Library·Padma Purāṇa·6·6.138
महादेव उवाच। गणतीर्थं ततो गच्छेत्तीर्थयात्रापरायणः । त्रिविष्टपमिति प्रोक्तं गणैस्तु चंदना तटे
mahādeva uvāca| gaṇatīrthaṃ tato gacchettīrthayātrāparāyaṇaḥ | triviṣṭapamiti proktaṃ gaṇaistu caṃdanā taṭe
Sanskrit only: no published translation is held for this verse.
त्रिविष्टपे नरः स्नात्वा पूर्णमास्यां समाहितः । संशयो नात्र कर्त्तव्यो मुच्यते ब्रह्महत्यया
triviṣṭape naraḥ snātvā pūrṇamāsyāṃ samāhitaḥ | saṃśayo nātra karttavyo mucyate brahmahatyayā
Sanskrit only: no published translation is held for this verse.
चतुरो वार्षिकान्मासान्स्थितिर्यस्य त्रिविष्टपे । सोऽपि पुण्यो महाभागे रुद्रलोके महीयते
caturo vārṣikānmāsānsthitiryasya triviṣṭape | so'pi puṇyo mahābhāge rudraloke mahīyate
Sanskrit only: no published translation is held for this verse.
गणतीर्थे नरः स्नात्वा कृष्णाष्टम्यामुपोषितः । बकुलासंगमे स्नात्वा स्वर्गं गच्छति मानवः
gaṇatīrthe naraḥ snātvā kṛṣṇāṣṭamyāmupoṣitaḥ | bakulāsaṃgame snātvā svargaṃ gacchati mānavaḥ
Sanskrit only: no published translation is held for this verse.
तस्मिंस्तीर्थे नरः स्नात्वा बकुलेशं विलोक्य च । गणेश्वरप्रसादेन गाणपत्यमवाप्नुयात्
tasmiṃstīrthe naraḥ snātvā bakuleśaṃ vilokya ca | gaṇeśvaraprasādena gāṇapatyamavāpnuyāt
Sanskrit only: no published translation is held for this verse.
इदं पवित्रं परमं पुण्यायुष्यविवर्द्धनम् । श्रुत्वा तु लभते पुण्यं गंगास्नानसमं नरः
idaṃ pavitraṃ paramaṃ puṇyāyuṣyavivarddhanam | śrutvā tu labhate puṇyaṃ gaṃgāsnānasamaṃ naraḥ
Sanskrit only: no published translation is held for this verse.
अत्र स्थित्वा निराहारो जितेंद्रिय समाहितः । जपत्येवं परं देवं गणेश्वरं मनोरमम्
atra sthitvā nirāhāro jiteṃdriya samāhitaḥ | japatyevaṃ paraṃ devaṃ gaṇeśvaraṃ manoramam
Sanskrit only: no published translation is held for this verse.
संप्राप्नोत्यखिलान्भोगान्सत्यं सत्यं वरानने । अत्र राजा सोमवंशी विश्वदत्तः स वीर्यवान्
saṃprāpnotyakhilānbhogānsatyaṃ satyaṃ varānane | atra rājā somavaṃśī viśvadattaḥ sa vīryavān
Sanskrit only: no published translation is held for this verse.
तेन तपो महत्तप्तं बहुकालं सुरेश्वरि । गाणपत्यं तदा प्राप्तं श्रीगणेशप्रसादतः
tena tapo mahattaptaṃ bahukālaṃ sureśvari | gāṇapatyaṃ tadā prāptaṃ śrīgaṇeśaprasādataḥ
Sanskrit only: no published translation is held for this verse.
वसिष्ठो वामदेवश्च होडः कौशीतको मुनिः । भरद्वाजोंगिराश्चैव विश्वामित्रोऽथ वामनः
vasiṣṭho vāmadevaśca hoḍaḥ kauśītako muniḥ | bharadvājoṃgirāścaiva viśvāmitro'tha vāmanaḥ
Sanskrit only: no published translation is held for this verse.
एते वै मुनयः सर्वे पुण्यरूपा महेश्वरि । नित्यं सेवां प्रकुर्वंति श्रीगणेशप्रसादतः
ete vai munayaḥ sarve puṇyarūpā maheśvari | nityaṃ sevāṃ prakurvaṃti śrīgaṇeśaprasādataḥ
Sanskrit only: no published translation is held for this verse.
अपुत्रो लभते पुत्रान्निर्द्धनो लभते धनम् । अविद्यो लभते विद्यां मोक्षार्थी मोक्षमाप्नुयात्
aputro labhate putrānnirddhano labhate dhanam | avidyo labhate vidyāṃ mokṣārthī mokṣamāpnuyāt
Sanskrit only: no published translation is held for this verse.
किमन्यद्बहुनोक्तेन भूयोभूयो वरानने । योऽत्र स्नानं प्रकुर्वीत पूजनं वा करोति च
kimanyadbahunoktena bhūyobhūyo varānane | yo'tra snānaṃ prakurvīta pūjanaṃ vā karoti ca
Sanskrit only: no published translation is held for this verse.
सर्वपापविनिर्मुक्तो याति विष्णोः परं पदम् । शिवाय विष्णुरूपाय विष्णवे शिवरूपिणे
sarvapāpavinirmukto yāti viṣṇoḥ paraṃ padam | śivāya viṣṇurūpāya viṣṇave śivarūpiṇe
Sanskrit only: no published translation is held for this verse.
नांतरं देवि पश्यामि श्रीविष्णोश्च प्रसादतः
nāṃtaraṃ devi paśyāmi śrīviṣṇośca prasādataḥ
Sanskrit only: no published translation is held for this verse.