Library·Padma Purāṇa·5·5.85
अंबरीष उवाच- साधुसाधु मुनिश्रेष्ठ लोकानुग्रहकारक । विष्णोर्ध्यानं त्वया प्रोक्तं सगुणं निर्गुणं च यत्
aṃbarīṣa uvāca- sādhusādhu muniśreṣṭha lokānugrahakāraka | viṣṇordhyānaṃ tvayā proktaṃ saguṇaṃ nirguṇaṃ ca yat
Sanskrit only: no published translation is held for this verse.
अधुना लक्षणं ब्रूहि भक्तेः साधु कृपाकर । यादृशी क्रियते येन यथा यत्र यदा तथा
adhunā lakṣaṇaṃ brūhi bhakteḥ sādhu kṛpākara | yādṛśī kriyate yena yathā yatra yadā tathā
Sanskrit only: no published translation is held for this verse.
सूत उवाच- इत्युक्तमाकर्ण्य नृपोत्तमस्य मुनिः प्रहृष्टो निजगाद भूपम् । शृणुष्व राजन्निखिलाघहारिणीं भक्तिं हरेस्ते प्रवदामि सम्यक्
sūta uvāca- ityuktamākarṇya nṛpottamasya muniḥ prahṛṣṭo nijagāda bhūpam | śṛṇuṣva rājannikhilāghahāriṇīṃ bhaktiṃ hareste pravadāmi samyak
Sanskrit only: no published translation is held for this verse.
अथ भक्तिं प्रवक्ष्यामि विविधां पापनाशिनीम् । विविधा भक्तिरुद्दिष्टा मनोवाक्कायसंभवा
atha bhaktiṃ pravakṣyāmi vividhāṃ pāpanāśinīm | vividhā bhaktiruddiṣṭā manovākkāyasaṃbhavā
Sanskrit only: no published translation is held for this verse.
लौकिकी वैदिकी चापि भवेदाध्यात्मिकी तथा । ध्यानधारणया बुद्ध्या वेदानां स्मरणं हि यत्
laukikī vaidikī cāpi bhavedādhyātmikī tathā | dhyānadhāraṇayā buddhyā vedānāṃ smaraṇaṃ hi yat
Sanskrit only: no published translation is held for this verse.
विष्णुप्रीतिकरी चैषा मानसी भक्तिरुच्यते । मंत्रवेदसमुच्चारैरविश्रांतविचिंतनैः
viṣṇuprītikarī caiṣā mānasī bhaktirucyate | maṃtravedasamuccārairaviśrāṃtaviciṃtanaiḥ
Sanskrit only: no published translation is held for this verse.
जाप्यैश्चारण्यकैश्चैव वाचिकी भक्तिरुच्यते । व्रतोपवासनियमैः पञ्चेंद्रियजयेन च
jāpyaiścāraṇyakaiścaiva vācikī bhaktirucyate | vratopavāsaniyamaiḥ pañceṃdriyajayena ca
Sanskrit only: no published translation is held for this verse.
कायिकी सैव निर्दिष्टा भक्तिः सर्वार्थसाधिनी । भूषणैर्हेमरत्नांकैश्चित्राभिर्वाग्भिरेव च
kāyikī saiva nirdiṣṭā bhaktiḥ sarvārthasādhinī | bhūṣaṇairhemaratnāṃkaiścitrābhirvāgbhireva ca
Sanskrit only: no published translation is held for this verse.
वासः प्रतिसरैः सूत्रैः पावकव्यजनोच्छ्रितैः । नृत्यवादित्रगीतैश्च सर्वबल्युपहारकैः
vāsaḥ pratisaraiḥ sūtraiḥ pāvakavyajanocchritaiḥ | nṛtyavāditragītaiśca sarvabalyupahārakaiḥ
Sanskrit only: no published translation is held for this verse.
भक्ष्यभोज्यान्नपानैश्च या पूजा क्रियते नरैः । नारायणं समुद्दिश्य भक्तिः सा लौकिकी मता
bhakṣyabhojyānnapānaiśca yā pūjā kriyate naraiḥ | nārāyaṇaṃ samuddiśya bhaktiḥ sā laukikī matā
Sanskrit only: no published translation is held for this verse.
कायिकी सैव निर्दिष्टा भक्तिः सर्वार्थसाधिकी । ऋग्यजुःसामजाप्यानि संहिताध्ययनानि च
kāyikī saiva nirdiṣṭā bhaktiḥ sarvārthasādhikī | ṛgyajuḥsāmajāpyāni saṃhitādhyayanāni ca
Sanskrit only: no published translation is held for this verse.
क्रियंते विष्णुमुद्दिश्य सा भक्तिर्वैदिकोच्यते । वेदमंत्रहविर्यागैः क्रियाया वैदिकी मता
kriyaṃte viṣṇumuddiśya sā bhaktirvaidikocyate | vedamaṃtrahaviryāgaiḥ kriyāyā vaidikī matā
Sanskrit only: no published translation is held for this verse.
दर्शे च पौर्णमास्यां च कर्त्तव्यं चाग्निहोत्रकम् । प्राशनं दक्षिणादानं पुरोडाशं चरु क्रिया
darśe ca paurṇamāsyāṃ ca karttavyaṃ cāgnihotrakam | prāśanaṃ dakṣiṇādānaṃ puroḍāśaṃ caru kriyā
Sanskrit only: no published translation is held for this verse.
इष्टिर्धृतिः सोमपानं याज्ञियं कर्म सर्वशः । अग्निभूम्यनिलाकाश द्युति शंकर भास्करम्
iṣṭirdhṛtiḥ somapānaṃ yājñiyaṃ karma sarvaśaḥ | agnibhūmyanilākāśa dyuti śaṃkara bhāskaram
Sanskrit only: no published translation is held for this verse.
तमुद्दिश्यकृतं कर्म तत्सर्वं विष्णुदैवतम् । आध्यात्मिकीति विविधा ब्रह्मभक्तिस्थिता नृप
tamuddiśyakṛtaṃ karma tatsarvaṃ viṣṇudaivatam | ādhyātmikīti vividhā brahmabhaktisthitā nṛpa
Sanskrit only: no published translation is held for this verse.
सांख्याख्यां योगसंजातां शृणु भूप यथोदिताम् । चतुर्विंशति तत्त्वानि प्रधानादीनि संख्यया
sāṃkhyākhyāṃ yogasaṃjātāṃ śṛṇu bhūpa yathoditām | caturviṃśati tattvāni pradhānādīni saṃkhyayā
Sanskrit only: no published translation is held for this verse.
अचेतनानि भोग्यानि पुरुषः पंचविंशकः । चेतनः स समुद्दिष्टो कर्ता भोक्ता च कर्मणाम्
acetanāni bhogyāni puruṣaḥ paṃcaviṃśakaḥ | cetanaḥ sa samuddiṣṭo kartā bhoktā ca karmaṇām
Sanskrit only: no published translation is held for this verse.
आत्मा नित्योव्ययश्चैव अधिष्ठाता प्रयोजकः । पुरुषोऽव्यक्त नित्यः स्यात्कारणं च महेश्वरः
ātmā nityovyayaścaiva adhiṣṭhātā prayojakaḥ | puruṣo'vyakta nityaḥ syātkāraṇaṃ ca maheśvaraḥ
Sanskrit only: no published translation is held for this verse.
तत्त्वसर्गो भावसर्गो भूतसर्गश्च तत्त्वतः । संख्यायाः परिसंख्यायाः प्रधानं च गुणात्मकम्
tattvasargo bhāvasargo bhūtasargaśca tattvataḥ | saṃkhyāyāḥ parisaṃkhyāyāḥ pradhānaṃ ca guṇātmakam
Sanskrit only: no published translation is held for this verse.
ज्ञात्वा साधर्म्यवैधर्म्यं प्रधानं च विधर्मि च । कारणं ब्रह्मणश्चैव कामित्वमिदमुच्यते
jñātvā sādharmyavaidharmyaṃ pradhānaṃ ca vidharmi ca | kāraṇaṃ brahmaṇaścaiva kāmitvamidamucyate
Sanskrit only: no published translation is held for this verse.
प्रयोज्यत्वं प्रधानस्य वैधर्म्यमिदमुच्यते । सर्वत्र कर्तृता ब्रह्म पुरुषस्याप्यकर्तृता
prayojyatvaṃ pradhānasya vaidharmyamidamucyate | sarvatra kartṛtā brahma puruṣasyāpyakartṛtā
Sanskrit only: no published translation is held for this verse.
अचेतनप्रधानेन समत्वमिदमुच्यते । तत्त्वांतरं च तत्त्वानां कार्यकारणमेव च
acetanapradhānena samatvamidamucyate | tattvāṃtaraṃ ca tattvānāṃ kāryakāraṇameva ca
Sanskrit only: no published translation is held for this verse.
प्रयोजनं प्रयोज्यत्वं ज्ञात्वा तत्त्वप्रसंख्यया । संख्यातमुच्यते प्राज्ञैर्विजयार्थविचिंतकैः
prayojanaṃ prayojyatvaṃ jñātvā tattvaprasaṃkhyayā | saṃkhyātamucyate prājñairvijayārthaviciṃtakaiḥ
Sanskrit only: no published translation is held for this verse.
इति मत्वास्य सद्भावं तत्त्वं संख्यां च तत्त्वतः । ब्रह्मतत्त्वाधिकं चापि भूततत्त्वं विदुर्बुधाः
iti matvāsya sadbhāvaṃ tattvaṃ saṃkhyāṃ ca tattvataḥ | brahmatattvādhikaṃ cāpi bhūtatattvaṃ vidurbudhāḥ
Sanskrit only: no published translation is held for this verse.
सांख्यैः कृता भक्तिरेषा भक्तिराध्यात्मिकी स्मृता । योगजामपि ते भूप शृणु भक्तिं वदाम्यहम्
sāṃkhyaiḥ kṛtā bhaktireṣā bhaktirādhyātmikī smṛtā | yogajāmapi te bhūpa śṛṇu bhaktiṃ vadāmyaham
Sanskrit only: no published translation is held for this verse.
प्राणायामपरो नित्यं ध्यानवान्नियतेंद्रियः । भैक्ष्यभक्षव्रती चापि सर्वप्रत्याहृतेन्द्रियः
prāṇāyāmaparo nityaṃ dhyānavānniyateṃdriyaḥ | bhaikṣyabhakṣavratī cāpi sarvapratyāhṛtendriyaḥ
Sanskrit only: no published translation is held for this verse.
धारणं हृदये कृत्वा ध्यायमानो महेश्वरम् । हृत्पद्मकर्णिकासीनं पीतवस्त्रं सुलोचनम्
dhāraṇaṃ hṛdaye kṛtvā dhyāyamāno maheśvaram | hṛtpadmakarṇikāsīnaṃ pītavastraṃ sulocanam
Sanskrit only: no published translation is held for this verse.
पश्यन्नुद्योतितमुखं ब्रह्मसूत्रकटीतटम् । श्वेतवर्णं चतुर्बाहुं वरदाभयहस्तकम्
paśyannudyotitamukhaṃ brahmasūtrakaṭītaṭam | śvetavarṇaṃ caturbāhuṃ varadābhayahastakam
Sanskrit only: no published translation is held for this verse.
योगजा मानसीसिद्धिर्विष्णुभक्तिः परा स्मृता । य एवं भक्तिमान्देवं विष्णुभक्तिः स उच्यते
yogajā mānasīsiddhirviṣṇubhaktiḥ parā smṛtā | ya evaṃ bhaktimāndevaṃ viṣṇubhaktiḥ sa ucyate
Sanskrit only: no published translation is held for this verse.
एवं भक्तिः समुद्दिष्टा विविधा नृपनंदन । सात्विकी राजसी चैव तामसीभेदतस्त्विमाः
evaṃ bhaktiḥ samuddiṣṭā vividhā nṛpanaṃdana | sātvikī rājasī caiva tāmasībhedatastvimāḥ
Sanskrit only: no published translation is held for this verse.
नानाप्रकारा विज्ञेया विष्णोरमिततेजसः । यथाग्निः सुसमृद्धार्च्चिः करोत्येधांसि भस्मसात्
nānāprakārā vijñeyā viṣṇoramitatejasaḥ | yathāgniḥ susamṛddhārcciḥ karotyedhāṃsi bhasmasāt
Sanskrit only: no published translation is held for this verse.
पापानि भगवद्भक्तिस्तथा दहति तत्क्षणात्
pāpāni bhagavadbhaktistathā dahati tatkṣaṇāt
Sanskrit only: no published translation is held for this verse.
यावज्जनो न शृणुते भुवि विष्णुभक्तिं साक्षात्सुधारसमशेषरसैकसारम् । तावज्जरामरणजन्मशताभिघातदुःखानि तानि लभते बहुदेहजानि
yāvajjano na śṛṇute bhuvi viṣṇubhaktiṃ sākṣātsudhārasamaśeṣarasaikasāram | tāvajjarāmaraṇajanmaśatābhighātaduḥkhāni tāni labhate bahudehajāni
Sanskrit only: no published translation is held for this verse.
संकीर्तितश्चिंतितकीर्तिरंतः श्रुतानुभावो भगवाननंतः । समंततोऽघविनिहंति मेघं वायुर्यथाभानुरिवांधकारम्
saṃkīrtitaściṃtitakīrtiraṃtaḥ śrutānubhāvo bhagavānanaṃtaḥ | samaṃtato'ghavinihaṃti meghaṃ vāyuryathābhānurivāṃdhakāram
Sanskrit only: no published translation is held for this verse.
न दान देवार्चन याग तीर्थ स्नान श्रुताचार तपः क्रियाभिः । तथा विशुद्धिं लभतेंऽतरात्मा यथा हृदिस्थे भगवत्यनंते
na dāna devārcana yāga tīrtha snāna śrutācāra tapaḥ kriyābhiḥ | tathā viśuddhiṃ labhateṃ'tarātmā yathā hṛdisthe bhagavatyanaṃte
Sanskrit only: no published translation is held for this verse.
कथा विशुद्धा नरनाथ तथ्यास्ता एव पथ्या हरिनाथ तथ्याः । संकीर्तिता यत्र पवित्रमूर्तेः संश्रूयते च श्रुतसाधुकीर्तिः
kathā viśuddhā naranātha tathyāstā eva pathyā harinātha tathyāḥ | saṃkīrtitā yatra pavitramūrteḥ saṃśrūyate ca śrutasādhukīrtiḥ
Sanskrit only: no published translation is held for this verse.
धन्योसि धीरधरणीधर धर्मधुर्य्य ध्यानैकतान हृदयः पुरुषोत्तमस्य । यन्नैष्ठिकीमतिरसौ तव सौभगश्रीः श्रीकृष्णनाथसुकृतः श्रवणे प्रवृत्ता
dhanyosi dhīradharaṇīdhara dharmadhuryya dhyānaikatāna hṛdayaḥ puruṣottamasya | yannaiṣṭhikīmatirasau tava saubhagaśrīḥ śrīkṛṣṇanāthasukṛtaḥ śravaṇe pravṛttā
Sanskrit only: no published translation is held for this verse.
अनाराध्य हरिं भक्त्या वरदं विष्णुमव्ययम् । कुतः श्रेयो भवेद्भूप पुरुषस्यात्ममानिनः
anārādhya hariṃ bhaktyā varadaṃ viṣṇumavyayam | kutaḥ śreyo bhavedbhūpa puruṣasyātmamāninaḥ
Sanskrit only: no published translation is held for this verse.
मायाजनिरमायोऽसौ भक्त्या राजन्नमायया । साध्यते साधुपुरुषः स्वयं जानाति तद्भवान्
māyājaniramāyo'sau bhaktyā rājannamāyayā | sādhyate sādhupuruṣaḥ svayaṃ jānāti tadbhavān
Sanskrit only: no published translation is held for this verse.
न विद्यते ते नृप धर्मतत्त्वमज्ञातमेतद्विमलं पुनर्माम् । त्वं पृच्छसे तीर्थपदं प्रसंगात्कथारसं वैष्णव गौरवेण
na vidyate te nṛpa dharmatattvamajñātametadvimalaṃ punarmām | tvaṃ pṛcchase tīrthapadaṃ prasaṃgātkathārasaṃ vaiṣṇava gauraveṇa
Sanskrit only: no published translation is held for this verse.
नातः परं परमतोषविशेषपोषं पश्यामि पुण्यमुचितं च परस्परेण । संतः प्रसह्य यदनंतगुणाननंतश्रेयोनिधीनधिकभावभुजो भुजंति
nātaḥ paraṃ paramatoṣaviśeṣapoṣaṃ paśyāmi puṇyamucitaṃ ca paraspareṇa | saṃtaḥ prasahya yadanaṃtaguṇānanaṃtaśreyonidhīnadhikabhāvabhujo bhujaṃti
Sanskrit only: no published translation is held for this verse.
ब्राह्मणाः सुरभी सत्य श्रद्धा याग तपांसि च । श्रुति स्मृति दया दीक्षा शांतयस्तनवो हरेः
brāhmaṇāḥ surabhī satya śraddhā yāga tapāṃsi ca | śruti smṛti dayā dīkṣā śāṃtayastanavo hareḥ
Sanskrit only: no published translation is held for this verse.
आदित्यश्चंद्रमा वायुर्भूमिरापोंऽबरं दिशः । ब्रह्माविष्णुश्च रुद्रश्च सर्वभूतमयो विभुः
ādityaścaṃdramā vāyurbhūmirāpoṃ'baraṃ diśaḥ | brahmāviṣṇuśca rudraśca sarvabhūtamayo vibhuḥ
Sanskrit only: no published translation is held for this verse.
विश्वरूपः स्वयं चक्रे जगदेतच्चराचरम् । स्वयं ब्राह्मणमाविश्य सदान्नमुपभुंजते
viśvarūpaḥ svayaṃ cakre jagadetaccarācaram | svayaṃ brāhmaṇamāviśya sadānnamupabhuṃjate
Sanskrit only: no published translation is held for this verse.
ततस्तु तीर्थास्पदपादरेणून्धराधरात्मालय भूमिदेवान् । परात्मनः पूजय पुण्यलक्ष्मी सर्वस्वभूतानखिलात्मभूतान्
tatastu tīrthāspadapādareṇūndharādharātmālaya bhūmidevān | parātmanaḥ pūjaya puṇyalakṣmī sarvasvabhūtānakhilātmabhūtān
Sanskrit only: no published translation is held for this verse.
ब्राह्मणं विष्णुबुद्ध्य्या यो विद्वांसं साधु पश्यति । स एव वैष्णवो यश्च स्वस्वकर्मैकनिष्ठितः
brāhmaṇaṃ viṣṇubuddhyyā yo vidvāṃsaṃ sādhu paśyati | sa eva vaiṣṇavo yaśca svasvakarmaikaniṣṭhitaḥ
Sanskrit only: no published translation is held for this verse.
किंचिदेतन्मयाप्रोक्तं रहस्यं समयो हि मे । स्नातुं गंतुं च गंगायां न कथावसरोऽधिकः
kiṃcidetanmayāproktaṃ rahasyaṃ samayo hi me | snātuṃ gaṃtuṃ ca gaṃgāyāṃ na kathāvasaro'dhikaḥ
Sanskrit only: no published translation is held for this verse.
प्राप्तोऽयं माधवो मासः पुण्यो माधववल्लभः । तस्यापि सप्तमी शुक्ला गंगायामतिदुर्ल्लभा
prāpto'yaṃ mādhavo māsaḥ puṇyo mādhavavallabhaḥ | tasyāpi saptamī śuklā gaṃgāyāmatidurllabhā
Sanskrit only: no published translation is held for this verse.
वैशाख शुक्ल सप्तम्यां जाह्नवी जह्नुना पुरा । क्रोधात्पीता पुनस्त्यक्ता कर्णरंध्रात्तु दक्षिणात्
vaiśākha śukla saptamyāṃ jāhnavī jahnunā purā | krodhātpītā punastyaktā karṇaraṃdhrāttu dakṣiṇāt
Sanskrit only: no published translation is held for this verse.
तस्यां समर्चयेद्देवीं गंगां गगनमेखलाम् । स्नात्वा सम्यग्विधानेन स धन्यः सुकृती नरः
tasyāṃ samarcayeddevīṃ gaṃgāṃ gaganamekhalām | snātvā samyagvidhānena sa dhanyaḥ sukṛtī naraḥ
Sanskrit only: no published translation is held for this verse.
तस्यां यस्तर्पयेद्देवान्पितॄन्मर्त्यो यथाविधि । साक्षात्पश्यति तं गंगा स्नातकं गतपापकम्
tasyāṃ yastarpayeddevānpitṝnmartyo yathāvidhi | sākṣātpaśyati taṃ gaṃgā snātakaṃ gatapāpakam
Sanskrit only: no published translation is held for this verse.
न माधव समो मासो न गंगा सदृशी नदी । दुर्ल्लभः खलु योगोऽयं हरिभक्त्यैव लभ्यते
na mādhava samo māso na gaṃgā sadṛśī nadī | durllabhaḥ khalu yogo'yaṃ haribhaktyaiva labhyate
Sanskrit only: no published translation is held for this verse.
विष्णुपादोदकोद्भूता ब्रह्मलोकादुपागता । त्रिभिः स्रोतोभिरश्रांता या पुनाति जगत्त्रयम्
viṣṇupādodakodbhūtā brahmalokādupāgatā | tribhiḥ srotobhiraśrāṃtā yā punāti jagattrayam
Sanskrit only: no published translation is held for this verse.
स्वर्गारोहणनिःश्रेणी सततानंदकारिणी । अनेकदुरितोद्गारहारिणी दुर्गतारिणी
svargārohaṇaniḥśreṇī satatānaṃdakāriṇī | anekaduritodgārahāriṇī durgatāriṇī
Sanskrit only: no published translation is held for this verse.
श्रीमहेशजटाजूटवासिनी दुःखनाशिनी । भजमानजनस्वांतकान्तकेलि विनाशिनी
śrīmaheśajaṭājūṭavāsinī duḥkhanāśinī | bhajamānajanasvāṃtakāntakeli vināśinī
Sanskrit only: no published translation is held for this verse.
सगरान्वयनिर्वाणकारिणी धर्मधारिणी । त्रिमार्गचारिणी देवी लोकालंकृतिकारिणी
sagarānvayanirvāṇakāriṇī dharmadhāriṇī | trimārgacāriṇī devī lokālaṃkṛtikāriṇī
Sanskrit only: no published translation is held for this verse.
दर्शन स्पर्शन स्नान कीर्त्तन ध्यान सेवनैः । पुण्यानपुण्यान्पुरुषान्पावयंती सहस्रशः
darśana sparśana snāna kīrttana dhyāna sevanaiḥ | puṇyānapuṇyānpuruṣānpāvayaṃtī sahasraśaḥ
Sanskrit only: no published translation is held for this verse.
गंगा गंगेति गंगेति यैस्त्रिसंध्यमितीरितम् । सुदूरस्थैश्च तत्पापं हंति जन्मत्रयार्जितम्
gaṃgā gaṃgeti gaṃgeti yaistrisaṃdhyamitīritam | sudūrasthaiśca tatpāpaṃ haṃti janmatrayārjitam
Sanskrit only: no published translation is held for this verse.
योजनानां सहस्रेषु गंगां यः स्मरते नरः । अपि दुष्कृतकर्मासौ लभते परमां गतिम्
yojanānāṃ sahasreṣu gaṃgāṃ yaḥ smarate naraḥ | api duṣkṛtakarmāsau labhate paramāṃ gatim
Sanskrit only: no published translation is held for this verse.
वैशाखे शुक्ल सप्तम्यां दुर्ल्लभा सा विशेषतः । प्राप्यते जगतीपाल हरि विप्र प्रसादतः
vaiśākhe śukla saptamyāṃ durllabhā sā viśeṣataḥ | prāpyate jagatīpāla hari vipra prasādataḥ
Sanskrit only: no published translation is held for this verse.
न माधवसमो मासो न माधवसमो विभुः । गतोहि दुरितांभोधौ मज्जमानजनस्य यः
na mādhavasamo māso na mādhavasamo vibhuḥ | gatohi duritāṃbhodhau majjamānajanasya yaḥ
Sanskrit only: no published translation is held for this verse.
दत्तं जप्तं हुतं स्नातं यद्भक्त्या मासि माधवे । तदक्षयं भवेद्भूप पुण्यं कोटिशताधिकम्
dattaṃ japtaṃ hutaṃ snātaṃ yadbhaktyā māsi mādhave | tadakṣayaṃ bhavedbhūpa puṇyaṃ koṭiśatādhikam
Sanskrit only: no published translation is held for this verse.
यथा देवेषु विश्वात्मा देवो नारायणो हरिः । यथा जप्येषु गायत्री सरितां जाह्नवी तथा
yathā deveṣu viśvātmā devo nārāyaṇo hariḥ | yathā japyeṣu gāyatrī saritāṃ jāhnavī tathā
Sanskrit only: no published translation is held for this verse.
यथोमा सर्वनारीणां तपतां भास्करो यथा । आरोग्यलाभो लाभानां द्विपदां ब्राह्मणो यथा
yathomā sarvanārīṇāṃ tapatāṃ bhāskaro yathā | ārogyalābho lābhānāṃ dvipadāṃ brāhmaṇo yathā
Sanskrit only: no published translation is held for this verse.
परोपकारः पुण्यानां विद्यानां निगमो यथा । मंत्राणां प्रणवो यद्वद्ध्यानानामात्मचिंतनम्
paropakāraḥ puṇyānāṃ vidyānāṃ nigamo yathā | maṃtrāṇāṃ praṇavo yadvaddhyānānāmātmaciṃtanam
Sanskrit only: no published translation is held for this verse.
सत्यं स्वधर्मवर्तित्वं तपसां च यथा वरम् । शौचानामर्थशौचं च दानानामभयं यथा
satyaṃ svadharmavartitvaṃ tapasāṃ ca yathā varam | śaucānāmarthaśaucaṃ ca dānānāmabhayaṃ yathā
Sanskrit only: no published translation is held for this verse.
गुणानां च यथा लोभक्षयो मुख्यो गुणः स्मृतः । मासानां प्रवरो मासस्तथासौ माधवो मतः
guṇānāṃ ca yathā lobhakṣayo mukhyo guṇaḥ smṛtaḥ | māsānāṃ pravaro māsastathāsau mādhavo mataḥ
Sanskrit only: no published translation is held for this verse.
तत्र यत्क्रियते श्राद्धं यज्ञ दानमुपोषणम् । तपोऽध्ययनपूजादि तदक्षयफलं स्मृतम्
tatra yatkriyate śrāddhaṃ yajña dānamupoṣaṇam | tapo'dhyayanapūjādi tadakṣayaphalaṃ smṛtam
Sanskrit only: no published translation is held for this verse.
वैशाखांतानि पापानि सूर्यांतानि तमांसि च । परापकारपैशुन्य प्रांतानि सुकृतानि च
vaiśākhāṃtāni pāpāni sūryāṃtāni tamāṃsi ca | parāpakārapaiśunya prāṃtāni sukṛtāni ca
Sanskrit only: no published translation is held for this verse.
कार्तिके मासि यत्किंचित्तुलासंस्थे दिवाकरे । स्नानदानादिकं राजंस्तत्परार्धगुणं भवेत्
kārtike māsi yatkiṃcittulāsaṃsthe divākare | snānadānādikaṃ rājaṃstatparārdhaguṇaṃ bhavet
Sanskrit only: no published translation is held for this verse.
तस्मात्सहस्रगुणितं माघे मकरगे रवौ । ततोऽपि शतसंख्यातं वैशाखेमेषगे रवौ
tasmātsahasraguṇitaṃ māghe makarage ravau | tato'pi śatasaṃkhyātaṃ vaiśākhemeṣage ravau
Sanskrit only: no published translation is held for this verse.
ते धन्यास्ते सुकृतिनो नरा वैशाख मासि ये । प्रातः स्नात्वा विधानेन पूजयंति मधुद्विषम्
te dhanyāste sukṛtino narā vaiśākha māsi ye | prātaḥ snātvā vidhānena pūjayaṃti madhudviṣam
Sanskrit only: no published translation is held for this verse.
प्रातःस्नानं च वैशाखे यज्ञदानमुपोषणम् । हविष्यं ब्रह्मचर्यं च महापातकनाशनम्
prātaḥsnānaṃ ca vaiśākhe yajñadānamupoṣaṇam | haviṣyaṃ brahmacaryaṃ ca mahāpātakanāśanam
Sanskrit only: no published translation is held for this verse.
पुनः कलियुगे राजन्नेतद्गोप्यं भविष्यति । अश्वमेधादिकं यस्मान्माहात्म्यं माधवस्य यत्
punaḥ kaliyuge rājannetadgopyaṃ bhaviṣyati | aśvamedhādikaṃ yasmānmāhātmyaṃ mādhavasya yat
Sanskrit only: no published translation is held for this verse.
अश्वमेधमखः पुण्यः कलौ नैव प्रवर्तते । एष माधवमासस्य हयमेध समो विधिः
aśvamedhamakhaḥ puṇyaḥ kalau naiva pravartate | eṣa mādhavamāsasya hayamedha samo vidhiḥ
Sanskrit only: no published translation is held for this verse.
अश्वमेधस्य यत्पुण्यं स्वर्गमोक्षफलप्रदम् । न वेत्स्यंति कलौ पापा जना दुरितबुद्धयः
aśvamedhasya yatpuṇyaṃ svargamokṣaphalapradam | na vetsyaṃti kalau pāpā janā duritabuddhayaḥ
Sanskrit only: no published translation is held for this verse.
तस्मिन्भवैर्नरैः पापैर्गंतव्यं नरकार्णवे । अतस्तु विरलस्तस्य प्रचारो येन निर्मितः
tasminbhavairnaraiḥ pāpairgaṃtavyaṃ narakārṇave | atastu viralastasya pracāro yena nirmitaḥ
Sanskrit only: no published translation is held for this verse.
इति श्रीपद्मपुराणे पातालखंडे वैशाखमासमाहात्म्ये पंचाशीतितमोऽध्यायः
iti śrīpadmapurāṇe pātālakhaṃḍe vaiśākhamāsamāhātmye paṃcāśītitamo'dhyāyaḥ
Sanskrit only: no published translation is held for this verse.