Library·Padma Purāṇa·6·6.114
श्रीकृष्णोवाच। ततो धनेश्वरं नीत्वा निरयान्प्रेतपोऽब्रवीत् । प्रदर्शयिष्यंस्तान्सर्वान्यमस्यानुचरस्तदा
śrīkṛṣṇovāca| tato dhaneśvaraṃ nītvā nirayānpretapo'bravīt | pradarśayiṣyaṃstānsarvānyamasyānucarastadā
Sanskrit only: no published translation is held for this verse.
प्रेतप उवाच। पश्येमान्निरयान्घोरान्धनेश्वर महाभयान् । येषु पापकरा नित्यं पच्यंते यमकिंकरैः
pretapa uvāca| paśyemānnirayānghorāndhaneśvara mahābhayān | yeṣu pāpakarā nityaṃ pacyaṃte yamakiṃkaraiḥ
Sanskrit only: no published translation is held for this verse.
तप्तवालुकनामायं निरयो घोरदर्शनः । यस्मिन्नेते दग्धदेहाः क्रंदंते पापकारिणः
taptavālukanāmāyaṃ nirayo ghoradarśanaḥ | yasminnete dagdhadehāḥ kraṃdaṃte pāpakāriṇaḥ
Sanskrit only: no published translation is held for this verse.
अतिथीन्वैश्वदेवान्ते क्षुत्क्षामानागतान्गृहे । ये नार्चंति नरास्ते हि पच्यंते स्वेन कर्मणा
atithīnvaiśvadevānte kṣutkṣāmānāgatāngṛhe | ye nārcaṃti narāste hi pacyaṃte svena karmaṇā
Sanskrit only: no published translation is held for this verse.
गुर्वग्निब्राह्मणान्देवांस्तथा मूर्द्धाभिषिक्तकान् । ताडयंति पदा ये वै ते निर्दग्धांघ्रयस्त्विमे
gurvagnibrāhmaṇāndevāṃstathā mūrddhābhiṣiktakān | tāḍayaṃti padā ye vai te nirdagdhāṃghrayastvime
Sanskrit only: no published translation is held for this verse.
षड्भेदस्त्वेषनिरयो नानापापैः प्रपद्यते । तथैव चांधतामिस्रो द्वितीयो निरयो महान्
ṣaḍbhedastveṣanirayo nānāpāpaiḥ prapadyate | tathaiva cāṃdhatāmisro dvitīyo nirayo mahān
Sanskrit only: no published translation is held for this verse.
पश्य सूचीमुखैर्देहो भिद्यते पापकर्मणा । क्रिमिभिर्घोरवक्त्रैश्च तत्संपर्कागमैर्द्विज
paśya sūcīmukhairdeho bhidyate pāpakarmaṇā | krimibhirghoravaktraiśca tatsaṃparkāgamairdvija
Sanskrit only: no published translation is held for this verse.
असावपि स्थितः षोढा श्वकाकमृगपक्षिभिः । परमर्मभिदो मर्त्याः पच्यंते तेषु पापिनः
asāvapi sthitaḥ ṣoḍhā śvakākamṛgapakṣibhiḥ | paramarmabhido martyāḥ pacyaṃte teṣu pāpinaḥ
Sanskrit only: no published translation is held for this verse.
तृतीयः क्रकचो ह्येष निरयो घोरदर्शनः । यत्रेमे क्रकचैर्मर्त्याः पाट्यंते पापकारिणः
tṛtīyaḥ krakaco hyeṣa nirayo ghoradarśanaḥ | yatreme krakacairmartyāḥ pāṭyaṃte pāpakāriṇaḥ
Sanskrit only: no published translation is held for this verse.
असिपत्रवनाद्यैस्तु षट्प्रकारो व्यवस्थितः । पत्नीपुत्रादिभिर्ये वै वियोगं कारयंति हि
asipatravanādyaistu ṣaṭprakāro vyavasthitaḥ | patnīputrādibhirye vai viyogaṃ kārayaṃti hi
Sanskrit only: no published translation is held for this verse.
इष्टैरन्यैरपि परान्पच्यंते त इमे नराः । असिपत्रैश्छिद्यमाना छेदभीत्या पलायिताः
iṣṭairanyairapi parānpacyaṃte ta ime narāḥ | asipatraiśchidyamānā chedabhītyā palāyitāḥ
Sanskrit only: no published translation is held for this verse.
पच्यंते पापिनः पश्य क्रंदमाना इतस्ततः । अर्गलाख्यो महाघोरश्चतुर्थो निरयो ह्ययम्
pacyaṃte pāpinaḥ paśya kraṃdamānā itastataḥ | argalākhyo mahāghoraścaturtho nirayo hyayam
Sanskrit only: no published translation is held for this verse.
पश्य नानाविधैः पाशैराबध्य यमकिंकरैः । मुद्गराद्यैर्वध्यमानाः क्रंदंते ते च पापिनः
paśya nānāvidhaiḥ pāśairābadhya yamakiṃkaraiḥ | mudgarādyairvadhyamānāḥ kraṃdaṃte te ca pāpinaḥ
Sanskrit only: no published translation is held for this verse.
सज्जनान्ब्राह्मणाद्यांश्च विरुंधंतीह ये नराः । कंठग्रहाद्यैस्ते पापाः पच्यंते यमकिंकरैः
sajjanānbrāhmaṇādyāṃśca viruṃdhaṃtīha ye narāḥ | kaṃṭhagrahādyaiste pāpāḥ pacyaṃte yamakiṃkaraiḥ
Sanskrit only: no published translation is held for this verse.
असावपि हि षड्भेदो वधभेदादिभिः स्थितः । कूटशाल्मलिनामानं निरयं पश्य पंचमम्
asāvapi hi ṣaḍbhedo vadhabhedādibhiḥ sthitaḥ | kūṭaśālmalināmānaṃ nirayaṃ paśya paṃcamam
Sanskrit only: no published translation is held for this verse.
यत्रांगारनिभा एते शाल्मल्याद्याः स्थिता द्विज । यत्र षोढा विपच्यंते यातनाभिरिमे नराः
yatrāṃgāranibhā ete śālmalyādyāḥ sthitā dvija | yatra ṣoḍhā vipacyaṃte yātanābhirime narāḥ
Sanskrit only: no published translation is held for this verse.
परदारा परद्रव्य परद्रोह रताः सदा । रक्तपूयमिमं पश्य षष्ठं निरयमद्भुतम्
paradārā paradravya paradroha ratāḥ sadā | raktapūyamimaṃ paśya ṣaṣṭhaṃ nirayamadbhutam
Sanskrit only: no published translation is held for this verse.
अधोमुखा विपच्यंते यत्र पापकृतो नराः । अभक्ष्यभक्षका निंदा पैशुन्यादि रता इमे
adhomukhā vipacyaṃte yatra pāpakṛto narāḥ | abhakṣyabhakṣakā niṃdā paiśunyādi ratā ime
Sanskrit only: no published translation is held for this verse.
भज्यमाना वध्यमानाः क्रंदंते भैरवान्स्वरान् । षट्प्रकारैर्विगंधाढ्यैरसावपि च संस्थितः
bhajyamānā vadhyamānāḥ kraṃdaṃte bhairavānsvarān | ṣaṭprakārairvigaṃdhāḍhyairasāvapi ca saṃsthitaḥ
Sanskrit only: no published translation is held for this verse.
कुंभीपाकः सप्तमोऽयं निरयो घोरदर्शनः । षोढास्तैलादिभिर्द्रव्यैर्धनेश्वर विलोकय
kuṃbhīpākaḥ saptamo'yaṃ nirayo ghoradarśanaḥ | ṣoḍhāstailādibhirdravyairdhaneśvara vilokaya
Sanskrit only: no published translation is held for this verse.
महापातकिनो यत्र क्वथ्यंते यमकिंकरैः । बहून्यब्दसहस्राणि सोन्मज्जननिमज्जनैः
mahāpātakino yatra kvathyaṃte yamakiṃkaraiḥ | bahūnyabdasahasrāṇi sonmajjananimajjanaiḥ
Sanskrit only: no published translation is held for this verse.
चत्वारिंशन्मितानेतान्द्व्यधिकान्पश्य रौरवान् । अकामात्पातकं शुष्कं कामादार्द्रमुदाहृतम्
catvāriṃśanmitānetāndvyadhikānpaśya rauravān | akāmātpātakaṃ śuṣkaṃ kāmādārdramudāhṛtam
Sanskrit only: no published translation is held for this verse.
आर्द्रशुष्कादिभिः पापैर्द्विप्रकारानवस्थितान् । चतुरशीतिसंख्याकैः पृथग्भेदैरवस्थितान्
ārdraśuṣkādibhiḥ pāpairdviprakārānavasthitān | caturaśītisaṃkhyākaiḥ pṛthagbhedairavasthitān
Sanskrit only: no published translation is held for this verse.
यत्प्रकीर्णमपांक्तेयं मलिनीकरणं तथा । ज्ञातिभ्रंशकरं तद्वदुपपातकसंज्ञकम्
yatprakīrṇamapāṃkteyaṃ malinīkaraṇaṃ tathā | jñātibhraṃśakaraṃ tadvadupapātakasaṃjñakam
Sanskrit only: no published translation is held for this verse.
अतिपापं महापापं सप्तधा पातकं स्मृतम् । एभिः सप्तसु पच्यंते निरयेषु यथाक्रमम्
atipāpaṃ mahāpāpaṃ saptadhā pātakaṃ smṛtam | ebhiḥ saptasu pacyaṃte nirayeṣu yathākramam
Sanskrit only: no published translation is held for this verse.
कार्तिकव्रतिभिर्यस्मात्संसर्गो ह्यभवत्तव । तत्पुण्योपचयादेते निर्हृता निरयाः खलु
kārtikavratibhiryasmātsaṃsargo hyabhavattava | tatpuṇyopacayādete nirhṛtā nirayāḥ khalu
Sanskrit only: no published translation is held for this verse.
श्रीकृष्ण उवाच। दर्शयित्वेति निरयान्प्रेतपस्तमथाहरत् । धनेश्वरं यक्षलोकं पश्चादासीत्स तत्र हि
śrīkṛṣṇa uvāca| darśayitveti nirayānpretapastamathāharat | dhaneśvaraṃ yakṣalokaṃ paścādāsītsa tatra hi
Sanskrit only: no published translation is held for this verse.
धनदस्यानुगः सोऽयं धनयक्षेति स स्मृतः । यदाख्यायाकरोत्तीर्थमयोध्यायां तु गाधिजः
dhanadasyānugaḥ so'yaṃ dhanayakṣeti sa smṛtaḥ | yadākhyāyākarottīrthamayodhyāyāṃ tu gādhijaḥ
Sanskrit only: no published translation is held for this verse.
एवं प्रभावः खलु कार्तिकोऽयं मुक्तिप्रदो मुक्तिकरश्च यस्मात् । प्रयात्यनेकार्जितपातकोऽपि व्रतस्थसंदर्शनतोऽपि मुक्तिम्
evaṃ prabhāvaḥ khalu kārtiko'yaṃ muktiprado muktikaraśca yasmāt | prayātyanekārjitapātako'pi vratasthasaṃdarśanato'pi muktim
Sanskrit only: no published translation is held for this verse.