Library·Padma Purāṇa·5·5.79
ईश्वर उवाच- शालग्रामे मणौयंत्रे मंडले प्रतिमासु च । नित्यं तु श्रीहरेः पूजा केवले भवनेन तु
īśvara uvāca- śālagrāme maṇauyaṃtre maṃḍale pratimāsu ca | nityaṃ tu śrīhareḥ pūjā kevale bhavanena tu
Sanskrit only: no published translation is held for this verse.
गंडक्यामेकदेशे तु शालग्रामस्थलं महत् । पाषाणं तद्भवं पातु शालग्राममिति स्थितम्
gaṃḍakyāmekadeśe tu śālagrāmasthalaṃ mahat | pāṣāṇaṃ tadbhavaṃ pātu śālagrāmamiti sthitam
Sanskrit only: no published translation is held for this verse.
शालग्रामशिलास्पर्शात्कोटिजन्माघनाशनम् । किं पुनः पूजनं तत्र हरेः सांनिध्यकारणम्
śālagrāmaśilāsparśātkoṭijanmāghanāśanam | kiṃ punaḥ pūjanaṃ tatra hareḥ sāṃnidhyakāraṇam
Sanskrit only: no published translation is held for this verse.
शालग्रामैकयजनाच्छतलिंगीफलं लभेत् । बहुभिर्जन्मभिः पुण्यैर्यदिकृष्णशिलां लभेत्
śālagrāmaikayajanācchataliṃgīphalaṃ labhet | bahubhirjanmabhiḥ puṇyairyadikṛṣṇaśilāṃ labhet
Sanskrit only: no published translation is held for this verse.
गोष्पदेन च चिह्नेन जनुस्तेन समाप्यते । आदौ शिलां परीक्षेत स्निग्धां श्रेष्ठां च मेचकाम्
goṣpadena ca cihnena janustena samāpyate | ādau śilāṃ parīkṣeta snigdhāṃ śreṣṭhāṃ ca mecakām
Sanskrit only: no published translation is held for this verse.
आकृष्णा मध्यमा प्रोक्ता मिश्रा मिश्रफलप्रदा । सदा काष्ठे स्थितो वह्निर्मथनेन प्रकाश्यते
ākṛṣṇā madhyamā proktā miśrā miśraphalapradā | sadā kāṣṭhe sthito vahnirmathanena prakāśyate
Sanskrit only: no published translation is held for this verse.
यथा तथा हरिर्व्यापी शालग्रामे प्रतीयते । प्रत्यहं द्वादशशिलाः शालग्रामस्य योऽर्चयेत्
yathā tathā harirvyāpī śālagrāme pratīyate | pratyahaṃ dvādaśaśilāḥ śālagrāmasya yo'rcayet
Sanskrit only: no published translation is held for this verse.
द्वारवत्याः शिलायुक्ताः स वैकुंठे महीयते । शालग्रामशिलायां तु गह्वरं लक्षते नरः
dvāravatyāḥ śilāyuktāḥ sa vaikuṃṭhe mahīyate | śālagrāmaśilāyāṃ tu gahvaraṃ lakṣate naraḥ
Sanskrit only: no published translation is held for this verse.
पितरस्तस्य तिष्ठंति तृप्ताः कल्पांतकं दिवि । वैकुंठभवनं तत्र यत्र द्वारावती शिला
pitarastasya tiṣṭhaṃti tṛptāḥ kalpāṃtakaṃ divi | vaikuṃṭhabhavanaṃ tatra yatra dvārāvatī śilā
Sanskrit only: no published translation is held for this verse.
मृतो विष्णुपुरं याति तत्तीर्थं योजनत्रयम् । जपः पूजा च होमश्च सर्वं कोटिगुणं भवेत्
mṛto viṣṇupuraṃ yāti tattīrthaṃ yojanatrayam | japaḥ pūjā ca homaśca sarvaṃ koṭiguṇaṃ bhavet
Sanskrit only: no published translation is held for this verse.
मनस्कामसमाभीष्टं क्रोशमात्रं न संशयः । कीटकोऽपि मृतिं याति वैकुंठभवनं यतः
manaskāmasamābhīṣṭaṃ krośamātraṃ na saṃśayaḥ | kīṭako'pi mṛtiṃ yāti vaikuṃṭhabhavanaṃ yataḥ
Sanskrit only: no published translation is held for this verse.
शालग्रामशिलायां यो मूल्यमुद्घाटयेन्नरः । विक्रेता चानुमंता च यः परीक्षानुमोदकः
śālagrāmaśilāyāṃ yo mūlyamudghāṭayennaraḥ | vikretā cānumaṃtā ca yaḥ parīkṣānumodakaḥ
Sanskrit only: no published translation is held for this verse.
सर्वे ते नरकं यांति यावत्सूर्यश्च संप्लवः । अतस्तद्वर्जयेद्देवि चक्रक्रयणविक्रयम्
sarve te narakaṃ yāṃti yāvatsūryaśca saṃplavaḥ | atastadvarjayeddevi cakrakrayaṇavikrayam
Sanskrit only: no published translation is held for this verse.
शालग्रामोद्भवो देवो यो देवो द्वारकोद्भवः । उभयोः संगमो यत्र मुक्तिस्तत्र न संशयः
śālagrāmodbhavo devo yo devo dvārakodbhavaḥ | ubhayoḥ saṃgamo yatra muktistatra na saṃśayaḥ
Sanskrit only: no published translation is held for this verse.
द्वारकोद्भवचक्राढ्यो बहुचक्रेण चिह्नितः । चक्रासनशिलाकारचित्स्वरूपो निरंजनः
dvārakodbhavacakrāḍhyo bahucakreṇa cihnitaḥ | cakrāsanaśilākāracitsvarūpo niraṃjanaḥ
Sanskrit only: no published translation is held for this verse.
नमोऽस्त्वोंकाररूपाय सदानंदस्वरूपिणे । शालग्राममहाभाग भक्तस्यानुग्रहं कुरु
namo'stvoṃkārarūpāya sadānaṃdasvarūpiṇe | śālagrāmamahābhāga bhaktasyānugrahaṃ kuru
Sanskrit only: no published translation is held for this verse.
तवानुग्रहकामस्य ऋणग्रस्तस्य मे प्रभो । अतः परं प्रवक्ष्यामि तिलकस्य विधिं मुदा
tavānugrahakāmasya ṛṇagrastasya me prabho | ataḥ paraṃ pravakṣyāmi tilakasya vidhiṃ mudā
Sanskrit only: no published translation is held for this verse.
यच्छ्रुत्वा मानवाः सर्वे विष्णुसारूप्यमाप्नुयुः । ललाटे केशवं विद्यात्कंठे श्रीपुरुषोत्तमम्
yacchrutvā mānavāḥ sarve viṣṇusārūpyamāpnuyuḥ | lalāṭe keśavaṃ vidyātkaṃṭhe śrīpuruṣottamam
Sanskrit only: no published translation is held for this verse.
नाभौ नारायणं देवं वैकुंठं हृदये तथा । दामोदरं वामपार्श्वे दक्षिणे च त्रिविक्रमम्
nābhau nārāyaṇaṃ devaṃ vaikuṃṭhaṃ hṛdaye tathā | dāmodaraṃ vāmapārśve dakṣiṇe ca trivikramam
Sanskrit only: no published translation is held for this verse.
मूर्ध्नि चैव हृषीकेशं पद्मनाभं च पृष्ठतः । कर्णयोर्यमुनां गंगां बाह्वोः कृष्णं हरिं तथा
mūrdhni caiva hṛṣīkeśaṃ padmanābhaṃ ca pṛṣṭhataḥ | karṇayoryamunāṃ gaṃgāṃ bāhvoḥ kṛṣṇaṃ hariṃ tathā
Sanskrit only: no published translation is held for this verse.
यथास्थानेषु तुष्यंति देवता द्वादश स्मृताः । द्वादशैतानि नामानि कर्तव्ये तिलके पठेत्
yathāsthāneṣu tuṣyaṃti devatā dvādaśa smṛtāḥ | dvādaśaitāni nāmāni kartavye tilake paṭhet
Sanskrit only: no published translation is held for this verse.
सर्वपापविशुद्धात्मा विष्णुलोकं स गच्छति । ऊर्द्ध्वपुंड्रमूर्द्ध्वरेखं ललाटे यस्य दृश्यते
sarvapāpaviśuddhātmā viṣṇulokaṃ sa gacchati | ūrddhvapuṃḍramūrddhvarekhaṃ lalāṭe yasya dṛśyate
Sanskrit only: no published translation is held for this verse.
चांडालोऽपि स शुद्धात्मा पूज्य एव न संशयः । यस्योर्द्ध्वपुंड्रं दृश्येत न ललाटे नरस्य हि
cāṃḍālo'pi sa śuddhātmā pūjya eva na saṃśayaḥ | yasyorddhvapuṃḍraṃ dṛśyeta na lalāṭe narasya hi
Sanskrit only: no published translation is held for this verse.
तद्दर्शनं न कर्त्तव्यं दृष्ट्वा सूर्यं निरीक्षयेत् । त्रिपुंड्रं यस्य विप्रस्य ऊर्द्ध्वपुंड्रं न दृश्यते
taddarśanaṃ na karttavyaṃ dṛṣṭvā sūryaṃ nirīkṣayet | tripuṃḍraṃ yasya viprasya ūrddhvapuṃḍraṃ na dṛśyate
Sanskrit only: no published translation is held for this verse.
तं दृष्ट्वाप्यथवा स्पृष्ट्वा सचैलं स्नानमाचरेत् । सांतरालं प्रकर्त्तव्यं पुंड्रं हरिपदाकृति
taṃ dṛṣṭvāpyathavā spṛṣṭvā sacailaṃ snānamācaret | sāṃtarālaṃ prakarttavyaṃ puṃḍraṃ haripadākṛti
Sanskrit only: no published translation is held for this verse.
निरंतरालं यः कुर्यादूर्द्ध्वपुंड्रं द्विजाधमः । ललाटे तस्य सततं शुनःपादो न संशयः
niraṃtarālaṃ yaḥ kuryādūrddhvapuṃḍraṃ dvijādhamaḥ | lalāṭe tasya satataṃ śunaḥpādo na saṃśayaḥ
Sanskrit only: no published translation is held for this verse.
नासादिकेशपर्यंतमूर्द्ध्वपुंड्रं सुशोभनम् । मध्ये छिद्रसमायुक्तं तं विद्याद्धरिमंदिरम्
nāsādikeśaparyaṃtamūrddhvapuṃḍraṃ suśobhanam | madhye chidrasamāyuktaṃ taṃ vidyāddharimaṃdiram
Sanskrit only: no published translation is held for this verse.
वामभागे स्थितो ब्रह्मा दक्षिणे तु सदाशिवः । मध्ये विष्णुं विजानीयात्तस्मान्मध्यं न लेपयेत्
vāmabhāge sthito brahmā dakṣiṇe tu sadāśivaḥ | madhye viṣṇuṃ vijānīyāttasmānmadhyaṃ na lepayet
Sanskrit only: no published translation is held for this verse.
वीक्ष्यादर्शे जले वापि यो विदध्यात्प्रयत्नतः । ऊर्द्ध्वपुंड्रं महाभागः सयाति परमां गतिम्
vīkṣyādarśe jale vāpi yo vidadhyātprayatnataḥ | ūrddhvapuṃḍraṃ mahābhāgaḥ sayāti paramāṃ gatim
Sanskrit only: no published translation is held for this verse.
अग्निरापश्च वेदाश्च चंद्रादित्यौ तथानिलः । विप्राणां नित्यमेते हि कर्णे तिष्ठंति दक्षिणे
agnirāpaśca vedāśca caṃdrādityau tathānilaḥ | viprāṇāṃ nityamete hi karṇe tiṣṭhaṃti dakṣiṇe
Sanskrit only: no published translation is held for this verse.
गंगा च दक्षिणे श्रोत्रे नासिकायां हुताशनः । उभयोरपि संस्पर्शात्तत्क्षणादेव शुध्यति
gaṃgā ca dakṣiṇe śrotre nāsikāyāṃ hutāśanaḥ | ubhayorapi saṃsparśāttatkṣaṇādeva śudhyati
Sanskrit only: no published translation is held for this verse.
कृत्वा चैवोदकं शंखे वैष्णवानां महात्मनाम् । तुलसीमिश्रितं दद्यात्पिबेन्मूर्ध्नाभिवंदयेत्
kṛtvā caivodakaṃ śaṃkhe vaiṣṇavānāṃ mahātmanām | tulasīmiśritaṃ dadyātpibenmūrdhnābhivaṃdayet
Sanskrit only: no published translation is held for this verse.
प्राश्नीयात्प्रोक्षयेद्देहं पुत्रमित्रपरिग्रहम् । विष्णोः पादोदकं पीतं कोटिजन्माघनाशनम्
prāśnīyātprokṣayeddehaṃ putramitraparigraham | viṣṇoḥ pādodakaṃ pītaṃ koṭijanmāghanāśanam
Sanskrit only: no published translation is held for this verse.
तदेवाष्टगुणं पापं भूमौ बिंदुनिपातनात् । जलशंखं करे कृत्वा स्तुत्वा नत्वा प्रदक्षिणम्
tadevāṣṭaguṇaṃ pāpaṃ bhūmau biṃdunipātanāt | jalaśaṃkhaṃ kare kṛtvā stutvā natvā pradakṣiṇam
Sanskrit only: no published translation is held for this verse.
सततं धार्यते वारि तेनाप्तं जन्मनः फलम् । शंखो यस्य गृहे नास्ति घंटा वा गरुडान्विता
satataṃ dhāryate vāri tenāptaṃ janmanaḥ phalam | śaṃkho yasya gṛhe nāsti ghaṃṭā vā garuḍānvitā
Sanskrit only: no published translation is held for this verse.
पुरतो वासुदेवस्य न स भागवतः कलौ । यानैर्वा पादुकाभिर्वा यानं भगवतो गृहे
purato vāsudevasya na sa bhāgavataḥ kalau | yānairvā pādukābhirvā yānaṃ bhagavato gṛhe
Sanskrit only: no published translation is held for this verse.
देवोत्सवेष्वसेवा च अप्रणामस्तदग्रतः । उच्छिष्टे चैव चाशौचे भगवद्वंदनादिकम्
devotsaveṣvasevā ca apraṇāmastadagrataḥ | ucchiṣṭe caiva cāśauce bhagavadvaṃdanādikam
Sanskrit only: no published translation is held for this verse.
एकहस्तप्रणामश्च तत्पुरस्तात्प्रदक्षिणम् । पादप्रसारणं चाग्रे तथा पर्यंकसेवनम्
ekahastapraṇāmaśca tatpurastātpradakṣiṇam | pādaprasāraṇaṃ cāgre tathā paryaṃkasevanam
Sanskrit only: no published translation is held for this verse.
शयनं भक्षणं चापि मिथ्याभाषणमेव च । उच्चैर्भाषामिथो जल्पो रोदनानि च विग्रहः
śayanaṃ bhakṣaṇaṃ cāpi mithyābhāṣaṇameva ca | uccairbhāṣāmitho jalpo rodanāni ca vigrahaḥ
Sanskrit only: no published translation is held for this verse.
निग्रहानुग्रहौ चैव स्त्रीषु च क्रूरभाषणम् । केवलावरणं चैव परनिंदापरस्तुतिः
nigrahānugrahau caiva strīṣu ca krūrabhāṣaṇam | kevalāvaraṇaṃ caiva paraniṃdāparastutiḥ
Sanskrit only: no published translation is held for this verse.
अश्लीलभाषणं चैव अधोवायुविमोक्षणम् । शक्तौ गौणोपचारश्च अनिवेदितभक्षणम्
aślīlabhāṣaṇaṃ caiva adhovāyuvimokṣaṇam | śaktau gauṇopacāraśca aniveditabhakṣaṇam
Sanskrit only: no published translation is held for this verse.
तत्तत्कालोद्भवानां च फलादीनामनर्पणम् । विनियुक्तावशिष्टस्य प्रदानं व्यंजनस्य यत्
tattatkālodbhavānāṃ ca phalādīnāmanarpaṇam | viniyuktāvaśiṣṭasya pradānaṃ vyaṃjanasya yat
Sanskrit only: no published translation is held for this verse.
स्पष्टीकृत्याशनं चैव परनिंदा परस्तुतिः । गुरौ मौनं निजस्तोत्रं देवतानिंदनं तथा
spaṣṭīkṛtyāśanaṃ caiva paraniṃdā parastutiḥ | gurau maunaṃ nijastotraṃ devatāniṃdanaṃ tathā
Sanskrit only: no published translation is held for this verse.
अपराधास्तथा विष्णोर्द्वात्रिंशत्परिकीर्तिताः
aparādhāstathā viṣṇordvātriṃśatparikīrtitāḥ
Sanskrit only: no published translation is held for this verse.
अपराधसहस्राणि क्रियंतेऽहर्निशं मया । तवाहमिति मां मत्वा क्षमस्व मधुसूदन
aparādhasahasrāṇi kriyaṃte'harniśaṃ mayā | tavāhamiti māṃ matvā kṣamasva madhusūdana
Sanskrit only: no published translation is held for this verse.
इति मंत्रं समुच्चार्य प्रणमेद्दंडवद्भुवि । अपराधसहस्राणि क्षमते सर्वदा हरिः
iti maṃtraṃ samuccārya praṇameddaṃḍavadbhuvi | aparādhasahasrāṇi kṣamate sarvadā hariḥ
Sanskrit only: no published translation is held for this verse.
सायंप्रातर्द्विजातीनां श्रुत्युक्तमशनं तथा । विष्णुभक्तावशिष्टस्य दिनपापात्प्रमुच्यते
sāyaṃprātardvijātīnāṃ śrutyuktamaśanaṃ tathā | viṣṇubhaktāvaśiṣṭasya dinapāpātpramucyate
Sanskrit only: no published translation is held for this verse.
अन्नं ब्रह्मा रसो विष्णुः खादयेन्मांसमुच्चरन् । एवं ज्ञात्वा तु यो भुंक्ते सोऽन्नदोषैर्न लिप्यते
annaṃ brahmā raso viṣṇuḥ khādayenmāṃsamuccaran | evaṃ jñātvā tu yo bhuṃkte so'nnadoṣairna lipyate
Sanskrit only: no published translation is held for this verse.
अलाबुं वर्त्तुलाकारं मसूरं च सवल्कलम् । तालं शुक्लं च वृंताकं न खादेद्वैष्णवो नरः
alābuṃ varttulākāraṃ masūraṃ ca savalkalam | tālaṃ śuklaṃ ca vṛṃtākaṃ na khādedvaiṣṇavo naraḥ
Sanskrit only: no published translation is held for this verse.
वटाश्वत्थार्कपत्रेषु कुंभी तिंदुकपत्रयोः । कोविदारे कदंबे च न खादेद्वैष्णवो नरः
vaṭāśvatthārkapatreṣu kuṃbhī tiṃdukapatrayoḥ | kovidāre kadaṃbe ca na khādedvaiṣṇavo naraḥ
Sanskrit only: no published translation is held for this verse.
श्रावणे वर्जयेच्छाकं दधि भाद्रपदे त्यजेत् । आश्विने मासि दुग्धं च कार्त्तिके चामिषं त्यजेत्
śrāvaṇe varjayecchākaṃ dadhi bhādrapade tyajet | āśvine māsi dugdhaṃ ca kārttike cāmiṣaṃ tyajet
Sanskrit only: no published translation is held for this verse.
दग्धमन्नं तु जंबीरं यद्विष्णोरनिवेदितम् । बीजपूरं च शाकं चप्रत्यक्षलवणं तथा
dagdhamannaṃ tu jaṃbīraṃ yadviṣṇoraniveditam | bījapūraṃ ca śākaṃ capratyakṣalavaṇaṃ tathā
Sanskrit only: no published translation is held for this verse.
यदि दैवाच्च भुंजीत तदा तन्नाम संस्मरेत् । हैमंतिकं सिता स्विन्नं धान्यं मुद्गास्तिला यवाः
yadi daivācca bhuṃjīta tadā tannāma saṃsmaret | haimaṃtikaṃ sitā svinnaṃ dhānyaṃ mudgāstilā yavāḥ
Sanskrit only: no published translation is held for this verse.
कलाप कंगु नीवाराः शाकं च हिलमोचिका । कालशाकं च वास्तूकं मूलकं रक्तकेतरत्
kalāpa kaṃgu nīvārāḥ śākaṃ ca hilamocikā | kālaśākaṃ ca vāstūkaṃ mūlakaṃ raktaketarat
Sanskrit only: no published translation is held for this verse.
लवणे सिंधुसामुद्रे गव्ये च दधिसर्पिषी । पयोनुद्धृतसारं च पनसाम्रहरीतकी
lavaṇe siṃdhusāmudre gavye ca dadhisarpiṣī | payonuddhṛtasāraṃ ca panasāmraharītakī
Sanskrit only: no published translation is held for this verse.
पिप्पली जीरकं चैव नागरंगक तिंतिडी । कदलीलवली धात्री फलान्यगुडमैक्षवम्
pippalī jīrakaṃ caiva nāgaraṃgaka tiṃtiḍī | kadalīlavalī dhātrī phalānyaguḍamaikṣavam
Sanskrit only: no published translation is held for this verse.
अतैलपक्वं मुनयो हविष्यान्नं प्रचक्षते । तुलसीपत्रपुष्पाद्यैर्माल्यं वहति यो नरः
atailapakvaṃ munayo haviṣyānnaṃ pracakṣate | tulasīpatrapuṣpādyairmālyaṃ vahati yo naraḥ
Sanskrit only: no published translation is held for this verse.
विष्णुं तमपि जानीयात्सत्यं सत्यं न संशयः । धात्रीवृक्षं समारोप्य विष्णुतुल्यो भवेन्नरः
viṣṇuṃ tamapi jānīyātsatyaṃ satyaṃ na saṃśayaḥ | dhātrīvṛkṣaṃ samāropya viṣṇutulyo bhavennaraḥ
Sanskrit only: no published translation is held for this verse.
कुरुक्षेत्रं विजानीयात्सार्द्धं हस्तशतत्रयम् । तुलसीकाष्ठघटितै रुद्राक्षाकारकारितैः
kurukṣetraṃ vijānīyātsārddhaṃ hastaśatatrayam | tulasīkāṣṭhaghaṭitai rudrākṣākārakāritaiḥ
Sanskrit only: no published translation is held for this verse.
निर्मितां मालिकां कंठे निधायार्चनमारभेत् । तथामलकमालां च सम्यक्पुष्करमालिकाम्
nirmitāṃ mālikāṃ kaṃṭhe nidhāyārcanamārabhet | tathāmalakamālāṃ ca samyakpuṣkaramālikām
Sanskrit only: no published translation is held for this verse.
कंठे मालां च यत्नेन धारयेद्विष्णुपूजकः । निर्माल्यं तुलसीमालां शिरस्यपि च धारयेत्
kaṃṭhe mālāṃ ca yatnena dhārayedviṣṇupūjakaḥ | nirmālyaṃ tulasīmālāṃ śirasyapi ca dhārayet
Sanskrit only: no published translation is held for this verse.
निर्माल्यचंदनेनांगमंकयेत्तस्य नामभिः । ललाटे च गदा धार्या मूर्ध्नि चापं शरस्तथा
nirmālyacaṃdanenāṃgamaṃkayettasya nāmabhiḥ | lalāṭe ca gadā dhāryā mūrdhni cāpaṃ śarastathā
Sanskrit only: no published translation is held for this verse.
नंदकं चैव हृन्मध्ये शंखं चक्रं भुजद्वये । शंखचक्रान्वितो विप्रः श्मशाने म्रियते यदि
naṃdakaṃ caiva hṛnmadhye śaṃkhaṃ cakraṃ bhujadvaye | śaṃkhacakrānvito vipraḥ śmaśāne mriyate yadi
Sanskrit only: no published translation is held for this verse.
प्रयागे या गतिः प्रोक्ता सा गतिस्तस्य निश्चिता । यो धृत्वा तुलसीपत्रं शिरसा विष्णुतत्परः
prayāge yā gatiḥ proktā sā gatistasya niścitā | yo dhṛtvā tulasīpatraṃ śirasā viṣṇutatparaḥ
Sanskrit only: no published translation is held for this verse.
करोति सर्वकार्याणि फलमाप्नोति चाक्षयम् । तुलसीकाष्ठमालाभिर्भूषितः कर्म आचरन्
karoti sarvakāryāṇi phalamāpnoti cākṣayam | tulasīkāṣṭhamālābhirbhūṣitaḥ karma ācaran
Sanskrit only: no published translation is held for this verse.
पितॄणां देवतानां च कृतं कोटिगुणं भवेत् । निवेद्य केशवे मालां तुलसीकाष्ठनिर्मिताम्
pitṝṇāṃ devatānāṃ ca kṛtaṃ koṭiguṇaṃ bhavet | nivedya keśave mālāṃ tulasīkāṣṭhanirmitām
Sanskrit only: no published translation is held for this verse.
वहते यो नरो भक्त्या तस्य नश्यति पातकम् । पाद्यादिभिरथाभ्यर्च्य इमं मंत्रमुदीरयेत्
vahate yo naro bhaktyā tasya naśyati pātakam | pādyādibhirathābhyarcya imaṃ maṃtramudīrayet
Sanskrit only: no published translation is held for this verse.
या दृष्टा निखिलाघसंघशमनी स्पृष्टा वपुः पावनी । रोगाणामभिवंदिता निरसनी सिक्तांतकत्रासिनी । प्रत्यासत्ति विधायिनी भगवतः कृष्णस्य संरोपिता । न्यस्ता तच्चरणे विमुक्तिफलदा तस्यै तुलस्यै नमः
yā dṛṣṭā nikhilāghasaṃghaśamanī spṛṣṭā vapuḥ pāvanī | rogāṇāmabhivaṃditā nirasanī siktāṃtakatrāsinī | pratyāsatti vidhāyinī bhagavataḥ kṛṣṇasya saṃropitā | nyastā taccaraṇe vimuktiphaladā tasyai tulasyai namaḥ
Sanskrit only: no published translation is held for this verse.
इति श्रीपद्मपुराणे पातालखंडे वृंदावनमाहात्म्ये देवीश्वरसंवादे तिलकादिनिर्णयोनाम नवसप्ततितमोऽध्यायः
iti śrīpadmapurāṇe pātālakhaṃḍe vṛṃdāvanamāhātmye devīśvarasaṃvāde tilakādinirṇayonāma navasaptatitamo'dhyāyaḥ
Sanskrit only: no published translation is held for this verse.