ऋषय ऊचुः - सूतसूतमहाप्राज्ञ जीवजीव शतंसमाः । यद्वयं पुण्यसमयं श्राविता जगतो हितम्
ṛṣaya ūcuḥ - sūtasūtamahāprājña jīvajīva śataṃsamāḥ | yadvayaṃ puṇyasamayaṃ śrāvitā jagato hitam
Sanskrit only: no published translation is held for this verse.
Library·Padma Purāṇa·5·5.96
Padma Purāṇa 5.96
वद भूयोऽपि भूयिष्ठं पिबामस्तावकं वचः । पायंपायं न तृप्यामो वयं सूत तदुत्तमम्
vada bhūyo'pi bhūyiṣṭhaṃ pibāmastāvakaṃ vacaḥ | pāyaṃpāyaṃ na tṛpyāmo vayaṃ sūta taduttamam
Sanskrit only: no published translation is held for this verse.
सूत उवाच- अत्राप्युदाहरंतीममितिहासं पुरातनम् । संवादमादिलोकस्य जगतां जगदीशितुः
sūta uvāca- atrāpyudāharaṃtīmamitihāsaṃ purātanam | saṃvādamādilokasya jagatāṃ jagadīśituḥ
Sanskrit only: no published translation is held for this verse.
षट्सहस्राणिचोच्छ्रायो विस्तारेण पुनस्त्रयम् । एवं नवसहस्राणि योजनानां विधाय च
ṣaṭsahasrāṇicocchrāyo vistāreṇa punastrayam | evaṃ navasahasrāṇi yojanānāṃ vidhāya ca
Sanskrit only: no published translation is held for this verse.
वामया दंष्ट्रया गृह्य उद्धृतादौ वसुंधरा । दिव्यवर्षसहस्रं वै दंष्ट्रया धारिता मही
vāmayā daṃṣṭrayā gṛhya uddhṛtādau vasuṃdharā | divyavarṣasahasraṃ vai daṃṣṭrayā dhāritā mahī
Sanskrit only: no published translation is held for this verse.
धर्माख्यानप्रसंगेन सोवाच विनयाद्विभुम् । पृथिव्युवाच- एते द्वादश मासा वै षष्टिर्दिनशतत्रयम्
dharmākhyānaprasaṃgena sovāca vinayādvibhum | pṛthivyuvāca- ete dvādaśa māsā vai ṣaṣṭirdinaśatatrayam
Sanskrit only: no published translation is held for this verse.
एषां किमुत्तमं पुण्यं प्रियं च तव केशव । पवित्रः कार्तिको मासस्तुलासंस्थे दिवाकरे
eṣāṃ kimuttamaṃ puṇyaṃ priyaṃ ca tava keśava | pavitraḥ kārtiko māsastulāsaṃsthe divākare
Sanskrit only: no published translation is held for this verse.
मकरस्थे रवौ मासः पुराणे पावनः स्मृतः । मेषस्थे माधवो मासो भास्करे पठ्यते बुधैः
makarasthe ravau māsaḥ purāṇe pāvanaḥ smṛtaḥ | meṣasthe mādhavo māso bhāskare paṭhyate budhaiḥ
Sanskrit only: no published translation is held for this verse.
मार्गशीर्षोऽपि मासानां पावनः परिकीर्तितः । एवं मासाः पवित्रास्ते वासराः केपि कीर्तिताः
mārgaśīrṣo'pi māsānāṃ pāvanaḥ parikīrtitaḥ | evaṃ māsāḥ pavitrāste vāsarāḥ kepi kīrtitāḥ
Sanskrit only: no published translation is held for this verse.
युगादयो युगांताश्च तथा कल्पादयोऽपि च । सर्वेभ्योऽप्यधिकं मासमेतेभ्यो वद पावनम्
yugādayo yugāṃtāśca tathā kalpādayo'pi ca | sarvebhyo'pyadhikaṃ māsametebhyo vada pāvanam
Sanskrit only: no published translation is held for this verse.
सर्वयज्ञमय श्रीमन्नेकं निश्चित्य मे वद । वराह उवाच- विधिनाविधिनाचैव ये यजंति नराधमाः
sarvayajñamaya śrīmannekaṃ niścitya me vada | varāha uvāca- vidhināvidhinācaiva ye yajaṃti narādhamāḥ
Sanskrit only: no published translation is held for this verse.
माधवे मासि मां भक्त्या तैश्च पूज्योऽस्म्यहं सदा । हिरण्याक्षो वरारोहे माधवे तु मधुर्हत
mādhave māsi māṃ bhaktyā taiśca pūjyo'smyahaṃ sadā | hiraṇyākṣo varārohe mādhave tu madhurhata
Sanskrit only: no published translation is held for this verse.
आदिदैत्यावुभावेतौ हत्वा त्वं तु समुद्धृता । त्रेतायुगे त्रयी धर्मो ज्ञानवर्णव्यवस्थितिः
ādidaityāvubhāvetau hatvā tvaṃ tu samuddhṛtā | tretāyuge trayī dharmo jñānavarṇavyavasthitiḥ
Sanskrit only: no published translation is held for this verse.
माधवे मासि संभूता तेन मे माधवःप्रियः । त्रेतायुगं तृतीयायां शुक्लायां मासि माधवे
mādhave māsi saṃbhūtā tena me mādhavaḥpriyaḥ | tretāyugaṃ tṛtīyāyāṃ śuklāyāṃ māsi mādhave
Sanskrit only: no published translation is held for this verse.
प्रवृत्तं च त्रयी धर्माः प्रवृत्तास्ते प्रवर्द्धिताः । अक्षया सोच्यते लोके तृतीया हरिवल्लभा
pravṛttaṃ ca trayī dharmāḥ pravṛttāste pravarddhitāḥ | akṣayā socyate loke tṛtīyā harivallabhā
Sanskrit only: no published translation is held for this verse.
स्नाने दानार्चने श्राद्धे जपे पूर्वजतर्प्पणे । येऽर्चयंति यवैर्विष्णुं श्राद्धं कुर्वंति यत्नतः
snāne dānārcane śrāddhe jape pūrvajatarppaṇe | ye'rcayaṃti yavairviṣṇuṃ śrāddhaṃ kurvaṃti yatnataḥ
Sanskrit only: no published translation is held for this verse.
तेषां ददाम्यहं सर्वं यन्मनोऽभीष्टमुत्तमम् । ये ददंत्यपि दानानि धन्यास्ते धार्मिका नराः
teṣāṃ dadāmyahaṃ sarvaṃ yanmano'bhīṣṭamuttamam | ye dadaṃtyapi dānāni dhanyāste dhārmikā narāḥ
Sanskrit only: no published translation is held for this verse.
ये यजंति हरेर्नित्यमध्वरैर्विविधैरपि । माधवे यजते यो मां तेभ्यस्तदधिकं फलम्
ye yajaṃti harernityamadhvarairvividhairapi | mādhave yajate yo māṃ tebhyastadadhikaṃ phalam
Sanskrit only: no published translation is held for this verse.
स्नानं दानं जपो होमस्तपो यज्ञ व्रतादिकम् । वैशाखे यत्कृतं देवि तस्य पुण्यफलं शृणु
snānaṃ dānaṃ japo homastapo yajña vratādikam | vaiśākhe yatkṛtaṃ devi tasya puṇyaphalaṃ śṛṇu
Sanskrit only: no published translation is held for this verse.
मन्वंतराणां कोट्यस्तु दशपंच च सप्त च । मत्सान्निध्यगतास्तेपि तिष्ठंति भयवर्जिताः
manvaṃtarāṇāṃ koṭyastu daśapaṃca ca sapta ca | matsānnidhyagatāstepi tiṣṭhaṃti bhayavarjitāḥ
Sanskrit only: no published translation is held for this verse.
यद्यपि स्युर्ग्रहाः सर्वे क्रूरा जन्मव्ययाष्टकाः । प्रातःस्नानेन वैशाखे सर्वे सौम्या भवंति ते
yadyapi syurgrahāḥ sarve krūrā janmavyayāṣṭakāḥ | prātaḥsnānena vaiśākhe sarve saumyā bhavaṃti te
Sanskrit only: no published translation is held for this verse.
वैशाखे मासि यो विप्रान्भोजयेद्भक्तितत्परः । सिक्थेसिक्थे भवेत्तृप्तिः पितॄणां युगसंख्यया
vaiśākhe māsi yo viprānbhojayedbhaktitatparaḥ | sikthesikthe bhavettṛptiḥ pitṝṇāṃ yugasaṃkhyayā
Sanskrit only: no published translation is held for this verse.
यच्छंति तत्र मधुराधिकभोजनानि ये वायवाशन तिलोदक भोजनानि । छत्रांबराणि चरणोचितरक्षणानि धन्यास्त एव परितोषकराहि विष्णोः
yacchaṃti tatra madhurādhikabhojanāni ye vāyavāśana tilodaka bhojanāni | chatrāṃbarāṇi caraṇocitarakṣaṇāni dhanyāsta eva paritoṣakarāhi viṣṇoḥ
Sanskrit only: no published translation is held for this verse.
विशेषादिह दातव्यास्तिला मधुसमन्विताः । धर्माय बृहते दीर्घ दुरितक्षय हेतवे
viśeṣādiha dātavyāstilā madhusamanvitāḥ | dharmāya bṛhate dīrgha duritakṣaya hetave
Sanskrit only: no published translation is held for this verse.
एवंकृते तु यत्पुण्यं प्राप्यते मनुजैश्च तैः । तत्कैर्गणयितुं शक्यं वर्षकोटिशतैरपि
evaṃkṛte tu yatpuṇyaṃ prāpyate manujaiśca taiḥ | tatkairgaṇayituṃ śakyaṃ varṣakoṭiśatairapi
Sanskrit only: no published translation is held for this verse.
पुत्रपौत्रादिसंपत्ति दीर्घायूंषि यथेप्सितम् । इहाप्नोति परत्रापि मामेव प्रतिपद्यते
putrapautrādisaṃpatti dīrghāyūṃṣi yathepsitam | ihāpnoti paratrāpi māmeva pratipadyate
Sanskrit only: no published translation is held for this verse.
अनेकजन्मार्जित पातकावली विलीयते माधव मज्जनेन । जनस्य तत्रोषसि पुण्यतीर्थे यथाविधानं श्रयते तथा वा
anekajanmārjita pātakāvalī vilīyate mādhava majjanena | janasya tatroṣasi puṇyatīrthe yathāvidhānaṃ śrayate tathā vā
Sanskrit only: no published translation is held for this verse.
यः परित्यज्य वैशाखं व्रतमन्यदुपाचरेत् । स करस्थं महारत्नं हित्वा लोष्टं हि याचते
yaḥ parityajya vaiśākhaṃ vratamanyadupācaret | sa karasthaṃ mahāratnaṃ hitvā loṣṭaṃ hi yācate
Sanskrit only: no published translation is held for this verse.
सूतउवाच- एवं स भगवान्पूर्वमादिदेवो वदद्विभुः । माधवं मासमुद्दिश्य जगत्यां जगतीधरः
sūtauvāca- evaṃ sa bhagavānpūrvamādidevo vadadvibhuḥ | mādhavaṃ māsamuddiśya jagatyāṃ jagatīdharaḥ
Sanskrit only: no published translation is held for this verse.
किमत्र बहुनोक्तेन न तदस्ति महीसुराः । यदप्राप्यं भवेन्मासि माधवे माधवार्चनात्
kimatra bahunoktena na tadasti mahīsurāḥ | yadaprāpyaṃ bhavenmāsi mādhave mādhavārcanāt
Sanskrit only: no published translation is held for this verse.
शृणुध्वं च पुरावृत्तमिहार्थे परमाद्भुतम् । ब्राह्मणस्य च संवादं यमस्य च महात्मनः
śṛṇudhvaṃ ca purāvṛttamihārthe paramādbhutam | brāhmaṇasya ca saṃvādaṃ yamasya ca mahātmanaḥ
Sanskrit only: no published translation is held for this verse.
मध्यदेशे महाग्रामो ब्राह्मणानां बभूव ह । गंगायमुनयोर्मध्ये यामुनस्य गिरेरधः
madhyadeśe mahāgrāmo brāhmaṇānāṃ babhūva ha | gaṃgāyamunayormadhye yāmunasya gireradhaḥ
Sanskrit only: no published translation is held for this verse.
विद्वांसस्तत्र भूयिष्ठा ब्राह्मणाश्चावसंस्तदा । अथ प्राह यमः कंचित्पुरुषं कृष्णपिंगलम्
vidvāṃsastatra bhūyiṣṭhā brāhmaṇāścāvasaṃstadā | atha prāha yamaḥ kaṃcitpuruṣaṃ kṛṣṇapiṃgalam
Sanskrit only: no published translation is held for this verse.
रक्ताक्षमूर्द्ध्वरोमाणं काकजंघाक्षिनासिकम् । गच्छ त्वं भो महाग्रामं गत्वा ब्राह्मणमानय
raktākṣamūrddhvaromāṇaṃ kākajaṃghākṣināsikam | gaccha tvaṃ bho mahāgrāmaṃ gatvā brāhmaṇamānaya
Sanskrit only: no published translation is held for this verse.
वसिष्ठगोत्रसंभूतं नामतो यज्ञदत्तकम् । शमे निविष्टं विद्वांसं यज्ञकर्मविशारदम्
vasiṣṭhagotrasaṃbhūtaṃ nāmato yajñadattakam | śame niviṣṭaṃ vidvāṃsaṃ yajñakarmaviśāradam
Sanskrit only: no published translation is held for this verse.
नचान्यमानयेथास्त्वं सगोत्रं तस्य पार्श्वतः । सहितादृग्गुणस्तेन तुल्योऽध्ययन जन्मना
nacānyamānayethāstvaṃ sagotraṃ tasya pārśvataḥ | sahitādṛgguṇastena tulyo'dhyayana janmanā
Sanskrit only: no published translation is held for this verse.
आकृत्या च तथा चिह्नैः समस्तेनैव सत्तमः । तमानय यथोद्दिष्टा पूजा कार्या हि तस्य मे
ākṛtyā ca tathā cihnaiḥ samastenaiva sattamaḥ | tamānaya yathoddiṣṭā pūjā kāryā hi tasya me
Sanskrit only: no published translation is held for this verse.
स गत्वा प्रतिकूलं तु चकार यमशासनम् । तमेव मानयामास प्रतिषिद्धो यमेन यः
sa gatvā pratikūlaṃ tu cakāra yamaśāsanam | tameva mānayāmāsa pratiṣiddho yamena yaḥ
Sanskrit only: no published translation is held for this verse.
तस्मै यमः समुत्थाय पूजां कृत्वा च धर्मवित् । प्रोवाच नीयतामेष सोऽन्य आनीयतामिति
tasmai yamaḥ samutthāya pūjāṃ kṛtvā ca dharmavit | provāca nīyatāmeṣa so'nya ānīyatāmiti
Sanskrit only: no published translation is held for this verse.
सूत उवाच- एवमुक्ते तु वचने धर्मराजेन स द्विजः । उवाच धर्मराजं तं निर्विण्णो गमनाय वै
sūta uvāca- evamukte tu vacane dharmarājena sa dvijaḥ | uvāca dharmarājaṃ taṃ nirviṇṇo gamanāya vai
Sanskrit only: no published translation is held for this verse.
ब्राह्मण उवाच- कस्मादहमिहानीतः कस्मात्प्रेरयसे पुनः । गंतुं नैवोत्सहे तत्र मर्त्यलोकं पुनः प्रभो
brāhmaṇa uvāca- kasmādahamihānītaḥ kasmātprerayase punaḥ | gaṃtuṃ naivotsahe tatra martyalokaṃ punaḥ prabho
Sanskrit only: no published translation is held for this verse.
यम उवाच- इह क्षीणायुषां पुंसां वासः पुण्यवतां भवेत् । अयं वै धर्मराजस्य लोको धर्मः प्रकीर्तितः
yama uvāca- iha kṣīṇāyuṣāṃ puṃsāṃ vāsaḥ puṇyavatāṃ bhavet | ayaṃ vai dharmarājasya loko dharmaḥ prakīrtitaḥ
Sanskrit only: no published translation is held for this verse.
सौख्यभूमिरियं सर्वा धर्मराजोऽहमीश्वरः । पुण्यापुण्यानुसारेण जंतूनां सुखदुःखदः
saukhyabhūmiriyaṃ sarvā dharmarājo'hamīśvaraḥ | puṇyāpuṇyānusāreṇa jaṃtūnāṃ sukhaduḥkhadaḥ
Sanskrit only: no published translation is held for this verse.
पापिनां यमरूपोऽस्मि नृणां निरयदायकः । तथा पुण्यवतां सौख्य स्वर्गदो धर्म मूर्तिमान्
pāpināṃ yamarūpo'smi nṛṇāṃ nirayadāyakaḥ | tathā puṇyavatāṃ saukhya svargado dharma mūrtimān
Sanskrit only: no published translation is held for this verse.
गच्छ विप्र त्वमद्यैव निलयं स्वं यथागतः । अद्यापि दशवर्षाणामायुस्ते परिवर्तते
gaccha vipra tvamadyaiva nilayaṃ svaṃ yathāgataḥ | adyāpi daśavarṣāṇāmāyuste parivartate
Sanskrit only: no published translation is held for this verse.
क्षये तवायुषः प्राप्तिर्लोकस्यास्य भविष्यति । प्रष्टव्यं च त्वया ह्यन्यत्पृच्छस्व प्रब्रवीमि ते
kṣaye tavāyuṣaḥ prāptirlokasyāsya bhaviṣyati | praṣṭavyaṃ ca tvayā hyanyatpṛcchasva prabravīmi te
Sanskrit only: no published translation is held for this verse.
ब्राह्मण उवाच- यत्कृत्वा सुमहत्पुण्यं स्वर्गः स्याद्ब्रूहि तन्मम । सर्वस्य हि प्रमाणंत्वं धर्माधर्मविनिश्चये
brāhmaṇa uvāca- yatkṛtvā sumahatpuṇyaṃ svargaḥ syādbrūhi tanmama | sarvasya hi pramāṇaṃtvaṃ dharmādharmaviniścaye
Sanskrit only: no published translation is held for this verse.
यदि देव मया सम्यग्गंतव्यं निजमंदिरे । तद्ब्रूहि कर्मणा केन पतंति नरके नराः
yadi deva mayā samyaggaṃtavyaṃ nijamaṃdire | tadbrūhi karmaṇā kena pataṃti narake narāḥ
Sanskrit only: no published translation is held for this verse.
व्रजंति केन वै स्वर्गं तत्सर्वं कृपया वद । यम उवाच- कर्मणा मनसा वाचा ये धर्मविमुखा नराः
vrajaṃti kena vai svargaṃ tatsarvaṃ kṛpayā vada | yama uvāca- karmaṇā manasā vācā ye dharmavimukhā narāḥ
Sanskrit only: no published translation is held for this verse.
विष्णुभक्तिविहीना ये ते वै निरयगामिनः । पश्यंति भेदबुद्ध्या ये ब्रह्माणं शंकरं हरिम्
viṣṇubhaktivihīnā ye te vai nirayagāminaḥ | paśyaṃti bhedabuddhyā ye brahmāṇaṃ śaṃkaraṃ harim
Sanskrit only: no published translation is held for this verse.
विरक्ता विष्णुविद्यासु नरा निरयगामिनः । कुलदेशोचितं कर्म यस्त्यक्त्वान्यत्समाचरेत्
viraktā viṣṇuvidyāsu narā nirayagāminaḥ | kuladeśocitaṃ karma yastyaktvānyatsamācaret
Sanskrit only: no published translation is held for this verse.
कामाद्वा यदि वा मोहात्स याति नरकं नरः । अयाज्ययाजकश्चैव याज्यानां च विवर्जकः
kāmādvā yadi vā mohātsa yāti narakaṃ naraḥ | ayājyayājakaścaiva yājyānāṃ ca vivarjakaḥ
Sanskrit only: no published translation is held for this verse.
विरतो विष्णुविद्यासु स भुंक्ते नरकान्बहून् । अदत्वा पितृदेवेभ्यो विप्रेभ्यो मर्त्यबंधुषु
virato viṣṇuvidyāsu sa bhuṃkte narakānbahūn | adatvā pitṛdevebhyo viprebhyo martyabaṃdhuṣu
Sanskrit only: no published translation is held for this verse.
सधनो म्रियते पापः स याति नरकान्बहून् । सर्वाण्यन्नानि सिद्धानि पाकभेदं करोति यः
sadhano mriyate pāpaḥ sa yāti narakānbahūn | sarvāṇyannāni siddhāni pākabhedaṃ karoti yaḥ
Sanskrit only: no published translation is held for this verse.
अवैश्वदेवं भुंजीत स याति नरकं चिरम् । बहुद्रोहेण भूतानां येऽजयंति धनं द्विज
avaiśvadevaṃ bhuṃjīta sa yāti narakaṃ ciram | bahudroheṇa bhūtānāṃ ye'jayaṃti dhanaṃ dvija
Sanskrit only: no published translation is held for this verse.
धनवंतो निरयगा दांभिका दुःखभागिनः । नास्तिक्यादथ वा लोभान्मोहात्काले यथोदिते
dhanavaṃto nirayagā dāṃbhikā duḥkhabhāginaḥ | nāstikyādatha vā lobhānmohātkāle yathodite
Sanskrit only: no published translation is held for this verse.
भक्त्या न श्राद्धदा ये स्युः पच्यंते नरकेषु ते । दीयमानस्य वित्तस्य ब्राह्मणेभ्यस्तु पापकृत्
bhaktyā na śrāddhadā ye syuḥ pacyaṃte narakeṣu te | dīyamānasya vittasya brāhmaṇebhyastu pāpakṛt
Sanskrit only: no published translation is held for this verse.
विघ्नमाचरते योऽसौ नरो निरयगो भवेत् । सामान्य दक्षिणां लब्ध्वा गृह्णात्येको विमोहतः
vighnamācarate yo'sau naro nirayago bhavet | sāmānya dakṣiṇāṃ labdhvā gṛhṇātyeko vimohataḥ
Sanskrit only: no published translation is held for this verse.
नास्तिक्यभावनिरतो नरः स्यान्नरकालये । असहिष्णुतया तस्य गुणानां कारणं भवेत्
nāstikyabhāvanirato naraḥ syānnarakālaye | asahiṣṇutayā tasya guṇānāṃ kāraṇaṃ bhavet
Sanskrit only: no published translation is held for this verse.
महत्पापं समुत्पन्नं कारणं नरकस्य तत् । निर्दोषां सुहृदां भार्यां त्यजन्कालेन याति यः
mahatpāpaṃ samutpannaṃ kāraṇaṃ narakasya tat | nirdoṣāṃ suhṛdāṃ bhāryāṃ tyajankālena yāti yaḥ
Sanskrit only: no published translation is held for this verse.
न वहेत यशस्तेषां स नरो नरके पतेत् । अधर्मं धर्ममिति यो वदन्मोहवशं गतः
na vaheta yaśasteṣāṃ sa naro narake patet | adharmaṃ dharmamiti yo vadanmohavaśaṃ gataḥ
Sanskrit only: no published translation is held for this verse.
हैतुको नास्तिको यस्तु स नरो निरयालयः । मनसा योऽन्यभावेन वचसा चान्यथा वदेत्
haituko nāstiko yastu sa naro nirayālayaḥ | manasā yo'nyabhāvena vacasā cānyathā vadet
Sanskrit only: no published translation is held for this verse.
हृदयं कलुषं कुर्यात्स नरो नरके वसेत् । अवमन्य च ये यांति भगवत्कीर्तनं नराः
hṛdayaṃ kaluṣaṃ kuryātsa naro narake vaset | avamanya ca ye yāṃti bhagavatkīrtanaṃ narāḥ
Sanskrit only: no published translation is held for this verse.
ते यांति नरकं घोरं तेन पापेन कर्मणा । पश्यंतो भगवद्द्वारं नामशास्त्र परिच्छदम्
te yāṃti narakaṃ ghoraṃ tena pāpena karmaṇā | paśyaṃto bhagavaddvāraṃ nāmaśāstra paricchadam
Sanskrit only: no published translation is held for this verse.
अकृत्वा तत्प्रणामादि ते यांति नरकौकसः । विनापराधेन नराः कृत्वा पत्न्यधिवेदनम्
akṛtvā tatpraṇāmādi te yāṃti narakaukasaḥ | vināparādhena narāḥ kṛtvā patnyadhivedanam
Sanskrit only: no published translation is held for this verse.
त्यजंति सुकलत्रं ये ते यांति नरके नराः । न शृणोति गुरोर्वाक्यं धर्मशास्त्रं च यो नरः
tyajaṃti sukalatraṃ ye te yāṃti narake narāḥ | na śṛṇoti gurorvākyaṃ dharmaśāstraṃ ca yo naraḥ
Sanskrit only: no published translation is held for this verse.
परेषां चेतसः क्लेशकारी निरयगो भवेत् । पश्यतां बंधु बालानां प्रकर्षी मिष्टमश्नुते
pareṣāṃ cetasaḥ kleśakārī nirayago bhavet | paśyatāṃ baṃdhu bālānāṃ prakarṣī miṣṭamaśnute
Sanskrit only: no published translation is held for this verse.
स याति नरकं घोरं केवलोदरपूरकः । तुला मकर मेषेषु प्रातः स्नानं न यश्चरेत्
sa yāti narakaṃ ghoraṃ kevalodarapūrakaḥ | tulā makara meṣeṣu prātaḥ snānaṃ na yaścaret
Sanskrit only: no published translation is held for this verse.
नद्यादिषु च नास्तिक्यस्तस्य स्यान्नरकालयः । वैष्णवं जनमालोक्य नाभ्युत्थानं करोति यः
nadyādiṣu ca nāstikyastasya syānnarakālayaḥ | vaiṣṇavaṃ janamālokya nābhyutthānaṃ karoti yaḥ
Sanskrit only: no published translation is held for this verse.
प्रणयादरतो विप्र स नरो नरकातिथिः । काष्ठैर्वा शंकुभिर्वापि शूलैरश्मभिरेव च
praṇayādarato vipra sa naro narakātithiḥ | kāṣṭhairvā śaṃkubhirvāpi śūlairaśmabhireva ca
Sanskrit only: no published translation is held for this verse.
ये मार्गांश्चैव रुंधंति ते वै निरयगामिनः । आद्यं पुरुषमीशानं सर्वलोकमहेश्वरम्
ye mārgāṃścaiva ruṃdhaṃti te vai nirayagāminaḥ | ādyaṃ puruṣamīśānaṃ sarvalokamaheśvaram
Sanskrit only: no published translation is held for this verse.
न चिन्तयंति ये विष्णुं ते वै निरयगामिनः । क्षेत्रवृत्ति गृहच्छेदं प्रीतिच्छेदं च ये नराः
na cintayaṃti ye viṣṇuṃ te vai nirayagāminaḥ | kṣetravṛtti gṛhacchedaṃ prīticchedaṃ ca ye narāḥ
Sanskrit only: no published translation is held for this verse.
आशाच्छेदं च कुर्वंति ते नरा नरकौकसः । आगतान्भोजनार्थं च ब्राह्मणान्वृत्तिकर्शितान्
āśācchedaṃ ca kurvaṃti te narā narakaukasaḥ | āgatānbhojanārthaṃ ca brāhmaṇānvṛttikarśitān
Sanskrit only: no published translation is held for this verse.
यः परीक्षेत मूढात्मा स ज्ञेयो नरकातिथिः । अनाथं वैष्णवं दीनं रोगार्तं वृद्धमेव च
yaḥ parīkṣeta mūḍhātmā sa jñeyo narakātithiḥ | anāthaṃ vaiṣṇavaṃ dīnaṃ rogārtaṃ vṛddhameva ca
Sanskrit only: no published translation is held for this verse.
नानुकंपंति ये मूढास्ते वै निरयगामिनः । नियमांस्तु समादाय ये पश्चादजितेंद्रियाः
nānukaṃpaṃti ye mūḍhāste vai nirayagāminaḥ | niyamāṃstu samādāya ye paścādajiteṃdriyāḥ
Sanskrit only: no published translation is held for this verse.
विलोपयंति तान्भूयस्ते वै निरयगामिनः । शृणु विप्र यथा यांति नराः स्वर्गं दयालवः
vilopayaṃti tānbhūyaste vai nirayagāminaḥ | śṛṇu vipra yathā yāṃti narāḥ svargaṃ dayālavaḥ
Sanskrit only: no published translation is held for this verse.
समासेनैव वक्ष्यामि किंचित्ते गौरवादहम् । येऽर्चयंति हरिं देवंजिष्णुं विष्णुं सनातनम्
samāsenaiva vakṣyāmi kiṃcitte gauravādaham | ye'rcayaṃti hariṃ devaṃjiṣṇuṃ viṣṇuṃ sanātanam
Sanskrit only: no published translation is held for this verse.
नारायणमजं कृष्णं विष्वक्सेनं चतुर्भुजम् । ध्यायंति पुरुषं दिव्यमच्युतं ये स्मरंति च
nārāyaṇamajaṃ kṛṣṇaṃ viṣvaksenaṃ caturbhujam | dhyāyaṃti puruṣaṃ divyamacyutaṃ ye smaraṃti ca
Sanskrit only: no published translation is held for this verse.
लभंते तेऽच्युतस्थानं श्रुतिरेषा पुरातनी । इदमेवहि मांगल्यमिदमेव धनार्जनम्
labhaṃte te'cyutasthānaṃ śrutireṣā purātanī | idamevahi māṃgalyamidameva dhanārjanam
Sanskrit only: no published translation is held for this verse.
जीवितस्य फलं चैतद्यद्दामोदरकीर्तनम् । कीर्तनाद्देवदेवस्य विष्णोरमिततेजसः
jīvitasya phalaṃ caitadyaddāmodarakīrtanam | kīrtanāddevadevasya viṣṇoramitatejasaḥ
Sanskrit only: no published translation is held for this verse.
दुरितानि विलीयंते तमांसीव दिनोदये । गाथां गायंति ये नित्यं वैष्णवीं श्रद्धयान्विताः
duritāni vilīyaṃte tamāṃsīva dinodaye | gāthāṃ gāyaṃti ye nityaṃ vaiṣṇavīṃ śraddhayānvitāḥ
Sanskrit only: no published translation is held for this verse.
स्वाध्यायनिरता नित्यं ते नराः स्वर्गगामिनः । सर्वान्क्लेशान्परित्यज्य विष्णुमेव स्तुवंति ये
svādhyāyaniratā nityaṃ te narāḥ svargagāminaḥ | sarvānkleśānparityajya viṣṇumeva stuvaṃti ye
Sanskrit only: no published translation is held for this verse.
स्वधर्मनिरता धीरास्ते नराः स्वर्गगामिनः । वासुदेवजपासक्तानपि पापकृतो जनान्
svadharmaniratā dhīrāste narāḥ svargagāminaḥ | vāsudevajapāsaktānapi pāpakṛto janān
Sanskrit only: no published translation is held for this verse.
नोपसर्पन्ति तान्विप्र यमदूताश्च दारुणाः । नान्यत्पश्यन्ति जंतूनां विहाय हरिकीर्तनम्
nopasarpanti tānvipra yamadūtāśca dāruṇāḥ | nānyatpaśyanti jaṃtūnāṃ vihāya harikīrtanam
Sanskrit only: no published translation is held for this verse.
सर्वपापप्रशमनं प्रायश्चित्तं द्विजोत्तम । ये याचिताः प्रहृष्यंति प्रियं दत्वा वदंति च
sarvapāpapraśamanaṃ prāyaścittaṃ dvijottama | ye yācitāḥ prahṛṣyaṃti priyaṃ datvā vadaṃti ca
Sanskrit only: no published translation is held for this verse.
त्यक्तदानफला ये च ते नराःस्वर्गगामिनः । वर्जयंति दिवास्वापं नराः सर्वसहाश्च ये
tyaktadānaphalā ye ca te narāḥsvargagāminaḥ | varjayaṃti divāsvāpaṃ narāḥ sarvasahāśca ye
Sanskrit only: no published translation is held for this verse.
पर्वण्याश्रयभूता ये ते मर्त्याः स्वर्गगामिनः । द्विषतामपि ये दोषान्न वदंति कदाचन
parvaṇyāśrayabhūtā ye te martyāḥ svargagāminaḥ | dviṣatāmapi ye doṣānna vadaṃti kadācana
Sanskrit only: no published translation is held for this verse.
कीर्तयंति गुणांश्चैव ते नराः स्वर्गगामिनः । ये परेषां श्रियं दृष्ट्वा न वितप्यंति मत्सरात्
kīrtayaṃti guṇāṃścaiva te narāḥ svargagāminaḥ | ye pareṣāṃ śriyaṃ dṛṣṭvā na vitapyaṃti matsarāt
Sanskrit only: no published translation is held for this verse.
प्रहृष्टाश्चाभिनंदंति ते नराः स्वर्गगामिनः । प्रवृत्तौ च निवृत्तौ च श्रुतिशास्त्रोक्तमेव च
prahṛṣṭāścābhinaṃdaṃti te narāḥ svargagāminaḥ | pravṛttau ca nivṛttau ca śrutiśāstroktameva ca
Sanskrit only: no published translation is held for this verse.
आदरंति प्रतीता ये ते नराः स्वर्गगामिनः । यस्मिन्कस्मिन्कुले जाता दयावंतो यशस्विनः
ādaraṃti pratītā ye te narāḥ svargagāminaḥ | yasminkasminkule jātā dayāvaṃto yaśasvinaḥ
Sanskrit only: no published translation is held for this verse.
सानुक्रोशाः सदाचारास्ते नराः स्वर्गगामिनः । ये पूताः परदारांश्च कर्मणा मनसा गिरा
sānukrośāḥ sadācārāste narāḥ svargagāminaḥ | ye pūtāḥ paradārāṃśca karmaṇā manasā girā
Sanskrit only: no published translation is held for this verse.
रमयंति न सत्वस्थास्तेनराः स्वर्गगामिनः । सदा कर्मयथोक्तेन कुर्वंति विहितानि च
ramayaṃti na satvasthāstenarāḥ svargagāminaḥ | sadā karmayathoktena kurvaṃti vihitāni ca
Sanskrit only: no published translation is held for this verse.
आत्मशक्तिं च विज्ञाय ते नराः स्वर्गगामिनः । मनो वाक्कायिके धर्मे श्रद्धां यः कुरुते सदा
ātmaśaktiṃ ca vijñāya te narāḥ svargagāminaḥ | mano vākkāyike dharme śraddhāṃ yaḥ kurute sadā
Sanskrit only: no published translation is held for this verse.
साधूनां संमतो यश्च स भवेद्देवतातिथिः । वचोवेगं मनोवेगं यो वेगमुदरोद्भवम्
sādhūnāṃ saṃmato yaśca sa bhaveddevatātithiḥ | vacovegaṃ manovegaṃ yo vegamudarodbhavam
Sanskrit only: no published translation is held for this verse.
उपस्थवेगं सहते स स्वर्गी जायते नरः । येषां गुणेषु संतोषो वाणी येषां श्रुतं प्रति
upasthavegaṃ sahate sa svargī jāyate naraḥ | yeṣāṃ guṇeṣu saṃtoṣo vāṇī yeṣāṃ śrutaṃ prati
Sanskrit only: no published translation is held for this verse.
परमार्थे मतिर्येषां ते शिष्टाः स्वर्गगामिनः । व्रतं रक्षंति ये कोपाच्छ्रियं रक्षंति मत्सरात्
paramārthe matiryeṣāṃ te śiṣṭāḥ svargagāminaḥ | vrataṃ rakṣaṃti ye kopācchriyaṃ rakṣaṃti matsarāt
Sanskrit only: no published translation is held for this verse.
विद्यां मानापमानाभ्यामात्मानं तु प्रमादतः । मतिं रक्षंति ये लोभान्मनो रक्षंति कामतः
vidyāṃ mānāpamānābhyāmātmānaṃ tu pramādataḥ | matiṃ rakṣaṃti ye lobhānmano rakṣaṃti kāmataḥ
Sanskrit only: no published translation is held for this verse.
धर्मं रक्षंति दुःसंगात्ते नराः स्वर्गगामिनः । एकादश्यां च विधिवदुपवासपरायणाः
dharmaṃ rakṣaṃti duḥsaṃgātte narāḥ svargagāminaḥ | ekādaśyāṃ ca vidhivadupavāsaparāyaṇāḥ
Sanskrit only: no published translation is held for this verse.
शुक्लेऽसिते च ये विप्र ते नराः स्वर्गगामिनः । मातेव सर्वबालानामौषधं रोगिणा मिव
śukle'site ca ye vipra te narāḥ svargagāminaḥ | māteva sarvabālānāmauṣadhaṃ rogiṇā miva
Sanskrit only: no published translation is held for this verse.
रक्षार्थं सर्वलोकानां निर्मितैकादशी तिथिः । एकादशी समं किंचित्पादत्राणं न विद्यते 5.96.१०० । तामुपोष्य विधानेन पुरुषाः स्वर्गगामिनः । एकादशेन्द्रियैः पापं यत्कृतं भवति द्विज
rakṣārthaṃ sarvalokānāṃ nirmitaikādaśī tithiḥ | ekādaśī samaṃ kiṃcitpādatrāṇaṃ na vidyate 5.96.100 | tāmupoṣya vidhānena puruṣāḥ svargagāminaḥ | ekādaśendriyaiḥ pāpaṃ yatkṛtaṃ bhavati dvija
Sanskrit only: no published translation is held for this verse.
नरो निर्द्धूय तत्तूर्णं प्रीतः स्वर्गतिमान्भवेत् । अश्वमेधसहस्राणि राजसूयशतानि च
naro nirddhūya tattūrṇaṃ prītaḥ svargatimānbhavet | aśvamedhasahasrāṇi rājasūyaśatāni ca
Sanskrit only: no published translation is held for this verse.
एकादश्युपवासस्य कलां नार्हंति षोडशीम् । एकतः क्रतवः सर्वे सर्वतीर्थतपांसि च
ekādaśyupavāsasya kalāṃ nārhaṃti ṣoḍaśīm | ekataḥ kratavaḥ sarve sarvatīrthatapāṃsi ca
Sanskrit only: no published translation is held for this verse.
महादानादिदानानि व्रतं वैष्णवमेकतः । वैष्णवव्रतजो धर्मो धर्मो यज्ञादिसंभवः
mahādānādidānāni vrataṃ vaiṣṇavamekataḥ | vaiṣṇavavratajo dharmo dharmo yajñādisaṃbhavaḥ
Sanskrit only: no published translation is held for this verse.
एकत्र तुलितौ धात्रा तत्र पूर्वो भवेद्गुरुः । हरिवासर भक्तानामच्युतानंतभाषिणाम्
ekatra tulitau dhātrā tatra pūrvo bhavedguruḥ | harivāsara bhaktānāmacyutānaṃtabhāṣiṇām
Sanskrit only: no published translation is held for this verse.
नाहं शास्ता विशेषेण तेभ्यो विप्र बिभेम्यहम् । येषां पुत्रश्च पौत्रश्च एकादश्यामुपोषितः
nāhaṃ śāstā viśeṣeṇa tebhyo vipra bibhemyaham | yeṣāṃ putraśca pautraśca ekādaśyāmupoṣitaḥ
Sanskrit only: no published translation is held for this verse.
सहात्मना स पुरुषाञ्छतमुद्धरते बलात् । उपोषणं ततः कुर्यात्पक्षयोरुभयोरपि
sahātmanā sa puruṣāñchatamuddharate balāt | upoṣaṇaṃ tataḥ kuryātpakṣayorubhayorapi
Sanskrit only: no published translation is held for this verse.
एकादश्यां स पुरुषो भुक्तिमुक्त्येकभाजनम् । जया च विजया चैव जयंती पापनाशिनी
ekādaśyāṃ sa puruṣo bhuktimuktyekabhājanam | jayā ca vijayā caiva jayaṃtī pāpanāśinī
Sanskrit only: no published translation is held for this verse.
त्रिस्पृशा वंजुली चैव पक्षसंवर्धिनी वरा । तिलदुग्धा परा ज्ञेया अखंडद्वादशी तथा
trispṛśā vaṃjulī caiva pakṣasaṃvardhinī varā | tiladugdhā parā jñeyā akhaṃḍadvādaśī tathā
Sanskrit only: no published translation is held for this verse.
मनोरथाख्या च परा भीमद्वादशिका तथा । इत्येवमादयो भेदा द्वादश्याः संत्यनेकशः
manorathākhyā ca parā bhīmadvādaśikā tathā | ityevamādayo bhedā dvādaśyāḥ saṃtyanekaśaḥ
Sanskrit only: no published translation is held for this verse.
व्रतेष्वेतेषु ये शक्ता ज्ञेयास्ते ब्रह्मणि स्थिताः । श्रोतारो धर्मशास्त्राणां धर्मप्रत्यय संगताः
vrateṣveteṣu ye śaktā jñeyāste brahmaṇi sthitāḥ | śrotāro dharmaśāstrāṇāṃ dharmapratyaya saṃgatāḥ
Sanskrit only: no published translation is held for this verse.
प्रियंकराश्च बालानां स्वर्गलोकं व्रजंति ते । मासिमास्येकदिवसे दर्शे श्राद्धव्रता नराः
priyaṃkarāśca bālānāṃ svargalokaṃ vrajaṃti te | māsimāsyekadivase darśe śrāddhavratā narāḥ
Sanskrit only: no published translation is held for this verse.
तृप्यंति पितरो येषां ते धन्याः स्वर्गगामिनः । भोजनेषूपपन्नेषु भोज्यं यच्छंति सादरात्
tṛpyaṃti pitaro yeṣāṃ te dhanyāḥ svargagāminaḥ | bhojaneṣūpapanneṣu bhojyaṃ yacchaṃti sādarāt
Sanskrit only: no published translation is held for this verse.
अभिन्नमुखरागेण शिष्टास्ते स्वर्गगामिनः
abhinnamukharāgeṇa śiṣṭāste svargagāminaḥ
Sanskrit only: no published translation is held for this verse.
ये भक्तिमंतो मधुसूदनस्य नारायणस्याखिलनायकस्य । सत्येन हीना रजसापि युक्ता गच्छंति ते नाकमनंतपुण्याः
ye bhaktimaṃto madhusūdanasya nārāyaṇasyākhilanāyakasya | satyena hīnā rajasāpi yuktā gacchaṃti te nākamanaṃtapuṇyāḥ
Sanskrit only: no published translation is held for this verse.
वितस्तां यमुनां सीतां पुण्यां गोदावरीं नदीम् । सेवंते ये शुभाचाराः स्नानदानपरायणाः
vitastāṃ yamunāṃ sītāṃ puṇyāṃ godāvarīṃ nadīm | sevaṃte ye śubhācārāḥ snānadānaparāyaṇāḥ
Sanskrit only: no published translation is held for this verse.
न ते पश्यंति पंथानं नरकस्य कदाचन । ये नर्मदायामिह शर्मदायां मज्जंति तुष्यंत्यपि दर्शनेन
na te paśyaṃti paṃthānaṃ narakasya kadācana | ye narmadāyāmiha śarmadāyāṃ majjaṃti tuṣyaṃtyapi darśanena
Sanskrit only: no published translation is held for this verse.
विधूय पापानि महेशलोकं गच्छंति ते तत्र चिरं रमंते
vidhūya pāpāni maheśalokaṃ gacchaṃti te tatra ciraṃ ramaṃte
Sanskrit only: no published translation is held for this verse.
स्नाताश्चर्मनदी तीरे त्रिरात्रं नियता नराः । व्यासाश्रमे विशेषेण ते नरा नाकिनः स्मृताः
snātāścarmanadī tīre trirātraṃ niyatā narāḥ | vyāsāśrame viśeṣeṇa te narā nākinaḥ smṛtāḥ
Sanskrit only: no published translation is held for this verse.
गंगाजले प्रयागे च केदारे पुष्करे तथा । व्यासाश्रमे प्रभासे च मृतास्ते विष्णुगामिनः
gaṃgājale prayāge ca kedāre puṣkare tathā | vyāsāśrame prabhāse ca mṛtāste viṣṇugāminaḥ
Sanskrit only: no published translation is held for this verse.
द्वारवत्यां कुरुक्षेत्रे योगाभ्यासेन वा मृताः । हरिरित्यक्षरं वक्त्रे येषां ते न पुनर्भवाः
dvāravatyāṃ kurukṣetre yogābhyāsena vā mṛtāḥ | harirityakṣaraṃ vaktre yeṣāṃ te na punarbhavāḥ
Sanskrit only: no published translation is held for this verse.