Padma Purāṇa 6.143

एकधारं ततो गच्छेत्तीर्थं परमपावनम् । एकधारे नरः स्नात्वा एकरात्रमुपोषितः

ekadhāraṃ tato gacchettīrthaṃ paramapāvanam | ekadhāre naraḥ snātvā ekarātramupoṣitaḥ

Sanskrit only: no published translation is held for this verse.

अर्चयन्स्वामिदेवेशं कुलानां तारयेच्छतम् । स्वामितीर्थसमं ज्ञेयं यत्र तीर्थेऽवगाहनम्

arcayansvāmideveśaṃ kulānāṃ tārayecchatam | svāmitīrthasamaṃ jñeyaṃ yatra tīrthe'vagāhanam

Sanskrit only: no published translation is held for this verse.

रुद्रलोके नरो गच्छेत्तीर्थस्यास्य प्रभावतः । यत्र स्नात्वा च पीत्वा च ब्रह्मलोके च गच्छति

rudraloke naro gacchettīrthasyāsya prabhāvataḥ | yatra snātvā ca pītvā ca brahmaloke ca gacchati

Sanskrit only: no published translation is held for this verse.

त्रैलोक्ये पुण्यकर्माणस्तटेऽस्मिन्संवसंति हि

trailokye puṇyakarmāṇastaṭe'sminsaṃvasaṃti hi

Sanskrit only: no published translation is held for this verse.

न भयं विद्यते तेषां खड्गधारादिकं च यत् । सत्सर्वमाशु नश्येत तीर्थे ह्येकप्रधारके

na bhayaṃ vidyate teṣāṃ khaḍgadhārādikaṃ ca yat | satsarvamāśu naśyeta tīrthe hyekapradhārake

Sanskrit only: no published translation is held for this verse.

इति एकधारतीर्थवर्णनम् । सप्तधारं ततो गच्छेत्तीर्थानां तीर्थमुत्तमम् । सप्तसारस्वतं नाम यत्कृते मुनिभिः कृतम्

iti ekadhāratīrthavarṇanam | saptadhāraṃ tato gacchettīrthānāṃ tīrthamuttamam | saptasārasvataṃ nāma yatkṛte munibhiḥ kṛtam

Sanskrit only: no published translation is held for this verse.

त्रेतायुगे मंकितीर्थं कृतं मंकि महर्षिणा । द्वापरे पांडुपुत्रैस्तु सप्तधारं प्रवर्तितम्

tretāyuge maṃkitīrthaṃ kṛtaṃ maṃki maharṣiṇā | dvāpare pāṃḍuputraistu saptadhāraṃ pravartitam

Sanskrit only: no published translation is held for this verse.

सप्तधारकतां प्राप्तं तीर्थं हरजटा च्युतम् । सप्तरूपाणि गंगाया यामि लोकेषु सप्तसु

saptadhārakatāṃ prāptaṃ tīrthaṃ harajaṭā cyutam | saptarūpāṇi gaṃgāyā yāmi lokeṣu saptasu

Sanskrit only: no published translation is held for this verse.

वहंति तानि पुण्यानि तीर्थेऽस्मिन्सप्तधारके । सप्तधारे कृतं श्राद्धं पितॄणां तृप्तिदायकम्

vahaṃti tāni puṇyāni tīrthe'sminsaptadhārake | saptadhāre kṛtaṃ śrāddhaṃ pitṝṇāṃ tṛptidāyakam

Sanskrit only: no published translation is held for this verse.

शृणु देवि प्रवक्ष्यामि इतिहासं पुरातनम् । यच्छ्रुत्वा देवदेवेशि ब्रह्मलोकं व्रजेद्ध्रुवम्

śṛṇu devi pravakṣyāmi itihāsaṃ purātanam | yacchrutvā devadeveśi brahmalokaṃ vrajeddhruvam

Sanskrit only: no published translation is held for this verse.

कौषीतकस्य पुत्रो वै मंकि नामेति विश्रुतः । विष्णुध्यानरतो नित्यं विष्णुलोकप्रपूजकः

kauṣītakasya putro vai maṃki nāmeti viśrutaḥ | viṣṇudhyānarato nityaṃ viṣṇulokaprapūjakaḥ

Sanskrit only: no published translation is held for this verse.

वेदाध्ययनकर्ता च अग्निहोत्रपरायणः । सुरूपा विश्वरूपेति स्त्रियौ द्वेस्तस्तु तद्गृहे

vedādhyayanakartā ca agnihotraparāyaṇaḥ | surūpā viśvarūpeti striyau dvestastu tadgṛhe

Sanskrit only: no published translation is held for this verse.

ताभ्यां पुत्रविहीनाभ्यां दृष्ट्वा देविविशंकितः । किंकर्तव्यमिति ध्यायन्नति चिंतापरोऽभवत्

tābhyāṃ putravihīnābhyāṃ dṛṣṭvā deviviśaṃkitaḥ | kiṃkartavyamiti dhyāyannati ciṃtāparo'bhavat

Sanskrit only: no published translation is held for this verse.

स्थिरो वंशस्तु पुत्रेण ह्यन्यथा नरकं व्रजेत् । एवं चिंतां प्रकुर्वाणो न सुखं लभते क्वचित्

sthiro vaṃśastu putreṇa hyanyathā narakaṃ vrajet | evaṃ ciṃtāṃ prakurvāṇo na sukhaṃ labhate kvacit

Sanskrit only: no published translation is held for this verse.

तदा स्वगृहमुत्सृज्य गतो वै गुरुसन्निधौ । नमो वै गुरुवे तुभ्यं देवानामुपकारिणे

tadā svagṛhamutsṛjya gato vai gurusannidhau | namo vai guruve tubhyaṃ devānāmupakāriṇe

Sanskrit only: no published translation is held for this verse.

त्वं नाथः सर्वलोकानां ब्राह्मणानां च रक्षकः । यज्ञानां त्वं प्रकर्त्ता च द्विजराज नमोस्तु ते

tvaṃ nāthaḥ sarvalokānāṃ brāhmaṇānāṃ ca rakṣakaḥ | yajñānāṃ tvaṃ prakarttā ca dvijarāja namostu te

Sanskrit only: no published translation is held for this verse.

अपुत्रोऽहं तु विप्रर्षे किं कर्त्तव्यमिति प्रभो । वद त्वं तु यथा सर्वं पुत्रो भवति निश्चितम्

aputro'haṃ tu viprarṣe kiṃ karttavyamiti prabho | vada tvaṃ tu yathā sarvaṃ putro bhavati niścitam

Sanskrit only: no published translation is held for this verse.

अपुत्रस्य गतिर्नास्ति स्वर्गे नैव च नैव च । येनकेनाप्युपायेन पुत्रस्य जननं चरेत्

aputrasya gatirnāsti svarge naiva ca naiva ca | yenakenāpyupāyena putrasya jananaṃ caret

Sanskrit only: no published translation is held for this verse.

इति वाक्यं तु संस्मर्य्य ह्यागतस्तव सन्निधौ

iti vākyaṃ tu saṃsmaryya hyāgatastava sannidhau

Sanskrit only: no published translation is held for this verse.

गुरुरुवाच। गच्छ त्वं मुनिशार्दूल यत्र साभ्रमती नदी । तत्र गत्वा मुनिश्रेष्ठ पुत्रान्वै प्राप्स्यसे ध्रुवम्

gururuvāca| gaccha tvaṃ muniśārdūla yatra sābhramatī nadī | tatra gatvā muniśreṣṭha putrānvai prāpsyase dhruvam

Sanskrit only: no published translation is held for this verse.

तद्वाक्यं तु समाकर्ण्य नमस्कृत्वा तु दंडवत् । स गतो विप्रराजस्तु नदीं साभ्रमतीं प्रति

tadvākyaṃ tu samākarṇya namaskṛtvā tu daṃḍavat | sa gato viprarājastu nadīṃ sābhramatīṃ prati

Sanskrit only: no published translation is held for this verse.

मंकिनामा तु विप्रर्षिस्तत्र गत्वा तपो महत् । अतप्यत तदा देवि यावद्वर्षचतुष्टयम्

maṃkināmā tu viprarṣistatra gatvā tapo mahat | atapyata tadā devi yāvadvarṣacatuṣṭayam

Sanskrit only: no published translation is held for this verse.

यत्र तीर्थं कृतं तेन मंकिना ब्रह्मवादिना । त्रेतायुगे तदा देवि तदा तीर्थं महाद्भुतम्

yatra tīrthaṃ kṛtaṃ tena maṃkinā brahmavādinā | tretāyuge tadā devi tadā tīrthaṃ mahādbhutam

Sanskrit only: no published translation is held for this verse.

जातं तत्र न संदेहः पुत्रदं सार्वकामिकम् । अद्यापि मंकितीर्थाभं न भूतं न भविष्यति

jātaṃ tatra na saṃdehaḥ putradaṃ sārvakāmikam | adyāpi maṃkitīrthābhaṃ na bhūtaṃ na bhaviṣyati

Sanskrit only: no published translation is held for this verse.

स वै द्विजवरो मंकिः पुत्रान्प्राप्य यथासुखम् । भोगान्नानाविधान्भुक्त्वा स गतो मंदिरं मम

sa vai dvijavaro maṃkiḥ putrānprāpya yathāsukham | bhogānnānāvidhānbhuktvā sa gato maṃdiraṃ mama

Sanskrit only: no published translation is held for this verse.

एतदाख्यानकं दिव्यं पवित्रं परमं महत् । पुत्रसौख्यादिकं सर्वं लभते श्रवणादतः

etadākhyānakaṃ divyaṃ pavitraṃ paramaṃ mahat | putrasaukhyādikaṃ sarvaṃ labhate śravaṇādataḥ

Sanskrit only: no published translation is held for this verse.

इति श्रीपाद्मे महापुराणे पंचापंचाशत्साहस्र्यां संहितायामुत्तरखंडे उमामहेश्वरसंवादे सप्तधारतीर्थमहिमानाम त्रिचत्वारिंशदधिकशततमोऽध्यायः

iti śrīpādme mahāpurāṇe paṃcāpaṃcāśatsāhasryāṃ saṃhitāyāmuttarakhaṃḍe umāmaheśvarasaṃvāde saptadhāratīrthamahimānāma tricatvāriṃśadadhikaśatatamo'dhyāyaḥ

Sanskrit only: no published translation is held for this verse.