Library·Padma Purāṇa·6·6.112
श्रीकृष्ण उवाच। इति तद्वचनं श्रुत्वा पृथुर्विस्मितमानसः । संपूज्य नारदं भक्त्या विससर्ज तदा प्रिये
śrīkṛṣṇa uvāca| iti tadvacanaṃ śrutvā pṛthurvismitamānasaḥ | saṃpūjya nāradaṃ bhaktyā visasarja tadā priye
Sanskrit only: no published translation is held for this verse.
तस्माद्व्रतत्रयं ह्येतन्ममातीवप्रियंकरम् । माघकार्तिकयोस्तद्वत्तथैवैकादशीव्रतम्
tasmādvratatrayaṃ hyetanmamātīvapriyaṃkaram | māghakārtikayostadvattathaivaikādaśīvratam
Sanskrit only: no published translation is held for this verse.
वनस्पतीनां तुलसी मासानां कार्तिकः प्रियः । एकादशी तिथीनां च क्षेत्राणां द्वारका मम
vanaspatīnāṃ tulasī māsānāṃ kārtikaḥ priyaḥ | ekādaśī tithīnāṃ ca kṣetrāṇāṃ dvārakā mama
Sanskrit only: no published translation is held for this verse.
एतेषां सेवनं यस्तु करोति च जितेंद्रियः । स मे वल्लभतां याति न तथा यजनादिभिः
eteṣāṃ sevanaṃ yastu karoti ca jiteṃdriyaḥ | sa me vallabhatāṃ yāti na tathā yajanādibhiḥ
Sanskrit only: no published translation is held for this verse.
पापेभ्यो न भयं तेन कर्त्तव्यं नियमादपि । एतेषां सेवनं कांते कुर्वता मत्प्रसादतः
pāpebhyo na bhayaṃ tena karttavyaṃ niyamādapi | eteṣāṃ sevanaṃ kāṃte kurvatā matprasādataḥ
Sanskrit only: no published translation is held for this verse.
सत्यभामोवाच। विस्मापनीयं तन्नाथ यत्त्वया कथितं मम । परदत्तेन पुण्येन कलहा मुक्तिमागता
satyabhāmovāca| vismāpanīyaṃ tannātha yattvayā kathitaṃ mama | paradattena puṇyena kalahā muktimāgatā
Sanskrit only: no published translation is held for this verse.
इत्थं प्रभावो मासोऽयं कार्त्तिकस्ते प्रियंकरः । स्वामिद्रोहादिपापानि स्नानदानैर्गतानि यत्
itthaṃ prabhāvo māso'yaṃ kārttikaste priyaṃkaraḥ | svāmidrohādipāpāni snānadānairgatāni yat
Sanskrit only: no published translation is held for this verse.
दत्तं च लभते पुण्यं यत्परेण कृतं विभो । अदत्तं केन मार्गेण लभते चापि मानवः
dattaṃ ca labhate puṇyaṃ yatpareṇa kṛtaṃ vibho | adattaṃ kena mārgeṇa labhate cāpi mānavaḥ
Sanskrit only: no published translation is held for this verse.
श्रीकृष्ण उवाच। अदत्तान्यपि पुण्यानि पापानि च यथा नरैः । प्राप्यंते कर्मणा येन तद्यथावन्निशामय
śrīkṛṣṇa uvāca| adattānyapi puṇyāni pāpāni ca yathā naraiḥ | prāpyaṃte karmaṇā yena tadyathāvanniśāmaya
Sanskrit only: no published translation is held for this verse.
देशग्रामकुलानि स्युर्भागभांजि कृतादिषु । कलौ तु केवलं कर्त्ता फलभुक्पुण्यपापयोः
deśagrāmakulāni syurbhāgabhāṃji kṛtādiṣu | kalau tu kevalaṃ karttā phalabhukpuṇyapāpayoḥ
Sanskrit only: no published translation is held for this verse.
अकृतेऽपि हि संसर्गे व्यवस्थेयमुदाहृता । संसर्गात्पुण्यपापानि यथा यांति निबोध तत्
akṛte'pi hi saṃsarge vyavastheyamudāhṛtā | saṃsargātpuṇyapāpāni yathā yāṃti nibodha tat
Sanskrit only: no published translation is held for this verse.
एकत्रमैथुनाद्यानादेकपात्रस्थभोजनात् । फलार्द्धं प्राप्नुयान्मर्त्यो यथावत्पुण्यपापयोः
ekatramaithunādyānādekapātrasthabhojanāt | phalārddhaṃ prāpnuyānmartyo yathāvatpuṇyapāpayoḥ
Sanskrit only: no published translation is held for this verse.
अध्यापनाद्याजनाद्वाप्येकपंक्त्यशनादपि । तुर्यांशं पुण्यपापानां नित्यं प्राप्नोति मानवः
adhyāpanādyājanādvāpyekapaṃktyaśanādapi | turyāṃśaṃ puṇyapāpānāṃ nityaṃ prāpnoti mānavaḥ
Sanskrit only: no published translation is held for this verse.
एकासनादेकयानान्निःश्वासस्यांगसंगतः । षडंशं फलभागी स्यान्नयतं पुण्यपापयोः
ekāsanādekayānānniḥśvāsasyāṃgasaṃgataḥ | ṣaḍaṃśaṃ phalabhāgī syānnayataṃ puṇyapāpayoḥ
Sanskrit only: no published translation is held for this verse.
स्पर्शनाद्भाषणाद्वापि परस्य स्तवनादपि । दशांशं पुण्यपापानां नित्यं प्राप्नोति मानवः
sparśanādbhāṣaṇādvāpi parasya stavanādapi | daśāṃśaṃ puṇyapāpānāṃ nityaṃ prāpnoti mānavaḥ
Sanskrit only: no published translation is held for this verse.
दर्शनश्रवणाभ्यां च मनोध्यानात्तथैव च । परस्य पुण्यपापानां शतांशं प्राप्नुयान्नरः
darśanaśravaṇābhyāṃ ca manodhyānāttathaiva ca | parasya puṇyapāpānāṃ śatāṃśaṃ prāpnuyānnaraḥ
Sanskrit only: no published translation is held for this verse.
परस्य निंदां पैशुन्यं धिक्कारं च करोति यः । तत्कृतं पातकं प्राप्य स्वपुण्यं प्रददाति सः
parasya niṃdāṃ paiśunyaṃ dhikkāraṃ ca karoti yaḥ | tatkṛtaṃ pātakaṃ prāpya svapuṇyaṃ pradadāti saḥ
Sanskrit only: no published translation is held for this verse.
कुर्वतः पुण्यकर्माणि सेवां यः कुरुते नरः । पत्नीभृतकशिष्येभ्यो यदन्यः कोऽपि मानवः
kurvataḥ puṇyakarmāṇi sevāṃ yaḥ kurute naraḥ | patnībhṛtakaśiṣyebhyo yadanyaḥ ko'pi mānavaḥ
Sanskrit only: no published translation is held for this verse.
तस्य सेवानुरूपेण द्रव्यं किंचिन्न दीयते । सोऽपि सेवानुरूपेण तत्पुण्यफलभाग्भवेत् । एकपंक्त्यश्नतां यस्तु लंघयेत्परिवेषणम्
tasya sevānurūpeṇa dravyaṃ kiṃcinna dīyate | so'pi sevānurūpeṇa tatpuṇyaphalabhāgbhavet | ekapaṃktyaśnatāṃ yastu laṃghayetpariveṣaṇam
Sanskrit only: no published translation is held for this verse.
तस्य पापषडंशं तु लभेद्वै परिवेषकः । स्नानसंध्यादिकं कुर्वन्यः स्पृशेद्वा प्रभाषते
tasya pāpaṣaḍaṃśaṃ tu labhedvai pariveṣakaḥ | snānasaṃdhyādikaṃ kurvanyaḥ spṛśedvā prabhāṣate
Sanskrit only: no published translation is held for this verse.
स पुण्यकर्मषष्ठांशं दद्यात्तस्मै सुनिश्चितम् । धर्मोद्देशेन यो द्रव्यमपरं याचते नरः
sa puṇyakarmaṣaṣṭhāṃśaṃ dadyāttasmai suniścitam | dharmoddeśena yo dravyamaparaṃ yācate naraḥ
Sanskrit only: no published translation is held for this verse.
तत्पुण्यकर्मजं तस्य धनदस्त्वाप्नुयात्फलम् । अपहृत्य परद्रव्यं पुण्यकर्म करोति यः
tatpuṇyakarmajaṃ tasya dhanadastvāpnuyātphalam | apahṛtya paradravyaṃ puṇyakarma karoti yaḥ
Sanskrit only: no published translation is held for this verse.
कर्मकृत्पापभाक्तत्र धनिनस्तद्भवं फलम् । नापनुद्य ऋणं यस्तु परस्य म्रियते नरः
karmakṛtpāpabhāktatra dhaninastadbhavaṃ phalam | nāpanudya ṛṇaṃ yastu parasya mriyate naraḥ
Sanskrit only: no published translation is held for this verse.
धनी तत्पुण्यमाधत्ते स्वधनस्यानुरूपतः । बुद्धिदस्त्वनुमंता च यश्चोपकरणप्रदः
dhanī tatpuṇyamādhatte svadhanasyānurūpataḥ | buddhidastvanumaṃtā ca yaścopakaraṇapradaḥ
Sanskrit only: no published translation is held for this verse.
बलकृच्चापि षष्ठांशं प्राप्नुयात्पुण्यपापयोः । प्रजाभ्यः पुण्यपापानां राजा षष्ठांशमुद्धरेत्
balakṛccāpi ṣaṣṭhāṃśaṃ prāpnuyātpuṇyapāpayoḥ | prajābhyaḥ puṇyapāpānāṃ rājā ṣaṣṭhāṃśamuddharet
Sanskrit only: no published translation is held for this verse.
शिष्याद्गुरुः स्त्रियो भर्त्ता पितापुत्रात्तथैव च । स्वपतेरपि पुण्यस्य योषिदर्द्धमवाप्नुयात्
śiṣyādguruḥ striyo bharttā pitāputrāttathaiva ca | svapaterapi puṇyasya yoṣidarddhamavāpnuyāt
Sanskrit only: no published translation is held for this verse.
चित्तस्यानुव्रता शश्वद्वर्तते तुष्टिकारिणी । परहस्तेन दानादि कुर्वतः पुण्यकर्मणि
cittasyānuvratā śaśvadvartate tuṣṭikāriṇī | parahastena dānādi kurvataḥ puṇyakarmaṇi
Sanskrit only: no published translation is held for this verse.
विना भृतकपुत्राभ्यां कर्त्ता षष्ठांशमुद्धरेत् । वृत्तिदो वृत्तिसंभोक्तुः पुण्यमष्टांशमुद्धरेत्
vinā bhṛtakaputrābhyāṃ karttā ṣaṣṭhāṃśamuddharet | vṛttido vṛttisaṃbhoktuḥ puṇyamaṣṭāṃśamuddharet
Sanskrit only: no published translation is held for this verse.
आत्मनो वा परस्यापि यदि सेवां न कारयेत्
ātmano vā parasyāpi yadi sevāṃ na kārayet
Sanskrit only: no published translation is held for this verse.
श्रीकृष्ण उवाच। इत्थं ह्यदत्तान्यपि पुण्यपापान्या यांति नित्यं परसंचितानि । शृणुष्व चेमं इतिहासमग्र्यं पुराभवं पुण्यमतिप्रदं च
śrīkṛṣṇa uvāca| itthaṃ hyadattānyapi puṇyapāpānyā yāṃti nityaṃ parasaṃcitāni | śṛṇuṣva cemaṃ itihāsamagryaṃ purābhavaṃ puṇyamatipradaṃ ca
Sanskrit only: no published translation is held for this verse.