Library·Padma Purāṇa·6·6.135
श्रीमहादेव उवाच। साभ्रमत्यास्तु माहात्म्यं वक्ष्ये देवि यथातथम् । कश्यपो वै मुनिश्रेष्ठस्तपो वै तप्तवान्महत्
śrīmahādeva uvāca| sābhramatyāstu māhātmyaṃ vakṣye devi yathātatham | kaśyapo vai muniśreṣṭhastapo vai taptavānmahat
Sanskrit only: no published translation is held for this verse.
अनेकवर्षपर्यंतं तेन तप्तं महत्तपः । अर्बुदे पर्वते रम्ये नानाद्रुमसमाकुले
anekavarṣaparyaṃtaṃ tena taptaṃ mahattapaḥ | arbude parvate ramye nānādrumasamākule
Sanskrit only: no published translation is held for this verse.
तत्र गत्वा तपस्तप्तं ऋषिणा कश्यपेन वै । सरस्वती यत्र रम्या पवित्रा पापनाशिनी
tatra gatvā tapastaptaṃ ṛṣiṇā kaśyapena vai | sarasvatī yatra ramyā pavitrā pāpanāśinī
Sanskrit only: no published translation is held for this verse.
एकस्मिन्दिवसे देवि गतोऽसौ नैमिषं प्रति । तदा ते ऋषयः सर्वे कथां चक्रुरनेकशः
ekasmindivase devi gato'sau naimiṣaṃ prati | tadā te ṛṣayaḥ sarve kathāṃ cakruranekaśaḥ
Sanskrit only: no published translation is held for this verse.
तदा तैस्तु द्विजैः सम्यक्पृष्टोऽसौ कश्यपो मुनिः । अहो कश्यप नः प्रीत्यै गंगेहानीयतां प्रभो
tadā taistu dvijaiḥ samyakpṛṣṭo'sau kaśyapo muniḥ | aho kaśyapa naḥ prītyai gaṃgehānīyatāṃ prabho
Sanskrit only: no published translation is held for this verse.
भवन्नाम्ना तु सा गंगा भविष्यति सरिद्वरा । तेषां वाक्यमुपाकर्ण्य नमस्कृत्य द्विजांश्च तान्
bhavannāmnā tu sā gaṃgā bhaviṣyati saridvarā | teṣāṃ vākyamupākarṇya namaskṛtya dvijāṃśca tān
Sanskrit only: no published translation is held for this verse.
आगतो ह्यर्बुदारण्ये सरस्वतीतीरसंनिधौ । तत्र तप्तं तदा तेन तपः परमदुष्करम्
āgato hyarbudāraṇye sarasvatītīrasaṃnidhau | tatra taptaṃ tadā tena tapaḥ paramaduṣkaram
Sanskrit only: no published translation is held for this verse.
आराधितो ह्यहं तेन कश्यपेन द्विजेन वै । प्रत्यक्षोऽहं तदा जातस्तस्य द्विजवरस्य च
ārādhito hyahaṃ tena kaśyapena dvijena vai | pratyakṣo'haṃ tadā jātastasya dvijavarasya ca
Sanskrit only: no published translation is held for this verse.
वरं वरय भद्रं ते यत्ते मनसि वर्त्तते
varaṃ varaya bhadraṃ te yatte manasi varttate
Sanskrit only: no published translation is held for this verse.
कश्यप उवाच। वरं दातुं समर्थोऽसि देवदेव जगत्पते । शिरःस्थिता या गंगेयं पवित्रा पापहारिणी
kaśyapa uvāca| varaṃ dātuṃ samartho'si devadeva jagatpate | śiraḥsthitā yā gaṃgeyaṃ pavitrā pāpahāriṇī
Sanskrit only: no published translation is held for this verse.
मम देया विशेषेण महादेव नमोस्तुते । तदा देवि मयोक्तं च गृह्णीष्व त्वं द्विजोत्तम
mama deyā viśeṣeṇa mahādeva namostute | tadā devi mayoktaṃ ca gṛhṇīṣva tvaṃ dvijottama
Sanskrit only: no published translation is held for this verse.
जटामेकां परित्यज्य दत्ता गंगा तदा मया । तां गृहीत्वा द्विजश्रेष्ठः स्वस्थानं हर्षतो ययौ
jaṭāmekāṃ parityajya dattā gaṃgā tadā mayā | tāṃ gṛhītvā dvijaśreṣṭhaḥ svasthānaṃ harṣato yayau
Sanskrit only: no published translation is held for this verse.
केशरन्ध्रं नाम तीर्थं वासो वै कश्यपस्य च । गतस्तत्र तु देवेशि मुनिभिः परिवारितः
keśarandhraṃ nāma tīrthaṃ vāso vai kaśyapasya ca | gatastatra tu deveśi munibhiḥ parivāritaḥ
Sanskrit only: no published translation is held for this verse.
कश्यपेन समानीता काश्यपी सा सरिद्वरा । यस्या दर्शनमात्रेण ब्रह्महा मुच्यते किल
kaśyapena samānītā kāśyapī sā saridvarā | yasyā darśanamātreṇa brahmahā mucyate kila
Sanskrit only: no published translation is held for this verse.
पार्वत्युवाच। स्नानमात्रेण किं पुण्यं तत्र तीर्थे वदस्व मे । विश्वनाथ कृपालुस्त्वं दयां कुरु ममोपरि
pārvatyuvāca| snānamātreṇa kiṃ puṇyaṃ tatra tīrthe vadasva me | viśvanātha kṛpālustvaṃ dayāṃ kuru mamopari
Sanskrit only: no published translation is held for this verse.
दर्शने किं भवेत्पुण्यं स्नाने किं वद देवराट् । महिमा कीदृशो ब्रह्मन्सर्वं त्वं वक्तुमर्हसि
darśane kiṃ bhavetpuṇyaṃ snāne kiṃ vada devarāṭ | mahimā kīdṛśo brahmansarvaṃ tvaṃ vaktumarhasi
Sanskrit only: no published translation is held for this verse.
महादेव उवाच। मया श्रुतान्यनेकानि तीर्थान्यायतनानि च । श्रीविष्णोश्च प्रसादाच्च नद्यः सागरगाः प्रभोः
mahādeva uvāca| mayā śrutānyanekāni tīrthānyāyatanāni ca | śrīviṣṇośca prasādācca nadyaḥ sāgaragāḥ prabhoḥ
Sanskrit only: no published translation is held for this verse.
गंगा च यमुना रेवा तापी चैव महानदी । गोदावरी तुंगभद्रा कौशिकी गल्लिका तथा
gaṃgā ca yamunā revā tāpī caiva mahānadī | godāvarī tuṃgabhadrā kauśikī gallikā tathā
Sanskrit only: no published translation is held for this verse.
कावेरी वेदिका भद्रा सरयूः पापहारिणी । अन्याश्च विविधा नद्यः सर्वपापहरा भुवि
kāverī vedikā bhadrā sarayūḥ pāpahāriṇī | anyāśca vividhā nadyaḥ sarvapāpaharā bhuvi
Sanskrit only: no published translation is held for this verse.
प्रयागस्तीर्थराजश्च काशी पुष्कर एव च । नैमिषारण्यसंज्ञं तु तीर्थं चामरकंटकम्
prayāgastīrtharājaśca kāśī puṣkara eva ca | naimiṣāraṇyasaṃjñaṃ tu tīrthaṃ cāmarakaṃṭakam
Sanskrit only: no published translation is held for this verse.
उत्तमं द्वारकाक्षेत्रमर्बुदारण्यमुत्तमम् । एवंविधानि दिव्यानि क्षेत्राणि विविधानि च
uttamaṃ dvārakākṣetramarbudāraṇyamuttamam | evaṃvidhāni divyāni kṣetrāṇi vividhāni ca
Sanskrit only: no published translation is held for this verse.
श्रुतानि तत्र देवेशि माया विष्णोः प्रसादतः । पूर्वं भगीरथेनैव याचितोऽहं तु पार्वति
śrutāni tatra deveśi māyā viṣṇoḥ prasādataḥ | pūrvaṃ bhagīrathenaiva yācito'haṃ tu pārvati
Sanskrit only: no published translation is held for this verse.
तदा दत्ता इयं गंगा विष्णोर्लोकमभीप्सुना । कश्यपाय पुनर्दत्ता ऋषीणां वचनान्मया
tadā dattā iyaṃ gaṃgā viṣṇorlokamabhīpsunā | kaśyapāya punardattā ṛṣīṇāṃ vacanānmayā
Sanskrit only: no published translation is held for this verse.
इयं वै काश्यपी गंगा रोगदोषहरा सदा । इयं या कथ्यते लोके युगे वै नामपूर्वकम्
iyaṃ vai kāśyapī gaṃgā rogadoṣaharā sadā | iyaṃ yā kathyate loke yuge vai nāmapūrvakam
Sanskrit only: no published translation is held for this verse.
तदहं कथयिष्यामि शृणु सुंदरि तत्वतः । कृते कृतवती नाम त्रेतायां गिरिकर्णिका
tadahaṃ kathayiṣyāmi śṛṇu suṃdari tatvataḥ | kṛte kṛtavatī nāma tretāyāṃ girikarṇikā
Sanskrit only: no published translation is held for this verse.
द्वापरे चंदना नाम कलौ साभ्रमती स्मृता । दिनेदिने विशेषेण स्नानार्थं तु नराश्च ये
dvāpare caṃdanā nāma kalau sābhramatī smṛtā | dinedine viśeṣeṇa snānārthaṃ tu narāśca ye
Sanskrit only: no published translation is held for this verse.
सर्वपापविनिर्मुक्ता यांति विष्णोः सनातनम् । प्लक्षावतरणे तीर्थे सरस्वत्यां तथेश्वरि
sarvapāpavinirmuktā yāṃti viṣṇoḥ sanātanam | plakṣāvataraṇe tīrthe sarasvatyāṃ tatheśvari
Sanskrit only: no published translation is held for this verse.
केदारे च कुरुक्षेत्रे यत्फलं स्नानतो भवेत् । तत्फलं तु नृणां नूनं साभ्रमत्या दिने दिने
kedāre ca kurukṣetre yatphalaṃ snānato bhavet | tatphalaṃ tu nṛṇāṃ nūnaṃ sābhramatyā dine dine
Sanskrit only: no published translation is held for this verse.
भवतीति न संदेहो व्यासस्य वचनं यथा । नभस्येपरपक्षे तु प्रत्यहं वा सुरेश्वरि
bhavatīti na saṃdeho vyāsasya vacanaṃ yathā | nabhasyeparapakṣe tu pratyahaṃ vā sureśvari
Sanskrit only: no published translation is held for this verse.
अमावास्यादिने सम्यक्श्राद्धदाने च यत्फलम् । नरस्तत्फलमाप्नोति साभ्रमत्यावगाहनात्
amāvāsyādine samyakśrāddhadāne ca yatphalam | narastatphalamāpnoti sābhramatyāvagāhanāt
Sanskrit only: no published translation is held for this verse.
कार्तिक्यां कृत्तिकायोगे श्रीस्थले माधवाग्रतः । तत्फलं लभते मर्त्यो साभ्रमत्यावगाहनात्
kārtikyāṃ kṛttikāyoge śrīsthale mādhavāgrataḥ | tatphalaṃ labhate martyo sābhramatyāvagāhanāt
Sanskrit only: no published translation is held for this verse.
एषा श्रेष्ठतमा देवि सर्वलोकेषु पावनी । इयं धन्यतमा देवि पवित्रा ह्यघनाशिनी
eṣā śreṣṭhatamā devi sarvalokeṣu pāvanī | iyaṃ dhanyatamā devi pavitrā hyaghanāśinī
Sanskrit only: no published translation is held for this verse.
यस्यां वै साभ्रमत्यां च एते तिष्ठंति नित्यशः । पूर्वं संबंधिनो ये च उत्तरे ये तथा पुनः
yasyāṃ vai sābhramatyāṃ ca ete tiṣṭhaṃti nityaśaḥ | pūrvaṃ saṃbaṃdhino ye ca uttare ye tathā punaḥ
Sanskrit only: no published translation is held for this verse.
पाश्चात्या दाक्षिणात्याश्च सर्वे यांति च नित्यशः । तीर्थयात्रामिषेणैव खेटके ब्रह्मसन्निधौ
pāścātyā dākṣiṇātyāśca sarve yāṃti ca nityaśaḥ | tīrthayātrāmiṣeṇaiva kheṭake brahmasannidhau
Sanskrit only: no published translation is held for this verse.
आयांति सर्वदा देवि कार्तिक्यां च न संशयः । तत्र श्राद्धं प्रकुर्वंति तथा वै विप्रभोजनम्
āyāṃti sarvadā devi kārtikyāṃ ca na saṃśayaḥ | tatra śrāddhaṃ prakurvaṃti tathā vai viprabhojanam
Sanskrit only: no published translation is held for this verse.
नाना धर्मान्प्रकुर्वंति नानायज्ञांश्च नित्यशः । विविधानि च दानानि प्रकुर्वंति जनाः सदा
nānā dharmānprakurvaṃti nānāyajñāṃśca nityaśaḥ | vividhāni ca dānāni prakurvaṃti janāḥ sadā
Sanskrit only: no published translation is held for this verse.
चतुर्युगेषु सर्वेषु नात्र कार्या विचारणा । यवक्रीतोऽथ रैभ्यश्च काक्षीवानुशिजस्तथा
caturyugeṣu sarveṣu nātra kāryā vicāraṇā | yavakrīto'tha raibhyaśca kākṣīvānuśijastathā
Sanskrit only: no published translation is held for this verse.
भृग्वंगिरास्तथा कण्वो मेधावी च पुनर्वसुः । बंदी च गुणसंपन्नः प्राच्यां दिशि उपश्रिताः
bhṛgvaṃgirāstathā kaṇvo medhāvī ca punarvasuḥ | baṃdī ca guṇasaṃpannaḥ prācyāṃ diśi upaśritāḥ
Sanskrit only: no published translation is held for this verse.
उदीच्यां ये महाभागा मधुमत्प्रमुखास्तथा । सुबंधुश्च महाभागो दत्तात्रेयश्च वीर्यवान्
udīcyāṃ ye mahābhāgā madhumatpramukhāstathā | subaṃdhuśca mahābhāgo dattātreyaśca vīryavān
Sanskrit only: no published translation is held for this verse.
शिखी दीर्घतमाश्चैव गौतमः कश्यपस्तथा । श्वेतकेतुः कहोडश्च पुलहो देवलस्तथा
śikhī dīrghatamāścaiva gautamaḥ kaśyapastathā | śvetaketuḥ kahoḍaśca pulaho devalastathā
Sanskrit only: no published translation is held for this verse.
विश्वामित्र भरद्वाजौ जमदग्निश्च वीर्यवान् । ऋचीकपुत्रो गर्गश्च ऋषिरुद्दालकस्तथा
viśvāmitra bharadvājau jamadagniśca vīryavān | ṛcīkaputro gargaśca ṛṣiruddālakastathā
Sanskrit only: no published translation is held for this verse.
देवशर्माऽथ धौम्यश्च आस्तीकः कश्यपस्तथा । लोमशो नाभिकेतुश्च लोमहर्षण एव च
devaśarmā'tha dhaumyaśca āstīkaḥ kaśyapastathā | lomaśo nābhiketuśca lomaharṣaṇa eva ca
Sanskrit only: no published translation is held for this verse.
ऋषिरुग्रश्रवाश्चैव भार्गवश्च्यवनस्तथा । वालखिल्यादयो ये च सर्वे गच्छंति तत्र वै
ṛṣirugraśravāścaiva bhārgavaścyavanastathā | vālakhilyādayo ye ca sarve gacchaṃti tatra vai
Sanskrit only: no published translation is held for this verse.
कृतस्नाना निराहाराः सदा विष्णुपरायणाः । शंखचक्रगदाधरास्तटे तिष्ठंति नित्यशः
kṛtasnānā nirāhārāḥ sadā viṣṇuparāyaṇāḥ | śaṃkhacakragadādharāstaṭe tiṣṭhaṃti nityaśaḥ
Sanskrit only: no published translation is held for this verse.
पितृतीर्थं गयानाम सर्वतीर्थवरं शुभम् । यत्रास्ते देवदेवेशः स्वयमेव पितामहः
pitṛtīrthaṃ gayānāma sarvatīrthavaraṃ śubham | yatrāste devadeveśaḥ svayameva pitāmahaḥ
Sanskrit only: no published translation is held for this verse.
गीतायाः पितृभिर्गाथा श्राद्धभागमपीप्सुभिः । एष्टव्या बहवः पुत्रा यद्येकोऽपि गयां व्रजेत्
gītāyāḥ pitṛbhirgāthā śrāddhabhāgamapīpsubhiḥ | eṣṭavyā bahavaḥ putrā yadyeko'pi gayāṃ vrajet
Sanskrit only: no published translation is held for this verse.
यजेत वाश्वमेधेन नीलं वा वृषमुत्सृजेत् । तथा वाराणसी पुण्या पितॄणां वल्लभा सदा
yajeta vāśvamedhena nīlaṃ vā vṛṣamutsṛjet | tathā vārāṇasī puṇyā pitṝṇāṃ vallabhā sadā
Sanskrit only: no published translation is held for this verse.
या चैव मम सांनिध्याद्भुक्तिमुक्तिफलप्रदा । ममाज्ञया तु देवेशो बिंदुमाधवसंज्ञकः
yā caiva mama sāṃnidhyādbhuktimuktiphalapradā | mamājñayā tu deveśo biṃdumādhavasaṃjñakaḥ
Sanskrit only: no published translation is held for this verse.
नित्यं तिष्ठति देवेशि वाराणस्यां विशेषतः । अतो धन्यतमा श्रेष्ठा पुरीयं मम सर्वदा
nityaṃ tiṣṭhati deveśi vārāṇasyāṃ viśeṣataḥ | ato dhanyatamā śreṣṭhā purīyaṃ mama sarvadā
Sanskrit only: no published translation is held for this verse.
पितॄणां वल्लभं तीर्थं पुण्यं वै विमलेश्वरम् । पितृतीर्थं प्रयागं च सर्वतीर्थसमन्वितम् 6.135.५०। साभ्रमत्युदके देवि आयांति वचनान्मम । वटेश्वरश्च भगवान्माधवेन समन्वितः
pitṝṇāṃ vallabhaṃ tīrthaṃ puṇyaṃ vai vimaleśvaram | pitṛtīrthaṃ prayāgaṃ ca sarvatīrthasamanvitam 6.135.50| sābhramatyudake devi āyāṃti vacanānmama | vaṭeśvaraśca bhagavānmādhavena samanvitaḥ
Sanskrit only: no published translation is held for this verse.
दशाश्वमेधकं पुण्यं गंगाद्वारं तथैव च । मन्नियोगाच्च देवेशि साभ्रमत्यां वसंति हि
daśāśvamedhakaṃ puṇyaṃ gaṃgādvāraṃ tathaiva ca | manniyogācca deveśi sābhramatyāṃ vasaṃti hi
Sanskrit only: no published translation is held for this verse.
नदाथ ललितादेवी तीर्थं यत्सप्तधारकम् । तथा मित्रपदं नाम केदारं शंकरालयम्
nadātha lalitādevī tīrthaṃ yatsaptadhārakam | tathā mitrapadaṃ nāma kedāraṃ śaṃkarālayam
Sanskrit only: no published translation is held for this verse.
गंगासागरमित्याहुः सर्वतीर्थमयं शुभम् । तीर्थं ब्रह्मसरस्तद्वच्छतद्रु सलिले ह्रदे
gaṃgāsāgaramityāhuḥ sarvatīrthamayaṃ śubham | tīrthaṃ brahmasarastadvacchatadru salile hrade
Sanskrit only: no published translation is held for this verse.
तीर्थं तु नैमिषं नाम आज्ञया मम सर्वदा । साभ्रमत्युदके देवि निवसंति न संशयः
tīrthaṃ tu naimiṣaṃ nāma ājñayā mama sarvadā | sābhramatyudake devi nivasaṃti na saṃśayaḥ
Sanskrit only: no published translation is held for this verse.
श्वेता वल्कलिनी पुण्या ततः श्वेता हिरण्मयी । हस्तिमत्यथवार्त्तघ्नी नदी सागरगामिनी
śvetā valkalinī puṇyā tataḥ śvetā hiraṇmayī | hastimatyathavārttaghnī nadī sāgaragāminī
Sanskrit only: no published translation is held for this verse.
पितॄणां वल्लभा ह्येताः श्राद्धकोटिफलप्रदः । तत्र श्राद्धानि देयानि पुत्रैः पितृहिताय वै
pitṝṇāṃ vallabhā hyetāḥ śrāddhakoṭiphalapradaḥ | tatra śrāddhāni deyāni putraiḥ pitṛhitāya vai
Sanskrit only: no published translation is held for this verse.
पाटलं वाडवाख्यं च नगरं तत्र सुंदरि । साभ्रमत्यां सदा एताः प्राप्ता नद्यो विशेषतः
pāṭalaṃ vāḍavākhyaṃ ca nagaraṃ tatra suṃdari | sābhramatyāṃ sadā etāḥ prāptā nadyo viśeṣataḥ
Sanskrit only: no published translation is held for this verse.
तत्र स्नानं च दानं च ये कुर्वंति नरा भुवि । इहलोके सुखं भुक्त्वा यांति विष्णोः सनातनम्
tatra snānaṃ ca dānaṃ ca ye kurvaṃti narā bhuvi | ihaloke sukhaṃ bhuktvā yāṃti viṣṇoḥ sanātanam
Sanskrit only: no published translation is held for this verse.
जंबूद्वीपं महापुण्यं यत्र पुण्यं विवर्द्धते । तत्रार्याख्यं महापुण्यं सर्वकामफलप्रदम्
jaṃbūdvīpaṃ mahāpuṇyaṃ yatra puṇyaṃ vivarddhate | tatrāryākhyaṃ mahāpuṇyaṃ sarvakāmaphalapradam
Sanskrit only: no published translation is held for this verse.
नीलकंठमिति ख्यातं तीर्थं नंदह्रदस्तथा । तथा रुद्रह्रदस्तीर्थं पुण्यं रुद्र महालयम्
nīlakaṃṭhamiti khyātaṃ tīrthaṃ naṃdahradastathā | tathā rudrahradastīrthaṃ puṇyaṃ rudra mahālayam
Sanskrit only: no published translation is held for this verse.
मंदाकिनी महापुण्या तथाच्छोदा महानदी । साभ्रमत्यां वहंत्येते स्वात्मना दर्शनीकृते
maṃdākinī mahāpuṇyā tathācchodā mahānadī | sābhramatyāṃ vahaṃtyete svātmanā darśanīkṛte
Sanskrit only: no published translation is held for this verse.
धूम्रा मित्रपदं तद्वद्वैजनाथं दृषद्वरम् । क्षिप्रा नदी महाकालं तथा कालिंजरो गिरिः
dhūmrā mitrapadaṃ tadvadvaijanāthaṃ dṛṣadvaram | kṣiprā nadī mahākālaṃ tathā kāliṃjaro giriḥ
Sanskrit only: no published translation is held for this verse.
गंगोद्भूतं हरोद्भेदं नर्मदाकारमेव च । गंगापिंडप्रदानेन समान्याहुर्मनीषिणः
gaṃgodbhūtaṃ harodbhedaṃ narmadākārameva ca | gaṃgāpiṃḍapradānena samānyāhurmanīṣiṇaḥ
Sanskrit only: no published translation is held for this verse.
एतानि ब्रह्मतीर्थानि साभ्रमत्युत्तरे तटे । गुप्तीकृतानि देवेशि देवैर्ब्रह्मपुरोगमैः
etāni brahmatīrthāni sābhramatyuttare taṭe | guptīkṛtāni deveśi devairbrahmapurogamaiḥ
Sanskrit only: no published translation is held for this verse.
स्मरणादपि लोकानां पापघ्नानि महेश्वरि । किं पुनः श्राद्धदातॄणां मानवानां सुरेश्वरि
smaraṇādapi lokānāṃ pāpaghnāni maheśvari | kiṃ punaḥ śrāddhadātṝṇāṃ mānavānāṃ sureśvari
Sanskrit only: no published translation is held for this verse.
ॐकारं पितृतीर्थं च कावेरी कपिलोदकम् । संभेदश्चंडवेगायास्तथैवामरकंटकम्
oṃkāraṃ pitṛtīrthaṃ ca kāverī kapilodakam | saṃbhedaścaṃḍavegāyāstathaivāmarakaṃṭakam
Sanskrit only: no published translation is held for this verse.
कुरुक्षेत्राच्छतगुणमस्मिन्स्नानादिकं भवेत् । वार्तघ्नीसंगमे देवि गणेश्वरपुरःसरम्
kurukṣetrācchataguṇamasminsnānādikaṃ bhavet | vārtaghnīsaṃgame devi gaṇeśvarapuraḥsaram
Sanskrit only: no published translation is held for this verse.
साभ्रमत्यां पुरा नीतं गणैस्तीर्थकदंकबम् । एष तूद्देशतः प्रोक्तस्तीर्थानां संगमो मया
sābhramatyāṃ purā nītaṃ gaṇaistīrthakadaṃkabam | eṣa tūddeśataḥ proktastīrthānāṃ saṃgamo mayā
Sanskrit only: no published translation is held for this verse.
वागीशापि न शक्नोति तीर्थानां तत्वविस्तरम् । सत्यं तीर्थं दयातीर्थं तीर्थमिंद्रियविग्रहः
vāgīśāpi na śaknoti tīrthānāṃ tatvavistaram | satyaṃ tīrthaṃ dayātīrthaṃ tīrthamiṃdriyavigrahaḥ
Sanskrit only: no published translation is held for this verse.
तस्यास्तीर्थे प्रयत्नेन स्नानं कुर्यान्न संशयः । प्रातःकालो मुहूर्तांस्त्रीन्संगवस्तावदेव तु
tasyāstīrthe prayatnena snānaṃ kuryānna saṃśayaḥ | prātaḥkālo muhūrtāṃstrīnsaṃgavastāvadeva tu
Sanskrit only: no published translation is held for this verse.
तदा स्नानादिकं तीर्थे देवानां प्रीतिदायकम् । मध्याह्नस्त्रिमुहूर्तः स्यादपराह्णस्ततः परम्
tadā snānādikaṃ tīrthe devānāṃ prītidāyakam | madhyāhnastrimuhūrtaḥ syādaparāhṇastataḥ param
Sanskrit only: no published translation is held for this verse.
पितॄणां प्रीतिजननं स्नानपिंडादि तर्पणम् । सायाह्नस्त्रिमुहूर्तः स्याच्छ्राद्धं तत्र न कारयेत्
pitṝṇāṃ prītijananaṃ snānapiṃḍādi tarpaṇam | sāyāhnastrimuhūrtaḥ syācchrāddhaṃ tatra na kārayet
Sanskrit only: no published translation is held for this verse.
राक्षसी नाम सा वेला गर्हिता सर्वकर्मसु । अह्नो मुहूर्ता विख्याता दशपंच च सर्वदा
rākṣasī nāma sā velā garhitā sarvakarmasu | ahno muhūrtā vikhyātā daśapaṃca ca sarvadā
Sanskrit only: no published translation is held for this verse.
तत्राष्टमो मुहूर्तो यः स कालः कुतुपः स्मृतः । मध्याह्ने सर्वदा यस्मान्मंदी भवति भास्करः
tatrāṣṭamo muhūrto yaḥ sa kālaḥ kutupaḥ smṛtaḥ | madhyāhne sarvadā yasmānmaṃdī bhavati bhāskaraḥ
Sanskrit only: no published translation is held for this verse.
तस्मादनंतफलदः पितॄणां पिंडदानतः । मध्याह्नः खङ्गपात्रं च तथा नेपालकंबलः
tasmādanaṃtaphaladaḥ pitṝṇāṃ piṃḍadānataḥ | madhyāhnaḥ khaṅgapātraṃ ca tathā nepālakaṃbalaḥ
Sanskrit only: no published translation is held for this verse.
रूप्यं दर्भास्तथा गावो दौहित्रं कुतपास्तिलाः । पापं कुत्सितमित्याहुस्तस्य संतापकारकाः
rūpyaṃ darbhāstathā gāvo dauhitraṃ kutapāstilāḥ | pāpaṃ kutsitamityāhustasya saṃtāpakārakāḥ
Sanskrit only: no published translation is held for this verse.
अष्टावेते यतस्तस्मात्कुतपा इति विश्रुताः । ऊर्द्ध्वं मुहूर्तात्कुतुपात्यन्मुहूर्त चतुष्टयम्
aṣṭāvete yatastasmātkutapā iti viśrutāḥ | ūrddhvaṃ muhūrtātkutupātyanmuhūrta catuṣṭayam
Sanskrit only: no published translation is held for this verse.
महूर्तपंचकं चैतच्छ्राद्धकाले समिष्यते । विष्णोर्देहात्समुद्भूताः कुशाः कृष्णतिलाः स्मृताः
mahūrtapaṃcakaṃ caitacchrāddhakāle samiṣyate | viṣṇordehātsamudbhūtāḥ kuśāḥ kṛṣṇatilāḥ smṛtāḥ
Sanskrit only: no published translation is held for this verse.
श्राद्धस्य रक्षणार्थाय एवमाहुर्दिवौकसः । तिलोदकांजलिर्देयो जलस्थैस्तीर्थवासिभिः
śrāddhasya rakṣaṇārthāya evamāhurdivaukasaḥ | tilodakāṃjalirdeyo jalasthaistīrthavāsibhiḥ
Sanskrit only: no published translation is held for this verse.
सदर्भहस्तैरेकेन श्राद्धमेवं न हिंस्यते । साभ्रमत्यां नामधेयैरिति तीर्थप्रवेशनम्
sadarbhahastairekena śrāddhamevaṃ na hiṃsyate | sābhramatyāṃ nāmadheyairiti tīrthapraveśanam
Sanskrit only: no published translation is held for this verse.
कारयित्वा मया देवि दत्ता वै कश्यपाय च । मम भक्तः कश्यपोसौ वल्लभो मम सर्वदा
kārayitvā mayā devi dattā vai kaśyapāya ca | mama bhaktaḥ kaśyaposau vallabho mama sarvadā
Sanskrit only: no published translation is held for this verse.
दत्ता तस्मादियं गंगा पवित्रा पापनाशिनी । साभ्रमत्यां महाभागे तीर्थे वै ब्रह्मचारिके
dattā tasmādiyaṃ gaṃgā pavitrā pāpanāśinī | sābhramatyāṃ mahābhāge tīrthe vai brahmacārike
Sanskrit only: no published translation is held for this verse.
आत्मानं च प्रतिष्ठाप्य तन्नाम्ना शंकरो ह्यहम् । स्थितो लोकहितार्थाय ब्रह्मचारीश संज्ञकः
ātmānaṃ ca pratiṣṭhāpya tannāmnā śaṃkaro hyaham | sthito lokahitārthāya brahmacārīśa saṃjñakaḥ
Sanskrit only: no published translation is held for this verse.
साभ्रमत्यामुपकंठे ब्रह्मचारीश संज्ञके । कलौ भक्तो विशेषेण पूजनं कुरुते यदा
sābhramatyāmupakaṃṭhe brahmacārīśa saṃjñake | kalau bhakto viśeṣeṇa pūjanaṃ kurute yadā
Sanskrit only: no published translation is held for this verse.
इहलोके सुखं भुक्त्वा याति शैवं पदं महत् । महद्भिर्व्याधिभिश्चैव पीडितो यदि गच्छति
ihaloke sukhaṃ bhuktvā yāti śaivaṃ padaṃ mahat | mahadbhirvyādhibhiścaiva pīḍito yadi gacchati
Sanskrit only: no published translation is held for this verse.
यस्याशु नश्यति व्याधिर्दर्शनाच्च महेश्वरि । गत्वा वै तस्य संस्थाने उपवासी जितेंद्रियः
yasyāśu naśyati vyādhirdarśanācca maheśvari | gatvā vai tasya saṃsthāne upavāsī jiteṃdriyaḥ
Sanskrit only: no published translation is held for this verse.
पूजनं कुरुते भक्त्या रात्रौ तिष्ठन्सुनिश्चलः । तदाहं योगिरूपेण दर्शनं तस्य यामि हि
pūjanaṃ kurute bhaktyā rātrau tiṣṭhansuniścalaḥ | tadāhaṃ yogirūpeṇa darśanaṃ tasya yāmi hi
Sanskrit only: no published translation is held for this verse.
ददामि वांच्छितान्कामान्सत्यं सत्यं वरानने । ममस्थाने विशेषेण समायांति च ये जनाः
dadāmi vāṃcchitānkāmānsatyaṃ satyaṃ varānane | mamasthāne viśeṣeṇa samāyāṃti ca ye janāḥ
Sanskrit only: no published translation is held for this verse.
तेषां व्याधिप्रशमनं करोमि सुचिरादहम् । चतुरशीतिसंज्ञेयो व्याधिः संकथितो मया
teṣāṃ vyādhipraśamanaṃ karomi sucirādaham | caturaśītisaṃjñeyo vyādhiḥ saṃkathito mayā
Sanskrit only: no published translation is held for this verse.
स स व्याधिर्विनश्येत दर्शनादेव सुंदरि । न लिंगं वर्तते तत्र मामकं नगनंदिनि
sa sa vyādhirvinaśyeta darśanādeva suṃdari | na liṃgaṃ vartate tatra māmakaṃ naganaṃdini
Sanskrit only: no published translation is held for this verse.
स्नानमात्रं तु तत्रैव मामकं नात्र संशयः । एकस्मिन्नेव काले तु अस्यां भूमौ महातपाः
snānamātraṃ tu tatraiva māmakaṃ nātra saṃśayaḥ | ekasminneva kāle tu asyāṃ bhūmau mahātapāḥ
Sanskrit only: no published translation is held for this verse.
राजा वै सूर्यवंशीयो ब्रह्मदत्तस्तु वीर्यवान् । तेन राज्ञा तपस्तप्तं बहुकालं सुरेश्वरि
rājā vai sūryavaṃśīyo brahmadattastu vīryavān | tena rājñā tapastaptaṃ bahukālaṃ sureśvari
Sanskrit only: no published translation is held for this verse.
पंचाग्निसाधनं तेन कृतं च बहुधा ततः । मासोपवासकादीनि तपस्तप्तान्यनेकशः
paṃcāgnisādhanaṃ tena kṛtaṃ ca bahudhā tataḥ | māsopavāsakādīni tapastaptānyanekaśaḥ
Sanskrit only: no published translation is held for this verse.
एवं बहुतरं कालं राज्ञा तप्तं तपो महत् । प्रत्यक्षोऽहं तदा जातो वरार्थं वरवर्णिनि
evaṃ bahutaraṃ kālaṃ rājñā taptaṃ tapo mahat | pratyakṣo'haṃ tadā jāto varārthaṃ varavarṇini
Sanskrit only: no published translation is held for this verse.
ब्रह्मदत्त शृणुष्व त्वं महद्वाक्यं नरेश्वर । यं यं वांछयसे नित्यं तं तं दद्मि न संशयः
brahmadatta śṛṇuṣva tvaṃ mahadvākyaṃ nareśvara | yaṃ yaṃ vāṃchayase nityaṃ taṃ taṃ dadmi na saṃśayaḥ
Sanskrit only: no published translation is held for this verse.
तेनोक्तं मम देवेश वांच्छितं यदि दीयते । एक एव वरो देव दीयतां मम सर्वदा
tenoktaṃ mama deveśa vāṃcchitaṃ yadi dīyate | eka eva varo deva dīyatāṃ mama sarvadā
Sanskrit only: no published translation is held for this verse.
मम नाम्ना हि देवेश ईश्वरो भुवि जायताम् । तेन वाक्येन संतुष्टो वरो दत्तो मयाऽनघे
mama nāmnā hi deveśa īśvaro bhuvi jāyatām | tena vākyena saṃtuṣṭo varo datto mayā'naghe
Sanskrit only: no published translation is held for this verse.
तदाहं तेन वै सार्द्धं निवसामि सुरेश्वरि । अत्र स्थित्वा निराहारो भक्तिं कुर्यादशेषतः
tadāhaṃ tena vai sārddhaṃ nivasāmi sureśvari | atra sthitvā nirāhāro bhaktiṃ kuryādaśeṣataḥ
Sanskrit only: no published translation is held for this verse.
ददामि वांछितान्कामान्यावदिंद्राश्चतुर्दश । अत्रागत्य तु ये विप्रा रुद्रजाप्यादिकं च यत् 6.135.१००। प्रकुर्वंति विशेषेण तेषां दद्मि शृणुष्व तत् । स्त्रीसौख्यं पुत्रसौख्यं च लक्ष्मीवृद्धिकरं पुनः
dadāmi vāṃchitānkāmānyāvadiṃdrāścaturdaśa | atrāgatya tu ye viprā rudrajāpyādikaṃ ca yat 6.135.100| prakurvaṃti viśeṣeṇa teṣāṃ dadmi śṛṇuṣva tat | strīsaukhyaṃ putrasaukhyaṃ ca lakṣmīvṛddhikaraṃ punaḥ
Sanskrit only: no published translation is held for this verse.