Library·Padma Purāṇa·6·6.142
श्रीमहादेव उवाच। कंबुतीर्थे नरः स्नात्वा कृत्वा वा पितृतर्पणम् । अर्चयेद्देवदेवेशं नारायणमनामयम्
śrīmahādeva uvāca| kaṃbutīrthe naraḥ snātvā kṛtvā vā pitṛtarpaṇam | arcayeddevadeveśaṃ nārāyaṇamanāmayam
Sanskrit only: no published translation is held for this verse.
दत्त्वा दानानि विधिवद् ब्रह्मणेभ्यो विधानतः । विष्णुलोकमवाप्नोति तीर्थस्यास्य प्रभावतः
dattvā dānāni vidhivad brahmaṇebhyo vidhānataḥ | viṣṇulokamavāpnoti tīrthasyāsya prabhāvataḥ
Sanskrit only: no published translation is held for this verse.
अत्र राजर्षिणा पूर्वं विश्वामित्रेण धीमता । तपस्तप्तं विशेषेण प्रजाकामेन सुंदरि
atra rājarṣiṇā pūrvaṃ viśvāmitreṇa dhīmatā | tapastaptaṃ viśeṣeṇa prajākāmena suṃdari
Sanskrit only: no published translation is held for this verse.
वायुभक्षो निराहारो यत्रासीदनिलाशनः । विष्णुपूजापरो नित्यं विष्णुध्यानपरायणः
vāyubhakṣo nirāhāro yatrāsīdanilāśanaḥ | viṣṇupūjāparo nityaṃ viṣṇudhyānaparāyaṇaḥ
Sanskrit only: no published translation is held for this verse.
तपसानेन संजातः प्रजाकाममवाप्तवान् । प्रजाकामो नरो यश्च कंबुतीर्थं हि गच्छति
tapasānena saṃjātaḥ prajākāmamavāptavān | prajākāmo naro yaśca kaṃbutīrthaṃ hi gacchati
Sanskrit only: no published translation is held for this verse.
स प्रजां लभते नित्यं सत्यं सत्यं वरानने
sa prajāṃ labhate nityaṃ satyaṃ satyaṃ varānane
Sanskrit only: no published translation is held for this verse.
इति कंबुतीर्थमाहात्म्यम् । ततो गच्छेत्सुरश्रेष्ठे तीर्थं नाम कपीश्वरम् । संनिधौ रक्तसिंहस्य महापातकनाशनम्
iti kaṃbutīrthamāhātmyam | tato gacchetsuraśreṣṭhe tīrthaṃ nāma kapīśvaram | saṃnidhau raktasiṃhasya mahāpātakanāśanam
Sanskrit only: no published translation is held for this verse.
बध्यमाने पुरा सेतौ रामरावणविग्रहे । गृहीत्वा पर्वतश्रेष्ठं विशेषात्कपिभिः कृतम्
badhyamāne purā setau rāmarāvaṇavigrahe | gṛhītvā parvataśreṣṭhaṃ viśeṣātkapibhiḥ kṛtam
Sanskrit only: no published translation is held for this verse.
नाम्ना कपीश्वरादित्यं चक्रुस्तीर्थमनुत्तमम् । यत्र तीर्थे नरः स्नात्वा कृत्वा वा पितृतर्पणम्
nāmnā kapīśvarādityaṃ cakrustīrthamanuttamam | yatra tīrthe naraḥ snātvā kṛtvā vā pitṛtarpaṇam
Sanskrit only: no published translation is held for this verse.
दृष्ट्वा कपीश्वरादित्यं मुच्यते ब्रह्महत्यया । तत्र स्नानं प्रकर्तव्यं चैत्राष्टम्यां विशेषतः
dṛṣṭvā kapīśvarādityaṃ mucyate brahmahatyayā | tatra snānaṃ prakartavyaṃ caitrāṣṭamyāṃ viśeṣataḥ
Sanskrit only: no published translation is held for this verse.
हनुमत्प्रमुखैस्तत्र स्नातं यत्र दिनत्रयम् । कपितीर्थप्रभावोऽयं भवत्यै समुदीरितः
hanumatpramukhaistatra snātaṃ yatra dinatrayam | kapitīrthaprabhāvo'yaṃ bhavatyai samudīritaḥ
Sanskrit only: no published translation is held for this verse.
अस्मिंस्तीर्थे नरः स्नात्वा पूजयित्वा कपीश्वरम् । रूपवान्बहुभोगश्च जायते नात्र संशयः
asmiṃstīrthe naraḥ snātvā pūjayitvā kapīśvaram | rūpavānbahubhogaśca jāyate nātra saṃśayaḥ
Sanskrit only: no published translation is held for this verse.
बलं वांछति यो लोको धर्मं वा पुत्रमेव च । सर्वं स तु लभेन्नित्यं कपितीर्थप्रभावतः
balaṃ vāṃchati yo loko dharmaṃ vā putrameva ca | sarvaṃ sa tu labhennityaṃ kapitīrthaprabhāvataḥ
Sanskrit only: no published translation is held for this verse.