Padma Purāṇa 6.107

धर्मदत्त उवाच। विलयं यांति पापानि तीर्थदानव्रतादिभिः । प्रेतदेहस्थितायास्ते तेषु नैवाधिकारिता

dharmadatta uvāca| vilayaṃ yāṃti pāpāni tīrthadānavratādibhiḥ | pretadehasthitāyāste teṣu naivādhikāritā

Sanskrit only: no published translation is held for this verse.

त्वद्ग्लानिदर्शनादस्मात्खिन्नं च मम मानसम् । नैव निर्वृतिमायाति त्वामनुद्धृत्य दुःखिताम्

tvadglānidarśanādasmātkhinnaṃ ca mama mānasam | naiva nirvṛtimāyāti tvāmanuddhṛtya duḥkhitām

Sanskrit only: no published translation is held for this verse.

पातकं च तवात्युग्रं योनित्रयविपाकदम् । नैवान्यैः क्षीयते पुण्यैः प्रेतत्वं चातिगर्हितम्

pātakaṃ ca tavātyugraṃ yonitrayavipākadam | naivānyaiḥ kṣīyate puṇyaiḥ pretatvaṃ cātigarhitam

Sanskrit only: no published translation is held for this verse.

तस्मादाजन्मजनितं यन्मया कार्तिकव्रतम् । तत्पुण्यस्यार्द्धभागेन सद्गतिं त्वमवाप्नुहि

tasmādājanmajanitaṃ yanmayā kārtikavratam | tatpuṇyasyārddhabhāgena sadgatiṃ tvamavāpnuhi

Sanskrit only: no published translation is held for this verse.

कार्तिकव्रतपुण्येन न साम्यं यांति सर्वथा । यज्ञदानानि तीर्थानि व्रतान्यपि यतो ध्रुवम्

kārtikavratapuṇyena na sāmyaṃ yāṃti sarvathā | yajñadānāni tīrthāni vratānyapi yato dhruvam

Sanskrit only: no published translation is held for this verse.

नारद उवाच। इत्युक्त्वा धर्मदत्तोऽसौ यावत्तामभ्यषेचयत् । तुलसीमिश्रतोयेन श्रावयन्द्वादशाक्षरम्

nārada uvāca| ityuktvā dharmadatto'sau yāvattāmabhyaṣecayat | tulasīmiśratoyena śrāvayandvādaśākṣaram

Sanskrit only: no published translation is held for this verse.

तावत्प्रेतत्वनिर्मुक्ता ज्वलदग्निशिखोपमा । दिव्यवपुर्धरा जाता लावण्याद्भासिता दिशः

tāvatpretatvanirmuktā jvaladagniśikhopamā | divyavapurdharā jātā lāvaṇyādbhāsitā diśaḥ

Sanskrit only: no published translation is held for this verse.

ततः सा दंडवद्भूमौ प्रणनामाथ तं द्विजम् । उवाच च तदा वाक्यं हर्षगद्गदभाषिणी

tataḥ sā daṃḍavadbhūmau praṇanāmātha taṃ dvijam | uvāca ca tadā vākyaṃ harṣagadgadabhāṣiṇī

Sanskrit only: no published translation is held for this verse.

कलहोवाच। त्वत्प्रसादाद्दिवजश्रेष्ठ विमुक्ता निरयादहम् । पापाब्धौ मञ्जमानायास्त्वं नो भूतोऽसि मे ध्रुवम्

kalahovāca| tvatprasādāddivajaśreṣṭha vimuktā nirayādaham | pāpābdhau mañjamānāyāstvaṃ no bhūto'si me dhruvam

Sanskrit only: no published translation is held for this verse.

नारद उवाच। इत्थं सा वदती विप्रं ददर्शायातमंबरात् । विमानं भास्वरं युक्तं विष्णुरूपधरैर्गणैः

nārada uvāca| itthaṃ sā vadatī vipraṃ dadarśāyātamaṃbarāt | vimānaṃ bhāsvaraṃ yuktaṃ viṣṇurūpadharairgaṇaiḥ

Sanskrit only: no published translation is held for this verse.

अथ सा तद्विमानाग्र्यद्वास्थाभ्यामधिरोहिता । पुण्यशीलसुशीलाभ्यामप्सरोगणसेवितम्

atha sā tadvimānāgryadvāsthābhyāmadhirohitā | puṇyaśīlasuśīlābhyāmapsarogaṇasevitam

Sanskrit only: no published translation is held for this verse.

तद्विमानं तदापश्यद्धर्मदत्तः सविस्मयः । पपात दंडवद्भूमौ दृष्ट्वा तौ पुण्यरूपिणौ

tadvimānaṃ tadāpaśyaddharmadattaḥ savismayaḥ | papāta daṃḍavadbhūmau dṛṣṭvā tau puṇyarūpiṇau

Sanskrit only: no published translation is held for this verse.

पुण्यशीलसुशीलौ तमुत्थाप्य प्रणतं द्विजम् । अभ्यनंदयतां वाक्यमूचतुर्द्धर्मशालिनौ

puṇyaśīlasuśīlau tamutthāpya praṇataṃ dvijam | abhyanaṃdayatāṃ vākyamūcaturddharmaśālinau

Sanskrit only: no published translation is held for this verse.

गणा ऊचतुः । साधुसाधु द्विजश्रेष्ठ यस्त्वं विष्णुरतः सदा । दीनानुकंपी धर्मज्ञो विष्णुव्रतपरायणः

gaṇā ūcatuḥ | sādhusādhu dvijaśreṣṭha yastvaṃ viṣṇurataḥ sadā | dīnānukaṃpī dharmajño viṣṇuvrataparāyaṇaḥ

Sanskrit only: no published translation is held for this verse.

आजन्मसच्छुभं ह्येतद्यत्त्वया कार्त्तिकव्रतम् । कृतं तस्यार्द्धदानेन यदस्याः पूर्वसंचितम्

ājanmasacchubhaṃ hyetadyattvayā kārttikavratam | kṛtaṃ tasyārddhadānena yadasyāḥ pūrvasaṃcitam

Sanskrit only: no published translation is held for this verse.

जन्मांतरशतोद्भूतं पापं तद्विलयं गतम् । हरिजागरणाद्यैश्च विमानमिदमागमत्

janmāṃtaraśatodbhūtaṃ pāpaṃ tadvilayaṃ gatam | harijāgaraṇādyaiśca vimānamidamāgamat

Sanskrit only: no published translation is held for this verse.

वैकुण्ठभवनं विष्णोः सान्निध्यं च स्वरूपता । ते धन्याः कृतकृत्यास्ते तेषां च सफलो भवः

vaikuṇṭhabhavanaṃ viṣṇoḥ sānnidhyaṃ ca svarūpatā | te dhanyāḥ kṛtakṛtyāste teṣāṃ ca saphalo bhavaḥ

Sanskrit only: no published translation is held for this verse.

यैर्भक्त्याराधितो विष्णुर्धर्मदत्तत्वया यथा । सम्यगाराधितो विष्णुः किं न यच्छति देहिनाम्

yairbhaktyārādhito viṣṇurdharmadattatvayā yathā | samyagārādhito viṣṇuḥ kiṃ na yacchati dehinām

Sanskrit only: no published translation is held for this verse.

औत्तानचरणिर्येन ध्रुवत्वे स्थापितः पुरा । यन्नामस्मरणादेव देहिनो यांति सद्गतिम्

auttānacaraṇiryena dhruvatve sthāpitaḥ purā | yannāmasmaraṇādeva dehino yāṃti sadgatim

Sanskrit only: no published translation is held for this verse.

ग्राहगृहीतो नागेंद्रो यन्नामस्मरणात्पुरा । विमुक्तः सन्निधिं प्राप्तो जातो यो जयसंज्ञकः

grāhagṛhīto nāgeṃdro yannāmasmaraṇātpurā | vimuktaḥ sannidhiṃ prāpto jāto yo jayasaṃjñakaḥ

Sanskrit only: no published translation is held for this verse.

अतस्त्वयार्चितो विष्णुः स्वसान्निध्यं प्रदास्यति । बहून्यब्दसहस्राणि भार्याद्वययुतस्य ते

atastvayārcito viṣṇuḥ svasānnidhyaṃ pradāsyati | bahūnyabdasahasrāṇi bhāryādvayayutasya te

Sanskrit only: no published translation is held for this verse.

ततः पुण्यक्षये जाते यदा यास्यसि भूतले । सूर्यवंशोद्भवो राजा विख्यातस्त्वं भविष्यसि

tataḥ puṇyakṣaye jāte yadā yāsyasi bhūtale | sūryavaṃśodbhavo rājā vikhyātastvaṃ bhaviṣyasi

Sanskrit only: no published translation is held for this verse.

नाम्ना दशरथस्तत्र भार्याद्वययुतः पुनः । तृतीयं यानया चापि याते पुण्यार्द्धभागिनी

nāmnā daśarathastatra bhāryādvayayutaḥ punaḥ | tṛtīyaṃ yānayā cāpi yāte puṇyārddhabhāginī

Sanskrit only: no published translation is held for this verse.

तत्रापि तव सान्निध्यं विष्णुर्यास्यति भूतले । आत्मानं तव पुत्रत्वे प्रकल्प्यामरकार्यकृत्

tatrāpi tava sānnidhyaṃ viṣṇuryāsyati bhūtale | ātmānaṃ tava putratve prakalpyāmarakāryakṛt

Sanskrit only: no published translation is held for this verse.

तवाजन्मव्रतादस्माद्विष्णुसंतुष्टिकारकात् । न यज्ञा न च दानानि न तीर्थान्यधिकानि ते

tavājanmavratādasmādviṣṇusaṃtuṣṭikārakāt | na yajñā na ca dānāni na tīrthānyadhikāni te

Sanskrit only: no published translation is held for this verse.

धन्योऽसि विप्रप्रयतस्त्वयैतद्व्रतं कृतं तुष्टिकरं जगद्गुरोः । यदर्धभागाच्च फलान्मुरारेः प्रणीयतेस्माभिरियं सलोकताम्

dhanyo'si vipraprayatastvayaitadvrataṃ kṛtaṃ tuṣṭikaraṃ jagadguroḥ | yadardhabhāgācca phalānmurāreḥ praṇīyatesmābhiriyaṃ salokatām

Sanskrit only: no published translation is held for this verse.