Padma Purāṇa 6.13

नारद उवाच- ततो जालंधरः श्रुत्वा दैत्यकोलाहलं रणे । आजगाम रथारूढो यत्र देवः सदाशिवः

nārada uvāca- tato jālaṃdharaḥ śrutvā daityakolāhalaṃ raṇe | ājagāma rathārūḍho yatra devaḥ sadāśivaḥ

Sanskrit only: no published translation is held for this verse.

सारथिं खड्गरोमाणं कोपात्सत्वरमब्रवीत् । संप्रेषय रथं शीघ्रं सहस्रहययोजितम्

sārathiṃ khaḍgaromāṇaṃ kopātsatvaramabravīt | saṃpreṣaya rathaṃ śīghraṃ sahasrahayayojitam

Sanskrit only: no published translation is held for this verse.

हन्मि तं तापसं शौर्याज्जटाभस्मास्थिभूषितम् । वृषारूढस्य का शक्तिः पंगोर्युद्धे मया सह

hanmi taṃ tāpasaṃ śauryājjaṭābhasmāsthibhūṣitam | vṛṣārūḍhasya kā śaktiḥ paṃgoryuddhe mayā saha

Sanskrit only: no published translation is held for this verse.

नारद उवाच- इत्युक्त्वा खड्गरोमाणमाभाष्य च तथोद्धतः । गृहीत्वा कार्मुकं घोरं रथेनाधावत द्रुतम्

nārada uvāca- ityuktvā khaḍgaromāṇamābhāṣya ca tathoddhataḥ | gṛhītvā kārmukaṃ ghoraṃ rathenādhāvata drutam

Sanskrit only: no published translation is held for this verse.

तं रुरोध तदायांतं वीरभद्रः शितैः शरैः । निरुच्छ्वासीकृतेनापि स कायेन शरैर्वृतः

taṃ rurodha tadāyāṃtaṃ vīrabhadraḥ śitaiḥ śaraiḥ | nirucchvāsīkṛtenāpi sa kāyena śarairvṛtaḥ

Sanskrit only: no published translation is held for this verse.

देवैर्यद्यपि तुल्योऽभूद्भूतेशस्य परिग्रहः । तथापि किं कपालानि तुलां यांति कलानिधेः

devairyadyapi tulyo'bhūdbhūteśasya parigrahaḥ | tathāpi kiṃ kapālāni tulāṃ yāṃti kalānidheḥ

Sanskrit only: no published translation is held for this verse.

विव्याध मणिभद्रोऽपि शरैः सागरनंदनम् । पाशेन मणिभद्रं तु हत्वोवाचेश्वरं वचः

vivyādha maṇibhadro'pi śaraiḥ sāgaranaṃdanam | pāśena maṇibhadraṃ tu hatvovāceśvaraṃ vacaḥ

Sanskrit only: no published translation is held for this verse.

एहि योद्धुं महादेव शस्त्राभ्यासोऽस्ति ते यदि । त्वं मां प्रहर न त्वाहमादौ हन्मि जटाधरम्

ehi yoddhuṃ mahādeva śastrābhyāso'sti te yadi | tvaṃ māṃ prahara na tvāhamādau hanmi jaṭādharam

Sanskrit only: no published translation is held for this verse.

इति ब्रुवंतं तं गर्वाद्वीरभद्रोऽथ सायकैः । पूरयामास संक्रुद्धो यथा पद्मं रविः करैः

iti bruvaṃtaṃ taṃ garvādvīrabhadro'tha sāyakaiḥ | pūrayāmāsa saṃkruddho yathā padmaṃ raviḥ karaiḥ

Sanskrit only: no published translation is held for this verse.

मणिभद्रोऽथ गदया सैन्यं तस्य समाहनत् । रथोपरि रथं वीर तुरगं तुरगोपरि

maṇibhadro'tha gadayā sainyaṃ tasya samāhanat | rathopari rathaṃ vīra turagaṃ turagopari

Sanskrit only: no published translation is held for this verse.

गजोपरि गजं हत्वा पातयामास भूतले । रक्तपंकारुणा भूमिः संजाता दुर्गमा क्षणात्

gajopari gajaṃ hatvā pātayāmāsa bhūtale | raktapaṃkāruṇā bhūmiḥ saṃjātā durgamā kṣaṇāt

Sanskrit only: no published translation is held for this verse.

शैलाच्च गणमुख्याश्च दानवाञ्जघ्नुराहवे । पतंति दानवाः शूरा गतप्राणा महीतले

śailācca gaṇamukhyāśca dānavāñjaghnurāhave | pataṃti dānavāḥ śūrā gataprāṇā mahītale

Sanskrit only: no published translation is held for this verse.

रुंडदोर्दंडमुंडैश्च करिपृष्ठकरोरुभिः । पतंति दानवाः शूरा पूरिता वसुधा नृप

ruṃḍadordaṃḍamuṃḍaiśca karipṛṣṭhakarorubhiḥ | pataṃti dānavāḥ śūrā pūritā vasudhā nṛpa

Sanskrit only: no published translation is held for this verse.

नारद उवाच- एवंविधं रणे दृष्ट्वा हरमत्यंतदुर्जयम् । भुवने च तथान्यानि दृष्टवाँल्लक्षणानि सः

nārada uvāca- evaṃvidhaṃ raṇe dṛṣṭvā haramatyaṃtadurjayam | bhuvane ca tathānyāni dṛṣṭavā~llakṣaṇāni saḥ

Sanskrit only: no published translation is held for this verse.

तेजोऽन्यदेवनक्षत्र शशांक सकलादिषु । उद्धाटितजगत्कोशमन्यदेवरवेर्महः

tejo'nyadevanakṣatra śaśāṃka sakalādiṣu | uddhāṭitajagatkośamanyadevaravermahaḥ

Sanskrit only: no published translation is held for this verse.

भग्नः पुनश्चिंतितवांस्ततो जालंधरो नृप । न दृष्टा सा मया गौरी यां मामाहाति नारदः

bhagnaḥ punaściṃtitavāṃstato jālaṃdharo nṛpa | na dṛṣṭā sā mayā gaurī yāṃ māmāhāti nāradaḥ

Sanskrit only: no published translation is held for this verse.

सांप्रतं शाश्वते स्थाने कथं द्रक्ष्याम्युमां स्थिताम् । तां हि द्रष्टुं व्रजाम्यादौ पश्चाद्योत्स्यामि शंभुना

sāṃprataṃ śāśvate sthāne kathaṃ drakṣyāmyumāṃ sthitām | tāṃ hi draṣṭuṃ vrajāmyādau paścādyotsyāmi śaṃbhunā

Sanskrit only: no published translation is held for this verse.

चिंतयित्वेति मनसा दैत्यं प्राहार्णवात्मजः । शुंभं चंडजये वीर मम तुल्यपराक्रम

ciṃtayitveti manasā daityaṃ prāhārṇavātmajaḥ | śuṃbhaṃ caṃḍajaye vīra mama tulyaparākrama

Sanskrit only: no published translation is held for this verse.

धृत्वा मत्सदृशं रूपं संग्रामं कर्तुमर्हसि । तव युद्धस्य भारोऽयं शिबिरस्य बलस्य च

dhṛtvā matsadṛśaṃ rūpaṃ saṃgrāmaṃ kartumarhasi | tava yuddhasya bhāro'yaṃ śibirasya balasya ca

Sanskrit only: no published translation is held for this verse.

अहं यास्यामि तां द्रष्टुं गौरीं मच्चित्तहारिणीम् । इत्युक्त्वाथ ददौ तस्मै स्वांगादुत्तार्य मंडनम्

ahaṃ yāsyāmi tāṃ draṣṭuṃ gaurīṃ maccittahāriṇīm | ityuktvātha dadau tasmai svāṃgāduttārya maṃḍanam

Sanskrit only: no published translation is held for this verse.

वर्मशस्त्रादिकं दत्वा रथं सारथिसंयुतम् । दुर्वारणेन सहितः सैन्यं मुक्त्वोदधेः सुतः

varmaśastrādikaṃ datvā rathaṃ sārathisaṃyutam | durvāraṇena sahitaḥ sainyaṃ muktvodadheḥ sutaḥ

Sanskrit only: no published translation is held for this verse.

अलक्षितस्ततो गत्वा गुहां गुप्तां तु पार्थिव । मानसोत्तरशैलस्य हररूपं दधार सः

alakṣitastato gatvā guhāṃ guptāṃ tu pārthiva | mānasottaraśailasya hararūpaṃ dadhāra saḥ

Sanskrit only: no published translation is held for this verse.

धृत्वा दुर्वारणे रूपं नंदिनः सदृशं तथा । अथारुरुहतुः शैलं छद्मशंकरनंदिनौ

dhṛtvā durvāraṇe rūpaṃ naṃdinaḥ sadṛśaṃ tathā | athāruruhatuḥ śailaṃ chadmaśaṃkaranaṃdinau

Sanskrit only: no published translation is held for this verse.

यत्रास्ति शिखरे गौरी सखिभिः सहिता नृप । तमायांतं शरैर्भिन्नं स्कंधमालम्ब्य नंदिनः

yatrāsti śikhare gaurī sakhibhiḥ sahitā nṛpa | tamāyāṃtaṃ śarairbhinnaṃ skaṃdhamālambya naṃdinaḥ

Sanskrit only: no published translation is held for this verse.

रक्ताक्तमंबरं दृष्ट्वा भवानी विस्मिताभवत् । सख्यस्तस्या जयाद्यास्ताः जग्मुस्तं संभ्रमान्विताः

raktāktamaṃbaraṃ dṛṣṭvā bhavānī vismitābhavat | sakhyastasyā jayādyāstāḥ jagmustaṃ saṃbhramānvitāḥ

Sanskrit only: no published translation is held for this verse.

शंकरस्यांतिकं गत्वा पप्रच्छुस्तं सुदुःखिताः । किं जातं तव देवेश केन त्वं संगरे जितः

śaṃkarasyāṃtikaṃ gatvā papracchustaṃ suduḥkhitāḥ | kiṃ jātaṃ tava deveśa kena tvaṃ saṃgare jitaḥ

Sanskrit only: no published translation is held for this verse.

सशल्यस्त्वं कथं नाथ संसारीव प्ररोदिषि । इत्युक्तः प्रददौ ताभ्यो भूषणानि पृथक्पृथक्

saśalyastvaṃ kathaṃ nātha saṃsārīva prarodiṣi | ityuktaḥ pradadau tābhyo bhūṣaṇāni pṛthakpṛthak

Sanskrit only: no published translation is held for this verse.

उत्तार्य शनकैरंगात् वासुकिप्रभृतीनि च । गणेशस्कंदशिरसीच्छिन्ने कुक्षौ विलोक्य च

uttārya śanakairaṃgāt vāsukiprabhṛtīni ca | gaṇeśaskaṃdaśirasīcchinne kukṣau vilokya ca

Sanskrit only: no published translation is held for this verse.

हा स्कंद हा गणेशेति हा रुद्रेत्यंबिकारुदत् । तस्याः सख्यस्ततः सर्वा रुरुदुः शोककर्शिताः

hā skaṃda hā gaṇeśeti hā rudretyaṃbikārudat | tasyāḥ sakhyastataḥ sarvā ruruduḥ śokakarśitāḥ

Sanskrit only: no published translation is held for this verse.

अत्राब्रवीज्जयां नंदी त्वमेनं परिपालय । मणिभद्रो वीरभद्रः पुष्पदंतश्च वीर्यवान्

atrābravījjayāṃ naṃdī tvamenaṃ paripālaya | maṇibhadro vīrabhadraḥ puṣpadaṃtaśca vīryavān

Sanskrit only: no published translation is held for this verse.

दंभनो धूमतिमिरः कूष्मांडाद्या रणे हताः । चंडी भृंगी किरीटिश्च महाकालश्च शृंखली

daṃbhano dhūmatimiraḥ kūṣmāṃḍādyā raṇe hatāḥ | caṃḍī bhṛṃgī kirīṭiśca mahākālaśca śṛṃkhalī

Sanskrit only: no published translation is held for this verse.

चंडीशो गुप्तनेत्रश्च कालाद्याश्च हता रणे । विनायकस्य स्कंदस्य शिरसी भ्रमता मया

caṃḍīśo guptanetraśca kālādyāśca hatā raṇe | vināyakasya skaṃdasya śirasī bhramatā mayā

Sanskrit only: no published translation is held for this verse.

दृष्टे महारणे देवि इत्युक्त्वाथ पुरोक्षिपत् । तच्छ्रुत्वा नंदिनो वाक्यं शिरसी गृह्य पुत्रयोः

dṛṣṭe mahāraṇe devi ityuktvātha purokṣipat | tacchrutvā naṃdino vākyaṃ śirasī gṛhya putrayoḥ

Sanskrit only: no published translation is held for this verse.

पार्वती विललापोच्चैः पुत्रपुत्रेति जल्पती । तारकारे कथं युद्धे हतस्त्वं सिंधुसूनुना

pārvatī vilalāpoccaiḥ putraputreti jalpatī | tārakāre kathaṃ yuddhe hatastvaṃ siṃdhusūnunā

Sanskrit only: no published translation is held for this verse.

त्वं हि त्रिवासरो देवैः सेनापत्योऽभिषेचितः । तदा त्वया कथं वीर तारकाख्यो निपातितः

tvaṃ hi trivāsaro devaiḥ senāpatyo'bhiṣecitaḥ | tadā tvayā kathaṃ vīra tārakākhyo nipātitaḥ

Sanskrit only: no published translation is held for this verse.

नीलकंठेन किं त्यक्तो यतस्त्वं पतितो भुवि । स्नुषामुखं न दृष्टं च मया पुत्रावभाग्यया

nīlakaṃṭhena kiṃ tyakto yatastvaṃ patito bhuvi | snuṣāmukhaṃ na dṛṣṭaṃ ca mayā putrāvabhāgyayā

Sanskrit only: no published translation is held for this verse.

न भोगा वत्स ते भुक्ता संसारस्यापि येभवन् । तात हेरंब विघ्नेश लंबोदर गजानन

na bhogā vatsa te bhuktā saṃsārasyāpi yebhavan | tāta heraṃba vighneśa laṃbodara gajānana

Sanskrit only: no published translation is held for this verse.

रणांगणे केन पुत्र सिद्धैः पूज्यो निपातितः । वाहनोऽसौ कुतो वत्स मूषकः केन हिंसितः

raṇāṃgaṇe kena putra siddhaiḥ pūjyo nipātitaḥ | vāhano'sau kuto vatsa mūṣakaḥ kena hiṃsitaḥ

Sanskrit only: no published translation is held for this verse.

एवं विलपती गौरी शिवं प्राह सुदुःखितम् । साक्षाद्रुद्रोऽसि देवेश हरस्त्वं मा भयं कुरु

evaṃ vilapatī gaurī śivaṃ prāha suduḥkhitam | sākṣādrudro'si deveśa harastvaṃ mā bhayaṃ kuru

Sanskrit only: no published translation is held for this verse.

वृषभः क्व गतो देव हतो जालंधरेण वै । शरजर्जरदेहस्य किं करोमि प्रियं तव

vṛṣabhaḥ kva gato deva hato jālaṃdhareṇa vai | śarajarjaradehasya kiṃ karomi priyaṃ tava

Sanskrit only: no published translation is held for this verse.

ततः श्रुत्वा वचो देव्या निश्वस्योवाच शंकरः । दीर्घं विनिहतौ पुत्रौ वृथा शोचसि किं प्रिये

tataḥ śrutvā vaco devyā niśvasyovāca śaṃkaraḥ | dīrghaṃ vinihatau putrau vṛthā śocasi kiṃ priye

Sanskrit only: no published translation is held for this verse.

अधुना तेंगसंगेन देवि मां त्रातुमर्हसि । शंकरस्य वचः श्रुत्वाऽसमयोचितमातुरम् । प्रत्युवाचांबिका देवं बभाषे नोचितं वचः

adhunā teṃgasaṃgena devi māṃ trātumarhasi | śaṃkarasya vacaḥ śrutvā'samayocitamāturam | pratyuvācāṃbikā devaṃ babhāṣe nocitaṃ vacaḥ

Sanskrit only: no published translation is held for this verse.

महाविषादे पतिते भये च कृते समाधौ वमने महाज्वरे । श्राद्धे प्रयाणे गुरुवृद्धसन्निधौ रतिं बुधाः शंकर वर्जयंति

mahāviṣāde patite bhaye ca kṛte samādhau vamane mahājvare | śrāddhe prayāṇe guruvṛddhasannidhau ratiṃ budhāḥ śaṃkara varjayaṃti

Sanskrit only: no published translation is held for this verse.

कथं मां दुःखदुःखार्तां पुत्रशोकेन पीडिताम् । म्लानां बाष्पपरिम्लानां संप्रार्थयसि चातुराम्

kathaṃ māṃ duḥkhaduḥkhārtāṃ putraśokena pīḍitām | mlānāṃ bāṣpaparimlānāṃ saṃprārthayasi cāturām

Sanskrit only: no published translation is held for this verse.

भवान्या इति वाक्यानि श्रुत्वा मायामहेश्वरः । उवाच स्वार्थमुद्दिश्य गौर्यारूपेण मोहितः

bhavānyā iti vākyāni śrutvā māyāmaheśvaraḥ | uvāca svārthamuddiśya gauryārūpeṇa mohitaḥ

Sanskrit only: no published translation is held for this verse.

पुरुषस्यार्तियुक्तस्य न यच्छंति रतिं स्त्रियः । तथैव रौरवे घोरे पतिष्यंति न संशयः

puruṣasyārtiyuktasya na yacchaṃti ratiṃ striyaḥ | tathaiva raurave ghore patiṣyaṃti na saṃśayaḥ

Sanskrit only: no published translation is held for this verse.

गणशून्यः पुत्रशून्यो धीशून्योऽहं वरानने । सांप्रतं गृह्य शून्योऽहं सर्वशून्योऽस्मि भामिनि

gaṇaśūnyaḥ putraśūnyo dhīśūnyo'haṃ varānane | sāṃprataṃ gṛhya śūnyo'haṃ sarvaśūnyo'smi bhāmini

Sanskrit only: no published translation is held for this verse.

सुजीवितं विहीनोऽहं त्वां प्रष्टुमिह चागतः । स्वं गृहं तु प्रविश्याशु त्यजामि प्रकृतिं स्वकाम्

sujīvitaṃ vihīno'haṃ tvāṃ praṣṭumiha cāgataḥ | svaṃ gṛhaṃ tu praviśyāśu tyajāmi prakṛtiṃ svakām

Sanskrit only: no published translation is held for this verse.

उत्तिष्ठ नंदिन्संयावस्तीर्थे भव पुरःसरः । त्वं याहि स्वेच्छया कांते प्रकृतिं स्वां परित्यज

uttiṣṭha naṃdinsaṃyāvastīrthe bhava puraḥsaraḥ | tvaṃ yāhi svecchayā kāṃte prakṛtiṃ svāṃ parityaja

Sanskrit only: no published translation is held for this verse.

इति मायामहेशस्य वचः श्रुत्वांबिका ततः । दीर्घं दध्यो महाश्वासं शोकेन च जडीकृता 6.13.५०। तस्यैवं परमे क्षोभे किंचिन्नोवाच सा क्षणम् । यया संमोहितं सर्वं जगत्स्थावरजंगमम् । सैव संमोहिता तेन न जाने दुःखमात्मनः

iti māyāmaheśasya vacaḥ śrutvāṃbikā tataḥ | dīrghaṃ dadhyo mahāśvāsaṃ śokena ca jaḍīkṛtā 6.13.50| tasyaivaṃ parame kṣobhe kiṃcinnovāca sā kṣaṇam | yayā saṃmohitaṃ sarvaṃ jagatsthāvarajaṃgamam | saiva saṃmohitā tena na jāne duḥkhamātmanaḥ

Sanskrit only: no published translation is held for this verse.