Library·Padma Purāṇa·6·6.106
पृथुरुवाच। सेतिहासमिमं ब्रह्मन्माहात्म्यं कथितं त्वया । अत्याश्चर्यकरं सम्यक्तुलस्यास्तु श्रुतं महत्
pṛthuruvāca| setihāsamimaṃ brahmanmāhātmyaṃ kathitaṃ tvayā | atyāścaryakaraṃ samyaktulasyāstu śrutaṃ mahat
Sanskrit only: no published translation is held for this verse.
यदूर्जव्रतिनः पुंसः फलं महदुदाहृतम् । तत्पुनर्ब्रूहि माहात्म्यं केन चीर्णमिदं कथम्
yadūrjavratinaḥ puṃsaḥ phalaṃ mahadudāhṛtam | tatpunarbrūhi māhātmyaṃ kena cīrṇamidaṃ katham
Sanskrit only: no published translation is held for this verse.
नारद उवाच। आसीत्सह्याद्रिविषये करवीरपुरे पुरा । ब्राह्मणो धर्मवित्कश्चिद्धर्मदत्तोऽतिविश्रुतः
nārada uvāca| āsītsahyādriviṣaye karavīrapure purā | brāhmaṇo dharmavitkaściddharmadatto'tiviśrutaḥ
Sanskrit only: no published translation is held for this verse.
विष्णुव्रतकरः शश्वद्विष्णुपूजारतः सदा । द्वादशाक्षरविद्यायां जपनिष्ठोऽतिथिप्रियः
viṣṇuvratakaraḥ śaśvadviṣṇupūjārataḥ sadā | dvādaśākṣaravidyāyāṃ japaniṣṭho'tithipriyaḥ
Sanskrit only: no published translation is held for this verse.
कदाचित्कार्तिके मासि हरिजागरणाय सः । रात्र्या तुर्यांशशेषायां जगाम हरिमंदिरम्
kadācitkārtike māsi harijāgaraṇāya saḥ | rātryā turyāṃśaśeṣāyāṃ jagāma harimaṃdiram
Sanskrit only: no published translation is held for this verse.
हरिपूजोपकरणान्प्रगृह्य व्रजता तदा । तेन दृष्टा समायाता राक्षसी भीमनिःस्वना
haripūjopakaraṇānpragṛhya vrajatā tadā | tena dṛṣṭā samāyātā rākṣasī bhīmaniḥsvanā
Sanskrit only: no published translation is held for this verse.
वक्रदंष्ट्रानना जिह्वा निमग्ना रक्तलोचना । दिगंबरा शुष्कमांसा लंबोष्ठी घर्घरस्वना
vakradaṃṣṭrānanā jihvā nimagnā raktalocanā | digaṃbarā śuṣkamāṃsā laṃboṣṭhī ghargharasvanā
Sanskrit only: no published translation is held for this verse.
तां दृष्ट्वा भयवित्रस्तः कंपितावयवस्तदा । पूजोपकरणैर्वेगात्पयोभिश्चाहनद्भयात्
tāṃ dṛṣṭvā bhayavitrastaḥ kaṃpitāvayavastadā | pūjopakaraṇairvegātpayobhiścāhanadbhayāt
Sanskrit only: no published translation is held for this verse.
संस्मृत्य च हरेर्नाम तुलसीयुतवारिणा । सा हता पातकं तस्मात्तस्याः सर्वमगात्क्षयम्
saṃsmṛtya ca harernāma tulasīyutavāriṇā | sā hatā pātakaṃ tasmāttasyāḥ sarvamagātkṣayam
Sanskrit only: no published translation is held for this verse.
अथ संस्मृत्य सा पूर्वजन्मकर्मविपाकजम् । स्वां दशामब्रवीत्सर्वां दंडवत्तं प्रणम्य सा
atha saṃsmṛtya sā pūrvajanmakarmavipākajam | svāṃ daśāmabravītsarvāṃ daṃḍavattaṃ praṇamya sā
Sanskrit only: no published translation is held for this verse.
कलहोवाच । पूर्वकर्मविपाकेन दशामेतां गता ह्यहम् । तत्कथं तु पुनर्विप्र याम्युत्तमगतिं शुभाम्
kalahovāca | pūrvakarmavipākena daśāmetāṃ gatā hyaham | tatkathaṃ tu punarvipra yāmyuttamagatiṃ śubhām
Sanskrit only: no published translation is held for this verse.
नारद उवाच। तां दृष्ट्वा प्रणतामग्रे वदमानां स्वकर्म तत् । अतीव विस्मितो विप्रस्तदा वचनमब्रवीत्
nārada uvāca| tāṃ dṛṣṭvā praṇatāmagre vadamānāṃ svakarma tat | atīva vismito viprastadā vacanamabravīt
Sanskrit only: no published translation is held for this verse.
धर्मदत्त उवाच। केन कर्मविपाकेन त्वं दशामीदृशीं गता । कुतस्त्वं का च किं शीला तत्सर्वं कथयस्व मे
dharmadatta uvāca| kena karmavipākena tvaṃ daśāmīdṛśīṃ gatā | kutastvaṃ kā ca kiṃ śīlā tatsarvaṃ kathayasva me
Sanskrit only: no published translation is held for this verse.
कलहोवाच। सौराष्ट्रनगरे ब्रह्मन्भिक्षुनामाभवद्द्विजः । तस्याऽहं गृहिणी पूर्वं कलहाख्याति निष्ठुरा
kalahovāca| saurāṣṭranagare brahmanbhikṣunāmābhavaddvijaḥ | tasyā'haṃ gṛhiṇī pūrvaṃ kalahākhyāti niṣṭhurā
Sanskrit only: no published translation is held for this verse.
न कदाचिन्मया भर्तुर्वचसापि शुभं कृतम् । नार्पितं तस्य मिष्टान्नं भर्तुर्वचनभंगया
na kadācinmayā bharturvacasāpi śubhaṃ kṛtam | nārpitaṃ tasya miṣṭānnaṃ bharturvacanabhaṃgayā
Sanskrit only: no published translation is held for this verse.
कलहप्रियया नित्यं भयोद्विग्नस्तदा द्विजः । परिणेतुं तदाऽन्या स मतिं चक्रे पतिर्मम
kalahapriyayā nityaṃ bhayodvignastadā dvijaḥ | pariṇetuṃ tadā'nyā sa matiṃ cakre patirmama
Sanskrit only: no published translation is held for this verse.
ततो गरं समादाय प्राणास्त्यक्ता मया द्विज । अथ बध्वा बध्यमानां मां विनिन्युर्यमानुगाः
tato garaṃ samādāya prāṇāstyaktā mayā dvija | atha badhvā badhyamānāṃ māṃ vininyuryamānugāḥ
Sanskrit only: no published translation is held for this verse.
यमश्च मां तदा दृष्ट्वा चित्रगुप्तमपृच्छत । यम उवाच। अनया किं कृतं कर्म चित्रगुप्त विलोकय
yamaśca māṃ tadā dṛṣṭvā citraguptamapṛcchata | yama uvāca| anayā kiṃ kṛtaṃ karma citragupta vilokaya
Sanskrit only: no published translation is held for this verse.
प्राप्नोत्वेषा कर्मफलं शुभं वाशुभमेव च । चित्रगुप्तस्ततो वाक्यं भर्त्सयन्समुवाच ह
prāpnotveṣā karmaphalaṃ śubhaṃ vāśubhameva ca | citraguptastato vākyaṃ bhartsayansamuvāca ha
Sanskrit only: no published translation is held for this verse.
चित्रगुप्त उवाच। अनया तु शुभं कर्म कृतं किंचिन्न विद्यते । मिष्टान्नं भुक्तमनया न भर्तरि तदर्पितम्
citragupta uvāca| anayā tu śubhaṃ karma kṛtaṃ kiṃcinna vidyate | miṣṭānnaṃ bhuktamanayā na bhartari tadarpitam
Sanskrit only: no published translation is held for this verse.
अतश्च वल्गुली योन्यां स्वविष्ठादावतिष्ठतु । भर्तुर्द्वेषकरी त्वेषा नित्यं कलहकारिणी
ataśca valgulī yonyāṃ svaviṣṭhādāvatiṣṭhatu | bharturdveṣakarī tveṣā nityaṃ kalahakāriṇī
Sanskrit only: no published translation is held for this verse.
विष्ठादा शूकरी योन्यां ततस्तिष्ठत्वियं हरे । पाकभांडे सदा भुक्तं नित्यं चैवानया यतः
viṣṭhādā śūkarī yonyāṃ tatastiṣṭhatviyaṃ hare | pākabhāṃḍe sadā bhuktaṃ nityaṃ caivānayā yataḥ
Sanskrit only: no published translation is held for this verse.
तस्माद्दोषाद्बिडाली तु स्वजातापत्यभक्षिणी । भर्तारमनयोद्दिश्य ह्यात्मघातः कृतो यतः
tasmāddoṣādbiḍālī tu svajātāpatyabhakṣiṇī | bhartāramanayoddiśya hyātmaghātaḥ kṛto yataḥ
Sanskrit only: no published translation is held for this verse.
तस्मात्प्रेतपिशाचेषु तिष्ठत्वेषातिनिंदिता । ततश्चैव मरुं देशं प्रापितव्या भटैः सह
tasmātpretapiśāceṣu tiṣṭhatveṣātiniṃditā | tataścaiva maruṃ deśaṃ prāpitavyā bhaṭaiḥ saha
Sanskrit only: no published translation is held for this verse.
तत्र प्रेतशरीराख्या चिरं तिष्ठत्वियं ततः । इत्थं योनित्रयं त्वेषा भुनक्त्वा शुभकारिणी
tatra pretaśarīrākhyā ciraṃ tiṣṭhatviyaṃ tataḥ | itthaṃ yonitrayaṃ tveṣā bhunaktvā śubhakāriṇī
Sanskrit only: no published translation is held for this verse.
कलहोवाच- साहं पंचशताब्दानि प्रेतदेहे स्थिता किल । क्षुतृड्भ्यां पीडिता नित्यं दुःखिता स्वेन कर्मणा
kalahovāca- sāhaṃ paṃcaśatābdāni pretadehe sthitā kila | kṣutṛḍbhyāṃ pīḍitā nityaṃ duḥkhitā svena karmaṇā
Sanskrit only: no published translation is held for this verse.
ततः क्षुत्पीडिता नित्यं शरीरं वणिजस्त्वहम् । आयाता दक्षिणं देशं कृष्णावेण्यास्तु संगमे
tataḥ kṣutpīḍitā nityaṃ śarīraṃ vaṇijastvaham | āyātā dakṣiṇaṃ deśaṃ kṛṣṇāveṇyāstu saṃgame
Sanskrit only: no published translation is held for this verse.
तत्तीरसंश्रिता यावत्तावत्तस्य शरीरतः । शिवविष्णुगणैर्दूरमपाकृष्टा बलादहम्
tattīrasaṃśritā yāvattāvattasya śarīrataḥ | śivaviṣṇugaṇairdūramapākṛṣṭā balādaham
Sanskrit only: no published translation is held for this verse.
ततः क्षुत्क्षामया दृष्टो भ्रमंत्या त्वं मया द्विज । प्रक्षिप्ततुलसीवारिसंसर्गगतपापया
tataḥ kṣutkṣāmayā dṛṣṭo bhramaṃtyā tvaṃ mayā dvija | prakṣiptatulasīvārisaṃsargagatapāpayā
Sanskrit only: no published translation is held for this verse.
तत्कृपां कुरु विप्रेंद्र कथं मुक्तिमियाम्यहम् । योनित्रयादति भयादस्माच्च प्रेतदेहतः
tatkṛpāṃ kuru vipreṃdra kathaṃ muktimiyāmyaham | yonitrayādati bhayādasmācca pretadehataḥ
Sanskrit only: no published translation is held for this verse.
इत्थं निशम्य कलहा वचनं द्विजश्च तत्कर्मपाकभवविस्मयदुःखयुक्तः । तद्ग्लानिदर्शनकृपाचलचित्तवृत्तिर्ध्यात्वा चिरं स वचनं निजगाद दुःखात्
itthaṃ niśamya kalahā vacanaṃ dvijaśca tatkarmapākabhavavismayaduḥkhayuktaḥ | tadglānidarśanakṛpācalacittavṛttirdhyātvā ciraṃ sa vacanaṃ nijagāda duḥkhāt
Sanskrit only: no published translation is held for this verse.