyaistāṃbūlairmukhavāsanaiḥ

Sanskrit only: no published translation is held for this verse.

वासोलंकारमाल्यैश्च संपूज्य नंदनंदनम् । परिवारैः समं सर्वैः सायुधं च सवाहनम्

vāsolaṃkāramālyaiśca saṃpūjya naṃdanaṃdanam | parivāraiḥ samaṃ sarvaiḥ sāyudhaṃ ca savāhanam

Sanskrit only: no published translation is held for this verse.

स्तुत्वा प्रणम्य विधिवच्चेतसा स्मरणं ययौ । ततो भक्तिवशो देवो यशोदानंदनः प्रभुः

stutvā praṇamya vidhivaccetasā smaraṇaṃ yayau | tato bhaktivaśo devo yaśodānaṃdanaḥ prabhuḥ

Sanskrit only: no published translation is held for this verse.

स्मितावलोकितापांग तरंगिततरेंगितम् । उवाच राधिकां देवीं तामानय इहाशु च

smitāvalokitāpāṃga taraṃgitatareṃgitam | uvāca rādhikāṃ devīṃ tāmānaya ihāśu ca

Sanskrit only: no published translation is held for this verse.

आज्ञप्ता चैव सा देवी प्रस्थाप्य शारदां सखीम् । तामानिनाय सहसा पुरोवासुरसात्मनः

ājñaptā caiva sā devī prasthāpya śāradāṃ sakhīm | tāmānināya sahasā purovāsurasātmanaḥ

Sanskrit only: no published translation is held for this verse.

श्रीकृष्णस्य पुरस्तात्सा समेत्य प्रेमविह्वला । पपात कांचनीभूमौ पश्यंती सर्वमद्भुतम्

śrīkṛṣṇasya purastātsā sametya premavihvalā | papāta kāṃcanībhūmau paśyaṃtī sarvamadbhutam

Sanskrit only: no published translation is held for this verse.

कृच्छ्रात्कथंचिदुत्थाय शनैरुन्मील्य लोचने । स्वेदांभः पुलकोत्कंप भावभाराकुलासती

kṛcchrātkathaṃcidutthāya śanairunmīlya locane | svedāṃbhaḥ pulakotkaṃpa bhāvabhārākulāsatī

Sanskrit only: no published translation is held for this verse.

ददर्श प्रथमं तत्र स्थलं चित्रं मनोरमम् । ततः कल्पतरुस्तत्र लसन्मरकतच्छदः

dadarśa prathamaṃ tatra sthalaṃ citraṃ manoramam | tataḥ kalpatarustatra lasanmarakatacchadaḥ

Sanskrit only: no published translation is held for this verse.

प्रवालपल्लवैर्युक्तः कोमलो हेमदंडकः । स्फटिकप्रवालमूलश्च कामदः कामसंपदाम्

pravālapallavairyuktaḥ komalo hemadaṃḍakaḥ | sphaṭikapravālamūlaśca kāmadaḥ kāmasaṃpadām

Sanskrit only: no published translation is held for this verse.

प्रार्थकाभीष्टफलदस्तस्याधो रत्नमंदिरम् । रत्नसिंहासनं तत्र तत्राष्टदलपद्मकम्

prārthakābhīṣṭaphaladastasyādho ratnamaṃdiram | ratnasiṃhāsanaṃ tatra tatrāṣṭadalapadmakam

Sanskrit only: no published translation is held for this verse.

शंखपद्मनिधी तत्र स व्यापसव्यसंस्थितौ । चतुर्दिक्षु यथा स्थानं सहिताः कामधेनवः

śaṃkhapadmanidhī tatra sa vyāpasavyasaṃsthitau | caturdikṣu yathā sthānaṃ sahitāḥ kāmadhenavaḥ

Sanskrit only: no published translation is held for this verse.

परितो नंदनोद्यानं मलयानिलसेवितम् । ऋतूनां चैव सर्वेषां कुसुमानां मनोहरैः

parito naṃdanodyānaṃ malayānilasevitam | ṛtūnāṃ caiva sarveṣāṃ kusumānāṃ manoharaiḥ

Sanskrit only: no published translation is held for this verse.

आमोदैर्वासितं सर्वं कालागुरुपराजितम् । मकरंदकणावृष्टिशीतलं सुमनोहरम्

āmodairvāsitaṃ sarvaṃ kālāguruparājitam | makaraṃdakaṇāvṛṣṭiśītalaṃ sumanoharam

Sanskrit only: no published translation is held for this verse.

मकरंदरसास्वाद मत्तानां भृंगयोषिताम् । वृंदशो झंकृतैः शश्वच्चैवं मुखरितांतरम्

makaraṃdarasāsvāda mattānāṃ bhṛṃgayoṣitām | vṛṃdaśo jhaṃkṛtaiḥ śaśvaccaivaṃ mukharitāṃtaram

Sanskrit only: no published translation is held for this verse.

कलकंठी कपोतानां सारिकाशुकयोषिताम् । अन्यासां पत्रिकांतानां कलनादैर्निनादितम्

kalakaṃṭhī kapotānāṃ sārikāśukayoṣitām | anyāsāṃ patrikāṃtānāṃ kalanādairnināditam

Sanskrit only: no published translation is held for this verse.

नृत्यैर्मत्तमयूराणामाकुलं स्मरवर्द्धनम् । रसांबुसेकसंसृष्ट तमांजनतनुद्युतिम्

nṛtyairmattamayūrāṇāmākulaṃ smaravarddhanam | rasāṃbusekasaṃsṛṣṭa tamāṃjanatanudyutim

Sanskrit only: no published translation is held for this verse.

सुस्निग्धनीलकुटिल कषायावासिकुंतलम् । मदमत्तमयूराद्य शिखंडाबद्धचूडकम्

susnigdhanīlakuṭila kaṣāyāvāsikuṃtalam | madamattamayūrādya śikhaṃḍābaddhacūḍakam

Sanskrit only: no published translation is held for this verse.

भृंगसेवितसव्योपक्रमपुष्पावतंसकम् । लोलालकालिविलसत्कपोलादर्शकाशितम्

bhṛṃgasevitasavyopakramapuṣpāvataṃsakam | lolālakālivilasatkapolādarśakāśitam

Sanskrit only: no published translation is held for this verse.

विचित्रतिलकोद्दाम भालशोभाविराजितम् । तिलपुष्पपतंगेश चंचुमंजुलनासिकम्

vicitratilakoddāma bhālaśobhāvirājitam | tilapuṣpapataṃgeśa caṃcumaṃjulanāsikam

Sanskrit only: no published translation is held for this verse.

चारुबिंबाधरं मंदस्मितदीपितमन्मथम् । वन्यप्रसूनसंकाश ग्रैवेयकमनोहरम्

cārubiṃbādharaṃ maṃdasmitadīpitamanmatham | vanyaprasūnasaṃkāśa graiveyakamanoharam

Sanskrit only: no published translation is held for this verse.

मदोन्मत्तभ्रमद्भृंगी सहस्रकृतसेवया । सुरद्रुमस्रजाराजन्मुग्धपीनांसकद्वयम्

madonmattabhramadbhṛṃgī sahasrakṛtasevayā | suradrumasrajārājanmugdhapīnāṃsakadvayam

Sanskrit only: no published translation is held for this verse.

मुक्ताहारस्फुरद्वक्षः स्थलकौस्तुभभूषितम् । श्रीवत्सलक्षणं जानुलंबिबाहुमनोहरम्

muktāhārasphuradvakṣaḥ sthalakaustubhabhūṣitam | śrīvatsalakṣaṇaṃ jānulaṃbibāhumanoharam

Sanskrit only: no published translation is held for this verse.

गंभीरनाभिपंचास्य मध्यमध्यातिसुंदरम् । सुजातद्रुमसद्वृत्त मदूरजानुमंजुलम्

gaṃbhīranābhipaṃcāsya madhyamadhyātisuṃdaram | sujātadrumasadvṛtta madūrajānumaṃjulam

Sanskrit only: no published translation is held for this verse.

कंकणांगदमञ्जीरैर्भूषितं भूषणैः परैः । पीतांशुकलयाविष्ट नितंबघटनायकम्

kaṃkaṇāṃgadamañjīrairbhūṣitaṃ bhūṣaṇaiḥ paraiḥ | pītāṃśukalayāviṣṭa nitaṃbaghaṭanāyakam

Sanskrit only: no published translation is held for this verse.

लावण्यैरपि सौंदर्यजितकोटिमनोभवम् । वेणुप्रवर्त्तितैर्गीतरागैरपि मनोहरैः

lāvaṇyairapi sauṃdaryajitakoṭimanobhavam | veṇupravarttitairgītarāgairapi manoharaiḥ

Sanskrit only: no published translation is held for this verse.

मोहयंतं सुखांभोधौ मज्जयंतं जगत्त्रयम् । प्रत्यंगमदनावेशधरं रासरसालसम्

mohayaṃtaṃ sukhāṃbhodhau majjayaṃtaṃ jagattrayam | pratyaṃgamadanāveśadharaṃ rāsarasālasam

Sanskrit only: no published translation is held for this verse.

चामरं व्यजनं माल्यं गंधंचंदनमेव च । तांबूलं दर्पणं पानपात्रं चर्वितपात्रकम्

cāmaraṃ vyajanaṃ mālyaṃ gaṃdhaṃcaṃdanameva ca | tāṃbūlaṃ darpaṇaṃ pānapātraṃ carvitapātrakam

Sanskrit only: no published translation is held for this verse.

अन्यत्क्रीडाभवं यद्यत्तत्सर्वं च पृथक्पृथक् । रसालं विविधं यंत्रं कलयंतीभिरादरात्

anyatkrīḍābhavaṃ yadyattatsarvaṃ ca pṛthakpṛthak | rasālaṃ vividhaṃ yaṃtraṃ kalayaṃtībhirādarāt

Sanskrit only: no published translation is held for this verse.

यथास्थाननियुक्ताभिः पश्यंतीभिस्तदिंगितम् । तन्मुखांभोजदत्ताक्षि चंचलाभिरनुक्रमात्

yathāsthānaniyuktābhiḥ paśyaṃtībhistadiṃgitam | tanmukhāṃbhojadattākṣi caṃcalābhiranukramāt

Sanskrit only: no published translation is held for this verse.

श्रीमत्या राधिका देव्या वामभागे ससंभ्रमम् । आराधयंत्या तांबूलमर्पयंत्या शुचिस्मितम्

śrīmatyā rādhikā devyā vāmabhāge sasaṃbhramam | ārādhayaṃtyā tāṃbūlamarpayaṃtyā śucismitam

Sanskrit only: no published translation is held for this verse.

समालोक्यार्जुनी यासौ मदनावेशविह्वला । ततस्तां च तथा ज्ञात्वा हृषीकेशोऽपि सर्ववित्

samālokyārjunī yāsau madanāveśavihvalā | tatastāṃ ca tathā jñātvā hṛṣīkeśo'pi sarvavit

Sanskrit only: no published translation is held for this verse.

तस्याः पाणिं गृहीत्वैव सर्वक्रीडावनांतरे । यथाकामं रहो रेमे महायोगेश्वरो विभुः

tasyāḥ pāṇiṃ gṛhītvaiva sarvakrīḍāvanāṃtare | yathākāmaṃ raho reme mahāyogeśvaro vibhuḥ

Sanskrit only: no published translation is held for this verse.

ततस्तस्याः स्कंधदेशे प्रदत्तभुजपल्लवः । आगत्य शारदां प्राह पश्चिमेऽस्मिन्सरोवरे

tatastasyāḥ skaṃdhadeśe pradattabhujapallavaḥ | āgatya śāradāṃ prāha paścime'sminsarovare

Sanskrit only: no published translation is held for this verse.

शीघ्रं स्नापय तन्वंगीं क्रीडाश्रांतां मृदुस्मिताम् । ततस्तां शारदा देवी तस्मिन्क्रीडासरोवरे

śīghraṃ snāpaya tanvaṃgīṃ krīḍāśrāṃtāṃ mṛdusmitām | tatastāṃ śāradā devī tasminkrīḍāsarovare

Sanskrit only: no published translation is held for this verse.

स्नानं कुर्वित्युवाचैनां सा च श्रांता तथाकरोत् । जलाभ्यंतरमाप्तासौ पुनरर्जुनतां गतः

snānaṃ kurvityuvācaināṃ sā ca śrāṃtā tathākarot | jalābhyaṃtaramāptāsau punararjunatāṃ gataḥ

Sanskrit only: no published translation is held for this verse.

उत्तस्थौ यत्र देवेशः श्रीमद्वैकुंठनायकः । दृष्ट्वा तमर्जुनं कृष्णो विषण्णं भग्नमानसम्

uttasthau yatra deveśaḥ śrīmadvaikuṃṭhanāyakaḥ | dṛṣṭvā tamarjunaṃ kṛṣṇo viṣaṇṇaṃ bhagnamānasam

Sanskrit only: no published translation is held for this verse.

मायया पाणिना स्पृष्ट्वा प्रकृतं विदधे पुनः । श्रीकृष्ण उवाच-। धनंजय त्वामाशंसे भवान्प्रियसखो मम

māyayā pāṇinā spṛṣṭvā prakṛtaṃ vidadhe punaḥ | śrīkṛṣṇa uvāca-| dhanaṃjaya tvāmāśaṃse bhavānpriyasakho mama

Sanskrit only: no published translation is held for this verse.

त्वत्समो नास्ति मे कोपि रहोवेत्ता जगत्त्रये । यद्रहस्यं त्वया पृष्टमनुभूतं च तत्पुनः

tvatsamo nāsti me kopi rahovettā jagattraye | yadrahasyaṃ tvayā pṛṣṭamanubhūtaṃ ca tatpunaḥ

Sanskrit only: no published translation is held for this verse.

कथ्यते यदि तत्कस्मै शपसे मां तदार्जुन । सनत्कुमार उवाच-। इति प्रसादमासाद्य शपथैर्जातनिर्णयः

kathyate yadi tatkasmai śapase māṃ tadārjuna | sanatkumāra uvāca-| iti prasādamāsādya śapathairjātanirṇayaḥ

Sanskrit only: no published translation is held for this verse.

ययौ हृष्टमनास्तस्मात्स्वधामाद्भुतसंस्मृतिः । इति ते कथितं सर्वं रहो यद्गोचरं मम

yayau hṛṣṭamanāstasmātsvadhāmādbhutasaṃsmṛtiḥ | iti te kathitaṃ sarvaṃ raho yadgocaraṃ mama

Sanskrit only: no published translation is held for this verse.

गोविंदस्य तथा चास्मै कथने शपथस्तव । ईश्वर उवाच-। इति श्रुत्वा वचस्तस्य सिद्धिमौपगविर्गतः

goviṃdasya tathā cāsmai kathane śapathastava | īśvara uvāca-| iti śrutvā vacastasya siddhimaupagavirgataḥ

Sanskrit only: no published translation is held for this verse.

नरनारायणावासं वृंदारण्यमुपाव्रजत् । तत्रास्तेऽद्यापि कृष्णस्य नित्यलीलाविहारवित्

naranārāyaṇāvāsaṃ vṛṃdāraṇyamupāvrajat | tatrāste'dyāpi kṛṣṇasya nityalīlāvihāravit

Sanskrit only: no published translation is held for this verse.

नारदेनापिपृष्टोऽहं नाब्रवं तद्रहस्यकम् । प्राप्तं तथापि तेनेदं प्रकृतित्वमुपेत्यच

nāradenāpipṛṣṭo'haṃ nābravaṃ tadrahasyakam | prāptaṃ tathāpi tenedaṃ prakṛtitvamupetyaca

Sanskrit only: no published translation is held for this verse.

तुभ्यं यत्तु मया प्रोक्तं रहस्यं स्नेहकारणात् । तन्नकस्मैचिदाख्येयं त्वया भद्रे स्वयोनिवत्

tubhyaṃ yattu mayā proktaṃ rahasyaṃ snehakāraṇāt | tannakasmaicidākhyeyaṃ tvayā bhadre svayonivat

Sanskrit only: no published translation is held for this verse.

इमं श्रीभगवद्भक्तमहिमाध्यायमद्भुतम् । यः पठेच्छृणुयाद्वापि स रतिं विंदते हरौ

imaṃ śrībhagavadbhaktamahimādhyāyamadbhutam | yaḥ paṭhecchṛṇuyādvāpi sa ratiṃ viṃdate harau

Sanskrit only: no published translation is held for this verse.