Padma Purāṇa 6.137

महादेव उवाच। अथ नंदिप्रदेशात्तु यथा साभ्रमती नदी । समायाता विकीर्णं च वनं विप्रर्षिसेवितम्

mahādeva uvāca| atha naṃdipradeśāttu yathā sābhramatī nadī | samāyātā vikīrṇaṃ ca vanaṃ viprarṣisevitam

Sanskrit only: no published translation is held for this verse.

बहुधा जलवेगेन पर्वतानां च रोधसः । सप्तधा प्रविभक्ता च दक्षिणोदधिगामिनी

bahudhā jalavegena parvatānāṃ ca rodhasaḥ | saptadhā pravibhaktā ca dakṣiṇodadhigāminī

Sanskrit only: no published translation is held for this verse.

आद्या साभ्रमती पुण्या द्वितीया सेटिका तधा । तृतीया वल्किनी पुण्या चतुर्थी च हिरण्मयी

ādyā sābhramatī puṇyā dvitīyā seṭikā tadhā | tṛtīyā valkinī puṇyā caturthī ca hiraṇmayī

Sanskrit only: no published translation is held for this verse.

सर्वपापहरा प्रोक्ता हस्तिमत्यथ पंचमी । वेत्रवती सा च षष्ठी वृत्रेण निर्मिता पुरा

sarvapāpaharā proktā hastimatyatha paṃcamī | vetravatī sā ca ṣaṣṭhī vṛtreṇa nirmitā purā

Sanskrit only: no published translation is held for this verse.

इयं सा परमा देवी वृत्रकूपाद्विनिःसृता । वेत्रवती ततो जाता महापापप्रणाशिनी

iyaṃ sā paramā devī vṛtrakūpādviniḥsṛtā | vetravatī tato jātā mahāpāpapraṇāśinī

Sanskrit only: no published translation is held for this verse.

भद्रामुखी शुभप्राया सप्तमी लोकपावनी । एतैस्तु सप्तभिर्देवि तांस्तान्जनपदांस्तथा

bhadrāmukhī śubhaprāyā saptamī lokapāvanī | etaistu saptabhirdevi tāṃstānjanapadāṃstathā

Sanskrit only: no published translation is held for this verse.

पवित्रीकृत्य चैकेन सप्तस्रोता प्रतिष्ठिता । विकीर्णतीर्थे यः श्राद्धं पितॄनुद्दिश्य दास्यति

pavitrīkṛtya caikena saptasrotā pratiṣṭhitā | vikīrṇatīrthe yaḥ śrāddhaṃ pitṝnuddiśya dāsyati

Sanskrit only: no published translation is held for this verse.

गयापिंडप्रदानस्य फलं यत्तद्भविष्यति । अवकीर्णा च्युता ये च लुप्तपिंडोदकक्रियाः

gayāpiṃḍapradānasya phalaṃ yattadbhaviṣyati | avakīrṇā cyutā ye ca luptapiṃḍodakakriyāḥ

Sanskrit only: no published translation is held for this verse.

ते विकीर्णे प्रमुच्यंते दत्तपिंडोदकक्रियाः । तत्र श्राद्धं तु यः कुर्याद्गाणपत्यं भवेद्ध्रुवम्

te vikīrṇe pramucyaṃte dattapiṃḍodakakriyāḥ | tatra śrāddhaṃ tu yaḥ kuryādgāṇapatyaṃ bhaveddhruvam

Sanskrit only: no published translation is held for this verse.

तस्मात्त्रयीविधानेन श्रद्धया श्राद्धमाचरेत् । अस्मिंस्तीर्थे विशेषेण सप्तनद्युदये द्विजाः

tasmāttrayīvidhānena śraddhayā śrāddhamācaret | asmiṃstīrthe viśeṣeṇa saptanadyudaye dvijāḥ

Sanskrit only: no published translation is held for this verse.

स्नानं कुरुत विप्रेंद्रा ऋषिलोकमभीप्सवः । इत्युक्तं कश्यपेनाथ द्विजान्प्रति विशेषतः

snānaṃ kuruta vipreṃdrā ṛṣilokamabhīpsavaḥ | ityuktaṃ kaśyapenātha dvijānprati viśeṣataḥ

Sanskrit only: no published translation is held for this verse.

यदि चेत्क्रियते स्नानं सर्वदुःखापहं सदा । तीर्थानां प्रवरं तीर्थं क्षेत्राणामुत्तमोत्तमम्

yadi cetkriyate snānaṃ sarvaduḥkhāpahaṃ sadā | tīrthānāṃ pravaraṃ tīrthaṃ kṣetrāṇāmuttamottamam

Sanskrit only: no published translation is held for this verse.

तीर्थमेतद्विकीर्णं च शुभदं रोगदोषहृत् । कुर्वंत्यत्र विशेषेण ये स्नानं सर्वदा कलौ

tīrthametadvikīrṇaṃ ca śubhadaṃ rogadoṣahṛt | kurvaṃtyatra viśeṣeṇa ye snānaṃ sarvadā kalau

Sanskrit only: no published translation is held for this verse.

ते नराः पुण्यभाजो हि जायंते नात्र संशयः । गयातीर्थसमं तीर्थं विकीर्णं पावनं परम् । पितॄणां पुण्यदं नित्यं लोकानां दुःखनाशनम्

te narāḥ puṇyabhājo hi jāyaṃte nātra saṃśayaḥ | gayātīrthasamaṃ tīrthaṃ vikīrṇaṃ pāvanaṃ param | pitṝṇāṃ puṇyadaṃ nityaṃ lokānāṃ duḥkhanāśanam

Sanskrit only: no published translation is held for this verse.

इति विकीर्णतीर्थम् । तीर्थादस्मात्परं तीर्थं श्वेतोद्भवमनुत्तमम् । यत्र श्वेता नदी जाता मत्पृष्ठोदरभस्मना

iti vikīrṇatīrtham | tīrthādasmātparaṃ tīrthaṃ śvetodbhavamanuttamam | yatra śvetā nadī jātā matpṛṣṭhodarabhasmanā

Sanskrit only: no published translation is held for this verse.

विश्रुता त्रिषु लोकेषु सर्वपापप्रणाशिनी । हरांगभस्मसंयोगात्जाता देवैस्तु मानिता

viśrutā triṣu lokeṣu sarvapāpapraṇāśinī | harāṃgabhasmasaṃyogātjātā devaistu mānitā

Sanskrit only: no published translation is held for this verse.

तस्यां स्नातः शुचिर्दांतस्त्रिरात्रमुषितः पुमान् । महाकालेश्वरं दृष्ट्वा रुद्रलोके महीयते

tasyāṃ snātaḥ śucirdāṃtastrirātramuṣitaḥ pumān | mahākāleśvaraṃ dṛṣṭvā rudraloke mahīyate

Sanskrit only: no published translation is held for this verse.

पिंडं पितृभ्यो यो दद्यात्तस्यास्तीरे कुशैस्तिलैः । सुतृप्ताः पितरस्तस्य भवंतीति न संशयः

piṃḍaṃ pitṛbhyo yo dadyāttasyāstīre kuśaistilaiḥ | sutṛptāḥ pitarastasya bhavaṃtīti na saṃśayaḥ

Sanskrit only: no published translation is held for this verse.

श्वेतगंगामहापुण्या दुःखदारिद्र्यमोचनी । यत्र स्नानेन भो देवि परं सुखमवाप्यते

śvetagaṃgāmahāpuṇyā duḥkhadāridryamocanī | yatra snānena bho devi paraṃ sukhamavāpyate

Sanskrit only: no published translation is held for this verse.

तस्या वै संगमे पुण्ये नित्यं तिष्ठामि पार्वति । येऽत्र दानं प्रकुर्वंति स्नानं च तत्र सुंदरि

tasyā vai saṃgame puṇye nityaṃ tiṣṭhāmi pārvati | ye'tra dānaṃ prakurvaṃti snānaṃ ca tatra suṃdari

Sanskrit only: no published translation is held for this verse.

तदनंतफलं तस्य भवेद्वै नात्र संशयः । तत्र भूतेश्वरो देवः संगमे वसते ध्रुवम्

tadanaṃtaphalaṃ tasya bhavedvai nātra saṃśayaḥ | tatra bhūteśvaro devaḥ saṃgame vasate dhruvam

Sanskrit only: no published translation is held for this verse.

तत्र धूपं च दीपं च पुष्पमारार्तिकं तथा । ये कुर्वंति नरश्रेष्ठास्ते नराः पुण्यरूपिणः

tatra dhūpaṃ ca dīpaṃ ca puṣpamārārtikaṃ tathā | ye kurvaṃti naraśreṣṭhāste narāḥ puṇyarūpiṇaḥ

Sanskrit only: no published translation is held for this verse.

बिल्वदलं समादाय यो ददाति शिवोपरि । वांच्छितं लभते नित्यं श्वेतायां शिवसंनिधौ

bilvadalaṃ samādāya yo dadāti śivopari | vāṃcchitaṃ labhate nityaṃ śvetāyāṃ śivasaṃnidhau

Sanskrit only: no published translation is held for this verse.

इति श्रीपाद्मे महापुराणे पंचपंचात्साहस्र्यां संहितायामुत्तरखंडे। उमामहेश्वरसंवादे श्वेतातीर्थंनाम सप्तत्रिंशाधिकशततमोऽध्यायः

iti śrīpādme mahāpurāṇe paṃcapaṃcātsāhasryāṃ saṃhitāyāmuttarakhaṃḍe| umāmaheśvarasaṃvāde śvetātīrthaṃnāma saptatriṃśādhikaśatatamo'dhyāyaḥ

Sanskrit only: no published translation is held for this verse.