Library·Padma Purāṇa·5·5.78
पार्वत्युवाच- वैष्णवानां च यद्धर्मं सर्वं तथ्यं च मे वद । यत्कृत्वा मानवाः सर्वे भवांभोधिं तरंति हि
pārvatyuvāca- vaiṣṇavānāṃ ca yaddharmaṃ sarvaṃ tathyaṃ ca me vada | yatkṛtvā mānavāḥ sarve bhavāṃbhodhiṃ taraṃti hi
Sanskrit only: no published translation is held for this verse.
ईश्वर उवाच- अथ द्वादशधा शुद्धिर्वैष्णवानामिहोच्यते । गृहोपलेपनं चैव तथानुगमनं हरेः
īśvara uvāca- atha dvādaśadhā śuddhirvaiṣṇavānāmihocyate | gṛhopalepanaṃ caiva tathānugamanaṃ hareḥ
Sanskrit only: no published translation is held for this verse.
भक्त्या प्रदक्षिणा चैव पादयोः शोधनं पुनः । पूजार्थं पत्रपुष्पाणां भक्त्यैवोत्तोलनं हरेः
bhaktyā pradakṣiṇā caiva pādayoḥ śodhanaṃ punaḥ | pūjārthaṃ patrapuṣpāṇāṃ bhaktyaivottolanaṃ hareḥ
Sanskrit only: no published translation is held for this verse.
करयोः सर्वशुद्धीनामियं शुद्धिर्विशिष्यते । तन्नामकीर्तनं चैव गुणानामपि कीर्त्तनम्
karayoḥ sarvaśuddhīnāmiyaṃ śuddhirviśiṣyate | tannāmakīrtanaṃ caiva guṇānāmapi kīrttanam
Sanskrit only: no published translation is held for this verse.
भक्त्या श्रीकृष्णदेवस्य वचसः शुद्धिरिष्यते । तत्कथाश्रवणं चैव तस्योत्सवनिरीक्षणम्
bhaktyā śrīkṛṣṇadevasya vacasaḥ śuddhiriṣyate | tatkathāśravaṇaṃ caiva tasyotsavanirīkṣaṇam
Sanskrit only: no published translation is held for this verse.
श्रोत्रयोर्नेत्रयोश्चैव शुद्धिः सम्यगिहोच्यते । पादोदकं च निर्माल्यं मालानामपि धारणम्
śrotrayornetrayoścaiva śuddhiḥ samyagihocyate | pādodakaṃ ca nirmālyaṃ mālānāmapi dhāraṇam
Sanskrit only: no published translation is held for this verse.
उच्यते शिरसः शुद्धिः प्रणतस्य हरेः पुरः । आघ्राणं तस्य पुष्पादेर्निर्माल्यस्य तथा प्रिये
ucyate śirasaḥ śuddhiḥ praṇatasya hareḥ puraḥ | āghrāṇaṃ tasya puṣpādernirmālyasya tathā priye
Sanskrit only: no published translation is held for this verse.
विशुद्धिः स्यादंतरस्य घ्राणस्यापि विधीयते । यत्र पुष्पादिकं यच्च कृष्णपादयुगार्पितम्
viśuddhiḥ syādaṃtarasya ghrāṇasyāpi vidhīyate | yatra puṣpādikaṃ yacca kṛṣṇapādayugārpitam
Sanskrit only: no published translation is held for this verse.
तदेकं पावनं लोके तद्धि सर्वं विशोधयेत् । पूजा च पंचधा प्रोक्ता तासां भेदं शृणुष्व मे
tadekaṃ pāvanaṃ loke taddhi sarvaṃ viśodhayet | pūjā ca paṃcadhā proktā tāsāṃ bhedaṃ śṛṇuṣva me
Sanskrit only: no published translation is held for this verse.
अभिगमनमुपादानं योगः स्वाध्याय एव च । इज्या पंचप्रकारार्चा क्रमेण कथयामि ते
abhigamanamupādānaṃ yogaḥ svādhyāya eva ca | ijyā paṃcaprakārārcā krameṇa kathayāmi te
Sanskrit only: no published translation is held for this verse.
तत्वाभिगमनं नाम देवतास्थानमार्जनम् । उपलेपं च निर्माल्यदूरीकरणमेव च
tatvābhigamanaṃ nāma devatāsthānamārjanam | upalepaṃ ca nirmālyadūrīkaraṇameva ca
Sanskrit only: no published translation is held for this verse.
उपादानं नाम गंध पुष्पादिचयनं तथा । योगो नाम स्वदेवस्य स्वात्मनैवात्मभावना
upādānaṃ nāma gaṃdha puṣpādicayanaṃ tathā | yogo nāma svadevasya svātmanaivātmabhāvanā
Sanskrit only: no published translation is held for this verse.
स्वाध्यायो नाम मंत्रार्थानुसंधापूर्वको जपः । सूक्तस्तोत्रादिपाठश्च हरेः संकीर्त्तनं तथा
svādhyāyo nāma maṃtrārthānusaṃdhāpūrvako japaḥ | sūktastotrādipāṭhaśca hareḥ saṃkīrttanaṃ tathā
Sanskrit only: no published translation is held for this verse.
तत्त्वादिशास्त्राभ्यासश्च स्वाध्यायः परिकीर्तितः । इज्या नाम स्वदेवस्य पूजनं च यथार्थतः
tattvādiśāstrābhyāsaśca svādhyāyaḥ parikīrtitaḥ | ijyā nāma svadevasya pūjanaṃ ca yathārthataḥ
Sanskrit only: no published translation is held for this verse.
इति पंचप्रकारार्चा कथिता तव सुव्रते । सार्ष्टि सामीप्य सालोक्य सायुज्य सारूप्यदा क्रमात्
iti paṃcaprakārārcā kathitā tava suvrate | sārṣṭi sāmīpya sālokya sāyujya sārūpyadā kramāt
Sanskrit only: no published translation is held for this verse.
प्रसंगात्कथयिष्यामि शालग्रामशिलार्चनम् । केशवादेश्चतुर्बाहोर्दक्षिणोर्ध्वकरक्रमात्
prasaṃgātkathayiṣyāmi śālagrāmaśilārcanam | keśavādeścaturbāhordakṣiṇordhvakarakramāt
Sanskrit only: no published translation is held for this verse.
शंखचक्रगदापद्मी केशवाख्यो गदाधरः । नारायणः पद्मगदाचक्रशंखायुधैः क्रमात्
śaṃkhacakragadāpadmī keśavākhyo gadādharaḥ | nārāyaṇaḥ padmagadācakraśaṃkhāyudhaiḥ kramāt
Sanskrit only: no published translation is held for this verse.
माधवश्चक्रशंखाभ्यां पद्मेन गदया भवेत् । गदाब्जशंखचक्री च गोविंदाख्यो गदाधरः
mādhavaścakraśaṃkhābhyāṃ padmena gadayā bhavet | gadābjaśaṃkhacakrī ca goviṃdākhyo gadādharaḥ
Sanskrit only: no published translation is held for this verse.
पद्मशंखारि गदिने विष्णुरूपाय ते नमः । सशंखाब्ज गदाचक्र मधुसूदन मूर्तये
padmaśaṃkhāri gadine viṣṇurūpāya te namaḥ | saśaṃkhābja gadācakra madhusūdana mūrtaye
Sanskrit only: no published translation is held for this verse.
नमो गदारिशंखाब्जयुक्तत्रिविक्रमाय च । सारिकौमोदकी पद्मशंख वामन मूर्त्तये
namo gadāriśaṃkhābjayuktatrivikramāya ca | sārikaumodakī padmaśaṃkha vāmana mūrttaye
Sanskrit only: no published translation is held for this verse.
चक्राब्जशंखगदिने नमः श्रीधरमूर्त्तये । हृषीकेशसारिगदाशंखपद्मिन्नमोस्तु ते
cakrābjaśaṃkhagadine namaḥ śrīdharamūrttaye | hṛṣīkeśasārigadāśaṃkhapadminnamostu te
Sanskrit only: no published translation is held for this verse.
साब्जशंखगदाचक्रपद्मनाभ स्वमूर्त्तये । दामोदरशंखगदाचक्रपद्मिन्नमोस्तु ते
sābjaśaṃkhagadācakrapadmanābha svamūrttaye | dāmodaraśaṃkhagadācakrapadminnamostu te
Sanskrit only: no published translation is held for this verse.
शंखाब्जचक्रगदिने नमः संकर्षणाय च । सारिशंखगदाब्जाय वासुदेव नमोस्तुते
śaṃkhābjacakragadine namaḥ saṃkarṣaṇāya ca | sāriśaṃkhagadābjāya vāsudeva namostute
Sanskrit only: no published translation is held for this verse.
शंखचक्रगदाब्जाय धृत प्रद्युम्नमूर्त्तये । नमोऽनिरुद्धाय गदाशंखाब्जारिविधारिणे
śaṃkhacakragadābjāya dhṛta pradyumnamūrttaye | namo'niruddhāya gadāśaṃkhābjārividhāriṇe
Sanskrit only: no published translation is held for this verse.
साब्जशंखगदाचक्रपुरुषोत्तममूर्त्तये । नमोऽधोक्षजरूपाय गदाशंखारि पद्मिने
sābjaśaṃkhagadācakrapuruṣottamamūrttaye | namo'dhokṣajarūpāya gadāśaṃkhāri padmine
Sanskrit only: no published translation is held for this verse.
नृसिंहमूर्त्तये पद्मगदाशंखारिधारिणे । पद्मारिशंखगदिने नमोस्त्वच्युतमूर्त्तये
nṛsiṃhamūrttaye padmagadāśaṃkhāridhāriṇe | padmāriśaṃkhagadine namostvacyutamūrttaye
Sanskrit only: no published translation is held for this verse.
सगदाब्जारिशंखाय नमः श्रीकृष्णमूर्त्तये । शालग्रामशिलाद्वारगतलग्नद्विचक्रधृक्
sagadābjāriśaṃkhāya namaḥ śrīkṛṣṇamūrttaye | śālagrāmaśilādvāragatalagnadvicakradhṛk
Sanskrit only: no published translation is held for this verse.
शुक्लाभरेखः शोभाढ्यः सदेवः श्रीगदाधरः । लग्नद्विचक्रो रक्ताभः पूर्वभागस्तु पुष्कलः
śuklābharekhaḥ śobhāḍhyaḥ sadevaḥ śrīgadādharaḥ | lagnadvicakro raktābhaḥ pūrvabhāgastu puṣkalaḥ
Sanskrit only: no published translation is held for this verse.
संकर्षणोऽथ प्रद्युम्नः सूक्ष्मचक्रस्तु पीतकः । सुदीर्घसुषिरच्छिद्रो ह्यनिरुद्धस्तु वर्त्तुलः
saṃkarṣaṇo'tha pradyumnaḥ sūkṣmacakrastu pītakaḥ | sudīrghasuṣiracchidro hyaniruddhastu varttulaḥ
Sanskrit only: no published translation is held for this verse.
नीलो द्वारे त्रिरेखश्च अथ नारायणोऽसितः । मध्ये गदाकृती रेखा नाभिपद्मं महोन्नतम्
nīlo dvāre trirekhaśca atha nārāyaṇo'sitaḥ | madhye gadākṛtī rekhā nābhipadmaṃ mahonnatam
Sanskrit only: no published translation is held for this verse.
पृथुचक्रो नृसिंहो यः कपिलो यस्त्रिबिंदुकः । अथवा पंचबिंदोस्तु पूजनं ब्रह्मचारिणः
pṛthucakro nṛsiṃho yaḥ kapilo yastribiṃdukaḥ | athavā paṃcabiṃdostu pūjanaṃ brahmacāriṇaḥ
Sanskrit only: no published translation is held for this verse.
वराहः स त्रिलिंगो यो विषमद्वयचक्रकः । नीलस्त्रिरेखः स्थूलोऽथ कूर्ममूर्तिः सबिंदुकः
varāhaḥ sa triliṃgo yo viṣamadvayacakrakaḥ | nīlastrirekhaḥ sthūlo'tha kūrmamūrtiḥ sabiṃdukaḥ
Sanskrit only: no published translation is held for this verse.
कृष्णः सवर्तुलावर्त्त पांडुरो धृतपृष्ठकः । श्रीधरः पंचरेखश्च वनमाली गदांकितः
kṛṣṇaḥ savartulāvartta pāṃḍuro dhṛtapṛṣṭhakaḥ | śrīdharaḥ paṃcarekhaśca vanamālī gadāṃkitaḥ
Sanskrit only: no published translation is held for this verse.
वामनो वर्तुलो नाम मध्यचक्रः सनीलकः । नानावर्णानेकमूर्ति नागभोगी त्वनंतकः
vāmano vartulo nāma madhyacakraḥ sanīlakaḥ | nānāvarṇānekamūrti nāgabhogī tvanaṃtakaḥ
Sanskrit only: no published translation is held for this verse.
स्थूलो दामोदरो नीलो मध्ये चक्रः सनीलकः । संकर्षणद्वारकोव्यादथ ब्रह्मा सुलोहितः
sthūlo dāmodaro nīlo madhye cakraḥ sanīlakaḥ | saṃkarṣaṇadvārakovyādatha brahmā sulohitaḥ
Sanskrit only: no published translation is held for this verse.
सुदीर्घरेखासुषिर एकचक्रांबुजः पृथुः । पृथुचक्रः स्थूलछिद्रः कृष्णो बिंदुश्च बिंदुमान्
sudīrgharekhāsuṣira ekacakrāṃbujaḥ pṛthuḥ | pṛthucakraḥ sthūlachidraḥ kṛṣṇo biṃduśca biṃdumān
Sanskrit only: no published translation is held for this verse.
ह्यग्रीवोंऽकुशाकारः पंचरेखः सकौस्तुभः । वैकुंठो मल्लवद्भाति एकचक्रमयोसितः
hyagrīvoṃ'kuśākāraḥ paṃcarekhaḥ sakaustubhaḥ | vaikuṃṭho mallavadbhāti ekacakramayositaḥ
Sanskrit only: no published translation is held for this verse.
मत्स्यो दीर्घांबुजाकारो दीर्घरेखश्च पांडुरः । रामचक्रो दक्षरेखो यः श्यामः स त्रिविक्रमः
matsyo dīrghāṃbujākāro dīrgharekhaśca pāṃḍuraḥ | rāmacakro dakṣarekho yaḥ śyāmaḥ sa trivikramaḥ
Sanskrit only: no published translation is held for this verse.
शालग्रामद्वारकायां स्थिताय गदिने नमः । एकेन लक्षितो योव्याद्गदाधारी सुदर्शनः
śālagrāmadvārakāyāṃ sthitāya gadine namaḥ | ekena lakṣito yovyādgadādhārī sudarśanaḥ
Sanskrit only: no published translation is held for this verse.
लक्ष्मीनारायणो द्वाभ्यां त्रिभिश्चैव त्रिविक्रमः । चतुर्भिश्च चतुर्व्यूहो वासुदेवश्च पंचभिः
lakṣmīnārāyaṇo dvābhyāṃ tribhiścaiva trivikramaḥ | caturbhiśca caturvyūho vāsudevaśca paṃcabhiḥ
Sanskrit only: no published translation is held for this verse.
प्रद्युम्नः षड्भिरेवाव्यात्संकर्षणश्च सप्तभिः । पुरुषोत्तमोऽष्टभिश्च स्यान्नवव्यूहो नवो हितः
pradyumnaḥ ṣaḍbhirevāvyātsaṃkarṣaṇaśca saptabhiḥ | puruṣottamo'ṣṭabhiśca syānnavavyūho navo hitaḥ
Sanskrit only: no published translation is held for this verse.
दशावतारो दशभिरनिरुद्धोऽवतादथ । द्वादशात्मा द्वादशभिरतऊर्द्ध्वमनंतकः
daśāvatāro daśabhiraniruddho'vatādatha | dvādaśātmā dvādaśabhirataūrddhvamanaṃtakaḥ
Sanskrit only: no published translation is held for this verse.
ब्रह्मा चतुर्मुखो दंडी कमंडलुस्रगुन्नतः । महेश्वरः पंचवक्त्रो दशबाहुर्वृषध्वजः
brahmā caturmukho daṃḍī kamaṃḍalusragunnataḥ | maheśvaraḥ paṃcavaktro daśabāhurvṛṣadhvajaḥ
Sanskrit only: no published translation is held for this verse.
यथायुधस्तथागौरी चंडिका च सरस्वती । महालक्ष्मीर्मातरश्च पद्महस्तो दिवाकरः
yathāyudhastathāgaurī caṃḍikā ca sarasvatī | mahālakṣmīrmātaraśca padmahasto divākaraḥ
Sanskrit only: no published translation is held for this verse.
गजास्यश्च गजस्कंधः षण्मुखोनेकधा गणाः । एते स्थिताः स्थापिता स्युः प्रसादेवाथ पूजिताः
gajāsyaśca gajaskaṃdhaḥ ṣaṇmukhonekadhā gaṇāḥ | ete sthitāḥ sthāpitā syuḥ prasādevātha pūjitāḥ
Sanskrit only: no published translation is held for this verse.
धर्मार्थकाममोक्षा हि प्राप्यंते पुरुषेण च
dharmārthakāmamokṣā hi prāpyaṃte puruṣeṇa ca
Sanskrit only: no published translation is held for this verse.
इति श्रीपद्मपुराणे पातालखंडे शालग्रामनिर्णयोनामाष्टसप्ततितमोऽध्यायः
iti śrīpadmapurāṇe pātālakhaṃḍe śālagrāmanirṇayonāmāṣṭasaptatitamo'dhyāyaḥ
Sanskrit only: no published translation is held for this verse.