Padma Purāṇa 6.118

सूत उवाच। पुनः प्रोवाच भगवान्महादेवो वृषध्वजः । श्रोतारमुपसंगम्य भक्तियुक्तं षडाननम्

sūta uvāca| punaḥ provāca bhagavānmahādevo vṛṣadhvajaḥ | śrotāramupasaṃgamya bhaktiyuktaṃ ṣaḍānanam

Sanskrit only: no published translation is held for this verse.

ईश्वर उवाच। कार्तिको वैष्णवो मासः सर्वमासेषु चोत्तमः । अस्मिन्मासे त्रयस्त्रिंशद्देवाः संनिहिताः कलौ

īśvara uvāca| kārtiko vaiṣṇavo māsaḥ sarvamāseṣu cottamaḥ | asminmāse trayastriṃśaddevāḥ saṃnihitāḥ kalau

Sanskrit only: no published translation is held for this verse.

ऊर्जे मासि महाभागौ भोजनानि द्विजातये । तिलधेनुं हिरण्यं च रजतं भूमिवाससी

ūrje māsi mahābhāgau bhojanāni dvijātaye | tiladhenuṃ hiraṇyaṃ ca rajataṃ bhūmivāsasī

Sanskrit only: no published translation is held for this verse.

गोप्रदानानि दास्यंति सर्वभावेन सुव्रत । सर्वेषामेव दानानां कन्यादानं विशिष्यते

gopradānāni dāsyaṃti sarvabhāvena suvrata | sarveṣāmeva dānānāṃ kanyādānaṃ viśiṣyate

Sanskrit only: no published translation is held for this verse.

ब्राह्मणायात्र ये कन्यां दास्यंति विधिवन्नराः । वैकुंठे वसतिस्तेषां यावदिंद्राश्चतुर्दश

brāhmaṇāyātra ye kanyāṃ dāsyaṃti vidhivannarāḥ | vaikuṃṭhe vasatisteṣāṃ yāvadiṃdrāścaturdaśa

Sanskrit only: no published translation is held for this verse.

रोमकाले तु संप्राप्ते सोमो भुंक्ते तु कन्यकाम् । ऋतुकाले तु गंधर्वा वह्निस्तु कुचदर्शने

romakāle tu saṃprāpte somo bhuṃkte tu kanyakām | ṛtukāle tu gaṃdharvā vahnistu kucadarśane

Sanskrit only: no published translation is held for this verse.

तावद्विवाहयेत्कन्यां यावन्नर्तुमती भवेत् । विवाहस्त्वष्टवर्षायाः कन्यायाः शस्यते बुधैः

tāvadvivāhayetkanyāṃ yāvannartumatī bhavet | vivāhastvaṣṭavarṣāyāḥ kanyāyāḥ śasyate budhaiḥ

Sanskrit only: no published translation is held for this verse.

दातव्या श्रोत्रियायैव ब्राह्मणाय तपस्विने । साक्षादधीतवेदाय विधिना ब्रह्मचारिणे

dātavyā śrotriyāyaiva brāhmaṇāya tapasvine | sākṣādadhītavedāya vidhinā brahmacāriṇe

Sanskrit only: no published translation is held for this verse.

कन्यावरप्रमाणाया एष एव विधिः स्मृतः । यावंति चैव रोमाणि कन्यायाश्च तनौ सुत

kanyāvarapramāṇāyā eṣa eva vidhiḥ smṛtaḥ | yāvaṃti caiva romāṇi kanyāyāśca tanau suta

Sanskrit only: no published translation is held for this verse.

तावद्वर्षसहस्राणि रुद्रलोके महीयते । सहस्रमेव धेनूनां शतं चानुडुहां समम्

tāvadvarṣasahasrāṇi rudraloke mahīyate | sahasrameva dhenūnāṃ śataṃ cānuḍuhāṃ samam

Sanskrit only: no published translation is held for this verse.

दशानुडुत्समं यानं दशयानसमो हयः । हयदानसहस्रेभ्यो गजदानं विशिष्यते

daśānuḍutsamaṃ yānaṃ daśayānasamo hayaḥ | hayadānasahasrebhyo gajadānaṃ viśiṣyate

Sanskrit only: no published translation is held for this verse.

गजदानसहस्राणां स्वर्णदानं च तत्समम् । स्वर्णभारसहस्राणां विद्यादानं च तत्समम्

gajadānasahasrāṇāṃ svarṇadānaṃ ca tatsamam | svarṇabhārasahasrāṇāṃ vidyādānaṃ ca tatsamam

Sanskrit only: no published translation is held for this verse.

विद्यादानात्कोटिगुणं भूमिदानं विशिष्यते । भूमिदानसहस्रेभ्यो गोप्रदानं विशिष्यते

vidyādānātkoṭiguṇaṃ bhūmidānaṃ viśiṣyate | bhūmidānasahasrebhyo gopradānaṃ viśiṣyate

Sanskrit only: no published translation is held for this verse.

गोप्रदानसहस्रेभ्यो ह्यन्नदानं विशिष्यते । अन्नाधारमिदं सर्वं जगत्स्थावरजंगमम्

gopradānasahasrebhyo hyannadānaṃ viśiṣyate | annādhāramidaṃ sarvaṃ jagatsthāvarajaṃgamam

Sanskrit only: no published translation is held for this verse.

तस्माद्देयं प्रयत्नेन कार्तिके शिखिवाहन । त्रीणि तुल्यप्रदानानि त्रीणि तुल्यफलानि च

tasmāddeyaṃ prayatnena kārtike śikhivāhana | trīṇi tulyapradānāni trīṇi tulyaphalāni ca

Sanskrit only: no published translation is held for this verse.

कार्तिकेय उवाच। अन्यानपि महादेव धर्मान्मे वक्तुमर्हसि । यान्कृत्वा सर्वपापानि प्रक्षाल्य त्रिदशो भवेत्

kārtikeya uvāca| anyānapi mahādeva dharmānme vaktumarhasi | yānkṛtvā sarvapāpāni prakṣālya tridaśo bhavet

Sanskrit only: no published translation is held for this verse.

सूत उवाच। इतिपृष्टस्तदा शंभुः पुनर्वक्तुं प्रचक्रमे । यावत्किं बहुधा स्तुत्वात्तच्छृणुध्वं तपोधनाः

sūta uvāca| itipṛṣṭastadā śaṃbhuḥ punarvaktuṃ pracakrame | yāvatkiṃ bahudhā stutvāttacchṛṇudhvaṃ tapodhanāḥ

Sanskrit only: no published translation is held for this verse.

ईश्वर उवाच। परान्नं वर्जयेद्यस्तु कार्तिके नियमे कृते । परान्नवर्जनादेव लभेच्चांद्रायणं फलम्

īśvara uvāca| parānnaṃ varjayedyastu kārtike niyame kṛte | parānnavarjanādeva labheccāṃdrāyaṇaṃ phalam

Sanskrit only: no published translation is held for this verse.

तं प्राप्तं कार्तिकं दृष्ट्वा परान्नं यस्तु वर्जयेत् । दिनेदिने तु कृच्छ्रस्य फलंप्राप्नोति मानवः

taṃ prāptaṃ kārtikaṃ dṛṣṭvā parānnaṃ yastu varjayet | dinedine tu kṛcchrasya phalaṃprāpnoti mānavaḥ

Sanskrit only: no published translation is held for this verse.

कार्तिके वर्जयेत्तैलं कार्तिके वर्जयेन्मधु । कार्तिके वर्जयेत्कांस्यं संघान्नं च विशेषतः

kārtike varjayettailaṃ kārtike varjayenmadhu | kārtike varjayetkāṃsyaṃ saṃghānnaṃ ca viśeṣataḥ

Sanskrit only: no published translation is held for this verse.

राक्षसीं योनिमाप्नोति सकृन्मांसस्य भक्षणात् । षष्टिवर्षसहस्राणि विष्ठायां परिपच्यते

rākṣasīṃ yonimāpnoti sakṛnmāṃsasya bhakṣaṇāt | ṣaṣṭivarṣasahasrāṇi viṣṭhāyāṃ paripacyate

Sanskrit only: no published translation is held for this verse.

तन्मुक्तो जायते पापो विष्ठाशी ग्रामसूकरः । प्रवृत्तानां तु भक्षाणां कार्तिके नियमे कृते

tanmukto jāyate pāpo viṣṭhāśī grāmasūkaraḥ | pravṛttānāṃ tu bhakṣāṇāṃ kārtike niyame kṛte

Sanskrit only: no published translation is held for this verse.

अवश्यं विष्णुरूपत्वं प्राप्यते मोक्षदं पदम् । न कार्तिकसमो मासो न दैवं केशवात्परम्

avaśyaṃ viṣṇurūpatvaṃ prāpyate mokṣadaṃ padam | na kārtikasamo māso na daivaṃ keśavātparam

Sanskrit only: no published translation is held for this verse.

न वेदसदृशं शास्त्रं न तीर्थं गंगया समम् । न सत्यं न समं वृत्तं न कृतेन समं युगम्

na vedasadṛśaṃ śāstraṃ na tīrthaṃ gaṃgayā samam | na satyaṃ na samaṃ vṛttaṃ na kṛtena samaṃ yugam

Sanskrit only: no published translation is held for this verse.

न तृप्ती रसना तुल्या न दानसदृशं सुखम् । न धर्मसदृशं मित्रं न ज्योतिश्चक्षुषा समम्

na tṛptī rasanā tulyā na dānasadṛśaṃ sukham | na dharmasadṛśaṃ mitraṃ na jyotiścakṣuṣā samam

Sanskrit only: no published translation is held for this verse.

अव्रतेन क्षिपेद्यस्तु मासं दामोदरप्रियम् । कर्मभ्रष्टः स विज्ञेयो हीनयोनिषु जायते

avratena kṣipedyastu māsaṃ dāmodarapriyam | karmabhraṣṭaḥ sa vijñeyo hīnayoniṣu jāyate

Sanskrit only: no published translation is held for this verse.

कार्तिकः प्रवरो मासो वैष्णवानां सदा प्रियः । समुद्रगा नदी पुण्या दुर्लभा स्नानशालिनाम्

kārtikaḥ pravaro māso vaiṣṇavānāṃ sadā priyaḥ | samudragā nadī puṇyā durlabhā snānaśālinām

Sanskrit only: no published translation is held for this verse.

कुलशीलवतीकन्या दुर्लभा दंपती नृणाम् । दुर्लभा जननी लोके पिता चैव विशेषतः

kulaśīlavatīkanyā durlabhā daṃpatī nṛṇām | durlabhā jananī loke pitā caiva viśeṣataḥ

Sanskrit only: no published translation is held for this verse.

दुर्लभं साधुसन्मानं दुर्लभो धार्मिकः सुतः । दुर्लभो द्वारिकावासो दुर्लभं कृष्णदर्शनम्

durlabhaṃ sādhusanmānaṃ durlabho dhārmikaḥ sutaḥ | durlabho dvārikāvāso durlabhaṃ kṛṣṇadarśanam

Sanskrit only: no published translation is held for this verse.

दुर्लभं गोमतीस्नानं दुर्लभं कार्तिकव्रतम् । ब्राह्मणेभ्यो महीं दत्त्वा ग्रहणे चंद्रसूर्ययोः

durlabhaṃ gomatīsnānaṃ durlabhaṃ kārtikavratam | brāhmaṇebhyo mahīṃ dattvā grahaṇe caṃdrasūryayoḥ

Sanskrit only: no published translation is held for this verse.

यत्फलं लभते वत्स तत्फलं भूमिशायिनः । भोजनं द्विजदंपत्योः पूजयेच्च विलेपनैः

yatphalaṃ labhate vatsa tatphalaṃ bhūmiśāyinaḥ | bhojanaṃ dvijadaṃpatyoḥ pūjayecca vilepanaiḥ

Sanskrit only: no published translation is held for this verse.

कंबलानि च रत्नानि वासांसि विविधानि च । तूलिकाश्च प्रदातव्याः प्रच्छादनपटैः सह

kaṃbalāni ca ratnāni vāsāṃsi vividhāni ca | tūlikāśca pradātavyāḥ pracchādanapaṭaiḥ saha

Sanskrit only: no published translation is held for this verse.

उपानहा वातपत्रं कार्तिके देहि पावके । यः करोति नरो नित्यं कार्तिके पत्रभोजनम्

upānahā vātapatraṃ kārtike dehi pāvake | yaḥ karoti naro nityaṃ kārtike patrabhojanam

Sanskrit only: no published translation is held for this verse.

न दुर्गतिमवाप्नोति यावदिंद्राश्चतुर्दश । सर्वकामफलं तस्य सर्वतीर्थफलं लभेत्

na durgatimavāpnoti yāvadiṃdrāścaturdaśa | sarvakāmaphalaṃ tasya sarvatīrthaphalaṃ labhet

Sanskrit only: no published translation is held for this verse.

न चापि नरकं पश्येद्ब्रह्मपत्रेषु भोजनात् । ब्रह्मा एष स्मृतः साक्षात्पालाशः सर्वकामदः

na cāpi narakaṃ paśyedbrahmapatreṣu bhojanāt | brahmā eṣa smṛtaḥ sākṣātpālāśaḥ sarvakāmadaḥ

Sanskrit only: no published translation is held for this verse.

मध्यमं वर्जयेत्पत्रं कार्तिके शिखिवाहन । ब्रह्मा विष्णुश्च रुद्रश्च त्रयो देवास्त्रिपत्रके

madhyamaṃ varjayetpatraṃ kārtike śikhivāhana | brahmā viṣṇuśca rudraśca trayo devāstripatrake

Sanskrit only: no published translation is held for this verse.

ऐश्वरं वर्जयेत्पत्रं ब्रह्माविष्णुरनुत्तमः । सर्वपुण्यमवाप्नोति शेषपत्रेषु भोजनात्

aiśvaraṃ varjayetpatraṃ brahmāviṣṇuranuttamaḥ | sarvapuṇyamavāpnoti śeṣapatreṣu bhojanāt

Sanskrit only: no published translation is held for this verse.

भोजनान्मध्यपत्रे तु कपिलापयसस्तथा । प्राशनान्मुनिशार्दूल नरो नरकमाप्नुयात्

bhojanānmadhyapatre tu kapilāpayasastathā | prāśanānmuniśārdūla naro narakamāpnuyāt

Sanskrit only: no published translation is held for this verse.

अज्ञानाद्भुंजते यस्तु शूद्रो वा कपिलापयः । कपिलां ब्राह्मणे दत्त्वा शुद्धो भवति कार्तिके

ajñānādbhuṃjate yastu śūdro vā kapilāpayaḥ | kapilāṃ brāhmaṇe dattvā śuddho bhavati kārtike

Sanskrit only: no published translation is held for this verse.

तिलदानं नदीस्नानं सर्वदा साधुदर्शनम् । भोजनं ब्रह्मपत्रेषु कार्तिके मुक्तिदायकम्

tiladānaṃ nadīsnānaṃ sarvadā sādhudarśanam | bhojanaṃ brahmapatreṣu kārtike muktidāyakam

Sanskrit only: no published translation is held for this verse.

मौनी पालाशभोजी च जलस्नायी सदा क्षमी । कार्तिके क्षितिशायी च हन्यात्पापं युगार्जितम्

maunī pālāśabhojī ca jalasnāyī sadā kṣamī | kārtike kṣitiśāyī ca hanyātpāpaṃ yugārjitam

Sanskrit only: no published translation is held for this verse.

जागरं कार्तिके मासि यः करोत्यरुणोदये । दामोदराग्रे सेनानीर्गोसहस्रफलं लभेत्

jāgaraṃ kārtike māsi yaḥ karotyaruṇodaye | dāmodarāgre senānīrgosahasraphalaṃ labhet

Sanskrit only: no published translation is held for this verse.

पितृपक्षेऽन्नदानेन ज्येष्ठाषाढे च वारिणा । कार्तिके तत्फलं पुंसां परदीपप्रबोधनात्

pitṛpakṣe'nnadānena jyeṣṭhāṣāḍhe ca vāriṇā | kārtike tatphalaṃ puṃsāṃ paradīpaprabodhanāt

Sanskrit only: no published translation is held for this verse.

बोधनात्परदीपस्य वैष्णवानां च सेवनात् । कार्तिके फलमाप्नोति राजसूयाश्वमेधयोः

bodhanātparadīpasya vaiṣṇavānāṃ ca sevanāt | kārtike phalamāpnoti rājasūyāśvamedhayoḥ

Sanskrit only: no published translation is held for this verse.

नदीस्नानं कथाविष्णोर्वैष्णवानां च दर्शनम् । न भवेत्कार्तिके यस्य हरेत्पुण्यं दशाब्दिकम्

nadīsnānaṃ kathāviṣṇorvaiṣṇavānāṃ ca darśanam | na bhavetkārtike yasya haretpuṇyaṃ daśābdikam

Sanskrit only: no published translation is held for this verse.

पुष्करं यः स्मरेत्प्राज्ञः कर्मणा मनसा गिरा । कार्तिके मुनिशार्दूल लक्षकोटिगुणं भवेत्

puṣkaraṃ yaḥ smaretprājñaḥ karmaṇā manasā girā | kārtike muniśārdūla lakṣakoṭiguṇaṃ bhavet

Sanskrit only: no published translation is held for this verse.

प्रयागो माघमासे तु पुष्करं कार्तिके तथा । अवंती माधवे मासि हन्यात्पापं युगार्जितम्

prayāgo māghamāse tu puṣkaraṃ kārtike tathā | avaṃtī mādhave māsi hanyātpāpaṃ yugārjitam

Sanskrit only: no published translation is held for this verse.

धन्यास्ते मानवा लोके कलिकाले विशेषतः । कुर्वंति स्कंद नित्यं ये सर्वथा हरिसेवनम्

dhanyāste mānavā loke kalikāle viśeṣataḥ | kurvaṃti skaṃda nityaṃ ye sarvathā harisevanam

Sanskrit only: no published translation is held for this verse.

किं दत्तैर्बहुभिः पिंडैर्गयाश्राद्धादिभिर्मुने । तारितास्तेन पितरो नरकाच्च न संशयः

kiṃ dattairbahubhiḥ piṃḍairgayāśrāddhādibhirmune | tāritāstena pitaro narakācca na saṃśayaḥ

Sanskrit only: no published translation is held for this verse.

क्षीरादिस्नपनं विष्णोः क्रियते पितृकारणात् । कल्पकोटिं दिवं प्राप्य वसंति त्रिदशैः सह 6.118.५०। कार्तिके नार्चितो यैस्तु कृष्णस्तु कमलेक्षणः । जन्मकोटिषु विप्रेंद्र न तेषां कमला गृहे

kṣīrādisnapanaṃ viṣṇoḥ kriyate pitṛkāraṇāt | kalpakoṭiṃ divaṃ prāpya vasaṃti tridaśaiḥ saha 6.118.50| kārtike nārcito yaistu kṛṣṇastu kamalekṣaṇaḥ | janmakoṭiṣu vipreṃdra na teṣāṃ kamalā gṛhe

Sanskrit only: no published translation is held for this verse.

दष्टा मुष्टा विनष्टास्ते पतिताः कलिकंदरे । यैर्नार्चितो हरिर्भक्त्या कमलैरसितैः सितैः

daṣṭā muṣṭā vinaṣṭāste patitāḥ kalikaṃdare | yairnārcito harirbhaktyā kamalairasitaiḥ sitaiḥ

Sanskrit only: no published translation is held for this verse.

पद्मेनैकेन देवेशं योऽर्चयेत्कमलापतिम् । वर्षायुतसहस्रस्य पापस्य कुरुते क्षयम्

padmenaikena deveśaṃ yo'rcayetkamalāpatim | varṣāyutasahasrasya pāpasya kurute kṣayam

Sanskrit only: no published translation is held for this verse.

अपराधसहस्राणि तथा सप्तशतानि च । पद्मेनैकेन देवेशः क्षमेत प्रणतोऽर्चितः

aparādhasahasrāṇi tathā saptaśatāni ca | padmenaikena deveśaḥ kṣameta praṇato'rcitaḥ

Sanskrit only: no published translation is held for this verse.

तुलसीपत्रलक्षेण कार्तिके योऽर्चयेद्धरिम् । पत्रेपत्रे मुनिश्रेष्ठ मौक्तिकं लभते फलम्

tulasīpatralakṣeṇa kārtike yo'rcayeddharim | patrepatre muniśreṣṭha mauktikaṃ labhate phalam

Sanskrit only: no published translation is held for this verse.

तुलसीगंधमिश्रं तु यत्किंचित्क्रियते सुत । कल्पकोटिसहस्राणि प्रीतो भवति केशवः

tulasīgaṃdhamiśraṃ tu yatkiṃcitkriyate suta | kalpakoṭisahasrāṇi prīto bhavati keśavaḥ

Sanskrit only: no published translation is held for this verse.

मुखे शिरसि देहे तु कृष्णोत्तीर्णां तु यो वहेत् । तुलसीं षण्मुखप्रीत्या न तस्य स्पृशते कलिः

mukhe śirasi dehe tu kṛṣṇottīrṇāṃ tu yo vahet | tulasīṃ ṣaṇmukhaprītyā na tasya spṛśate kaliḥ

Sanskrit only: no published translation is held for this verse.

कृष्णोत्तीर्णैस्तु निर्माल्यैर्यो गात्रं परिमार्जयेत् । सर्वरोगैस्तथा पापैर्मुक्तो भवति षण्मुख

kṛṣṇottīrṇaistu nirmālyairyo gātraṃ parimārjayet | sarvarogaistathā pāpairmukto bhavati ṣaṇmukha

Sanskrit only: no published translation is held for this verse.

विष्णोरंगारशेषेण यस्यांगं स्पृशते सुत । दुरितानि विनश्यंति व्याधयो यांति संक्षयम्

viṣṇoraṃgāraśeṣeṇa yasyāṃgaṃ spṛśate suta | duritāni vinaśyaṃti vyādhayo yāṃti saṃkṣayam

Sanskrit only: no published translation is held for this verse.

शंखोदकं हरेर्भक्तिर्निर्माल्यं पादयोर्जलम् । चंदनं धूपशेषं तु ब्रह्महत्यापहारकम्

śaṃkhodakaṃ harerbhaktirnirmālyaṃ pādayorjalam | caṃdanaṃ dhūpaśeṣaṃ tu brahmahatyāpahārakam

Sanskrit only: no published translation is held for this verse.