Padma Purāṇa 6.136

पार्वत्युवाच। साभ्रमत्यपि यान्देशान्नंदिकुंडाद्विनिःसृता । गच्छंती पावयामास कान्कान्देशान्वदस्व मे । चकार कानि तीर्थानि विलंघ्यार्बुदपर्वतम्

pārvatyuvāca| sābhramatyapi yāndeśānnaṃdikuṃḍādviniḥsṛtā | gacchaṃtī pāvayāmāsa kānkāndeśānvadasva me | cakāra kāni tīrthāni vilaṃghyārbudaparvatam

Sanskrit only: no published translation is held for this verse.

सूत उवाच। इति तत्रोदिते देव्या महादेवः स विश्वराट् । उवाच वचनं तां वै पार्वतीं विश्वमोहिनीम्

sūta uvāca| iti tatrodite devyā mahādevaḥ sa viśvarāṭ | uvāca vacanaṃ tāṃ vai pārvatīṃ viśvamohinīm

Sanskrit only: no published translation is held for this verse.

महादेव उवाच। नंदिकुंडात्प्रथमतः तीर्थात्परमपावनात् । कपालमोचनं तीर्थं मुनिभिः संप्रकारितम्

mahādeva uvāca| naṃdikuṃḍātprathamataḥ tīrthātparamapāvanāt | kapālamocanaṃ tīrthaṃ munibhiḥ saṃprakāritam

Sanskrit only: no published translation is held for this verse.

सर्वतेजोधिकं तीर्थं पावनात्पावनं परम् । अत्र मया परित्यक्तं कपालं ब्रह्मसंज्ञकम्

sarvatejodhikaṃ tīrthaṃ pāvanātpāvanaṃ param | atra mayā parityaktaṃ kapālaṃ brahmasaṃjñakam

Sanskrit only: no published translation is held for this verse.

कपालमोचनं तीर्थमतो जातं हि पार्वति । पावनं सर्वभूतानां प्रकटं लोकविश्रुतम्

kapālamocanaṃ tīrthamato jātaṃ hi pārvati | pāvanaṃ sarvabhūtānāṃ prakaṭaṃ lokaviśrutam

Sanskrit only: no published translation is held for this verse.

कपालकुंडमाख्यातं तत्तीर्थं तीर्थराजकम् । यत्र देवास्तथा नागा गंधर्वाः किंनरादयः

kapālakuṃḍamākhyātaṃ tattīrthaṃ tīrtharājakam | yatra devāstathā nāgā gaṃdharvāḥ kiṃnarādayaḥ

Sanskrit only: no published translation is held for this verse.

निवसंति महात्मानस्तीर्थे वै निर्मले शुभे । त्रैलोक्ये विश्रुतं तीर्थं दानदं मुक्तिदायकम्

nivasaṃti mahātmānastīrthe vai nirmale śubhe | trailokye viśrutaṃ tīrthaṃ dānadaṃ muktidāyakam

Sanskrit only: no published translation is held for this verse.

तत्र स्नात्वा शुचिर्भूत्वा कपालेशं प्रपूजयेत् । उपोष्य रजनीमेकां कृत्वा ब्राह्मणभोजनम्

tatra snātvā śucirbhūtvā kapāleśaṃ prapūjayet | upoṣya rajanīmekāṃ kṛtvā brāhmaṇabhojanam

Sanskrit only: no published translation is held for this verse.

तत्रापि वस्त्रदानेन अग्निहोत्रफलं लभेत् । तस्मिंस्तीर्थे तु यः कश्चिद्दर्शनव्रतमास्थितः

tatrāpi vastradānena agnihotraphalaṃ labhet | tasmiṃstīrthe tu yaḥ kaściddarśanavratamāsthitaḥ

Sanskrit only: no published translation is held for this verse.

संत्यज्य देहमात्मानं शिवलोकं व्रजेद्ध्रुवम् । अस्मिंस्तीर्थे पुरा स्नानात्सौदासो ब्रह्महत्यया

saṃtyajya dehamātmānaṃ śivalokaṃ vrajeddhruvam | asmiṃstīrthe purā snānātsaudāso brahmahatyayā

Sanskrit only: no published translation is held for this verse.

मोचितो विमलं ज्ञानं प्राप्तवान्वै सुरेश्वरि । भागीरथ्यान्वये जातः सुदासाख्यो महाबली

mocito vimalaṃ jñānaṃ prāptavānvai sureśvari | bhāgīrathyānvaye jātaḥ sudāsākhyo mahābalī

Sanskrit only: no published translation is held for this verse.

तस्य पुत्रो मित्रसहः सौदासेति च विश्रुतः । वसिष्ठशापतः प्राप्तः सौदासो राक्षसीं तनुम्

tasya putro mitrasahaḥ saudāseti ca viśrutaḥ | vasiṣṭhaśāpataḥ prāptaḥ saudāso rākṣasīṃ tanum

Sanskrit only: no published translation is held for this verse.

साभ्रमत्यां कृतस्नानो विमुक्तः शापजादघात् । अत्र गंगा च यमुना गोदावरी सरस्वती

sābhramatyāṃ kṛtasnāno vimuktaḥ śāpajādaghāt | atra gaṃgā ca yamunā godāvarī sarasvatī

Sanskrit only: no published translation is held for this verse.

नंदितीर्थे वसंत्येताः पवित्राः पुण्यदाः सदा । गोदानं भूमिदानं च शय्यादानं तथैव च

naṃditīrthe vasaṃtyetāḥ pavitrāḥ puṇyadāḥ sadā | godānaṃ bhūmidānaṃ ca śayyādānaṃ tathaiva ca

Sanskrit only: no published translation is held for this verse.

कन्यादानं विशेषेण कर्तव्यं ज्ञानिभिर्नरैः । एतद्दानसमं प्रोक्तं साभ्रमत्यावगाहनम्

kanyādānaṃ viśeṣeṇa kartavyaṃ jñānibhirnaraiḥ | etaddānasamaṃ proktaṃ sābhramatyāvagāhanam

Sanskrit only: no published translation is held for this verse.

यत्र वै सकलान्येव पतितानीह भूतले । वारिणा स्पर्शमात्रेण शुद्धत्वं यांति तान्यपि

yatra vai sakalānyeva patitānīha bhūtale | vāriṇā sparśamātreṇa śuddhatvaṃ yāṃti tānyapi

Sanskrit only: no published translation is held for this verse.

अत्र श्राद्धं प्रकुर्वाणो नरो वै भक्तितत्परः । पितरस्तस्य संतुष्टा गच्छंति परमं पदम्

atra śrāddhaṃ prakurvāṇo naro vai bhaktitatparaḥ | pitarastasya saṃtuṣṭā gacchaṃti paramaṃ padam

Sanskrit only: no published translation is held for this verse.

एतदाख्यानकं दिव्यं ये शृण्वंति नराः सदा । सर्वपापविनिर्मुक्ता विष्णोः सायुज्यमाप्नुयुः

etadākhyānakaṃ divyaṃ ye śṛṇvaṃti narāḥ sadā | sarvapāpavinirmuktā viṣṇoḥ sāyujyamāpnuyuḥ

Sanskrit only: no published translation is held for this verse.

कर्मणा मनसा वाचा ये स्तुवंति महेश्वरम् । न तेषां विद्यते दुःखं यावदाभूतसंप्लवम्

karmaṇā manasā vācā ye stuvaṃti maheśvaram | na teṣāṃ vidyate duḥkhaṃ yāvadābhūtasaṃplavam

Sanskrit only: no published translation is held for this verse.