Library·Padma Purāṇa·5·5.80
पार्वत्युवाच- घोरे कलियुगे प्राप्ते विषयग्राहसंकुले । पुत्रदारधनाद्यार्तैस्तत्कथं धार्यते विभो
pārvatyuvāca- ghore kaliyuge prāpte viṣayagrāhasaṃkule | putradāradhanādyārtaistatkathaṃ dhāryate vibho
Sanskrit only: no published translation is held for this verse.
तदुपायं महादेव कथयस्व कृपानिधे । ईश्वर उवाच- हरेर्नाम हरेर्नाम हरेर्नामैव केवलम्
tadupāyaṃ mahādeva kathayasva kṛpānidhe | īśvara uvāca- harernāma harernāma harernāmaiva kevalam
Sanskrit only: no published translation is held for this verse.
हरेराम हरेकृष्ण कृष्णकृष्णेति मंगलम् । एवं वदंति ये नित्यं न हि तान्बाधते कलि
harerāma harekṛṣṇa kṛṣṇakṛṣṇeti maṃgalam | evaṃ vadaṃti ye nityaṃ na hi tānbādhate kali
Sanskrit only: no published translation is held for this verse.
अंतरांतरकर्माणि कृत्वा नामानि च स्मरेत् । कृष्णकृष्णेति कृष्णेति कृष्णेत्याह पुनः पुनः
aṃtarāṃtarakarmāṇi kṛtvā nāmāni ca smaret | kṛṣṇakṛṣṇeti kṛṣṇeti kṛṣṇetyāha punaḥ punaḥ
Sanskrit only: no published translation is held for this verse.
मन्नाम चैव त्वन्नाम योजयित्वा व्यतिक्रमात् । सोऽपि पापात्प्रमुच्येत तूलराशेरिवानलः
mannāma caiva tvannāma yojayitvā vyatikramāt | so'pi pāpātpramucyeta tūlarāśerivānalaḥ
Sanskrit only: no published translation is held for this verse.
जयाद्येतत्त्वया वाप्यथवा श्रीशब्दपूर्वकम् । तच्च मे मंगलं नाम जपन्पापात्प्रमुच्यते
jayādyetattvayā vāpyathavā śrīśabdapūrvakam | tacca me maṃgalaṃ nāma japanpāpātpramucyate
Sanskrit only: no published translation is held for this verse.
दिवानिशि च संध्यायां सर्वकालेषु संस्मरेत् । अहर्निशं स्मरन्रामं कृष्णं पश्यति चक्षुषा
divāniśi ca saṃdhyāyāṃ sarvakāleṣu saṃsmaret | aharniśaṃ smaranrāmaṃ kṛṣṇaṃ paśyati cakṣuṣā
Sanskrit only: no published translation is held for this verse.
अशुचिर्वा शुचिर्वापि सर्वकालेषु सर्वदा । नामसंस्मरणादेव संसारान्मुच्यते क्षणात्
aśucirvā śucirvāpi sarvakāleṣu sarvadā | nāmasaṃsmaraṇādeva saṃsārānmucyate kṣaṇāt
Sanskrit only: no published translation is held for this verse.
नानापराधयुक्तस्य नामापि च हरत्यघम् । यज्ञव्रततपोदानं सांगं नैव कलौ युगे
nānāparādhayuktasya nāmāpi ca haratyagham | yajñavratatapodānaṃ sāṃgaṃ naiva kalau yuge
Sanskrit only: no published translation is held for this verse.
गंगास्नानं हरेर्नाम निरपायमिदं द्वयम्
gaṃgāsnānaṃ harernāma nirapāyamidaṃ dvayam
Sanskrit only: no published translation is held for this verse.
हत्यायुतं पापसहस्रमुग्रं गुर्वंगनाकोटिनिषेवणं च । स्तेयान्यथान्यानि हरेः प्रियेण गोविंदनाम्ना न च संति भद्रे
hatyāyutaṃ pāpasahasramugraṃ gurvaṃganākoṭiniṣevaṇaṃ ca | steyānyathānyāni hareḥ priyeṇa goviṃdanāmnā na ca saṃti bhadre
Sanskrit only: no published translation is held for this verse.
अपवित्रः पवित्रो वा सर्वावस्थां गतोऽपि वा । यः स्मरेत्पुंडीकाक्षं स बाह्याभ्यंतरः शुचिः
apavitraḥ pavitro vā sarvāvasthāṃ gato'pi vā | yaḥ smaretpuṃḍīkākṣaṃ sa bāhyābhyaṃtaraḥ śuciḥ
Sanskrit only: no published translation is held for this verse.
नामसंस्मरणादेव तथा तस्यार्थचिंतनात् । सौवर्णीं राजतीं वापि तथा पैष्टीं स्रगाकृतिम्
nāmasaṃsmaraṇādeva tathā tasyārthaciṃtanāt | sauvarṇīṃ rājatīṃ vāpi tathā paiṣṭīṃ sragākṛtim
Sanskrit only: no published translation is held for this verse.
पादयोश्चिह्नितां कृत्वा पूजां चैव समारभेत् । दक्षिणस्य पदोंगुष्ठमूले चक्रं बिभर्ति यः
pādayościhnitāṃ kṛtvā pūjāṃ caiva samārabhet | dakṣiṇasya padoṃguṣṭhamūle cakraṃ bibharti yaḥ
Sanskrit only: no published translation is held for this verse.
तत्र नम्रजनस्यापि संसारच्छेदनाय च । मध्यमांगुलिमूले तु धत्ते कमलमच्युतः
tatra namrajanasyāpi saṃsāracchedanāya ca | madhyamāṃgulimūle tu dhatte kamalamacyutaḥ
Sanskrit only: no published translation is held for this verse.
ध्यातृचित्तद्विरेफाणां लोभनायातिशोभनम् । पद्मस्याधोध्वजं धत्ते सर्वानर्थजयध्वजम्
dhyātṛcittadvirephāṇāṃ lobhanāyātiśobhanam | padmasyādhodhvajaṃ dhatte sarvānarthajayadhvajam
Sanskrit only: no published translation is held for this verse.
कनिष्ठामूलतो वज्रं भक्तपापौघभेदनम् । पार्श्वमध्येंऽकुशं भक्तचित्ते रभसकारणम्
kaniṣṭhāmūlato vajraṃ bhaktapāpaughabhedanam | pārśvamadhyeṃ'kuśaṃ bhaktacitte rabhasakāraṇam
Sanskrit only: no published translation is held for this verse.
भोगसंपन्मयं धत्ते यवमंगुष्ठपर्वणि । मूले गदां च पापाद्रिभेदनीं सर्वदेहिनाम्
bhogasaṃpanmayaṃ dhatte yavamaṃguṣṭhaparvaṇi | mūle gadāṃ ca pāpādribhedanīṃ sarvadehinām
Sanskrit only: no published translation is held for this verse.
सर्वविद्याप्रकाशाय धत्ते स भगवानजः । पद्मादीन्यपि चिह्नानि तत्र दक्षेण यत्पुनः
sarvavidyāprakāśāya dhatte sa bhagavānajaḥ | padmādīnyapi cihnāni tatra dakṣeṇa yatpunaḥ
Sanskrit only: no published translation is held for this verse.
वामपादे वसेत्सोऽयं बिभर्त्ति करुणानिधिः । तस्माद्गोविंदमाहात्म्यमानंदरससुंदरम्
vāmapāde vasetso'yaṃ bibhartti karuṇānidhiḥ | tasmādgoviṃdamāhātmyamānaṃdarasasuṃdaram
Sanskrit only: no published translation is held for this verse.
शृणुयात्कीर्त्तयेन्नित्यं स निर्मुक्तो न संशयः । मासकृत्यं प्रवक्ष्यामि विष्णोः प्रीतिकरं परम्
śṛṇuyātkīrttayennityaṃ sa nirmukto na saṃśayaḥ | māsakṛtyaṃ pravakṣyāmi viṣṇoḥ prītikaraṃ param
Sanskrit only: no published translation is held for this verse.
ज्येष्ठे तु स्नापनं कुर्याच्छ्रीविष्णोर्यत्नतः शुचिः । दैनंदिनं तु दुरितं पक्षमासर्त्तुवर्षजम्
jyeṣṭhe tu snāpanaṃ kuryācchrīviṣṇoryatnataḥ śuciḥ | dainaṃdinaṃ tu duritaṃ pakṣamāsarttuvarṣajam
Sanskrit only: no published translation is held for this verse.
ब्रह्महत्यासहस्राणि ज्ञाता ज्ञातकृतानि च । स्वर्णस्तेयसुरापान गुरुतल्पायुतानि च
brahmahatyāsahasrāṇi jñātā jñātakṛtāni ca | svarṇasteyasurāpāna gurutalpāyutāni ca
Sanskrit only: no published translation is held for this verse.
कोटिकोटिसहस्राणि ह्युपपापानि यानि च । सर्वाण्यथ प्रणश्यंति पौर्णमास्यां तु वासरे
koṭikoṭisahasrāṇi hyupapāpāni yāni ca | sarvāṇyatha praṇaśyaṃti paurṇamāsyāṃ tu vāsare
Sanskrit only: no published translation is held for this verse.
आसिंचेदच्युतं मूर्ध्नि तदैतत्कलशोदकम् । पुरुषसूक्तेन मंत्रेण पावमानीभिरेव च
āsiṃcedacyutaṃ mūrdhni tadaitatkalaśodakam | puruṣasūktena maṃtreṇa pāvamānībhireva ca
Sanskrit only: no published translation is held for this verse.
नालिकेरोदकेनाथ तथा तालफलांबुना । रत्नोदकेन गंधेन तथा पुष्पोदकेन च
nālikerodakenātha tathā tālaphalāṃbunā | ratnodakena gaṃdhena tathā puṣpodakena ca
Sanskrit only: no published translation is held for this verse.
पंचोपचारैराराध्य यथाविभवविस्तरैः । घं घंटायै नम इति घंटावाद्यं प्रदापयेत्
paṃcopacārairārādhya yathāvibhavavistaraiḥ | ghaṃ ghaṃṭāyai nama iti ghaṃṭāvādyaṃ pradāpayet
Sanskrit only: no published translation is held for this verse.
पतितस्य महाध्वानन्यस्तपातकसंचये । पाहि मां पापिनं घोरसंसारार्णवपातिनम्
patitasya mahādhvānanyastapātakasaṃcaye | pāhi māṃ pāpinaṃ ghorasaṃsārārṇavapātinam
Sanskrit only: no published translation is held for this verse.
य एवं कुरुते विद्वान्ब्राह्मणः श्रोत्रियः शुचिः । सर्वपापैः प्रमुच्येत विष्णुलोकं स गच्छति
ya evaṃ kurute vidvānbrāhmaṇaḥ śrotriyaḥ śuciḥ | sarvapāpaiḥ pramucyeta viṣṇulokaṃ sa gacchati
Sanskrit only: no published translation is held for this verse.
आषाढशुक्लैकादश्यां कुर्यात्स्वापमहोत्सवम् । आषाढे च रथं कुर्याच्छ्रावणे श्रवणाविधिम्
āṣāḍhaśuklaikādaśyāṃ kuryātsvāpamahotsavam | āṣāḍhe ca rathaṃ kuryācchrāvaṇe śravaṇāvidhim
Sanskrit only: no published translation is held for this verse.
भाद्रे च जन्मदिवस उपवासपरो भवेत् । प्रसुप्तस्य परीवर्तमाश्विने मासि कारयेत्
bhādre ca janmadivasa upavāsaparo bhavet | prasuptasya parīvartamāśvine māsi kārayet
Sanskrit only: no published translation is held for this verse.
उत्थानं श्रीहरेः कुर्यादन्यथा विष्णुद्रोहकृत् । शुभे चैवाश्विने मासि महामायां च पूजयेत्
utthānaṃ śrīhareḥ kuryādanyathā viṣṇudrohakṛt | śubhe caivāśvine māsi mahāmāyāṃ ca pūjayet
Sanskrit only: no published translation is held for this verse.
सौवर्णीं राजतीं वापि विष्णुरूपां बलिं विना । हिंसाद्वेषौ न कर्तव्यौ धर्मात्मा विष्णुपूजकः
sauvarṇīṃ rājatīṃ vāpi viṣṇurūpāṃ baliṃ vinā | hiṃsādveṣau na kartavyau dharmātmā viṣṇupūjakaḥ
Sanskrit only: no published translation is held for this verse.
कार्तिके पुष्यमासे च कामतः पुण्यमाचरेत् । दामोदराय दीपं च प्रांशुस्थाने प्रदापयेत्
kārtike puṣyamāse ca kāmataḥ puṇyamācaret | dāmodarāya dīpaṃ ca prāṃśusthāne pradāpayet
Sanskrit only: no published translation is held for this verse.
सप्तवर्तिप्रमाणेन दीपः स्याच्चतुरंगुलः । पक्षांते च प्रकर्तव्या दीपमालावलि शुभा
saptavartipramāṇena dīpaḥ syāccaturaṃgulaḥ | pakṣāṃte ca prakartavyā dīpamālāvali śubhā
Sanskrit only: no published translation is held for this verse.
मार्गशीर्षे सिते पक्षे षष्ठ्यां च सितवस्त्रकैः । पूजयेज्जगदीशं च ब्रह्माणं च विशेषतः
mārgaśīrṣe site pakṣe ṣaṣṭhyāṃ ca sitavastrakaiḥ | pūjayejjagadīśaṃ ca brahmāṇaṃ ca viśeṣataḥ
Sanskrit only: no published translation is held for this verse.
पौषे पुष्पाभिषेकं च वर्जयेच्चंदनं श्लथम् । संक्रांत्यां माघमासे च साधिवासित तंडुलात्
pauṣe puṣpābhiṣekaṃ ca varjayeccaṃdanaṃ ślatham | saṃkrāṃtyāṃ māghamāse ca sādhivāsita taṃḍulāt
Sanskrit only: no published translation is held for this verse.
नैवेद्यं विष्णवे दद्यादिमं मंत्रमुदीरयेत् । ब्राह्मणान्भोजयेद्भक्त्या देवदेवपुरः स्थितान्
naivedyaṃ viṣṇave dadyādimaṃ maṃtramudīrayet | brāhmaṇānbhojayedbhaktyā devadevapuraḥ sthitān
Sanskrit only: no published translation is held for this verse.
अभ्यर्च्य भगवद्भक्तान्द्विजांश्च भगवद्धिया । एकस्मिन्भोजिते भक्ते कोटिर्भवति भोजिता
abhyarcya bhagavadbhaktāndvijāṃśca bhagavaddhiyā | ekasminbhojite bhakte koṭirbhavati bhojitā
Sanskrit only: no published translation is held for this verse.
विप्रभोजनमात्रेण व्यंगं सांगं ध्रुवं भवेत् । पंचम्यां शुक्लपक्षे तु स्नापयित्वा च केशवम्
viprabhojanamātreṇa vyaṃgaṃ sāṃgaṃ dhruvaṃ bhavet | paṃcamyāṃ śuklapakṣe tu snāpayitvā ca keśavam
Sanskrit only: no published translation is held for this verse.
पूजयित्वा विधानेन चूतपल्लवसंयुतैः । फलचूर्णैश्च विविधैर्वासितैः पटसाधितैः
pūjayitvā vidhānena cūtapallavasaṃyutaiḥ | phalacūrṇaiśca vividhairvāsitaiḥ paṭasādhitaiḥ
Sanskrit only: no published translation is held for this verse.
काननं रमणीयं च प्रदीप्तं दीपदीपितम् । द्राक्षेक्षु रंभा जंबीर नागरंगं च पूगकम्
kānanaṃ ramaṇīyaṃ ca pradīptaṃ dīpadīpitam | drākṣekṣu raṃbhā jaṃbīra nāgaraṃgaṃ ca pūgakam
Sanskrit only: no published translation is held for this verse.
नालिकेरं च धात्रीं च पनसं च हरीतकीम् । अन्यैश्च वृक्षखंडैश्च सर्वर्तुकुसुमान्वितैः
nālikeraṃ ca dhātrīṃ ca panasaṃ ca harītakīm | anyaiśca vṛkṣakhaṃḍaiśca sarvartukusumānvitaiḥ
Sanskrit only: no published translation is held for this verse.
अन्यैश्च विविधैश्चैव फलपुष्पसमन्वितैः । वितानैः कुसुमोद्दामैर्वारिपूर्णघटैस्तथा
anyaiśca vividhaiścaiva phalapuṣpasamanvitaiḥ | vitānaiḥ kusumoddāmairvāripūrṇaghaṭaistathā
Sanskrit only: no published translation is held for this verse.
चूतशाखोपशाखाभिः शोभितं छत्रचामरैः । जयकृष्णेति संस्मृत्य प्रदक्षिणपुरस्सरम्
cūtaśākhopaśākhābhiḥ śobhitaṃ chatracāmaraiḥ | jayakṛṣṇeti saṃsmṛtya pradakṣiṇapurassaram
Sanskrit only: no published translation is held for this verse.
विशेषतः कलियुगे दोलोत्सवो विधीयते । फाल्गुने च चतुर्दश्यामष्टमे यामसंज्ञके
viśeṣataḥ kaliyuge dolotsavo vidhīyate | phālgune ca caturdaśyāmaṣṭame yāmasaṃjñake
Sanskrit only: no published translation is held for this verse.
अथवा पौर्णमास्यां तु प्रतिपत्संधिसंज्ञके । पूजयेद्विधिवद्भक्त्या फल्गुचूर्णैश्चतुर्विधैः
athavā paurṇamāsyāṃ tu pratipatsaṃdhisaṃjñake | pūjayedvidhivadbhaktyā phalgucūrṇaiścaturvidhaiḥ
Sanskrit only: no published translation is held for this verse.
सितरक्तैर्गौरपीतैः कर्पूरादि विमिश्रितैः । हरिद्रारागयोगाच्च रंगरूपैर्मनोहरैः
sitaraktairgaurapītaiḥ karpūrādi vimiśritaiḥ | haridrārāgayogācca raṃgarūpairmanoharaiḥ
Sanskrit only: no published translation is held for this verse.
अन्यैर्वा रंगरूपैश्च प्रीणयेत्परमेश्वरम् । एकादश्यां समारभ्य पंचम्यां तं समापयेत्
anyairvā raṃgarūpaiśca prīṇayetparameśvaram | ekādaśyāṃ samārabhya paṃcamyāṃ taṃ samāpayet
Sanskrit only: no published translation is held for this verse.
पंचाहानि त्र्यहानि वा दोलोत्सवो विधीयते । दक्षिणाभिमुखं कृष्णं दोलमानं सकृन्नराः
paṃcāhāni tryahāni vā dolotsavo vidhīyate | dakṣiṇābhimukhaṃ kṛṣṇaṃ dolamānaṃ sakṛnnarāḥ
Sanskrit only: no published translation is held for this verse.
दृष्ट्वापराधनिचयैर्मुक्तास्ते नात्र संशयः । निक्षिप्य जलपात्रे च मासि माधवसंज्ञके
dṛṣṭvāparādhanicayairmuktāste nātra saṃśayaḥ | nikṣipya jalapātre ca māsi mādhavasaṃjñake
Sanskrit only: no published translation is held for this verse.
सौवर्णपात्रे रौप्ये वा ताम्रे वाप्यथ मृण्मये । तोयस्थं योऽर्चयेद्देवं शालग्रामसमुद्भवम्
sauvarṇapātre raupye vā tāmre vāpyatha mṛṇmaye | toyasthaṃ yo'rcayeddevaṃ śālagrāmasamudbhavam
Sanskrit only: no published translation is held for this verse.
प्रतिमां वा महाभागे तस्य पुण्यं न गण्यते । दमनारोपणं कृत्वा श्रीविष्णौ च समर्पयेत्
pratimāṃ vā mahābhāge tasya puṇyaṃ na gaṇyate | damanāropaṇaṃ kṛtvā śrīviṣṇau ca samarpayet
Sanskrit only: no published translation is held for this verse.
वैशाखे श्रावणे भाद्रे कर्तव्यं वा तदर्पणम् । पूर्वेपूर्वे तु वातस्थे दमनादिषु कर्मसु
vaiśākhe śrāvaṇe bhādre kartavyaṃ vā tadarpaṇam | pūrvepūrve tu vātasthe damanādiṣu karmasu
Sanskrit only: no published translation is held for this verse.
प्रकर्तव्यं विधानेन अन्यथा निष्फलं भवेत् । वैशाखे च तृतीयायां जलमध्ये विशेषतः
prakartavyaṃ vidhānena anyathā niṣphalaṃ bhavet | vaiśākhe ca tṛtīyāyāṃ jalamadhye viśeṣataḥ
Sanskrit only: no published translation is held for this verse.
अथवा मंडले कुर्यान्मंडपे वा बृहद्वने । सुगंधचंदनेनांगं सुपुष्टं च दिनेदिने
athavā maṃḍale kuryānmaṃḍape vā bṛhadvane | sugaṃdhacaṃdanenāṃgaṃ supuṣṭaṃ ca dinedine
Sanskrit only: no published translation is held for this verse.
यथाप्रयत्नतः कुर्यात्कृशांगस्येव पुष्टिदम् । चंदनागुरु ह्रीबेर कृष्णकुंकुम रोचना
yathāprayatnataḥ kuryātkṛśāṃgasyeva puṣṭidam | caṃdanāguru hrībera kṛṣṇakuṃkuma rocanā
Sanskrit only: no published translation is held for this verse.
जटामांसी मुरा चैव विष्णोर्गंधाष्टकं विदुः । तैस्तैर्गंधयुतैश्चापि विष्णोरंगानि लेपयेत्
jaṭāmāṃsī murā caiva viṣṇorgaṃdhāṣṭakaṃ viduḥ | taistairgaṃdhayutaiścāpi viṣṇoraṃgāni lepayet
Sanskrit only: no published translation is held for this verse.
धृष्टं च तुलसीकाष्ठं कर्पूरागुरुयोगतः । अथवा केसरैर्योज्यं हरिचंदनमुच्यते
dhṛṣṭaṃ ca tulasīkāṣṭhaṃ karpūrāguruyogataḥ | athavā kesarairyojyaṃ haricaṃdanamucyate
Sanskrit only: no published translation is held for this verse.
यात्राकाले च ये कृष्णं भक्त्या पश्यंति मानवाः । न तेषां पुनरावृत्तिः कल्पकोटिशतैरपि
yātrākāle ca ye kṛṣṇaṃ bhaktyā paśyaṃti mānavāḥ | na teṣāṃ punarāvṛttiḥ kalpakoṭiśatairapi
Sanskrit only: no published translation is held for this verse.
सुगंधमिश्रितैस्तोयैर्देवदेवं गलंति ये । अथवा पुष्पमध्ये तु स्थापयेज्जगदीश्वरम्
sugaṃdhamiśritaistoyairdevadevaṃ galaṃti ye | athavā puṣpamadhye tu sthāpayejjagadīśvaram
Sanskrit only: no published translation is held for this verse.
वृंदावनं तत्र गत्वा उपस्कृत्य फलानि च । विष्णुभक्तेन योग्येन भोजयेत्तदशेषतः
vṛṃdāvanaṃ tatra gatvā upaskṛtya phalāni ca | viṣṇubhaktena yogyena bhojayettadaśeṣataḥ
Sanskrit only: no published translation is held for this verse.
नारिकेलफलं बीजकोशं चोद्धृत्य दापयेत् । घोंटाफलं च पनसं कोशमुद्धृत्य दापयेत्
nārikelaphalaṃ bījakośaṃ coddhṛtya dāpayet | ghoṃṭāphalaṃ ca panasaṃ kośamuddhṛtya dāpayet
Sanskrit only: no published translation is held for this verse.
दध्ना विमिश्रितं चान्नं घृतेनाप्लुत्य दापयेत् । पाचितं पिष्टकं पूपमष्टादशघृतेन च
dadhnā vimiśritaṃ cānnaṃ ghṛtenāplutya dāpayet | pācitaṃ piṣṭakaṃ pūpamaṣṭādaśaghṛtena ca
Sanskrit only: no published translation is held for this verse.
तैलैश्च तिलसंमिश्रैः फलं पक्वं प्रदापयेत् । यद्यदेवात्मनः प्रीतं तत्तदीशाय दापयेत्
tailaiśca tilasaṃmiśraiḥ phalaṃ pakvaṃ pradāpayet | yadyadevātmanaḥ prītaṃ tattadīśāya dāpayet
Sanskrit only: no published translation is held for this verse.
दत्वा नैवेद्यवस्त्रादि नाददीत कथंचन । त्यक्तं च विष्णुमुद्दिश्य तद्भक्तेभ्यो विशेषतः
datvā naivedyavastrādi nādadīta kathaṃcana | tyaktaṃ ca viṣṇumuddiśya tadbhaktebhyo viśeṣataḥ
Sanskrit only: no published translation is held for this verse.
इति ते कथितं किंचित्समासेन महेश्वरि । गोपनीयं प्रयत्नेन स्वयोनिरिव पार्वति
iti te kathitaṃ kiṃcitsamāsena maheśvari | gopanīyaṃ prayatnena svayoniriva pārvati
Sanskrit only: no published translation is held for this verse.
श्रीकृष्णरूपगुणवर्णन शास्त्रवर्गबोधाधिकार इह चेदलमन्यपाठैः । तत्प्रेमभावरसभक्तिविलास नामहारेषु चेत्खलु मनः किमु कामिनीभिः
śrīkṛṣṇarūpaguṇavarṇana śāstravargabodhādhikāra iha cedalamanyapāṭhaiḥ | tatpremabhāvarasabhaktivilāsa nāmahāreṣu cetkhalu manaḥ kimu kāminībhiḥ
Sanskrit only: no published translation is held for this verse.
तच्चेतसा प्रभजतां व्रजबालकेंद्रं वृंदावनक्षितितलं यमुनाजलं च । तल्लोकनाथपदपंकजधूलिमिश्रलिप्तं वपुः किल वृथागरुचंदनाद्यैः
taccetasā prabhajatāṃ vrajabālakeṃdraṃ vṛṃdāvanakṣititalaṃ yamunājalaṃ ca | tallokanāthapadapaṃkajadhūlimiśraliptaṃ vapuḥ kila vṛthāgarucaṃdanādyaiḥ
Sanskrit only: no published translation is held for this verse.
इति श्रीपद्मपुराणे पातालखंडे उमामहेश्वरसंवादे वृंदावनमाहात्म्ये अशीतितमोऽध्यायः
iti śrīpadmapurāṇe pātālakhaṃḍe umāmaheśvarasaṃvāde vṛṃdāvanamāhātmye aśītitamo'dhyāyaḥ
Sanskrit only: no published translation is held for this verse.