Padma Purāṇa 6.141

महादेव उवाच। ततो देवि प्रवक्ष्यामि हिरण्यासंगमादनु । धर्मावती नदी यत्र संगता सह गंगया

mahādeva uvāca| tato devi pravakṣyāmi hiraṇyāsaṃgamādanu | dharmāvatī nadī yatra saṃgatā saha gaṃgayā

Sanskrit only: no published translation is held for this verse.

तत्र स्नात्वा नरो धन्यस्त्रिदिवं यात्यसंशयम् । यत्र धर्मकृतं तीर्थं यः पश्यति स पुण्यभाक्

tatra snātvā naro dhanyastridivaṃ yātyasaṃśayam | yatra dharmakṛtaṃ tīrthaṃ yaḥ paśyati sa puṇyabhāk

Sanskrit only: no published translation is held for this verse.

श्राद्धं तत्रैव ये कुर्युर्मुच्यंते पितृजादृणात् । ततश्च मधुरातीर्थं सर्वपापप्रणाशनम्

śrāddhaṃ tatraiva ye kuryurmucyaṃte pitṛjādṛṇāt | tataśca madhurātīrthaṃ sarvapāpapraṇāśanam

Sanskrit only: no published translation is held for this verse.

स्नातव्यं मधुरातीर्थे द्रष्टव्यो मधुहा हरिः । यत्र विश्रांतवान्कृष्णो जरासंधभयाकुलः

snātavyaṃ madhurātīrthe draṣṭavyo madhuhā hariḥ | yatra viśrāṃtavānkṛṣṇo jarāsaṃdhabhayākulaḥ

Sanskrit only: no published translation is held for this verse.

कंसासुरवधे वृत्ते गंतुकामः कुशस्थलीम् । उषित्वा सप्तरात्रं तु स देवश्चंदनातटे

kaṃsāsuravadhe vṛtte gaṃtukāmaḥ kuśasthalīm | uṣitvā saptarātraṃ tu sa devaścaṃdanātaṭe

Sanskrit only: no published translation is held for this verse.

भोजवृष्ण्यंधकवृतो वीरैर्यादवपुंगवैः । मधुरातीर्थमासाद्य स्नानं कृत्वा विधानतः

bhojavṛṣṇyaṃdhakavṛto vīrairyādavapuṃgavaiḥ | madhurātīrthamāsādya snānaṃ kṛtvā vidhānataḥ

Sanskrit only: no published translation is held for this verse.

मधुरादित्यनामानं यत्र स्थापितवान्हरिः । अष्टादशसहस्राणि विप्राणां यज्ञशालिनाम्

madhurādityanāmānaṃ yatra sthāpitavānhariḥ | aṣṭādaśasahasrāṇi viprāṇāṃ yajñaśālinām

Sanskrit only: no published translation is held for this verse.

स्थापयित्वा ययौ दत्त्वा यानानि विविधानि च । तत्र तीर्थसहस्राणि तिष्ठंति च सुरेश्वरि

sthāpayitvā yayau dattvā yānāni vividhāni ca | tatra tīrthasahasrāṇi tiṣṭhaṃti ca sureśvari

Sanskrit only: no published translation is held for this verse.

श्राद्धं तत्र प्रकर्तव्यं पितॄणां हितकाम्यया । न भेतव्यं जरासंधान्मत्तीर्थे वसतां सदा

śrāddhaṃ tatra prakartavyaṃ pitṝṇāṃ hitakāmyayā | na bhetavyaṃ jarāsaṃdhānmattīrthe vasatāṃ sadā

Sanskrit only: no published translation is held for this verse.

इत्युक्त्वा तान्द्विजान्कृष्णः प्रययौ द्वारकां प्रति । तस्मिंस्तीर्थे नरः स्नात्वा मधुरार्कं प्रपूजयेत्

ityuktvā tāndvijānkṛṣṇaḥ prayayau dvārakāṃ prati | tasmiṃstīrthe naraḥ snātvā madhurārkaṃ prapūjayet

Sanskrit only: no published translation is held for this verse.

माघस्य शुक्लसप्तम्यां कपिला गो प्रदानतः । चिरं सौख्यानि भुंक्त्वेह पदमादित्यमा व्रजेत्

māghasya śuklasaptamyāṃ kapilā go pradānataḥ | ciraṃ saukhyāni bhuṃktveha padamādityamā vrajet

Sanskrit only: no published translation is held for this verse.

शृणु सुन्दरि वक्ष्यामि इतिहासं पुरातनम् । यं श्रुत्वा मुच्यते लोको ब्रह्महत्यादि पातकात्

śṛṇu sundari vakṣyāmi itihāsaṃ purātanam | yaṃ śrutvā mucyate loko brahmahatyādi pātakāt

Sanskrit only: no published translation is held for this verse.

एकस्मिन्समये देवि मांडव्यो ऋषिसत्तमः । गङ्गाद्वारे महापुण्यं तप्तवांस्तु महत्तपः

ekasminsamaye devi māṃḍavyo ṛṣisattamaḥ | gaṅgādvāre mahāpuṇyaṃ taptavāṃstu mahattapaḥ

Sanskrit only: no published translation is held for this verse.

पत्राशी च फलाशी च वायुभक्षकरः सदा । अहोरात्रं सदा देवि विष्णुध्यानपरायणः

patrāśī ca phalāśī ca vāyubhakṣakaraḥ sadā | ahorātraṃ sadā devi viṣṇudhyānaparāyaṇaḥ

Sanskrit only: no published translation is held for this verse.

योगाभ्यासरतो नित्यं नित्यं धर्मपरायणः । तस्मिन्देशे तु वै देवि राजा वै विश्वमोहनः

yogābhyāsarato nityaṃ nityaṃ dharmaparāyaṇaḥ | tasmindeśe tu vai devi rājā vai viśvamohanaḥ

Sanskrit only: no published translation is held for this verse.

गजाश्वरथपत्तीनां संपदो बहुला भुवि । सोमचंद्रेति विख्यातः पुत्रस्तस्य सुलक्षणः

gajāśvarathapattīnāṃ saṃpado bahulā bhuvi | somacaṃdreti vikhyātaḥ putrastasya sulakṣaṇaḥ

Sanskrit only: no published translation is held for this verse.

एकदा तु तदा देवि गतो ह्याखेटके वने । तत्र गत्वा तदा तेन कृत्वा ह्याखेटकक्रियाः

ekadā tu tadā devi gato hyākheṭake vane | tatra gatvā tadā tena kṛtvā hyākheṭakakriyāḥ

Sanskrit only: no published translation is held for this verse.

स्वात्मानं रमयामास स्वलोकैः परिवारितः । क्रीडारते तदा राज्ञि रात्रिर्जाता सुरेश्वरि

svātmānaṃ ramayāmāsa svalokaiḥ parivāritaḥ | krīḍārate tadā rājñi rātrirjātā sureśvari

Sanskrit only: no published translation is held for this verse.

तस्यां रात्रौ तदा राजा उवासाखेटके वने । तस्यां रात्र्यां व्यतीतायां मुहूर्ते ब्रह्मसंज्ञके

tasyāṃ rātrau tadā rājā uvāsākheṭake vane | tasyāṃ rātryāṃ vyatītāyāṃ muhūrte brahmasaṃjñake

Sanskrit only: no published translation is held for this verse.

हृतोऽश्वोऽथ विशेषेण चौरेणात्र दुरात्मना । तदा हाहेति शब्दोऽभूत्क्व गतः क्व गतो हरिः

hṛto'śvo'tha viśeṣeṇa caureṇātra durātmanā | tadā hāheti śabdo'bhūtkva gataḥ kva gato hariḥ

Sanskrit only: no published translation is held for this verse.

तदा राज्ञो भयात्सर्वे गंतुकामाः समुत्सुकाः । चौरेणापहृतश्चाश्व इत्येवं संवदंति हि

tadā rājño bhayātsarve gaṃtukāmāḥ samutsukāḥ | caureṇāpahṛtaścāśva ityevaṃ saṃvadaṃti hi

Sanskrit only: no published translation is held for this verse.

निरीक्ष्यमाणास्ते सर्वे हरिद्वारं समागताः । ऋषिस्तत्र तु मांडव्यस्तपस्तपति नित्यशः

nirīkṣyamāṇāste sarve haridvāraṃ samāgatāḥ | ṛṣistatra tu māṃḍavyastapastapati nityaśaḥ

Sanskrit only: no published translation is held for this verse.

ध्यानेन च समायुक्तो दृष्टोऽसौ तैर्भटैस्तदा । अयं चौरः सदा पापी ध्यानं कृत्वा प्रतिष्ठति

dhyānena ca samāyukto dṛṣṭo'sau tairbhaṭaistadā | ayaṃ cauraḥ sadā pāpī dhyānaṃ kṛtvā pratiṣṭhati

Sanskrit only: no published translation is held for this verse.

बद्ध्वाश्वं तु समायातो ज्ञात्वा राजभटैस्तदा । एवं विचार्य ते सर्वे गृहीत्वा तं महामुनिम्

baddhvāśvaṃ tu samāyāto jñātvā rājabhaṭaistadā | evaṃ vicārya te sarve gṛhītvā taṃ mahāmunim

Sanskrit only: no published translation is held for this verse.

राज्ञे निवेदयामासुस्तं चौरं मुनिसत्तमम् । अश्वापहारी ह्यानीतश्चौरोऽयं नृप सर्वदा

rājñe nivedayāmāsustaṃ cauraṃ munisattamam | aśvāpahārī hyānītaścauro'yaṃ nṛpa sarvadā

Sanskrit only: no published translation is held for this verse.

आज्ञा दत्ता तदा तेन शूलिकारोपणे पुनः । तदा तैस्तुभटैः सर्वैर्मिलित्वा बंधनं कृतम्

ājñā dattā tadā tena śūlikāropaṇe punaḥ | tadā taistubhaṭaiḥ sarvairmilitvā baṃdhanaṃ kṛtam

Sanskrit only: no published translation is held for this verse.

पश्चाद्वै शूलिकाप्रोतस्तत्क्षणात्तु कृतस्तदा । न ज्ञातं तेन तत्कर्म शूलिकायाः प्रतोदनम्

paścādvai śūlikāprotastatkṣaṇāttu kṛtastadā | na jñātaṃ tena tatkarma śūlikāyāḥ pratodanam

Sanskrit only: no published translation is held for this verse.

यतो योगसमारूढो विष्णुध्यानपरायणः । शूलिकाप्रोतनं ज्ञातं कतिचित्कालयोगतः

yato yogasamārūḍho viṣṇudhyānaparāyaṇaḥ | śūlikāprotanaṃ jñātaṃ katicitkālayogataḥ

Sanskrit only: no published translation is held for this verse.

मांडव्योऽहंमृषिश्रेष्ठः केन कर्म इदं कृतम् । त्रिकालज्ञानी सर्वज्ञो भगवांस्तद्व्यचिंतयत्

māṃḍavyo'haṃmṛṣiśreṣṭhaḥ kena karma idaṃ kṛtam | trikālajñānī sarvajño bhagavāṃstadvyaciṃtayat

Sanskrit only: no published translation is held for this verse.

धर्मस्य च इदं कर्म न चान्यस्य कदाचन । योगारूढः स धर्मात्मा गतोऽसौ धर्मसंनिधौ

dharmasya ca idaṃ karma na cānyasya kadācana | yogārūḍhaḥ sa dharmātmā gato'sau dharmasaṃnidhau

Sanskrit only: no published translation is held for this verse.

तत्र गत्वा उवाचेदं शृणु त्वं धर्म सांप्रतम् । त्वं वै धर्म इति ख्यातो लोके वेदे च सर्वदा

tatra gatvā uvācedaṃ śṛṇu tvaṃ dharma sāṃpratam | tvaṃ vai dharma iti khyāto loke vede ca sarvadā

Sanskrit only: no published translation is held for this verse.

शूलिकाप्रोतनं कर्म कथं चैव त्वया कृतम् । तत्सर्वं श्रोतुमिच्छामि त्वत्तो देव न संशयः

śūlikāprotanaṃ karma kathaṃ caiva tvayā kṛtam | tatsarvaṃ śrotumicchāmi tvatto deva na saṃśayaḥ

Sanskrit only: no published translation is held for this verse.

धर्म उवाच। शृणुष्व त्वं द्विजश्रेष्ठ पूर्वजन्मनि पातकम् । तदहं कथयिष्यामि कृपां कुरु ममोपरि

dharma uvāca| śṛṇuṣva tvaṃ dvijaśreṣṭha pūrvajanmani pātakam | tadahaṃ kathayiṣyāmi kṛpāṃ kuru mamopari

Sanskrit only: no published translation is held for this verse.

बालत्वे तु इदं कर्म पूर्वजन्मजपातकम् । तच्छृणुष्व महाप्राज्ञ भवेऽस्मिन्पातनं कृतम्

bālatve tu idaṃ karma pūrvajanmajapātakam | tacchṛṇuṣva mahāprājña bhave'sminpātanaṃ kṛtam

Sanskrit only: no published translation is held for this verse.

एकस्मिन्समये विप्र त्वं गतो विजने वने । तत्र गत्वा त्वया विप्र जीवः शलभसंज्ञकः

ekasminsamaye vipra tvaṃ gato vijane vane | tatra gatvā tvayā vipra jīvaḥ śalabhasaṃjñakaḥ

Sanskrit only: no published translation is held for this verse.

आरोऽपितः स वै शूल्यां कर्मणा तेन दुःखितः । राज्ञा शूलेऽर्पितस्त्वं वै कर्मणानेन सुव्रत

āro'pitaḥ sa vai śūlyāṃ karmaṇā tena duḥkhitaḥ | rājñā śūle'rpitastvaṃ vai karmaṇānena suvrata

Sanskrit only: no published translation is held for this verse.

सर्वथैव प्रभोक्तव्यं कृतं कर्म शुभाशुभम् । अल्पमात्रमिदं कर्म त्वया भुक्तं न संशयः

sarvathaiva prabhoktavyaṃ kṛtaṃ karma śubhāśubham | alpamātramidaṃ karma tvayā bhuktaṃ na saṃśayaḥ

Sanskrit only: no published translation is held for this verse.

सुखी भवतु विप्रेंद्र गच्छ त्वं हि यथेच्छया । एतद्वाक्यं ततः श्रुत्वा मांडव्यो द्विजसत्तमः

sukhī bhavatu vipreṃdra gaccha tvaṃ hi yathecchayā | etadvākyaṃ tataḥ śrutvā māṃḍavyo dvijasattamaḥ

Sanskrit only: no published translation is held for this verse.

उवाच वचनं तत्र सकोपादारुणेक्षणः । मांडव्य उवाच। रे पापिष्ठ दुराचार किं कृतं बहुपातकम्

uvāca vacanaṃ tatra sakopādāruṇekṣaṇaḥ | māṃḍavya uvāca| re pāpiṣṭha durācāra kiṃ kṛtaṃ bahupātakam

Sanskrit only: no published translation is held for this verse.

येन कृत्वा इदं कर्म शूलिकायाः प्रतोदनम् । ममवाक्यप्रकोपेन शूद्रस्त्वं भव सर्वथा

yena kṛtvā idaṃ karma śūlikāyāḥ pratodanam | mamavākyaprakopena śūdrastvaṃ bhava sarvathā

Sanskrit only: no published translation is held for this verse.

कियता कालयोगेन वंशे वै चंद्रसंज्ञके । जातो विदुरनामाख्यो विष्णुभक्तिपरायणः

kiyatā kālayogena vaṃśe vai caṃdrasaṃjñake | jāto viduranāmākhyo viṣṇubhaktiparāyaṇaḥ

Sanskrit only: no published translation is held for this verse.

तीर्थयात्रामिषेणैव गतः साभ्रमतीं नदीम् । यत्र धर्मावती संगो वर्त्तते च सुरेश्वरि

tīrthayātrāmiṣeṇaiva gataḥ sābhramatīṃ nadīm | yatra dharmāvatī saṃgo varttate ca sureśvari

Sanskrit only: no published translation is held for this verse.

तत्र वै कृतवान्स्नानं विदुरो धर्मरूपवान् । त्यक्तं तत्र हि शूद्रत्वं धर्मावत्यां न संशयः

tatra vai kṛtavānsnānaṃ viduro dharmarūpavān | tyaktaṃ tatra hi śūdratvaṃ dharmāvatyāṃ na saṃśayaḥ

Sanskrit only: no published translation is held for this verse.

एतस्मात्कारणाद्देवि यत्र स्नानं प्रकुर्वते । ते नराः पुण्यकर्माणो गच्छंति परमं पदम्

etasmātkāraṇāddevi yatra snānaṃ prakurvate | te narāḥ puṇyakarmāṇo gacchaṃti paramaṃ padam

Sanskrit only: no published translation is held for this verse.

अत्र श्राद्धं च दानं च ये कुर्वंति नरा भुवि । इहलोके परामृद्धिं प्राप्य तैर्दिविमुद्यते

atra śrāddhaṃ ca dānaṃ ca ye kurvaṃti narā bhuvi | ihaloke parāmṛddhiṃ prāpya tairdivimudyate

Sanskrit only: no published translation is held for this verse.