Padma Purāṇa 5.93

नारद उवाच- जातूकर्णवचश्चित्रमेवमाकर्ण्य भूपतिः । तमुवाच नमस्कृत्य ज्ञानिनं मुनिमादरात्

nārada uvāca- jātūkarṇavacaścitramevamākarṇya bhūpatiḥ | tamuvāca namaskṛtya jñāninaṃ munimādarāt

Sanskrit only: no published translation is held for this verse.

दिवोदास उवाच- कथमेषा विमुच्येत दुःखादस्मान्मुनेधुना । जातूकर्ण उवाच-। कथयामि महत्पुण्यं येनेयं सुखिता भवेत्

divodāsa uvāca- kathameṣā vimucyeta duḥkhādasmānmunedhunā | jātūkarṇa uvāca-| kathayāmi mahatpuṇyaṃ yeneyaṃ sukhitā bhavet

Sanskrit only: no published translation is held for this verse.

अप्रकाशमपि प्रायः प्रवक्ष्यामि तवाग्रतः । स्वल्पमप्यद्भुतं कर्म विकर्मशतनाशनम्

aprakāśamapi prāyaḥ pravakṣyāmi tavāgrataḥ | svalpamapyadbhutaṃ karma vikarmaśatanāśanam

Sanskrit only: no published translation is held for this verse.

यथा हरेर्ध्यानबलेन पापं विनाशमायाति महत्समग्रम् । प्रातस्तदा माधवमासदानस्नानेन घोरं विलयं प्रयाति

yathā harerdhyānabalena pāpaṃ vināśamāyāti mahatsamagram | prātastadā mādhavamāsadānasnānena ghoraṃ vilayaṃ prayāti

Sanskrit only: no published translation is held for this verse.

यथा हरेर्भीतिभयेन नागा नश्यंति सर्वे निचयास्तथैव । नूनं रवौ मेषगते विभाति स्नानेन तीर्थे च हरिस्तवेन

yathā harerbhītibhayena nāgā naśyaṃti sarve nicayāstathaiva | nūnaṃ ravau meṣagate vibhāti snānena tīrthe ca haristavena

Sanskrit only: no published translation is held for this verse.

तेजसा वैनतेयस्य पन्नगा इव पातकाः । विद्रवंति च वैशाखस्नानेनोषसि निश्चितम्

tejasā vainateyasya pannagā iva pātakāḥ | vidravaṃti ca vaiśākhasnānenoṣasi niścitam

Sanskrit only: no published translation is held for this verse.

तस्माद्देयापि भूपाल दिव्यादेवी पुनः स्वयम् । कृत्वा वैशाखश्रवणं श्रुत्वा पापहरं स्तवम्

tasmāddeyāpi bhūpāla divyādevī punaḥ svayam | kṛtvā vaiśākhaśravaṇaṃ śrutvā pāpaharaṃ stavam

Sanskrit only: no published translation is held for this verse.

भवित्री भर्तुः संयोगसुखसंभोगभागिनी । सुदेवोऽपि स जातोस्ति पांड्यदेशाधिपो बली

bhavitrī bhartuḥ saṃyogasukhasaṃbhogabhāginī | sudevo'pi sa jātosti pāṃḍyadeśādhipo balī

Sanskrit only: no published translation is held for this verse.

वैशाखमासि रेवायां स्नानपुण्येन भूपते । तस्मा एव सुतां देहि विशुद्धां स्नानतस्तथा

vaiśākhamāsi revāyāṃ snānapuṇyena bhūpate | tasmā eva sutāṃ dehi viśuddhāṃ snānatastathā

Sanskrit only: no published translation is held for this verse.

माधवस्य पुनः स्तोत्रं श्रवणान्माधवस्य च । संदेहो नात्र कर्तव्यो विचित्रं पश्य भूपते

mādhavasya punaḥ stotraṃ śravaṇānmādhavasya ca | saṃdeho nātra kartavyo vicitraṃ paśya bhūpate

Sanskrit only: no published translation is held for this verse.

इहामुत्रफलं तस्य समाख्यं पुण्यकर्मणः । नारद उवाच- इत्याकर्ण्यैव मुदितो राजा तमखिलं ततः

ihāmutraphalaṃ tasya samākhyaṃ puṇyakarmaṇaḥ | nārada uvāca- ityākarṇyaiva mudito rājā tamakhilaṃ tataḥ

Sanskrit only: no published translation is held for this verse.

कारयामास तां पुत्रीं जातूकर्णोदितं विधिम् । वीरसेनेन तेनैव पांड्यदेशाधिपेन सा

kārayāmāsa tāṃ putrīṃ jātūkarṇoditaṃ vidhim | vīrasenena tenaiva pāṃḍyadeśādhipena sā

Sanskrit only: no published translation is held for this verse.

पुराजन्मैकसुहृदा दिव्यादेवी विवाहिता । बुभुजे भूरिविषयांश्चिरं सुचरितव्रता

purājanmaikasuhṛdā divyādevī vivāhitā | bubhuje bhūriviṣayāṃściraṃ sucaritavratā

Sanskrit only: no published translation is held for this verse.

वीरेसेनेन सुहृदा पूर्वजन्मकृतेन च । एतत्ते किंचिदाख्यातमंबरीष समासतः

vīresenena suhṛdā pūrvajanmakṛtena ca | etatte kiṃcidākhyātamaṃbarīṣa samāsataḥ

Sanskrit only: no published translation is held for this verse.

वैशाखस्नानमाहात्म्यं किमन्यच्छ्रोतुमर्हसि

vaiśākhasnānamāhātmyaṃ kimanyacchrotumarhasi

Sanskrit only: no published translation is held for this verse.

इति श्रीपद्मपुराणे पातालखंडे वैशाखमासमाहात्म्ये चित्रोपाख्याने। त्रिनवतितमोऽध्यायः

iti śrīpadmapurāṇe pātālakhaṃḍe vaiśākhamāsamāhātmye citropākhyāne| trinavatitamo'dhyāyaḥ

Sanskrit only: no published translation is held for this verse.