Library·Padma Purāṇa·5·5.95
विख्यातराजोचितवंशरत्नं निरंतरं धर्मरुचिर्यशस्वी । सौंदर्यशौर्योदयदानशीलः सुपुत्रवानस्मि जितारिवर्गः
vikhyātarājocitavaṃśaratnaṃ niraṃtaraṃ dharmaruciryaśasvī | sauṃdaryaśauryodayadānaśīlaḥ suputravānasmi jitārivargaḥ
Sanskrit only: no published translation is held for this verse.
केनापि पुण्येन पवित्रबुद्धिर्जातोहमीदृग्गुणसंतश्रीः । इयं पुनः श्रीरिव पुण्यमूर्तिर्लब्धा कुतः कांतिमती च कांता
kenāpi puṇyena pavitrabuddhirjātohamīdṛgguṇasaṃtaśrīḥ | iyaṃ punaḥ śrīriva puṇyamūrtirlabdhā kutaḥ kāṃtimatī ca kāṃtā
Sanskrit only: no published translation is held for this verse.
इदं मे सुकृतं सर्वं पुराजन्मनि चेष्टितम् । समादिश मुने सम्यक्सर्वज्ञोसि दयानिधे
idaṃ me sukṛtaṃ sarvaṃ purājanmani ceṣṭitam | samādiśa mune samyaksarvajñosi dayānidhe
Sanskrit only: no published translation is held for this verse.
नारद उवाच- इयं रूपवती नाम वेश्यासीदन्यजन्मनि । सांप्रतं तव भार्या या सत्याचारातिसुंदरी
nārada uvāca- iyaṃ rūpavatī nāma veśyāsīdanyajanmani | sāṃprataṃ tava bhāryā yā satyācārātisuṃdarī
Sanskrit only: no published translation is held for this verse.
वेश्याधर्मेण वर्तेत यथोद्दिष्टेन भाविनी । कुर्वती किल कर्माणि शुभानि द्विजशासनात्
veśyādharmeṇa varteta yathoddiṣṭena bhāvinī | kurvatī kila karmāṇi śubhāni dvijaśāsanāt
Sanskrit only: no published translation is held for this verse.
देवदास इति ख्यातो हेमकारो भवानभूत् । पूर्वजन्मनि वै तस्या रुचेर्भर्ता भुजंगमः
devadāsa iti khyāto hemakāro bhavānabhūt | pūrvajanmani vai tasyā rucerbhartā bhujaṃgamaḥ
Sanskrit only: no published translation is held for this verse.
इयं भवंतं भजते रुची रूपवती पुनः । व्ययार्थमयनं धर्मं स्थिता विज्ञानमुत्तमम्
iyaṃ bhavaṃtaṃ bhajate rucī rūpavatī punaḥ | vyayārthamayanaṃ dharmaṃ sthitā vijñānamuttamam
Sanskrit only: no published translation is held for this verse.
आकर्ण्य चैकदा धर्मं वैशाखस्नानसंभवम् । चक्रे धर्मवती तोये स्नानं मेषगते रवौ
ākarṇya caikadā dharmaṃ vaiśākhasnānasaṃbhavam | cakre dharmavatī toye snānaṃ meṣagate ravau
Sanskrit only: no published translation is held for this verse.
दानं दत्तवती दक्षा वेश्या रूपवती सदा । ब्राह्मणाय नमस्कारं भक्त्यादरपुरःसरम्
dānaṃ dattavatī dakṣā veśyā rūpavatī sadā | brāhmaṇāya namaskāraṃ bhaktyādarapuraḥsaram
Sanskrit only: no published translation is held for this verse.
स तया देवदासस्त्वं बोधितः स्नेहयंत्रितः । कृतवान्बुद्धितः स्नानं माधवे मासि सादरम्
sa tayā devadāsastvaṃ bodhitaḥ snehayaṃtritaḥ | kṛtavānbuddhitaḥ snānaṃ mādhave māsi sādaram
Sanskrit only: no published translation is held for this verse.
तत्र त्रेतायुगस्यादौ तृतीयामाप्यनिर्मलाम् । सुवर्णकारं सोवाच देवदासं तमादरात्
tatra tretāyugasyādau tṛtīyāmāpyanirmalām | suvarṇakāraṃ sovāca devadāsaṃ tamādarāt
Sanskrit only: no published translation is held for this verse.
वेश्योवाच- उत्तमं कुरु सौवर्णं मधुसूदनमच्युतम् । पूजयित्वा यवैर्देवमेतैः संतर्प्य चानलम्
veśyovāca- uttamaṃ kuru sauvarṇaṃ madhusūdanamacyutam | pūjayitvā yavairdevametaiḥ saṃtarpya cānalam
Sanskrit only: no published translation is held for this verse.
ब्राह्मणाय च दास्यामि ब्राह्मणानामनुज्ञया । दानमेतत्पुराणेषु कथ्यते तत्र चाक्षयम्
brāhmaṇāya ca dāsyāmi brāhmaṇānāmanujñayā | dānametatpurāṇeṣu kathyate tatra cākṣayam
Sanskrit only: no published translation is held for this verse.
अक्षयेति तृतीयासौ ब्राह्मणेभ्यः श्रुतं मया । शुक्ला वैशाखमासस्य तदक्षयफलप्रदम्
akṣayeti tṛtīyāsau brāhmaṇebhyaḥ śrutaṃ mayā | śuklā vaiśākhamāsasya tadakṣayaphalapradam
Sanskrit only: no published translation is held for this verse.
अस्यां दास्यामि तं हैमं मधुसूदनमव्ययम् । नारद उवाच- इति तस्य वचः श्रुत्वा मधुरं हेमकारकः
asyāṃ dāsyāmi taṃ haimaṃ madhusūdanamavyayam | nārada uvāca- iti tasya vacaḥ śrutvā madhuraṃ hemakārakaḥ
Sanskrit only: no published translation is held for this verse.
चक्रे सुवर्णप्रतिमामच्युतस्यापि सुंदरीम् । सत्यभावेन धर्मार्थमिति चौर्यविवर्जितः
cakre suvarṇapratimāmacyutasyāpi suṃdarīm | satyabhāvena dharmārthamiti cauryavivarjitaḥ
Sanskrit only: no published translation is held for this verse.
यथोद्दिष्टस्य चंद्रस्य प्रतिमां लक्षणान्विताम् । ददौ सा च विधानेन स्नात्वा विप्राय सुंदरीम्
yathoddiṣṭasya caṃdrasya pratimāṃ lakṣaṇānvitām | dadau sā ca vidhānena snātvā viprāya suṃdarīm
Sanskrit only: no published translation is held for this verse.
पूजयित्वा ततस्तस्यामक्षयायां तिथौ नृप
pūjayitvā tatastasyāmakṣayāyāṃ tithau nṛpa
Sanskrit only: no published translation is held for this verse.
कालेन कियता वेश्या सा मृता धर्मनिष्ठिता । देवदासोऽपि स ततो मृतः स्वीयायुषक्षये
kālena kiyatā veśyā sā mṛtā dharmaniṣṭhitā | devadāso'pi sa tato mṛtaḥ svīyāyuṣakṣaye
Sanskrit only: no published translation is held for this verse.
तेन पुण्येन भूपाल हेमकारोऽन्य जन्मनि । स त्वं प्राप्तो महीं राजन्नशेषगुणसंयुतः
tena puṇyena bhūpāla hemakāro'nya janmani | sa tvaṃ prāpto mahīṃ rājannaśeṣaguṇasaṃyutaḥ
Sanskrit only: no published translation is held for this verse.
सापि रूपवती वेश्या तेन धर्मेण तेऽभवत् । नाम्ना कांतिमती कांता प्रणयेन परिप्लुता
sāpi rūpavatī veśyā tena dharmeṇa te'bhavat | nāmnā kāṃtimatī kāṃtā praṇayena pariplutā
Sanskrit only: no published translation is held for this verse.
विविधा वासना वीर कर्मणां पूर्वसंभवाः । विचित्रा गतयस्तात ज्ञायंते न बुधैरपि
vividhā vāsanā vīra karmaṇāṃ pūrvasaṃbhavāḥ | vicitrā gatayastāta jñāyaṃte na budhairapi
Sanskrit only: no published translation is held for this verse.
तमेनं माधवं मासं प्रतिकार्यं न संशयः । गोपितं तेन देवेन ब्रह्मणा माधवेन च
tamenaṃ mādhavaṃ māsaṃ pratikāryaṃ na saṃśayaḥ | gopitaṃ tena devena brahmaṇā mādhavena ca
Sanskrit only: no published translation is held for this verse.
असाधुसंगैरनवाप्तविद्यैरसंयतैराश्रमधर्महीनैः । अभूततीर्थैरकृतव्रतैस्तैर्न लभ्यते माधवमासधर्मः
asādhusaṃgairanavāptavidyairasaṃyatairāśramadharmahīnaiḥ | abhūtatīrthairakṛtavrataistairna labhyate mādhavamāsadharmaḥ
Sanskrit only: no published translation is held for this verse.
गोविंदकेशवमुकुंदहरे मुरारे लक्ष्मीनिवास मधुसूदन कृष्ण विष्णो । वाणी वरा न वदने वसतीति येषां वैशाखमासनियमो भवते न तेषाम्
goviṃdakeśavamukuṃdahare murāre lakṣmīnivāsa madhusūdana kṛṣṇa viṣṇo | vāṇī varā na vadane vasatīti yeṣāṃ vaiśākhamāsaniyamo bhavate na teṣām
Sanskrit only: no published translation is held for this verse.
ये साधुसाधु वचनानि हिताधिकानि नाकर्णयंति च हरेश्चरितामृतानि । पश्यंति ये न कमलापतिकेतनानि वैशाखमासनियमं न हि ते लभंते
ye sādhusādhu vacanāni hitādhikāni nākarṇayaṃti ca hareścaritāmṛtāni | paśyaṃti ye na kamalāpatiketanāni vaiśākhamāsaniyamaṃ na hi te labhaṃte
Sanskrit only: no published translation is held for this verse.
शुश्रूषिता न गुरवो न वराय कन्या दत्ता समाय समये समलंकृता यैः । अध्यापिता न तनया विनयादि धर्मं वैशाखमासनियमं न हि ते लभंते
śuśrūṣitā na guravo na varāya kanyā dattā samāya samaye samalaṃkṛtā yaiḥ | adhyāpitā na tanayā vinayādi dharmaṃ vaiśākhamāsaniyamaṃ na hi te labhaṃte
Sanskrit only: no published translation is held for this verse.
सूत उवाच- इत्येवमादिश्य मुनिर्नरेश मामंत्र्य तं मंत्रविदग्रगण्यः । स्नातुं ययौ माधवमासि गंगामभ्यर्चितस्तेन तदा स विप्राः
sūta uvāca- ityevamādiśya munirnareśa māmaṃtrya taṃ maṃtravidagragaṇyaḥ | snātuṃ yayau mādhavamāsi gaṃgāmabhyarcitastena tadā sa viprāḥ
Sanskrit only: no published translation is held for this verse.
विधिं स राजापि ततश्चकार वैशाखमासस्य मुनिप्रणीतम् । पत्न्यासमं पुण्यधिया तमेव संचिंतयँल्लोकपवित्रकीर्तिः
vidhiṃ sa rājāpi tataścakāra vaiśākhamāsasya munipraṇītam | patnyāsamaṃ puṇyadhiyā tameva saṃciṃtaya~llokapavitrakīrtiḥ
Sanskrit only: no published translation is held for this verse.