Padma Purāṇa 6.1

ॐ श्रीविष्णवे नमः । ॐ श्रीवेदव्यासाय नमः । ॐ नारायणं नमस्कृत्य नरं चैव नरोत्तमम् । देवीं सरस्वतीं व्यासं ततो जयमुदीरयेत्

oṃ śrīviṣṇave namaḥ | oṃ śrīvedavyāsāya namaḥ | oṃ nārāyaṇaṃ namaskṛtya naraṃ caiva narottamam | devīṃ sarasvatīṃ vyāsaṃ tato jayamudīrayet

Sanskrit only: no published translation is held for this verse.

अज्ञानतिमिरांधस्य ज्ञानांजनशलाकया । चक्षुरुन्मीलितं येन तस्मै श्रीगुरवे नमः

ajñānatimirāṃdhasya jñānāṃjanaśalākayā | cakṣurunmīlitaṃ yena tasmai śrīgurave namaḥ

Sanskrit only: no published translation is held for this verse.

ऋषय ऊचुः -। श्रुतं पातालखंडं च त्वयाख्यातं विदांवर । नानाख्यानसमायुक्तं परमानंददायकम्

ṛṣaya ūcuḥ -| śrutaṃ pātālakhaṃḍaṃ ca tvayākhyātaṃ vidāṃvara | nānākhyānasamāyuktaṃ paramānaṃdadāyakam

Sanskrit only: no published translation is held for this verse.

अधुना श्रोतुमिच्छामो भगवद्भक्तिवर्द्धनम् । पाद्मे यच्छेषमस्तीह तद्ब्रूहि कृपया गुरो

adhunā śrotumicchāmo bhagavadbhaktivarddhanam | pādme yaccheṣamastīha tadbrūhi kṛpayā guro

Sanskrit only: no published translation is held for this verse.

सूत उवाच-। शृणुध्वं मुनयः सर्वे यदुक्तं शंकरेण हि । पृच्छते नारदायैव विज्ञानं पापनाशनम्

sūta uvāca-| śṛṇudhvaṃ munayaḥ sarve yaduktaṃ śaṃkareṇa hi | pṛcchate nāradāyaiva vijñānaṃ pāpanāśanam

Sanskrit only: no published translation is held for this verse.

एकादा नारदो लोकान्पर्यटन्भगवत्प्रियः । गतोऽद्रि मंदरं शंभुं प्रष्टुं किंचिन्मनोगतम्

ekādā nārado lokānparyaṭanbhagavatpriyaḥ | gato'dri maṃdaraṃ śaṃbhuṃ praṣṭuṃ kiṃcinmanogatam

Sanskrit only: no published translation is held for this verse.

तत्रासीनमुमानाथं प्रणिपत्य शिवाज्ञया । उपविष्टः समादिष्ट आसनेऽभिमुखो विभोः

tatrāsīnamumānāthaṃ praṇipatya śivājñayā | upaviṣṭaḥ samādiṣṭa āsane'bhimukho vibhoḥ

Sanskrit only: no published translation is held for this verse.

नारद उवाच। पप्रच्छ इदमेवेशं यन्मां पृच्छथ सत्तमाः । भगवन्देवदेवेश पार्वतीश जगद्गुरो

nārada uvāca| papraccha idameveśaṃ yanmāṃ pṛcchatha sattamāḥ | bhagavandevadeveśa pārvatīśa jagadguro

Sanskrit only: no published translation is held for this verse.

भगवत्तत्वविज्ञानं येन स्यात्तन्ममादिश । शिव उवाच। शृणु नारद वक्ष्यामि पुराणं वेदसंमितम्

bhagavattatvavijñānaṃ yena syāttanmamādiśa | śiva uvāca| śṛṇu nārada vakṣyāmi purāṇaṃ vedasaṃmitam

Sanskrit only: no published translation is held for this verse.

यच्छ्रुत्वा सर्वपापेभ्यो मुच्यते नात्र संशयः । प्रथमोत्तरकीर्तिः स्यात्पर्वताख्यानमेव च

yacchrutvā sarvapāpebhyo mucyate nātra saṃśayaḥ | prathamottarakīrtiḥ syātparvatākhyānameva ca

Sanskrit only: no published translation is held for this verse.

जालंधरं तथाख्यानं श्रीशैलाख्यं ततः परम् । हरिद्वारस्य व्याख्यानं विष्णुपादोद्भवां तथा

jālaṃdharaṃ tathākhyānaṃ śrīśailākhyaṃ tataḥ param | haridvārasya vyākhyānaṃ viṣṇupādodbhavāṃ tathā

Sanskrit only: no published translation is held for this verse.

प्रयागतीर्थं ते वक्ष्ये दशाश्वमेधिकं च तत् । तुलसीमहिमाचैव शंखचक्रगदादिकम्

prayāgatīrthaṃ te vakṣye daśāśvamedhikaṃ ca tat | tulasīmahimācaiva śaṃkhacakragadādikam

Sanskrit only: no published translation is held for this verse.

द्वारकायास्तथाख्यानं महोत्सवविधिस्ततः । तडाकजं तथा पुण्यं वापीकूपप्रपादिकम्

dvārakāyāstathākhyānaṃ mahotsavavidhistataḥ | taḍākajaṃ tathā puṇyaṃ vāpīkūpaprapādikam

Sanskrit only: no published translation is held for this verse.

गाणपत्यं ततो वक्ष्ये वैष्णवागममेव च । जीर्णोद्धारस्य माहात्म्यं मंदाकिनी समागमम्

gāṇapatyaṃ tato vakṣye vaiṣṇavāgamameva ca | jīrṇoddhārasya māhātmyaṃ maṃdākinī samāgamam

Sanskrit only: no published translation is held for this verse.

साभ्रमत्यास्तु माहात्म्यं माहात्म्यं तीरजं तथा । स्त्रीशूद्राणां तथा धर्मं तथा त्याज्यैश्च धारणम्

sābhramatyāstu māhātmyaṃ māhātmyaṃ tīrajaṃ tathā | strīśūdrāṇāṃ tathā dharmaṃ tathā tyājyaiśca dhāraṇam

Sanskrit only: no published translation is held for this verse.

उमामहेशसंवादे प्रोक्तं नामसहस्रकम् । कैलासात्तत्समानीतं नारदेनाग्रजन्मना

umāmaheśasaṃvāde proktaṃ nāmasahasrakam | kailāsāttatsamānītaṃ nāradenāgrajanmanā

Sanskrit only: no published translation is held for this verse.

लोकानां ब्राह्मणानां च क्षत्रियाणां विशेषतः । स्त्रीशूद्राणां विशेषेण पठितव्यं समाहितैः

lokānāṃ brāhmaṇānāṃ ca kṣatriyāṇāṃ viśeṣataḥ | strīśūdrāṇāṃ viśeṣeṇa paṭhitavyaṃ samāhitaiḥ

Sanskrit only: no published translation is held for this verse.

इदं पवित्रं परमं पुण्यमायुष्यवर्धनम् । पठितव्यं विशेषेण विष्णोः सायुज्यमाप्नुयात्

idaṃ pavitraṃ paramaṃ puṇyamāyuṣyavardhanam | paṭhitavyaṃ viśeṣeṇa viṣṇoḥ sāyujyamāpnuyāt

Sanskrit only: no published translation is held for this verse.

विष्णोर्नामसहस्रं तत्पावनं भुवि विश्रुतम् । चतुर्विंशतिमूर्तीनां स्थानकानीह संवदेत्

viṣṇornāmasahasraṃ tatpāvanaṃ bhuvi viśrutam | caturviṃśatimūrtīnāṃ sthānakānīha saṃvadet

Sanskrit only: no published translation is held for this verse.

तेषां च मातापितरावंतरं च ब्रवीम्यहम् । गोत्रं वेदांश्चतेषां वै कर्माणीह तथैव च

teṣāṃ ca mātāpitarāvaṃtaraṃ ca bravīmyaham | gotraṃ vedāṃścateṣāṃ vai karmāṇīha tathaiva ca

Sanskrit only: no published translation is held for this verse.

स्त्रियस्तेषां प्रवक्ष्यामि यथाविज्ञानदर्शनात् । चतुर्विंशत्येकादशीनां द्वादशीनां प्रभावताम्

striyasteṣāṃ pravakṣyāmi yathāvijñānadarśanāt | caturviṃśatyekādaśīnāṃ dvādaśīnāṃ prabhāvatām

Sanskrit only: no published translation is held for this verse.

गोदावर्याश्च माहात्म्यं शंखचक्रादिधारणम् । ब्राह्मणानां विशेषेण धारणं विधिपूर्वकम्

godāvaryāśca māhātmyaṃ śaṃkhacakrādidhāraṇam | brāhmaṇānāṃ viśeṣeṇa dhāraṇaṃ vidhipūrvakam

Sanskrit only: no published translation is held for this verse.

यमुनायाश्च माहात्म्यं गंडिकायास्तथा मुने । वेत्रवत्यास्तु माहात्म्यं वच्म्यहं ते न संशयः

yamunāyāśca māhātmyaṃ gaṃḍikāyāstathā mune | vetravatyāstu māhātmyaṃ vacmyahaṃ te na saṃśayaḥ

Sanskrit only: no published translation is held for this verse.

गिल्लितीर्थोद्भवं पुण्यं शिलाक्षेत्रं महच्च यत् । तत्सर्वं संप्रवक्ष्यामि खंडे उत्तरसंज्ञके

gillitīrthodbhavaṃ puṇyaṃ śilākṣetraṃ mahacca yat | tatsarvaṃ saṃpravakṣyāmi khaṃḍe uttarasaṃjñake

Sanskrit only: no published translation is held for this verse.

अर्बुदेश्वरमाहात्म्यं तत्र तीर्थादिकं च यत् । सरस्वत्याश्च माहात्म्यं सिद्धक्षेत्रादिकं च यत्

arbudeśvaramāhātmyaṃ tatra tīrthādikaṃ ca yat | sarasvatyāśca māhātmyaṃ siddhakṣetrādikaṃ ca yat

Sanskrit only: no published translation is held for this verse.

पद्मनाभसमुत्पत्तिं तुलस्याश्चैव धारणम् । गोपीचंदनमाहात्म्यं पट्टपूजां तथैव च

padmanābhasamutpattiṃ tulasyāścaiva dhāraṇam | gopīcaṃdanamāhātmyaṃ paṭṭapūjāṃ tathaiva ca

Sanskrit only: no published translation is held for this verse.

निरंजनस्य माहात्म्यं तथा विज्ञानदर्शनम् । तत्र दीपप्रदानं च धूपदानं विशेषतः

niraṃjanasya māhātmyaṃ tathā vijñānadarśanam | tatra dīpapradānaṃ ca dhūpadānaṃ viśeṣataḥ

Sanskrit only: no published translation is held for this verse.

कार्तिकस्याथ माहात्म्यं माहात्म्यं माघजं तथा । सर्वेषां च व्रतानां च माहात्म्यं विधिपूर्वकम्

kārtikasyātha māhātmyaṃ māhātmyaṃ māghajaṃ tathā | sarveṣāṃ ca vratānāṃ ca māhātmyaṃ vidhipūrvakam

Sanskrit only: no published translation is held for this verse.

शृणु नारद वक्ष्यामि जगन्नाथाख्यमुत्तमम् । यं दृष्ट्वा मुच्यते लोको ब्रह्महत्यादिपातकात्

śṛṇu nārada vakṣyāmi jagannāthākhyamuttamam | yaṃ dṛṣṭvā mucyate loko brahmahatyādipātakāt

Sanskrit only: no published translation is held for this verse.

यत्र सिद्धं तथा भुक्तं पारलौकिकदायकम् । ब्राह्मणा यत्र भुंजन्ति वेदशास्त्र विशारदः

yatra siddhaṃ tathā bhuktaṃ pāralaukikadāyakam | brāhmaṇā yatra bhuṃjanti vedaśāstra viśāradaḥ

Sanskrit only: no published translation is held for this verse.

अन्येषां चैव लोकानां का कथा चैव सुव्रत । पंचविंशत्यत्र नागा नर्तक्यो विविधास्तथा

anyeṣāṃ caiva lokānāṃ kā kathā caiva suvrata | paṃcaviṃśatyatra nāgā nartakyo vividhāstathā

Sanskrit only: no published translation is held for this verse.

ब्रह्महत्या बालहत्या गवांहत्या तथैव च । ताः सर्वा विलयं यांति जगन्नाथस्य दर्शनात्

brahmahatyā bālahatyā gavāṃhatyā tathaiva ca | tāḥ sarvā vilayaṃ yāṃti jagannāthasya darśanāt

Sanskrit only: no published translation is held for this verse.

जगन्नाथेत्युच्चरञ्जंतुर्महापापैः प्रमुच्यते । विष्णोः पूजनकं पुष्पैस्तन्माहात्म्यमपि ब्रुवे

jagannāthetyuccarañjaṃturmahāpāpaiḥ pramucyate | viṣṇoḥ pūjanakaṃ puṣpaistanmāhātmyamapi bruve

Sanskrit only: no published translation is held for this verse.

पर्वतानां वर्णनं च देशानां वर्णनं तथा । गोपूजनादिमाहात्म्यं सिद्धानां चैव पूजनम्

parvatānāṃ varṇanaṃ ca deśānāṃ varṇanaṃ tathā | gopūjanādimāhātmyaṃ siddhānāṃ caiva pūjanam

Sanskrit only: no published translation is held for this verse.

सिक्थे दत्ते तु यत्पुण्यं तत्सर्वं प्रवदाम्यहम् । कदलीगर्भदानं च वृक्षदानं ततः परम्

sikthe datte tu yatpuṇyaṃ tatsarvaṃ pravadāmyaham | kadalīgarbhadānaṃ ca vṛkṣadānaṃ tataḥ param

Sanskrit only: no published translation is held for this verse.

अश्वदानं हस्तिदानं जपमाहात्म्यमुत्तमम् । मंत्रदीक्षागमं चैव गुरोर्लक्षणमेव च

aśvadānaṃ hastidānaṃ japamāhātmyamuttamam | maṃtradīkṣāgamaṃ caiva gurorlakṣaṇameva ca

Sanskrit only: no published translation is held for this verse.

शिष्यस्य लक्षणं प्रोक्तं यथा पौराणिका विदुः । चरणोदकमाहात्म्यं पितृश्राद्धादिकं च यत्

śiṣyasya lakṣaṇaṃ proktaṃ yathā paurāṇikā viduḥ | caraṇodakamāhātmyaṃ pitṛśrāddhādikaṃ ca yat

Sanskrit only: no published translation is held for this verse.

पितृक्षयाहदानं च नीलोत्सर्गविधिस्ततः । ग्रहणं चंद्रसूर्यस्य तत्र दानं च यद्भवेत्

pitṛkṣayāhadānaṃ ca nīlotsargavidhistataḥ | grahaṇaṃ caṃdrasūryasya tatra dānaṃ ca yadbhavet

Sanskrit only: no published translation is held for this verse.

शालग्रामस्य दानस्य माहात्म्यं माल्यगंधयोः । दशम्यैकादशीवेधं द्वादशी हरिवासरम्

śālagrāmasya dānasya māhātmyaṃ mālyagaṃdhayoḥ | daśamyaikādaśīvedhaṃ dvādaśī harivāsaram

Sanskrit only: no published translation is held for this verse.

तेषां चैव तुमाहात्म्यं रुद्रनामादिकं च यत् । मथुरायाश्च माहात्म्यं कुरुक्षेत्रादिकं तथा

teṣāṃ caiva tumāhātmyaṃ rudranāmādikaṃ ca yat | mathurāyāśca māhātmyaṃ kurukṣetrādikaṃ tathā

Sanskrit only: no published translation is held for this verse.

सेतुबंधस्य चाख्यानं श्रीरामेश्वरजं तथा । त्र्यंबकस्य च माहात्म्यं पंचवट्याश्च यत्फलम्

setubaṃdhasya cākhyānaṃ śrīrāmeśvarajaṃ tathā | tryaṃbakasya ca māhātmyaṃ paṃcavaṭyāśca yatphalam

Sanskrit only: no published translation is held for this verse.

दंडकारण्यमाहात्म्यं शृणु वाडवसत्तम । दंडकारण्यमाहात्म्यं नृसिंहोत्पत्तिकारणम्

daṃḍakāraṇyamāhātmyaṃ śṛṇu vāḍavasattama | daṃḍakāraṇyamāhātmyaṃ nṛsiṃhotpattikāraṇam

Sanskrit only: no published translation is held for this verse.

गीतायाश्चैव माहात्म्यं तथा भागवतस्य च । कालिंद्याश्चैव माहात्म्यमिन्द्रप्रस्थस्य वर्णनम्

gītāyāścaiva māhātmyaṃ tathā bhāgavatasya ca | kāliṃdyāścaiva māhātmyamindraprasthasya varṇanam

Sanskrit only: no published translation is held for this verse.

रुक्मांगदचरित्रं तु महिमा वैष्णवस्य च । वैष्णवे ह्येकभुक्ते तु शृणु वाडवसत्तम

rukmāṃgadacaritraṃ tu mahimā vaiṣṇavasya ca | vaiṣṇave hyekabhukte tu śṛṇu vāḍavasattama

Sanskrit only: no published translation is held for this verse.

ससागरां च पृथिवीं दत्त्वा चैव तु यत्फलम् । तत्फलं समवाप्नोति भुक्ते ह्येके तु वैष्णवे

sasāgarāṃ ca pṛthivīṃ dattvā caiva tu yatphalam | tatphalaṃ samavāpnoti bhukte hyeke tu vaiṣṇave

Sanskrit only: no published translation is held for this verse.

सात्विकाः सत्त्वसंपन्ना राजसाः कामुकाः स्मृताः । तामसा अधमाः प्रोक्ता वैष्णवानां तु लक्षणम्

sātvikāḥ sattvasaṃpannā rājasāḥ kāmukāḥ smṛtāḥ | tāmasā adhamāḥ proktā vaiṣṇavānāṃ tu lakṣaṇam

Sanskrit only: no published translation is held for this verse.

ब्राह्मणा वैष्णवा ये तु वेदधर्मपरायणाः । तेषां माहात्म्यं वक्ष्यामि यथोक्तं चैव नारद

brāhmaṇā vaiṣṇavā ye tu vedadharmaparāyaṇāḥ | teṣāṃ māhātmyaṃ vakṣyāmi yathoktaṃ caiva nārada

Sanskrit only: no published translation is held for this verse.

विष्णुनिंदारता ये वै द्रव्यलोभेन सत्तम । तेषां पापं तु वक्ष्यामि सांप्रतं ऋषिसत्तम

viṣṇuniṃdāratā ye vai dravyalobhena sattama | teṣāṃ pāpaṃ tu vakṣyāmi sāṃprataṃ ṛṣisattama

Sanskrit only: no published translation is held for this verse.

ज्वालामुख्यास्तथाख्यानं हिमशैलेक्षणं तथा । ब्रह्मोत्पत्तिस्तु वै यत्र तं प्रदेशं वदाम्यहम्

jvālāmukhyāstathākhyānaṃ himaśailekṣaṇaṃ tathā | brahmotpattistu vai yatra taṃ pradeśaṃ vadāmyaham

Sanskrit only: no published translation is held for this verse.

कायस्थानां समुत्पतिर्गयाव्याख्यानमेव च । गदाधरस्वरूपं च फल्गुवर्णनमेव च 6.1.५०। एतेषां चैव माहात्म्यं पाद्मे दृष्टं तथा श्रुतम् । महाबोधस्वरूपं च सकल्केर्यश एव च

kāyasthānāṃ samutpatirgayāvyākhyānameva ca | gadādharasvarūpaṃ ca phalguvarṇanameva ca 6.1.50| eteṣāṃ caiva māhātmyaṃ pādme dṛṣṭaṃ tathā śrutam | mahābodhasvarūpaṃ ca sakalkeryaśa eva ca

Sanskrit only: no published translation is held for this verse.

रामगयाया माहात्म्यं तथा प्रेतशिलाभवम् । ब्रह्मणश्च तथाख्यानं शिलाख्यानं वदाम्यहम्

rāmagayāyā māhātmyaṃ tathā pretaśilābhavam | brahmaṇaśca tathākhyānaṃ śilākhyānaṃ vadāmyaham

Sanskrit only: no published translation is held for this verse.

ब्रह्मयोनेस्तथाख्यानमक्षयाख्य वटस्य च । श्राद्धे तत्र महत्पुण्यं यत्तत्सर्वं वदाम्यहम्

brahmayonestathākhyānamakṣayākhya vaṭasya ca | śrāddhe tatra mahatpuṇyaṃ yattatsarvaṃ vadāmyaham

Sanskrit only: no published translation is held for this verse.

महेश्वरकृतां भक्तिं विष्णुना च महात्मना । अद्यापि काश्यां जपति महारुद्रो ह्यनामयम्

maheśvarakṛtāṃ bhaktiṃ viṣṇunā ca mahātmanā | adyāpi kāśyāṃ japati mahārudro hyanāmayam

Sanskrit only: no published translation is held for this verse.

माहात्म्यं च ततो वक्ष्ये सागरस्य हि नारद । तिलतर्पणजं पुण्यं यवजं पुण्यमेव च

māhātmyaṃ ca tato vakṣye sāgarasya hi nārada | tilatarpaṇajaṃ puṇyaṃ yavajaṃ puṇyameva ca

Sanskrit only: no published translation is held for this verse.

तुलसीदलसंयुक्तं तर्पणं देवजं तथा । तन्माहात्म्यं प्रवक्ष्यामि यथोक्तं ब्रह्मणा मम

tulasīdalasaṃyuktaṃ tarpaṇaṃ devajaṃ tathā | tanmāhātmyaṃ pravakṣyāmi yathoktaṃ brahmaṇā mama

Sanskrit only: no published translation is held for this verse.

शंखनादस्य माहात्म्यं पुण्यं चासंख्यसंज्ञकम्

śaṃkhanādasya māhātmyaṃ puṇyaṃ cāsaṃkhyasaṃjñakam

Sanskrit only: no published translation is held for this verse.

रवेर्वारस्य माहात्म्यं योगस्य विष्णुसंज्ञिनः । वैधृतस्य च माहात्म्यं व्यतीपातस्य वै तथा

ravervārasya māhātmyaṃ yogasya viṣṇusaṃjñinaḥ | vaidhṛtasya ca māhātmyaṃ vyatīpātasya vai tathā

Sanskrit only: no published translation is held for this verse.

एतत्सर्वं प्रवक्ष्यामि यथोक्तं चैव नारद । अन्नदानं वस्त्रदानं भूमिदानं तथैव च

etatsarvaṃ pravakṣyāmi yathoktaṃ caiva nārada | annadānaṃ vastradānaṃ bhūmidānaṃ tathaiva ca

Sanskrit only: no published translation is held for this verse.

शय्यादानं च गोदानं तथा वृषभमेव च । जन्माष्टम्याश्च माहात्म्यं मत्स्यमाहात्म्यमेव च

śayyādānaṃ ca godānaṃ tathā vṛṣabhameva ca | janmāṣṭamyāśca māhātmyaṃ matsyamāhātmyameva ca

Sanskrit only: no published translation is held for this verse.

कूर्ममाहात्म्यं तत्प्रोक्तं वाराहस्य तथैव च । माहात्म्यं च गवादीनां दानानां प्रवदाम्यहम्

kūrmamāhātmyaṃ tatproktaṃ vārāhasya tathaiva ca | māhātmyaṃ ca gavādīnāṃ dānānāṃ pravadāmyaham

Sanskrit only: no published translation is held for this verse.

प्रह्लादमुखभक्ता ये ये केचिद्भुवि विश्रुताः । तन्माहात्म्यं ततो वक्ष्ये शृणु देवर्षिसत्तम

prahlādamukhabhaktā ye ye kecidbhuvi viśrutāḥ | tanmāhātmyaṃ tato vakṣye śṛṇu devarṣisattama

Sanskrit only: no published translation is held for this verse.

जागरे महिमा चैव दीपदाने कृते च यत् । प्रहरेषु पृथक्पूजाफलं देवर्षिसत्तम

jāgare mahimā caiva dīpadāne kṛte ca yat | prahareṣu pṛthakpūjāphalaṃ devarṣisattama

Sanskrit only: no published translation is held for this verse.

पर्शुरामस्य चाख्यानं रेणुकाया वधस्तथा । ब्राह्मणानां भूमिदानं रामेणैव च यत्कृतम्

parśurāmasya cākhyānaṃ reṇukāyā vadhastathā | brāhmaṇānāṃ bhūmidānaṃ rāmeṇaiva ca yatkṛtam

Sanskrit only: no published translation is held for this verse.

रामस्याश्रमजं पुण्यं वदाम्यहमशेषतः । नर्मदायास्तथाख्यानं पुण्यपूजनयोस्तथा

rāmasyāśramajaṃ puṇyaṃ vadāmyahamaśeṣataḥ | narmadāyāstathākhyānaṃ puṇyapūjanayostathā

Sanskrit only: no published translation is held for this verse.

दानं वेदपुराणानामाश्रमाणां निरूपणम् । हिरण्यदानपुण्यं च ब्रह्मांडदानमेव च

dānaṃ vedapurāṇānāmāśramāṇāṃ nirūpaṇam | hiraṇyadānapuṇyaṃ ca brahmāṃḍadānameva ca

Sanskrit only: no published translation is held for this verse.

पद्मपुराणदानं च खंडानां व्यक्तयस्तथा । प्रथमं सृष्टिखंडं च द्वितीयं भूमिखंडकम्

padmapurāṇadānaṃ ca khaṃḍānāṃ vyaktayastathā | prathamaṃ sṛṣṭikhaṃḍaṃ ca dvitīyaṃ bhūmikhaṃḍakam

Sanskrit only: no published translation is held for this verse.

स्वर्गखंडं तृतीयं च तुर्यं पातालसंज्ञकम् । उत्तरं पंचमं प्रोक्तं खंडान्यनुक्रमेण वै

svargakhaṃḍaṃ tṛtīyaṃ ca turyaṃ pātālasaṃjñakam | uttaraṃ paṃcamaṃ proktaṃ khaṃḍānyanukrameṇa vai

Sanskrit only: no published translation is held for this verse.

एतत्पद्मपुराणं तु व्यासेन तु महात्मना । कृतं लोकहितार्थाय ब्राह्मणश्रेयसे तथा

etatpadmapurāṇaṃ tu vyāsena tu mahātmanā | kṛtaṃ lokahitārthāya brāhmaṇaśreyase tathā

Sanskrit only: no published translation is held for this verse.

शूद्राणां पुण्यजननं तीव्रदारिद्र्यनाशनम् । मोक्षदं सुखदं चाशु कल्याणप्रदमव्ययम् । श्रुत्वा दानं तथा कुर्याद्विधिना तत्र नारद

śūdrāṇāṃ puṇyajananaṃ tīvradāridryanāśanam | mokṣadaṃ sukhadaṃ cāśu kalyāṇapradamavyayam | śrutvā dānaṃ tathā kuryādvidhinā tatra nārada

Sanskrit only: no published translation is held for this verse.