Library·Padma Purāṇa·6·6.120
सूत उवाच। इति वाक्यं समाकर्ण्य पुनः पप्रच्छ पावकिः । शालग्रामार्चनं भूयस्तच्छृणुध्वं तपोधनाः
sūta uvāca| iti vākyaṃ samākarṇya punaḥ papraccha pāvakiḥ | śālagrāmārcanaṃ bhūyastacchṛṇudhvaṃ tapodhanāḥ
Sanskrit only: no published translation is held for this verse.
कार्तिकेय उवाच। भगवन्योगिनां श्रेष्ठ सर्वेधर्माः श्रुता मया । शालग्रामार्चनं ब्रूहि विस्तरेण मम प्रभो
kārtikeya uvāca| bhagavanyogināṃ śreṣṭha sarvedharmāḥ śrutā mayā | śālagrāmārcanaṃ brūhi vistareṇa mama prabho
Sanskrit only: no published translation is held for this verse.
ईश्वर उवाच। साधुसाधु महाप्राज्ञ यन्मां हि परिपृच्छसि । तदहं संप्रवक्ष्यामि श्रूयतां मम वत्सल
īśvara uvāca| sādhusādhu mahāprājña yanmāṃ hi paripṛcchasi | tadahaṃ saṃpravakṣyāmi śrūyatāṃ mama vatsala
Sanskrit only: no published translation is held for this verse.
शालग्रामशिलायां तु त्रैलोक्यं सचराचरम् । महाशय महासेन नित्यं तिष्ठति संहितम्
śālagrāmaśilāyāṃ tu trailokyaṃ sacarācaram | mahāśaya mahāsena nityaṃ tiṣṭhati saṃhitam
Sanskrit only: no published translation is held for this verse.
दृष्टं प्रणमितं येन स्नापितं पूजितं तथा । यज्ञकोटिगुणं पुण्यं गवां कोटिफलं लभेत्
dṛṣṭaṃ praṇamitaṃ yena snāpitaṃ pūjitaṃ tathā | yajñakoṭiguṇaṃ puṇyaṃ gavāṃ koṭiphalaṃ labhet
Sanskrit only: no published translation is held for this verse.
छिन्नस्तेन तथा वत्स गर्भवासः सुदारुणः । पीतं येन सदा विष्णोः शालग्रामशिलाजलम्
chinnastena tathā vatsa garbhavāsaḥ sudāruṇaḥ | pītaṃ yena sadā viṣṇoḥ śālagrāmaśilājalam
Sanskrit only: no published translation is held for this verse.
कामासक्तोऽपि यो नित्यं भक्तिभावविवर्जितः । शालग्रामशिला पुत्र पूजयित्वाच्युतो भवेत्
kāmāsakto'pi yo nityaṃ bhaktibhāvavivarjitaḥ | śālagrāmaśilā putra pūjayitvācyuto bhavet
Sanskrit only: no published translation is held for this verse.
शालग्रामशिला बिंबं हत्वा कोटिविनाशनम् । स्मृतं संकीर्तितं ध्यातं पूजितं च नमस्कृतम्
śālagrāmaśilā biṃbaṃ hatvā koṭivināśanam | smṛtaṃ saṃkīrtitaṃ dhyātaṃ pūjitaṃ ca namaskṛtam
Sanskrit only: no published translation is held for this verse.
शालग्रामशिलां दृष्ट्वा यांति पापान्यनेकशः । सिंहं दृष्ट्वा यथा यांति वने मृगगणा भयात्
śālagrāmaśilāṃ dṛṣṭvā yāṃti pāpānyanekaśaḥ | siṃhaṃ dṛṣṭvā yathā yāṃti vane mṛgagaṇā bhayāt
Sanskrit only: no published translation is held for this verse.
नमस्कारं तु मनुजः शालग्रामशिलार्चने । भक्त्या वा यदि वाऽभक्त्या कृत्वा मुक्तिमवाप्नुयात्
namaskāraṃ tu manujaḥ śālagrāmaśilārcane | bhaktyā vā yadi vā'bhaktyā kṛtvā muktimavāpnuyāt
Sanskrit only: no published translation is held for this verse.
वैवस्वतभयं नास्ति तथा मरणजन्मनोः । यः करोति नरो नित्यं शालग्रामशिलार्चनम्
vaivasvatabhayaṃ nāsti tathā maraṇajanmanoḥ | yaḥ karoti naro nityaṃ śālagrāmaśilārcanam
Sanskrit only: no published translation is held for this verse.
गंधपाद्यार्घनैवेद्यैर्दीपैर्धूपैर्विलेपनैः । गीतैर्वाद्यैस्तथा स्तोत्रैः शालग्रामशिलार्चनम्
gaṃdhapādyārghanaivedyairdīpairdhūpairvilepanaiḥ | gītairvādyaistathā stotraiḥ śālagrāmaśilārcanam
Sanskrit only: no published translation is held for this verse.
कुरुते मानवो यस्तु कलौ भक्तिपरायणः । कल्पकोटिसहस्राणि रमते विष्णुसद्मनि
kurute mānavo yastu kalau bhaktiparāyaṇaḥ | kalpakoṭisahasrāṇi ramate viṣṇusadmani
Sanskrit only: no published translation is held for this verse.
शालग्रामनमस्कारो भावेनापि नरैः कृतः । मानुषत्वं कथं तेषां मद्भक्ता ये नरा भुवि
śālagrāmanamaskāro bhāvenāpi naraiḥ kṛtaḥ | mānuṣatvaṃ kathaṃ teṣāṃ madbhaktā ye narā bhuvi
Sanskrit only: no published translation is held for this verse.
मद्भक्तास्तीव्रपापिष्ठा मत्प्रभुं न नमंति ये । वासुदेवं न ते ज्ञेया मद्भक्ताः पापमोहिताः
madbhaktāstīvrapāpiṣṭhā matprabhuṃ na namaṃti ye | vāsudevaṃ na te jñeyā madbhaktāḥ pāpamohitāḥ
Sanskrit only: no published translation is held for this verse.
मद्भक्तोऽपि च यो भूत्वा भुंक्ते त्वेकादशीदिने । स याति ह्यंधतामिस्रे निरयं मम घातकः
madbhakto'pi ca yo bhūtvā bhuṃkte tvekādaśīdine | sa yāti hyaṃdhatāmisre nirayaṃ mama ghātakaḥ
Sanskrit only: no published translation is held for this verse.
मल्लिंगस्पर्शनं कार्यं नान्या शुद्धिर्विधीयते । या तिथिर्दयिता विष्णोः सा तिथिर्मम वल्लभा
malliṃgasparśanaṃ kāryaṃ nānyā śuddhirvidhīyate | yā tithirdayitā viṣṇoḥ sā tithirmama vallabhā
Sanskrit only: no published translation is held for this verse.
यस्तां नोपवसेन्मर्त्यः स पापी श्वपचाधिकः । शालग्रामशिलायां तु सदा पुत्र वसाम्यहम्
yastāṃ nopavasenmartyaḥ sa pāpī śvapacādhikaḥ | śālagrāmaśilāyāṃ tu sadā putra vasāmyaham
Sanskrit only: no published translation is held for this verse.
दत्तं देवेन तुष्टेन स्वस्थानं मम भक्तितः । पद्मकोटिसहस्रैस्तु पूजिते मयि यत्फलम्
dattaṃ devena tuṣṭena svasthānaṃ mama bhaktitaḥ | padmakoṭisahasraistu pūjite mayi yatphalam
Sanskrit only: no published translation is held for this verse.
तत्फलं कोटिगुणितं शालग्रामशिलार्चनात् । पूजितोऽहं न तैर्मर्त्यैर्नमितोऽहं न तैर्नरैः
tatphalaṃ koṭiguṇitaṃ śālagrāmaśilārcanāt | pūjito'haṃ na tairmartyairnamito'haṃ na tairnaraiḥ
Sanskrit only: no published translation is held for this verse.
न कृतं मर्त्यलोके यैः शालग्रामशिलार्चनम् । शालग्रामशिलाग्रे तु यः करोति ममार्चनम्
na kṛtaṃ martyaloke yaiḥ śālagrāmaśilārcanam | śālagrāmaśilāgre tu yaḥ karoti mamārcanam
Sanskrit only: no published translation is held for this verse.
तेनार्चितोऽहं सेनानीर्युगानामेकविंशतिम् । किमर्चितैर्लिंगशतैर्विष्णुभक्तिविवर्जितैः
tenārcito'haṃ senānīryugānāmekaviṃśatim | kimarcitairliṃgaśatairviṣṇubhaktivivarjitaiḥ
Sanskrit only: no published translation is held for this verse.
शालग्रामशिलाबिंबं नार्चितं यदि पुत्रक । अनर्हं मम नैवेद्यं पत्रं पुष्पं फलं जलम्
śālagrāmaśilābiṃbaṃ nārcitaṃ yadi putraka | anarhaṃ mama naivedyaṃ patraṃ puṣpaṃ phalaṃ jalam
Sanskrit only: no published translation is held for this verse.
शालग्रामशिलाग्रे तु सर्वं याति पवित्रताम् । भुक्त्वान्यदेवनैवेद्यं द्विजश्चांद्रायणं चरेत्
śālagrāmaśilāgre tu sarvaṃ yāti pavitratām | bhuktvānyadevanaivedyaṃ dvijaścāṃdrāyaṇaṃ caret
Sanskrit only: no published translation is held for this verse.
भुक्त्वा केशवनैवेद्यं यज्ञकोटिफलं लभेत् । पादोदकेन देवस्य हत्याकोटिसमन्विताः
bhuktvā keśavanaivedyaṃ yajñakoṭiphalaṃ labhet | pādodakena devasya hatyākoṭisamanvitāḥ
Sanskrit only: no published translation is held for this verse.
शुद्ध्यंति नात्र संदेहस्तथा शंखोदकेन हि । यो हि माहेश्वरो भूत्वा वैष्णवं च न पूजयेत्
śuddhyaṃti nātra saṃdehastathā śaṃkhodakena hi | yo hi māheśvaro bhūtvā vaiṣṇavaṃ ca na pūjayet
Sanskrit only: no published translation is held for this verse.
द्वेष्टा च याति नरकं यावदिंद्राश्चतुर्दश । ज्येष्ठाश्रमी गृहे यस्य मुहूर्त्तमपि विश्रमेत्
dveṣṭā ca yāti narakaṃ yāvadiṃdrāścaturdaśa | jyeṣṭhāśramī gṛhe yasya muhūrttamapi viśramet
Sanskrit only: no published translation is held for this verse.
पितामहा युगान्यष्टौ भवत्यमृतभोजिनः । संसारे दुःखकांतारे निमज्ज्यंते नराधमाः
pitāmahā yugānyaṣṭau bhavatyamṛtabhojinaḥ | saṃsāre duḥkhakāṃtāre nimajjyaṃte narādhamāḥ
Sanskrit only: no published translation is held for this verse.
वर्षकोटिसहस्राणि कृष्णाराधनवर्जिताः । स्नेहादभ्यर्चितैर्लिंगैः शालग्रामसमुद्भवैः
varṣakoṭisahasrāṇi kṛṣṇārādhanavarjitāḥ | snehādabhyarcitairliṃgaiḥ śālagrāmasamudbhavaiḥ
Sanskrit only: no published translation is held for this verse.
मुक्तिं प्रयांति मनुजा योगसांख्येन वर्जिताः । मल्लिंगकोटिभिर्दृष्टैर्यत्फलं पूजितैः स्तुतैः
muktiṃ prayāṃti manujā yogasāṃkhyena varjitāḥ | malliṃgakoṭibhirdṛṣṭairyatphalaṃ pūjitaiḥ stutaiḥ
Sanskrit only: no published translation is held for this verse.
शालग्रामशिलायां तु एकस्यामिह तद्भवेत् । द्वादशैव शिला यो वै शालग्रामसमुद्भवाः
śālagrāmaśilāyāṃ tu ekasyāmiha tadbhavet | dvādaśaiva śilā yo vai śālagrāmasamudbhavāḥ
Sanskrit only: no published translation is held for this verse.
अर्चयेद्वैष्णवो नित्यं तस्य पुण्यं न बोध मे । कोटिलिंगसहस्रैस्तु पूजितैर्जाह्नवी तटे
arcayedvaiṣṇavo nityaṃ tasya puṇyaṃ na bodha me | koṭiliṃgasahasraistu pūjitairjāhnavī taṭe
Sanskrit only: no published translation is held for this verse.
काशीवासे युगान्यष्टौ दिनेनैकेन तद्भवेत् । किं पुनर्बहुना यस्तु पूजयेद्वैष्णवो नरः
kāśīvāse yugānyaṣṭau dinenaikena tadbhavet | kiṃ punarbahunā yastu pūjayedvaiṣṇavo naraḥ
Sanskrit only: no published translation is held for this verse.
नाहं ब्रह्मादयो देवाः संख्यां कर्तुं समीहते । तस्माद्भक्त्या च मद्भक्तैः प्रीत्यर्थं मम पुत्रक
nāhaṃ brahmādayo devāḥ saṃkhyāṃ kartuṃ samīhate | tasmādbhaktyā ca madbhaktaiḥ prītyarthaṃ mama putraka
Sanskrit only: no published translation is held for this verse.
कर्त्तव्यं मम तद्भक्त्या शालग्रामशिलार्च्चनम् । शालग्रामशिलारूपी यत्र तिष्ठति केशवः
karttavyaṃ mama tadbhaktyā śālagrāmaśilārccanam | śālagrāmaśilārūpī yatra tiṣṭhati keśavaḥ
Sanskrit only: no published translation is held for this verse.
तत्र देवासुरा यक्षा भुवनानि चतुर्दश
tatra devāsurā yakṣā bhuvanāni caturdaśa
Sanskrit only: no published translation is held for this verse.
सुराणां कीर्तनैः सर्वैः कोटिभिश्च फलं लभेत् । तत्फलं कीर्त्तनादेव केशवे सुकृतं कलौ
surāṇāṃ kīrtanaiḥ sarvaiḥ koṭibhiśca phalaṃ labhet | tatphalaṃ kīrttanādeva keśave sukṛtaṃ kalau
Sanskrit only: no published translation is held for this verse.
शालग्रामशिलाग्रे तु सकृत्पिंडेन तर्पिताः । वसंति पितरस्तस्य न संख्या तत्र विद्यते
śālagrāmaśilāgre tu sakṛtpiṃḍena tarpitāḥ | vasaṃti pitarastasya na saṃkhyā tatra vidyate
Sanskrit only: no published translation is held for this verse.
ये पिबंति नरा भक्त्या शालग्रामशिलाजलम् । पंचगव्यसहस्रैस्तु प्राशितैः किं प्रयोजनम्
ye pibaṃti narā bhaktyā śālagrāmaśilājalam | paṃcagavyasahasraistu prāśitaiḥ kiṃ prayojanam
Sanskrit only: no published translation is held for this verse.
प्रायश्चित्ते समुत्पन्ने किं दानैः किमुपोषणैः । चांद्रायणैः सुचीर्णैश्च पीत्वा पादोदकं हरेः
prāyaścitte samutpanne kiṃ dānaiḥ kimupoṣaṇaiḥ | cāṃdrāyaṇaiḥ sucīrṇaiśca pītvā pādodakaṃ hareḥ
Sanskrit only: no published translation is held for this verse.
यः करोति तडागे तु प्रतिमां जलशायिनीम् । कोटिभिश्चापि किं कार्यमन्यदेवैश्च पूजितैः
yaḥ karoti taḍāge tu pratimāṃ jalaśāyinīm | koṭibhiścāpi kiṃ kāryamanyadevaiśca pūjitaiḥ
Sanskrit only: no published translation is held for this verse.
विष्णुमुख्यास्तु वै देवास्तत्र जल्पंति वै सह । प्रमाणमस्ति सर्वस्य सुकृतस्य हि पुत्रक
viṣṇumukhyāstu vai devāstatra jalpaṃti vai saha | pramāṇamasti sarvasya sukṛtasya hi putraka
Sanskrit only: no published translation is held for this verse.
फलप्रमाणं नैवास्तिशालग्रामशिलार्चन । यो ददाति शिलां विष्णोः शालग्रामसमुद्भवाम्
phalapramāṇaṃ naivāstiśālagrāmaśilārcana | yo dadāti śilāṃ viṣṇoḥ śālagrāmasamudbhavām
Sanskrit only: no published translation is held for this verse.
विप्राय विष्णुभक्ताय तेनेष्टं क्रतुभिः शतैः । गृहेऽपि वसतस्तस्य गंगास्नानं दिनेदिने
viprāya viṣṇubhaktāya teneṣṭaṃ kratubhiḥ śataiḥ | gṛhe'pi vasatastasya gaṃgāsnānaṃ dinedine
Sanskrit only: no published translation is held for this verse.
स स्नातः सर्वतीर्थेषु सर्वयज्ञेषु दीक्षितः । शालग्रामशिलातोयैरभिषेकं समाचरेत्
sa snātaḥ sarvatīrtheṣu sarvayajñeṣu dīkṣitaḥ | śālagrāmaśilātoyairabhiṣekaṃ samācaret
Sanskrit only: no published translation is held for this verse.
स्वर्गे मर्त्ये च पाताले पाषाणाः संति वै गुह । शालग्रामशिला ग्राव्णा नास्ति नास्ति समा पुनः
svarge martye ca pātāle pāṣāṇāḥ saṃti vai guha | śālagrāmaśilā grāvṇā nāsti nāsti samā punaḥ
Sanskrit only: no published translation is held for this verse.
मानुषे दुर्ल्लभे लोके सफलं तस्य जीवितम् । तिलप्रस्थशतं भक्त्या यो ददाति दिनेदिने
mānuṣe durllabhe loke saphalaṃ tasya jīvitam | tilaprasthaśataṃ bhaktyā yo dadāti dinedine
Sanskrit only: no published translation is held for this verse.
तत्फलं समवाप्नोति शालग्रामशिलार्चनात् । पत्रं पुष्पं फलं तोयं मूलं दूर्वादलं तथा
tatphalaṃ samavāpnoti śālagrāmaśilārcanāt | patraṃ puṣpaṃ phalaṃ toyaṃ mūlaṃ dūrvādalaṃ tathā
Sanskrit only: no published translation is held for this verse.
जायते मेरुणा तुल्यं शालग्रामे समर्पितम् । विधिहीनोऽपि यः कश्चित्क्रियामंत्रविवर्जितः
jāyate meruṇā tulyaṃ śālagrāme samarpitam | vidhihīno'pi yaḥ kaścitkriyāmaṃtravivarjitaḥ
Sanskrit only: no published translation is held for this verse.
चक्रांकभुज आप्नोति सम्यक्शास्त्रोदितं फलम् । यत्तु पूर्वं मया दृष्टं केशवे क्लेशनाशनम् 6.120.५०। तत्सर्वं कथयिष्यामि तव स्नेहेन पुत्रक । क्व त्वं वससि हे विष्णो किमाधारः किमाश्रयः
cakrāṃkabhuja āpnoti samyakśāstroditaṃ phalam | yattu pūrvaṃ mayā dṛṣṭaṃ keśave kleśanāśanam 6.120.50| tatsarvaṃ kathayiṣyāmi tava snehena putraka | kva tvaṃ vasasi he viṣṇo kimādhāraḥ kimāśrayaḥ
Sanskrit only: no published translation is held for this verse.
कथं वा प्रीयसे देव तत्सर्वं कथयस्व मे । श्रीकृष्ण उवाच। निवसामि सदा शंभो शालग्रामोद्भवेऽश्मनि
kathaṃ vā prīyase deva tatsarvaṃ kathayasva me | śrīkṛṣṇa uvāca| nivasāmi sadā śaṃbho śālagrāmodbhave'śmani
Sanskrit only: no published translation is held for this verse.
तत्रैव रथचक्रांके यानि नामानि मे शृणु । द्वारदेशे समे चक्रे दृश्येते नांतरं यदि । वासुदेवः स विज्ञेयः शुक्लश्चैवातिशोभनः
tatraiva rathacakrāṃke yāni nāmāni me śṛṇu | dvāradeśe same cakre dṛśyete nāṃtaraṃ yadi | vāsudevaḥ sa vijñeyaḥ śuklaścaivātiśobhanaḥ
Sanskrit only: no published translation is held for this verse.
प्रद्युम्नः सूर्यवक्त्रस्तु नीलदीप्तिस्तथैव च । सुषिरं च्छिद्रबहुलं दीर्घाकारं तु तद्भवेत्
pradyumnaḥ sūryavaktrastu nīladīptistathaiva ca | suṣiraṃ cchidrabahulaṃ dīrghākāraṃ tu tadbhavet
Sanskrit only: no published translation is held for this verse.
अनिरुद्धस्तु पीताभो वर्त्तुलश्चातिशोभनः । रेखात्रयांकितो द्वारि दृष्टपद्मेन चिह्नवत्
aniruddhastu pītābho varttulaścātiśobhanaḥ | rekhātrayāṃkito dvāri dṛṣṭapadmena cihnavat
Sanskrit only: no published translation is held for this verse.
श्यामो नारायणो देवो नाभिचक्रे तथोन्नते । दीर्घ रेषा समोपेतो दक्षिणे सुषिरान्वितः
śyāmo nārāyaṇo devo nābhicakre tathonnate | dīrgha reṣā samopeto dakṣiṇe suṣirānvitaḥ
Sanskrit only: no published translation is held for this verse.
ऊर्ध्वंमुखं च जानीयात्सुंदरं हरिरूपिणम् । कामदं मोक्षदं चैव अर्थदं च विशेषतः
ūrdhvaṃmukhaṃ ca jānīyātsuṃdaraṃ harirūpiṇam | kāmadaṃ mokṣadaṃ caiva arthadaṃ ca viśeṣataḥ
Sanskrit only: no published translation is held for this verse.
परमेष्ठी च शुक्लाभः पद्मचक्रसमन्वितः । बिंबाकृतिस्तथा पृष्ठे सुषिरं चातिपुष्कलम्
parameṣṭhī ca śuklābhaḥ padmacakrasamanvitaḥ | biṃbākṛtistathā pṛṣṭhe suṣiraṃ cātipuṣkalam
Sanskrit only: no published translation is held for this verse.
कृष्णवर्णस्तथा विष्णुर्मूले चक्रे सुशोभने । द्वारोपरि तथा रेखा लक्ष्यते मध्यदेशतः
kṛṣṇavarṇastathā viṣṇurmūle cakre suśobhane | dvāropari tathā rekhā lakṣyate madhyadeśataḥ
Sanskrit only: no published translation is held for this verse.
कपिलो नरसिंहश्च पृथुचक्रः सुशोभितः । ब्रह्मचर्येण पूज्योसावन्यथा विघ्नदो भवेत्
kapilo narasiṃhaśca pṛthucakraḥ suśobhitaḥ | brahmacaryeṇa pūjyosāvanyathā vighnado bhavet
Sanskrit only: no published translation is held for this verse.
वाराहः शक्तिलिंगस्तु चक्रे च विषमे स्मृते । इंद्र नीलनिभः स्थूलस्त्रिरेखो नाभितः शुभः
vārāhaḥ śaktiliṃgastu cakre ca viṣame smṛte | iṃdra nīlanibhaḥ sthūlastrirekho nābhitaḥ śubhaḥ
Sanskrit only: no published translation is held for this verse.
दीर्घाकांचनवर्णाया बिंदुत्रयविभूषिता । मत्स्याख्या सा शिला ज्ञेया भुक्तिमुक्तिफलप्रदा
dīrghākāṃcanavarṇāyā biṃdutrayavibhūṣitā | matsyākhyā sā śilā jñeyā bhuktimuktiphalapradā
Sanskrit only: no published translation is held for this verse.
कूर्मस्तथोन्नतः पृष्ठे वर्तुलश्चक्रपूरितः । हरितं वर्णमाधत्ते कौस्तुभेन तु चिह्नितः
kūrmastathonnataḥ pṛṣṭhe vartulaścakrapūritaḥ | haritaṃ varṇamādhatte kaustubhena tu cihnitaḥ
Sanskrit only: no published translation is held for this verse.
हयग्रीवो हयाकारो रेखापंचकभूषितः । बहुबिंदुसमाकीर्णः पृष्ठे नीलं च रूपकम्
hayagrīvo hayākāro rekhāpaṃcakabhūṣitaḥ | bahubiṃdusamākīrṇaḥ pṛṣṭhe nīlaṃ ca rūpakam
Sanskrit only: no published translation is held for this verse.
वैकुंठमविभिन्नांगं चक्रमेकं तथा ध्वजम् । द्वारोपरि तथा रेखा गुंजाकारा सुशोभना
vaikuṃṭhamavibhinnāṃgaṃ cakramekaṃ tathā dhvajam | dvāropari tathā rekhā guṃjākārā suśobhanā
Sanskrit only: no published translation is held for this verse.
श्रीधरस्तु तथा देवश्चिह्नितो वनमालया । कदंबकुसुमाकारो रेखापंचकभूषितः
śrīdharastu tathā devaścihnito vanamālayā | kadaṃbakusumākāro rekhāpaṃcakabhūṣitaḥ
Sanskrit only: no published translation is held for this verse.
वर्तुलश्चापि हृस्वश्च वामनः परिकीर्तितः । अतसीकुसुमप्रख्यो बिंदुना परिशोभितः
vartulaścāpi hṛsvaśca vāmanaḥ parikīrtitaḥ | atasīkusumaprakhyo biṃdunā pariśobhitaḥ
Sanskrit only: no published translation is held for this verse.
सुदर्शनस्ततो देवः श्यामवर्णो महाद्युतिः । वामपार्श्वे गदाचक्रे रेखा चैव तु दक्षिणे
sudarśanastato devaḥ śyāmavarṇo mahādyutiḥ | vāmapārśve gadācakre rekhā caiva tu dakṣiṇe
Sanskrit only: no published translation is held for this verse.
दामोदरस्तथा स्थूलो मध्ये चक्रं प्रतिष्ठितम् । दूर्वाभं द्वारसंकीर्णं पीतरेखं तथैव च
dāmodarastathā sthūlo madhye cakraṃ pratiṣṭhitam | dūrvābhaṃ dvārasaṃkīrṇaṃ pītarekhaṃ tathaiva ca
Sanskrit only: no published translation is held for this verse.
नानावर्णो ह्यनंतस्तु नानाभोगेन चिह्नितः । अनेकमूर्तिकोभिन्नः सर्वकामफलप्रदः
nānāvarṇo hyanaṃtastu nānābhogena cihnitaḥ | anekamūrtikobhinnaḥ sarvakāmaphalapradaḥ
Sanskrit only: no published translation is held for this verse.
विदिक्षुदिक्षुसर्वासु यस्योर्ध्वं दृश्यते मुखम् । पुरुषोत्तमः स विज्ञेयो भुक्तिमुक्तिफलप्रदः
vidikṣudikṣusarvāsu yasyordhvaṃ dṛśyate mukham | puruṣottamaḥ sa vijñeyo bhuktimuktiphalapradaḥ
Sanskrit only: no published translation is held for this verse.
दृश्यते शिखरे लिंगं शालग्रामशिलोद्भवम् । यस्य योगेश्वरो देवो ब्रह्महत्यां व्यपोहति
dṛśyate śikhare liṃgaṃ śālagrāmaśilodbhavam | yasya yogeśvaro devo brahmahatyāṃ vyapohati
Sanskrit only: no published translation is held for this verse.
आरक्तः पद्मनाभस्तु पंकजं वक्त्रसंयुतम् । तस्याभ्यर्चनतो नित्यं द्ररिद्रस्त्वीश्वरो भवेत्
āraktaḥ padmanābhastu paṃkajaṃ vaktrasaṃyutam | tasyābhyarcanato nityaṃ draridrastvīśvaro bhavet
Sanskrit only: no published translation is held for this verse.
चक्रांकितं हिरण्यांगं रश्मिजालं विनिर्दिशेत् । सुवर्णरेखाबहुलं स्फाटिकद्युतिशोभितम्
cakrāṃkitaṃ hiraṇyāṃgaṃ raśmijālaṃ vinirdiśet | suvarṇarekhābahulaṃ sphāṭikadyutiśobhitam
Sanskrit only: no published translation is held for this verse.
अतिस्निग्धा सिद्धिकरी कृष्णा कीर्तिं ददाति च । पांडुरा पापदहनी पितापुत्रफलप्रदा
atisnigdhā siddhikarī kṛṣṇā kīrtiṃ dadāti ca | pāṃḍurā pāpadahanī pitāputraphalapradā
Sanskrit only: no published translation is held for this verse.
नीला प्रयच्छती लक्ष्मीं रक्ता रोगप्रदायिनी । रूक्षा उद्वेगजननी वक्रा दारिद्र्यभागिनी
nīlā prayacchatī lakṣmīṃ raktā rogapradāyinī | rūkṣā udvegajananī vakrā dāridryabhāginī
Sanskrit only: no published translation is held for this verse.
एकं सुदर्शनं ज्ञेयं लक्ष्मीनारायणं द्वयम् । तृतीयं चाच्युतं विद्याच्चतुर्थं तु जनार्दनम्
ekaṃ sudarśanaṃ jñeyaṃ lakṣmīnārāyaṇaṃ dvayam | tṛtīyaṃ cācyutaṃ vidyāccaturthaṃ tu janārdanam
Sanskrit only: no published translation is held for this verse.
पंचमं वासुदेवं च षष्ठं प्रद्युम्नमेव च । संकर्षर्णं सप्तमं च अष्टमं पुरुषोत्तमम्
paṃcamaṃ vāsudevaṃ ca ṣaṣṭhaṃ pradyumnameva ca | saṃkarṣarṇaṃ saptamaṃ ca aṣṭamaṃ puruṣottamam
Sanskrit only: no published translation is held for this verse.
नवमं च नवव्यूहं दशमं तु तदात्मकम् । एकादशं चानिरुद्धं द्वादशं द्वादशात्मकम्
navamaṃ ca navavyūhaṃ daśamaṃ tu tadātmakam | ekādaśaṃ cāniruddhaṃ dvādaśaṃ dvādaśātmakam
Sanskrit only: no published translation is held for this verse.
अत ऊर्ध्वं तु चक्राणि दृश्यंतेऽनंतसंज्ञके । खंडिते त्रुटिते भग्ने सालग्रामे न दोषभाक्
ata ūrdhvaṃ tu cakrāṇi dṛśyaṃte'naṃtasaṃjñake | khaṃḍite truṭite bhagne sālagrāme na doṣabhāk
Sanskrit only: no published translation is held for this verse.
इष्टा च यस्य या मूर्तिः स तां यत्नेन पूजयेत् । स्कंधे कृत्वा तु योऽध्वानं वहते शैलनायकम्
iṣṭā ca yasya yā mūrtiḥ sa tāṃ yatnena pūjayet | skaṃdhe kṛtvā tu yo'dhvānaṃ vahate śailanāyakam
Sanskrit only: no published translation is held for this verse.
तस्य वश्यं भवेत्सर्वं त्रैलोक्यं सचराचरम् । शालग्रामशिला यत्र तत्र संनिहितो हरिः
tasya vaśyaṃ bhavetsarvaṃ trailokyaṃ sacarācaram | śālagrāmaśilā yatra tatra saṃnihito hariḥ
Sanskrit only: no published translation is held for this verse.
तत्र दानं जपः स्नानं वाराणस्याः शताधिकम् । कुरुक्षेत्रे प्रयागे च नैमिषे पुष्करे तथा
tatra dānaṃ japaḥ snānaṃ vārāṇasyāḥ śatādhikam | kurukṣetre prayāge ca naimiṣe puṣkare tathā
Sanskrit only: no published translation is held for this verse.
तत्र कोटिगुणं पुण्यं वाराणस्यां महाफलम् । ब्रह्महत्यादिकं पापं यत्किंचित्कुरुते नरः
tatra koṭiguṇaṃ puṇyaṃ vārāṇasyāṃ mahāphalam | brahmahatyādikaṃ pāpaṃ yatkiṃcitkurute naraḥ
Sanskrit only: no published translation is held for this verse.
तत्सर्वं निर्दहत्याशु शालग्रामशिलार्चनम् । शालग्रामोद्भवो देवो यत्र द्वारावतीभवः
tatsarvaṃ nirdahatyāśu śālagrāmaśilārcanam | śālagrāmodbhavo devo yatra dvārāvatībhavaḥ
Sanskrit only: no published translation is held for this verse.
उभयोः संगमो यत्र मुक्तिस्तत्र न संशयः । ब्रह्मचारि गृहस्थैश्च वानप्रस्थैश्च भिक्षुभिः
ubhayoḥ saṃgamo yatra muktistatra na saṃśayaḥ | brahmacāri gṛhasthaiśca vānaprasthaiśca bhikṣubhiḥ
Sanskrit only: no published translation is held for this verse.
भोक्तव्यं विष्णुनैवेद्यं नात्र कार्या विचारणा । तत्पूजनेन मंत्राश्च न जपो न च भावना
bhoktavyaṃ viṣṇunaivedyaṃ nātra kāryā vicāraṇā | tatpūjanena maṃtrāśca na japo na ca bhāvanā
Sanskrit only: no published translation is held for this verse.
न स्तुतिर्नापि चाचारः शालग्रामशिलार्चने । शालग्रामशिलाग्रे तु कृत्वा स्वस्तिकमादरात्
na stutirnāpi cācāraḥ śālagrāmaśilārcane | śālagrāmaśilāgre tu kṛtvā svastikamādarāt
Sanskrit only: no published translation is held for this verse.
कार्तिके तु विशेषेण पुनात्यासप्तमं कुलम् । अणुमात्रं तु यः कुर्यान्मंडलं केशवाग्रतः
kārtike tu viśeṣeṇa punātyāsaptamaṃ kulam | aṇumātraṃ tu yaḥ kuryānmaṃḍalaṃ keśavāgrataḥ
Sanskrit only: no published translation is held for this verse.
मृदाधातुविकारैश्च कल्पकोटिं दिवं वसेत् । यस्तु संवत्सरं पूर्णमग्निहोत्रमुपासते
mṛdādhātuvikāraiśca kalpakoṭiṃ divaṃ vaset | yastu saṃvatsaraṃ pūrṇamagnihotramupāsate
Sanskrit only: no published translation is held for this verse.
कार्तिके स्वस्तिकं कृत्वा सममेतन्न संशयः । अगम्यागमने चैव ह्यभक्षस्य तु भक्षणे
kārtike svastikaṃ kṛtvā samametanna saṃśayaḥ | agamyāgamane caiva hyabhakṣasya tu bhakṣaṇe
Sanskrit only: no published translation is held for this verse.
तत्पापं नाशमायाति मंडयित्वा हरेर्गृहम् । मंडलं कुरुते नित्यं या नारी केशवाग्रतः । सप्तजन्मानि वैधव्यं न प्राप्नोति कदाचन
tatpāpaṃ nāśamāyāti maṃḍayitvā harergṛham | maṃḍalaṃ kurute nityaṃ yā nārī keśavāgrataḥ | saptajanmāni vaidhavyaṃ na prāpnoti kadācana
Sanskrit only: no published translation is held for this verse.