Library·Padma Purāṇa·6·6.131
पार्वत्युवाच। शालग्रामशिला शुद्धा मूर्त्तयः संति भूतले । तासां चैव तु मूर्तीनां पूजनं कतिधा स्मृतम्
pārvatyuvāca| śālagrāmaśilā śuddhā mūrttayaḥ saṃti bhūtale | tāsāṃ caiva tu mūrtīnāṃ pūjanaṃ katidhā smṛtam
Sanskrit only: no published translation is held for this verse.
ब्राह्मणैः कति पूज्यास्ताः क्षत्रियैर्वा सुरेश्वर । वैश्यैर्वापि कथं शूद्रैः स्त्रीभिर्वापि समादिश
brāhmaṇaiḥ kati pūjyāstāḥ kṣatriyairvā sureśvara | vaiśyairvāpi kathaṃ śūdraiḥ strībhirvāpi samādiśa
Sanskrit only: no published translation is held for this verse.
महादेव उवाच। शालग्रामशिला पुण्या पवित्रा धर्मकारिणी । यस्या दर्शनमात्रेण ब्रह्महा शुध्यते नरः
mahādeva uvāca| śālagrāmaśilā puṇyā pavitrā dharmakāriṇī | yasyā darśanamātreṇa brahmahā śudhyate naraḥ
Sanskrit only: no published translation is held for this verse.
तद्गृहं सर्वतीर्थानां प्रवरं श्रुतिनोदितम् । यत्रेयं सर्वदा मूर्तिः शालग्रामशिला शुभा
tadgṛhaṃ sarvatīrthānāṃ pravaraṃ śrutinoditam | yatreyaṃ sarvadā mūrtiḥ śālagrāmaśilā śubhā
Sanskrit only: no published translation is held for this verse.
ब्राह्मणैः पंचपूज्या स्युश्चतस्रः क्षत्रियैस्तथा । वैश्यैस्तिस्रस्तथापूज्याएकापूज्याप्रयत्नतः
brāhmaṇaiḥ paṃcapūjyā syuścatasraḥ kṣatriyaistathā | vaiśyaistisrastathāpūjyāekāpūjyāprayatnataḥ
Sanskrit only: no published translation is held for this verse.
तस्यादर्शनमात्रेणशूद्रो मुक्तिमवाप्नुयात् । अनेन विधिना देवि ये नराः पूजयंति वै
tasyādarśanamātreṇaśūdro muktimavāpnuyāt | anena vidhinā devi ye narāḥ pūjayaṃti vai
Sanskrit only: no published translation is held for this verse.
भोगान्सर्वांस्तत्र भुक्त्वा यांति विष्णोः सनातनम् । इयं सा महती मूर्तिः सर्वदा पापहारिणी
bhogānsarvāṃstatra bhuktvā yāṃti viṣṇoḥ sanātanam | iyaṃ sā mahatī mūrtiḥ sarvadā pāpahāriṇī
Sanskrit only: no published translation is held for this verse.
कैलासाद्यं फलं देवि जायते पूजनाद्यतः । तत्र गंगा च यमुना गोदावरी सरस्वती
kailāsādyaṃ phalaṃ devi jāyate pūjanādyataḥ | tatra gaṃgā ca yamunā godāvarī sarasvatī
Sanskrit only: no published translation is held for this verse.
तिष्ठते च शिला यत्र सर्वं तत्र न संशयः । किमत्र बहुनोक्तेन भूयोभूयो वरानने
tiṣṭhate ca śilā yatra sarvaṃ tatra na saṃśayaḥ | kimatra bahunoktena bhūyobhūyo varānane
Sanskrit only: no published translation is held for this verse.
पूजनं मनुजैः सम्यक्कर्त्तव्यं मुक्तिमिच्छुभिः । भक्तिभावेन देवेशि येऽर्चयंति जनार्दनम्
pūjanaṃ manujaiḥ samyakkarttavyaṃ muktimicchubhiḥ | bhaktibhāvena deveśi ye'rcayaṃti janārdanam
Sanskrit only: no published translation is held for this verse.
तेषां दर्शनमात्रेण ब्रह्महा शुध्यते जनः । दासभावेन ये शूद्राः स्वर्चनं कुर्वते सदा
teṣāṃ darśanamātreṇa brahmahā śudhyate janaḥ | dāsabhāvena ye śūdrāḥ svarcanaṃ kurvate sadā
Sanskrit only: no published translation is held for this verse.
तेषां पुण्यं न जानंति ब्रह्माद्याश्च सुरेश्वरि । भक्तिभावेन ये विप्रा हरिमभ्यर्चयंति वै
teṣāṃ puṇyaṃ na jānaṃti brahmādyāśca sureśvari | bhaktibhāvena ye viprā harimabhyarcayaṃti vai
Sanskrit only: no published translation is held for this verse.
एकविंशतिकुलं तैस्तु तारितं तेषु जन्मसु । शंखचक्रांकितो यस्तु विप्रः पूजनमाचरेत्
ekaviṃśatikulaṃ taistu tāritaṃ teṣu janmasu | śaṃkhacakrāṃkito yastu vipraḥ pūjanamācaret
Sanskrit only: no published translation is held for this verse.
पूजितं तु जगत्सर्वं तेन विष्णुप्रपूजनात् । पितरः संवदंत्यस्मत्कुले जाताश्च वैष्णवाः
pūjitaṃ tu jagatsarvaṃ tena viṣṇuprapūjanāt | pitaraḥ saṃvadaṃtyasmatkule jātāśca vaiṣṇavāḥ
Sanskrit only: no published translation is held for this verse.
तत्कुलं तारितं तैस्तु यावदाभूतसंप्लवम् । ते तु चास्मान्समुद्धृत्य नयंते विष्णुमंदिरम्
tatkulaṃ tāritaṃ taistu yāvadābhūtasaṃplavam | te tu cāsmānsamuddhṛtya nayaṃte viṣṇumaṃdiram
Sanskrit only: no published translation is held for this verse.
स एव दिवसो धन्यो धन्या माताऽथ बांधवाः । पिता तस्य च वै धन्यो धन्या वै सुहृदस्तथा
sa eva divaso dhanyo dhanyā mātā'tha bāṃdhavāḥ | pitā tasya ca vai dhanyo dhanyā vai suhṛdastathā
Sanskrit only: no published translation is held for this verse.
सर्वे धन्यतमा ज्ञेया विष्णुभक्तिपरायणाः । तेषां दर्शनमात्रेण महापापात्प्रमुच्यते
sarve dhanyatamā jñeyā viṣṇubhaktiparāyaṇāḥ | teṣāṃ darśanamātreṇa mahāpāpātpramucyate
Sanskrit only: no published translation is held for this verse.
उपपातकानि सर्वाणि महांति पातकानि च । तानि सर्वाणि नश्यंति वैष्णवानां च दर्शनात्
upapātakāni sarvāṇi mahāṃti pātakāni ca | tāni sarvāṇi naśyaṃti vaiṣṇavānāṃ ca darśanāt
Sanskrit only: no published translation is held for this verse.
पावका इव दीप्यंते ये नरा वैष्णवा भुवि । विमुक्ताः सर्वपापेभ्यो मेघेभ्य इव चंद्रमाः
pāvakā iva dīpyaṃte ye narā vaiṣṇavā bhuvi | vimuktāḥ sarvapāpebhyo meghebhya iva caṃdramāḥ
Sanskrit only: no published translation is held for this verse.
आर्द्रशुष्कं लघुस्थूलं वाङ्मनः कर्मभिः कृतम् । तत्सर्वं नाशमायाति वैष्णवानां च दर्शनात्
ārdraśuṣkaṃ laghusthūlaṃ vāṅmanaḥ karmabhiḥ kṛtam | tatsarvaṃ nāśamāyāti vaiṣṇavānāṃ ca darśanāt
Sanskrit only: no published translation is held for this verse.
हिंसादिकं च यत्पापं ज्ञानाज्ञानं कृतं च यत् । तत्सर्वं नाशमायाति दर्शनाद्वैष्णवस्य च
hiṃsādikaṃ ca yatpāpaṃ jñānājñānaṃ kṛtaṃ ca yat | tatsarvaṃ nāśamāyāti darśanādvaiṣṇavasya ca
Sanskrit only: no published translation is held for this verse.
निःपापास्त्रिदिवं यांति पापिष्ठा यांति शुद्धिताम् । दर्शनादेव साधूनां सत्यं तुभ्यं मयोदितम्
niḥpāpāstridivaṃ yāṃti pāpiṣṭhā yāṃti śuddhitām | darśanādeva sādhūnāṃ satyaṃ tubhyaṃ mayoditam
Sanskrit only: no published translation is held for this verse.
संसारकर्दमालेपप्रक्षालनविशारदः । पावनः पावनानां च विष्णुभक्तो न संशयः
saṃsārakardamālepaprakṣālanaviśāradaḥ | pāvanaḥ pāvanānāṃ ca viṣṇubhakto na saṃśayaḥ
Sanskrit only: no published translation is held for this verse.
प्रत्यहं विष्णुभक्ता ये स्मरंति मधुसूदनम् । ते तु विष्णुमया ज्ञेया विष्णुस्तत्र न संशयः
pratyahaṃ viṣṇubhaktā ye smaraṃti madhusūdanam | te tu viṣṇumayā jñeyā viṣṇustatra na saṃśayaḥ
Sanskrit only: no published translation is held for this verse.
कौस्तुभेन विराजंतं वनमालाधरं हरिम् । उल्लसत्कुंडलज्योतिः कपोलवदनश्रिया
kaustubhena virājaṃtaṃ vanamālādharaṃ harim | ullasatkuṃḍalajyotiḥ kapolavadanaśriyā
Sanskrit only: no published translation is held for this verse.
विराजितं किरीटेन वलयांगदनूपुरैः । प्रसन्नवदनांभोजं चतुर्बाहुं श्रियान्वितम्
virājitaṃ kirīṭena valayāṃgadanūpuraiḥ | prasannavadanāṃbhojaṃ caturbāhuṃ śriyānvitam
Sanskrit only: no published translation is held for this verse.
एवं ध्यायंति ये विप्रा विष्णुं चैव तु पार्वति । ते विप्रा विष्णुरूपाश्च वैष्णवास्ते न संशयः
evaṃ dhyāyaṃti ye viprā viṣṇuṃ caiva tu pārvati | te viprā viṣṇurūpāśca vaiṣṇavāste na saṃśayaḥ
Sanskrit only: no published translation is held for this verse.
तेषां दर्शनमात्रेण भक्त्या वा भोजनेन वा । पूजनेन च देवेशि वैकुंठं लभते ध्रुवम्
teṣāṃ darśanamātreṇa bhaktyā vā bhojanena vā | pūjanena ca deveśi vaikuṃṭhaṃ labhate dhruvam
Sanskrit only: no published translation is held for this verse.
इति श्रीपाद्मे महापुराणे पंचपंचाशत्सहस्रसंहितायामुत्तरखंडे शालग्रामशिलापूजनमाहात्म्यंनामैकत्रिंशाधिकशततमोऽध्यायः
iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe śālagrāmaśilāpūjanamāhātmyaṃnāmaikatriṃśādhikaśatatamo'dhyāyaḥ
Sanskrit only: no published translation is held for this verse.