Library·Padma Purāṇa·6·6.102
नारद उवाच- पतितं वीरभद्रं तु दृंष्ट्वा रुद्रगणा भयात् । आगतास्ते रणं हित्वा क्रोशमाना महेश्वरम्
nārada uvāca- patitaṃ vīrabhadraṃ tu dṛṃṣṭvā rudragaṇā bhayāt | āgatāste raṇaṃ hitvā krośamānā maheśvaram
Sanskrit only: no published translation is held for this verse.
अथ कोलाहलं श्रुत्वा गणानां चंद्रशेखरः
atha kolāhalaṃ śrutvā gaṇānāṃ caṃdraśekharaḥ
Sanskrit only: no published translation is held for this verse.
अभ्ययाद्वृषमारूढः संग्रामं प्रहसन्निव । रुद्रमायां तमालोक्य सिंहनादैर्गणाः पुनः
abhyayādvṛṣamārūḍhaḥ saṃgrāmaṃ prahasanniva | rudramāyāṃ tamālokya siṃhanādairgaṇāḥ punaḥ
Sanskrit only: no published translation is held for this verse.
निवृत्ताः संगरे दैत्यान्निजघ्नुः शरवृष्टिभिः । दैत्याश्च भीषणं रुद्रं दृष्ट्वा सर्वे विदुद्रुवुः
nivṛttāḥ saṃgare daityānnijaghnuḥ śaravṛṣṭibhiḥ | daityāśca bhīṣaṇaṃ rudraṃ dṛṣṭvā sarve vidudruvuḥ
Sanskrit only: no published translation is held for this verse.
कार्त्तिकव्रतिनं दृष्ट्वा पातकानीव तद्भयात् । अथ जालंधरो दैत्यान्विद्रुतान्प्रेक्ष्य संगरे
kārttikavratinaṃ dṛṣṭvā pātakānīva tadbhayāt | atha jālaṃdharo daityānvidrutānprekṣya saṃgare
Sanskrit only: no published translation is held for this verse.
रोषादधावच्चंडीशं मुंचन्बाणान्सहस्रशः । शुंभो निशुंभोऽश्वमुखः कालनेमिर्बलाहकः
roṣādadhāvaccaṃḍīśaṃ muṃcanbāṇānsahasraśaḥ | śuṃbho niśuṃbho'śvamukhaḥ kālanemirbalāhakaḥ
Sanskrit only: no published translation is held for this verse.
खड्गरोमा प्रचंडश्च घस्मरश्च शिवं ययुः । बाणांधकारसंच्छन्नं दृष्ट्वा गणबलं शिवः
khaḍgaromā pracaṃḍaśca ghasmaraśca śivaṃ yayuḥ | bāṇāṃdhakārasaṃcchannaṃ dṛṣṭvā gaṇabalaṃ śivaḥ
Sanskrit only: no published translation is held for this verse.
तद्बाणजालं विच्छिद्य स्वबाणैरावृणोन्नभः । दैत्यांश्च बाणवात्याभिः पीडितानकरोत्तदा
tadbāṇajālaṃ vicchidya svabāṇairāvṛṇonnabhaḥ | daityāṃśca bāṇavātyābhiḥ pīḍitānakarottadā
Sanskrit only: no published translation is held for this verse.
प्रचंडजालबाणौघैरपातयत भूतले । खड्गरोम्णः शिरः कोपात्तथा परशुनाच्छिनत्
pracaṃḍajālabāṇaughairapātayata bhūtale | khaḍgaromṇaḥ śiraḥ kopāttathā paraśunācchinat
Sanskrit only: no published translation is held for this verse.
बलाहकस्य च शिरः खंट्वागेनाकरोद्द्विधा । बद्ध्वा च घस्मरं दैत्यं पाशेनाभ्यहनाद्भुवि
balāhakasya ca śiraḥ khaṃṭvāgenākaroddvidhā | baddhvā ca ghasmaraṃ daityaṃ pāśenābhyahanādbhuvi
Sanskrit only: no published translation is held for this verse.
वृषभेण हताः केचित्केचिद्बाणैर्निराकृताः । न शेकुरसुराः स्थातुं गजाः सिंहार्दिता यथा
vṛṣabheṇa hatāḥ kecitkecidbāṇairnirākṛtāḥ | na śekurasurāḥ sthātuṃ gajāḥ siṃhārditā yathā
Sanskrit only: no published translation is held for this verse.
ततः कोपपरीतात्मा वेगाद्रुद्रं जलंधरः । आह्वयामास समरे तीव्राशनिसमस्वनः
tataḥ kopaparītātmā vegādrudraṃ jalaṃdharaḥ | āhvayāmāsa samare tīvrāśanisamasvanaḥ
Sanskrit only: no published translation is held for this verse.
जलंधर उवाच- युध्यस्वाद्य मया सार्द्धं किमेभिर्निहितैस्तव । यच्च किंचिद्बलं तेऽस्ति तद्दर्शय जटाधर
jalaṃdhara uvāca- yudhyasvādya mayā sārddhaṃ kimebhirnihitaistava | yacca kiṃcidbalaṃ te'sti taddarśaya jaṭādhara
Sanskrit only: no published translation is held for this verse.
नारद उवाच। इत्युक्त्वा बाणसप्तत्या जघान वृषभध्वजम् । तानप्राप्तान्शितैर्बाणैश्चिच्छेद प्रहसन्निव
nārada uvāca| ityuktvā bāṇasaptatyā jaghāna vṛṣabhadhvajam | tānaprāptānśitairbāṇaiściccheda prahasanniva
Sanskrit only: no published translation is held for this verse.
ततो हयान्ध्वजं छत्रं धनुश्चिच्छेद सप्तभिः । सच्छिन्नधन्वा विरथो गदामादाय वीर्यवान्
tato hayāndhvajaṃ chatraṃ dhanuściccheda saptabhiḥ | sacchinnadhanvā viratho gadāmādāya vīryavān
Sanskrit only: no published translation is held for this verse.
अभ्यधावच्छिवस्तावद्गदाबाणैर्द्विधाकरोत् । तथापि मुष्टिमुद्यम्य ययौ रुद्रजिघांसया
abhyadhāvacchivastāvadgadābāṇairdvidhākarot | tathāpi muṣṭimudyamya yayau rudrajighāṃsayā
Sanskrit only: no published translation is held for this verse.
तावच्छिवेन बाणौघैः क्रोशमात्रमपाकृतः । ततो जालंधरो दैत्यो मत्वा रुद्रं बलाधिकम्
tāvacchivena bāṇaughaiḥ krośamātramapākṛtaḥ | tato jālaṃdharo daityo matvā rudraṃ balādhikam
Sanskrit only: no published translation is held for this verse.
ससर्ज मायां गांधर्वीमद्भुतां रुद्रमोहिनीम् । ततो जगुश्च ननृतुर्गंधर्वाप्सरसांगणाः
sasarja māyāṃ gāṃdharvīmadbhutāṃ rudramohinīm | tato jaguśca nanṛturgaṃdharvāpsarasāṃgaṇāḥ
Sanskrit only: no published translation is held for this verse.
तालवेणुमृदंगांश्च वादयंतः परस्परम् । तं दृष्ट्वा महदाश्चर्यं रुद्रो नादविमोहितः
tālaveṇumṛdaṃgāṃśca vādayaṃtaḥ parasparam | taṃ dṛṣṭvā mahadāścaryaṃ rudro nādavimohitaḥ
Sanskrit only: no published translation is held for this verse.
पतितान्यपि शस्त्राणि करेभ्यो न विवेद सः । एकाग्रभूतमालोक्यरुद्रं दैत्यो जलंधरः
patitānyapi śastrāṇi karebhyo na viveda saḥ | ekāgrabhūtamālokyarudraṃ daityo jalaṃdharaḥ
Sanskrit only: no published translation is held for this verse.
कामार्त्तः सञ्जगामाशु यत्र गौरी स्थिताभवत् । युद्धे शुंभनिशुंभाख्यौ स्थापयित्वा महाबलौ
kāmārttaḥ sañjagāmāśu yatra gaurī sthitābhavat | yuddhe śuṃbhaniśuṃbhākhyau sthāpayitvā mahābalau
Sanskrit only: no published translation is held for this verse.
दशदोर्दंडपंचास्यस्त्रिनेत्रश्च जटाधरः । महावृषभमारूढः स बभूव जलंधरः
daśadordaṃḍapaṃcāsyastrinetraśca jaṭādharaḥ | mahāvṛṣabhamārūḍhaḥ sa babhūva jalaṃdharaḥ
Sanskrit only: no published translation is held for this verse.
अथ रुद्रं समायांतमालोक्य भववल्लभा । अभ्याययौ सखीमध्यात्तद्दर्शनपथेऽभवत्
atha rudraṃ samāyāṃtamālokya bhavavallabhā | abhyāyayau sakhīmadhyāttaddarśanapathe'bhavat
Sanskrit only: no published translation is held for this verse.
यावद्ददर्श चार्वगीं पार्वतीं दनुजेश्वरः । तावत्स वीर्यं मुमुचे जडांगश्चाभवत्तदा
yāvaddadarśa cārvagīṃ pārvatīṃ danujeśvaraḥ | tāvatsa vīryaṃ mumuce jaḍāṃgaścābhavattadā
Sanskrit only: no published translation is held for this verse.
अथ ज्ञात्वा तदा गौरी दानवं भयविह्वला । जगामांतर्हिता तावत्सा तदोत्तरमानसम्
atha jñātvā tadā gaurī dānavaṃ bhayavihvalā | jagāmāṃtarhitā tāvatsā tadottaramānasam
Sanskrit only: no published translation is held for this verse.
तामदृष्ट्वा तदा दैत्यः क्षणाद्विद्युल्लतामिव । जवेनायात्पुनर्युद्धं यत्र देवो वृषध्वजः
tāmadṛṣṭvā tadā daityaḥ kṣaṇādvidyullatāmiva | javenāyātpunaryuddhaṃ yatra devo vṛṣadhvajaḥ
Sanskrit only: no published translation is held for this verse.
पार्वत्यपि महाविष्णुं सस्मार मनसा तदा । तावद्ददर्श तं देवी सोपविष्टं समीपगम्
pārvatyapi mahāviṣṇuṃ sasmāra manasā tadā | tāvaddadarśa taṃ devī sopaviṣṭaṃ samīpagam
Sanskrit only: no published translation is held for this verse.
पार्वत्युवाच। विष्णो जलंधरो दैत्यः कृतवान्परमाद्भुतम् । तत्किं न विदितं तेऽस्ति चेष्टितं तस्य दुर्मतेः
pārvatyuvāca| viṣṇo jalaṃdharo daityaḥ kṛtavānparamādbhutam | tatkiṃ na viditaṃ te'sti ceṣṭitaṃ tasya durmateḥ
Sanskrit only: no published translation is held for this verse.
श्रीभगवानुवाच- तेनैव दर्शितः पंथा वयमप्यन्वयामहे । नान्यथा स भवेद्वध्यः पातिव्रत्यात्सुरक्षितः
śrībhagavānuvāca- tenaiva darśitaḥ paṃthā vayamapyanvayāmahe | nānyathā sa bhavedvadhyaḥ pātivratyātsurakṣitaḥ
Sanskrit only: no published translation is held for this verse.
नारद उवाच- जगाम विष्णुरित्युक्त्वा पुनर्जालंधरं पुरम् । अथ रुद्रश्च गंधर्वानुगतः संगरे स्थितः
nārada uvāca- jagāma viṣṇurityuktvā punarjālaṃdharaṃ puram | atha rudraśca gaṃdharvānugataḥ saṃgare sthitaḥ
Sanskrit only: no published translation is held for this verse.
अंतर्द्धानगतां मायां दृष्ट्वा तु बुबुधे तदा । ततः शिवो विस्मितमानसः पुनर्जगाम युद्धाय जलंधरं रुषा
aṃtarddhānagatāṃ māyāṃ dṛṣṭvā tu bubudhe tadā | tataḥ śivo vismitamānasaḥ punarjagāma yuddhāya jalaṃdharaṃ ruṣā
Sanskrit only: no published translation is held for this verse.
स चापि दैत्यः पुनरागतं शिवं दृष्ट्वा शरौघैः समवाकिरद्रणे
sa cāpi daityaḥ punarāgataṃ śivaṃ dṛṣṭvā śaraughaiḥ samavākiradraṇe
Sanskrit only: no published translation is held for this verse.