Padma Purāṇa 6.117

सूत उवाच। इति सर्वं समाकर्ण्य सत्राजितसुता तदा । हरेर्वाक्यं महाभागा सत्या वचनमब्रवीत्

sūta uvāca| iti sarvaṃ samākarṇya satrājitasutā tadā | harervākyaṃ mahābhāgā satyā vacanamabravīt

Sanskrit only: no published translation is held for this verse.

सत्योवाच। कार्तिकस्य च माहात्म्यं न श्रुतं विस्तरात्प्रभो । सर्वेषामेव मासानां कार्तिकः प्रवरः कथम्

satyovāca| kārtikasya ca māhātmyaṃ na śrutaṃ vistarātprabho | sarveṣāmeva māsānāṃ kārtikaḥ pravaraḥ katham

Sanskrit only: no published translation is held for this verse.

श्रीकृष्ण उवाच। साधु पृष्टं त्वया सत्ये कार्तिकव्रतमादरात् । शौनकाय पुरा प्रोक्तं सूतेन सुमहात्मना

śrīkṛṣṇa uvāca| sādhu pṛṣṭaṃ tvayā satye kārtikavratamādarāt | śaunakāya purā proktaṃ sūtena sumahātmanā

Sanskrit only: no published translation is held for this verse.

सूत उवाच। श्रूयतां तत्प्रवक्ष्यामि एतत्प्रश्नोत्तरं शुभम् । ईश्वरेण पुरा प्रोक्तं पृच्छते षण्मुखाय वै

sūta uvāca| śrūyatāṃ tatpravakṣyāmi etatpraśnottaraṃ śubham | īśvareṇa purā proktaṃ pṛcchate ṣaṇmukhāya vai

Sanskrit only: no published translation is held for this verse.

कार्तिकेय उवाच। बहूनि पद्मनाभस्य रहस्यानि श्रुतानि च । यथा हि प्रोच्यमानानि वैष्णवेन त्वया प्रभो

kārtikeya uvāca| bahūni padmanābhasya rahasyāni śrutāni ca | yathā hi procyamānāni vaiṣṇavena tvayā prabho

Sanskrit only: no published translation is held for this verse.

संसारसागरे प्राप्ता दुःखोरुलहरीवृते । तेषामुत्तारणार्थाय कथयस्व प्रयत्नतः

saṃsārasāgare prāptā duḥkhorulaharīvṛte | teṣāmuttāraṇārthāya kathayasva prayatnataḥ

Sanskrit only: no published translation is held for this verse.

कार्तिकस्य विधिश्चैव स्नानस्य वदतां वर । येन दुःखांबुधिं तात संतरिष्यंति मानवाः

kārtikasya vidhiścaiva snānasya vadatāṃ vara | yena duḥkhāṃbudhiṃ tāta saṃtariṣyaṃti mānavāḥ

Sanskrit only: no published translation is held for this verse.

फलं वैष्णवधर्मस्य कथयस्व सुविस्तरम् । येन धर्मप्रभावेन पदं गच्छति वैष्णवम्

phalaṃ vaiṣṇavadharmasya kathayasva suvistaram | yena dharmaprabhāvena padaṃ gacchati vaiṣṇavam

Sanskrit only: no published translation is held for this verse.

दीपदानस्य माहात्म्यं मुनिपुष्पस्य सुव्रत । गोपीचंदनमाहात्म्यं तुलस्यास्तु तथा विभो

dīpadānasya māhātmyaṃ munipuṣpasya suvrata | gopīcaṃdanamāhātmyaṃ tulasyāstu tathā vibho

Sanskrit only: no published translation is held for this verse.

मालतीपुष्पमाहात्म्यं वारिजानां तथा वद । धात्रीफलानां माहात्म्यं तथा दमनकस्य च

mālatīpuṣpamāhātmyaṃ vārijānāṃ tathā vada | dhātrīphalānāṃ māhātmyaṃ tathā damanakasya ca

Sanskrit only: no published translation is held for this verse.

केतकीपुष्पमाहात्म्यं नैवेद्यस्य परंतप । तीर्थोदकस्य माहात्म्यं माघस्नानफलं विभो

ketakīpuṣpamāhātmyaṃ naivedyasya paraṃtapa | tīrthodakasya māhātmyaṃ māghasnānaphalaṃ vibho

Sanskrit only: no published translation is held for this verse.

फलं ब्रूहि सुरश्रेष्ठ ब्रह्मपत्रेषु भोजनात् । नीराजनफलं स्थाणो परदीपप्रवेधनात्

phalaṃ brūhi suraśreṣṭha brahmapatreṣu bhojanāt | nīrājanaphalaṃ sthāṇo paradīpapravedhanāt

Sanskrit only: no published translation is held for this verse.

पुष्करक्षेत्रमाहात्म्यं शूकरस्य तथा विभो । शालग्रामस्य माहात्म्यं स्वस्तिकस्य विधानकम्

puṣkarakṣetramāhātmyaṃ śūkarasya tathā vibho | śālagrāmasya māhātmyaṃ svastikasya vidhānakam

Sanskrit only: no published translation is held for this verse.

दानानां च फलं ब्रूहि परान्नस्य च वर्जनात् । मासोपवासस्य फलं खट्वाया मोक्षणाद्विभो

dānānāṃ ca phalaṃ brūhi parānnasya ca varjanāt | māsopavāsasya phalaṃ khaṭvāyā mokṣaṇādvibho

Sanskrit only: no published translation is held for this verse.

दीपावल्याश्च माहात्म्यं प्रबोधिन्याश्च सुव्रत । पंचभीष्मस्यमाहात्म्यं कथयस्व सुविस्तरात्

dīpāvalyāśca māhātmyaṃ prabodhinyāśca suvrata | paṃcabhīṣmasyamāhātmyaṃ kathayasva suvistarāt

Sanskrit only: no published translation is held for this verse.

ईश्वर उवाच। साधु पृष्टं त्वया वत्स लोकोद्धरणहेतवे । कथयामि न संदेहस्त्वत्समो नास्ति वैष्णवः

īśvara uvāca| sādhu pṛṣṭaṃ tvayā vatsa lokoddharaṇahetave | kathayāmi na saṃdehastvatsamo nāsti vaiṣṇavaḥ

Sanskrit only: no published translation is held for this verse.

सत्पुत्रेण त्वया वत्स तारितोऽहं न संशयः । निश्चला केशवे भक्तिस्त्वयि तिष्ठति सर्वदा

satputreṇa tvayā vatsa tārito'haṃ na saṃśayaḥ | niścalā keśave bhaktistvayi tiṣṭhati sarvadā

Sanskrit only: no published translation is held for this verse.

नरेभ्यो वैष्णवं धर्मं यो ददाति द्विजोत्तमः । ससागरमही दाने तत्पुण्यं लभते हि सः

narebhyo vaiṣṇavaṃ dharmaṃ yo dadāti dvijottamaḥ | sasāgaramahī dāne tatpuṇyaṃ labhate hi saḥ

Sanskrit only: no published translation is held for this verse.

कार्तिकस्य च मासस्य कोट्यंशेनापि नार्हति । एकतः सर्वतीर्थानि सर्वदानानि चैकतः

kārtikasya ca māsasya koṭyaṃśenāpi nārhati | ekataḥ sarvatīrthāni sarvadānāni caikataḥ

Sanskrit only: no published translation is held for this verse.

एकतो गोप्रदानानि सर्वे यज्ञाः सदक्षिणाः । एकतः पुष्करे वासं कुरुक्षेत्रे हिमालये

ekato gopradānāni sarve yajñāḥ sadakṣiṇāḥ | ekataḥ puṣkare vāsaṃ kurukṣetre himālaye

Sanskrit only: no published translation is held for this verse.

एकतो मथुरातीर्थे वाराणस्यां च शूकरे । एकतः कार्तिको वत्स सर्वदा केशवप्रियः

ekato mathurātīrthe vārāṇasyāṃ ca śūkare | ekataḥ kārtiko vatsa sarvadā keśavapriyaḥ

Sanskrit only: no published translation is held for this verse.

सूत उवाच। इत्युक्त्वा मुनिशार्दूल पुनर्वाक्यं जगौ हरः । कार्तिकस्नानमाहात्म्यं कथयिष्ये सुविस्तरात्

sūta uvāca| ityuktvā muniśārdūla punarvākyaṃ jagau haraḥ | kārtikasnānamāhātmyaṃ kathayiṣye suvistarāt

Sanskrit only: no published translation is held for this verse.

ईश्वर उवाच। ब्राह्मं कृतयुगं प्रोक्तं त्रेता तु क्षत्रियं स्वयम् । द्वापरं वैश्यमित्याहुः शूद्रं कलियुगं स्मृतम्

īśvara uvāca| brāhmaṃ kṛtayugaṃ proktaṃ tretā tu kṣatriyaṃ svayam | dvāparaṃ vaiśyamityāhuḥ śūdraṃ kaliyugaṃ smṛtam

Sanskrit only: no published translation is held for this verse.

कलौ वत्स मनुष्याणां शैथिल्यं स्नानकर्मणि । तथापि कथयिष्यामि स्नानं कार्तिकमाघयोः

kalau vatsa manuṣyāṇāṃ śaithilyaṃ snānakarmaṇi | tathāpi kathayiṣyāmi snānaṃ kārtikamāghayoḥ

Sanskrit only: no published translation is held for this verse.

यस्य हस्तौ च पादौ न वाङ्मनश्च सुसंयतम् । विद्या तपश्च कीर्तिश्च स तीर्थफलभाङ्नरः

yasya hastau ca pādau na vāṅmanaśca susaṃyatam | vidyā tapaśca kīrtiśca sa tīrthaphalabhāṅnaraḥ

Sanskrit only: no published translation is held for this verse.

अश्रद्दधानः पापात्मा नास्तिकश्छिन्नमानसः । हेतुवादी च पंचैते न तीर्थफलभागिनः

aśraddadhānaḥ pāpātmā nāstikaśchinnamānasaḥ | hetuvādī ca paṃcaite na tīrthaphalabhāginaḥ

Sanskrit only: no published translation is held for this verse.

प्रातरुत्थाय यो विप्रस्तीर्थस्नायी सदा भवेत् । सर्वपापविनिर्मुक्तः परं ब्रह्माधिगच्छति

prātarutthāya yo viprastīrthasnāyī sadā bhavet | sarvapāpavinirmuktaḥ paraṃ brahmādhigacchati

Sanskrit only: no published translation is held for this verse.

स्नानं चतुर्विधं प्रोक्तं स्नानविद्भिः षडानन । वायव्यं वारुणं दिव्यं ब्राह्मं चेति तथा स्मृतम्

snānaṃ caturvidhaṃ proktaṃ snānavidbhiḥ ṣaḍānana | vāyavyaṃ vāruṇaṃ divyaṃ brāhmaṃ ceti tathā smṛtam

Sanskrit only: no published translation is held for this verse.

वायव्यं गोरजः स्नानं वारुणं सागरादिषु । ब्राह्म्य ब्राह्मणमंत्रोक्तं दिव्यं मेघांबु भास्करम्

vāyavyaṃ gorajaḥ snānaṃ vāruṇaṃ sāgarādiṣu | brāhmya brāhmaṇamaṃtroktaṃ divyaṃ meghāṃbu bhāskaram

Sanskrit only: no published translation is held for this verse.

स्नानानां चैव सर्वेषां विशिष्टं तत्र वारुणम् । ब्राह्मणः क्षत्रियो वैश्यो मंत्रवत्स्नानमाचरेत्

snānānāṃ caiva sarveṣāṃ viśiṣṭaṃ tatra vāruṇam | brāhmaṇaḥ kṣatriyo vaiśyo maṃtravatsnānamācaret

Sanskrit only: no published translation is held for this verse.

तूष्णीमेव हि शूद्रस्य स्त्रीणां चैव षडानन । बाला च तरुणी वृद्धा नरनारीनपुंसकाः

tūṣṇīmeva hi śūdrasya strīṇāṃ caiva ṣaḍānana | bālā ca taruṇī vṛddhā naranārīnapuṃsakāḥ

Sanskrit only: no published translation is held for this verse.

पापैः सर्वैः प्रमुच्यंते स्नानात्कार्तिकमाघयोः । स्नाता वै कार्तिके लोकाः प्राप्नुवंतीप्सितं फलम्

pāpaiḥ sarvaiḥ pramucyaṃte snānātkārtikamāghayoḥ | snātā vai kārtike lokāḥ prāpnuvaṃtīpsitaṃ phalam

Sanskrit only: no published translation is held for this verse.