Padma Purāṇa 6.100

नारद उवाच- जालंधरस्तु तच्छ्रुत्वा कोपाकुलितविग्रहः । निर्जगामाशु दैत्यानां कोटिभिः परिवारितः

nārada uvāca- jālaṃdharastu tacchrutvā kopākulitavigrahaḥ | nirjagāmāśu daityānāṃ koṭibhiḥ parivāritaḥ

Sanskrit only: no published translation is held for this verse.

गतस्तस्याग्रतः शुक्रो राहुर्दृष्टिस्थितोऽभवत् । मुकुटश्चापतद्भूमौ वेगात्प्रस्खलितस्तदा

gatastasyāgrataḥ śukro rāhurdṛṣṭisthito'bhavat | mukuṭaścāpatadbhūmau vegātpraskhalitastadā

Sanskrit only: no published translation is held for this verse.

दैत्यसैन्यवृतैस्तत्र विमानानां शतैस्तदा । व्यराजत नभः पूर्णं प्रावृषीव बलाहकैः

daityasainyavṛtaistatra vimānānāṃ śataistadā | vyarājata nabhaḥ pūrṇaṃ prāvṛṣīva balāhakaiḥ

Sanskrit only: no published translation is held for this verse.

तस्योद्योगं तदा दृष्ट्वा देवाः शक्रपुरोगमाः । अलक्षितत्वराजग्मुः शूलिनं ते व्यजिज्ञपन्

tasyodyogaṃ tadā dṛṣṭvā devāḥ śakrapurogamāḥ | alakṣitatvarājagmuḥ śūlinaṃ te vyajijñapan

Sanskrit only: no published translation is held for this verse.

देवा ऊचुः । न जानासि कथं स्वामिन्देवा विज्ञापयंति भो । तदस्मद्रक्षणार्थाय जहि सागरनंदनम्

devā ūcuḥ | na jānāsi kathaṃ svāmindevā vijñāpayaṃti bho | tadasmadrakṣaṇārthāya jahi sāgaranaṃdanam

Sanskrit only: no published translation is held for this verse.

नारद उवाच- इति देववचः श्रुत्वा प्रहस्य वृषभध्वजः । महाविष्णुं समाहूय वचनं चेदमब्रवीत्

nārada uvāca- iti devavacaḥ śrutvā prahasya vṛṣabhadhvajaḥ | mahāviṣṇuṃ samāhūya vacanaṃ cedamabravīt

Sanskrit only: no published translation is held for this verse.

ईश्वर उवाच- जालंधरः कथं विष्णो न हतः संगरे त्वया । तद्भयाच्चापयातोऽसि त्यक्त्वा वैकुंठमात्मनः

īśvara uvāca- jālaṃdharaḥ kathaṃ viṣṇo na hataḥ saṃgare tvayā | tadbhayāccāpayāto'si tyaktvā vaikuṃṭhamātmanaḥ

Sanskrit only: no published translation is held for this verse.

भगवानुवाच- तवांशसंभवत्वाच्च भ्रातृत्वाच्च तथा श्रियः । न मया निहतः संख्ये त्वमेनं जहि दानवम्

bhagavānuvāca- tavāṃśasaṃbhavatvācca bhrātṛtvācca tathā śriyaḥ | na mayā nihataḥ saṃkhye tvamenaṃ jahi dānavam

Sanskrit only: no published translation is held for this verse.

ईश्वर उवाच- नायमेभिर्महातेजाः शस्त्रास्त्रैर्वध्यते मया । देवैः सर्वैः स्वतेजोंशः शस्त्रार्थे दीयतां मम

īśvara uvāca- nāyamebhirmahātejāḥ śastrāstrairvadhyate mayā | devaiḥ sarvaiḥ svatejoṃśaḥ śastrārthe dīyatāṃ mama

Sanskrit only: no published translation is held for this verse.

नारद उवाच- अथ विष्णुमुखा देवाः स्वतेजांसि ददुस्तदा । तान्येकत्वं गतानीशो दृष्ट्वा तेजो महांस्तदा

nārada uvāca- atha viṣṇumukhā devāḥ svatejāṃsi dadustadā | tānyekatvaṃ gatānīśo dṛṣṭvā tejo mahāṃstadā

Sanskrit only: no published translation is held for this verse.

तेनाकरोन्महादेवः सहसा शस्त्रमुत्तमम् । चक्रं सुदर्शनं नाम ज्वालामालातिभीषणम्

tenākaronmahādevaḥ sahasā śastramuttamam | cakraṃ sudarśanaṃ nāma jvālāmālātibhīṣaṇam

Sanskrit only: no published translation is held for this verse.

तेजःशेषेण च तदा वज्रं च कृतवान्हरः । तावज्जलंधरो दृष्टः कैलासतलभूमिषु

tejaḥśeṣeṇa ca tadā vajraṃ ca kṛtavānharaḥ | tāvajjalaṃdharo dṛṣṭaḥ kailāsatalabhūmiṣu

Sanskrit only: no published translation is held for this verse.

हस्त्यश्वरथपत्तीनां कोटीभिः परिवारितः । तं दृष्ट्वा हर्षिताः सर्वे देवा जग्मुर्यथागतम्

hastyaśvarathapattīnāṃ koṭībhiḥ parivāritaḥ | taṃ dṛṣṭvā harṣitāḥ sarve devā jagmuryathāgatam

Sanskrit only: no published translation is held for this verse.

गणाश्च समनह्यंत युद्धायातित्वरान्विताः । नंदीभवक्त्रसेनानीमुखाः सर्वे शिवाज्ञया

gaṇāśca samanahyaṃta yuddhāyātitvarānvitāḥ | naṃdībhavaktrasenānīmukhāḥ sarve śivājñayā

Sanskrit only: no published translation is held for this verse.

अवतेरुर्गणाः सर्वे कैलासाद्युद्धदुर्मदाः । ततः समभवद्युद्धं कैलासोपत्यका भुवि

avaterurgaṇāḥ sarve kailāsādyuddhadurmadāḥ | tataḥ samabhavadyuddhaṃ kailāsopatyakā bhuvi

Sanskrit only: no published translation is held for this verse.

प्रमथाधिपदैत्यानां घोरं शस्त्रास्त्रसंकुलम् । भेरीमृदंगशंखौघनिस्वनैर्वीरहर्षणैः

pramathādhipadaityānāṃ ghoraṃ śastrāstrasaṃkulam | bherīmṛdaṃgaśaṃkhaughanisvanairvīraharṣaṇaiḥ

Sanskrit only: no published translation is held for this verse.

गजाश्वरथशब्दैश्च नादिता भूर्व्यकंपत । शक्तितोमरबाणौघैर्मुशलप्रासपट्टिशैः

gajāśvarathaśabdaiśca nāditā bhūrvyakaṃpata | śaktitomarabāṇaughairmuśalaprāsapaṭṭiśaiḥ

Sanskrit only: no published translation is held for this verse.

व्यराजत नभः पूर्णमुल्काभिरिव संवृतम् । निहतैरथ नागाश्वैः सर्वा भूमिर्व्यराजत

vyarājata nabhaḥ pūrṇamulkābhiriva saṃvṛtam | nihatairatha nāgāśvaiḥ sarvā bhūmirvyarājata

Sanskrit only: no published translation is held for this verse.

वज्राहताश्चलशिरः शकलैरिव संवृता । प्रमथाहतदैत्यौघैर्दैत्याहतगणैस्तथा

vajrāhatāścalaśiraḥ śakalairiva saṃvṛtā | pramathāhatadaityaughairdaityāhatagaṇaistathā

Sanskrit only: no published translation is held for this verse.

वसासृङ्मांस पंकाद्यैर्भूरगम्याभवत्तदा । प्रमथाहतदैत्यौघान्भार्गवः समजीवयत्

vasāsṛṅmāṃsa paṃkādyairbhūragamyābhavattadā | pramathāhatadaityaughānbhārgavaḥ samajīvayat

Sanskrit only: no published translation is held for this verse.

युद्धे पुनः पुनश्चैव मृतसंजीवनी बलात् । तं दृष्ट्वा व्याकुलीभूत्वा गणाः सर्वे भयार्दिताः

yuddhe punaḥ punaścaiva mṛtasaṃjīvanī balāt | taṃ dṛṣṭvā vyākulībhūtvā gaṇāḥ sarve bhayārditāḥ

Sanskrit only: no published translation is held for this verse.

शशंसुर्देवदेवेशं तत्सर्वं शुक्रचेष्टितम् । अथ रुद्रमुखात्कृत्या बभूवातीव भीषणा

śaśaṃsurdevadeveśaṃ tatsarvaṃ śukraceṣṭitam | atha rudramukhātkṛtyā babhūvātīva bhīṣaṇā

Sanskrit only: no published translation is held for this verse.

तालजंघोदरी वक्रा स्तनापीडितभूरुहा । सा युद्धभूमिमासाद्य भक्षयंती महासुरान्

tālajaṃghodarī vakrā stanāpīḍitabhūruhā | sā yuddhabhūmimāsādya bhakṣayaṃtī mahāsurān

Sanskrit only: no published translation is held for this verse.

भार्गवं स्वकरे धृत्वा जगामांतर्हिताभवत् । विधृतं भार्गवं दृष्ट्वा दैत्यसैन्यगणास्तदा

bhārgavaṃ svakare dhṛtvā jagāmāṃtarhitābhavat | vidhṛtaṃ bhārgavaṃ dṛṣṭvā daityasainyagaṇāstadā

Sanskrit only: no published translation is held for this verse.

प्रम्लानवदना दर्पान्निजघ्नुर्युद्धदुर्मदाः । अथाभज्यत दैत्यानां सेना गणभयार्दिता

pramlānavadanā darpānnijaghnuryuddhadurmadāḥ | athābhajyata daityānāṃ senā gaṇabhayārditā

Sanskrit only: no published translation is held for this verse.

वायुवेगहता यद्वत्प्रकीर्णतृणसंहतिः । भग्नां गतभयात्सेनां दृष्ट्वा हर्षं गणा ययुः

vāyuvegahatā yadvatprakīrṇatṛṇasaṃhatiḥ | bhagnāṃ gatabhayātsenāṃ dṛṣṭvā harṣaṃ gaṇā yayuḥ

Sanskrit only: no published translation is held for this verse.

निशुंभशुंभसेनान्यौ कालनेमिश्च वीर्यवान् । त्रयस्ते वारयामासुर्गणसेनां महाबलाः

niśuṃbhaśuṃbhasenānyau kālanemiśca vīryavān | trayaste vārayāmāsurgaṇasenāṃ mahābalāḥ

Sanskrit only: no published translation is held for this verse.

मुंचतः शरवर्षाणि प्रावृषीव बलाहकाः । ततो दैत्यशरौघास्ते शलभानामिव व्रजाः

muṃcataḥ śaravarṣāṇi prāvṛṣīva balāhakāḥ | tato daityaśaraughāste śalabhānāmiva vrajāḥ

Sanskrit only: no published translation is held for this verse.

रुरुधुः खं दिशः सर्वा गणसेनामकंपयन् । गणाः शरशतैर्भिन्ना रुधिरासारवर्षिणः

rurudhuḥ khaṃ diśaḥ sarvā gaṇasenāmakaṃpayan | gaṇāḥ śaraśatairbhinnā rudhirāsāravarṣiṇaḥ

Sanskrit only: no published translation is held for this verse.

वसंते किंशुकाभासा न प्राज्ञायत किंचन । पतिताः पात्यमानाश्च छिन्नाभिन्नास्तदा गणाः

vasaṃte kiṃśukābhāsā na prājñāyata kiṃcana | patitāḥ pātyamānāśca chinnābhinnāstadā gaṇāḥ

Sanskrit only: no published translation is held for this verse.

त्यक्त्वा संग्रामभूमिं ते सर्वेऽपि विमुखाभवन्

tyaktvā saṃgrāmabhūmiṃ te sarve'pi vimukhābhavan

Sanskrit only: no published translation is held for this verse.

ततः प्रभग्नं स्वबलं विलोक्य गजास्यनंदीश्वरकार्तिकेयाः । चिरान्विता दैत्यवरान्प्रसह्य निवारयामासुरमर्षणास्ते

tataḥ prabhagnaṃ svabalaṃ vilokya gajāsyanaṃdīśvarakārtikeyāḥ | cirānvitā daityavarānprasahya nivārayāmāsuramarṣaṇāste

Sanskrit only: no published translation is held for this verse.