Padma Purāṇa 5.98

यस्तु श्रोष्यति भक्त्यैनमितिहासं मयोदितम् । सोऽपि पापविनिर्मुक्तो न मामालोकयिष्यति

yastu śroṣyati bhaktyainamitihāsaṃ mayoditam | so'pi pāpavinirmukto na māmālokayiṣyati

Sanskrit only: no published translation is held for this verse.

ब्रह्महत्यादि पापानि बहुशोऽपि कृतान्यपि । वैशाखस्य विधानेन तानि नश्यंति निश्चितम्

brahmahatyādi pāpāni bahuśo'pi kṛtānyapi | vaiśākhasya vidhānena tāni naśyaṃti niścitam

Sanskrit only: no published translation is held for this verse.

त्रिंशत्पूर्वान्परांस्त्रिंशत्त्रिंशच्चैव परावरान् । वैशाखे विधिना स्नातो नरकादुद्धरेत्पितॄन्

triṃśatpūrvānparāṃstriṃśattriṃśaccaiva parāvarān | vaiśākhe vidhinā snāto narakāduddharetpitṝn

Sanskrit only: no published translation is held for this verse.

एकतः सर्वतीर्थानि सर्वेयज्ञाः सदक्षिणाः । एकतो माधवो मासो नियमादनुपालितः

ekataḥ sarvatīrthāni sarveyajñāḥ sadakṣiṇāḥ | ekato mādhavo māso niyamādanupālitaḥ

Sanskrit only: no published translation is held for this verse.

यतो भगवतस्तस्य हरेरुत्कृष्टकर्मणः । प्रियोऽसौ माधवोमासः सर्वेभ्यः प्रवरोऽधिकः

yato bhagavatastasya harerutkṛṣṭakarmaṇaḥ | priyo'sau mādhavomāsaḥ sarvebhyaḥ pravaro'dhikaḥ

Sanskrit only: no published translation is held for this verse.

संशयं नो विधेहीति महीदेव कथंचन । वैशाखं प्रति वै मासं समासाद्यन्मयोदितम्

saṃśayaṃ no vidhehīti mahīdeva kathaṃcana | vaiśākhaṃ prati vai māsaṃ samāsādyanmayoditam

Sanskrit only: no published translation is held for this verse.

इहार्थे यत्पुरावृत्तं तदाकर्णय चाद्भुतम् । अनाख्येयमपीदं ते कथयिष्ये कथानकम्

ihārthe yatpurāvṛttaṃ tadākarṇaya cādbhutam | anākhyeyamapīdaṃ te kathayiṣye kathānakam

Sanskrit only: no published translation is held for this verse.