Padma Purāṇa 6.104

नारद उवाच- ततो जलंधरो दृष्ट्वा रुद्रमद्भुतविक्रमम् । चकार मायया गौरीं त्र्यबकं मोहयंस्तदा

nārada uvāca- tato jalaṃdharo dṛṣṭvā rudramadbhutavikramam | cakāra māyayā gaurīṃ tryabakaṃ mohayaṃstadā

Sanskrit only: no published translation is held for this verse.

रथोपरिगतां दृष्ट्वा रुदंतीं च तदा शिवः । शुंभनिशुंभदैत्यैश्च वध्यमानां ददर्श सः

rathoparigatāṃ dṛṣṭvā rudaṃtīṃ ca tadā śivaḥ | śuṃbhaniśuṃbhadaityaiśca vadhyamānāṃ dadarśa saḥ

Sanskrit only: no published translation is held for this verse.

गौरीं तथाविधां दृष्ट्वा शिवोऽप्युद्विग्नमानसः । अवाङ्मुखः स्थितस्तूष्णीं विस्मृत्य स्वपराक्रमम्

gaurīṃ tathāvidhāṃ dṛṣṭvā śivo'pyudvignamānasaḥ | avāṅmukhaḥ sthitastūṣṇīṃ vismṛtya svaparākramam

Sanskrit only: no published translation is held for this verse.

ततो जलंधरो वेगात्त्रिभिर्विव्याध सायकैः । आपुंखमग्नैस्तं रुद्रं शिरस्युरसि चोदरे

tato jalaṃdharo vegāttribhirvivyādha sāyakaiḥ | āpuṃkhamagnaistaṃ rudraṃ śirasyurasi codare

Sanskrit only: no published translation is held for this verse.

ततो जज्ञे स तां मायां विष्णुना संप्रबोधितः । रौद्ररूपधरो जातो ज्वालामालातिभीषणः

tato jajñe sa tāṃ māyāṃ viṣṇunā saṃprabodhitaḥ | raudrarūpadharo jāto jvālāmālātibhīṣaṇaḥ

Sanskrit only: no published translation is held for this verse.

तस्यातीवमहारौद्रं रूपं दृष्ट्वा महासुराः । न शेकुः प्रमुखे स्थातुं भेजिरे च दिशो दश

tasyātīvamahāraudraṃ rūpaṃ dṛṣṭvā mahāsurāḥ | na śekuḥ pramukhe sthātuṃ bhejire ca diśo daśa

Sanskrit only: no published translation is held for this verse.

ततः शापं ददौ देवस्तयोः शुंभनिशुंभयोः । मम युद्धादपक्रांतौ गौर्यावध्यौ भविष्यथः

tataḥ śāpaṃ dadau devastayoḥ śuṃbhaniśuṃbhayoḥ | mama yuddhādapakrāṃtau gauryāvadhyau bhaviṣyathaḥ

Sanskrit only: no published translation is held for this verse.

पुनर्जलंधरो वेगाद्ववर्ष निशितैः शरैः । बांणांधकारसंच्छन्नं यथा भूमितलं महत्

punarjalaṃdharo vegādvavarṣa niśitaiḥ śaraiḥ | bāṃṇāṃdhakārasaṃcchannaṃ yathā bhūmitalaṃ mahat

Sanskrit only: no published translation is held for this verse.

यावद्रुद्रः प्रचिच्छेद तस्यबाणांस्त्वरान्वितः । तावत्स परिघेणाशु जघान वृषभं बली

yāvadrudraḥ praciccheda tasyabāṇāṃstvarānvitaḥ | tāvatsa parigheṇāśu jaghāna vṛṣabhaṃ balī

Sanskrit only: no published translation is held for this verse.

वृषस्तेन प्रहारेण परावृत्तो रणांगणात् । रुद्रेणाकृष्यमाणोऽपि न तस्थौ रणभूमिषु

vṛṣastena prahāreṇa parāvṛtto raṇāṃgaṇāt | rudreṇākṛṣyamāṇo'pi na tasthau raṇabhūmiṣu

Sanskrit only: no published translation is held for this verse.

ततः परमसंक्रुद्धो रुद्रो रौद्रवपुर्द्धरः । चक्रं सुदर्शनं वेगाच्चिक्षेपादित्यवर्चसम्

tataḥ paramasaṃkruddho rudro raudravapurddharaḥ | cakraṃ sudarśanaṃ vegāccikṣepādityavarcasam

Sanskrit only: no published translation is held for this verse.

प्रदहद्रोदसी वेगात्तदासाद्य जलंधरम् । जहार तच्छिरः कायान्महदायतलोचनम्

pradahadrodasī vegāttadāsādya jalaṃdharam | jahāra tacchiraḥ kāyānmahadāyatalocanam

Sanskrit only: no published translation is held for this verse.

रथात्कायः पपातोर्व्यां नादयन्वसुधातलम् । तेजश्च निर्गतं देहात्तद्रुद्रे लयमागमत्

rathātkāyaḥ papātorvyāṃ nādayanvasudhātalam | tejaśca nirgataṃ dehāttadrudre layamāgamat

Sanskrit only: no published translation is held for this verse.

दृष्ट्वा देहोद्भवं तेजस्तद्गौरीशे लयं गतम् । अथ चेंद्रादयो देवा हर्षादुत्फुल्ललोचनाः

dṛṣṭvā dehodbhavaṃ tejastadgaurīśe layaṃ gatam | atha ceṃdrādayo devā harṣādutphullalocanāḥ

Sanskrit only: no published translation is held for this verse.

प्रणम्य शिरसा रुद्रं शशंसुर्विष्णुचेष्टितम् । देवा ऊचुः। महादेव त्वया देवा रक्षिताः शत्रुजाद्भयात्

praṇamya śirasā rudraṃ śaśaṃsurviṣṇuceṣṭitam | devā ūcuḥ| mahādeva tvayā devā rakṣitāḥ śatrujādbhayāt

Sanskrit only: no published translation is held for this verse.

किंचिदन्यत्समुद्भूतं तत्र किं करवामहै । वृंदालावण्यसंभ्रांतो विष्णुस्तिष्ठति मोहितः

kiṃcidanyatsamudbhūtaṃ tatra kiṃ karavāmahai | vṛṃdālāvaṇyasaṃbhrāṃto viṣṇustiṣṭhati mohitaḥ

Sanskrit only: no published translation is held for this verse.

ईश्वर उवाच। गच्छध्वं शरणं देवा विष्णोर्मोहापनुत्तये । शरण्यां मोहिनीं मायां सा वः कार्यं करिष्यति

īśvara uvāca| gacchadhvaṃ śaraṇaṃ devā viṣṇormohāpanuttaye | śaraṇyāṃ mohinīṃ māyāṃ sā vaḥ kāryaṃ kariṣyati

Sanskrit only: no published translation is held for this verse.

नारद उवाच। इत्युक्त्वांतर्दधे देवः सहभूतगणैस्तथा । देवाश्च तुष्टुवुर्मूलप्रकृतिं भक्तवत्सलाम्

nārada uvāca| ityuktvāṃtardadhe devaḥ sahabhūtagaṇaistathā | devāśca tuṣṭuvurmūlaprakṛtiṃ bhaktavatsalām

Sanskrit only: no published translation is held for this verse.

देवा ऊचुः । यदुद्भवाः सत्वरजस्तमोगुणाः सर्गस्थितिध्वंसनिदानकारणम् । यदिच्छया विश्वमिदं भवाभवौ तनोति शुद्धां प्रकृतिं नताः स्म ताम्

devā ūcuḥ | yadudbhavāḥ satvarajastamoguṇāḥ sargasthitidhvaṃsanidānakāraṇam | yadicchayā viśvamidaṃ bhavābhavau tanoti śuddhāṃ prakṛtiṃ natāḥ sma tām

Sanskrit only: no published translation is held for this verse.

ये हि त्रयोविंशतिभेदिसंज्ञिता जगत्यशेषे समधिष्ठिता पुरा । यद्रूपकर्माणि जडास्त्रयोऽपि ते देवा विदुर्न प्रकृतिं नताः स्म ताम्

ye hi trayoviṃśatibhedisaṃjñitā jagatyaśeṣe samadhiṣṭhitā purā | yadrūpakarmāṇi jaḍāstrayo'pi te devā vidurna prakṛtiṃ natāḥ sma tām

Sanskrit only: no published translation is held for this verse.

यद्भक्तियुक्ताः पुरुषास्तु नित्यं दारिद्र्यव्यामोहपराभवादिकम् । न प्राप्नुवंत्येव हि भक्तवत्सलां सदैव विष्णोः प्रकृतिं नताः स्म ताम्

yadbhaktiyuktāḥ puruṣāstu nityaṃ dāridryavyāmohaparābhavādikam | na prāpnuvaṃtyeva hi bhaktavatsalāṃ sadaiva viṣṇoḥ prakṛtiṃ natāḥ sma tām

Sanskrit only: no published translation is held for this verse.

नारद उवाच। स्तोत्रमेतत्त्रिसंध्यं यः पठेदेकाग्रमानसः । दारिद्र मोहदुःखानि न कदाचित्स्पृशंति तम्

nārada uvāca| stotrametattrisaṃdhyaṃ yaḥ paṭhedekāgramānasaḥ | dāridra mohaduḥkhāni na kadācitspṛśaṃti tam

Sanskrit only: no published translation is held for this verse.

इति स्तुवंतस्ते देवास्तेजोमंडलमास्थिताम् । ददृशुर्गगने तत्र ज्वालाव्याप्तदिगंतराम्

iti stuvaṃtaste devāstejomaṃḍalamāsthitām | dadṛśurgagane tatra jvālāvyāptadigaṃtarām

Sanskrit only: no published translation is held for this verse.

तन्मध्याद्भारतीं सर्वे ददृशुर्व्योमचारिणीम् । अहमेव त्रिधा भिन्ना तिष्ठामि त्रिविधैर्गुणैः

tanmadhyādbhāratīṃ sarve dadṛśurvyomacāriṇīm | ahameva tridhā bhinnā tiṣṭhāmi trividhairguṇaiḥ

Sanskrit only: no published translation is held for this verse.

गौरीलक्ष्मीस्वरा चेति रजःसत्त्वतमोगुणैः । तत्र गच्छत तं कार्यं विधास्यंति च वः सुराः

gaurīlakṣmīsvarā ceti rajaḥsattvatamoguṇaiḥ | tatra gacchata taṃ kāryaṃ vidhāsyaṃti ca vaḥ surāḥ

Sanskrit only: no published translation is held for this verse.

नारद उवाच- शृण्वतामिति देवानामंतर्द्धानमगान्महः । देवानां विस्मयोत्फुल्लनेत्राणां तत्तदा नृप

nārada uvāca- śṛṇvatāmiti devānāmaṃtarddhānamagānmahaḥ | devānāṃ vismayotphullanetrāṇāṃ tattadā nṛpa

Sanskrit only: no published translation is held for this verse.

ततः सर्वेऽपि ते देवा गत्वा तद्वाक्यनोदिताः । गौरीं लक्ष्मीं स्वरां चैव प्रणेमुर्भक्तितत्पराः

tataḥ sarve'pi te devā gatvā tadvākyanoditāḥ | gaurīṃ lakṣmīṃ svarāṃ caiva praṇemurbhaktitatparāḥ

Sanskrit only: no published translation is held for this verse.

ततस्तास्तान्सुरान्दृष्ट्वा प्रणतान्भक्तवत्सलाः । बीजानि प्रददुस्तेभ्यो वाक्यान्यूचुश्च भूमिप

tatastāstānsurāndṛṣṭvā praṇatānbhaktavatsalāḥ | bījāni pradadustebhyo vākyānyūcuśca bhūmipa

Sanskrit only: no published translation is held for this verse.

देव्य ऊचुः। इमानि क्षेत्रबीजानि विष्णुर्यत्रावतिष्ठति । निर्वपध्वं ततः कार्यं भवतां सिद्धिमेष्यति

devya ūcuḥ| imāni kṣetrabījāni viṣṇuryatrāvatiṣṭhati | nirvapadhvaṃ tataḥ kāryaṃ bhavatāṃ siddhimeṣyati

Sanskrit only: no published translation is held for this verse.