Padma Purāṇa 6.115

सूत उवाच। इत्युक्त्वा वासुदेवोऽसौ सत्यभामामतिप्रियाम् । सायंसंध्यादिकं कर्तुं जगाम जननीगृहम्

sūta uvāca| ityuktvā vāsudevo'sau satyabhāmāmatipriyām | sāyaṃsaṃdhyādikaṃ kartuṃ jagāma jananīgṛham

Sanskrit only: no published translation is held for this verse.

एवं प्रभावः प्रोक्तोयं कार्तिकः पापनाशनः । विष्णुप्रियकरो नित्यं भुक्तिमुक्तिप्रदः सदा

evaṃ prabhāvaḥ proktoyaṃ kārtikaḥ pāpanāśanaḥ | viṣṇupriyakaro nityaṃ bhuktimuktipradaḥ sadā

Sanskrit only: no published translation is held for this verse.

हरिजागरणं प्रातः स्नानं तुलसिसेवनम् । उद्यापनं दीपदानं व्रतान्येतानि कार्तिके

harijāgaraṇaṃ prātaḥ snānaṃ tulasisevanam | udyāpanaṃ dīpadānaṃ vratānyetāni kārtike

Sanskrit only: no published translation is held for this verse.

पंचकैर्व्रतकैरेभिः संपूर्णं कार्तिकव्रतम् । फलं प्राप्नोति तत्प्रोक्तं भुक्तिमुक्तिफलप्रदम्

paṃcakairvratakairebhiḥ saṃpūrṇaṃ kārtikavratam | phalaṃ prāpnoti tatproktaṃ bhuktimuktiphalapradam

Sanskrit only: no published translation is held for this verse.

ऋषय ऊचुः। विष्णोः प्रियोऽतिफलदः प्रोक्तोऽयं रोमहर्षणे । कार्तिकस्य विधिः सम्यक्पावनः पापनाशनः

ṛṣaya ūcuḥ| viṣṇoḥ priyo'tiphaladaḥ prokto'yaṃ romaharṣaṇe | kārtikasya vidhiḥ samyakpāvanaḥ pāpanāśanaḥ

Sanskrit only: no published translation is held for this verse.

अवश्यमेव कर्त्तव्यः प्राप्य दुःखनिवारणः । मोक्षार्थिभिर्नरः सम्यग्भोगकामैरथापिवा

avaśyameva karttavyaḥ prāpya duḥkhanivāraṇaḥ | mokṣārthibhirnaraḥ samyagbhogakāmairathāpivā

Sanskrit only: no published translation is held for this verse.

एवं स्थिते यथाकश्चिद्व्रतस्थः संकटे स्थितः । दुर्गारण्यस्थितो वापि व्याधिभिः परिपीडितः । कथं तेन प्रकर्तव्यं कार्तिकव्रतकं शुभम्

evaṃ sthite yathākaścidvratasthaḥ saṃkaṭe sthitaḥ | durgāraṇyasthito vāpi vyādhibhiḥ paripīḍitaḥ | kathaṃ tena prakartavyaṃ kārtikavratakaṃ śubham

Sanskrit only: no published translation is held for this verse.

सूत उवाच। यस्मादत्यंतफलदं कर्तव्यं तु यथा नरैः । तत्सर्वं कथयिष्येऽहं शृणुध्वं मुनिपुंगवाः

sūta uvāca| yasmādatyaṃtaphaladaṃ kartavyaṃ tu yathā naraiḥ | tatsarvaṃ kathayiṣye'haṃ śṛṇudhvaṃ munipuṃgavāḥ

Sanskrit only: no published translation is held for this verse.

विष्णोः शिवस्य वा कुर्यादालये हरिजागरम् । शिवविष्णुग्रहाभावे सर्वदेवालयेष्वपि

viṣṇoḥ śivasya vā kuryādālaye harijāgaram | śivaviṣṇugrahābhāve sarvadevālayeṣvapi

Sanskrit only: no published translation is held for this verse.

दुर्गारण्यस्थितो यश्च यदि वा यद्गतो भवेत् । कुर्यात्तदाश्वत्थमूले तुलसीनां वनेष्वपि

durgāraṇyasthito yaśca yadi vā yadgato bhavet | kuryāttadāśvatthamūle tulasīnāṃ vaneṣvapi

Sanskrit only: no published translation is held for this verse.

विष्णुनामप्रधानानां गायनाद्विष्णुसन्निधौ । गोसहस्रप्रदानस्य फलं प्राप्नोति मानवः

viṣṇunāmapradhānānāṃ gāyanādviṣṇusannidhau | gosahasrapradānasya phalaṃ prāpnoti mānavaḥ

Sanskrit only: no published translation is held for this verse.

वाद्यकृत्पुरुषश्चापि वाजपेयफलं लभेत् । सर्वतीर्थावगाहोत्थं नर्तकः फलमाप्नुयात्

vādyakṛtpuruṣaścāpi vājapeyaphalaṃ labhet | sarvatīrthāvagāhotthaṃ nartakaḥ phalamāpnuyāt

Sanskrit only: no published translation is held for this verse.

सर्वमेतल्लभेत्पुण्यं तेषां तु द्रव्यदः पुमान् । प्रशंसादर्शनाभ्यां हि तत्षडंशमवाप्नुयात्

sarvametallabhetpuṇyaṃ teṣāṃ tu dravyadaḥ pumān | praśaṃsādarśanābhyāṃ hi tatṣaḍaṃśamavāpnuyāt

Sanskrit only: no published translation is held for this verse.

आपद्गतो यदाप्यंभो न लभेत्स्नपनाय सः । व्याधितो वा पुनः कुर्याद्विष्णोर्नामापमार्जनम्

āpadgato yadāpyaṃbho na labhetsnapanāya saḥ | vyādhito vā punaḥ kuryādviṣṇornāmāpamārjanam

Sanskrit only: no published translation is held for this verse.

उद्यापनविधिं कर्तुं न शक्तो यो व्रते स्थितः । ब्राह्मणान्भोजयेच्छक्त्या व्रतसंपूर्णहेतवे

udyāpanavidhiṃ kartuṃ na śakto yo vrate sthitaḥ | brāhmaṇānbhojayecchaktyā vratasaṃpūrṇahetave

Sanskrit only: no published translation is held for this verse.

यस्मादत्यंतफलदो न त्याज्यः सर्वदा नरैः । अव्यक्तरूपिणो विष्णोः स्वरूपं ब्राह्मणा भुवि

yasmādatyaṃtaphalado na tyājyaḥ sarvadā naraiḥ | avyaktarūpiṇo viṣṇoḥ svarūpaṃ brāhmaṇā bhuvi

Sanskrit only: no published translation is held for this verse.

तत्संतुष्ट्या सुसंतुष्टः सर्वदा स्यां न संशयः । अशक्तो दीपदाने तु परदीपं प्रबोधयेत्

tatsaṃtuṣṭyā susaṃtuṣṭaḥ sarvadā syāṃ na saṃśayaḥ | aśakto dīpadāne tu paradīpaṃ prabodhayet

Sanskrit only: no published translation is held for this verse.

तेषां वा रक्षणं कुर्याद्वातादिभ्यः प्रयत्नतः । अभावे तुलसीनां तु पूजयेद्वैष्णवं द्विजम्

teṣāṃ vā rakṣaṇaṃ kuryādvātādibhyaḥ prayatnataḥ | abhāve tulasīnāṃ tu pūjayedvaiṣṇavaṃ dvijam

Sanskrit only: no published translation is held for this verse.

यस्मात्संनिहितो विष्णुः स्वभक्तेष्वेव सर्वदा । सर्वाभावे व्रती कुर्याद्ब्राह्मणानां गवामपि

yasmātsaṃnihito viṣṇuḥ svabhakteṣveva sarvadā | sarvābhāve vratī kuryādbrāhmaṇānāṃ gavāmapi

Sanskrit only: no published translation is held for this verse.

सेवां वाश्वत्थवटयोर्व्रतसंपूर्णहेतवे

sevāṃ vāśvatthavaṭayorvratasaṃpūrṇahetave

Sanskrit only: no published translation is held for this verse.

ऋषय ऊचुः । कथं त्वयाश्वत्थवटौ गोब्राह्मणसमौ कृतौ । सर्वेभ्योऽपि तरुभ्यस्तौ कस्मात्पूज्यतरौ कृतौ

ṛṣaya ūcuḥ | kathaṃ tvayāśvatthavaṭau gobrāhmaṇasamau kṛtau | sarvebhyo'pi tarubhyastau kasmātpūjyatarau kṛtau

Sanskrit only: no published translation is held for this verse.

सूत उवाच। अश्वत्थरूपी भगवान्विष्णुरेव न संशयः । रुद्ररूपी वटस्तद्वत्पालाशो ब्रह्मरूपधृक्

sūta uvāca| aśvattharūpī bhagavānviṣṇureva na saṃśayaḥ | rudrarūpī vaṭastadvatpālāśo brahmarūpadhṛk

Sanskrit only: no published translation is held for this verse.

दर्शनं पूजनं सेवा तेषां पापहरा स्मृता । दुःखापद्व्याधिदुष्टानां विनाशकरणी ध्रुवम्

darśanaṃ pūjanaṃ sevā teṣāṃ pāpaharā smṛtā | duḥkhāpadvyādhiduṣṭānāṃ vināśakaraṇī dhruvam

Sanskrit only: no published translation is held for this verse.

ऋषय ऊचुः। कथं वृक्षत्वमापन्ना ब्रह्मविष्णुमहेश्वराः । एतत्कथय सर्वज्ञ संशयोऽत्र महान्हि नः

ṛṣaya ūcuḥ| kathaṃ vṛkṣatvamāpannā brahmaviṣṇumaheśvarāḥ | etatkathaya sarvajña saṃśayo'tra mahānhi naḥ

Sanskrit only: no published translation is held for this verse.

सूत उवाच। पार्वतीशिवयोर्देवैः सुरतं कुर्वतोः किल । अग्निर्ब्राह्मणरूपेण प्रेषितो विघ्नकृत्पुरा

sūta uvāca| pārvatīśivayordevaiḥ surataṃ kurvatoḥ kila | agnirbrāhmaṇarūpeṇa preṣito vighnakṛtpurā

Sanskrit only: no published translation is held for this verse.

ततः सा पार्वती क्रुद्धा शशाप त्रिदिवौकसः । रतोत्सवसुखभ्रंशात्कंपमाना रुषा तदा

tataḥ sā pārvatī kruddhā śaśāpa tridivaukasaḥ | ratotsavasukhabhraṃśātkaṃpamānā ruṣā tadā

Sanskrit only: no published translation is held for this verse.

पार्वत्युवाच। कृमिकीटादयोप्येते जानंति सुरतं सुखम् । तद्विघ्नकरणाद्देवा ह्युद्भिज्जत्वमवाप्स्यथ

pārvatyuvāca| kṛmikīṭādayopyete jānaṃti surataṃ sukham | tadvighnakaraṇāddevā hyudbhijjatvamavāpsyatha

Sanskrit only: no published translation is held for this verse.

सूत उवाच। एवं सा पार्वती देवानशपत्क्रुद्धमानसा । तस्माद्वृक्षत्वमापन्नाः सर्वे देवगणाः किल

sūta uvāca| evaṃ sā pārvatī devānaśapatkruddhamānasā | tasmādvṛkṣatvamāpannāḥ sarve devagaṇāḥ kila

Sanskrit only: no published translation is held for this verse.

तस्मादिमौ विष्णुमहेश्वरावुभौ बभूवतुर्बोधिवटौ मुनीश्वराः । बोधिस्त्वगादार्किदिने स्पृशत्वमस्पृश्यतामर्कजविष्टियोगात्

tasmādimau viṣṇumaheśvarāvubhau babhūvaturbodhivaṭau munīśvarāḥ | bodhistvagādārkidine spṛśatvamaspṛśyatāmarkajaviṣṭiyogāt

Sanskrit only: no published translation is held for this verse.