Padma Purāṇa 5.87

सूतउवाच- इति तस्य वचः श्रुत्वा नारदस्य स भूपतिः । प्रणम्य विस्मितः प्राह चिन्तयन्मनसा हरिम्

sūtauvāca- iti tasya vacaḥ śrutvā nāradasya sa bhūpatiḥ | praṇamya vismitaḥ prāha cintayanmanasā harim

Sanskrit only: no published translation is held for this verse.

अंबरीष उवाच- कथमेतद्विमुह्यामः स्वल्पायासेन वै मुने । प्राप्यते स्नानमात्रेण फलं चैवातिदुर्ल्लभम्

aṃbarīṣa uvāca- kathametadvimuhyāmaḥ svalpāyāsena vai mune | prāpyate snānamātreṇa phalaṃ caivātidurllabham

Sanskrit only: no published translation is held for this verse.

नारद उवाच- सत्यमुक्तं त्वया राजन्नल्पायासेन यन्महत् । फलं संप्राप्यते तत्र श्रद्धत्स्व विधिभाषितम्

nārada uvāca- satyamuktaṃ tvayā rājannalpāyāsena yanmahat | phalaṃ saṃprāpyate tatra śraddhatsva vidhibhāṣitam

Sanskrit only: no published translation is held for this verse.

धर्मस्य गतयः सूक्ष्मा दुर्ज्ञेया हीश्वरैरपि । मुह्यंते चात्र विद्वांसोऽचिंत्यशक्ति हरेः कृतौ

dharmasya gatayaḥ sūkṣmā durjñeyā hīśvarairapi | muhyaṃte cātra vidvāṃso'ciṃtyaśakti hareḥ kṛtau

Sanskrit only: no published translation is held for this verse.

विश्वामित्रादयो राजन्धर्माधिक्येन बाहुजाः । ब्राह्मण्यं समुपायाताः सूक्ष्मा धर्मगतिस्त्वतः

viśvāmitrādayo rājandharmādhikyena bāhujāḥ | brāhmaṇyaṃ samupāyātāḥ sūkṣmā dharmagatistvataḥ

Sanskrit only: no published translation is held for this verse.

अजामिलोऽपि भूपाल दासीपतिरिति श्रुतः । धर्मपत्नीपरित्यागी नित्यं पापपथिस्थितः

ajāmilo'pi bhūpāla dāsīpatiriti śrutaḥ | dharmapatnīparityāgī nityaṃ pāpapathisthitaḥ

Sanskrit only: no published translation is held for this verse.

म्रियमाणः सुतस्नेहात्प्रोच्य नारायणेति च । तद्ध्याननामग्रहणात्पदं लेभे सुदुर्ल्लभम्

mriyamāṇaḥ sutasnehātprocya nārāyaṇeti ca | taddhyānanāmagrahaṇātpadaṃ lebhe sudurllabham

Sanskrit only: no published translation is held for this verse.

अनिच्छयापि दहति स्पृष्टो हुतवहो यथा । तथा दहति गोविंद नामव्याजादपीरितम्

anicchayāpi dahati spṛṣṭo hutavaho yathā | tathā dahati goviṃda nāmavyājādapīritam

Sanskrit only: no published translation is held for this verse.

कानीनस्य मुनेः पौत्रा भ्रातृजायाभिगामिनः । गोलकस्य च वै पंडोः पुत्राः कुंडाः स्वयं तथा

kānīnasya muneḥ pautrā bhrātṛjāyābhigāminaḥ | golakasya ca vai paṃḍoḥ putrāḥ kuṃḍāḥ svayaṃ tathā

Sanskrit only: no published translation is held for this verse.

ते पंचापि च भूपाल पांडवा द्रौपदीरताः । तेषां च पुण्यश्लोकत्वं सूक्ष्माधर्मगतिस्ततः

te paṃcāpi ca bhūpāla pāṃḍavā draupadīratāḥ | teṣāṃ ca puṇyaślokatvaṃ sūkṣmādharmagatistataḥ

Sanskrit only: no published translation is held for this verse.

विचित्राणि च कर्माणि विचित्रा भूतभावनाः । विचित्राणि च भूता निविचित्राः कर्मशक्तयः

vicitrāṇi ca karmāṇi vicitrā bhūtabhāvanāḥ | vicitrāṇi ca bhūtā nivicitrāḥ karmaśaktayaḥ

Sanskrit only: no published translation is held for this verse.

कदाचित्सुकृतं कर्म कूटस्थं यदवस्थितम् । केनचित्कर्मणा भूप शुभेन परिवर्धते

kadācitsukṛtaṃ karma kūṭasthaṃ yadavasthitam | kenacitkarmaṇā bhūpa śubhena parivardhate

Sanskrit only: no published translation is held for this verse.

फलं ददाति सुमहत्कस्मिन्नपि च जन्मनि । सूक्ष्मो धर्मोऽतिगहनो मीयते न यथा तथा

phalaṃ dadāti sumahatkasminnapi ca janmani | sūkṣmo dharmo'tigahano mīyate na yathā tathā

Sanskrit only: no published translation is held for this verse.

नैतस्य फलदानस्य श्रूयते भूपनिश्चयः । यत्किंचित्सुकृतं कर्मच्छन्नं पापांतरैरपि

naitasya phaladānasya śrūyate bhūpaniścayaḥ | yatkiṃcitsukṛtaṃ karmacchannaṃ pāpāṃtarairapi

Sanskrit only: no published translation is held for this verse.

तदागत्य कुतः क्वापि स्वं फलं च प्रयच्छति । कृतस्य नेह नाशोऽस्ति पुण्यस्य दुरितस्य च

tadāgatya kutaḥ kvāpi svaṃ phalaṃ ca prayacchati | kṛtasya neha nāśo'sti puṇyasya duritasya ca

Sanskrit only: no published translation is held for this verse.

तथापि बहुभिः पुण्यैर्दुरितं याति दारुणम् । यदुक्तं भवता राजन्नायासाधिक्यतो भवेत्

tathāpi bahubhiḥ puṇyairduritaṃ yāti dāruṇam | yaduktaṃ bhavatā rājannāyāsādhikyato bhavet

Sanskrit only: no published translation is held for this verse.

महत्पुण्यं च तत्रापि कारणं मे निशामय । स्वल्पायासमहायासौ यद्यल्पत्व महत्त्वयोः

mahatpuṇyaṃ ca tatrāpi kāraṇaṃ me niśāmaya | svalpāyāsamahāyāsau yadyalpatva mahattvayoḥ

Sanskrit only: no published translation is held for this verse.

महापुण्यास्ततस्ते स्युः संततं कर्षकादयः । मंत्रोच्चारं च सिंहादेरायासं बहुलं त्वतः

mahāpuṇyāstataste syuḥ saṃtataṃ karṣakādayaḥ | maṃtroccāraṃ ca siṃhāderāyāsaṃ bahulaṃ tvataḥ

Sanskrit only: no published translation is held for this verse.

पंचगव्यं प्रशस्तं हि व्रतांगत्वेन नो भवेत् । इति कर्तव्यबाहुल्यं महत्त्वं च तदल्पता

paṃcagavyaṃ praśastaṃ hi vratāṃgatvena no bhavet | iti kartavyabāhulyaṃ mahattvaṃ ca tadalpatā

Sanskrit only: no published translation is held for this verse.

जलाग्न्यादिप्रवेशस्य प्रसज्येत व्रतांतरात् । इदमल्पं महच्चैतदिति नैव नियामकम्

jalāgnyādipraveśasya prasajyeta vratāṃtarāt | idamalpaṃ mahaccaitaditi naiva niyāmakam

Sanskrit only: no published translation is held for this verse.

फलं यच्चोदितं शास्त्रे तदेव स्यान्महन्नृप । यथाल्पनाशो महता महन्नाशस्तथाल्पतः

phalaṃ yaccoditaṃ śāstre tadeva syānmahannṛpa | yathālpanāśo mahatā mahannāśastathālpataḥ

Sanskrit only: no published translation is held for this verse.

किं त्वल्पविस्फुलिंगेन तृणराशिः प्रदह्यते

kiṃ tvalpavisphuliṃgena tṛṇarāśiḥ pradahyate

Sanskrit only: no published translation is held for this verse.

हत्यायुतं पापसहस्रमुग्रं गुर्वंगनाकोटिनिषेवणं च । स्तेयादि पापानि च कृष्णभक्तैरज्ञानजातानि लयं ह्रियंते

hatyāyutaṃ pāpasahasramugraṃ gurvaṃganākoṭiniṣevaṇaṃ ca | steyādi pāpāni ca kṛṣṇabhaktairajñānajātāni layaṃ hriyaṃte

Sanskrit only: no published translation is held for this verse.

विष्णुभक्तिमतावीर यत्किंचित्क्रियतेऽल्पकम् । सुकृतं साधुविदुषा तदक्षयफलं लभेत्

viṣṇubhaktimatāvīra yatkiṃcitkriyate'lpakam | sukṛtaṃ sādhuviduṣā tadakṣayaphalaṃ labhet

Sanskrit only: no published translation is held for this verse.

संदेहो नात्र कर्त्तव्यो माधवेमासि माधवम् । समाराध्य नरो भक्त्या तत्तद्वांच्छितमाप्नुयात्

saṃdeho nātra karttavyo mādhavemāsi mādhavam | samārādhya naro bhaktyā tattadvāṃcchitamāpnuyāt

Sanskrit only: no published translation is held for this verse.

अपत्यं द्रविणं रत्नं दाराहर्म्यं हया गजाः । सुखानि स्वर्गमोक्षौ च न दूरे हरिभक्तितः

apatyaṃ draviṇaṃ ratnaṃ dārāharmyaṃ hayā gajāḥ | sukhāni svargamokṣau ca na dūre haribhaktitaḥ

Sanskrit only: no published translation is held for this verse.

एवं शास्त्रोक्तविधिना स्वल्पेनापि न संशयः । पापस्य महतोऽपि स्यात्क्षयो वृद्धिः सुकर्मणः

evaṃ śāstroktavidhinā svalpenāpi na saṃśayaḥ | pāpasya mahato'pi syātkṣayo vṛddhiḥ sukarmaṇaḥ

Sanskrit only: no published translation is held for this verse.

फलाधिक्यं भवेद्भूप त्वाधिक्याद्भावकर्मणोः । सूक्ष्मा धर्मस्य विज्ञेया गतिस्तु विविधैरपि

phalādhikyaṃ bhavedbhūpa tvādhikyādbhāvakarmaṇoḥ | sūkṣmā dharmasya vijñeyā gatistu vividhairapi

Sanskrit only: no published translation is held for this verse.

प्रियो माधवमासोऽयं माधवस्य महात्मनः । एकोप्यनुष्ठितो लोकैः समग्रेप्सितदायकः

priyo mādhavamāso'yaṃ mādhavasya mahātmanaḥ | ekopyanuṣṭhito lokaiḥ samagrepsitadāyakaḥ

Sanskrit only: no published translation is held for this verse.

पुण्येन गांगेन जलेन काले देशेऽपि यः स्नानपरोऽपि भूप । आजन्मतो भावहतोऽपि दाता न शुद्धिमेतीति मतं ममैतत्

puṇyena gāṃgena jalena kāle deśe'pi yaḥ snānaparo'pi bhūpa | ājanmato bhāvahato'pi dātā na śuddhimetīti mataṃ mamaitat

Sanskrit only: no published translation is held for this verse.

गंगादितीर्थेषु वसंति जीवा देवालये पक्षिगणाश्च नित्यम् । विनाशमायांति कृतोपवासा भावोज्झिता नैव गतिं लभंते

gaṃgāditīrtheṣu vasaṃti jīvā devālaye pakṣigaṇāśca nityam | vināśamāyāṃti kṛtopavāsā bhāvojjhitā naiva gatiṃ labhaṃte

Sanskrit only: no published translation is held for this verse.

भावं ततो हृत्कमले निधाय श्रीमाधवं माधवमासि भक्त्या । यजेत यः स्नानपरो विशुद्धः पुण्यं न शक्ता वयमस्य वक्तुम्

bhāvaṃ tato hṛtkamale nidhāya śrīmādhavaṃ mādhavamāsi bhaktyā | yajeta yaḥ snānaparo viśuddhaḥ puṇyaṃ na śaktā vayamasya vaktum

Sanskrit only: no published translation is held for this verse.

प्रज्वाल्य वह्निं घृततैलसिक्तं प्रदक्षिणावर्तशिखं स्वकाले । प्रविश्य दग्धः किल भावदुष्टो न स्वर्गमाप्नोति फलं न चान्यत्

prajvālya vahniṃ ghṛtatailasiktaṃ pradakṣiṇāvartaśikhaṃ svakāle | praviśya dagdhaḥ kila bhāvaduṣṭo na svargamāpnoti phalaṃ na cānyat

Sanskrit only: no published translation is held for this verse.

श्रद्धत्स्वभूप तस्मात्त्वं माधवस्य फलं प्रति । स्वल्पं चापि शुभं कर्म विकर्मशतनाशनम्

śraddhatsvabhūpa tasmāttvaṃ mādhavasya phalaṃ prati | svalpaṃ cāpi śubhaṃ karma vikarmaśatanāśanam

Sanskrit only: no published translation is held for this verse.

यथा हरेर्नामभयेन भूप नश्यंति सर्वे दुरितस्य वृंदाः । नूनं रवौ मेषगते विभाते स्नानेन तीर्थे च हरिस्तवेन

yathā harernāmabhayena bhūpa naśyaṃti sarve duritasya vṛṃdāḥ | nūnaṃ ravau meṣagate vibhāte snānena tīrthe ca haristavena

Sanskrit only: no published translation is held for this verse.

तेजसा वैनतेयस्य पाप्मानः पन्नगा इव । विद्रवंति च वैशाखस्नानेनोषसि निश्चितम्

tejasā vainateyasya pāpmānaḥ pannagā iva | vidravaṃti ca vaiśākhasnānenoṣasi niścitam

Sanskrit only: no published translation is held for this verse.

गंगायां नर्मदायां वा स्नात्वा मेषगते रवौ । पापप्रशमनस्तोत्रं यः पठेद्भक्तिभावतः

gaṃgāyāṃ narmadāyāṃ vā snātvā meṣagate ravau | pāpapraśamanastotraṃ yaḥ paṭhedbhaktibhāvataḥ

Sanskrit only: no published translation is held for this verse.

एककालं द्विकालं वा त्रिसंध्यमपि भूपते । स याति परमं स्थानं सर्वपापविवर्जितः

ekakālaṃ dvikālaṃ vā trisaṃdhyamapi bhūpate | sa yāti paramaṃ sthānaṃ sarvapāpavivarjitaḥ

Sanskrit only: no published translation is held for this verse.

अंबरीष महत्पुण्यप्राप्तये कुरु वीक्षणम् । माधवेमासि वै स्नानं प्रातर्नियमसंस्थितः

aṃbarīṣa mahatpuṇyaprāptaye kuru vīkṣaṇam | mādhavemāsi vai snānaṃ prātarniyamasaṃsthitaḥ

Sanskrit only: no published translation is held for this verse.

यदानर्त्तपुरे प्रोक्तं वसतां वर्षकोटिभिः । तत्प्रातर्माधवे मासि स्नानेनैकेन लभ्यते

yadānarttapure proktaṃ vasatāṃ varṣakoṭibhiḥ | tatprātarmādhave māsi snānenaikena labhyate

Sanskrit only: no published translation is held for this verse.

इहार्थे यत्पुरावृत्तं तदाकर्णय भूपते । भार्यया सह संवादं देवशर्मद्विजन्मनः

ihārthe yatpurāvṛttaṃ tadākarṇaya bhūpate | bhāryayā saha saṃvādaṃ devaśarmadvijanmanaḥ

Sanskrit only: no published translation is held for this verse.

रेवातीरे सुपुण्ये च तीर्थे चामरकंटके । कौशिकस्य सुतो जातो देवशर्मा द्विजोत्तमः

revātīre supuṇye ca tīrthe cāmarakaṃṭake | kauśikasya suto jāto devaśarmā dvijottamaḥ

Sanskrit only: no published translation is held for this verse.

धनपुत्रविहीनस्तु बहुदुःखसमन्वितः । दारिद्रेण सुदुःखेन सर्वदैवप्रपीडितः

dhanaputravihīnastu bahuduḥkhasamanvitaḥ | dāridreṇa suduḥkhena sarvadaivaprapīḍitaḥ

Sanskrit only: no published translation is held for this verse.

पुत्रोपायं धनस्यापि दिवारात्रौ प्रचिंतयेत् । एकदा तु प्रिया तस्य सुमना नाम सुव्रता

putropāyaṃ dhanasyāpi divārātrau praciṃtayet | ekadā tu priyā tasya sumanā nāma suvratā

Sanskrit only: no published translation is held for this verse.

भर्तारं चिंतयोपेतमधोमुखमलक्षयत् । समालोक्य तदा कांतं तमुवाच यशस्विनी

bhartāraṃ ciṃtayopetamadhomukhamalakṣayat | samālokya tadā kāṃtaṃ tamuvāca yaśasvinī

Sanskrit only: no published translation is held for this verse.

दुःखजालैरसंख्यैस्तु तव चित्तं प्रकर्षितम् । व्यामोहेन प्रमूढोसि त्यज चिंतां महामते

duḥkhajālairasaṃkhyaistu tava cittaṃ prakarṣitam | vyāmohena pramūḍhosi tyaja ciṃtāṃ mahāmate

Sanskrit only: no published translation is held for this verse.

मम दुःखं समाचक्ष्व स्वस्थो भव सुखं व्रज । नास्ति चिंतासमं दुःखं कायशोषणमेव हि

mama duḥkhaṃ samācakṣva svastho bhava sukhaṃ vraja | nāsti ciṃtāsamaṃ duḥkhaṃ kāyaśoṣaṇameva hi

Sanskrit only: no published translation is held for this verse.

तां संत्यज्य प्रवर्तेत स सुखेन प्रमोदते । चिंतायाः कारणं विप्र कथयस्व मम प्रभो

tāṃ saṃtyajya pravarteta sa sukhena pramodate | ciṃtāyāḥ kāraṇaṃ vipra kathayasva mama prabho

Sanskrit only: no published translation is held for this verse.

नारद उवाच-। प्रियावाक्यं स संश्रुत्य देवशर्मा महामतिः । उवाच वचनं प्रीतो दुःखितोऽपि सतीसखः

nārada uvāca-| priyāvākyaṃ sa saṃśrutya devaśarmā mahāmatiḥ | uvāca vacanaṃ prīto duḥkhito'pi satīsakhaḥ

Sanskrit only: no published translation is held for this verse.

देवशर्मोवाच-। यत्त्वया चिंतितं भद्रे किंचिद्दुःखस्य कारणम् । तत्सर्वं तु प्रवक्ष्यामि श्रुत्वा चैवावधार्यताम्

devaśarmovāca-| yattvayā ciṃtitaṃ bhadre kiṃcidduḥkhasya kāraṇam | tatsarvaṃ tu pravakṣyāmi śrutvā caivāvadhāryatām

Sanskrit only: no published translation is held for this verse.

न जाने केन पापेन धनहीनोऽस्मि सुव्रते । तथा पुत्रविहीनोऽस्मि एतद्दुःखस्य कारणम्

na jāne kena pāpena dhanahīno'smi suvrate | tathā putravihīno'smi etadduḥkhasya kāraṇam

Sanskrit only: no published translation is held for this verse.

संतोष एव परमं पुण्यं सौख्यादिकारणम् । असंतोषः परं पापमित्याह भगवान्हरिः

saṃtoṣa eva paramaṃ puṇyaṃ saukhyādikāraṇam | asaṃtoṣaḥ paraṃ pāpamityāha bhagavānhariḥ

Sanskrit only: no published translation is held for this verse.

लोभः पापस्य बीजोऽयं मोहो मूलं च तस्य वै । असत्यं तस्य हि स्कंधो महाशाखा सुविस्तरात्

lobhaḥ pāpasya bījo'yaṃ moho mūlaṃ ca tasya vai | asatyaṃ tasya hi skaṃdho mahāśākhā suvistarāt

Sanskrit only: no published translation is held for this verse.

मदकौटिल्य पत्राणि कुबुद्ध्या पुष्पितः सदा । अनृतं तस्य सौगंध्यमज्ञानं फलमेव च

madakauṭilya patrāṇi kubuddhyā puṣpitaḥ sadā | anṛtaṃ tasya saugaṃdhyamajñānaṃ phalameva ca

Sanskrit only: no published translation is held for this verse.

कुड्यं पाषंडचौराश्च क्रूराः कूटाश्च पापिनः । पक्षिणो मोहवृक्षस्य महाशाखासमाश्रिताः

kuḍyaṃ pāṣaṃḍacaurāśca krūrāḥ kūṭāśca pāpinaḥ | pakṣiṇo mohavṛkṣasya mahāśākhāsamāśritāḥ

Sanskrit only: no published translation is held for this verse.

अज्ञानं सुफलं तस्य रसो धर्मं फलस्य हि । भावोदकेन संवृद्धिस्तस्य श्रद्धा क्रतु प्रिया

ajñānaṃ suphalaṃ tasya raso dharmaṃ phalasya hi | bhāvodakena saṃvṛddhistasya śraddhā kratu priyā

Sanskrit only: no published translation is held for this verse.

अधर्मेषु रसस्तस्य उत्क्लेदैर्मधुरायते । तादृशैश्च फलैश्चैवसफलो लोभपादपः

adharmeṣu rasastasya utkledairmadhurāyate | tādṛśaiśca phalaiścaivasaphalo lobhapādapaḥ

Sanskrit only: no published translation is held for this verse.

तस्यच्छायां समाश्रित्य यो नरः परिवर्तते । फलानि तस्य सोऽश्नाति स्वपक्वानि दिनेदिने

tasyacchāyāṃ samāśritya yo naraḥ parivartate | phalāni tasya so'śnāti svapakvāni dinedine

Sanskrit only: no published translation is held for this verse.

फलानां च रसेनापि अधर्मेण तु पोषितः । स संपुष्टो भवेन्मर्त्यः पतनाय प्रयच्छति

phalānāṃ ca rasenāpi adharmeṇa tu poṣitaḥ | sa saṃpuṣṭo bhavenmartyaḥ patanāya prayacchati

Sanskrit only: no published translation is held for this verse.

तस्माच्चिंतां परिश्रित्य स्वामि लोभं न कारयेत् । धनपुत्रकलत्राणां चिंतामेतां न कारयेत्

tasmācciṃtāṃ pariśritya svāmi lobhaṃ na kārayet | dhanaputrakalatrāṇāṃ ciṃtāmetāṃ na kārayet

Sanskrit only: no published translation is held for this verse.

यो हि विद्वान्नचेत्कांत मूर्खाणां पथमेव हि । मृषा चिंतयते नित्यं दिवारात्रौ विमोहितः

yo hi vidvānnacetkāṃta mūrkhāṇāṃ pathameva hi | mṛṣā ciṃtayate nityaṃ divārātrau vimohitaḥ

Sanskrit only: no published translation is held for this verse.

शुभार्थं च प्रविंदामि कथं पुत्रानहं लभे । एवं चिंतयते नित्यं दिवारात्रौ विमोहितः

śubhārthaṃ ca praviṃdāmi kathaṃ putrānahaṃ labhe | evaṃ ciṃtayate nityaṃ divārātrau vimohitaḥ

Sanskrit only: no published translation is held for this verse.

क्षणमेकं प्रपश्येत्स चिंतामध्ये महत्सुखम् । पुनश्चैतन्यमायाति महादुःखेन पीड्यते

kṣaṇamekaṃ prapaśyetsa ciṃtāmadhye mahatsukham | punaścaitanyamāyāti mahāduḥkhena pīḍyate

Sanskrit only: no published translation is held for this verse.

चिंतामोहौ परित्यज्य अनुवर्तस्व तं द्विज । संसारे नास्ति संबंधः केन सार्धं महामते

ciṃtāmohau parityajya anuvartasva taṃ dvija | saṃsāre nāsti saṃbaṃdhaḥ kena sārdhaṃ mahāmate

Sanskrit only: no published translation is held for this verse.

मित्राश्च बांधवाः पुत्राः पितामाता सुतास्तथा । स्वसंबंधा भवंत्येते कलत्रादि तथैव च

mitrāśca bāṃdhavāḥ putrāḥ pitāmātā sutāstathā | svasaṃbaṃdhā bhavaṃtyete kalatrādi tathaiva ca

Sanskrit only: no published translation is held for this verse.

देवशर्मोवाच-। संबंधः कीदृशो भद्रे तन्मे विस्तरतो वद । येन जायंति ते सर्वे धनपुत्रादि बांधवाः

devaśarmovāca-| saṃbaṃdhaḥ kīdṛśo bhadre tanme vistarato vada | yena jāyaṃti te sarve dhanaputrādi bāṃdhavāḥ

Sanskrit only: no published translation is held for this verse.

सुमनोवाच-। भर्तः पंचविधाः पुत्रा जायंते तान्वदाम्यहम् । न्यासापहारकं चैकमृणसंबंधिनं परम्

sumanovāca-| bhartaḥ paṃcavidhāḥ putrā jāyaṃte tānvadāmyaham | nyāsāpahārakaṃ caikamṛṇasaṃbaṃdhinaṃ param

Sanskrit only: no published translation is held for this verse.

रिपुं लभ्यमुदासीनमिति कांत भवंति ते । लक्षणानि प्रवक्ष्यामि तेषामीश पृथक्पृथक्

ripuṃ labhyamudāsīnamiti kāṃta bhavaṃti te | lakṣaṇāni pravakṣyāmi teṣāmīśa pṛthakpṛthak

Sanskrit only: no published translation is held for this verse.

पुत्रा मित्राः प्रिया भार्या पिता माता च बांधवाः । स्वेनस्वेन हि जायंते संबंधेन महीतले

putrā mitrāḥ priyā bhāryā pitā mātā ca bāṃdhavāḥ | svenasvena hi jāyaṃte saṃbaṃdhena mahītale

Sanskrit only: no published translation is held for this verse.

न्यासापहारभावेन यस्य येन हृतं भुवि । न्यासस्वामी भवेत्पुत्रो गुणवान्रूपवान्भुवि

nyāsāpahārabhāvena yasya yena hṛtaṃ bhuvi | nyāsasvāmī bhavetputro guṇavānrūpavānbhuvi

Sanskrit only: no published translation is held for this verse.

येन ह्यपहृतं न्यासं तस्य गेहे न संशयः । न्यासापहारणं दुःखं स दत्त्वा दारुणं गतः

yena hyapahṛtaṃ nyāsaṃ tasya gehe na saṃśayaḥ | nyāsāpahāraṇaṃ duḥkhaṃ sa dattvā dāruṇaṃ gataḥ

Sanskrit only: no published translation is held for this verse.

न्यासस्वामी सुपुत्रोऽभून्न्यासापहारकस्य च । गुणवान्रूपवांश्चैव सर्वलक्षणसंयुतः

nyāsasvāmī suputro'bhūnnyāsāpahārakasya ca | guṇavānrūpavāṃścaiva sarvalakṣaṇasaṃyutaḥ

Sanskrit only: no published translation is held for this verse.

भक्तिं च दर्शयेत्तस्य पुत्रो भूत्वा दिनेदिने । प्रियवाङ्मधुरोवाग्मी बहुस्नेहं विदर्शयेत्

bhaktiṃ ca darśayettasya putro bhūtvā dinedine | priyavāṅmadhurovāgmī bahusnehaṃ vidarśayet

Sanskrit only: no published translation is held for this verse.

स्वीयं द्रव्यं समुद्ग्राह्य प्रीतिमुत्पाद्य चातुलाम् । यथा तेन प्रदत्तं तन्न्यासापहरणात्परम्

svīyaṃ dravyaṃ samudgrāhya prītimutpādya cātulām | yathā tena pradattaṃ tannyāsāpaharaṇātparam

Sanskrit only: no published translation is held for this verse.

दुःखमेवं महाभाग दारुणं प्राणनाशनम् । तादृशं तस्य सो दद्यात्पुत्रो भूत्वा महागुणः

duḥkhamevaṃ mahābhāga dāruṇaṃ prāṇanāśanam | tādṛśaṃ tasya so dadyātputro bhūtvā mahāguṇaḥ

Sanskrit only: no published translation is held for this verse.

अल्पायुषस्तथा भूत्वा मरणं चोपगच्छति । दुःखं दत्वा प्रयात्येवं प्रहृत्यैवं पुनःपुनः

alpāyuṣastathā bhūtvā maraṇaṃ copagacchati | duḥkhaṃ datvā prayātyevaṃ prahṛtyaivaṃ punaḥpunaḥ

Sanskrit only: no published translation is held for this verse.

यदाह पुत्रपुत्रेति प्रलापं हि करोति यः । तदा हास्यं करोत्येष कस्तु पुत्रो हि कस्य च

yadāha putraputreti pralāpaṃ hi karoti yaḥ | tadā hāsyaṃ karotyeṣa kastu putro hi kasya ca

Sanskrit only: no published translation is held for this verse.

अनेनापहृतं न्यासं मदीयं पापचारिणा । द्रव्यापहारणेनापि मम प्राणागताः किल

anenāpahṛtaṃ nyāsaṃ madīyaṃ pāpacāriṇā | dravyāpahāraṇenāpi mama prāṇāgatāḥ kila

Sanskrit only: no published translation is held for this verse.

दुःखेन महता चैव असह्येन च वै पुरा । तदा दुःखं मया दत्वाद्रव्यमुद्ग्राह्यमुत्तमम्

duḥkhena mahatā caiva asahyena ca vai purā | tadā duḥkhaṃ mayā datvādravyamudgrāhyamuttamam

Sanskrit only: no published translation is held for this verse.

इति श्रीपद्मपुराणे पातालखंडे वैशाखमाहात्म्ये सप्ताशीतितमोऽध्यायः

iti śrīpadmapurāṇe pātālakhaṃḍe vaiśākhamāhātmye saptāśītitamo'dhyāyaḥ

Sanskrit only: no published translation is held for this verse.