Padma Purāṇa 6.101

नारद उवाच- ते गणाधिपतीन्दृष्ट्वा नंदीभमुखषण्मुखान् । अमर्षादभ्यधावंत द्वंद्वयुद्धाय दानवाः

nārada uvāca- te gaṇādhipatīndṛṣṭvā naṃdībhamukhaṣaṇmukhān | amarṣādabhyadhāvaṃta dvaṃdvayuddhāya dānavāḥ

Sanskrit only: no published translation is held for this verse.

नंदिनं कालनेमिश्च शुंभो लंबोदरं तथा । निशुंभः षण्मुखं वेगादभ्यधावत दंशितः

naṃdinaṃ kālanemiśca śuṃbho laṃbodaraṃ tathā | niśuṃbhaḥ ṣaṇmukhaṃ vegādabhyadhāvata daṃśitaḥ

Sanskrit only: no published translation is held for this verse.

निशुंभः कार्तिकेयस्य मयूरं पंचभिः शरैः । हृदि विव्याध वेगेन मूर्छितः स पपात च

niśuṃbhaḥ kārtikeyasya mayūraṃ paṃcabhiḥ śaraiḥ | hṛdi vivyādha vegena mūrchitaḥ sa papāta ca

Sanskrit only: no published translation is held for this verse.

ततः शक्तिधरः शक्तिं यावज्जग्राह रोषितः । तावन्निशुंभो वेगेन स्वशक्त्या तमपातयत्

tataḥ śaktidharaḥ śaktiṃ yāvajjagrāha roṣitaḥ | tāvanniśuṃbho vegena svaśaktyā tamapātayat

Sanskrit only: no published translation is held for this verse.

ततो नंदीश्वरो बाणैः कालनेमिमविध्यत । सप्तभिश्च हयान्केतूंस्त्रिभिः सारथिमच्छिनत्

tato naṃdīśvaro bāṇaiḥ kālanemimavidhyata | saptabhiśca hayānketūṃstribhiḥ sārathimacchinat

Sanskrit only: no published translation is held for this verse.

कालनेमिस्तु संक्रुद्धो धनुश्चिच्छेद नंदिनः । तदपास्य सशूलेन तं वक्षस्य हनद्दृढम्

kālanemistu saṃkruddho dhanuściccheda naṃdinaḥ | tadapāsya saśūlena taṃ vakṣasya hanaddṛḍham

Sanskrit only: no published translation is held for this verse.

सशूलभिन्नहृदयो हताश्वो हतसारथिः । अद्रेः शिखरमामुच्य शैलाद्रिं सोऽप्यपातयत्

saśūlabhinnahṛdayo hatāśvo hatasārathiḥ | adreḥ śikharamāmucya śailādriṃ so'pyapātayat

Sanskrit only: no published translation is held for this verse.

अथ शुंभो गणेशश्च रथमूषकवाहनौ । युध्यमानौ शरव्रातैः परस्परमविध्यताम्

atha śuṃbho gaṇeśaśca rathamūṣakavāhanau | yudhyamānau śaravrātaiḥ parasparamavidhyatām

Sanskrit only: no published translation is held for this verse.

अथ शुंभं गणाध्यक्षो हृदि विव्याध पत्रिणा । सारथिं पंचभिर्बाणैः पातयामास भूतले

atha śuṃbhaṃ gaṇādhyakṣo hṛdi vivyādha patriṇā | sārathiṃ paṃcabhirbāṇaiḥ pātayāmāsa bhūtale

Sanskrit only: no published translation is held for this verse.

ततः शुंभोऽतिक्रुद्धोऽपि बाणषष्ट्या गणाधिपम् । मूषकं च त्रिभिर्विद्ध्वा ननाद जलदस्वनः

tataḥ śuṃbho'tikruddho'pi bāṇaṣaṣṭyā gaṇādhipam | mūṣakaṃ ca tribhirviddhvā nanāda jaladasvanaḥ

Sanskrit only: no published translation is held for this verse.

मूषकः शरभिन्नांगश्चचाल कृतवेदनः । लंबोदरः समुत्तीर्य पदातिरभवन्नृप

mūṣakaḥ śarabhinnāṃgaścacāla kṛtavedanaḥ | laṃbodaraḥ samuttīrya padātirabhavannṛpa

Sanskrit only: no published translation is held for this verse.

ततो लंबोदरः शुंभं हत्वा परशुना हृदि । अपातयत्तदा भूमौ मूषकं चारुहत्पुनः

tato laṃbodaraḥ śuṃbhaṃ hatvā paraśunā hṛdi | apātayattadā bhūmau mūṣakaṃ cāruhatpunaḥ

Sanskrit only: no published translation is held for this verse.

कालनेमिर्निशुंभश्च उभौ लंबोदरं शरैः । युगपज्जघ्नतुः कोपात्तोत्रेणेव महाद्विपम्

kālanemirniśuṃbhaśca ubhau laṃbodaraṃ śaraiḥ | yugapajjaghnatuḥ kopāttotreṇeva mahādvipam

Sanskrit only: no published translation is held for this verse.

तं पीड्यमानमालोक्य वीरभद्रो महाबलः । अभ्यधावत वेगेन भूतकोटियुतस्तदा

taṃ pīḍyamānamālokya vīrabhadro mahābalaḥ | abhyadhāvata vegena bhūtakoṭiyutastadā

Sanskrit only: no published translation is held for this verse.

कूष्मांडा भैरवाश्चापि वेताला योगिनीगणाः । पिशाचा योगिनीसंघा गणाश्चापि तमन्वयुः

kūṣmāṃḍā bhairavāścāpi vetālā yoginīgaṇāḥ | piśācā yoginīsaṃghā gaṇāścāpi tamanvayuḥ

Sanskrit only: no published translation is held for this verse.

ततः किलकिलाशब्दैः सिंहनादैः सघुर्घुरैः । विनादिता डमरुकैः पृथिवी समकंपत

tataḥ kilakilāśabdaiḥ siṃhanādaiḥ saghurghuraiḥ | vināditā ḍamarukaiḥ pṛthivī samakaṃpata

Sanskrit only: no published translation is held for this verse.

ततो भूतानि धावंति भक्षयंति स्म दानवान् । उत्पतंति पतंति स्म ननृतुश्चरणांगणे

tato bhūtāni dhāvaṃti bhakṣayaṃti sma dānavān | utpataṃti pataṃti sma nanṛtuścaraṇāṃgaṇe

Sanskrit only: no published translation is held for this verse.

नंदी च कार्तिकेयश्च समायातौ त्वरान्वितौ । निजघ्नतू रणे दैत्यान्निरंतर शरव्रजैः

naṃdī ca kārtikeyaśca samāyātau tvarānvitau | nijaghnatū raṇe daityānniraṃtara śaravrajaiḥ

Sanskrit only: no published translation is held for this verse.

छिन्नभिन्नाह तैर्दैत्यैः पातितैर्भर्त्सितैस्तथा । व्याकुला सा भवत्सेना विषण्णवदना तदा

chinnabhinnāha tairdaityaiḥ pātitairbhartsitaistathā | vyākulā sā bhavatsenā viṣaṇṇavadanā tadā

Sanskrit only: no published translation is held for this verse.

प्रविध्वस्तां ततः सेनां दृष्ट्वा सागरनंदनः । रथेनातिपताकेन गणानभिययौ बली

pravidhvastāṃ tataḥ senāṃ dṛṣṭvā sāgaranaṃdanaḥ | rathenātipatākena gaṇānabhiyayau balī

Sanskrit only: no published translation is held for this verse.

हस्त्यश्वरथसंह्रादः शंखभेरीरवस्तदा । अभवत्सिंहनादश्च सेनयोरुभयोस्तदा

hastyaśvarathasaṃhrādaḥ śaṃkhabherīravastadā | abhavatsiṃhanādaśca senayorubhayostadā

Sanskrit only: no published translation is held for this verse.

जालंधरशरव्रातैर्नीहारपटलैरिव । द्यावापृथिव्योराच्छन्नमंतरं समपद्यत

jālaṃdharaśaravrātairnīhārapaṭalairiva | dyāvāpṛthivyorācchannamaṃtaraṃ samapadyata

Sanskrit only: no published translation is held for this verse.

गणेशं पंचभिर्विध्वा शैलाद्रिमपि पंचभिः । वीरभद्रं च विंशत्या ननाद जलदस्वनः

gaṇeśaṃ paṃcabhirvidhvā śailādrimapi paṃcabhiḥ | vīrabhadraṃ ca viṃśatyā nanāda jaladasvanaḥ

Sanskrit only: no published translation is held for this verse.

कार्तिकेयस्ततो दैत्यं शक्त्या विव्याध सत्वरः । व्याघूर्णः शक्तिनिर्भिन्नः किंचिद्व्याकुलमानसः

kārtikeyastato daityaṃ śaktyā vivyādha satvaraḥ | vyāghūrṇaḥ śaktinirbhinnaḥ kiṃcidvyākulamānasaḥ

Sanskrit only: no published translation is held for this verse.

ततः क्रोधपरीताक्षः कार्तिकेयं जलंधरः । गदया ताडयामास स च भूमितलेऽपतत्

tataḥ krodhaparītākṣaḥ kārtikeyaṃ jalaṃdharaḥ | gadayā tāḍayāmāsa sa ca bhūmitale'patat

Sanskrit only: no published translation is held for this verse.

तथैव नंदिनं वेगादपातयत भूतले । ततो गणेश्वरः क्रुद्धो गदां परशुनाच्छिनत्

tathaiva naṃdinaṃ vegādapātayata bhūtale | tato gaṇeśvaraḥ kruddho gadāṃ paraśunācchinat

Sanskrit only: no published translation is held for this verse.

वीरभद्रस्त्रिभिर्बाणैर्हृदि विव्याध दानवम् । सप्तभिश्च हयान्केतून्धनुश्छन्नं च चिच्छिदे

vīrabhadrastribhirbāṇairhṛdi vivyādha dānavam | saptabhiśca hayānketūndhanuśchannaṃ ca cicchide

Sanskrit only: no published translation is held for this verse.

ततोऽतिक्रुद्धो दैत्येंद्रः शक्तिमुद्यम्य दारुणाम् । गणेशं पातयामास रथमन्यं समारुहत्

tato'tikruddho daityeṃdraḥ śaktimudyamya dāruṇām | gaṇeśaṃ pātayāmāsa rathamanyaṃ samāruhat

Sanskrit only: no published translation is held for this verse.

अभ्ययादथ वेगेन वीरभद्रं रुषान्वितः । ततस्तौ सूर्यसंकाशौ युयुधाते परस्परम्

abhyayādatha vegena vīrabhadraṃ ruṣānvitaḥ | tatastau sūryasaṃkāśau yuyudhāte parasparam

Sanskrit only: no published translation is held for this verse.

वीरभद्रस्तस्य हयांस्तथा बाणैरपातयत् । धनुश्चिच्छेद दैत्येंद्रो युयुधे परिघायुधः

vīrabhadrastasya hayāṃstathā bāṇairapātayat | dhanuściccheda daityeṃdro yuyudhe parighāyudhaḥ

Sanskrit only: no published translation is held for this verse.

स वीरभद्रं त्वरयाभिगम्य जघान दैत्यः परिघेन मूर्ध्नि । स चापि दैत्यः प्रविभिन्नमूर्द्धा पपात भूमौ रुधिरं समुद्गिरन्

sa vīrabhadraṃ tvarayābhigamya jaghāna daityaḥ parighena mūrdhni | sa cāpi daityaḥ pravibhinnamūrddhā papāta bhūmau rudhiraṃ samudgiran

Sanskrit only: no published translation is held for this verse.