Padma Purāṇa 5.91

नारद उवाच-। देवशर्मा महाप्राज्ञः समं सुमनसा तया । तीर्थे कनखले पुण्ये गंगायामतिविश्रुते

nārada uvāca-| devaśarmā mahāprājñaḥ samaṃ sumanasā tayā | tīrthe kanakhale puṇye gaṃgāyāmativiśrute

Sanskrit only: no published translation is held for this verse.

वैशाखे विधिना स्नानं चक्रे मेषस्थिते रवौ । पूजयामास विधिवन्मधुसूदनमच्युतम्

vaiśākhe vidhinā snānaṃ cakre meṣasthite ravau | pūjayāmāsa vidhivanmadhusūdanamacyutam

Sanskrit only: no published translation is held for this verse.

यमैः सनियमैर्युक्तः शक्त्या किंचिद्ददौ ततः । हविष्यभुग्भूमिशायी ब्रह्मचर्यव्रतस्थितः

yamaiḥ saniyamairyuktaḥ śaktyā kiṃciddadau tataḥ | haviṣyabhugbhūmiśāyī brahmacaryavratasthitaḥ

Sanskrit only: no published translation is held for this verse.

कृच्छ्रादि तपसा क्षामो ध्यायन्नारायणं हृदि । तत्र प्राप्य स वैशाखीं दत्वा मधुतिलादिकम्

kṛcchrādi tapasā kṣāmo dhyāyannārāyaṇaṃ hṛdi | tatra prāpya sa vaiśākhīṃ datvā madhutilādikam

Sanskrit only: no published translation is held for this verse.

विप्रेभ्यो भोजनं दत्वा भक्त्या धेनुं सदक्षिणाम् । अच्छिद्रं प्रार्थयामास तत्र स्नानस्य भूसुरान्

viprebhyo bhojanaṃ datvā bhaktyā dhenuṃ sadakṣiṇām | acchidraṃ prārthayāmāsa tatra snānasya bhūsurān

Sanskrit only: no published translation is held for this verse.

सापि साध्वी च सुश्रोणी पतिभक्तिपरायणा । पतिं शुश्रूषते नित्यं स्नात्वा संपूज्य केशवम्

sāpi sādhvī ca suśroṇī patibhaktiparāyaṇā | patiṃ śuśrūṣate nityaṃ snātvā saṃpūjya keśavam

Sanskrit only: no published translation is held for this verse.

तौ दंपती ततो यातौ स्वगेहं साधुहर्षितम् । कृतकृत्यावथात्मानौ मन्यमानावसंशयम्

tau daṃpatī tato yātau svagehaṃ sādhuharṣitam | kṛtakṛtyāvathātmānau manyamānāvasaṃśayam

Sanskrit only: no published translation is held for this verse.

तेन पुण्यप्रभावेण कालेन कियता किल । बभूवुरमितास्तस्य धनधान्यानि संपदः

tena puṇyaprabhāveṇa kālena kiyatā kila | babhūvuramitāstasya dhanadhānyāni saṃpadaḥ

Sanskrit only: no published translation is held for this verse.

तनया विनयोपेताश्चत्वारः श्रुतिकोविदाः । धर्मज्ञा वैष्णवा नित्यं पितृमातृपरायणाः

tanayā vinayopetāścatvāraḥ śrutikovidāḥ | dharmajñā vaiṣṇavā nityaṃ pitṛmātṛparāyaṇāḥ

Sanskrit only: no published translation is held for this verse.

बभूवुरमितप्रज्ञाः पुरुषार्थाय बोधिताः । विख्याता विधितत्त्वज्ञा ब्रह्मज्ञा ब्रह्मतत्पराः

babhūvuramitaprajñāḥ puruṣārthāya bodhitāḥ | vikhyātā vidhitattvajñā brahmajñā brahmatatparāḥ

Sanskrit only: no published translation is held for this verse.

समग्रगुणसंपन्नाः संप्रतिष्ठंति कीर्तयः

samagraguṇasaṃpannāḥ saṃpratiṣṭhaṃti kīrtayaḥ

Sanskrit only: no published translation is held for this verse.

तौ दंपती सुतसमग्रसमृद्धसौख्यं पुण्योदयं समुपयुज्य ततश्चिरेण । स्थानं परं परममीयतुरस्य भक्त्या श्रीमाधवे च सुकृतस्य नृपप्रसादात्

tau daṃpatī sutasamagrasamṛddhasaukhyaṃ puṇyodayaṃ samupayujya tataścireṇa | sthānaṃ paraṃ paramamīyaturasya bhaktyā śrīmādhave ca sukṛtasya nṛpaprasādāt

Sanskrit only: no published translation is held for this verse.

यथैव माधवः साक्षाद्विद्यालक्ष्मी धवः स्मृतः । तथैव माधवो मासो मधुसूदनवल्लभः

yathaiva mādhavaḥ sākṣādvidyālakṣmī dhavaḥ smṛtaḥ | tathaiva mādhavo māso madhusūdanavallabhaḥ

Sanskrit only: no published translation is held for this verse.

इदं माधवमाहात्म्यं किंचित्संक्षेपतोऽनघ । मया ते कथितं वीर यत्पुरा च पितुः श्रुतम्

idaṃ mādhavamāhātmyaṃ kiṃcitsaṃkṣepato'nagha | mayā te kathitaṃ vīra yatpurā ca pituḥ śrutam

Sanskrit only: no published translation is held for this verse.

इति श्रीपद्मपुराणे पातालखंडे नारदांबरीषसंवादे वैशाखमासमाहात्म्ये एकनवतितमोऽध्यायः

iti śrīpadmapurāṇe pātālakhaṃḍe nāradāṃbarīṣasaṃvāde vaiśākhamāsamāhātmye ekanavatitamo'dhyāyaḥ

Sanskrit only: no published translation is held for this verse.