Padma Purāṇa 6.125

नृत्यगीतकलाभिज्ञा सर्वसद्गुणशालिनी । यस्मिन्काले कुमारीयं तदा चाऽमलयानया

nṛtyagītakalābhijñā sarvasadguṇaśālinī | yasminkāle kumārīyaṃ tadā cā'malayānayā

Sanskrit only: no published translation is held for this verse.

विपंचीं परिवादिन्या तंत्रीभिः सप्तभिर्भृशम् । वीणावादरसाभिज्ञस्तोषितो नारदो मुनिः

vipaṃcīṃ parivādinyā taṃtrībhiḥ saptabhirbhṛśam | vīṇāvādarasābhijñastoṣito nārado muniḥ

Sanskrit only: no published translation is held for this verse.

मुग्धभावेपि गायंत्या त्वनया रक्तकंठया । विचित्रस्वरनादज्ञो देवराजोऽपि तोषितः

mugdhabhāvepi gāyaṃtyā tvanayā raktakaṃṭhayā | vicitrasvaranādajño devarājo'pi toṣitaḥ

Sanskrit only: no published translation is held for this verse.

अस्याः कौतुकभिन्नांग्या वादयंत्या विपंचिकाम् । नानावक्रगतिस्निग्धं श्रुत्वा तं पंचमध्वनिम्

asyāḥ kautukabhinnāṃgyā vādayaṃtyā vipaṃcikām | nānāvakragatisnigdhaṃ śrutvā taṃ paṃcamadhvanim

Sanskrit only: no published translation is held for this verse.

तुतोषोद्भिन्नरोमांचो धुन्वन्मौलि महेश्वरः । शीलौदार्यगुणग्रामरूपयौवनसंपदा

tutoṣodbhinnaromāṃco dhunvanmauli maheśvaraḥ | śīlaudāryaguṇagrāmarūpayauvanasaṃpadā

Sanskrit only: no published translation is held for this verse.

नानया सदृशी नाके काचिदस्ति नितंबिनी । क्वेयं देवमुखी रामा क्वाहं व्याघ्रमुखः पुमान्

nānayā sadṛśī nāke kācidasti nitaṃbinī | kveyaṃ devamukhī rāmā kvāhaṃ vyāghramukhaḥ pumān

Sanskrit only: no published translation is held for this verse.

इति ब्रह्मन्सदाचिंत्य दह्यामि हृदि सर्वदा । इति विद्याधरप्रोक्तं श्रुत्वा चेक्ष्वाकुनंदनः

iti brahmansadāciṃtya dahyāmi hṛdi sarvadā | iti vidyādharaproktaṃ śrutvā cekṣvākunaṃdanaḥ

Sanskrit only: no published translation is held for this verse.

त्रिकालज्ञो भृगुः प्राह प्रहसन्दिव्यलोचनः । शृणु विद्याधरश्रेष्ठ विचित्रं कर्मणां फलम्

trikālajño bhṛguḥ prāha prahasandivyalocanaḥ | śṛṇu vidyādharaśreṣṭha vicitraṃ karmaṇāṃ phalam

Sanskrit only: no published translation is held for this verse.

प्राप्य प्राज्ञा न मुह्यंति मुह्यंत्यज्ञानचेतसः । मक्षिकापदमात्रं तु यथा हि विषमं विषम्

prāpya prājñā na muhyaṃti muhyaṃtyajñānacetasaḥ | makṣikāpadamātraṃ tu yathā hi viṣamaṃ viṣam

Sanskrit only: no published translation is held for this verse.

क्रियात्वविहिताल्पापि विपाके दारुणा तथा । उपोष्यैकादशीं माघे तैलाभ्यंगः कृतस्त्वया

kriyātvavihitālpāpi vipāke dāruṇā tathā | upoṣyaikādaśīṃ māghe tailābhyaṃgaḥ kṛtastvayā

Sanskrit only: no published translation is held for this verse.

द्वादश्यां प्राग्भवे देहे तेन व्याघ्रमुखोभवान् । उपोष्यैकादशीं पुण्यां द्वादश्यां तैलसेवनात्

dvādaśyāṃ prāgbhave dehe tena vyāghramukhobhavān | upoṣyaikādaśīṃ puṇyāṃ dvādaśyāṃ tailasevanāt

Sanskrit only: no published translation is held for this verse.

कुरूपं प्राप्तवान्देहं पुराह्येवं पुरूरवाः । दृष्ट्वात्मनः कुकायं स तेन दुःखेन दुःखितः

kurūpaṃ prāptavāndehaṃ purāhyevaṃ purūravāḥ | dṛṣṭvātmanaḥ kukāyaṃ sa tena duḥkhena duḥkhitaḥ

Sanskrit only: no published translation is held for this verse.

गिरिराजं समागम्य देवतासरसस्तटे । स्थित्वा च परमप्रीत्या शुचिः स्नातः कुशासने

girirājaṃ samāgamya devatāsarasastaṭe | sthitvā ca paramaprītyā śuciḥ snātaḥ kuśāsane

Sanskrit only: no published translation is held for this verse.

नवनीलघनश्यामं नलिनायतलोचनम् । शंखचक्रगदापद्मधरं पीतांबरावृतम्

navanīlaghanaśyāmaṃ nalināyatalocanam | śaṃkhacakragadāpadmadharaṃ pītāṃbarāvṛtam

Sanskrit only: no published translation is held for this verse.

कौस्तुभेन विराजंतं वनमालाधरं हरिम् । चिंतयन्हृदये राजा निग्रहीताखिलेंद्रियः

kaustubhena virājaṃtaṃ vanamālādharaṃ harim | ciṃtayanhṛdaye rājā nigrahītākhileṃdriyaḥ

Sanskrit only: no published translation is held for this verse.

मासत्रयं निराहारस्तपस्तेपे सुदारुणम् । अल्पेन तपसा तुष्टः सप्तजन्मकृतार्चनः

māsatrayaṃ nirāhārastapastepe sudāruṇam | alpena tapasā tuṣṭaḥ saptajanmakṛtārcanaḥ

Sanskrit only: no published translation is held for this verse.

संस्मरंस्तस्य भूपस्य तदा प्रादुरभूत्स्वयम् । माघस्य शुक्लपक्षे तु द्वादश्यां मकरे रवौ

saṃsmaraṃstasya bhūpasya tadā prādurabhūtsvayam | māghasya śuklapakṣe tu dvādaśyāṃ makare ravau

Sanskrit only: no published translation is held for this verse.

शंखाद्भिरभिषिच्याशु मुदा तं चक्रवर्तिनम् । वासुदेवो ददौ तस्मै स्मारयंस्तैलचेष्टितम्

śaṃkhādbhirabhiṣicyāśu mudā taṃ cakravartinam | vāsudevo dadau tasmai smārayaṃstailaceṣṭitam

Sanskrit only: no published translation is held for this verse.

अतीव सुंदरं रूपं कमनीयं मनोहरम् । येन तं चकमे देवी उर्वशी देवनायिका

atīva suṃdaraṃ rūpaṃ kamanīyaṃ manoharam | yena taṃ cakame devī urvaśī devanāyikā

Sanskrit only: no published translation is held for this verse.

इत्थं लब्धवरो राजा कृतकृत्यः पुरं गतः । इति कर्मगतिं ज्ञात्वा किं विद्याधर खिद्यते

itthaṃ labdhavaro rājā kṛtakṛtyaḥ puraṃ gataḥ | iti karmagatiṃ jñātvā kiṃ vidyādhara khidyate

Sanskrit only: no published translation is held for this verse.

भवान्परिजिहीर्षुश्चेद्दानवस्य विरूपताम् । शीघ्रं मद्वचनादेव प्राचीनाघविनाशनम्

bhavānparijihīrṣuśceddānavasya virūpatām | śīghraṃ madvacanādeva prācīnāghavināśanam

Sanskrit only: no published translation is held for this verse.

माघमासे कुरु स्नानं मणिकूटनदीजले । मुनिसिद्धसुरैर्जुष्टे कथयिष्यामि तद्विधिम्

māghamāse kuru snānaṃ maṇikūṭanadījale | munisiddhasurairjuṣṭe kathayiṣyāmi tadvidhim

Sanskrit only: no published translation is held for this verse.

तवभाग्यवशान्माघो निकटः पंचमेऽहनि । पौषस्यैकादशीं शुक्लामारभ्य स्थंडिलेशयः

tavabhāgyavaśānmāgho nikaṭaḥ paṃcame'hani | pauṣasyaikādaśīṃ śuklāmārabhya sthaṃḍileśayaḥ

Sanskrit only: no published translation is held for this verse.

मासमेकं निराहारस्त्रिकालं स्नानमाचर । त्रिकालमर्चयन्विष्णुं त्यक्तभोगो जितेंद्रियः

māsamekaṃ nirāhārastrikālaṃ snānamācara | trikālamarcayanviṣṇuṃ tyaktabhogo jiteṃdriyaḥ

Sanskrit only: no published translation is held for this verse.

माघस्यैकादशीशुक्ला यावद्विद्याधरोत्तम । ततो निर्दग्धपापं त्वां द्वादश्यां पुण्यवासरे

māghasyaikādaśīśuklā yāvadvidyādharottama | tato nirdagdhapāpaṃ tvāṃ dvādaśyāṃ puṇyavāsare

Sanskrit only: no published translation is held for this verse.

अभिषिच्य शिवैस्तोयैर्मंत्रपूतैरहं सुर । कामवक्त्रोपमं वक्त्रं करिष्यामि तवानघ

abhiṣicya śivaistoyairmaṃtrapūtairahaṃ sura | kāmavaktropamaṃ vaktraṃ kariṣyāmi tavānagha

Sanskrit only: no published translation is held for this verse.

देवतावदनोभूत्वा त्वं विद्याधरसत्तम । अनया वरवर्णिन्या सार्द्धं क्रीड यथासुखम्

devatāvadanobhūtvā tvaṃ vidyādharasattama | anayā varavarṇinyā sārddhaṃ krīḍa yathāsukham

Sanskrit only: no published translation is held for this verse.

ज्ञातमाघप्रभावस्त्वं माघस्नानं सदा कुरु । यथामनोरथावाप्तिर्जायते तव सर्वदा 6.125.१५०। इत्युक्तं भृगुणा तस्मै सर्वज्ञेन महात्मना । विद्याधराय राजेंद्र पुनर्गाथा उदाहृता

jñātamāghaprabhāvastvaṃ māghasnānaṃ sadā kuru | yathāmanorathāvāptirjāyate tava sarvadā 6.125.150| ityuktaṃ bhṛguṇā tasmai sarvajñena mahātmanā | vidyādharāya rājeṃdra punargāthā udāhṛtā

Sanskrit only: no published translation is held for this verse.

माघस्नानैर्विपन्नाश माघस्नानैरघक्षयः । सर्वयज्ञाधिको माघः सर्वदानफलप्रदः

māghasnānairvipannāśa māghasnānairaghakṣayaḥ | sarvayajñādhiko māghaḥ sarvadānaphalapradaḥ

Sanskrit only: no published translation is held for this verse.

माघो गर्जति यज्ञेभ्यो माघो योगाच्च गर्जति । तीव्राच्च तपसो माघो भो विद्याधर गर्जति

māgho garjati yajñebhyo māgho yogācca garjati | tīvrācca tapaso māgho bho vidyādhara garjati

Sanskrit only: no published translation is held for this verse.

पुष्करे च कुरुक्षेत्रे ब्रह्मावर्ते पृथूदके । अविमुक्ते प्रयागे च गंगासागरसंगमे

puṣkare ca kurukṣetre brahmāvarte pṛthūdake | avimukte prayāge ca gaṃgāsāgarasaṃgame

Sanskrit only: no published translation is held for this verse.

यत्फलं दशभिर्वर्षैः प्राप्यते नियमैर्नरैः । तत्फलं प्राप्यते माघे त्र्यहस्नानान्न संशयः

yatphalaṃ daśabhirvarṣaiḥ prāpyate niyamairnaraiḥ | tatphalaṃ prāpyate māghe tryahasnānānna saṃśayaḥ

Sanskrit only: no published translation is held for this verse.

स्वर्गलोके चिरं रागो येषां मनसि वर्तते । यत्र क्वापि जले तैस्तु स्नातव्यं मकरे रवौ

svargaloke ciraṃ rāgo yeṣāṃ manasi vartate | yatra kvāpi jale taistu snātavyaṃ makare ravau

Sanskrit only: no published translation is held for this verse.

आयुरारोग्यसंपत्तिरूपसौभाग्यता गुणाः । येषां मनोरथस्तैस्तु न त्याज्यं माघमज्जनम्

āyurārogyasaṃpattirūpasaubhāgyatā guṇāḥ | yeṣāṃ manorathastaistu na tyājyaṃ māghamajjanam

Sanskrit only: no published translation is held for this verse.

ये च बिभ्यंति नरकाद्ये दरिद्राच्च संचितात् । सर्वथा तैः प्रयत्नेन माघे कार्यं निमज्जनम्

ye ca bibhyaṃti narakādye daridrācca saṃcitāt | sarvathā taiḥ prayatnena māghe kāryaṃ nimajjanam

Sanskrit only: no published translation is held for this verse.

दारिद्र्य पापदौर्भाग्य पंकप्रक्षालनाय च । माघस्नानान्न चान्योऽस्ति उपायो राजसत्तम

dāridrya pāpadaurbhāgya paṃkaprakṣālanāya ca | māghasnānānna cānyo'sti upāyo rājasattama

Sanskrit only: no published translation is held for this verse.

श्रद्धाहीनानि कर्माणि तथात्यल्पफलानि वै । फलं ददाति संपूर्णं माघस्नानं यथा तथा

śraddhāhīnāni karmāṇi tathātyalpaphalāni vai | phalaṃ dadāti saṃpūrṇaṃ māghasnānaṃ yathā tathā

Sanskrit only: no published translation is held for this verse.

अकामो वा सकामो वा यत्र क्वापि बहिर्जले । इहामुत्र च दुःखानि माघस्नायी न विंदति

akāmo vā sakāmo vā yatra kvāpi bahirjale | ihāmutra ca duḥkhāni māghasnāyī na viṃdati

Sanskrit only: no published translation is held for this verse.

पक्षद्वये यथा चंद्रो वर्द्धते क्षीयते तथा । पातकं क्षीयते माघे पुण्यराशिश्च वर्धते

pakṣadvaye yathā caṃdro varddhate kṣīyate tathā | pātakaṃ kṣīyate māghe puṇyarāśiśca vardhate

Sanskrit only: no published translation is held for this verse.

यथा च खन्या जायंते रत्नानि विविधानि च । स्नानात्पुण्यानि जायंते नराणां माघतस्तथा

yathā ca khanyā jāyaṃte ratnāni vividhāni ca | snānātpuṇyāni jāyaṃte narāṇāṃ māghatastathā

Sanskrit only: no published translation is held for this verse.

कामधेनुर्यथा कामं चिंतामणिस्तु चिंतितम् । माघस्नानं ददातीह तद्वत्सर्वान्मनोरथान्

kāmadhenuryathā kāmaṃ ciṃtāmaṇistu ciṃtitam | māghasnānaṃ dadātīha tadvatsarvānmanorathān

Sanskrit only: no published translation is held for this verse.

कृते तपः परं ज्ञानं त्रेतायां यजनं तथा । द्वापरे तु कलौ ज्ञानं माघः सर्वयुगेषु च

kṛte tapaḥ paraṃ jñānaṃ tretāyāṃ yajanaṃ tathā | dvāpare tu kalau jñānaṃ māghaḥ sarvayugeṣu ca

Sanskrit only: no published translation is held for this verse.

सर्वेषामेव वर्णानामाश्रमाणां च भूपते । माघस्नानं तु धर्मस्य धाराभिरभिवर्षति

sarveṣāmeva varṇānāmāśramāṇāṃ ca bhūpate | māghasnānaṃ tu dharmasya dhārābhirabhivarṣati

Sanskrit only: no published translation is held for this verse.

वसिष्ठ उवाच। इति वाक्यं भृगोः श्रुत्वा तस्मिन्नेवाश्रमे सुरः । सहैव भृगुणा माघे गिरौ निर्झरिणी तटे

vasiṣṭha uvāca| iti vākyaṃ bhṛgoḥ śrutvā tasminnevāśrame suraḥ | sahaiva bhṛguṇā māghe girau nirjhariṇī taṭe

Sanskrit only: no published translation is held for this verse.

यथोक्तविधिना स्नानमकरोद्भार्यया सह । भृगोरनुग्रहात्सोऽथ संप्राप्य मनसेप्सितम्

yathoktavidhinā snānamakarodbhāryayā saha | bhṛgoranugrahātso'tha saṃprāpya manasepsitam

Sanskrit only: no published translation is held for this verse.

देवतावदनो भूत्वा मुमुदे मणिपर्वते । आजगाम भृगुर्विध्यं तमनुग्राह्य हर्षितः

devatāvadano bhūtvā mumude maṇiparvate | ājagāma bhṛgurvidhyaṃ tamanugrāhya harṣitaḥ

Sanskrit only: no published translation is held for this verse.

मणिमयगिरिराजे स्नानमात्रेण माघे मदनवदनरूपस्तत्र विद्याधरोऽभूत् । क्षपितनियमदेहो विंध्यपादावतीर्णो भृगुरपि सहशिष्यैराजगामाथ रेवाम्

maṇimayagirirāje snānamātreṇa māghe madanavadanarūpastatra vidyādharo'bhūt | kṣapitaniyamadeho viṃdhyapādāvatīrṇo bhṛgurapi sahaśiṣyairājagāmātha revām

Sanskrit only: no published translation is held for this verse.

अखिलभुवनसारं माघमाहात्म्यमेतद्द्विजवरभृगुणोक्तं भूपविद्याधराय । विविधफलविचित्रं यः शृणोतीह नित्यं रुचिरसकलकामान्देववत्प्राप्नुयात्सः

akhilabhuvanasāraṃ māghamāhātmyametaddvijavarabhṛguṇoktaṃ bhūpavidyādharāya | vividhaphalavicitraṃ yaḥ śṛṇotīha nityaṃ rucirasakalakāmāndevavatprāpnuyātsaḥ

Sanskrit only: no published translation is held for this verse.