Library·Padma Purāṇa·6·6.140
श्रीमहादेव उवाच। भो देव्यन्यत्प्रवक्ष्यामि हिरण्यासंगमं महत् । यदा साभ्रमती गंगा सप्तस्रोता पुराभवत्
śrīmahādeva uvāca| bho devyanyatpravakṣyāmi hiraṇyāsaṃgamaṃ mahat | yadā sābhramatī gaṃgā saptasrotā purābhavat
Sanskrit only: no published translation is held for this verse.
तदा सा ब्रह्मतनया सप्तस्रोतेति विश्रुता । सप्तमं तद्धिरण्याख्यं स्रोत इत्यभिधीयते
tadā sā brahmatanayā saptasroteti viśrutā | saptamaṃ taddhiraṇyākhyaṃ srota ityabhidhīyate
Sanskrit only: no published translation is held for this verse.
तस्मिंस्तीर्थे नरः स्नात्वा पापी गतिमवाप्नुयात् । ऋक्षुमंजुमयोर्मध्ये सत्यवान्नाम पर्वतः
tasmiṃstīrthe naraḥ snātvā pāpī gatimavāpnuyāt | ṛkṣumaṃjumayormadhye satyavānnāma parvataḥ
Sanskrit only: no published translation is held for this verse.
तस्य प्राक्सुमहत्तीर्थं हिरण्यासंगमं शुभम् । तत्र स्नात्वा च पीत्वा च शुभां गतिमवाप्नुयात्
tasya prāksumahattīrthaṃ hiraṇyāsaṃgamaṃ śubham | tatra snātvā ca pītvā ca śubhāṃ gatimavāpnuyāt
Sanskrit only: no published translation is held for this verse.
वनस्थल्यां ततो गच्छेद्दृष्ट्वा नारायणं हरिम् । तीर्थमप्सरसां पुण्यं हिरण्यासंगमेश्वरम्
vanasthalyāṃ tato gaccheddṛṣṭvā nārāyaṇaṃ harim | tīrthamapsarasāṃ puṇyaṃ hiraṇyāsaṃgameśvaram
Sanskrit only: no published translation is held for this verse.
यत्रोर्वशी पुरा जाता समस्ताप्सरसां शुभा । नरनारायणौ तत्र तपस्तेपतुरुत्तमम्
yatrorvaśī purā jātā samastāpsarasāṃ śubhā | naranārāyaṇau tatra tapastepaturuttamam
Sanskrit only: no published translation is held for this verse.
हिरण्यासंगमे रम्ये महापापहरे शुभे । यत्र वै ऋषयः सर्वे मज्जंति वीतकल्मषाः
hiraṇyāsaṃgame ramye mahāpāpahare śubhe | yatra vai ṛṣayaḥ sarve majjaṃti vītakalmaṣāḥ
Sanskrit only: no published translation is held for this verse.
वसिष्ठाद्याश्च ये विप्रा वालखिल्यादयश्च ये । यत्र मज्जंति देवेशि हिरण्या सह संगमे
vasiṣṭhādyāśca ye viprā vālakhilyādayaśca ye | yatra majjaṃti deveśi hiraṇyā saha saṃgame
Sanskrit only: no published translation is held for this verse.
यत्र हिरण्मयं रूपं स्नानाद्वै भवति ध्रुवम् । कपिलागोसहस्रस्य दानेनैव तु यत्फलम्
yatra hiraṇmayaṃ rūpaṃ snānādvai bhavati dhruvam | kapilāgosahasrasya dānenaiva tu yatphalam
Sanskrit only: no published translation is held for this verse.
तत्फलं समवाप्नोति हिरण्यासंगमे सदा । दशाश्वमेधे यत्पुण्यं ग्रहणे चंद्रसूर्ययोः
tatphalaṃ samavāpnoti hiraṇyāsaṃgame sadā | daśāśvamedhe yatpuṇyaṃ grahaṇe caṃdrasūryayoḥ
Sanskrit only: no published translation is held for this verse.
तदनंतगुणं प्रोक्तं हिरण्यासंगमे पुनः । तुलापुरुषदाने च यत्फलं समवाप्नुयात्
tadanaṃtaguṇaṃ proktaṃ hiraṇyāsaṃgame punaḥ | tulāpuruṣadāne ca yatphalaṃ samavāpnuyāt
Sanskrit only: no published translation is held for this verse.
तत्फलं समवाप्नोति हिरण्यासंगमे सदा । हिरण्याक्षो महादैत्यस्तेन तप्तं महत्तपः
tatphalaṃ samavāpnoti hiraṇyāsaṃgame sadā | hiraṇyākṣo mahādaityastena taptaṃ mahattapaḥ
Sanskrit only: no published translation is held for this verse.
हिरण्यसदृशं तत्र शरीरमभवत्पुरा । जनमेजये तथा राज्ञि यत्र स्नानं प्रकुर्वति
hiraṇyasadṛśaṃ tatra śarīramabhavatpurā | janamejaye tathā rājñi yatra snānaṃ prakurvati
Sanskrit only: no published translation is held for this verse.
ब्रह्महत्या गता देवि हिरण्यासंगमे तदा । विश्वामित्रोऽथ राजर्षिः स्नानार्थं वै समागतः
brahmahatyā gatā devi hiraṇyāsaṃgame tadā | viśvāmitro'tha rājarṣiḥ snānārthaṃ vai samāgataḥ
Sanskrit only: no published translation is held for this verse.
स्नानं कृत्वा विशेषेण गतोऽसौ मामकीं पुरीम्
snānaṃ kṛtvā viśeṣeṇa gato'sau māmakīṃ purīm
Sanskrit only: no published translation is held for this verse.
ब्राह्मणाः क्षत्रिया वैश्याः शूद्राश्चाथ सुरेश्वरि । स्नानं येऽत्र प्रकुर्वंति ते गच्छंति शिवालयम्
brāhmaṇāḥ kṣatriyā vaiśyāḥ śūdrāścātha sureśvari | snānaṃ ye'tra prakurvaṃti te gacchaṃti śivālayam
Sanskrit only: no published translation is held for this verse.