Padma Purāṇa 6.103

नारद उवाच- विष्णुर्जालंधरं गत्वा तद्दैत्यपुटभेदनम् । पातिव्रत्यस्य भंगाय वृंदायाश्चाकरोन्मतिम्

nārada uvāca- viṣṇurjālaṃdharaṃ gatvā taddaityapuṭabhedanam | pātivratyasya bhaṃgāya vṛṃdāyāścākaronmatim

Sanskrit only: no published translation is held for this verse.

अथ वृंदारका देवी स्वप्नमध्ये ददर्श ह । भर्त्तारं महिषारूढं तैलाभ्यक्तं दिगंबरम्

atha vṛṃdārakā devī svapnamadhye dadarśa ha | bharttāraṃ mahiṣārūḍhaṃ tailābhyaktaṃ digaṃbaram

Sanskrit only: no published translation is held for this verse.

कृष्णप्रसूनभूषाढ्यं क्रव्यादगणसेवितम् । दक्षिणाशां गतं मुंडं तमसा व्यावृतं तदा

kṛṣṇaprasūnabhūṣāḍhyaṃ kravyādagaṇasevitam | dakṣiṇāśāṃ gataṃ muṃḍaṃ tamasā vyāvṛtaṃ tadā

Sanskrit only: no published translation is held for this verse.

स्वपुरं सागरे मग्नं सहसैवात्मना सह । ततः प्रबुद्धा सा बाला स्वस्वप्नं प्रविचिन्वती

svapuraṃ sāgare magnaṃ sahasaivātmanā saha | tataḥ prabuddhā sā bālā svasvapnaṃ pravicinvatī

Sanskrit only: no published translation is held for this verse.

ददर्शोदितमादित्यं सच्छिद्रं निश्चलं मुहुः । तदनिष्टमिति ज्ञात्वा रुदती भयविह्वला

dadarśoditamādityaṃ sacchidraṃ niścalaṃ muhuḥ | tadaniṣṭamiti jñātvā rudatī bhayavihvalā

Sanskrit only: no published translation is held for this verse.

कुत्रचिन्नालभच्छर्म गोपुराट्टालभूमिषु । ततः सखीद्वययुता नगरोद्यानमागमत्

kutracinnālabhaccharma gopurāṭṭālabhūmiṣu | tataḥ sakhīdvayayutā nagarodyānamāgamat

Sanskrit only: no published translation is held for this verse.

तत्रापि सागता बाला नालभत्कुत्रचित्सुखम् । वनाद्वनांतरं याता नैव वेदात्मनस्तदा

tatrāpi sāgatā bālā nālabhatkutracitsukham | vanādvanāṃtaraṃ yātā naiva vedātmanastadā

Sanskrit only: no published translation is held for this verse.

ततो भ्रमंते सा बाला ददर्शातिविभीषणौ । राक्षसौ सिंहवदनौ दंष्ट्रानयनभीषणौ

tato bhramaṃte sā bālā dadarśātivibhīṣaṇau | rākṣasau siṃhavadanau daṃṣṭrānayanabhīṣaṇau

Sanskrit only: no published translation is held for this verse.

तौ दृष्ट्वा विह्वलातीव पलायनपरा तदा । ददर्श तापसंशांतं सशिष्यं मौनमास्थितम्

tau dṛṣṭvā vihvalātīva palāyanaparā tadā | dadarśa tāpasaṃśāṃtaṃ saśiṣyaṃ maunamāsthitam

Sanskrit only: no published translation is held for this verse.

ततस्तत्कंठ आसज्य निजां बाहुलतां भयात् । मुने मां रक्ष शरणमागतामित्यभाषत

tatastatkaṃṭha āsajya nijāṃ bāhulatāṃ bhayāt | mune māṃ rakṣa śaraṇamāgatāmityabhāṣata

Sanskrit only: no published translation is held for this verse.

मुनिस्तां विह्वलां दृष्ट्वा राक्षसानुगतां तदा । हुंकारेणैव तौ घोरौ चकार विमुखौ रुषा

munistāṃ vihvalāṃ dṛṣṭvā rākṣasānugatāṃ tadā | huṃkāreṇaiva tau ghorau cakāra vimukhau ruṣā

Sanskrit only: no published translation is held for this verse.

यद्धुंकारभयत्रस्तौ दृष्ट्वा तौ गगनं गतौ । प्रणम्य दंडवद्भूमौ वृंदा वचनमब्रवीत्

yaddhuṃkārabhayatrastau dṛṣṭvā tau gaganaṃ gatau | praṇamya daṃḍavadbhūmau vṛṃdā vacanamabravīt

Sanskrit only: no published translation is held for this verse.

वृंदोवाच। रक्षिताहं त्वया घोराद्भयात्तस्मात्कृपानिधे । किंचिद्विज्ञप्तुमिच्छामि कृपया तन्निशामय

vṛṃdovāca| rakṣitāhaṃ tvayā ghorādbhayāttasmātkṛpānidhe | kiṃcidvijñaptumicchāmi kṛpayā tanniśāmaya

Sanskrit only: no published translation is held for this verse.

जलंधरो हि मे भर्त्ता रुद्रं योद्धुं गतः प्रभो । स तत्रास्ति कथं युद्धे तन्मे कथय सुव्रत

jalaṃdharo hi me bharttā rudraṃ yoddhuṃ gataḥ prabho | sa tatrāsti kathaṃ yuddhe tanme kathaya suvrata

Sanskrit only: no published translation is held for this verse.

नारद उवाच-। मुनिस्तद्वाक्यमाकर्ण्य कृपयोर्ध्वमवैक्षत । तावत्कपीशावायातौ तं प्रणम्याग्रतः स्थितौ

nārada uvāca-| munistadvākyamākarṇya kṛpayordhvamavaikṣata | tāvatkapīśāvāyātau taṃ praṇamyāgrataḥ sthitau

Sanskrit only: no published translation is held for this verse.

ततस्तद्भ्रूलतासंज्ञा नियुक्तौ गगनं गतौ । गत्वा क्षणार्द्धादागत्य वानरावग्रतः स्थितौ

tatastadbhrūlatāsaṃjñā niyuktau gaganaṃ gatau | gatvā kṣaṇārddhādāgatya vānarāvagrataḥ sthitau

Sanskrit only: no published translation is held for this verse.

शिरः कबंधहस्तौ तौ दृष्ट्वाब्धितनयस्य सा । पपात मूर्छिता भूमौ भर्तृव्यसनदुःखिता

śiraḥ kabaṃdhahastau tau dṛṣṭvābdhitanayasya sā | papāta mūrchitā bhūmau bhartṛvyasanaduḥkhitā

Sanskrit only: no published translation is held for this verse.

कमंडलुजलैः सिक्ता मुनिनाश्वासिता तदा । स्वभर्तृभाले सा भालं कृत्वा खिन्ना रुरोद ह

kamaṃḍalujalaiḥ siktā munināśvāsitā tadā | svabhartṛbhāle sā bhālaṃ kṛtvā khinnā ruroda ha

Sanskrit only: no published translation is held for this verse.

वृंदोवाच-। यः पुरा सुखसंवादैर्विनोदयसि मां विभो । स कथं न वदस्यद्य वल्लभां मामनागसम्

vṛṃdovāca-| yaḥ purā sukhasaṃvādairvinodayasi māṃ vibho | sa kathaṃ na vadasyadya vallabhāṃ māmanāgasam

Sanskrit only: no published translation is held for this verse.

येन देवाः सगंधर्वा निर्जिता हरिणा सह । स कथं तापसेन त्वं त्रैलोक्यविजयी हतः

yena devāḥ sagaṃdharvā nirjitā hariṇā saha | sa kathaṃ tāpasena tvaṃ trailokyavijayī hataḥ

Sanskrit only: no published translation is held for this verse.

नारद उवाच-। रुदित्वेति तदा वृंदा तं मुनिं वाक्यमब्रवीत् । वृंदोवाच । कृपानिधे मुनिश्रेष्ठ जीवनं मेऽस्य सुप्रियम्

nārada uvāca-| ruditveti tadā vṛṃdā taṃ muniṃ vākyamabravīt | vṛṃdovāca | kṛpānidhe muniśreṣṭha jīvanaṃ me'sya supriyam

Sanskrit only: no published translation is held for this verse.

त्वमेवास्य पुनः शक्तो जीवनाय मतो मम । अथ तद्वाक्यमाकर्ण्य प्रहस्य मुनिरब्रवीत्

tvamevāsya punaḥ śakto jīvanāya mato mama | atha tadvākyamākarṇya prahasya munirabravīt

Sanskrit only: no published translation is held for this verse.

मुनिरुवाच। नायं जीवयितुं शक्यो रुद्रेण निहतो युधि । तथापि त्वत्कृपाविष्ट एवं संजीवयाम्यहम्

muniruvāca| nāyaṃ jīvayituṃ śakyo rudreṇa nihato yudhi | tathāpi tvatkṛpāviṣṭa evaṃ saṃjīvayāmyaham

Sanskrit only: no published translation is held for this verse.

नारद उवाच। इत्युक्त्वांतर्दधे यावत्तावत्सागरनंदनः । वृंदामालिंग्य तद्वक्त्रं चुचुंबे प्रीतमानसः

nārada uvāca| ityuktvāṃtardadhe yāvattāvatsāgaranaṃdanaḥ | vṛṃdāmāliṃgya tadvaktraṃ cucuṃbe prītamānasaḥ

Sanskrit only: no published translation is held for this verse.

अथ वृंदापि भर्त्तारं दृष्ट्वा हर्षितमानसा । रेमे तद्वनमध्यस्था तद्युक्ता बहुवासरम्

atha vṛṃdāpi bharttāraṃ dṛṣṭvā harṣitamānasā | reme tadvanamadhyasthā tadyuktā bahuvāsaram

Sanskrit only: no published translation is held for this verse.

कदाचित्सुरतस्यांते दृष्ट्वा विष्णुं तमेव हि । निर्भर्त्स्य क्रोधसंयुक्ता वृंदा वचनमब्रवीत्

kadācitsuratasyāṃte dṛṣṭvā viṣṇuṃ tameva hi | nirbhartsya krodhasaṃyuktā vṛṃdā vacanamabravīt

Sanskrit only: no published translation is held for this verse.

वृंदोवाच। धिक्त वेदं हरे शीलं परदाराभिगामिनः । ज्ञातोऽसि त्वं मया सम्यङ्माया प्रत्यक्ष तापसः

vṛṃdovāca| dhikta vedaṃ hare śīlaṃ paradārābhigāminaḥ | jñāto'si tvaṃ mayā samyaṅmāyā pratyakṣa tāpasaḥ

Sanskrit only: no published translation is held for this verse.

यौ त्वया मायया द्वास्थौ स्वकीयौ दर्शितौ मम । तावेव राक्षसौ भूत्वा भार्यां तव हरिष्यथ

yau tvayā māyayā dvāsthau svakīyau darśitau mama | tāveva rākṣasau bhūtvā bhāryāṃ tava hariṣyatha

Sanskrit only: no published translation is held for this verse.

त्वं चापि भार्यादुःखार्तो वने कपिसहायवान् । भ्रम सर्वेश्वरेणायं यस्ते शिष्यत्वमागतः

tvaṃ cāpi bhāryāduḥkhārto vane kapisahāyavān | bhrama sarveśvareṇāyaṃ yaste śiṣyatvamāgataḥ

Sanskrit only: no published translation is held for this verse.

इत्युक्त्वा सा तदा वृंदा प्राविशद्धव्यवाहनम् । विष्णुना वार्यमाणापि तस्मिन्नासक्तमानसा

ityuktvā sā tadā vṛṃdā prāviśaddhavyavāhanam | viṣṇunā vāryamāṇāpi tasminnāsaktamānasā

Sanskrit only: no published translation is held for this verse.

ततो हरिस्तामनुसंस्मरन्मुहुर्वृंदाचिताभस्मरजोवगुंठितः । तत्रैव तस्थौ मुनिसिद्धसंघैः प्रबोध्यमानोपि ययौ न शांतिंम्

tato haristāmanusaṃsmaranmuhurvṛṃdācitābhasmarajovaguṃṭhitaḥ | tatraiva tasthau munisiddhasaṃghaiḥ prabodhyamānopi yayau na śāṃtiṃm

Sanskrit only: no published translation is held for this verse.