Padma Purāṇa 5.76

ईश्वर उवाच-। अत्र शिशुपालं निहतं श्रुत्वा दंतवक्त्रः कृष्णेन योद्धुं मथुरामाजगाम

īśvara uvāca-| atra śiśupālaṃ nihataṃ śrutvā daṃtavaktraḥ kṛṣṇena yoddhuṃ mathurāmājagāma

Sanskrit only: no published translation is held for this verse.

कृष्णस्तु तच्छ्रुत्वा रथमारुह्य तेन सह मथुरामाययौ

kṛṣṇastu tacchrutvā rathamāruhya tena saha mathurāmāyayau

Sanskrit only: no published translation is held for this verse.

अथ तं हत्वा यमुनामुत्तीर्य नंदव्रजं गत्वा पितरावभिवाद्याश्वास्य ताभ्यामालिंगितः सकल गोपवृद्धान्परिष्वज्य तानाश्वास्य बहुवस्त्राभरणादिभिस्तत्रस्थान्सर्वान्संतर्पयामास

atha taṃ hatvā yamunāmuttīrya naṃdavrajaṃ gatvā pitarāvabhivādyāśvāsya tābhyāmāliṃgitaḥ sakala gopavṛddhānpariṣvajya tānāśvāsya bahuvastrābharaṇādibhistatrasthānsarvānsaṃtarpayāmāsa

Sanskrit only: no published translation is held for this verse.

कालिंद्याः पुलिने रम्ये पुण्यवृक्षसमाकीर्णे गोपस्त्रीभिरहर्निशं क्रीडासुखेन त्रिरात्रं तत्र समुवास

kāliṃdyāḥ puline ramye puṇyavṛkṣasamākīrṇe gopastrībhiraharniśaṃ krīḍāsukhena trirātraṃ tatra samuvāsa

Sanskrit only: no published translation is held for this verse.

तत्र स्थले नंदगोपादयः सर्वे जनाः पुत्रदारसहिताः पशुपक्षिमृगादयोऽपि वासुदेवप्रसादेन दिव्यरूपधरा विमानसमारूढाः परमं लोकं वैकुंठमवापुः

tatra sthale naṃdagopādayaḥ sarve janāḥ putradārasahitāḥ paśupakṣimṛgādayo'pi vāsudevaprasādena divyarūpadharā vimānasamārūḍhāḥ paramaṃ lokaṃ vaikuṃṭhamavāpuḥ

Sanskrit only: no published translation is held for this verse.

श्रीकृष्णस्तु नंदगोपव्रजौकसां सर्वेषां निरामयं स्वपदं दत्वा देवगणैः स्तूयमानः। श्रीमतीं द्वारावतीं विवेश

śrīkṛṣṇastu naṃdagopavrajaukasāṃ sarveṣāṃ nirāmayaṃ svapadaṃ datvā devagaṇaiḥ stūyamānaḥ| śrīmatīṃ dvārāvatīṃ viveśa

Sanskrit only: no published translation is held for this verse.

तत्र वसुदेवोग्रसेनसंकर्षणप्रद्युम्नानिरुद्धाक्रूरादिभिः प्रत्यहं संपूजितः षोडशसहस्राष्टाधिकमहिषीभिश्च विश्वरूपधरो दिव्यरत्नमय लतागृहांतरे-। षु सुरतरुकुसुमार्चितश्लक्ष्णतरपर्यंकेषु रमयामास

tatra vasudevograsenasaṃkarṣaṇapradyumnāniruddhākrūrādibhiḥ pratyahaṃ saṃpūjitaḥ ṣoḍaśasahasrāṣṭādhikamahiṣībhiśca viśvarūpadharo divyaratnamaya latāgṛhāṃtare-| ṣu suratarukusumārcitaślakṣṇataraparyaṃkeṣu ramayāmāsa

Sanskrit only: no published translation is held for this verse.

एवं हितार्थाय सर्वदेवानां समस्तभूभारविनाशाय यदुवंशेऽवतीर्य सकलराक्षसविनाशं कृतमहांतमुर्वीभारं नाशयित्वा नंदव्रजद्वारिकावासिनः स्थावरजंगमान्भवबंधनान्मोचयित्वा परमे शाश्वते योगिध्येये रम्ये धाम्नि संस्थाप्य नित्यं दिव्यमहिष्यादिभिः संसेव्यमानो वासुदेवोऽखिलेषूवाच

evaṃ hitārthāya sarvadevānāṃ samastabhūbhāravināśāya yaduvaṃśe'vatīrya sakalarākṣasavināśaṃ kṛtamahāṃtamurvībhāraṃ nāśayitvā naṃdavrajadvārikāvāsinaḥ sthāvarajaṃgamānbhavabaṃdhanānmocayitvā parame śāśvate yogidhyeye ramye dhāmni saṃsthāpya nityaṃ divyamahiṣyādibhiḥ saṃsevyamāno vāsudevo'khileṣūvāca

Sanskrit only: no published translation is held for this verse.

असीदव्याकृतं ब्रह्मकरकाघृतयोरिव । प्रकृतिस्थो गुणान्मुक्तो द्रवीभूत्वा दिवं गतः

asīdavyākṛtaṃ brahmakarakāghṛtayoriva | prakṛtistho guṇānmukto dravībhūtvā divaṃ gataḥ

Sanskrit only: no published translation is held for this verse.

इति श्रीपद्मपुराणे पातालखंडे वृंदावनमहात्म्ये पार्वती-शिवसंवादे षट्सप्ततितमोऽध्यायः

iti śrīpadmapurāṇe pātālakhaṃḍe vṛṃdāvanamahātmye pārvatī-śivasaṃvāde ṣaṭsaptatitamo'dhyāyaḥ

Sanskrit only: no published translation is held for this verse.