Padma Purāṇa 6.132

समर्थस्वामिना तस्मिन्कर्मयोनिर्वृथा कृता । रुद्रब्रह्मादयो देवा मानवाश्चासुराश्च ये

samarthasvāminā tasminkarmayonirvṛthā kṛtā | rudrabrahmādayo devā mānavāścāsurāśca ye

Sanskrit only: no published translation is held for this verse.

ते सर्वे कर्मबद्धाश्च विचरंति महीतले । कर्माधीनं जगत्सर्वं विष्णुना निर्मितं पुरा

te sarve karmabaddhāśca vicaraṃti mahītale | karmādhīnaṃ jagatsarvaṃ viṣṇunā nirmitaṃ purā

Sanskrit only: no published translation is held for this verse.

तत्कर्मकेशवाधीनं रामनाम्ना विनश्यति । सर्वत्रापि स्थितं तोयं मुक्तिदं तु सितासिते

tatkarmakeśavādhīnaṃ rāmanāmnā vinaśyati | sarvatrāpi sthitaṃ toyaṃ muktidaṃ tu sitāsite

Sanskrit only: no published translation is held for this verse.

एवमाचरतां कर्म मुक्तिदं केशवार्चनम् । इंद्रियाणां सुखार्थाय यः कर्म मनसाचरेत्

evamācaratāṃ karma muktidaṃ keśavārcanam | iṃdriyāṇāṃ sukhārthāya yaḥ karma manasācaret

Sanskrit only: no published translation is held for this verse.

अहं कृतेन मन्येत केवलं देहमेव हि । मनसा संस्मरन्जंतुः प्रायश्चित्तं समाचरेत्

ahaṃ kṛtena manyeta kevalaṃ dehameva hi | manasā saṃsmaranjaṃtuḥ prāyaścittaṃ samācaret

Sanskrit only: no published translation is held for this verse.

स पूर्वकर्मभोक्ता च अग्रे कर्म न वर्द्धते । प्रशंसंति ग्रहान्केचित्केचित्प्रेतपिशाचकान्

sa pūrvakarmabhoktā ca agre karma na varddhate | praśaṃsaṃti grahānkecitkecitpretapiśācakān

Sanskrit only: no published translation is held for this verse.

केचिद्देवान्प्रशंसंति ह्योषधीः केचिदूचिरे । केचिन्मंत्रं च सिद्धिं च केचिद्बुद्धिपराक्रमम्

keciddevānpraśaṃsaṃti hyoṣadhīḥ kecidūcire | kecinmaṃtraṃ ca siddhiṃ ca kecidbuddhiparākramam

Sanskrit only: no published translation is held for this verse.

उद्यमं साहसं धैर्यं केचिन्नीतिं बलं तथा । अहंकर्मप्रशंसाभिः सर्वे कामानुवर्तिनः

udyamaṃ sāhasaṃ dhairyaṃ kecinnītiṃ balaṃ tathā | ahaṃkarmapraśaṃsābhiḥ sarve kāmānuvartinaḥ

Sanskrit only: no published translation is held for this verse.

इति मे निश्चिता बुद्धिः कथ्यते पूर्वसूरिभिः । यदा पुण्यमयो जंतुः पापं किंचिन्नः विद्यते

iti me niścitā buddhiḥ kathyate pūrvasūribhiḥ | yadā puṇyamayo jaṃtuḥ pāpaṃ kiṃcinnaḥ vidyate

Sanskrit only: no published translation is held for this verse.

ज्ञानं हि द्विविधं चैव तदा पुण्यं सुखं भवेत् । पापं पुण्यं समं यस्य तदा कर्मसु विद्यते

jñānaṃ hi dvividhaṃ caiva tadā puṇyaṃ sukhaṃ bhavet | pāpaṃ puṇyaṃ samaṃ yasya tadā karmasu vidyate

Sanskrit only: no published translation is held for this verse.

समं योगं यदा द्वंद्वं तदानंदपदं व्रजेत् । बाह्ये सर्वपरित्यागी मनसा संस्पृही भवेत्

samaṃ yogaṃ yadā dvaṃdvaṃ tadānaṃdapadaṃ vrajet | bāhye sarvaparityāgī manasā saṃspṛhī bhavet

Sanskrit only: no published translation is held for this verse.

तद्वृथाचरितं तस्य तेन तत्पापभोगिनः । बाह्ये करोति कर्माणि मनसा निःस्पृहो भवेत्

tadvṛthācaritaṃ tasya tena tatpāpabhoginaḥ | bāhye karoti karmāṇi manasā niḥspṛho bhavet

Sanskrit only: no published translation is held for this verse.

त्यागोऽसौ मध्यमो ज्ञेयो न तु पूर्णफलं लभेत् । बाह्यमध्ये परित्यज्य बुद्ध्या शून्यावलंबनम्

tyāgo'sau madhyamo jñeyo na tu pūrṇaphalaṃ labhet | bāhyamadhye parityajya buddhyā śūnyāvalaṃbanam

Sanskrit only: no published translation is held for this verse.

त्यागः स उत्तमो ज्ञेयो योगिनामपि दुर्ल्लभः । क्रोधात्सर्वं त्यजंत्येके केचिद्वादप्रभावतः

tyāgaḥ sa uttamo jñeyo yogināmapi durllabhaḥ | krodhātsarvaṃ tyajaṃtyeke kecidvādaprabhāvataḥ

Sanskrit only: no published translation is held for this verse.

कष्टात्सर्वं त्यजंत्येके त्यागाः सर्वेनुमध्यमाः । सुबुद्ध्या श्रद्धया युक्तो न क्रोधादिवशंगतः

kaṣṭātsarvaṃ tyajaṃtyeke tyāgāḥ sarvenumadhyamāḥ | subuddhyā śraddhayā yukto na krodhādivaśaṃgataḥ

Sanskrit only: no published translation is held for this verse.

कर्मणां ह्यवलिप्तोऽपि सुगतिं याति मानवः । शुचीनां श्रीमतां गेहे धीमतां योगिनामपि

karmaṇāṃ hyavalipto'pi sugatiṃ yāti mānavaḥ | śucīnāṃ śrīmatāṃ gehe dhīmatāṃ yogināmapi

Sanskrit only: no published translation is held for this verse.

योगाद्भ्रष्टस्तु जायेत कुले वै द्विजपूर्वके । स्वल्पेनैव तु कालेन पूर्णं योगं च विंदति

yogādbhraṣṭastu jāyeta kule vai dvijapūrvake | svalpenaiva tu kālena pūrṇaṃ yogaṃ ca viṃdati

Sanskrit only: no published translation is held for this verse.

चिदानंदपदं गच्छेद्योगभक्तिप्रसादतः । पंकेनैव यथा पंकं रुधिरं रुधिरेण वै

cidānaṃdapadaṃ gacchedyogabhaktiprasādataḥ | paṃkenaiva yathā paṃkaṃ rudhiraṃ rudhireṇa vai

Sanskrit only: no published translation is held for this verse.

हिंसया कर्मणा कर्म कथं क्षालयितुं क्षमः । हिंसाकर्ममयोयज्ञः कथं कर्मक्षये क्षमः

hiṃsayā karmaṇā karma kathaṃ kṣālayituṃ kṣamaḥ | hiṃsākarmamayoyajñaḥ kathaṃ karmakṣaye kṣamaḥ

Sanskrit only: no published translation is held for this verse.

स्वर्गकामकृता यज्ञा स्वर्गे ते चाल्पसौख्यदाः । अनित्यानि तु सौख्यानि भवंति च बहून्यपि

svargakāmakṛtā yajñā svarge te cālpasaukhyadāḥ | anityāni tu saukhyāni bhavaṃti ca bahūnyapi

Sanskrit only: no published translation is held for this verse.

नित्यं सौख्यं न तेष्वस्ति विना भक्त्या हरेः क्वचित् । सार्वभौमसुखं राज्यं स्वर्गे चापि तथा सुखम्

nityaṃ saukhyaṃ na teṣvasti vinā bhaktyā hareḥ kvacit | sārvabhaumasukhaṃ rājyaṃ svarge cāpi tathā sukham

Sanskrit only: no published translation is held for this verse.

अन्यत्किंचिन्न वांछामि गर्भवासाद्बिभेम्यहम् । ग्रावा वै भिद्यते लोहैर्माणिक्यं नैव भिद्यते

anyatkiṃcinna vāṃchāmi garbhavāsādbibhemyaham | grāvā vai bhidyate lohairmāṇikyaṃ naiva bhidyate

Sanskrit only: no published translation is held for this verse.

नानाकाममयी बुद्ध्या विष्णुभक्तिर्न भिद्यते । बको जलचरान्भुंक्ते मंडूकादींश्च वर्जयेत्

nānākāmamayī buddhyā viṣṇubhaktirna bhidyate | bako jalacarānbhuṃkte maṃḍūkādīṃśca varjayet

Sanskrit only: no published translation is held for this verse.

तथा यमः सर्वहंता वर्जयेत्कृष्णसेवकान् । यो रक्षति स हर्ता च स वै पालक उच्यते

tathā yamaḥ sarvahaṃtā varjayetkṛṣṇasevakān | yo rakṣati sa hartā ca sa vai pālaka ucyate

Sanskrit only: no published translation is held for this verse.

अपराधशतैर्युक्तं स्वं स्थाने यत्र वासिता । यथा कृतापराधस्य कृष्णस्तस्य कृपाकरः

aparādhaśatairyuktaṃ svaṃ sthāne yatra vāsitā | yathā kṛtāparādhasya kṛṣṇastasya kṛpākaraḥ

Sanskrit only: no published translation is held for this verse.

फलं च लभते वाद्य रक्षकः किं करोति चेत् । एवमात्मा च देहेस्मिन्परवश्यकृपाकरः

phalaṃ ca labhate vādya rakṣakaḥ kiṃ karoti cet | evamātmā ca dehesminparavaśyakṛpākaraḥ

Sanskrit only: no published translation is held for this verse.

प्राप्तो न पारः शनकैर्मल्लैर्युक्ता न वापि ता । व्याधस्य मुक्तिदाता च कुब्जका तारिता स्वयम्

prāpto na pāraḥ śanakairmallairyuktā na vāpi tā | vyādhasya muktidātā ca kubjakā tāritā svayam

Sanskrit only: no published translation is held for this verse.

ब्रह्माद्यैर्दुर्लभः स्वप्ने सुलभो गोपमंदिरे । गोपोच्छिष्टं यदा भुक्तं तदा ते तारिताः स्वयम् 6.132.१५०। योगिभिर्गीयते नित्यं परमात्मा जनार्दनः । अव्ययः पुरुषः श्रीमान्दृष्ट्वा तैर्देवि विस्मये

brahmādyairdurlabhaḥ svapne sulabho gopamaṃdire | gopocchiṣṭaṃ yadā bhuktaṃ tadā te tāritāḥ svayam 6.132.150| yogibhirgīyate nityaṃ paramātmā janārdanaḥ | avyayaḥ puruṣaḥ śrīmāndṛṣṭvā tairdevi vismaye

Sanskrit only: no published translation is held for this verse.

एतत्स्मरणकं दिव्यं ये पठंति दिने दिने । सर्वपापविनिर्मुक्ता यांति विष्णोः सनातनम्

etatsmaraṇakaṃ divyaṃ ye paṭhaṃti dine dine | sarvapāpavinirmuktā yāṃti viṣṇoḥ sanātanam

Sanskrit only: no published translation is held for this verse.

अनया भावबुद्ध्या च पठनं विष्णुसन्निधौ । इहलोके सुखं भुक्त्वा परं पदमवाप्नुयात्

anayā bhāvabuddhyā ca paṭhanaṃ viṣṇusannidhau | ihaloke sukhaṃ bhuktvā paraṃ padamavāpnuyāt

Sanskrit only: no published translation is held for this verse.