Padma Purāṇa 5.94

स्मृताश्च मुनिना तीर्थे स्नापिता नामतस्तथा । प्रेताः पुण्यवता तेन सद्यो मुक्ता दिवं ययुः

smṛtāśca muninā tīrthe snāpitā nāmatastathā | pretāḥ puṇyavatā tena sadyo muktā divaṃ yayuḥ

Sanskrit only: no published translation is held for this verse.

ते पापिनः पंच यदैव रेवाजले निमग्ना वचसैव तस्य । श्रीमाधवे मासि विवर्णदेहाः सद्यः सुवर्णैकरुचो बभूवुः

te pāpinaḥ paṃca yadaiva revājale nimagnā vacasaiva tasya | śrīmādhave māsi vivarṇadehāḥ sadyaḥ suvarṇaikaruco babhūvuḥ

Sanskrit only: no published translation is held for this verse.

पापप्रशमनं स्तोत्रं श्राविता मुनिशर्मणा । समक्षं सर्वलोकानां जातास्ते वरकांतयः

pāpapraśamanaṃ stotraṃ śrāvitā muniśarmaṇā | samakṣaṃ sarvalokānāṃ jātāste varakāṃtayaḥ

Sanskrit only: no published translation is held for this verse.

तत्रस्था मानवास्तांस्तु विरजान्स्नानमात्रतः । न स्पृशंति च राजेंद्र पापिसंसर्गशंकथा

tatrasthā mānavāstāṃstu virajānsnānamātrataḥ | na spṛśaṃti ca rājeṃdra pāpisaṃsargaśaṃkathā

Sanskrit only: no published translation is held for this verse.

मुनिशर्मानुरोधेन ततो धर्मप्रमाणतः । सद्यो दिव्याभवद्वाणी यदेते विगतैनसः

muniśarmānurodhena tato dharmapramāṇataḥ | sadyo divyābhavadvāṇī yadete vigatainasaḥ

Sanskrit only: no published translation is held for this verse.

स्नातानां माधवेमासि मुकुंदहृदयात्मनाम् । पापप्रशमनं स्तोत्रं शृण्वतामिह सादरम्

snātānāṃ mādhavemāsi mukuṃdahṛdayātmanām | pāpapraśamanaṃ stotraṃ śṛṇvatāmiha sādaram

Sanskrit only: no published translation is held for this verse.

चित्रं किमत्र या शुद्धिर्जायते पापसंचयात् । सर्वेषामेव पापानां प्रायश्चित्तमिदं परम्

citraṃ kimatra yā śuddhirjāyate pāpasaṃcayāt | sarveṣāmeva pāpānāṃ prāyaścittamidaṃ param

Sanskrit only: no published translation is held for this verse.

यत्प्रातर्माधवे मासि भक्त्या तीर्थेऽवगाहनम् । यतः प्रेतास्तु ते पापाः स्नापिता नाममात्रतः

yatprātarmādhave māsi bhaktyā tīrthe'vagāhanam | yataḥ pretāstu te pāpāḥ snāpitā nāmamātrataḥ

Sanskrit only: no published translation is held for this verse.

स्मृताः पुण्यवता तेन मोचिता मुनिशर्मणा

smṛtāḥ puṇyavatā tena mocitā muniśarmaṇā

Sanskrit only: no published translation is held for this verse.

इत्येवमाकर्ण्य गिरं नभःस्थामत्यद्भुतामाशु ततो मनुष्याः । शशंसुरेतानपि पंचपुण्यान्वैशाखमासं च मुनिं च रेवाम्

ityevamākarṇya giraṃ nabhaḥsthāmatyadbhutāmāśu tato manuṣyāḥ | śaśaṃsuretānapi paṃcapuṇyānvaiśākhamāsaṃ ca muniṃ ca revām

Sanskrit only: no published translation is held for this verse.

अथ चाकर्ण्य भूपालः स्तवं दुरितनाशनम् । यदाकर्ण्य नरो भक्त्या मुच्यते पापराशिभिः

atha cākarṇya bhūpālaḥ stavaṃ duritanāśanam | yadākarṇya naro bhaktyā mucyate pāparāśibhiḥ

Sanskrit only: no published translation is held for this verse.

यस्य श्रवणमात्रेण पापिनः शुद्धिमागताः । अन्येऽपि बहवो मुक्ताः पापादज्ञानसंभवात्

yasya śravaṇamātreṇa pāpinaḥ śuddhimāgatāḥ | anye'pi bahavo muktāḥ pāpādajñānasaṃbhavāt

Sanskrit only: no published translation is held for this verse.

परदार परद्रव्य जीवहिंसादिके यदा । प्रवर्तते नृणां चित्तं प्रायश्चित्तं स्तुतिस्तदा

paradāra paradravya jīvahiṃsādike yadā | pravartate nṛṇāṃ cittaṃ prāyaścittaṃ stutistadā

Sanskrit only: no published translation is held for this verse.

विष्णवे विष्णवे नित्यं विष्णवे विष्णवे नमः । नमामि विष्णुं चित्तस्थमहंकारगतं हरिम्

viṣṇave viṣṇave nityaṃ viṣṇave viṣṇave namaḥ | namāmi viṣṇuṃ cittasthamahaṃkāragataṃ harim

Sanskrit only: no published translation is held for this verse.

चित्तस्थमीशमव्यक्तमनंतमपराजितम् । विष्णुमीड्यमशेषाणामनादिनिधनं विभुम्

cittasthamīśamavyaktamanaṃtamaparājitam | viṣṇumīḍyamaśeṣāṇāmanādinidhanaṃ vibhum

Sanskrit only: no published translation is held for this verse.

विष्णुश्चित्तगतो यन्मे विष्णुर्बुद्धिगतश्च यत् । यच्चाहंकारको विष्णुर्यो विष्णुर्मयि संस्थितः

viṣṇuścittagato yanme viṣṇurbuddhigataśca yat | yaccāhaṃkārako viṣṇuryo viṣṇurmayi saṃsthitaḥ

Sanskrit only: no published translation is held for this verse.

करोति कर्तृभूतोऽसौ स्थावरस्य चरस्य च । तत्पापं नाशमायाति तस्मिन्नेव हि चिंतिते

karoti kartṛbhūto'sau sthāvarasya carasya ca | tatpāpaṃ nāśamāyāti tasminneva hi ciṃtite

Sanskrit only: no published translation is held for this verse.

ध्यातो हरति यत्पापं स्वप्ने दृष्टस्तु भावनात् । तमुपेंद्रंमहं विष्णुं प्रणमामि नतिप्रियम्

dhyāto harati yatpāpaṃ svapne dṛṣṭastu bhāvanāt | tamupeṃdraṃmahaṃ viṣṇuṃ praṇamāmi natipriyam

Sanskrit only: no published translation is held for this verse.

जगत्यस्मिन्निरालंबे मधुसूदनमच्युतम् । हस्तावलंबनं स्तोत्रं विष्णुं वंदे परात्परम्

jagatyasminnirālaṃbe madhusūdanamacyutam | hastāvalaṃbanaṃ stotraṃ viṣṇuṃ vaṃde parātparam

Sanskrit only: no published translation is held for this verse.

सर्वेश्वरेश्वरविभो परमात्मन्नधोक्षज । हृषीकेश हृषीकेश हृषीकेश नमोस्तु ते

sarveśvareśvaravibho paramātmannadhokṣaja | hṛṣīkeśa hṛṣīkeśa hṛṣīkeśa namostu te

Sanskrit only: no published translation is held for this verse.

नृसिंहानंत गोविंद भूतभावन केशव । दुरुक्तं दुष्कृतं ध्यातं शम पापं नमोस्तु ते

nṛsiṃhānaṃta goviṃda bhūtabhāvana keśava | duruktaṃ duṣkṛtaṃ dhyātaṃ śama pāpaṃ namostu te

Sanskrit only: no published translation is held for this verse.

यन्मया चिंतितं दुष्टं स्वचित्तवशवर्तिना । अकार्य्यमघमत्युग्रं तच्छमं नय केशव

yanmayā ciṃtitaṃ duṣṭaṃ svacittavaśavartinā | akāryyamaghamatyugraṃ tacchamaṃ naya keśava

Sanskrit only: no published translation is held for this verse.

ब्रह्मण्यदेव गोविंद परमार्थपरायण । जगन्नाथ जगद्धातः पापं शमय मेऽच्युत

brahmaṇyadeva goviṃda paramārthaparāyaṇa | jagannātha jagaddhātaḥ pāpaṃ śamaya me'cyuta

Sanskrit only: no published translation is held for this verse.

यच्चापराह्णे सायाह्ने मध्याह्ने च तथा निशि । कायेन मनसा वाचा कृतं पापमजानता

yaccāparāhṇe sāyāhne madhyāhne ca tathā niśi | kāyena manasā vācā kṛtaṃ pāpamajānatā

Sanskrit only: no published translation is held for this verse.

जानता च हृषीकेश पुंडरीकाक्ष माधव । नामत्रयोच्चारणतः सर्वे यांतु मम क्षयम्

jānatā ca hṛṣīkeśa puṃḍarīkākṣa mādhava | nāmatrayoccāraṇataḥ sarve yāṃtu mama kṣayam

Sanskrit only: no published translation is held for this verse.

शारीरं मे हृषीकेश पुंडरीकाक्ष मानसम् । पापं प्रशममायातु वाक्कृतं मम माधव

śārīraṃ me hṛṣīkeśa puṃḍarīkākṣa mānasam | pāpaṃ praśamamāyātu vākkṛtaṃ mama mādhava

Sanskrit only: no published translation is held for this verse.

यद्भुंजानः पिबंस्तिष्ठन्स्वपञ्जाग्रद्यदास्थितः । अकार्षं पापमर्थार्थं कायेन मनसा गिरा

yadbhuṃjānaḥ pibaṃstiṣṭhansvapañjāgradyadāsthitaḥ | akārṣaṃ pāpamarthārthaṃ kāyena manasā girā

Sanskrit only: no published translation is held for this verse.

महदल्पमपि प्रायो दुर्योनि नरकावहम् । तत्पापं प्रशमं यातु वासुदेवस्य कीर्तनात्

mahadalpamapi prāyo duryoni narakāvaham | tatpāpaṃ praśamaṃ yātu vāsudevasya kīrtanāt

Sanskrit only: no published translation is held for this verse.

परं ब्रह्म परं धाम पवित्रं परमं च यत् । तस्मिन्प्रकीर्तिते विष्णौ यत्पापं तत्प्रणश्यतु

paraṃ brahma paraṃ dhāma pavitraṃ paramaṃ ca yat | tasminprakīrtite viṣṇau yatpāpaṃ tatpraṇaśyatu

Sanskrit only: no published translation is held for this verse.

यत्प्राप्य न निवर्त्तंते गंधस्पर्शादिवर्जिताः । सूरयस्तत्पदं विष्णोस्तत्सर्वं शमयत्वयम्

yatprāpya na nivarttaṃte gaṃdhasparśādivarjitāḥ | sūrayastatpadaṃ viṣṇostatsarvaṃ śamayatvayam

Sanskrit only: no published translation is held for this verse.

पापप्रशमनं स्तोत्रं यः पठेच्छृणुयान्नरः । शारीरैर्मानसैर्वाग्जैः कृतैः पापैः स मुच्यते

pāpapraśamanaṃ stotraṃ yaḥ paṭhecchṛṇuyānnaraḥ | śārīrairmānasairvāgjaiḥ kṛtaiḥ pāpaiḥ sa mucyate

Sanskrit only: no published translation is held for this verse.

मुक्तः पापग्रहादिभ्यो याति विष्णोः परं पदम् । तस्मात्पापे कृतं जप्यं स्तोत्रं सर्वाघमर्दनम्

muktaḥ pāpagrahādibhyo yāti viṣṇoḥ paraṃ padam | tasmātpāpe kṛtaṃ japyaṃ stotraṃ sarvāghamardanam

Sanskrit only: no published translation is held for this verse.

प्रायश्चित्तमघौघानां पठितव्यं नरोत्तमैः । प्रायश्चित्तैः स्तोत्रवरैर्व्रतैर्नश्यति पातकम्

prāyaścittamaghaughānāṃ paṭhitavyaṃ narottamaiḥ | prāyaścittaiḥ stotravarairvratairnaśyati pātakam

Sanskrit only: no published translation is held for this verse.

ततः कार्याणि संसिद्ध्यै तानि वै भुक्तिमुक्तये । पूर्वजन्मार्जितं पापमैहिकं च नरेश्वर

tataḥ kāryāṇi saṃsiddhyai tāni vai bhuktimuktaye | pūrvajanmārjitaṃ pāpamaihikaṃ ca nareśvara

Sanskrit only: no published translation is held for this verse.

स्तवस्य श्रवणादस्य सद्य एव विलीयते । पापद्रुमकुठारोऽयं पापेंधनदवानलः

stavasya śravaṇādasya sadya eva vilīyate | pāpadrumakuṭhāro'yaṃ pāpeṃdhanadavānalaḥ

Sanskrit only: no published translation is held for this verse.

पापराशितमः स्तोम भानुरेष स्तवो नृप । मया प्रकाशितस्तुभ्यं तथा लोकानुकंपया

pāparāśitamaḥ stoma bhānureṣa stavo nṛpa | mayā prakāśitastubhyaṃ tathā lokānukaṃpayā

Sanskrit only: no published translation is held for this verse.

स्तवो योऽयं मया प्राप्तो रहस्यं पितुरादरात् । इतिहासमिमं पुण्यं यः शृणोति नराधिप

stavo yo'yaṃ mayā prāpto rahasyaṃ piturādarāt | itihāsamimaṃ puṇyaṃ yaḥ śṛṇoti narādhipa

Sanskrit only: no published translation is held for this verse.

तस्यापि पुण्यमाहात्म्यं वक्तुं शक्तः स्वयं हरिः । स्वस्ति तेस्तु महाराज गंगायामथ सत्वरम्

tasyāpi puṇyamāhātmyaṃ vaktuṃ śaktaḥ svayaṃ hariḥ | svasti testu mahārāja gaṃgāyāmatha satvaram

Sanskrit only: no published translation is held for this verse.

स्नातुं यामि समायातो मासोऽयं माधवो महान्

snātuṃ yāmi samāyāto māso'yaṃ mādhavo mahān

Sanskrit only: no published translation is held for this verse.